וואו קומט מען אן מיט "טראכטן"?

מחשבה, השקפה ועיון

Re: וואו קומט מען אן מיט "טראכטן"?

הודעהדורך ליטוואק פון בודאפעסט » זונטאג אוגוסט 23, 2015 6:18 am

יענער איז אנטלאפען איידער מ'האט געשמועסט ערנסט.
אז דו מיינסט ישכר כ''ץ (כפי תקנת השטיבל דארף ער א ראביי?) איז דער געלונגענער, גלייב איך פון זיין שרייבאכץ אז עפעס מענטשליך האט איהם יא געפעלט. פון לערנען חב''ד אינ'ם גרויסע סאטמארער ישיבה הייבט זיך עס אן. אנדערע דארפען מער אטענטשע''ן ווי א צווייטען און אין א ישיבה וואס איז געצילט פאר'ן תלמיד קען מען עס באמערקען און עפעס טוהן דערוועגען.
דער שכל קען אנערקענען איהר באגרעניצונגען און וויסען במופלא ממך וכו'. נאר איינער וואס האט נישט דער מענטשליכע בסיס צו בלייבען באקוועם אין זיין אמונה וועט פון קשיא'ס וועלען אלס אוועקווארפען. מיר שמעקט עס אזוי קלאר אויף שלום דין, זע'עדיג זיין לעכערליכע 'קשיא'ס' און אזוי אויך אויף אונזער שבת אחים.
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
חבר ותיק
חבר ותיק
 
הודעות: 8640
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 3009 מאל
האט שוין באקומען לייקס: 8094 מאל

הודעהדורך ריכטיג » זונטאג אוגוסט 23, 2015 8:22 am

ונבנתה העיר האט געשריבן:ס'שפעט, דער רבי קומט שוין באלד מאכן קולות אויף קאפיטל ק"ז.

אקעי, פיפעל, ליסטען אפ, וואס איז די פלאן? זאל יעדער חכם עתיק/אטיק טוהן וואס זיין שפיציגע איי קיו דיקטירט איהם יענע סעקונדע?

מוז מען דינען דעם שכל פשוט ווייל עפעס א בעסערע גיידליין האבן מיר נישט (אר דאנט ווי)?

ווייסט דאך אז רוב מענטשן האלטן אז זיי זענען קלוגער פון רוב מענטשן...

אין חב"ד איז דא א 'סאם זאפאזשניק' מעשה, א גוי איז ארומגעגאנגען זוכן א קונה פאר א גע'גנב'טע פאר תפילין, טרעפט איהם א איד און פרעגט פון וואו האסטו דאס? זאגט דער גוי: סאם זאפאזשניק - איך בין אליין דער שוסטער...

די מעשה מיטן צמח צדק - וואס האט געענטפערט פאר דער מיט ספיקות אין אמונה אז כל זמן די ספיקות שטערן איהם איז א סימן אז ער איז א מאמין - האסטו אויסגעלאזט.

לענייננו איך פארשטיי נישט דער ציהל דא און צו וועמען דער אשכול דארף זיין געווענדעט. אויב גלייבסטו אן טראכטן איז דאך דער שמועס נישט נוגע, אויב גלייבסטו אבער דו ווילסט אויך טראכטן איז דאך נישט מעגליך אז דיין מסקנא זאל זיין אנדערש, אויב ווילסטו בלויז גלייבן אין דיינע אייגענע מסקנות נאכן טראכטן איז וואס איז דיין פראבלעם צו לייקענען שמים אויב ס'עקזיסטירט נישט? וואס שטערט דיר?

אהא! נאכן לייקענען שמים שטערט דאס דיר פארט... עי' למעלה פונעם צמח צדק.
ס'אינטערסירט דא איינער בכלל? ניין ? או קעי ביי. (קרעדיט:@גראף)
באניצער אוואטאר
ריכטיג
חבר ותיק
חבר ותיק
 
הודעות: 2275
זיך רעגיסטרירט: דאנערשטאג יאנואר 31, 2013 7:11 pm
האט שוין געלייקט: 1803 מאל
האט שוין באקומען לייקס: 1791 מאל

הודעהדורך שמעקעדיג » זונטאג אוגוסט 23, 2015 11:43 am

ליטוואק פון בודאפעסט האט געשריבן:אבער אפשר האב איך אן עצה, גאר א ליטווישע'ן.
ער זאל זיך נעמען לערנען בעיון. נישט ענדיגען מסכתות, נישט פסקנ'ען שאלות און נישט חקר'ן גירסאות. נאר לערנען און גריבלען אין יעדער סברא, אין יעדער פשט יעדער ראיה און יעדער הנחה. זיין קאפ האט ער דערפילט מיט נאך תורה לעומקה, זיין געוויסען האט ער דערשטילט מיט'ן אריינגייען טיפער אינ'ם יסודות פון לעבען, זיין דארשט האט ער דערקוויקט מיט יעדען נייע דערהער וואס זיין קאפ האט אריינגענומען. און דער עיקר העיקרים, זיין באשעפער האט ער באקרוינט מיט חידושי תורה.

איך האב נעכטן געלייענט דעם תגובה און עס אפילו געלייקט, און נאכדעם געזען ווי דער עולם ווערט בייז און פארשטייט נישט,
איז לאמיך מסביר זיין וואס איך האב ארויסגענומען פון דעם תגובה און וועלכע חלק איך טראכט אז ס'מאכט סענס,

יעדער מענטש האט געוויסע תחומים אין לעבן וואס דאס אינטרעסירט אים. און אין אלגעמיין דארט וועט זיין קאפ ליגן, פון דעם וועט ער טראכטן א גאנצן טאג.
דער סייענטיסט ליגט אין זיין פעלד, דער ביזנעסמאן אין זיינס; דער דשורנאליסט אין די נייעס, דער חסידישער יונגערמאן פילעוועט אין א תפארת שלמה, און דער למדן אין א פני יהושע אדער ר' עקיבא איגר.

דאס איז יעדער מודה, אז א מענטש וואס האט צופיל איבריג צייט צו טראכטן, טויג נישט. ער קען טראכטן צופיל און צו ווייט און אנקומען ווי מען דארף נישט.
איז די פשוט'ע אלטע עצה (ער רופט עס ליטוויש, אבער ס'לאו דוקא), דער רמב"ם ברענגט שוין אין מחשבת עריות מתגברת אלא בלב פנוי מן החכמה,
ווייל אז א מענטש ליגט אין לערנען בעיון, און זיין מחשבה איז פארנומען צו פארענטפערן קושיות און סברות ראשונים ואחרונים, מעיקרא מאי קסבר ולבסוף, אויטאמאטיש איז דער מענטש ארומגענומען מיט מחשבות פון תורה, ער האט א סיפוק רוחני, און ער איז נישט פארנומען מיט פרעגן קשיות און "טראכטן", הגם מ'קען זאגן אז דער רצון ה' איז דייקא מען זאל יא טראכטן און נישט סתם לערנען תורה לשם מניעת הגיון, איז אבער די עצה פארט א גוטער מיטל פאר אסאך טראכטערס זיך צו קענען מתגבר זיין אויף זייערע געוויסנביסן.

אזוי האב איך פארשטאנען, און אויב בין איך זיך טועה קען מען מיר אויפקלערן.
וירח ה' את ריח הניחוח
באניצער אוואטאר
שמעקעדיג
חבר הכבוד
חבר הכבוד
 
הודעות: 15093
זיך רעגיסטרירט: דאנערשטאג אפריל 12, 2012 12:11 am
האט שוין געלייקט: 17796 מאל
האט שוין באקומען לייקס: 18096 מאל

Re: וואו קומט מען אן מיט "טראכטן"?

הודעהדורך ליטוואק פון בודאפעסט » זונטאג אוגוסט 23, 2015 12:14 pm

זאגסט גוט, נאר קרעדיט דערצו קען איך נישט נעמען. מיין שרייבאכץ איז מער פסיכאלאגיש און דיינס איז מער רוחניות'דיג, אבער דא טרעפען זיי זיך אינאיינעם.
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
חבר ותיק
חבר ותיק
 
הודעות: 8640
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 3009 מאל
האט שוין באקומען לייקס: 8094 מאל

הודעהדורך שש משזר » זונטאג אוגוסט 23, 2015 6:07 pm

שמעקעדיג האט געשריבן:
ליטוואק פון בודאפעסט האט געשריבן:אבער אפשר האב איך אן עצה, גאר א ליטווישע'ן.
ער זאל זיך נעמען לערנען בעיון. נישט ענדיגען מסכתות, נישט פסקנ'ען שאלות און נישט חקר'ן גירסאות. נאר לערנען און גריבלען אין יעדער סברא, אין יעדער פשט יעדער ראיה און יעדער הנחה. זיין קאפ האט ער דערפילט מיט נאך תורה לעומקה, זיין געוויסען האט ער דערשטילט מיט'ן אריינגייען טיפער אינ'ם יסודות פון לעבען, זיין דארשט האט ער דערקוויקט מיט יעדען נייע דערהער וואס זיין קאפ האט אריינגענומען. און דער עיקר העיקרים, זיין באשעפער האט ער באקרוינט מיט חידושי תורה.

איך האב נעכטן געלייענט דעם תגובה און עס אפילו געלייקט, און נאכדעם געזען ווי דער עולם ווערט בייז און פארשטייט נישט,
איז לאמיך מסביר זיין וואס איך האב ארויסגענומען פון דעם תגובה און וועלכע חלק איך טראכט אז ס'מאכט סענס,

יעדער מענטש האט געוויסע תחומים אין לעבן וואס דאס אינטרעסירט אים. און אין אלגעמיין דארט וועט זיין קאפ ליגן, פון דעם וועט ער טראכטן א גאנצן טאג.
דער סייענטיסט ליגט אין זיין פעלד, דער ביזנעסמאן אין זיינס; דער דשורנאליסט אין די נייעס, דער חסידישער יונגערמאן פילעוועט אין א תפארת שלמה, און דער למדן אין א פני יהושע אדער ר' עקיבא איגר.

דאס איז יעדער מודה, אז א מענטש וואס האט צופיל איבריג צייט צו טראכטן, טויג נישט. ער קען טראכטן צופיל און צו ווייט און אנקומען ווי מען דארף נישט.
איז די פשוט'ע אלטע עצה (ער רופט עס ליטוויש, אבער ס'לאו דוקא), דער רמב"ם ברענגט שוין אין מחשבת עריות מתגברת אלא בלב פנוי מן החכמה,
ווייל אז א מענטש ליגט אין לערנען בעיון, און זיין מחשבה איז פארנומען צו פארענטפערן קושיות און סברות ראשונים ואחרונים, מעיקרא מאי קסבר ולבסוף, אויטאמאטיש איז דער מענטש ארומגענומען מיט מחשבות פון תורה, ער האט א סיפוק רוחני, און ער איז נישט פארנומען מיט פרעגן קשיות און "טראכטן", הגם מ'קען זאגן אז דער רצון ה' איז דייקא מען זאל יא טראכטן און נישט סתם לערנען תורה לשם מניעת הגיון, איז אבער די עצה פארט א גוטער מיטל פאר אסאך טראכטערס זיך צו קענען מתגבר זיין אויף זייערע געוויסנביסן.

אזוי האב איך פארשטאנען, און אויב בין איך זיך טועה קען מען מיר אויפקלערן.

האסט געזאגט גאנץ גוט, אבער דער ליטוואק האט דאס נישט געזאגט. לשיטתו, אפילו מען איז שוין אנגעקראכן מיט חקירות און ספיקות וועט מען פטור ווערן פון דעם אלעם דורך לערנען בעיון. גיי פארשטיי זיינע ווערטער.

דאס וואס דו שרייבסט, איז אויך נאר גוט אויב מען לערנט איידער'ן אנהייבן חקרנ'ען,אבער איינמאל מ'האט שוין טועם געווען פונעם עץ הדעת איז שווער צו גלייבן אז דורכן עץ החיים קען מען פטור ווערן פונעם עץ הדעת. דער פאקט אז עפעס גראבט און נאגט אים בחקירות במציאות ה' וכדומה, גייט זיך נישט אפשטילן אדער אפשטעלן דורכן הארעווען בעיון במחשבה בדיבור ובמעשה אין סוגיות הש"ס וכדומה. און אזויווי כ'האב שוין צוגעצייכנט אויבן, אז כ'קען גרויסע בעלי עמקנים ולומדים מופלגים וואס זייערע ספיקות האבן זיך נישט אויפגעהערט, וסופם...

סך הכל שמעקעדיג, זאגסטו אז דער פאקט אז זיין מח איז פארנומען לאזט אים נישט טראכטן פון וואס ער דארף נישט צו טראכטן. אי משום הא, זאג אים ער זאל זיין א פלאמער אדער עלעקטרישאן, ביזי א גאנצע טאג, זיין קאפ זאל שטענדיג זיין פארנומען מיט עפעס אנדערש ווי חקירות אין 'שמים'דיגע ענינים'. אויב האלסטו אז דאס איז דער ריכטיגער ענטפער, זאל דיר וואויל באקומען.
באניצער אוואטאר
שש משזר
חבר ותיק
חבר ותיק
 
הודעות: 3334
זיך רעגיסטרירט: מאנטאג מערץ 30, 2015 11:55 pm
געפינט זיך: צווישן די הרי חושך און הר ההר.
האט שוין געלייקט: 6774 מאל
האט שוין באקומען לייקס: 15477 מאל

הודעהדורך געפילטע פיש » זונטאג אוגוסט 23, 2015 6:18 pm

דער וואס לאזט זיך ארויס טראכטן בשעת ער ווייסט וואס זיין ציל איז און וואו ער וויל אנקומען מיטן טראכטן, קומט מיר פאר ווי איינער וואס לאזט זיך ארויס זוכן א ווייב, אבער ווייסט גענוי מיט וועם ער וויל חתונה האבן. דאס איז נישט געטראכט, און נישט געזוכט, דאס איז זיך אויסגעשלאסן פון אלע אנדערע מהלכים\פרויען, ביים פראבירן משיג צו זיין איין געוויסע מהלך\פרוי.

די טענה אז אויב הויבט מען אן לאכן פונעם שריים, קען מען אנקומען צו לאכן פון שמיים, איז א טיפיקעל "סליפערי סלאופ" ארגומענט. כ'האב געהאט א משגיח אין ישיבה וואס האט געזאגט אז א בחור וואס גייט שווימען זעט ער נישט וויאזוי זיינע אייניקלעך וועלן בכלל זיין אידן. לכאורה וואלט איך זיך געדארפט צוריק האלטן פון גיין שווימען אויך, פונקט ווי זיך צוריק האלטן פון אפלאכן דאס עסן איבערגעבליבענע קוגל פון א גראבן פאץ'ס טעלער.

דאס אמונה וואס מאנכע מאמינים האבן אז טראכטן צו סאך קען גורם זיין כפירה איז אליינס א שטיקל כפירה. ס'הייסט אז טראכטן לאגיש = כפירה, קומט אויס אז אמונה = טראכטן אומלאגיש, אדער נישט טראכטן בכלל. מיר גלייבן אז די תורה איז געגעבן געווארן פאר מענטשן בשר ודם, נישט פאר מלאכי השרת, קומט אויס אז מיט אונזער לאגיק, מענטשליכע לאגיק, אויב טראכט מען עד הסוף, מוז מען אנקעומען צום ריכטיגן אמונה. ודרשת וחקרת היטב קען נישט מיינען אז דיין לאגיק ארבעט אנדערש ווי די תורה'ס לאגיק, ממילא קען נישט זיין קיין סכנה פון עכטע ערענסטע טראכטן. כנלע"ד.
געפילטע פיש
חבר ותיק
חבר ותיק
 
הודעות: 6940
זיך רעגיסטרירט: מיטוואך פעברואר 29, 2012 11:16 am
האט שוין געלייקט: 5479 מאל
האט שוין באקומען לייקס: 7477 מאל

Re: וואו קומט מען אן מיט "טראכטן"?

הודעהדורך ליטוואק פון בודאפעסט » זונטאג אוגוסט 23, 2015 8:37 pm

דער אשכול האט אנגעהויבען ביי א מענטש וואס הייבט אן. ער ווייסט נישט וואס אבער עפעס וועגען 'שיריים' שטערט איהם. ער וויל אריינטראכטען, קומט א קלוגער מענטש איהם אנטקעגען און זאגט איהם 'היט זיך! דו גליטשסט יעצט ביז צו שלום דין!' שטעלט זיך די פראגע - וואס זאל ער טוהן? ווי קען מען אזא מענטש העלפען?
אויף דעם האב איך און שמעקעדיג גע'ענטפערט. נאך דעם וואס ער איז שוין אריין אין קשיא'ס, און נישט פון חכמה נאר פון ווייטאג, איז עס אן אנדערע מציאות. מיין רבי זז''ג האלט נאך היינט אז לערנען און מאכען באקוועם אין לערנען איז דער איינציגסטע וועג. אפשר וועט עס העלפען, אפשר נישט. אבער אין אנהייב, דוכט זיך, איז דאס א וועג ארומצודרייען די פראבלעם און אויפבויען א מענטש. טאמער צום סוף קומט ער אן אין חקירה, איז עס עכ''פ נישט פון ווייטאג
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
חבר ותיק
חבר ותיק
 
הודעות: 8640
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 3009 מאל
האט שוין באקומען לייקס: 8094 מאל

הודעהדורך אחד העם » דאנערשטאג דעצעמבער 24, 2015 11:19 am

סקען זיין, אז חברים דא האבן שוין אנגעמערקט וואס איך גיי זאגען, כ'גיי אבער נישט מדייק זיין, טעגן און לינקען, איך בין שוואך, כהאב נישט די כוחות פאר דעם.
איינמאל איינס איז, אז דער גאנצער פזמון איז א פארדרוסליכער טעות, און עס איז גאר פונקט פארקערט "מתחיל בשמים ומסתיים בשיריים".
אקעי, איך האב שוין פארדרייט די יוצרות און וואס איז יעצט?
די ערשטע הנחה, איז קבוע כמסמרים, אז מחשבה וחכמה בכדי להגיע לידי מעשה איז קיין מחשבה נישט. אויב איינער וויל טראכטען כדי צוקומען צו א געוויסע סטאטוס, א געוויסע מהלך מעשי, איז גוט אין גיהינום.
מען דארף קענען אנקומען לידי מעשה, אפילו די מח איז נאך לער, אדער בלייבען אפילו די מח ווירבעלט ווילד. או.טו.די. דארף מען קענען גיין אפילו מען קען נישט גארנישט, און מען האט נישט קיין פראג. און מען דארף קענען בלייבען און די סירקעלס, אפילו ווען מען איז שוין אנגעפיקעוועט.
דאס אז א או.טו.די. דארף זיך אפיציעל ערקלערן אז פון די פעמפערס האט ער שוין געהאט פראגען און שאלות אויף נהמי דכסיפין, און אז ער האט שוין פוגם געווען מרחם אימו, איז א טעות. און דאס אז איינער בלייבט גלויביג, און אין די מצב וואס ער איז, מוז בעל כרחך זיין איינער וואס זיין מח איז אים לער, איז א טעות. בא מישהו ובילבל את הכל.
מען קען זיך דערקלרען או.טו.די. סתם ווייל סשמעקט מיר, עס ציעט מיר אן קיין באזונדערע אינטלעקטולע רעכענונגען. און מען קען בלייבען גלויביג, אויך אן קיין אינטלעקטולע רעכענונגען. אויפגעהערט מיט דאס דן זיין אויפן חיצוניות'דיגען חלק המעשי און סטאטוס וואס א מענטש גיבט זיך ארויס.
איך קען יידן מיט נאסע מקווה פיאות, וואס קענען זיצן שבת צופרי מיט צועפנטע ספרי מחשבה, מיט פארגלאצטע אויגען צום הימל, און זייערע מחשבות פירט זיי עד הסוף. און איך קען יידן וואס קענען זיצן שבת צופרי מיט צועפנטע לעפטאפס און טוויטען, אן קיין זיז כלשהו פון אינטלעקטואליזם.
וואס זאל איך זאגען, אז די פוילישע מהלך, און נקודת מבט אויף פסוקי התורה, האבן מיר נישט געברענגט מחשבות פון בקורת המקרא? סהאט מיר יא!
וואס זאל איך זאגען, אז אחד העם'ס שטיקל אויף משה האט מיר נישט געברענגט צו א געוויסע אמונה אין משה, מער וואס די גלויביגע האבן? סהאט יא!
וואס זאל איך זאגען, אז ווען איך זיץ איבער צועפנטע ספרי התלמוד והלכה, איז דער פיוט המתמיד פון ביאליק'ן צינד מיר נישט אן די פייער פון התמדה און אהבת התורה, מער ווי עפעס א ישיביש ווערטל פון ווייסעכוועם? סטוט יא!
וואס זאל איך זאגען, א גוט שטיקל פראגע אויף חז"ל פינעם חזון איש, האבן נישט מינעמזירט ביי מיר די אמונה אין חז"ל? סהאט יא!
וואס זאל איך זאגען, האט נישט די רמב"ם [ יעצט מיט א ציטערדיגען טאן פון א מוסר'ניק ] צו ווארפען אלע נאעיווע יסודות אין מיר? סהאט יא!
נאר וואס דען, אמונה מעשי, איז אין מיינע אויגען א שפיל, גוט פאר דראמאטאציע, און געטליכע עקספריענס.
איך האב ביי מיר אין דרעפטס אפגעשריבען גאנצע מגילות און פאעזיעס איבער די נקודה וואס איך גיי יעצט אנרירען.
מיין תאווה איז צו לעבן א צופליקט לעבן, א צוריסען הארץ. איך אינדענטפציר זיך מיטן קאצק'ער, א פיס אין גנזי מרומים, א פיס אין מבואות האפילות, אבער ווייטער נישט באופן מעשי. מיין שפיגל איז די שקיעה. מיינע העלדן זענען די וואס האבן קיינמאל געלעבט א חיים טובים און געווען צופרידען מיט זייער סטאטוס. אינעם זעלבן ווינקל וואו חיים גראדע מיט ביאליק זיצן אין מיר, טאקע דארט, ווילדעוועט דער קאצקער, און דער איזשביצער גלעט. ביי מיר האט דאס לעבן א פראדאקסאלער פאעטישער משמעות. יא איך וויין פון א שטיקל ביאליק, און איך וויין פון א שטיקל ליקוטי תורה איבער מלכות אלוקי. און איך וועל און איך וויל נישט זיך אוועק שטעלן און זיך מסדר זיין, זיך דערקלערן, זיך אינדענטיפעצירן. איך וועל און איך וויל אלעמאל בלייבען א פארהוילענער גייסט, מיך אליינס נישט קענען משיג זיין.
און דער שאלה אין דער ווירקליכקייט איז, וואו קומט מען אן מיטן טראכטען הויעך...
רעדאגירט געווארן צום לעצט דורך אחד העם אום דאנערשטאג דעצעמבער 24, 2015 12:36 pm, רעדאגירט געווארן איין מאל בסך הכל.
באניצער אוואטאר
אחד העם
ידיד ותיק
ידיד ותיק
 
הודעות: 697
זיך רעגיסטרירט: דאנערשטאג אוגוסט 22, 2013 3:44 pm
האט שוין געלייקט: 684 מאל
האט שוין באקומען לייקס: 827 מאל

הודעהדורך אחד העם » דאנערשטאג דעצעמבער 24, 2015 11:21 am

ס'שימעלט מיר שוין אין דרעפט שוין ווייסעך ווי לאנג, איך ווייס נישט פונקט פארוואס.
שוין צייט פאר א שטיקל דרעפט קלין אופ.
באניצער אוואטאר
אחד העם
ידיד ותיק
ידיד ותיק
 
הודעות: 697
זיך רעגיסטרירט: דאנערשטאג אוגוסט 22, 2013 3:44 pm
האט שוין געלייקט: 684 מאל
האט שוין באקומען לייקס: 827 מאל

הודעהדורך שש משזר » דאנערשטאג דעצעמבער 24, 2015 12:17 pm

@אחד העם, ביזטו תופס מחשבות? האסטו געליינט מיין הארץ און עס ארויפגעלייגט אלס 'דיין תגובה'?

איך אידענטיפיציר זיך מיט כמעט אלע דיינע פונקטן [למעט די סוף: 'איך וועל און איך וויל זיך נישט אוועקשטעלן' וכו'. דארט האלט איך כלפי מיר, אז כ'וועל נישט, אבער כ'וויל, אוי ווי שטארק כ'וויל האבן שלוות הנפש. ס'איז אבער אוממעגליך אויב מ'זוכט די אמת, ווי ווייטאגליך ס'זאל זיין און וואספארא פרייז ס'זאל קאסטן].

און ממש כדבריך, כ'געדענק אלס בחור זייענדיג א פארליבטער אינעם קאצקער, בעיקר צוליב זיין סטעיטמענט אז ער איז מיט איין פיס אין די שבע רקיעים און מיט די אנדערע פיס אין שאול תחתית. אוי ווי כ'האמיך אידענטיפיצירט דערמיט, עד היום הזה. [כ'האב אנאלטער חלום צו באשרייבן דעם קאצקער פון די שטאנדפונקט].

איבעריגס, ייש"כ פארן ארויסברענגען מיינע אינערליכע הרגשים. און אין איינוועגס, מז"ט פארן ענדיגן די לאנגע שמועס מיטן רש"ב און אנהייבן רעדן מיט הרב קוק.
באניצער אוואטאר
שש משזר
חבר ותיק
חבר ותיק
 
הודעות: 3334
זיך רעגיסטרירט: מאנטאג מערץ 30, 2015 11:55 pm
געפינט זיך: צווישן די הרי חושך און הר ההר.
האט שוין געלייקט: 6774 מאל
האט שוין באקומען לייקס: 15477 מאל

הודעהדורך ריכטיג » דאנערשטאג דעצעמבער 24, 2015 12:54 pm

שש,.טויש דיין 'געפינט זיך' צום קאצקער ווארט.
ס'אינטערסירט דא איינער בכלל? ניין ? או קעי ביי. (קרעדיט:@גראף)
באניצער אוואטאר
ריכטיג
חבר ותיק
חבר ותיק
 
הודעות: 2275
זיך רעגיסטרירט: דאנערשטאג יאנואר 31, 2013 7:11 pm
האט שוין געלייקט: 1803 מאל
האט שוין באקומען לייקס: 1791 מאל

הודעהדורך אחד העם » דאנערשטאג דעצעמבער 24, 2015 6:34 pm

שש, די וויכוח מיט'ן רש"ב גייט נאך אן, סאיז נאר געווארן העכער פון אותיות...
די מושג גייט זייער ווייט און טיף, אסאך פראגען און פראבלעמען ווערן געלעזט מיט דעם.
באניצער אוואטאר
אחד העם
ידיד ותיק
ידיד ותיק
 
הודעות: 697
זיך רעגיסטרירט: דאנערשטאג אוגוסט 22, 2013 3:44 pm
האט שוין געלייקט: 684 מאל
האט שוין באקומען לייקס: 827 מאל

פריערדיגע

גיי צוריק העמק דבר

ווער איז יעצט דא?

באניצער וואס לייענען דעם פארום: נישטא קיין אנליין באניצער און איין גאסט