ספרים היפך שיטת ויואל משה

עולם הספרים און די וועלט פון ליטעראטור
נייעס, איבערזיכטן, קריטיק

הודעהדורך גאלד » פרייטאג יולי 31, 2020 12:07 am

כרם זית האט געשריבן:הגם די אשכול איז געשטעלט אויף ספרים מיט אנדערע הבנות ווי דער סאטמערע רב ז''ל, דאך כיון דאדחי אדחי - אז די אשכול פארט שוין סיי ווי מענין לענין, וועל איך אנמערקן צוויי נקידות וועלכע באדערן מיר איבער סאטמערע רב'ס מהלך.

א] לאמיר אנעמען אז ציונות איז אסור, איז דאך דא נאך תרי''ב מצות אין די תורה. איז גיין אוועקשטעלן א חסידות וואס די עיקר זאך וואס מלערענט דארט איז איבער ציונות (וואס איז ניטאמאל נוגע אין א אמעריקאנער חסידות!), איז לכאורה א שטארקע עולה פאר די בני החסידות. חסידות דארף אריינגעבן א השקפה אויף יעדע מצוה און הלכה.
(די איינציגסטע אנדערע חסידות וואס קומט מיר אין געדאנק אז זיי מאכן א מצב פון איין ענין, איז ליובאוויטש מיטן השקפה פון דירה בתחתונים. אבער דירה בתחתונים קען מען כאטש ניצן אויף יעדע זאך אין רוחניות.)

דיין הנחה אז אין סאטמאר זאל זיין עפעס התרשלות אין שאר מצות התורה צוליב ציונות אין לו שום יסוד ושחר. פון ווי נעמסטו דאס? איז דען אין סאטמארע דא ווייניגער תלמידי חכמים אדער בעלי חסד, צו בעלי השגות, ווי למשל באבוב, צו פאפא, צו סקווירא, האסט עפעס א צייענטיפישער באווייז?


ב] יעדער וואס קען נאר אביסל תשובה ספרים, ווייסט אויף טריט און שריט אז אויב עס איז דא א מנהג וואס אידן פירן זיך, וועט עס דער משיב פראבירן פארענטפערן כפילא בחודא דמחט (דוגמא ידוע היא תשובת הרמ''א אמאי אין בני אשכנז מקפידים על יין נסך). לעניניו, טויזנטע אידן זענען נאך געגאנגן די רעיון הציוני, איז פארוואס גיין מפלפל זיין און זיך מיטשענן צו טרעפן א איסור, ווען מקען ניצן די זעלבע כח הפלפל צו טרעפן א היתר דוגמאת שיטת האבני נזר והמשך החכמה?


טעות מוחלט. במחילת כבודך הרמה, רוב חרדישע גדולים ומנהיגים זענען אלע געווען אויסגעשפראכענע אנטי ציונים, ממש רובם ככולם, פארקערט די מתירים זענען געווען די יחידים, אוואו מזרחי, רב קוק און אפשר גור, אפי' ליבאוויטשער רבי ז"ל האט זיך געהאלטן פאר א אנטי ציוני, די חילוק איז נאר אז סאטמאר רבי האט עס גענימען פאר א מיסיע אין לעבן, און אויך ער האט געהאט חילוקי דעות וויזוי צו דילן מיט די מדינה לאחר המעשה. לגבי בחירות און שיקן פארטרעטער אין פארלאמענט. וכדומה, אבער 90% פון ויואל משה איז איינשטימיג מיט רוב רובו גדולים מכל המחוזים.

ר' סנדר דייטש ע"ה (היינט געווען די יארצייט) שרייבט אין זיין ספר בוצינא קדישא אז דער רבי האט איהם געזאגט אז א חרדישע איד א ירא ושלם וואס איז בעצם אנטי ציוני אבער פאלגט זיין רבי לגבי בחירות וכדומה גייט אריין בגדר פון אומר מותר אנוס הוא און ווערט לגמרי נישט פסול.


רעדאגירט געווארן צום לעצט דורך גאלד אום פרייטאג יולי 31, 2020 1:00 am, רעדאגירט געווארן איין מאל בסך הכל.
באניצער אוואטאר
גאלד
חבר ותיק
חבר ותיק
 
הודעות: 2168
זיך רעגיסטרירט: מאנטאג מאי 07, 2012 1:42 pm
האט שוין געלייקט: 678 מאל
האט שוין באקומען לייקס: 1759 מאל

הודעהדורך גאלד » פרייטאג יולי 31, 2020 12:27 am

ליטוואק פון בודאפעסט האט געשריבן:די פירכא איז, אפילו לו יהא אז עס איז געפסקנ'ט להלכה, איז וואס? פון דעם ווערט מען אן אפיקורס? עס איז נישט מער א הלכה ווי טאקע אלע הלכות אין מסכת ברכות, אז מ'דארף דאווענען פאר פיר שעה אין טאג. פאר דעם טאר מען זיך נישט מתחבר זיין מיט איינער וואס פארלעצט די הלכה? מ'דארף ארויס ווארפן פון שטוב די ספרים פון אזא איינער?


איר מישט אויס יוצרות,

דאס אז די מייסדי רעיון הציונית זענען געווען אפיקרוסים דאס האט גארנישט מיט קיין שלש שבועות,
זיי זענען געווען אפיקורסים ווייל זיי האבן נישט געגלייבט און קיין אייבירשטן קיין תורה קיין מצוות
דאס אז די מיסיע פון די מייסדי הציונים איז געווען - און נאכאלס - צו אפ'שמדן כלל ישראל האט גארנישט מיט קיין שלש שבועות.
דאס אז די מדינה איז א חורבן פאר כלל ישראל האט גארנישט מיט קיין שלש שבועות,
דאס אז די מייסדי ציונית זענען געווען fed-up פון אידישקייט האט גארנישט מיט קיין שלש שבועות
דאס אז די מייסדי ציונית האבן געהאלטן בשיטה אז תורה ומצות איז די חורבן פונעם אידישן פאלק האט גארנישט מיט קיין שלש שבועות.
דאס אז מ'טאר זיך נישט מחבר זיין מיט אזאלעכע רשעים האט גארנישט מיט קיין שלש שבועות

די רבי שרייבט אין ויואל משה מאמר ש"ש סי' פ"ב בזה הלשון בא"ד:

...ואף למי שלא יודה לביאורי על הרמב"ם בדין השבועות יש טעמים אחרים לחומר האיסור אשר א"א להסתפק בהן מאומה...
...אלא שטרחתי לבאר קודם חומר דין איסור השבועות בשביל שהאמת הוא כן, ויש נפק"מ מינה לידע האמת בהלכה זו...
באניצער אוואטאר
גאלד
חבר ותיק
חבר ותיק
 
הודעות: 2168
זיך רעגיסטרירט: מאנטאג מאי 07, 2012 1:42 pm
האט שוין געלייקט: 678 מאל
האט שוין באקומען לייקס: 1759 מאל

הודעהדורך גאלד » פרייטאג יולי 31, 2020 12:57 am

נהורא נפישא האט געשריבן:
ליטוואק פון בודאפעסט האט געשריבן:די פירכא איז, אפילו לו יהא אז עס איז געפסקנ'ט להלכה, איז וואס? פון דעם ווערט מען אן אפיקורס? עס איז נישט מער א הלכה ווי טאקע אלע הלכות אין מסכת ברכות, אז מ'דארף דאווענען פאר פיר שעה אין טאג. פאר דעם טאר מען זיך נישט מתחבר זיין מיט איינער וואס פארלעצט די הלכה? מ'דארף ארויס ווארפן פון שטוב די ספרים פון אזא איינער?

לאמיר נישט פארגעסן אז ציוניזם איז א רעאקציע צו לייזן די אידישע פראגע. ס'איז מיסודו א מאוומענט וואס האט פארלוירן ציטרוי אין גאולה דורך גאט. נאר צו דעם איז אויך אויפגעקומען די רעליגיעזע תנועת חובבי ציון וואס רבנים אירע האבן געטענהט מכמה מקורות אז עס דארף געטאן ווערן אתרעותא דלתתא (נישט נאר מכח דרישת ציון לזכות הגאולה וואס דאס האבן געטאן די פארשידענע עולים, צעווישן אנדערע אויך תלמידי הגר"א והבע"ש, נאר אויך טאקע בפועל מיט מאכט אויפצובויען א נאציאן און א מיליטערישע פלאן) פון דעם זענען מסתמא געווען וואס האבן געגלויבט בתמימות און מסתמא וואס נישט נאר געזיכט אויסרייד. עכ"פ דאס מאכן א נאציאנאלע מאוומענט צו לייזן די גזירת הגלות איז א ראדיקאלע טשעינדזש וואס איז טאקע אפשר אנגעגאנגן בהדרגה. אין פארשידענע מדינות זענען די גדולים געווען מער אפן אנצונעמען געוויסע אספעקטן פון די מאוומענט בפרט אז עס איז צוגעטשעפט דערצי חיבת ארץ ישראל. די אונגערישע און גאליציאנע רבנים און אזוי אויך רבנים פון טייל אנדערע מקומות זענען געווען מער קאנסערוואטיוו און געפסלט יעדעס סארט מאוומענט וואס טוט עפעס טשעינדזשן עפעס אין די הילוך ההשקפה פון פריער. דאס זעלבע מיט די רעפארמער. די חת"ס איז ארויס בחרב וחנית אקעגן די מאוומענט מיסודו ווען סך הכל טייל פון די מאוומענט האבן בפירוש געטשאלענדזשט די סמכות פון חז"ל אבער לאו דווקא יעדער פון זיי דאס האט אבער נישט אפגעהאלטן די חת"ס ארויסגיין אקעגן למשל ר' אהרן חורין, כאטש סך הכל האט ער זיך געקריגט אין עניני הלכה.
סאטמאר רב האט דאך געלעבט אין די צייט ווען די מאוומענט האט געברענגט טאקע בפועל צו פארווירקלעכן זייער טרוים. ס'איז זייער פארשטענדליך פארוואס ער אלס איינער וואס האט באטראכט אלע אספעקטן פון די מאוומענט אלס חזיר טריפה זאל מתריע זיין און מאיים זיין מיטן הארבסטן. אה"נ היינט זיבעציג יאר שפעטער נאך צו זיין ביזי אין סאטמאר וועגן ציונות ובפרט דאס צונישט מאכן גדולי ישראל ות"ח וואס האבן למעשה געהאט אן אנדערע דעה אין די ענינים דאס איז טאקע נישט מער ווי להפצת החסידות און האט נישט קיין שום תועלת אפציראטעווען קיינעם.



ציוניזם אז א רעאקציע פון א באנדע אידישע באמעס ל"ע נעבעך, אין יוראפ וואס זענען געווארן פעד-אפ מיט אידישקייט, פעד-אפ מיט וואס דער איד האט זיך אידענטיפיצירט, און האבן מחליט געווען צו איבערמאכן דעם אידישען פאלק צו פאלנע גוים, אזוי אז סהעט נישט שייך זיין קיין אנטיסעמיטיזם ווייל דער איד העט האבן דער זעלבער באדייט ווי א גוי, א איד וועט מיינען אז מ'געהער צו א געוויסער לאנד און א געוויסער קולטור פונקט ווי דער טאליענער און כינעזער.

די חובבי ציון באוועגונג איז געווען פאר די ציונים, און זענען שוין נישט געווען אקטועל ווען ציוניזם איז נולד געווארו אין די 1890ער יארן, און עס האט נישט געהאט קיין שום רעזעמבלענס צו די ציונים, זערא, די חובבי ציון וואלטן ע"פ שכל געקענט זיין אויסגעשפראכענע אנטי ציונים לפענ"ד, ס'קיינמאל געווען קיין שום רעדע ביי זיי פון אויפשטעלן א זעלבסשטענדיגער מדינה מיט א מיליטער, אדרבא זיי זענען געווען קעגן דעם אין רב קאלישער שרייבט עס מפורש, טאקע צוליב די שבועות, זיי האבן געוואלט אהערשטעלן קאלעניעס אונטער די טערקן.

ווי ווייט איך דענק האט קיין איינע פון די צדיקים בכל הדורות וואס האבן עולה געווען קיין אר"י מאבאליזירט איין ארמיי מיט געווער צו איבערנעמען דאס לאנד אדער מרמז געווען אז מ'זאל עס טאן, אדער אז ער האפט עס צו טאן, זיי זענען אלע געזיצן איידעלערהייט בבית ה' געדינט השי"ת אויסגעלעבט די יארן בקדושה וטהרה, ממש דאס פונקט פארקערטע וואס ציוניזם שטעלט פאר.
באניצער אוואטאר
גאלד
חבר ותיק
חבר ותיק
 
הודעות: 2168
זיך רעגיסטרירט: מאנטאג מאי 07, 2012 1:42 pm
האט שוין געלייקט: 678 מאל
האט שוין באקומען לייקס: 1759 מאל

הודעהדורך גאלד » פרייטאג יולי 31, 2020 12:59 am

הרבה נשאר בקולמסי, ועוד חזון
באניצער אוואטאר
גאלד
חבר ותיק
חבר ותיק
 
הודעות: 2168
זיך רעגיסטרירט: מאנטאג מאי 07, 2012 1:42 pm
האט שוין געלייקט: 678 מאל
האט שוין באקומען לייקס: 1759 מאל

הודעהדורך ליטוואק פון בודאפעסט » פרייטאג יולי 31, 2020 7:30 am

ב"ה, דער נאראטיוו שטימט פערפעקט, און אויב אזוי איז שוין אלס גוט.

ניין, ציונות וואלט קיינמאל נישט אזוי געלונגן ווען נישט פאר די אנטיסעמטיזים. דער אידישע פאלק האט געשפירט אז מ'קען דא הייבן די קאפ און צוריק אויפבליען. יא, מאנכע פירערס זענען געווען אפיקורסים, מאנכע האבן גאר געוואלט אויסראטן אידישקייט, און מאנכע פירערס האבן נאר געוואלט העלפן אידן אין זייער פיזישע צושטאנד. הערצל האט לכאורה נאר געוואלט העלפן אידן גשמיות'דיג. ווען ער האט איינגעזען אז שמד'ן וועט גארנישט העלפן, האט ער איינגעזען אז אידן דארפן זיין אן אייגענע פאלק מיט א מדינה. פון תורה האט ער דאך גארנישט געוואוסט, און ממילא נאר דאס האט ער געקענט. נארדוי איז געווען אן אנטי-תורה, און זיין באוועגונג איז געווען אנטי-תורה.

אבער אן דיין שלש שבועות, פעלט אין דיין גאנצע שטיקל תורה. ווען דער 'עצם מדינה' איז נישט קיין כפירה, פאלן אוועק רוב סאטמארער געבוירענע איסורים. פונקט ווי מ'מעג גיין אין די אונגארישער מיליטער, מעג מען גיין אין די ציוניסטישע, מ'גייט זיך באשיצן און מ'איז א בירגער אין לאנד. וואס איז די מדינה ווייניגער ווי סיי וועלכע לאנד פון עובדי עבו"ז?

מ'קען גראדע ווייטער אנגיין מיט די קרומקייט פון סאטמאר, ווי זיי נעמן אידישע מושגים און מ'איז זיי משנה אזש מ'דערקענט זיי שוין נישט. ממש ווי די ציונים און מצות ישוב ארץ ישראל. אבער ווען די יסוד זייערע פאלט אוועק, דארף מען שוין נישט אנקומען צו דעם. נאר איין נקודה, דאס ציען דער 'מצוה' פון טיילונג, ביז מ'מוז זיך אפטיילן פון ערליכע אידן וואס האלטן גראדע אנדערש ווי דיר, איז א זיוף און א סילוף שאין כמוהו, און דאס ווייזט אונז אלע אז די תירוצים פאר די טיילונג זענען סתם שקר, עבדא בהפקירא ניחא ליה. מ'מעג זיך נישט אפטיילן פון אידן, נאר צומאל מוז מען נעביך. ווען מ'טוט עס שלא במקום מצוה, ווייזט זיך אויס אז מ'האט קיינמאל נישט פארשטאנן ווי געפערליך דאס איז מעיקרא, ווי בדיעבד'יג דאס איז אמאל געווען. מ'וויל זיך סתם אפשאקלן פון די אחריות פאר אידן, און מאכן שבת פאר זיך אן זיך דארפן ספראוון מיט מענטשן וואס טון אנדערש און האלטן אנדערש. A men's club ותו לא.
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
שריפטשטעלער
שריפטשטעלער
 
הודעות: 9425
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 3249 מאל
האט שוין באקומען לייקס: 8947 מאל

הודעהדורך berlbalaguleh » פרייטאג יולי 31, 2020 8:05 am

הרב גאלד שליט"א: איך גיי ייעצט נישט אריין אין דעם עצם ויכוח איבער האלטן פון די שיטה פון ציונות אדער התנגדות דערצו. וואס איך האב אויסגעפונען זייער אן אינטרעסאנטן פאקט וואס די אריות (ניין, נישט מיט אן עיי"ן) שבחבורה האבן אייביג פארהוילן (בכונה או שלא בכונה) פון אונז, דעם (דאמאלס) יונגער'ן דור. נעמליך. אז אין א געוויסע תקופה. די תקופה פון טעאדאר (ניין. ער פארדינט נישט קיין שם קודש.) הערצל וסייעתו זענען גרויסע טיילן פון די גוי'אישע באפעלקערונג. סיי דער המון עם. און סיי די רעגירונגס פיהרער, געווען שטארק אינטרעסירט אז די אידן וועלכע האבן געוואוינט אין זייערע לענדער זאללן זיך אויפהייבן און גיין וואוינען קיין ארץ ישראל. עד כדי כך. אז א געוויסער פארלאמענט מיטגליד פונ'ם פוילישן סיים האט זיך אויסגעדריקט צו א אידישן פאליטישן פיהרער אז אויב די אידן וועללן פארשטערקערן זייער ווידערקער קיין ארץ ישראל/פאלעסטינע, געט ער אויף זיין אנטי סעמיטישע פלאטפארמע אויף וואס ער איז געלאפן .

ממילא נעמט עס אוועק לכה"פ 50 % פון די הארבקייט פון התגרות באומות. און שלא יעלו בחומה. ועוד חזון למועד.

אלא על של עתה באתי. כבודו הרמה. און דער הויפט פון די הוגי דיעות אין סאטמאר. הרב שמואל שלמה טעללער שליט"א (המכנה את עצמו ..."הרב"... ש.ב. מרגליות) מאכן דעם זעלבן פונדאמענטאלן טעות אין דיקדוק... ווען עטץ רעדטס איבער ..."ציונות"... אלס שם דבר, זאגט עטץ און עטץ שרייבטץ..."ציונית"...וואס איז טייטש די פרוי די ציונית. די ציוניסט'קע, רחמנא ליצלן מהאי דעתא...! ווי קענען אידן תלמידי חכמים מאכן אזעלכע גראבע, עמי הארצ'ישע טעותים. וואס וואלט געפאסט פאר א בעל עגלה אזוי ווי בערל. אדער שאלאם דער צייטונג פארקויפער, ע"ה...!
באניצער אוואטאר
berlbalaguleh
חבר הכבוד
חבר הכבוד
 
הודעות: 13888
זיך רעגיסטרירט: דינסטאג יולי 17, 2012 12:57 pm
האט שוין געלייקט: 15870 מאל
האט שוין באקומען לייקס: 8977 מאל

הודעהדורך נהורא נפישא » פרייטאג יולי 31, 2020 8:52 am

יעצט כאפ איך האב געמאכט א טעות. איך האב דא געצילט אויסציקלארן אביסל די השקפה פון ויואל משה וואס למעשה איז ער נישט אפירגעקומען אין א וואקיום. אפגעזען די מקורות אויף וואס ער האט אראפגעשטעלט זיין שיטה וואס מ'קען זיך דינגן אסאך דערביי. פאדערט אבער א היסטארישע אויסטייטשונג וויאזוי השקפות האבן זיך אנטוויקלט אין פארשידענע מקומות. אויב די ציל איז מברר צו זיין ווער ס'בעצם גערעכט איז ביי מיר זינלאז אנטיילצונעמען אין אזא שמועס.
למה נקרא שמו רבי נהוראי, שמנהיר עיני חכמים (עירובין:)
נהורא נפישא
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1693
זיך רעגיסטרירט: דינסטאג יולי 23, 2013 9:42 pm
האט שוין געלייקט: 1950 מאל
האט שוין באקומען לייקס: 2218 מאל

הודעהדורך גאלד » פרייטאג יולי 31, 2020 1:13 pm

איים סארי איך בין נישט אין די ביזנעס פון סארקאזם אין לצנות, טראץ וואס איך עפרישיעט די קריעטיוויטי, שכוח, עכ"ז זוך איך אבער נישט אויפן מאמענט צו שפענדן ענערגיע אויף די סארט זאכן, עכ"פ נישט דא אויף דעם פלאטפארמע ק"ש. אפשר איין אנדערס מאל.
כעל מיך בלויז קאנצעטרירן אויף די פאר זאכן וואס זענען לפענ"ד מן הענין. ואתכם הסליחה.

הערצל'ס וכת דיליה לייזונג צום אידישן פראבלעם איז געווען צו מאכן דעם איד אויס איד, ווייל לשיטתם איז די חורבן פונעם איד געווען אז ער איז א איד, איינמאל ס'עקסזיסטירט נישט דעם ענטיטי וואס טרייבט דעם אנטי-סעמיט צו האסן דעם איד איז נישטא מער אויף וואס אין וועם צו זיין דערגעגען, פונקט ווי מענטשן אין מאנגאליע צו פידשי זענען קיין אנטי-סעמיטן ווייל זיי ווייסן נישט פון אזא מין באשעפעניש "איד". די זעלבע צילן די ציונים, צו מאכן די גאנצע וועלט ווי מאנגאליע, זייער תכלית איז צו אויסראטן דעם אידישן פאלק רח"ל היל"ת, און זיי מאכן פאר עפעס א פאלנער אור-אלטער ענטיסיטי, וואס געהערן צו א לאנד, מיט א אייגן שפראך, און ארמיי, ווי איטאליע אדער יאפאן, און האט זילטש מיט עפעס א פרימיטיווע רעליגיע.

ממילא איז נישט פשט אז זיי האבן געוואלט העלפן די איד בגשמיות, זיי האבן געוואלט אינגאנצן איבערמאכן דעם איד, צו א שפוגל נייער איידענטיטי און אויסראטן וואס מיר ווייסן א איד איז. רח"ל.

דער לאזונג אז "דער אידישע פאלק האט געשפירט אז מ'קען דא הייבן די קאפ און צוריק אויפבליען" שפילט אינגאנצן אריין אין אט דעם נאראטיוו, אדער ווי זיי זאגן אלס we can once again hold our heads up high.
דאס איז א גענצליכער קעפיטשולעשן צו די הערצל'ניקעס, סאיז באמת א ווייטאג צו זעהן פרומע אידן (כשטעל אויף די חזקה אז ק"ש איז א פרומע פורום) שפילן אזוי שיין גראד אריין אין די רעפורינטע שמד שטיק פון די ציונים,
הטרם טדע אז דער איד האט זיך אלס אויסגעלאכט און זיך פארמיאוס'ט פון דעם גוי'ס שטרעבונגען און שטאלץ? א איד הייבט די קאפ הויך ביזן הימל פון אונזער תורה ומצוות, אתה בחרתנו מכל העמים, אשר קדשנו במצותיו, א איד ווייסט אז ער איז א ביליאן שטאפלן העכער פונעם גוי זאל ער זיין דער שטערקסטער לאנד. אבער די אפיקורסים נעבעך גלייבן דאך נישט בכל הנ"ל זענען זיי ל"ע פארמיאוסט פון אידישקייט, זיי האבן געהאלטן אז דער אידיש פאלק ביז די מדינה איז געווען א טויטער ווערדלאזער פאלק, גארנישט צוגעגעבן צו די וועלט, איז נעבעך זייער שטאלץ דער זעלבער ווי דער גוי'ס. און ליידער פרומע אידן בלא יודעים, זאגן נאך די דברי ניאוץ, אן כאפן דער באדייט.

כאנאך אסאך צו זאגן איבער דעם און אנדערע פונקטן וואס זענען דא ערווענט געווארן, אבער מיין צייט איז באגרעניצט, ודי בזה,
רעדאגירט געווארן צום לעצט דורך גאלד אום פרייטאג יולי 31, 2020 1:29 pm, רעדאגירט געווארן 2 מאל בסך הכל.
באניצער אוואטאר
גאלד
חבר ותיק
חבר ותיק
 
הודעות: 2168
זיך רעגיסטרירט: מאנטאג מאי 07, 2012 1:42 pm
האט שוין געלייקט: 678 מאל
האט שוין באקומען לייקס: 1759 מאל

הודעהדורך גאלד » פרייטאג יולי 31, 2020 1:16 pm

איין קריטישע זאך וויל איך צו געבן.

ווי איר זעהט אז כל הנ"ל האט גארנישט מיט קיין שלש שבועות.
באניצער אוואטאר
גאלד
חבר ותיק
חבר ותיק
 
הודעות: 2168
זיך רעגיסטרירט: מאנטאג מאי 07, 2012 1:42 pm
האט שוין געלייקט: 678 מאל
האט שוין באקומען לייקס: 1759 מאל

הודעהדורך ליטוואק פון בודאפעסט » פרייטאג יולי 31, 2020 1:37 pm

זייער גוט! דו קענסט רעדן פאר ביידע זייטן, און אזוי געוואונען די ארגומענט. און דאס איז אן סארקאזם...........

ליין וואס די שרייבערס פון די ציונים זעלבסט האבן געשריבן, נישט געציילטע פון זיי, נאר אלע, וועסטו זען אז דא איז געווען א שותפות פון פארשידענע מיינונגן, און עס איז נישט דא אזא זאך ווי די 'ציוניסטישע מייונג'.

און דו אליינס האסט מודה געווען. טאמער טויזענטער פרומע אידן ווילן א מדינה, מיינט עס עכ"פ לשיטתך אז זייער ציונות איז נישט קיין אפיקורסות.
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
שריפטשטעלער
שריפטשטעלער
 
הודעות: 9425
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 3249 מאל
האט שוין באקומען לייקס: 8947 מאל

הודעהדורך רביה''ק זי''ע » פרייטאג יולי 31, 2020 1:55 pm

כ'האב הנאה פונעם שמועס דא, פון די סוגיא פון שלוש שבועות און אין למדין מן האגדות איז מען אריבערגעגאנגען אריינצוטייטשן טיפע גאונות אין אפאר ווערטער וואס הערצל האט אמאל יא אדער נישט געזאגט נאך אפאר גלעזלעך לחיים. גראדע האב איך אמאל באקומען אן אודיענץ ביי בנימין נתניהו אליינס, ער האט מיר קלאר געזאגט אז רוב פון די מדינה'ס אויסגאבן גייט אויף צו פארשפרייטן כפירה און אפיקורסת צווישן דעם עולם. אויך האט ער מיר געזאגט אז אויב ביז צוואנציג יאר איז מען נאכנישט אנגעקומען צום ציל אויסצו'שמד'ן אלע חרדים גייט מען גיין צוריקגעבן דאס לאנד פאר טערקיי און אלע ציונים מופן צוריק קיין פוילן און ליטא און פארמאכן דאס געשעפט. נאך א זאך וואס ער האט מיר געזאגט, און דאס איז שוין א מיליטערישע סוד וואס איך גיי מן הסתם ליידן פאר'ן עס אויסזאגן, אויב ליידער ליידער געלונגט זיי יא אפצו'שמד'ן אלע חרדים אין ארץ ישראל וועט די צה"ל גיין אייננעמען אויך ניו יארק און טוהן די זעלבע זאך דא, רחמנא ליצלן.
אריינצושיקן א קוויטל אדער באקומען א ברכה אדער סתם דורכצושמועסן ספיקות און חקירות, פארבינדט זיך צו: torahbelidaath@gmail.com
באניצער אוואטאר
רביה''ק זי''ע
חבר ותיק
חבר ותיק
 
הודעות: 3447
זיך רעגיסטרירט: דאנערשטאג פעברואר 15, 2018 9:46 pm
געפינט זיך: אין קוויטל-שטוב
האט שוין געלייקט: 3375 מאל
האט שוין באקומען לייקס: 2555 מאל

הודעהדורך berlbalaguleh » פרייטאג יולי 31, 2020 2:35 pm

רביה"ק זי"ע: איך מיין אז דו האסט געהאלטן נאך א פאר גלעזלעך לחיים ווען דו האסט דעיס געחלומ'ט...!

דו דארפסט פארשטיין אז מ'טאר נישט אויפגעבן דעם הייליגן קאמף אקעגן די פארשאלטענע
.ציונים פון יאר . 2020
באניצער אוואטאר
berlbalaguleh
חבר הכבוד
חבר הכבוד
 
הודעות: 13888
זיך רעגיסטרירט: דינסטאג יולי 17, 2012 12:57 pm
האט שוין געלייקט: 15870 מאל
האט שוין באקומען לייקס: 8977 מאל

הודעהדורך berlbalaguleh » פרייטאג יולי 31, 2020 2:41 pm

איך זוך זיי אויך. נאר איך קען זיי נישט געפונען. דער לעצטער ציוני וואס איך האב געקענט איז געווען אריק שרון. ער איז שוין אויך געשטארבן מיט א שיינע פאר יאר צוריק. ס'איז היינט נישט פארהאן קיין ציונים. ס'דא אידן און גויים. ווער זאללן דען זיין די ציונים...? די רוסן. וועלכע זענען נאר אויס וואס זיי קענען ארויסשלעפן פון די מדינה. און דער חזיר פארקויף. מיט אנדערע גוי'אישע זאכן.

און די ערליכע אידן. זיי גייען זיך זייער וועג. יא. זיי נעמען טאקע געלט פון די מדינה. ווייל וואס ס'בלייבט פון די קרן הצלה געלטער אויף'ן וועג צו די ערליכע ישיבות, נאכ'ן געמעשר'ט ווערן פון די אנפיהרערס, איז נישט גענוג צו קענען פיהרן די מוסדות התורה אפילו איין חודש...!
באניצער אוואטאר
berlbalaguleh
חבר הכבוד
חבר הכבוד
 
הודעות: 13888
זיך רעגיסטרירט: דינסטאג יולי 17, 2012 12:57 pm
האט שוין געלייקט: 15870 מאל
האט שוין באקומען לייקס: 8977 מאל

הודעהדורך גאלד » פרייטאג יולי 31, 2020 4:12 pm

נאכאמאל, שערי לצנות לא ננעלו, ליצנות מאכט נישט גערעכט.

לעצם הענין, דאס אז דער רעיון פון ציוניזם איז מיוסד - און נאך עד היום - אויף איבערמאכן דעם איד, איז נישט קיין השערות אדער קאנספיראציעס,
בזאת תבחנו, כידוע האבן רוב גדולים בימים ההם לוחם געווען קעגן דעם נייעם תנועה, סנאך דא עד היום כתבים, תשובות, באשרייבונגען, אלטע צייטונגען, פון די ווערטער פון די מנהיגי ישראל בימים ההם,
אז איר וועט מדייק זיין אינעם תוכן וסגנון דבריהם, פון למשל דער רבי דער רש"ב, מהרי"ד מבעלזא, הגר"ח מבריסק, מהרי"ל דיסקין, הרב מציעשנוב,
וועט זיך ארויסשיילן ווי כולם כאחד זאגן מיט אזא פשטות דעם דאזיגן פאקט אז די פינסטערע תכלית פון די ציונים איז צו איבערמאכן דעם איד, מ'דינגט זיך מיטאמאל איבער דעם.

להבדיל די ציונים אליין זאגן עס א ביליאן מאל, זאב זשאבאטינקי האט געזאגט אז אויב איר ווילט זיך מצייר א ציוניסט, דאן נעם דעם טיפישן איד אין מאך א "איפכא מסתברא", הערצל אין זיין ביכל יודנשטאט מיט א פרעכהייט בארעכטיגט די אטיסמיטן, כידוע האט ער לכתחלה געוואלט אויסשמדן די אידן די קאנווענשנעל וועג מיט טויפן כלל ישראל צו קריסטנטום, ער האט געזעהן אז לא עלתה בידו איז ער אויפגעקומען מיט א רעפונירטע שווינדלערישע מהלך,

פארגעס פון א אודיענץ ביי נתניהו, זייער פאני,
די גאנצע איידיע פון זייער סוכנות (דשואיש אדשענסי) צו אויפזוכן יעדן נברא בכל כדור הארץ וואס איז מזרע ישראל, און איהם איבערעדן אז מיטן ווערן א ישראלישע בירגער און פאטריאט ווערט מען מער א איד. דאס איז שמד.
צו פרעדיגן פאר די אייגענע בירגער יומם ולילה, אז פארדעם מוז מען זיין א פאטריאט פון איזראעל, נישט ווייל מ'איז א איזרעאלי בירגער, נאר ווייל מ'איז א איד. דאס איז שמד.
זייער סיפיסטיקרטע הסברה אפאראט בכל העולם צו וואשן די מוחות פון כלל ישראל, אז איזראעל און די צה"ל איז די איידענטיטי און שטאלץ פון א איד. דאס איז שמד.
די אלע זאכן זענען די מייסדי הציונים'ס וויזיע אין עקשן.

אגב נאכמאל, כל הנ"ל האט קיין שייכות מיט שלש שבועות.
באניצער אוואטאר
גאלד
חבר ותיק
חבר ותיק
 
הודעות: 2168
זיך רעגיסטרירט: מאנטאג מאי 07, 2012 1:42 pm
האט שוין געלייקט: 678 מאל
האט שוין באקומען לייקס: 1759 מאל

הודעהדורך רביה''ק זי''ע » פרייטאג יולי 31, 2020 4:22 pm

אוודאי אזוי, איך האב א חבר וואס די סוכנות האט איהם פערזענליך אויפגעזוכט און איבערגערעדט צו עובר זיין אויפ'ן הארבן איסור פון דאווענען נאך סו"ז תפילה און ווערן א פאטריאט פאר סאטמער, דאס איז שמד.

זיי וואשן די מוחות אז קנאות איז די אידענטיטעט פון א איד, מ'מיינט אז מ'איז שוין א קנאי און יעצט קען מען טרעטן אויפ'ן שולחן ערוך און אויסרייסן די תורה, דאס איז שמד.

די אלע זאכן זענען די וואטעווער אין עקשן.
רעדאגירט געווארן צום לעצט דורך רביה''ק זי''ע אום פרייטאג יולי 31, 2020 4:24 pm, רעדאגירט געווארן איין מאל בסך הכל.
אריינצושיקן א קוויטל אדער באקומען א ברכה אדער סתם דורכצושמועסן ספיקות און חקירות, פארבינדט זיך צו: torahbelidaath@gmail.com
באניצער אוואטאר
רביה''ק זי''ע
חבר ותיק
חבר ותיק
 
הודעות: 3447
זיך רעגיסטרירט: דאנערשטאג פעברואר 15, 2018 9:46 pm
געפינט זיך: אין קוויטל-שטוב
האט שוין געלייקט: 3375 מאל
האט שוין באקומען לייקס: 2555 מאל

הודעהדורך גאלד » פרייטאג יולי 31, 2020 4:30 pm

אזוי ענדיגן זיך כמעט אלע טענהרייען וועגן ציונים, קודם ווערט מען באליידיגט און מפרובירט צו אפשלאגן דעם גאנצן ויואל משה מיט כלערעליי דריידליך, צום סוף קומט מיט א שירה חדשה שבחו גאולים על שפת הים יחד כולם הודו והמליכו ואמרו, אז בימינו עקסיזטירט שוין מיטאמאל ציונים, איי פארוואס ביסטו א מינוט צוריק געווען אזוי דיפענסיוו? ווייסט איין באשעפער,
רעדאגירט געווארן צום לעצט דורך גאלד אום פרייטאג יולי 31, 2020 6:37 pm, רעדאגירט געווארן איין מאל בסך הכל.
באניצער אוואטאר
גאלד
חבר ותיק
חבר ותיק
 
הודעות: 2168
זיך רעגיסטרירט: מאנטאג מאי 07, 2012 1:42 pm
האט שוין געלייקט: 678 מאל
האט שוין באקומען לייקס: 1759 מאל

הודעהדורך רביה''ק זי''ע » פרייטאג יולי 31, 2020 4:44 pm

לאמיר מאכן סדר פאר מינוט ווייל מ'פארט דא מענין לענין שלא באותו ענין, מ'האט אנגעפאנגען מיט א וויי געשריי וועגן דריי שבועות, ווען דאס האט זיך נישט אויסגעארבעט האט מען געטוישט הוטן צו "איבערמאכן אידישקייט" און שמד, און ווען דאס האט באנקראטירט איז מען אריין אין א חקירה פארוואס איינער האט זיך באליידיגט און געווארן דיפענסיוו, וואו גייט מען פון דא און ווייטער?
רעדאגירט געווארן צום לעצט דורך רביה''ק זי''ע אום פרייטאג יולי 31, 2020 5:11 pm, רעדאגירט געווארן איין מאל בסך הכל.
אריינצושיקן א קוויטל אדער באקומען א ברכה אדער סתם דורכצושמועסן ספיקות און חקירות, פארבינדט זיך צו: torahbelidaath@gmail.com
באניצער אוואטאר
רביה''ק זי''ע
חבר ותיק
חבר ותיק
 
הודעות: 3447
זיך רעגיסטרירט: דאנערשטאג פעברואר 15, 2018 9:46 pm
געפינט זיך: אין קוויטל-שטוב
האט שוין געלייקט: 3375 מאל
האט שוין באקומען לייקס: 2555 מאל

הודעהדורך ליטוואק פון בודאפעסט » פרייטאג יולי 31, 2020 4:48 pm

סתם שקרים. וואס האט ר' יהושע לייב געזאגט?

און ווער האט געמאכט די חשבון פון 'רוב'? האסט א רשימה פון אלע זייטן און ביסט ארויס געקומען אז די רוב איז דארט?

און פארוואס זענען די מתנגדי הציונות די באגלויבטע אויף יענעמ'ס מיינונג? זיי קענען זאגן די אייגענע, נישט יענעמ'ס. האלטן מעגן זיי, אבער צו זאגן וואס יענער האלט איז אומריכטיג.

און דער עיקר האסטו נאך נישט פארשטאנן, אז ציונות איז נישט איין זאך, עס איז א צוזאמענקומעניש פון פארשידענע מיינונגן און ווילונגן. נארדוי האט געוואלט שמד'ן אידן, אבער ר' יעקב יצחק ריינס האט נישט, און אזוי אויך די אלע וואס האבן געקעמפט פאר א אידישע ישוב אין א"י, כגון דער נצי"ב ודעימיה.

און די ראיה פון דברי הרצל גייט פונקט פארקערט. אין אנהייב האט ער געוואלט שמד'ן אידן, און שפעטער האט ער שוין נישט געוואלט. וואס ווילסטו יעצט? ער וויל דאך נישט שמד'ן אידן.

אז דער סוכנות וויל פאראיינגן אלע אידן אין דער וועלט איז גאר שמד?! שמד אין וואס?! אין דער רעליגיע וואס האלט אז מ'דארף זיין אפגעטיילט פון אידן?!

א נייעם איסור פון וואשען די מוחות! יעדער צדקה אפאראט טוט עס, יעדער רעדט יעדעם איין אז נאר מיט דער שטות ביסטו א מענטש צום טיש, נאר אז דו קויפסט דער סארט גאלא, שטופסט זיך ביי דער טיש, אדער שליסט'ס זיך איין אין דער גיגאנטישע אונטערנעמונג פון הבל וזבל. טוט עס די סוכנות אויך. ברגע די מדינה איז נישט קיין כפירה, איז דאס פונקט אזא שמד ווי א סאטמארער חסיד וועט דיך איידענטיפייען מיט סאטמארער אנשטאלטן איבער די גארער וועלט.
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
שריפטשטעלער
שריפטשטעלער
 
הודעות: 9425
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 3249 מאל
האט שוין באקומען לייקס: 8947 מאל

הודעהדורך רביה''ק זי''ע » פרייטאג יולי 31, 2020 5:31 pm

נהורא נפישא האט געשריבן:אויב די ציל איז מברר צו זיין ווער ס'בעצם גערעכט איז ביי מיר זינלאז אנטיילצונעמען אין אזא שמועס.

ווער ס'איז גערעכט האט מען שוין מברר געווען מער פון איין מאל, פעלט עכט נישט אויס איבערצו'חזר'ן, די ציל פונעם איצטיגן שמועס איז סתם ארומצוטראללן און זיך נאריש מאכן, גאלדי/buddy/קאך-לעפל/ועוד טראללט ארום און איך שפיל מיט די געים, ביני לביני האלט זיך שוין אינמיטן אויפבויען א נייע נאראטיוו און שיטה הקדושה איבער דאס אפיקורסת פון די וואס דאווענען נאכ'ן סוף זמן תפילה.
אריינצושיקן א קוויטל אדער באקומען א ברכה אדער סתם דורכצושמועסן ספיקות און חקירות, פארבינדט זיך צו: torahbelidaath@gmail.com
באניצער אוואטאר
רביה''ק זי''ע
חבר ותיק
חבר ותיק
 
הודעות: 3447
זיך רעגיסטרירט: דאנערשטאג פעברואר 15, 2018 9:46 pm
געפינט זיך: אין קוויטל-שטוב
האט שוין געלייקט: 3375 מאל
האט שוין באקומען לייקס: 2555 מאל

Re: ספרים היפך שיטת ויואל משה

הודעהדורך דער גאלדענער אדלער » מוצ"ש אוגוסט 01, 2020 11:29 pm

גאלד האט געשריבן:נאכאמאל, שערי לצנות לא ננעלו, ליצנות מאכט נישט גערעכט.

לעצם הענין, דאס אז דער רעיון פון ציוניזם איז מיוסד - און נאך עד היום - אויף איבערמאכן דעם איד, איז נישט קיין השערות אדער קאנספיראציעס,
בזאת תבחנו, כידוע האבן רוב גדולים בימים ההם לוחם געווען קעגן דעם נייעם תנועה, סנאך דא עד היום כתבים, תשובות, באשרייבונגען, אלטע צייטונגען, פון די ווערטער פון די מנהיגי ישראל בימים ההם,
אז איר וועט מדייק זיין אינעם תוכן וסגנון דבריהם, פון למשל דער רבי דער רש"ב, מהרי"ד מבעלזא, הגר"ח מבריסק, מהרי"ל דיסקין, הרב מציעשנוב,
וועט זיך ארויסשיילן ווי כולם כאחד זאגן מיט אזא פשטות דעם דאזיגן פאקט אז די פינסטערע תכלית פון די ציונים איז צו איבערמאכן דעם איד, מ'דינגט זיך מיטאמאל איבער דעם.

להבדיל די ציונים אליין זאגן עס א ביליאן מאל, זאב זשאבאטינקי האט געזאגט אז אויב איר ווילט זיך מצייר א ציוניסט, דאן נעם דעם טיפישן איד אין מאך א "איפכא מסתברא", הערצל אין זיין ביכל יודנשטאט מיט א פרעכהייט בארעכטיגט די אטיסמיטן, כידוע האט ער לכתחלה געוואלט אויסשמדן די אידן די קאנווענשנעל וועג מיט טויפן כלל ישראל צו קריסטנטום, ער האט געזעהן אז לא עלתה בידו איז ער אויפגעקומען מיט א רעפונירטע שווינדלערישע מהלך,

פארגעס פון א אודיענץ ביי נתניהו, זייער פאני,
די גאנצע איידיע פון זייער סוכנות (דשואיש אדשענסי) צו אויפזוכן יעדן נברא בכל כדור הארץ וואס איז מזרע ישראל, און איהם איבערעדן אז מיטן ווערן א ישראלישע בירגער און פאטריאט ווערט מען מער א איד. דאס איז שמד.
צו פרעדיגן פאר די אייגענע בירגער יומם ולילה, אז פארדעם מוז מען זיין א פאטריאט פון איזראעל, נישט ווייל מ'איז א איזרעאלי בירגער, נאר ווייל מ'איז א איד. דאס איז שמד.
זייער סיפיסטיקרטע הסברה אפאראט בכל העולם צו וואשן די מוחות פון כלל ישראל, אז איזראעל און די צה"ל איז די איידענטיטי און שטאלץ פון א איד. דאס איז שמד.
די אלע זאכן זענען די מייסדי הציונים'ס וויזיע אין עקשן.

אגב נאכמאל, כל הנ"ל האט קיין שייכות מיט שלש שבועות.
@גאלד

איר לייגט אראפ זייער גוטע יסודות, בעסיקלי נישט קיין אייגענע, נאר וואס מ'האט אייך אריינגעבאקן אין אייערע יונגע יארן אין חדר און אין ישיבה, און לויט ווי ס'קוקט אויס האט איר גוט צוגעהערט צו יעדן ווארט וואס די רעדנער ביי די פראטעסטן האבן געשטורעמט, און אויף דעם ארויף בויעסטו גאנצעטע בנינים. אבער איין זאך האסטו פארגעסן אז מיטן אמת האט עס גארנישט צוטוהן, אדרבה גיי ליין הערצל'ס בוך וועסטו זעהן זיין בליק איבער א אידישע מדינה און וויאזוי ער האט עס פארגעשטעלט.

אמת אז פאר ער איז צוגעקומען צו יענע מסקנה האט ער יא געהאלטן אנדערש, אבער דאס איז נישט געווען ווייל ער איז געווען א להכעיס'ניק נאר פשוט אן אומוויסענד'ר איד געשטאמט האט ער פון א משפחה מתבוללים און ער אליין איז אויך געווען א מתבולל, ער האט געוויסט פון אידישקייט בערך זערא, און אלעס וואס ער האט געשריבן איבער די נושא איז געווען א  געמיש פון גוטסקייט און אומוויסנהייט, אבער נאכדעם ווי ער האט זיך באקאנט געמאכט מיט די פאקטן האט ער גאנץ אנדערש געהאלטן אזוי ווי מ'זעהט אין זיין בוך ווי אויבן דערמאנט.

און דאס וואס דו האלסט און איין טענה'נען וועגן די ציונים אז זייער מאטיוו איז נאר אויס צו שמד'ן איז סתם שקרים וכזבים, אוודאי איז געווען צווישן זיי געוויסע וואס זייער מאטיוו איז טאקע דאס געווען, אבער רוב זענען נישט געווען מיט יענע אזוי ווי @ליטוואק האט שוין דערמאנט פריער.
אלזא אז דו ווילסט טאקע וויסן דעם אמת דאן קוק נישט אזויפיל אינעם ויואל משה נאר גיי ארויס און ליין אביסעל ביכער וואס די ציונים אליין האבן געשריבן און אויך די וואס האבן גוט געקענט די ציונים פון די נאענט ווי למשל די ספרים פון הרב קוק זצ"ל און זיינע תלמידים ווי צום ביישפיל הרב חרל"פ און דער נזיר, הרב נריה און נאך. און דערנאך וועסטו האבן נישט נאר א באלאנס נאר אויך אן אמת'ן בליק און א ידיעה ווער האט וואס געוואלט.
דער גאלדענער אדלער
ידיד ותיק
ידיד ותיק
 
הודעות: 827
זיך רעגיסטרירט: דאנערשטאג אפריל 27, 2017 6:30 pm
האט שוין געלייקט: 3981 מאל
האט שוין באקומען לייקס: 1531 מאל

הודעהדורך נהורא נפישא » מוצ"ש אוגוסט 01, 2020 11:59 pm

רביה"ק, אדרבה אפשר לערנט איר מיט מיר וויאזוי איז מען טאקע מברר וועלכע השקפה איז גערעכט. כדאי צו שטעלן דאס למבחן דארף מען דאך א קנה מידה. אויב איז די קנה מידה פראקטישקייט קען מען שמועסן, באטראכטן סאטיסטיקס וכו' אויב אבער איז די קנה מדה די השקפת התורה דאן וויאזוי איז שייך צו מעסטן. יעדע השקפה וואס צילט צו תורהדיגע וועליוס קען דאך באמת געפונען שטיצע אין די מקורות און אין היסטאריע פון תורהדיגע השקפות. דורכאויס אידישע היסטאריע אנטוויקלט זיך השקפות אין רעאקציע און איינפלוס פון פארשידענע לאקאלע געשענישן און עס בויעט זיך כסדר פארשידענע טעזעס און אנטיטעזעס און סינטעזעס ווי אין די העגלישע דיאלעקטיקס. כלומר אויב זאל מען פונדאסניי רעקאנסטראקטן אידישקייט מיט די זעלבע ספרים ביזן שו"ע וועט מען קיינמאל נישט צוטרעפן צו די היינצייטיגע יהדות עס ברויך ווערן אויסגעקנעטן אין די קנעט מאשין וואס הייסט היסטאריע און מוז אדורך מאכן די זעלבע אומשטענדן. סאטמאר רב'ס השקפות זענען גענוי פון די חדר פון וואס ער קומט מיטן אויסנאם פון פארשידענע ניואנסען. מ'קען זיך דינגן טאקע אויף זיינע מקורות ווי שטארק זיי זענען און אז ס'איז דא מקורות אויף פארקערט און אז די פשט אין מהר"ל איז גאר מאדנע און אריינגעקוועטשט. אבער בשום אופן קען מען נישט אפפרעגן די עצם השקפה וואס דארף נישט צוקומען צו די אלע צווייפלהאפטיגע מקורות . נאר דא איז דא א באזונדערע פאראדאקס ווייל די השקפה נעמט דאך אויך אריין אזא אנטיפלוראליסטישע צוגאנג וואס אזא צוגאנג קען מען אויך טרעפן דערויף מקורות אבער איז היסטאריש נישט ריכטיג. און ווי פארשטענדליך געבן זיך נישט רבנים אפ מיט היסטאריע, ווי אויך איז אזא אנטיפלוראליסטישע צוגאנג נישט דעם סאטמאר רב'ס נחלת הפרט.
רעדאגירט געווארן צום לעצט דורך נהורא נפישא אום זונטאג אוגוסט 02, 2020 3:04 am, רעדאגירט געווארן 2 מאל בסך הכל.
למה נקרא שמו רבי נהוראי, שמנהיר עיני חכמים (עירובין:)
נהורא נפישא
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1693
זיך רעגיסטרירט: דינסטאג יולי 23, 2013 9:42 pm
האט שוין געלייקט: 1950 מאל
האט שוין באקומען לייקס: 2218 מאל

הודעהדורך רביה''ק זי''ע » זונטאג אוגוסט 02, 2020 12:02 am

מ'קען טאקע נישט אפפרעגן די עצם השקפה, נישט נאר דאס, ס'נישט דא קיין איין מיינונג אדער שיטה וואס מ'קען אפפרעגן. וואס יא, מ'קען אפפרעגן די ראיות וואס די בעל ההשקפה/שיטה נוצט אויפצובויען זיינע זאכן.
אריינצושיקן א קוויטל אדער באקומען א ברכה אדער סתם דורכצושמועסן ספיקות און חקירות, פארבינדט זיך צו: torahbelidaath@gmail.com
באניצער אוואטאר
רביה''ק זי''ע
חבר ותיק
חבר ותיק
 
הודעות: 3447
זיך רעגיסטרירט: דאנערשטאג פעברואר 15, 2018 9:46 pm
געפינט זיך: אין קוויטל-שטוב
האט שוין געלייקט: 3375 מאל
האט שוין באקומען לייקס: 2555 מאל

הודעהדורך נהורא נפישא » זונטאג אוגוסט 02, 2020 12:06 am

זיינע ראיות זענען בדרך כלל סך הכל נישט מוכרח און ראיות פארקערט זענען פונקט אזוי נישט מוכרח. עס האט סוכ"ס צוטאן וואס מ'האלט פאר אן עיקר און וואס מ'האלט פאר א טפל.
למה נקרא שמו רבי נהוראי, שמנהיר עיני חכמים (עירובין:)
נהורא נפישא
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1693
זיך רעגיסטרירט: דינסטאג יולי 23, 2013 9:42 pm
האט שוין געלייקט: 1950 מאל
האט שוין באקומען לייקס: 2218 מאל

הודעהדורך גאלד » זונטאג אוגוסט 02, 2020 12:56 pm

דער גאלדענער אדלער האט געשריבן:
גאלד האט געשריבן:נאכאמאל, שערי לצנות לא ננעלו, ליצנות מאכט נישט גערעכט.

לעצם הענין, דאס אז דער רעיון פון ציוניזם איז מיוסד - און נאך עד היום - אויף איבערמאכן דעם איד, איז נישט קיין השערות אדער קאנספיראציעס,
בזאת תבחנו, כידוע האבן רוב גדולים בימים ההם לוחם געווען קעגן דעם נייעם תנועה, סנאך דא עד היום כתבים, תשובות, באשרייבונגען, אלטע צייטונגען, פון די ווערטער פון די מנהיגי ישראל בימים ההם,
אז איר וועט מדייק זיין אינעם תוכן וסגנון דבריהם, פון למשל דער רבי דער רש"ב, מהרי"ד מבעלזא, הגר"ח מבריסק, מהרי"ל דיסקין, הרב מציעשנוב,
וועט זיך ארויסשיילן ווי כולם כאחד זאגן מיט אזא פשטות דעם דאזיגן פאקט אז די פינסטערע תכלית פון די ציונים איז צו איבערמאכן דעם איד, מ'דינגט זיך מיטאמאל איבער דעם.

להבדיל די ציונים אליין זאגן עס א ביליאן מאל, זאב זשאבאטינקי האט געזאגט אז אויב איר ווילט זיך מצייר א ציוניסט, דאן נעם דעם טיפישן איד אין מאך א "איפכא מסתברא", הערצל אין זיין ביכל יודנשטאט מיט א פרעכהייט בארעכטיגט די אטיסמיטן, כידוע האט ער לכתחלה געוואלט אויסשמדן די אידן די קאנווענשנעל וועג מיט טויפן כלל ישראל צו קריסטנטום, ער האט געזעהן אז לא עלתה בידו איז ער אויפגעקומען מיט א רעפונירטע שווינדלערישע מהלך,

פארגעס פון א אודיענץ ביי נתניהו, זייער פאני,
די גאנצע איידיע פון זייער סוכנות (דשואיש אדשענסי) צו אויפזוכן יעדן נברא בכל כדור הארץ וואס איז מזרע ישראל, און איהם איבערעדן אז מיטן ווערן א ישראלישע בירגער און פאטריאט ווערט מען מער א איד. דאס איז שמד.
צו פרעדיגן פאר די אייגענע בירגער יומם ולילה, אז פארדעם מוז מען זיין א פאטריאט פון איזראעל, נישט ווייל מ'איז א איזרעאלי בירגער, נאר ווייל מ'איז א איד. דאס איז שמד.
זייער סיפיסטיקרטע הסברה אפאראט בכל העולם צו וואשן די מוחות פון כלל ישראל, אז איזראעל און די צה"ל איז די איידענטיטי און שטאלץ פון א איד. דאס איז שמד.
די אלע זאכן זענען די מייסדי הציונים'ס וויזיע אין עקשן.

אגב נאכמאל, כל הנ"ל האט קיין שייכות מיט שלש שבועות.
@גאלד

איר לייגט אראפ זייער גוטע יסודות, בעסיקלי נישט קיין אייגענע, נאר וואס מ'האט אייך אריינגעבאקן אין אייערע יונגע יארן אין חדר און אין ישיבה, און לויט ווי ס'קוקט אויס האט איר גוט צוגעהערט צו יעדן ווארט וואס די רעדנער ביי די פראטעסטן האבן געשטורעמט, און אויף דעם ארויף בויעסטו גאנצעטע בנינים. אבער איין זאך האסטו פארגעסן אז מיטן אמת האט עס גארנישט צוטוהן, אדרבה גיי ליין הערצל'ס בוך וועסטו זעהן זיין בליק איבער א אידישע מדינה און וויאזוי ער האט עס פארגעשטעלט.

אמת אז פאר ער איז צוגעקומען צו יענע מסקנה האט ער יא געהאלטן אנדערש, אבער דאס איז נישט געווען ווייל ער איז געווען א להכעיס'ניק נאר פשוט אן אומוויסענד'ר איד געשטאמט האט ער פון א משפחה מתבוללים און ער אליין איז אויך געווען א מתבולל, ער האט געוויסט פון אידישקייט בערך זערא, און אלעס וואס ער האט געשריבן איבער די נושא איז געווען א  געמיש פון גוטסקייט און אומוויסנהייט, אבער נאכדעם ווי ער האט זיך באקאנט געמאכט מיט די פאקטן האט ער גאנץ אנדערש געהאלטן אזוי ווי מ'זעהט אין זיין בוך ווי אויבן דערמאנט.

און דאס וואס דו האלסט און איין טענה'נען וועגן די ציונים אז זייער מאטיוו איז נאר אויס צו שמד'ן איז סתם שקרים וכזבים, אוודאי איז געווען צווישן זיי געוויסע וואס זייער מאטיוו איז טאקע דאס געווען, אבער רוב זענען נישט געווען מיט יענע אזוי ווי @ליטוואק האט שוין דערמאנט פריער.
אלזא אז דו ווילסט טאקע וויסן דעם אמת דאן קוק נישט אזויפיל אינעם ויואל משה נאר גיי ארויס און ליין אביסעל ביכער וואס די ציונים אליין האבן געשריבן און אויך די וואס האבן גוט געקענט די ציונים פון די נאענט ווי למשל די ספרים פון הרב קוק זצ"ל און זיינע תלמידים ווי צום ביישפיל הרב חרל"פ און דער נזיר, הרב נריה און נאך. און דערנאך וועסטו האבן נישט נאר א באלאנס נאר אויך אן אמת'ן בליק און א ידיעה ווער האט וואס געוואלט.


טעות גדול ונורא מאוד ידידי היקר,
מיין אנטי-ציוניזם איז נולד געווארן הערשט נאך מיין סאטמארע חינוך,
דער סאטמארער חינוך האט מיך איבערגעלאזט א פאלנער ציוני ל"ע, בלי גוזמא
כגלייב אז מאנכע פון די שרייבערלעך דא זענען פראדוקטן פון אט דעם חינוך,
איך זאג אייך דעם ריינעם אמת לאמיתו, האמנתי כי אדבר,
קיינער קומט נישט ארויס קיין אנטי ציוני פון די סאטמארע חדר, לפענ"ד
מ'האט דארט קיינמאל קיין אינטעלעקטשועל דיסקושן איבער צויניזם,
די אידילאגיע, די היסטאריע, די צדדים לכאן ולכאן, גארנישט,
אלעס איז באזירט אויף די גדלות פון רבי'ן ז"ל, אז דער רבי ז"ל האט זייער געוויינט ביי ש"ס,
אז היות דער רבי איז געווען א גרויסע צדיק חכם ונבון (טאקע אמת) מוז זיין אז די ציונים זענען אויסווארפן,
און היות דער רבי האט געזאגט און געטאן געוויסער זאכן מוז מיר למען ה' טאן די זעלבע זאך, ווייל מטאר נישט משנה זיין,
אן פארשטיין און וויסן פארוואס פארווי פארווען,
מ'לייגט דארט גרויס געוויכט אויפן טפל, נארישע מינדעריקע זאכן,
ווי "אגודה", "בחירות", "פארכאפט", "כותל", "רבי ז"ל" וכדומה, נארישקייטן
אדער פאר א פראטעסט איז מען ביזי מיט "פאליס-ברוטאליטי" משלאגט די אידן אין מאה שערים און מגראבט קברים,
אבער קיינער ווייסט נישט פונעם עיקר,
אפי' די פראטעסטן וואס מ'אראנזשירט פון צייט צו צייט איז אלעס דאמירן בעלמא,
קיינער ברענט נישט קיינער קאכט נישט, זיכער נישט אויף אזא מין אופן ווי למשל די בלעק לייוו מעטער פראטעסטירער,
יעדער איז זייער קעזשועל מיט עס,
ס'איז פשוט א טרעדישן אז יעדע 4 יאר בערך מוז מען עפעס אפירזוכן צו פראטעסטירן, ווייל דער רבי ז"ל פלעגט דאך פראטעסטירן,
הגם די פראטסטירן איז א וויכטיגע זאך, אבער די עטיטוד אין הבנה פון א פאלנער סאטמארע בחור'ל לגבי פראטעסטן ווייסט קיינער פון זייער חיות,
די בילד וואס א פראדוקט פונעם סאטמארען חינוך באקומט לגבי ציוניזם איז אז בעצם איז די מדינה א פאזיטיווער זאך פאר כלל ישראל,
נאר מה נעשה אז סדא א שלש שבועות, דער רבי ז"ל האט געזאגט אז ס'טרייף ואנן מה נענה אבתריה,
ביי מיר הייסט דאס א ציוני.

נאר וואזשע דען איך פערזענליך מדעת עצמי, בין געקומען צו די הכרה פונעם חומר הענין פון מיין אייגענע חקירות ודרישות,
נאכן זיך אריינווארפן אין דעם נושא בעובי הקורא בין איך געווארן א בעל תשובה,
אנגעהויבן האט זיך עס מיטן ספר ויואל משה,
כבין געווארן זייער אבסעסט מיט דעם ספר,
לפענ"ד איז דער ספר זייער קאנווינסינג, יעדער פוינט איז ראק סאליד,
ס'האט נאר איין געפערליכע פראבלעם דער ספר, לפענ"ד, אז סאיז שרעקליך נישט ארגענאזירט,
ס'כמעט נישט מעגליך צו כאפן זיינע פוינט'ס אז מלערנט סתם גראד,
זיינע רעיונות, זענען צופלויגן און צוווארפן אין פארשידענע מקומות ווען סוואלט ווען געדארפט זיין אין איין פלאץ,
און פארקערט אויך, ס'קען זיין איין סימן וואס לפענ"ד דארף ווען ציטיילט ווערן אין 10 באזונדערע סימנים
ווי אויך איז דער ספר זייער נישט טאקטפול,
דער רבי זצ"ל איז געווען גענוג א רעפונירטע מענטש כידוע צו פארמירן דעם ספר אויף א טאקטפול וועג,
מיט קלינגעדיגע פאנטש-ליינס וכדומה,
אבער איר העט עס נישט טרעפן אין דעם ספר נפלא,
זיין ספר איז לגמרי נישט געצילט צו געווינען א ויכח,
דער ספר איז דאס פונקט פארקערטע ווי memes
ער שרייבט מפורש אין זיין הקדמה אז ער צילט לגמרי נישט דעם ציוני,
ער זוכט בלויז די דורשים ומבקשים ותו לא,
ער צילט צו מענטשן וואס זענען אינגאנצן אפען-מיינדעד און ווילן וויסן אך ורק האמת (לשיטתו)
וואס מיינט לכאורה סאטמאר חסידים, און ענליכס,
ער האט למען השם נישט געוואלט אז זיינע חסידים זאלן זיין אנטי ציונים ווייל ער זאגט אזוי,
ס'איז איהם געגאנגען בנפשו אז זיינע חסידים זאלן פארשטיין דעם ענין,
ממילא איך, אלס א חסיד פון הייליגן רבי'ן זצ"ל,
האב איך מחליט געווען איך גיי נישט ווערן ענטימדעטעט פון די סטייל פון דעם ספר
איך גיי נישט ווערן ענטימידעטעד פון מיין סאטמארע ציוניסטישע חינוך
און איך גיי געבן מיין רבי א טשענס, איך גיי קוקן וואס ער האט צו זאגן,
איך האב דורגעדרעשט דעם ספר מ'דאשקע לדאשקע,

די מעשה איז אזוי דער ספר ויואל משה איז לגמרי נישט קיין טיפזינגע ספר,
ס'נישט קיין פילפולים, אדער פשט'ליך ס'מער אוואו א תשובה ספר וואס איז מדמה מילתא למילתא בעניני הלכה, ווי א תשובה אין אגרות משה,
און דער רבי איז שטוינענד קריעטיוו ווי ער טרעפט צו יעדער זאך אייזן פעסטער ראיות פון מקורות וואס וואלט קיינעם בייגעפאלן צו מדמה זיין,
אבער למעשה שטימט אלעס כמין חומר,
נארמאל ווען איינער טוהט דורך א מער קאנווענשענעל נושא,
ווי למשל הלכות מוקצה, צו בשר וחלב, ווייסט ער ווי ער האט צו קוקן די מקורות אין חז"ל רמב"ם אין שו"ע,
ער האט מיט וואס צו ארבעטן,
אבער דער נושא איז דאך קיינמאל געווען שייך ביי כלל ישראל, סכמעט ווי סורר ומורה אדער עיר הנדחת, וואס לויט טייל לא הי' ולא יהי',
האט דער רבי געדארפט זיין במקום אלע פריעדיגע פוסקים און צאמשטעלן די פאזל,
און ווי דער פאזל פאסט זיך ווי א הענטשעך
דער מענטש איז געווען א דשיניעס
רוב רובו פונעם ספר איז מיטאמאל פון קיין שלש שבועות,
ער דעקט פיל מיט סתם אינטערסאנטע ידועות בכל מכמני תורה,




דאס איז נאר דער הקדמה, דער עיקר קומט,
באניצער אוואטאר
גאלד
חבר ותיק
חבר ותיק
 
הודעות: 2168
זיך רעגיסטרירט: מאנטאג מאי 07, 2012 1:42 pm
האט שוין געלייקט: 678 מאל
האט שוין באקומען לייקס: 1759 מאל

הודעהדורך berlbalaguleh » זונטאג אוגוסט 02, 2020 3:09 pm

פאר מיר שווינדלט שוין דער קאפ פון די אלע הויכשטאפלענדיגע וויכוחים. איך בין נישט געקומען אפפרעגן דעם ויואל משה, ח"ו. איך פרעג נאר א פשוט'ע שאלה וואס איז נאכנישט פארענטפערט געווארן. אז אין א געוויסע תקופה. די תקופה ווען טעאדאר הערצל וסייעתו האבן געווירקט (פארשטייצעך. א יעדער פאר אנדערע מאטיוון). איז געווען א שטארקע באוועגונג, סיי ביים המון עם. סיי ביי די פאליטישע פיהרער אין מזרח אייראפע צו זעהן די אידן ארויס פון זייערע מדינות.

ס'איז באוואוסט אז אין די תר"ץ יארן (1930'ער) האבן אפילו די גויים אין פוילן נאכגעשריגן פאר די אידן..."זשידי דא פאלעסטינע"...אז די אידן זאללן גיין קיין פאלעסטינע...!

ממילא איז דאך די מאסן עלייה פון אידן קיין ארץ ישראל געווען כמעט מיט די הסכמה פון די גויים...!

ממילא איז א ביסל שווער איבער די העברה על שלוש שבועות...!

פארשטייצעך אז די גויים האבן עס נישט געטון וועגן אהבת ישראל. זיי האבן געוואלט ארויסזעהן די אידן פון זייער לאנד. בטיפשותם הגדול האבן זיי געהאלטן אז די אידן נעמען עפעס אוועק פון זיי. האבן זיי געזאגט..."אידן , גייטס קיין פאלעסטינע"...!

די נארישע און אנטיסעמיטישע פוילישע רעגירונג פון פאר די 2'טע וועלט מלחמה האטציך געבעטן ביי די ליגע פון נאציעס אז זיי זאללן אוועקנעמען פון פוילן כאטש..."איין מיליאן יודן"...!
באניצער אוואטאר
berlbalaguleh
חבר הכבוד
חבר הכבוד
 
הודעות: 13888
זיך רעגיסטרירט: דינסטאג יולי 17, 2012 12:57 pm
האט שוין געלייקט: 15870 מאל
האט שוין באקומען לייקס: 8977 מאל

פריערדיגענעקסט

גיי צוריק ספרים און ביכער

ווער איז יעצט דא?

באניצער וואס לייענען דעם פארום: נישטא קיין אנליין באניצער און איין גאסט