לאז אפ חקירה, לאמיר גלייבן מיט אמונה פשוטה

מחשבה, השקפה ועיון

הודעהדורך זוכער » דינסטאג אוגוסט 29, 2017 12:25 pm

moshav zekeinim האט געשריבן:איינשטיין, שפינאזא, און די בודהיסטן ודומיהם גלייבן אויך אין א אלוהי השלימות, נאר זיי "פארגעטערן" נישט גאט. אזוי ווי מען קען פארגעטערן (הערצה והתפעלות יתירה) יעדער זאך, אזוי ווי א רבי, זינגער, מראה, וכו' קען מען פארגעטערן גאט.


שפינאזא'ס גלויבונג איז גאט איז חלק פון די בריאה, ווייל גארנישט קען נישט זיין אויסער די בריאה. די בריאה אנטהאלט א גאט, און גאט אליין איז אויך געבונדן צום נאטור. דאס אז גאט איז העכער נאטור האט ער נישט אקצעפטירט. ממילא האט ער נישט געקענט האלטן פון קיין אלוהי השלימות, נאר פון סובסטאנציטעט אין נאטור וואס דאס איז גאט. גאט איז נאטור'ס פלאטפארמע. נישט פארקערט.
Please do not LIKE me!
I'm here to say the hard truth / not to accumulate "likes"
זוכער
ידיד השטיבל
ידיד השטיבל
 
הודעות: 267
זיך רעגיסטרירט: דינסטאג פעברואר 11, 2014 4:03 pm
האט שוין געלייקט: 5 מאל
האט שוין באקומען לייקס: 122 מאל

הודעהדורך berlbalaguleh » דינסטאג אוגוסט 29, 2017 5:03 pm

די פראבלעם מיט ברוך שפינאזא'ס טעזע איז אז ער האט גענומען א רעזולטאט, א פרוף, אן הוכחה און דאס געמאכט פאר אן עיקר. און דעם מסבב געמאכט פאר אן אונטערטאן צו דעם מציאות...!

נאר חוץ זיין פארגעטערונג פון'ם יוזל (די עיקר סיבה פארוואס מ'האט איהם געלייגט אין חרם.) איז ער געווען א גרויס רחמנות. ער האט עס נעבעך געמיינט ערנסט. ווייל רוב משומדים אין די אידישע היסטאריע האבן זיך געשמד'ט צוליעב עקאנאמישע סיבות. אז זיי זאללן קענען דערגרייכן א הויעכע פאזיציע אין אקאדעמיע.אדער אין די וועלט פון ביזנעס. און ער איז נעבעך געשטארבן (געפגר'ט) אן ארימער , איינזאמער, עלענדער שלעפער אינ'ם אידישן געטא אין אמסטערדאם...!
באניצער אוואטאר
berlbalaguleh
חבר הכבוד
חבר הכבוד
 
הודעות: 13071
זיך רעגיסטרירט: דינסטאג יולי 17, 2012 12:57 pm
האט שוין געלייקט: 14468 מאל
האט שוין באקומען לייקס: 8321 מאל

הודעהדורך אישתישבי » מיטוואך אוגוסט 30, 2017 8:32 am

ר' בערל,

איר זענט דאך אזא בעל רחמנות, מען קען אזש פגר'ן פין אייער רחמנות.
ותאמרנה הבנות, הכי קראת שמו ספייקי, ויספקני זה פעמיים, באחוריים.
מקור
אישתישבי
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1730
זיך רעגיסטרירט: מיטוואך מערץ 09, 2016 12:19 am
האט שוין געלייקט: 74 מאל
האט שוין באקומען לייקס: 915 מאל

הודעהדורך berlbalaguleh » מיטוואך אוגוסט 30, 2017 4:41 pm

אישתישבי:... :D :) :lol: :like ...דו האסט מיך געמאכט אזוי שטארק לאכן אז איך בין שיער נישט אראפגעפאללן פון מיין בענקל...!
באניצער אוואטאר
berlbalaguleh
חבר הכבוד
חבר הכבוד
 
הודעות: 13071
זיך רעגיסטרירט: דינסטאג יולי 17, 2012 12:57 pm
האט שוין געלייקט: 14468 מאל
האט שוין באקומען לייקס: 8321 מאל

לאז אפ חקירה, לאמיר גלייבן מיט אמונה פשוטה

הודעהדורך מי אני » זונטאג פעברואר 24, 2019 4:46 pm

איך בין נישט ממש זיכער אויב דאס איז דאס ריכטיגע אשכול דערפאר, אבער א שייכות האט עס זיכער.

דער וועג וויאזוי איך האב אלס פארשטאנען די היינטיגע חסידישע ערציאונג און פילאזאפיע/טעאלאגיע בנוגע אמונה, בפרט אמונה פשוטה, איז אז עניני רוחניים זענען אלע למעלה מהשגה. אין אנדערע ווערטער, אז ווען ס׳קומט צו עניני יהדות וואס ביי די חסידים איז דאגמע, למשל דאס אמת פון דברי חז״ל אפילו אין עניני מדע ווען ס׳איז בניגוד צום אנגענומענעם פאקט (איך ווייס איך ווייס, דלא ככמה ראשונים, וכבר האריך הרב דר. נתן סליפקין בזה הרבה), דעמאלטס פאר א ריכטיגע (דורכגעווייקטע) חסיד א בר דעת ׳עט זיין צוויי אמת׳ע מציאות׳ן.

להסביר, לאמיר מאכן א(ן עקסטרעמע) thought experiment. לאמיר זאגן אז ס׳דא א גמרא וואס זאגט בפירוש אז 12:00 pm אין ב״פ דעם און דעם טאג איז שטאק נאכט. און לאמיר זאגן אז אלע ראשונים (וואס זענען אנגענומען ביי חסידים) זאגן אז די גמרא איז כפשוטו ממש. יעצט גייט ארויס אן אמת׳ע חסידישע איד (נישט א קאפ אין וואנט טיפ; א בר דעת) און זעהט אז ניין, ס׳איז העל טאג. וואס גייט דער חסידישע איד טראכטן? וויאזוי גייט ער רעקאנסיילען זיין גלויבונג מיט׳ן פאקט וואס ער זעט?

לדעתי, וועט ער טראכטן (אננעמענדיג אז ער׳ז אן עכטע ווארימע גלויביגער חסידישע איד וכנ״ל) אז ביידע זענען אמת. דהיינו, אז הגם ער לייקנט נישט דעם פאקט אז יעצט איז טאג, גלייבט ער אויך אז אויף עפעס א וועלט [די פילאזאפישע אפטייטש פון דעם טערמין ״וועלט״], אדער אפשר גאר אינ׳ם זעלבן וועלט, איז נאכט. אז ביידע זענען כולם אמת לגמרי, קאי וקיים. אין אנדערע ווערטער, ער ניצט די פרינציפ פון דייעלעטיאיזם אין לאגיק (אפשר גאר טריוויאליזם), עכ״פ להשוות הסתירות בעניני אמונה/יהדות ומציאות (ועיין ערך פארא-קאנסיסטענט לאגיק).

וויאזוי איך בין אויפגעצויגן געווארן (עכ״פ וויאזוי איך האב פארשטאנען מיין חינוך. קען זיין איך האב נישט גוט פארשטאנען...) איז דאס די אונטערליגנדע פרינציפ אין אמונה ויהדות וויאזוי אונז ווע׳מיר אויפגעצויגן. וויפיל מאל הא׳מיר אונז געהערט די אויסדרוק ביי דרשות וכו׳ (מיט פארגלייצטע אויגן...) ״אונז הא׳מיר נישט קיין איינונג/השגההההההה...״? איז דאס נישט וויאזוי אונז פארשטייען די אפט דערהערטע אויסדרוק אין די ענינים, ״העכערע ענינים״? דאס איז דאך וויאזוי זיי טייטשן אפ (עירובין יג: וגיטין ו:) אלו ואלו דברי אלקים חיים (איך ווייס וואס רש״י זאגט דערויף אין כתובות נז.). דהיינו, אז אין עניני תורה אמונה ויהדות קענען ביידע, דבר והיפוכו, זיין אמת simultaneously. דאס איז וויאזוי איך האב פארשטאנען און מקבל געווען די מאמר וואס איך האב נאכגעהערט בשם דעם דברי חיים זצ״ל, אז אביי ורבא זענען געווען אראפגעקומענע פייערס פון הימל.

דעריבער, איז עס מיר אלס געווען א חידוש/אינטרעסאנט ווי די חסידישע געמיינדע איז אזוי אנטי-מדע ווען עס (זעהט אויס ווי עס) איז קעגן פשטות התורה. לפי הנ״ל איז דאך נישט דא קיין שום סתירה פון קיין שום נושא אין מדע צו תורה (מ׳קען עס באטראכטן ווי גאולד׳ס נאמ״א פרינציפ במלוא מובן המלה. הגם, כמובן, אז נישט דאס האט ער געמיינט בכלל).

הגם די מהלך מאכט אוועק איינע פון די עקרי כללי הגיון/לאגיק, דאס געזעץ פון נאן-קאנטרידיקשאן, איז דאס לענ״ד נישט די עיקר שוואכקייט פון די מהלך. להסביר, די טענה, וואס איז שוין אסאך מאל ערווענט געווארן דא אין שטיבל, איז אז אויב הבנת ושמירת התורה והמצוות איז נישט געבינדן אין לאגיק, איז אויב אזוי מאן יימר אז (למשל) לא תגנוב מיינט נישט גנב׳נען אפשר פונקט דאס פארקערטע אאו״ו. אויף דעם קען מען ענטפערן, אז אונז גלייבן מיר אז הגם בעצם איז נישט פיזיש/מענטשליך מעגליך צו פארשטיין די תורה וכו׳ לאמיתה, ווייל עס איז בעצם נישט געבינדן צו כללי הגיון/לאגיק וכנ״ל, איז אבער די אינפיניטעסימילע קליינע חלק וואס [זעהט אונז אויס אז] אונז פארשטייען מיר יא, און עס [זעהט אונז אויס ווי עס] פארלאנגט פון אונז עפעס, זענען מיר מחוייב צו טוהן (א קנייטש אין דעם רעיון פון לא ניתנו תורה למלאכי השרת). דאס איז ענדליך צו דאס וואס מ׳פארשטייט אז פון א חסיד׳ס אויסקוק אפילו מען/ער פסק׳נט ווי איין תנא וכו׳ מאכט דאס נישט אוועק דעם אנדערן מ״ד׳ס שיטה קיין כי הוא זה; עכ״כ אז ער׳ט נאך אלס זאגן אז דעם אנדערן מ״ד׳ס דעה/שיטה איז אמת לאמיתו (דעם פרינציפ, לשון מושאל, פון אלו ואלו דברי אלקים חיים וכנ״ל).

איך פארשטיי אז אויף אט די הנחה אליין קען מען פרעגן, מאן יימר? דעריבער האב איך מקדים געווען אז די חסידים ״גלייבן״ דאס; פונ׳ם זעלבן מקור ווי דעם אז מ׳גלייבט אז וואס די תורה, גמרא וכו׳ זאגט איז אמת הגם מ׳איז מודה, און טאקע מודה, אז די פאקט, די אמת וואס מיר זעהן, איז פונקט פארקערט. ווי אויך איז פארשטענדליך אז פאר יעדער גלויביגער וואס גייט שוין יא מיט די מהלך, גייען זיין גדרים ווי ווייט מ׳נעמט די השקפה. איינער גייט דאס נעמען ביז די ראשונים, א צווייטער ביז די אחרונים, און א דריטער אזש ביז צו די היינטיגע וכו׳ (ס׳איז איראניש אז מ׳קען דאס ניצן אויף די עצם חקירה ספרים אליין...).

נאר די עיקר שוואכקייט פון די מהלך איז הוא הוא. וויבאלד די סארט אמונה איז (כמעט, ואפשר לגמרי) נישט תלוי אין לאגיק און איז שטארק רפוי פון א ראציאנאלן שטאנדפונקט, קומט אויס אז עס איז נאר תלוי אין געפיל. (און אנדערע ווערטער, די איינציגסטע סיבה אז איינער גלייבט אין די השקפה אויף יהדות איז אך ורק ווייל ער איז אזוי קאנדישינד געווארן מנעוריו/ה; קלעסיקל קאנדישינינג. מיט, ווי נישט, כסדר׳דיגע אופעראנט ריאינפארסמענטס ואכמ״ל.) אויב אזוי איז אויב איינער, מאיזה סיבה שהוא, האט נישט (צו ווייל ער האט מעולם נישט געהאט, צו ווייל ער האט דאס פארלוירן) דעם געפיל איז זיין אמונה בתורה/חז״ל, עפ״י די השקפה (לדעתי) פון היינטיגע חסידים, שטארק רופף (באמערקטס אז איך זאג אמונה בתורה/חז״ל, נישט אמונה בה׳, ופשוט הוא ואכמ״ל).

איך זאג אויסדריקליך נישט אז דאס איז דאס ריכטיגע טעאלאגישע אפטייטש פון/אין יהדות. נאר אז לענ״ד, און אין מיין (אפטייטש פון מיין) חינוך און עקספיריענס, איז דאס וויאזוי איך/אונז בין/זענען אויפגעצויגן געווארן. דאס איז וויאזוי איך פארשטיי/האב פארשטאנען דאס מושג פון אמונה פשוטה עפ״י די אפטייטש פון די חסידישע השקפה (היינט צוטאגס). (קען אויך זיין אז די חינוך וואס ציט אויף מיט וואס איז מיר משמע אלס די אויבן ערווענטע השקפה/פילאזאפיע/טעאלאגיע, איז שלא במכוון.) ווי אויך איז פארשטענדליך אז דאס איז נאר בקיצור נמרץ אן אפטייטש אין די השקפה, ויש להאריך בזה טובא (איך ווייס אז איך האב מאריך געווען עז איז). איך האף אז איך האב מיך גענוג קלאר ארויסגעברענגט.


Sent from my iPhone using Tapatalk
מי אני
ידיד השטיבל
ידיד השטיבל
 
הודעות: 251
זיך רעגיסטרירט: פרייטאג אקטאבער 05, 2018 4:32 pm
האט שוין געלייקט: 1589 מאל
האט שוין באקומען לייקס: 142 מאל

הודעהדורך רביה''ק זי''ע » זונטאג פעברואר 24, 2019 8:29 pm

די מהלך האט נאר איין פראבלעם, ס'איז פשוט נישט אמת, ס'האט נישט קיין שום מקור אין חז"ל.
באניצער אוואטאר
רביה''ק זי''ע
חבר ותיק
חבר ותיק
 
הודעות: 2455
זיך רעגיסטרירט: דאנערשטאג פעברואר 15, 2018 9:46 pm
האט שוין געלייקט: 2315 מאל
האט שוין באקומען לייקס: 1488 מאל

לאז אפ חקירה, לאמיר גלייבן מיט אמונה פשוטה

הודעהדורך מי אני » זונטאג פעברואר 24, 2019 10:07 pm

גערעכט. די מהלך האט אסאך מער פון ״נאר איין פראבלעם״.

בנוגע אייער טענה, לויט דעם מהלך קען מען זיך לכאורה אלס ארויסדרייען אז עני מהלך וואס ווערט שוין יא דערמאנט אין חז״ל (געדענק, אויב איז עס נישט מחייב אויף א למעשה׳דיגן פעולה׳דיגן פארנעם), און אפילו אויב די מהלך אליין וואלט דערמאנט געווארן, קען מען דאך אויף דעם אליין זאגן אז ס׳איז למעלה מהשגה און אלעס איז אמת אויף אמאל צונאזאם וכנ״ל. געדענק, ערגעץ מיז מען מאכן א גדר צווישן הגשמה און למעלה מהשגה.

אויך, ענדליך צו דעם וואס מען פארשטייט אז אין די תורה גופא טרעפט מען נישט קיין פרעצידענט צו וויאזוי דרשות חז״ל ארבעטן, נאר חז״ל האבן דאס אראפגעשטעלט און דאדורך אראפגעשטעלט אונזער בליק אויף די תושב״כ בכלל; עס פארהייליגט פי כמה. קען מען מיט דעם דאס אפשר נעמען א טריט ווייטער און זאגן אז די חסיד׳ישע ספרים און זייער mindset/underlying philosophy האט אראפגעשטעלט וויאזוי אונז באטראכטן און הייבן ארויס תושב״כ ותושבע״פ (עס איז משמע אז איר זענט יא מודה אז בעצם איז דאס די מהלך פון חסידים בימינו, נאר אז ס׳האט נישט קיין מקור בחז״ל וראשונים. ווי אויך ׳עט איר לכאורה מסכים זיין אז מ׳נוצט דעם מהלך להשוות סתירות להתורה למחצה לשליש ולרביע. די מהלך נעמט עס נאר די גאנצע וועג.)

געדענקט אויך אז דער וועג וויאזוי די אורטודוקסים אויף דערתורה.קאם ספראווען זיך להשוות אקאדעמישע קריטיסיזם פון די תורה צו אידישקייט וכו׳ איז אויך נישט ממש מקורם מחז״ל. אבער פונדענסטוועגן גלייב איך (pun intended) אז איר גיבט זייערע מהלכים לעגיטימעט. די פריער דערמאנטע מהלך איז פשוט נאך א מהלך וויאזוי משוה צו זיין סתירות פון מדע וכו׳ מיט די תורה. און איר וועט מודה זיין אז, עכ״פ אין גייסט, האט עס א מקור בחסידות.

דאס וואלט אפשר אויך געהאט א פלאץ אין אייער אשכול בנוגע אפאלאגעטיקס און אידישקייט; אן אייזערנע אשכול, איך האב שטארק הנאה געהאט.

Sent from my iPhone using Tapatalk
מי אני
ידיד השטיבל
ידיד השטיבל
 
הודעות: 251
זיך רעגיסטרירט: פרייטאג אקטאבער 05, 2018 4:32 pm
האט שוין געלייקט: 1589 מאל
האט שוין באקומען לייקס: 142 מאל

הודעהדורך רביה''ק זי''ע » זונטאג פעברואר 24, 2019 10:24 pm

חז"ל האבן קיינמאל נישט געטענהט אז זיי זענען למעלה פון סיי וועמענס השגה, גאנץ ש"ס איז געווידמעט צו פארשטיין (און אפפרעגן ווען ס'פעלט זיך אויס) די ווערטער פון חז"ל.
באניצער אוואטאר
רביה''ק זי''ע
חבר ותיק
חבר ותיק
 
הודעות: 2455
זיך רעגיסטרירט: דאנערשטאג פעברואר 15, 2018 9:46 pm
האט שוין געלייקט: 2315 מאל
האט שוין באקומען לייקס: 1488 מאל

Re: לאז אפ חקירה, לאמיר גלייבן מיט אמונה פשוטה

הודעהדורך מי אני » זונטאג פעברואר 24, 2019 10:49 pm

אז דו דערמאנסט חז״ל זעהמיר אונז יא אן ענדליכע בחינה ווי דעם, אז אן אמורא קען זיך נישט קריגן אויף א פריערדיגן, א תנא (איך ווייס אז אפשר לחלק).

כ׳האב שוין פריער מרמז געווען אז למשל אין די תורה אליין, חוץ פון אויף הקב״ה, טרעפן מיר אויך נישט ממש אז ס׳זאל בפירוש ארויסשטיין אז עפעס וואס זי זאגט איז למעלה מהשגה (מ׳קען אפשר טענה׳ן פון מדריגת נבואת משרע״ה ומקום קבורתו, אבל אפשר לחלק ג״כ). אבער דאך, ווי עס זעהט אויס מדבריך (וויבאלד איר באציט זיך צו דברי חז״ל, ולא תושב״כ), זענט איר מודה אז אויף תושב״כ איז יא מהראוי צו זאגן אזא בחינה. און די סיבה דערצו ׳עט זיין ווייל מ׳טרעפט די השקפה (עכ״פ די קערנדל דערפון) בדברי חז״ל (ע׳ פנים לתורה, נ׳ שערי בינה וכו׳ וכו׳). איז אויב אזוי, אזויווי איך האב פריער געשריבן, קען מען דאס זאגן אויף דברי חז״ל מיוסד אויף וואס די (קערנדל וואס מ׳טרעפט אין די) שפעטערע (ספרי קבלה וחסידות) זאגן אויף זיי.


Sent from my iPhone using Tapatalk
מי אני
ידיד השטיבל
ידיד השטיבל
 
הודעות: 251
זיך רעגיסטרירט: פרייטאג אקטאבער 05, 2018 4:32 pm
האט שוין געלייקט: 1589 מאל
האט שוין באקומען לייקס: 142 מאל

הודעהדורך רביה''ק זי''ע » מאנטאג פעברואר 25, 2019 1:17 am

ווען איך טוה זיך אן די אפיקורסישע ברילן זעה איך דא א טרענד, אז שפעטערדיגע דורות וועלן אייביג אנקוקן די ווערטער פון פריערדיגע אלץ אמת מוחלטת, און ווי מער צייט ס'גייט דורך וועלן זייערע ווערטער ווערן אלץ מער פונדאמענטאליסטיש אפגעלערנט. דאס זעט מען סיי ביי די תורה, סיי ביי דברי חז"ל, ראשונים, אחרונים א.א.וו., ווי פונדאמענטאליסטיש חז"ל האב נאר אפגעלערנט די תורה, קומט עס אבער נישט צו צו וויאזוי מ'לערנט עס היינט אפ ביי חרדים. די זעלבע ביי דברי חז"ל, קוק אן למשל אזא זאך ווי חלב עכו"ם, וואס אין גמרא זעט מען קלאר אז זיי האבן נישט אפגעלערנט דעם איסור אזויווי חרדים לערנען עס אפ היינט צוטאגס. מ'קען אויך טענה'ן אז עזרא הסופר איז שטארק שולדיג אין דעם, ווייל וויבאלד ער האט געהאט אזא פונדאמענטאליסטישע בליק אויף די תורה האט ער עס אראפגעשריבן אויף אזא אופן, און אונז זענען סטאק דערמיט. אלנספאלס איך פערזענליך האב א פרינציפ אז אויך נויג נישט אפ פון א זאך וואס איז מקובל, ווילאנג איך בין נישט הונדערט פראצענט איבערצייגט אז ס'איז דורכאויס פאלש. איז אויף חז"ל איז דא קלארע הוכחות אז זיי האב נישט געזאגט זייערע ווערטער אלץ אמת מוחלטת, קען איך זאגן מיט א פולן מויל אז די אויבנדערמאנטע מהלך איז פאלש. לגבי די תורה (עכ"פ די מצוות התורה) האב איך נישט קיין הונדערט פראצענטיגע הוכחות, בלייב איך ביים חזקה דמעיקרא.
באניצער אוואטאר
רביה''ק זי''ע
חבר ותיק
חבר ותיק
 
הודעות: 2455
זיך רעגיסטרירט: דאנערשטאג פעברואר 15, 2018 9:46 pm
האט שוין געלייקט: 2315 מאל
האט שוין באקומען לייקס: 1488 מאל

הודעהדורך שמערל » מאנטאג פעברואר 25, 2019 10:01 pm

מי אני האט געשריבן:אז דו דערמאנסט חז״ל זעהמיר אונז יא אן ענדליכע בחינה ווי דעם, אז אן אמורא קען זיך נישט קריגן אויף א פריערדיגן, א תנא (איך ווייס אז אפשר לחלק).


דאס אז א אמורא קען זיך נישט קריגן אויף א תנא'ס פסק הלכה קומט נישט דא אריין, די שאלה איז צו א שפעטערער קען 'אפפרעגן' א פריערדיגער פון א ראיה א קעגן דעם פריערדיגן, און דאס קען אודאי א אמורא יא טוהן. די תירוצים אז דער פריערדיגער האט געמיינט העכערע זאכן צו אז ער איז נאך געעווען אזוי קליג ווי דיר, און מסתם האט ער א תירוץ אויף דיין קשיא זענען שפעטער אפאלאגעטישע אויסטרעפענגונגען וואס ווערט נישט דערמאנט אין די גמרא דאכט זיך.
שמערל
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1044
זיך רעגיסטרירט: מאנטאג מאי 27, 2013 7:05 pm
האט שוין געלייקט: 1141 מאל
האט שוין באקומען לייקס: 1232 מאל

Re: לאז אפ חקירה, לאמיר גלייבן מיט אמונה פשוטה

הודעהדורך חסיד פון ליטא » מאנטאג פעברואר 25, 2019 10:58 pm

שמערל האט געשריבן:
מי אני האט געשריבן:אז דו דערמאנסט חז״ל זעהמיר אונז יא אן ענדליכע בחינה ווי דעם, אז אן אמורא קען זיך נישט קריגן אויף א פריערדיגן, א תנא (איך ווייס אז אפשר לחלק).


דאס אז א אמורא קען זיך נישט קריגן אויף א תנא'ס פסק הלכה קומט נישט דא אריין, די שאלה איז צו א שפעטערער קען 'אפפרעגן' א פריערדיגער פון א ראיה א קעגן דעם פריערדיגן, און דאס קען אודאי א אמורא יא טוהן. די תירוצים אז דער פריערדיגער האט געמיינט העכערע זאכן צו אז ער איז נאך געעווען אזוי קליג ווי דיר, און מסתם האט ער א תירוץ אויף דיין קשיא זענען שפעטער אפאלאגעטישע אויסטרעפענגונגען וואס ווערט נישט דערמאנט אין די גמרא דאכט זיך.
די גמרא דארט ביי די מחלקת פון אומה"ע מיט חז"ל אויב די וועלט דרייט זיך ארום די זון אדער פארקערט והודו להם חכמים, איז לכאורה משמע אז ס'מיינט נישט העכערע זאכן ווייל מיט א גוי פון אמאל קען דאך יעדער זיך קריגן ועכ"ז הודו להם חכמים און זיי האבן נישט געענטפערט אז זיי מיינען העכערע זאכן.
אבער די אמת איז אז מיר פארשטייען נישט וואס טייטשט' והודו להם חכמים' ווייל ס'מיינט העכערע זאכן...
חסיד פון ליטא
ידיד השטיבל
ידיד השטיבל
 
הודעות: 179
זיך רעגיסטרירט: דינסטאג אפריל 19, 2016 12:18 am
האט שוין געלייקט: 330 מאל
האט שוין באקומען לייקס: 192 מאל

לאז אפ חקירה, לאמיר גלייבן מיט אמונה פשוטה

הודעהדורך מי אני » דינסטאג פעברואר 26, 2019 9:42 am

אז מ׳דערמאנט די גמרא אין פסחים צד:, איז מהראוי לציין דאס וואס די גליון הש״ס צייכנט דארט צו בשם די שיטמ״ק אין כתובות יג:, אז אפילו זיי האבן מודה געווען מכח ראיותיהם איז אבער די אמת נאך אלס אזוי ווי זיי ע״ש. דער שיטה קען מען אנקוקען ווי א שטיקל ראיה צו די מהלך (ועדיין אפשר לחלק).

איך מיין אז it’s safe to assume אז חסידים נעמען אן אזויווי די שיטמ״ק. און דאס איז הגם זיי נעמען יא אן (אזויווי איך פארשטיי) heliocentricity (הגם, כידוע, איז די דיון אין די גמרא דארט איבער תלמי׳ס Geocentric מאדעל קעגן דעם בבלי׳שן ואכמ״ל). נאר וואס דען, אויף ״דעם אליין״ זאגן זיי ״העכערע ענינים״ וכחסיד מליטא.

אפילו מיר זאלן יא אננעמען אז אן אמורא קען זיך נישט קריגן אויף א תנא, איז דאס נאך אלס נישט א ראיה צו דעם רעיון פון ״למעלה מהשגה/העכערע ענינים״ בדברי חז״ל. ס׳איז מער מסתבר אננצונעמען סליפקין׳ס מהלך פון Canonization of Authority המוזכר בסוף ספרו Sacred Monsters ע״ש. איך האב נאר געזאגט אז ס׳איז ״ענדליך״ צו דעם געדאנק, און, ווי עס זעט אויס (כשמערל), נוצן דאס טאקע חסידים אלס א סמך צו דעם דערהער.

נאכאמאל, אזויווי איך האב געזאגט אויבן, איך זאג ״נישט״ אז דאס איז די אויסגעהאלטנסטע טעאלאגישע מהלך אין אידישקייט. נאר אז אויב מ׳האלט, אזויווי חסידים, אז תושבע״פ איז אויך מסיני, וואס דאס איז (לויט זיי/וויאזוי מ׳האט אונז אויפגעצויגן) כולל ״אלעס״ וואס שטייט אין די גמרא (און אפילו אין די שפעטערע ספרי קודש אויך, אלס כל מה שתלמיד וכו׳), קען מען אויף דעם ניצן די מהלך. דהיינו, אז וויבאלד דאס איז אויך די ״ווארט פון ג-ט״, איז דאס למעלה מהשגה, און (אינדרויסן פון די אייגענע parameters וואס ס׳שטעלט אראפ לדרוש דרשות ולהקשות וכו׳ ״מיניה וביה״) איז לאו דוקא געבינדן צו חוקי ההגיון/הלאגיק. קומט אויס אז אפילו די סתירות בתוכו (וכאמור אז זיי גלייבן אז ״אלעס״ בתוכו איז די ״ווארט פון ג-ט״), וכ״ש מחוצה לו [ממדע], בלייבט אלעס נאך אלס אמת. (פונקט אזויווי מ׳קען גרינגער פארשטיין די מהלך אויף תושב״כ גופא. הגם זיי אליין שטעלן נישט די גמרא אויפ׳ן זעלבן שטאפל ווי תושב״כ, כמובן.) דאס פרינציפ פון דייעלעטיאיזם גיבט דאס לכאורה לעגיטימיטעט.

די [אנטראפאלאגישע] עוואלוציע פון די מהלך אין גלויבונג האט רביה״ק (די ניק) אייזן אראפגעלייגט. ספאט אן.

איך האב דאס בעיקר דערמאנט מעורר צו זיין אז וויבאלד (ווי עס זעהט מיר אויס) נעמען חסידים דאס אן אין כלל פון אמונה פשוטה (וויבאלד, כאמור, האט די מהלך נישט קיין געהעריגע לאגישער באזיס), איז דארפן זיי הערשט צו האבן דאס קלענסטע פראבלעם ווען מדע איז זיך סותר מיט דברי חז״ל. ווייל ווי קען מען פון איין זייט מויל זאגן ״אונז הא׳מיר נישט קיין השגה בדבריהם/ס׳איז אלעס העכערע ענינים״, און פון די אנדערע זייט מויל שרייען ״גלייבן אין עוואלוציע, גיל העולם עפ״י חוקרי מדע וכו׳ וכו׳ איז כפירה״? (אפשר איז דאס אליינס אויך העכערע ענינים...)


Sent from my iPhone using Tapatalk
רעדאגירט געווארן צום לעצט דורך מי אני אום דינסטאג פעברואר 26, 2019 9:55 am, רעדאגירט געווארן איין מאל בסך הכל.
מי אני
ידיד השטיבל
ידיד השטיבל
 
הודעות: 251
זיך רעגיסטרירט: פרייטאג אקטאבער 05, 2018 4:32 pm
האט שוין געלייקט: 1589 מאל
האט שוין באקומען לייקס: 142 מאל

הודעהדורך רביה''ק זי''ע » דינסטאג פעברואר 26, 2019 9:51 am

די ווערטער פונעם שיטה מקובצת זענען למעלה מהשגתינו...
באניצער אוואטאר
רביה''ק זי''ע
חבר ותיק
חבר ותיק
 
הודעות: 2455
זיך רעגיסטרירט: דאנערשטאג פעברואר 15, 2018 9:46 pm
האט שוין געלייקט: 2315 מאל
האט שוין באקומען לייקס: 1488 מאל

הודעהדורך וואלווי » דינסטאג פעברואר 26, 2019 11:58 am

רביה''ק זי''ע האט געשריבן:די ווערטער פונעם שיטה מקובצת זענען למעלה מהשגתינו...


עיין בגמ' מתיבתא עוז והדר סי' ל"ח, ובילקוט ביאורים, ובמדור כפתור ופרח בשם ספה"ק....
באניצער אוואטאר
וואלווי
חבר ותיק
חבר ותיק
 
הודעות: 2206
זיך רעגיסטרירט: זונטאג נאוועמבער 01, 2015 12:34 pm
האט שוין געלייקט: 3065 מאל
האט שוין באקומען לייקס: 2851 מאל

הודעהדורך רביה''ק זי''ע » דינסטאג פעברואר 26, 2019 12:02 pm

גם זה למעלה מהשגתינו...
באניצער אוואטאר
רביה''ק זי''ע
חבר ותיק
חבר ותיק
 
הודעות: 2455
זיך רעגיסטרירט: דאנערשטאג פעברואר 15, 2018 9:46 pm
האט שוין געלייקט: 2315 מאל
האט שוין באקומען לייקס: 1488 מאל

הודעהדורך וואלווי » דינסטאג פעברואר 26, 2019 12:04 pm

רביה''ק זי''ע האט געשריבן:גם זה למעלה מהשגתינו...


דאס איז שוין "למטה" מהשגתינו...
באניצער אוואטאר
וואלווי
חבר ותיק
חבר ותיק
 
הודעות: 2206
זיך רעגיסטרירט: זונטאג נאוועמבער 01, 2015 12:34 pm
האט שוין געלייקט: 3065 מאל
האט שוין באקומען לייקס: 2851 מאל

Re: לאז אפ חקירה, לאמיר גלייבן מיט אמונה פשוטה

הודעהדורך מי אני » דינסטאג אפריל 02, 2019 8:03 am

סתם פאר אינטרעסאנטקייט (בנוגע להאשכול). אין שו״ת משנה הלכות (ח״ז סימן ריח).
IMG_4247.jpg



Sent from my iPhone using Tapatalk
מי אני
ידיד השטיבל
ידיד השטיבל
 
הודעות: 251
זיך רעגיסטרירט: פרייטאג אקטאבער 05, 2018 4:32 pm
האט שוין געלייקט: 1589 מאל
האט שוין באקומען לייקס: 142 מאל

הודעהדורך רביה''ק זי''ע » דינסטאג אפריל 02, 2019 10:58 am

אין קוראן שטייט אויך עפעס ענליכס.
באניצער אוואטאר
רביה''ק זי''ע
חבר ותיק
חבר ותיק
 
הודעות: 2455
זיך רעגיסטרירט: דאנערשטאג פעברואר 15, 2018 9:46 pm
האט שוין געלייקט: 2315 מאל
האט שוין באקומען לייקס: 1488 מאל

הודעהדורך וואלווי » דינסטאג אפריל 02, 2019 11:58 am

מי אני האט געשריבן:סתם פאר אינטרעסאנטקייט (בנוגע להאשכול). אין שו״ת משנה הלכות (ח״ז סימן ריח).
IMG_4247.jpg



Sent from my iPhone using Tapatalk


פארשטייט זיך, אז ווען דער בעל משנה הלכות האט געטוהן אין זיין פארצווייגטע ביזנעסער און נורסינג האומס, איז ער אויך געווען א תמים תהיה און ממעט געווען אין חקירות משובח'דיגערהייט.

א נעכטיגע טאג. נאר אונז טאר'ן נישט חוקר ודורש זיין וואס איז מונח לפנינו.

א גוט'ן פורים...
באניצער אוואטאר
וואלווי
חבר ותיק
חבר ותיק
 
הודעות: 2206
זיך רעגיסטרירט: זונטאג נאוועמבער 01, 2015 12:34 pm
האט שוין געלייקט: 3065 מאל
האט שוין באקומען לייקס: 2851 מאל

הודעהדורך רביה''ק זי''ע » דינסטאג אפריל 02, 2019 12:16 pm

אז מ'רעדט שוין יא, האב איך לעצטנס געהערט א טייער ווארט. פארוואס איז יוחנן כהן גדול אפגעפארן ביי די אכציג יאר, איז ער געווען משוגע צו וואס? אכציג יאר האט ער זיך אוועקגעגעבן בלב ונפש פאר אידישקייט, און פונקט ביי די אכציג האט ער געדארפט אפפארן? וואס קען מען נאך טון ביי די אכציג יאר אלס OTD? וואלט אים נישט בעסער געלוינט צו דורכשטופן נאך אפאר יאר מיט די סתירות און נישט בלייבן לשמצה לדורות?

נאר די אמת איז, אז שוין פון אלץ קליין קינד האט ער שוין געהאט קשיות אין אמונה, נאר מ'האט אים אלץ געזאגט "ווען דו וועסט עלטער ווערן וועסטו פארשטיין", און ער האט אלץ געטראכט אז ער איז נאכנישט גענוג אלט צו באמת פארשטיין. יעצט אבער ווען ער איז געווארן אכציג יאר, און ער איז שוין אפילו געווען עלטער ווי זיין טאטע און ער האט נאך אלץ געהאט די זעלבע קשיות, האט ער שוין זייער גוט פארשטאנען פארוואס מ'האט אים געזאגט "ווען דו וועסט עלטער ווערן וועסטו פארשטיין"... ווייל ס'איז טאקע נישט דא וואס צו פארשטיין...

#הרוצה_לשקר_ירחיק_עדותו
באניצער אוואטאר
רביה''ק זי''ע
חבר ותיק
חבר ותיק
 
הודעות: 2455
זיך רעגיסטרירט: דאנערשטאג פעברואר 15, 2018 9:46 pm
האט שוין געלייקט: 2315 מאל
האט שוין באקומען לייקס: 1488 מאל

הודעהדורך זאפטיג » מיטוואך אפריל 03, 2019 11:10 am

איך האב געזעהן מחנכים וראשי ישיבות ווסא האבן פשוט געציטערט ווען מען האט געלערנט מיט א בחור מהר''ל, תורת חב''ד וכדו' נאר פשוט ווייל זיי האבן נישט געקענט גלייכען אז דאס קינד ווייסט צופיל און ווערט קלוג (אזוי ווי מיט דער טמנא כלי) זיי ציטערן אז מען עפענט אויף די קעפ פון אינזער קינדער
ואהבת לרעך כמוך - לייקס געב איך וויפול איך האב
זאפטיג
ידיד השטיבל
ידיד השטיבל
 
הודעות: 319
זיך רעגיסטרירט: פרייטאג מערץ 15, 2019 8:23 am
האט שוין געלייקט: 118 מאל
האט שוין באקומען לייקס: 122 מאל

פריערדיגע

גיי צוריק העמק דבר

ווער איז יעצט דא?

באניצער וואס לייענען דעם פארום: נישטא קיין אנליין באניצער און איין גאסט