איז יידישקייט רצון השם אדער עבודת האדם?

מחשבה, השקפה ועיון

איז יידישקייט רצון השם אדער עבודת האדם?

הודעהדורך mevakesh » זונטאג אקטאבער 25, 2015 1:54 pm

מיר אלע ווייסן אז דער באשעפער האט אונז געגעבן די תורה אויפן הר סיני פאר 3500 יאר צוריק און מיר דארפן איינהאלטן אלעס וואס ער האט אונז דארט באפוילען אבער עס איז דא א פראגע וואס עגבערט מיר שוין א שטיק צייט וואס איז די ציהל אין יהדות טוהן דער רצון השם אדער ווערן בעסערע מענטשן?

אין די געזעלשאפט וואו איך בין אויפגעוואקסן (חסידיש) איז דער עיקר וואס מען שטרעבט צו טוהן דעם רצון השם נישט קיין חילוק וואס ער זאגט און אפגעזעהן וואס פאר א מידות איך וועל באקומען פון דעם און וואס פארא מענטש איך וועל ווערן אוודאי דארף מען האבן מידות און איידעלקייט און רחמנות אבער דאס איז נאר ווייל די תורה וויל אזוי אבער נישט דאס איז דער ציהל

אין ארץ ישראל איז געווען א פרומער פראפעסער ישעיה ליבוביץ א טיפער תיאולוג און קאנטרעווערסיאלע פיגור ער פלעגט אלס שרייען אז יהדות האט נישט מיט אוניווערסיאלע ווירדען און אז איך בין אונטערגעוואפען אונטער דעם עול התורה האב איך גארנישט מיט אלגעמיינע ווירדען פון רחמנות דעמאקראטיע און דאס גלייכען מיינע ווירדען איז די תורה און גארנישט מער פון דעם

פון דער אנדערע זייט איז געווען אין אמעריקא פראפעסער א. י. העשיל וואס ער האט אלס געשריבען און געפרעדיגט אז די תורה און יידישקייט ברענגט ארויס די שטערקסטע אוניווערסיאלע ווירדען פון רחמנות און גלייכבארעכטיגקייט און טאקע צוליב דעם איז ער געווען א שטארקע אקטיוויסט פאר די גלייכבארעכטיגקייט פון די שווארצע

לויט די מהלך איז דער עיקר צו ווערן אויסגעארבייטע מענטשן נאר א מענטש ווייסט נישט אלס דער וועב האט גאט געגעבן די תורה מען זאל האבן א וועג אויסגעפלאסטערט אבער דער עיקר איז אז דער מענטש זאל ווערן בעסער און מער אויסגעארבייט

איך ברענג די צווי פערזענליכקייטען ווייל די צוויי זענען געווען אויסגעשפראכען אין עקסטרעם אין זייערע מיינונגען אבער לויט ווי איך פארשטיי איז דאס אן אלטע מחלוקת

און א געוויסע זין זענען ביידע מהלכים ריכטיג און אזוי ווי דיר רמבם זאגט דארף מען אייביג גיין אויפן שביל הזהב ווייל אויב מען גייט בלינד לויט דער תורה און מען רעכנט זיך נישט מיט די אוניווערסיאלע יסודות פון מענטשליכע ווירדען דעמאלטס קען מען אנקומען צו עקסטרעמיזם ווי אייסיס און דאס גלייכן און ערגסטן פאל אדער פראסטע ראסיזם און בעסטן פאל

ווידער אויב גייט מען נאר מיט אוניווערסיאלע קען מען אראפגיין פון גלייכגעוויכט אזוי ווי דער היינטיגער אלגעמיינער גאס מיט די חוקי תועבה און דאס גלייכען

איך בין נייגעריג צו הערן וואס דער עולם האט צו זאגן
באניצער אוואטאר
mevakesh
ידיד ותיק
ידיד ותיק
 
הודעות: 836
זיך רעגיסטרירט: מיטוואך אוגוסט 12, 2015 12:11 pm
האט שוין געלייקט: 745 מאל
האט שוין באקומען לייקס: 753 מאל

הודעהדורך שמעקעדיג » זונטאג אקטאבער 25, 2015 2:13 pm

דאס איז גאר א לאנגער שמועס און מען קען ברענגען אן א שיעור ראיות לכאן ולכאן, איך גלייב וועסט קיינמאל נישט באקומען קיין קלארע תשובה דערויף,

מצד אחד איז ואהבת לרעך כמוך כלל גדול בתורה, אויב ווילסטו לערנען גאנץ תורה על רגל אחת איז עס מה דעלך סני וכו' ואידך פירושא זיל גמור, אויב האסטו נישט אהבת הבריות איז דיין תורה גארנישט,
מצד שני אויב מיינט מען אז די מצוות קומען נאר אויסארבעטן דעם מענטשנ'ס ווירדן ווי רחמנות, איז האומר על קן צפור יגיעו רחמיך וכו', קענסט פרעגן אלע שאלות (שבת אחים אלערט) אויפן שעיר לעזאזל, אויף שילוח הקן, אויף די מצוה פון חליצה, און נאך אסאך חוקים ומשפטים וואס מאכט נישט קיין סענס אז דאס איז כדי אויסצוארבעטן א מענטשנ'ס מדות צו רחמנות ואהבה נאר ענדערש צו טון וואס מען הייסט דיר.
וירח ה' את ריח הניחוח
באניצער אוואטאר
שמעקעדיג
חבר הכבוד
חבר הכבוד
 
הודעות: 14892
זיך רעגיסטרירט: דאנערשטאג אפריל 12, 2012 12:11 am
האט שוין געלייקט: 17355 מאל
האט שוין באקומען לייקס: 17717 מאל

הודעהדורך שבת אחים » זונטאג אקטאבער 25, 2015 2:23 pm

אויב רעדסטו פון ׳היינטיגע אידישקייט׳ איז עס מעהר ווייניגער רצון האדמורי״ם... גארנישט צוטוהן מיט רצון ה׳ ווייל דער אייבישטער דארף נישט און בעט נישט קיין רשעות מיט א טיליפּ געפּעפּערטע הויזן און טשערי לייטס!
דער ברודער (הסב״ק מוויזניץ) האט [טיילווייז] מצליח געוועהן צובאהאלטן זיין גאונות און זיין גדלות פון די וועלט אבער פון מיר [היות כ׳בין אויפגעוואקסן מיט אים און געוועהן אזוי נאנט צו אים] האט ער נישט מצליח געוועהן צובאהאלטן זיין גרויסקייט און גאונות....

הגה״ק ר׳ חיים האגער מ׳אנטיניא זצ״ל בעל טל חיים
באניצער אוואטאר
שבת אחים
חבר ותיק
חבר ותיק
 
הודעות: 5380
זיך רעגיסטרירט: דאנערשטאג מאי 08, 2014 9:39 am
געפינט זיך: ביי א פראטעסט קעגן טראמפּ!
האט שוין געלייקט: 4519 מאל
האט שוין באקומען לייקס: 3169 מאל

Re: איז יידישקייט רצון השם אדער עבודת האדם?

הודעהדורך דעת תורה » זונטאג אקטאבער 25, 2015 2:44 pm

ווי מ'האט געשריבן איז דא אומצאליגע מימרות וראיות ואישים לכאן ולכאן, נאר פונקט לעצטנס האב איך געזען א תורה אין דברי יואל ווי ער גייט מיט די ערשטע מהלך זייער שטארק.
האזהרה שהזהרנו מלהיות חפשיים במחשבותינו, עד שנאמין דעות המנגדות לדעות שהביאה התורה, אלא נגביל את מחשבתנו ונעשה לה סייג שתעמוד אצלו - והן מצוות התורה ואזהרותיה.
והוא אמרו יתעלה: "ולא תתורו אחרי לבבכם"... זו מינות. (ספר המצוות להרמב"ם ל"ת מ"ז)
דעת תורה
חבר ותיק
חבר ותיק
 
הודעות: 2129
זיך רעגיסטרירט: מאנטאג מערץ 18, 2013 1:07 am
האט שוין געלייקט: 4175 מאל
האט שוין באקומען לייקס: 1717 מאל

איז יידישקייט רצון השם אדער עבודת האדם?

הודעהדורך ירא שמים » זונטאג אקטאבער 25, 2015 6:20 pm

איך זעע דא צוויי שאלות,
א. צי די תורה איז פארן בורא צי פארן נברא.
ב. אם תרצה לומר סאיז פארן נברא צי מעג ער נאך אלס נוצן דעם שכל און זיין א מענטש.
אויפן צווייטער שאלה איז פשוט אז יא און דרך ארץ קדמה לתורה.
ווידער די ערשטע שאלה איז נישט אזוי פ׳, הגם אז לכאו׳ איז דאס צורך הנברא.
באניצער אוואטאר
ירא שמים
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1757
זיך רעגיסטרירט: זונטאג נאוועמבער 02, 2014 1:06 am
האט שוין געלייקט: 2668 מאל
האט שוין באקומען לייקס: 997 מאל

הודעהדורך כעלעם'ר מגיד » זונטאג אקטאבער 25, 2015 8:15 pm

צום עצם ענין איז שוין געווען דא א שמועס ארום די נושא פון 'עבד' ה' קעגן 'עובד את עצמו', אדער עובד את 'תודעתו' אינטערן קעפל "פארוואס זענען מיר דא" איז עס טאקע א קשיא, אדער סתם געהאקט?, ומשם תדרשנו.

וואס איז יא מגיה צו זיין צו דיין נוסח איז די הצעה פון "גיין אויפן שביל הזהב". אוודאי ווען ס'קומט צו 'מדות' (גערופן אין לשון הרמב"ם "דעות") איז "שביל הזהב" דער ריכטיגער מהלך, על פי רוב, ווי דער רמב"ם לערנט אונז. ווען ס'קומט אבער צו דברים התלויים בשיטה איז נישט שייך צו נעמען א 'מיטל וועג' ווייל אויב דרך א' איז ריכטיג דאן איז דאס אווקעקריקן זיך דערפון -- און נעמען א מהלך וואס איז אזוי ווייט אוועק פון דרך א' פונקט ווי ווייט עס איז פון דרך ב' -- פאלש און אומריכטיג און קען נישט באטראכט ווערן ווי "גיין אוין ריכטיכן וועג". וכן לאידך גיסא, אויב דרך ב' איז ריכטיג איז ווייטער דער דריטער מהלך -- המכונה דרך המומצע -- ממה נפשך נישט גערעכט.

דער שאלה אויפן טיש איז נישט עפעס וואס לאזט זיך דרייען וויאזוי מ'וויל, די רעדע איז דאך איבער די סאמע יסוד כוונה און הכוונת הרצון אין קיום המצוות פון כל התורה כולה. אויב איז ליבוביץ גערעכט איז דאס מינדעסטע אפנויגונג אויס עבדות השם לחלוטין און (מבחינה רעיונית) א שאד די גאנצע מעשה. אויב ווידער איז העשיל'ס מהלך די יסוד אין קיום המצוות קען מען זיך נישט ערלויבן צו פארמאכן די אויגן אפילו במקצת מן המקצת פון די ריכטיגע תכלית האדם בעולמו. אויב יא איז דער מענטש -- אין יענע צייט, אדער יענע ווינקל וואו ער פארקוקט פון תכלית -- אן עושה מעשה קוף בעלמא, וואס אין א וועלט פון "אגירי דיומא אנן" איז עס א חסרון לא יוכל להמנות.
דער איבערגאנג פון 'תקופת האבן' צום 'תקופת הברונזה' איז צושטאנד געקומען דורך אפאר אויבער-חכמים וואס זענען נישט געווען צופרידן פונעם 'סיסטעם'
כעלעם'ר מגיד
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1000
זיך רעגיסטרירט: זונטאג מערץ 04, 2012 3:36 am
האט שוין געלייקט: 0 מאל
האט שוין באקומען לייקס: 1172 מאל

Re: איז יידישקייט רצון השם אדער עבודת האדם?

הודעהדורך mevakesh » זונטאג אקטאבער 25, 2015 8:21 pm

אוודאי אויב מען נעמט אהן אז א איז ריכטיג איז נישט שייך שביל הזהב איך האב נאר ארויסגעברענגט מיין מיינונג אז די אמת איז אינדערמיט און דער רמבם האב איך מער געניצט אלס מליצה נישט אלס ראיה
באניצער אוואטאר
mevakesh
ידיד ותיק
ידיד ותיק
 
הודעות: 836
זיך רעגיסטרירט: מיטוואך אוגוסט 12, 2015 12:11 pm
האט שוין געלייקט: 745 מאל
האט שוין באקומען לייקס: 753 מאל

הודעהדורך chusid » זונטאג אקטאבער 25, 2015 8:22 pm

אויב איז הרב יהושע העשל גערעכט דאן זעמיר באנקראט ווייל אין תחום פון מענטשליכקייט און מאראלן זענען פרייע אידן שטערקער ווי פרומע
.זיך צו פארבינדן chusid03@Gmail. Com
chusid
ידיד ותיק
ידיד ותיק
 
הודעות: 878
זיך רעגיסטרירט: זונטאג סעפטעמבער 14, 2014 11:40 pm
האט שוין געלייקט: 1606 מאל
האט שוין באקומען לייקס: 442 מאל

Re: איז יידישקייט רצון השם אדער עבודת האדם?

הודעהדורך mevakesh » זונטאג אקטאבער 25, 2015 8:29 pm

chusid האט געשריבן:אויב איז הרב יהושע העשל גערעכט דאן זעמיר באנקראט ווייל אין תחום פון מענטשליכקייט און מאראלן זענען פרייע אידן שטערקער ווי פרומע

לאו דוקא און אפילו לשיטתך די מאדערן ארטאדאקסען שטייען גארנישט אינטערשטעליג פון די פרייע און מענטשליכקייט
בכל אופן ביטע נישט פארדרייען דער אשכול
באניצער אוואטאר
mevakesh
ידיד ותיק
ידיד ותיק
 
הודעות: 836
זיך רעגיסטרירט: מיטוואך אוגוסט 12, 2015 12:11 pm
האט שוין געלייקט: 745 מאל
האט שוין באקומען לייקס: 753 מאל

הודעהדורך chusid » זונטאג אקטאבער 25, 2015 8:33 pm

mevakesh האט געשריבן:
chusid האט געשריבן:אויב איז הרב יהושע העשל גערעכט דאן זעמיר באנקראט ווייל אין תחום פון מענטשליכקייט און מאראלן זענען פרייע אידן שטערקער ווי פרומע

לאו דוקא און אפילו לשיטתך די מאדערן ארטאדאקסען שטייען גארנישט אינטערשטעליג פון די פרייע און מענטשליכקייט
בכל אופן ביטע נישט פארדרייען דער אשכול

כאב נישט געוואלט פארדרייען נאר אינטערשטרעכן מיין פראבלעם מיט צד ב' פשוט ווייל עס שטימט נישט היינט מיטן מציאות
.זיך צו פארבינדן chusid03@Gmail. Com
chusid
ידיד ותיק
ידיד ותיק
 
הודעות: 878
זיך רעגיסטרירט: זונטאג סעפטעמבער 14, 2014 11:40 pm
האט שוין געלייקט: 1606 מאל
האט שוין באקומען לייקס: 442 מאל

Re: איז יידישקייט רצון השם אדער עבודת האדם?

הודעהדורך mevakesh » זונטאג אקטאבער 25, 2015 8:35 pm

א סניף צו דעם וויל איך ארויסברענגען אז לויט דער צווייטע מהלך איז דער כוונה דער עיקר אז דער מענטש זאל זיין דערהויבען און אויסגעארבעט איז נישט אזוי משנה חוקר צו זיין וועלכע רעליגיע איז ריכטיג ווייל כל הדרכים מוליכין לים
(אודאי איז א חילוק צו מען גייט אויפן ריכטיגע מהלך אבער נישט אזוי שטארק ווי דער ערשטע מהלך)
באניצער אוואטאר
mevakesh
ידיד ותיק
ידיד ותיק
 
הודעות: 836
זיך רעגיסטרירט: מיטוואך אוגוסט 12, 2015 12:11 pm
האט שוין געלייקט: 745 מאל
האט שוין באקומען לייקס: 753 מאל

Re: איז יידישקייט רצון השם אדער עבודת האדם?

הודעהדורך mevakesh » דינסטאג מערץ 22, 2016 2:01 pm

איך וויל אריינקריכען אביסל אינעם מהלך וואס אונז זעמיר מחונך געווארען אז מען דארף טוען דער רצון השם
וואס איז דער פשט פון דעם געדאנק?
פארוואס בין איך למשל מחייב צו טוען וואס דער באשעפער וויל?
ווייל ער איז שטערקער פון מיר און ער קען מיר שטראפען?
אדרבא ביטע ארויסברענגען קלאר פאר א יוד וואס וויל פארשטיין
באניצער אוואטאר
mevakesh
ידיד ותיק
ידיד ותיק
 
הודעות: 836
זיך רעגיסטרירט: מיטוואך אוגוסט 12, 2015 12:11 pm
האט שוין געלייקט: 745 מאל
האט שוין באקומען לייקס: 753 מאל

הודעהדורך בן אדם » דינסטאג מערץ 22, 2016 2:08 pm

1) כי לכך נוצרת
Someone's stupid
באניצער אוואטאר
בן אדם
חבר ותיק
חבר ותיק
 
הודעות: 2950
זיך רעגיסטרירט: מיטוואך אפריל 01, 2015 12:02 am
געפינט זיך: At the gym
האט שוין געלייקט: 3063 מאל
האט שוין באקומען לייקס: 1415 מאל

Re: איז יידישקייט רצון השם אדער עבודת האדם?

הודעהדורך mevakesh » דינסטאג מערץ 22, 2016 2:13 pm

בן אדם האט געשריבן:1) כי לכך נוצרת

גיי אריין אביסעל טיפער
נו מען האט מיר באשאפען וועגן דעם און איך האלט נישט ביים טוען מיין שליחות פארוואס האב איך א פליכט צו טוען מיין שליחות? ווייל איינער וויל אז איך זאל עס טוהן ?
באניצער אוואטאר
mevakesh
ידיד ותיק
ידיד ותיק
 
הודעות: 836
זיך רעגיסטרירט: מיטוואך אוגוסט 12, 2015 12:11 pm
האט שוין געלייקט: 745 מאל
האט שוין באקומען לייקס: 753 מאל

הודעהדורך קאצקע ציקער » דינסטאג מערץ 22, 2016 2:23 pm

פשוט פון love
באניצער אוואטאר
קאצקע ציקער
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1229
זיך רעגיסטרירט: פרייטאג אפריל 06, 2012 1:46 am
האט שוין געלייקט: 786 מאל
האט שוין באקומען לייקס: 697 מאל

איז יידישקייט רצון השם אדער עבודת האדם?

הודעהדורך ירא שמים » דינסטאג מערץ 22, 2016 5:30 pm

סדא נאך א שאלה דא, פארוואס איז דינען זיך (עגאואיזים) איז שלעכט (כמבואר בספרים)?
ועי׳ בתורת הרב אשלג.
באניצער אוואטאר
ירא שמים
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1757
זיך רעגיסטרירט: זונטאג נאוועמבער 02, 2014 1:06 am
האט שוין געלייקט: 2668 מאל
האט שוין באקומען לייקס: 997 מאל

הודעהדורך קל וחומר » דינסטאג מערץ 22, 2016 5:45 pm

ס'איז בכלל נישט טיעף, מ'האט דיר באשאפן פאר דעם, און אויך מיטגעשיקט א בילט-אין יצר הרע וואס זאלן דיר דיסטרעקטן וכו', דא קומט בחירה אריין אינעם בילד...
ראה נתתי לפניכם וגו', ס'דא א דרך ארוכה וקצרה, ס'דא א דרך קצרה וארוכה.
איין זאך איז זיכער, אזוי צו אזוי מאכט יעדער מענטש מיט אין זיין לעבן, ווער ס'איז בטוח בה' (דורך אים פאלגן שטייצעך) יש לו נחמה, ווער נישט נישט.
קל וחומר
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1784
זיך רעגיסטרירט: פרייטאג דעצעמבער 04, 2015 4:42 am
האט שוין געלייקט: 2718 מאל
האט שוין באקומען לייקס: 2518 מאל

Re: איז יידישקייט רצון השם אדער עבודת האדם?

הודעהדורך ירא שמים » דינסטאג מערץ 22, 2016 6:01 pm

דאס אז אזוי איז עס און דאס וויל דער אייבערשטער דאס ווייסן מיר שוין, די שאלה איז נאר פארוואס.
באניצער אוואטאר
ירא שמים
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1757
זיך רעגיסטרירט: זונטאג נאוועמבער 02, 2014 1:06 am
האט שוין געלייקט: 2668 מאל
האט שוין באקומען לייקס: 997 מאל

Re: איז יידישקייט רצון השם אדער עבודת האדם?

הודעהדורך קל וחומר » דינסטאג מערץ 22, 2016 6:12 pm

דער וואס איז אויפגעקומען מיטן פלאן, און האט עס מוציא געווען מן הכוח אל הפועל, האט עס דיזיינט אויף אן אופן אז יעדער זאל האבן זיין תפקיד און דאס וועט זיין דאס בעסטע פאר אים, דאס וואס דער מענטש מיינט אז עפעס אנדערש איז אים בעסער איז פשוט מחוסר ידיעה (וואס איז אויך א חלק פונעם בחירה, צו אנערקענען אין די 'גארנישט' שבאדם).

סוף דבר, שכל אין סוף ווייסט וואס איז גוט, בריה מצומצם ווייסט נישט. ער 'דארף' פאלגן ווילאנג ער האט שכל דאס צו פארשטיין, טאמער האט ער נישט די מינימום שכל, גייט ער אריין בגדר 'שוטה פטור'.
קל וחומר
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1784
זיך רעגיסטרירט: פרייטאג דעצעמבער 04, 2015 4:42 am
האט שוין געלייקט: 2718 מאל
האט שוין באקומען לייקס: 2518 מאל

Re: איז יידישקייט רצון השם אדער עבודת האדם?

הודעהדורך ירא שמים » דינסטאג מערץ 22, 2016 6:28 pm

דו מיינסט צו זאגן אז מקען נישט פארשטיין אדער ממעג נישט פרעגן?
באניצער אוואטאר
ירא שמים
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1757
זיך רעגיסטרירט: זונטאג נאוועמבער 02, 2014 1:06 am
האט שוין געלייקט: 2668 מאל
האט שוין באקומען לייקס: 997 מאל

הודעהדורך הקטן » דינסטאג מערץ 22, 2016 6:33 pm

איז יידישקייט רצון השם, אדער עבודת האדם, אדער ביידע?
די תוצאה פון אפהאקן א קינד פון די עלטערן איז גענוי ווי ארויסשניידן א חלק פון זייער מוח, א מעוות לא יוכל ליתקן אוועקנעמען קינדער פון עלטערן אפי' נאר למחצה לשליש ולרביע איז גארנישט ווייניגער געפארפול פון מאלעסטעשאן. - בנים אתם לה' אלוקיכם
הקטן
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1863
זיך רעגיסטרירט: דינסטאג מאי 15, 2012 7:30 pm
האט שוין געלייקט: 1586 מאל
האט שוין באקומען לייקס: 871 מאל

Re: איז יידישקייט רצון השם אדער עבודת האדם?

הודעהדורך קל וחומר » דינסטאג מערץ 22, 2016 6:52 pm

די רצון ה' איז אז ס'זאל זיין די בעסטע פארן מענטש, ממילא איז עס ביידע.
טאמער וואלט דער רבש"ע כביכול געפאדערט עפעס וואס איז נישט לטובתנו חס מלהזכיר, וואלטן מיר משורת הדין אויך געדארפט פאלגן, אבער כ'וואלט שוין געקענט הערן א טענה, אבער טאמער זאגט ער אונז קלארע ווערטער אז אלסדינג איז לטובתנו אידעך פשוט פארוואס מיר מוזן פאלגן.
מאראלישקייט איז אויך א בריאה (השתלשלות מהספירות), און ס'איז משועבד צו די תורה. פי' הדבר, אז איינער קומט מיר זאגן אז ס'נישט מאראליש צו שניידן א שטיקל בשר פון דיין אכט טאגיג תינוק, זאג איך אים אז דער וואס האט באשאפן דעם מושג פון מאראלישקייט האט מיר עס געהייסן טוהן. ודו"ק כי עמוק הוא ודרכי לקצר.
קל וחומר
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1784
זיך רעגיסטרירט: פרייטאג דעצעמבער 04, 2015 4:42 am
האט שוין געלייקט: 2718 מאל
האט שוין באקומען לייקס: 2518 מאל

הודעהדורך שמעקעדיג » דינסטאג מערץ 22, 2016 9:04 pm

קאצקע ציקער האט געשריבן:פשוט פון love

דס איז די העכסטע מדריגה, שלא על מנת לקבל פרס.
די LOVE נעמט אסאך ארבעט צו דעוועלאפן. עס לאווט זיך נישט אזוי ארויס פונעם ארבעל. ואהבת את ה' אלקיך איז א שווערע עבודה.

ירא שמים האט געשריבן:סדא נאך א שאלה דא, פארוואס איז דינען זיך (עגאואיזים) איז שלעכט (כמבואר בספרים)?
ועי' בתורת הרב אשלג.

כ'ווייס נישט וועלכע הרב אשלג דו רעדסט, אדרבה זיי מרחיב בדיבור, אבער כ'ווייס נישט צי ס'איז ממש שלעכט, על מנת לקבל פרס (שלא לשמה) איז נאר א מיטל צו דערגרייכן לשמה, מען מוז אנהייבן מיט עגאאיזם, גענוי ווי א קינד וואס לערנט צוליב זיין צוקערל, אבער דער תכלית טאר נישט זיין עגאאיזם (שכר) נאר אהבת ה' וכנ"ל.
וירח ה' את ריח הניחוח
באניצער אוואטאר
שמעקעדיג
חבר הכבוד
חבר הכבוד
 
הודעות: 14892
זיך רעגיסטרירט: דאנערשטאג אפריל 12, 2012 12:11 am
האט שוין געלייקט: 17355 מאל
האט שוין באקומען לייקס: 17717 מאל

Re: איז יידישקייט רצון השם אדער עבודת האדם?

הודעהדורך מפוזרי » דינסטאג מערץ 22, 2016 9:53 pm

איך זע נישט דא קיין צוויי וועגן, אידישקייט באדייט ביטול צום רצון השם, פינטל. אבער, רצונו ית' איז אז מיר זאלן זיך אויסארבעטן און אויסלייטרן, וזה תכלית כל התורה. ממילא דארף א איד א גאנץ לעבן זיך מזכך זיין, ווייל דאס וויל גאט פון אים.

ס'יעצט געווען שבת זכור, מ'דארף געדענקן "הנה שמוע מזבח טוב".
דברי אדוננו המלך בעיני, נגידים ומעולים ונכבדים... אבל לא אשבח אותם שהם אמת! - הרמב״ן ליעקב הראשון.
מפוזרי
ידיד ותיק
ידיד ותיק
 
הודעות: 889
זיך רעגיסטרירט: פרייטאג מערץ 20, 2015 9:01 am
האט שוין געלייקט: 1745 מאל
האט שוין באקומען לייקס: 751 מאל

Re: איז יידישקייט רצון השם אדער עבודת האדם?

הודעהדורך נולד מאוחר » דינסטאג מערץ 22, 2016 10:38 pm

"רצון השם" פארשטיי איך נישט, דער אייבשטער האט נישט קיין געברויכען און רצונות אז ער דארף אונז זאל עם דאס צישטעלן.
פון די אנדערע זייט קוק אן אלע בהמות חיות אינסעקטס, זיי זענען דען דא פאר "עבודת האדם"/בהמה? זיי קענען דען זוך משלים זיין?
צי מחלק זיין און זאגן אז די וואס וואקן מיט די קאפ ארויף זענען דא פאר סיבה און די וואס וואקן מיט די פנים אראפ זענען פאר אן אנדער סיבה איז דאך נישט מסתבר.
נולד מאוחר
חבר ותיק
חבר ותיק
 
הודעות: 3680
זיך רעגיסטרירט: מאנטאג אפריל 09, 2012 9:21 pm
האט שוין געלייקט: 4145 מאל
האט שוין באקומען לייקס: 1738 מאל

נעקסט

גיי צוריק העמק דבר

ווער איז יעצט דא?

באניצער וואס לייענען דעם פארום: נישטא קיין אנליין באניצער און איין גאסט