בלאט 3 פון 3

הודעהפורסם: זונטאג יוני 14, 2020 9:17 am
דורך דוראק
ליטוואק פון בודאפעסט האט געשריבן:בקיצור, אדער:-
א. היסטאריש אינטרעסאנט
ב. געשריבען מיט א טיפער שפראך, אז די ווערטער ברענגן ארויס א פארשטאנד
ג. א ציענדיגע געשיכטע
ד. אן אמת ארויס געברענגט וואס איז נישט נראה בעליל
ה. א הינטערגרונד פאר אנדערע געשיכטערס

קיין געדולד אַדורכצוליינען אַלע ביכער וואָס מ'האָט פאָרגעשלאָגט ביז אַהער האָב איך ניט, על כל פנים דאָ איז אַ רשימה פון ביכער וואָס זײַנען כדאי צו ליינען:

א. במצודה הפרושה פון א״א גרשוני (אַ ציענדיקע געשיכטע, וואָס גיט אַ גוטן הינטערגרונט צו אַ היסטאָרישער תקופה).
ב. תולדות ר' פרץ מוצקין (לפענ״ד אַ סך בעסער פאַר דעם תולדות ר' מענדל פוטערפאַס, געשריבן דורך אַ בן התקופה וואָס האָט עם הפנים גוט געקענט).
ג. זכרונותיו של חסיד פון ר' דוד אבא גורביץ' (איך ווייס ניט צי ס'איז דאָ צו קריגן ערגעץ וואו, שרײַבט וועגן אַ גאַנץ אומבאַקאַנטער תקופה אין דברי ימי חב״ד – טאַשקענט תש״י־ל, אויף ווי ווײַט מײַן נאַרישער שכל פאַרשטייט איז ער אַ סך אַ גרעסערער בעל סמכא פון דעם מחבר פון דעם איצט־פּאָפּולאַרן בוך „סאַמאַרקאַנד”; איין גרויסן חיסרון האָט דער בוך – עס פעלט עם מינימאַלע רעדאַקציע, דערפאַר אָבער איז ניטאָ אין עם קיין צענזורע).
ד. בעלי התוספות פון אפרים אורבך (היסטאָריש אינטערעסאַנט, זייער ציענדיק; נאָכן ליינען דעם בוך לעבט זיך דער גאַנצער תוספות אָפּעט – ליינענדיק אַ תוספות קאָן מען מיינען אַז מ'זעט אַ לעבעדיקן ויכוח צווישן דעם ר״י מיטן ר״ת; דערפאַר איז עס אָבער ניט קיין „איזי ריד”).
ה. זכרונות פון גולאַג (דעם אמת געזאָגט, אויף צו הנאה האָבן פון דעם ביכל דאַרף מען האָבן אַ קענטעניס מיט עכ״פ אַ טייל פון די מענטשן און געשעענישן דאָרט).

פאַראַן נאָך פאַרשטייט זיך, נאָר האָפנטליך וועט דער סאָשעל־דיסטענסינג זיך ענדיקן פריער...

הודעהפורסם: זונטאג יוני 14, 2020 9:24 am
דורך דוראק
פאליטיקאנט האט געשריבן:
ליטוואק פון בודאפעסט האט געשריבן:
החוקר האט געשריבן:
ליטוואק פון בודאפעסט האט געשריבן:א גוטע עצה. יעצט דארף איך עצות אויף דעם אויך. וועלכע איז די בעסטע? איך זעי אז א Fire איז די ביליגסטע, אבער דאס איז א טאבלעט, און ברגע דער אינטרנט קומט מיט מיר אין בעט אריין, שלאף איך נישט איין. איך האב שוין א תאווה פאר דאס, אבער ווער קען בארעכטיגן אזויפיל געלט בלויז פאר פארוויילונג?

ישעיה האט געשריבן:וועלכע וואלט איר רעקאמאנדירט?

מען קען יעצט באקומען א קינדל (נישט די שטרודל) אויף עמעזאן פאר קארגע $60.

פאר די פרייז גייט איר איין אז עמעזאן זאל ווייזן עדס. אויב ווילט איר נישט באקומען קיין אנאנסן דארפט איר צוצאלן נאך א צוואנציגער.

איך פארשטיי נישט, וויאזוי קומן די עדס אן? טאמער איך באהעפט נישט די קינדל צום אינטרנט קיינמאל, נאר צו מיין קאמפיוטער פון וואנעט איך אפלאוד די פיילס וואס איך וויל דארט לייגן, וואס קענען זיי מיר טון?
און אגב, קען מען קאנווערטן א סקענד ספר צום קינדל פארמאט און לערנן דערפון?


די עדס קומען מיט די דעווייס און עס בלייבט אפי' אן אינטערנעט צוטריט, ווען מען באהעפט זיך צום אינטערנעט טוט זיך עס אפדעיטן צו פרישער עדס.
אבער איך וויל באטאנען אז די עדס זענען נאר אויף די "לאק-סקרין" נישט בשעת מען ניצט עס.
(מ'קען אלס צוצאלן און אראפנעמען די עדס - אסאך מאל זאגאר בחינם)


יא מ'קען קאנווערטן כמעט יעדע מין פייל צו א KPF פייל (די פארמאט וואס קינדל ניצט) און עס זענען דא אסאך פרייע סאפטוועיר / סייטס דערפאר.

ווען מ'באַהעפט דעם קינדל צום קאָמפּיוטער קאָן מען גרינג דיליטן אַלע עדס, און כל זמן דער קינדל איז אָפלײַן קומען ניט צו קיין נײַע עדס.

אויף אַ קינדל קאָן מען עפענען יעדן פּידיעף, נאָר ס'איז ניט אַזוי געשמאַק צו ליינען. פון יעדן טעקסט פײַל קאָן מען גרינג מאַכן אַ קינדל פײַל.

הודעהפורסם: זונטאג יוני 14, 2020 9:39 am
דורך ליטוואק פון בודאפעסט
ייש"כ הרב @דוראק. איך האב געליינט 'סאמארקאנד' אויף עברית, און די אדזשענדא האט געגרידזשעט. עס ליינט זיך נישט האנעסט.

דיין אלע ביכער זענען אבער נישט אוועילעבל אומזיסט. איך וועל בעטן די חבר וואס האט מיר פארבארגט 'סאמארקאנד' צו ער האט די אלע זאכן.

הודעהפורסם: זונטאג יוני 14, 2020 10:04 am
דורך דוראק
ליטוואק פון בודאפעסט האט געשריבן:ייש"כ הרב @דוראק. איך האב געליינט 'סאמארקאנד' אויף עברית, און די אדזשענדא האט געגרידזשעט. עס ליינט זיך נישט האנעסט.

דיין אלע ביכער זענען אבער נישט אוועילעבל אומזיסט. איך וועל בעטן די חבר וואס האט מיר פארבארגט 'סאמארקאנד' צו ער האט די אלע זאכן.

יע, אַ באַקאַנטע פּראָבלעם. אַ סך פון די וואָס זײַנען דאָרט געווען קאָנען דעם בוך ניט פאַרלײַדן.

אַהאַ... „על הגאולה ועל התמורה” האָסט געזאָגט איז דיר ניט אינטערעסאַנט, וואָס איז מיט די אַנטי-ציוניסטישע כתבים פון אוריאל צימער און פון נתן בירענבוים, האָסט שוין געליינט? (ליינט זיך געשמאַקער לענ"ד, כאָטש לאו דווקא בין איך מסכים מיט יעדן וואָרט)

הודעהפורסם: זונטאג יוני 14, 2020 10:10 am
דורך ליטוואק פון בודאפעסט
ווען איך ליין נאר וואס איך בין מסכים דערמיט, ווער איך שוין א רעפובליקאן.....

איך קען ליינן פון דער פרעמד אויך. וויאזוי הייסן דיין ביכער? זיי זענען אוועילעבל אנליין? כאטש אויף אוצה"ח?

נאר ללמד זכות אויף 'סאמארקאנד', עס איז דאך כנראה געשריבן געווארן אלס א פאנדרעיזער פאר אן ארגאניזאציע, און דעריבער דארף מען דאס האלטן אין קאפ. זיין אנטוישונג פון די ארגאניזאציע פאליטיק שוועבט ארויף פון זיין שרייבאכץ, און דאס איז גראדע יא אינטרעסאנט. אבער כאמור איז עס מיט א שטארקן אדזשענדא.

גראדע האב איך מיר זיך אנגעשטויסן מיט אסאך זכרונות ביכער אויף אוצה"ח, און אסאך קוקן אויס אינטרעסאנט. די כלל מיט זכרונות איז אז אפילו מיט אלע נגיעות וכדו', איז עס די פערספעקטיוו פון א מענטש. דער פערספעקטיוו איז זיכער אמת, צו די פאקטן זענען יא צו נישט. און דאס איז די געשמאק דערפון, ווי א בילד פון א מענטש און א סביבה ווערט געבויט.

אוריאל צימר איז אוועילעבל אויף אוצה"ח, אבער בירנבוים האב איך נישט געליינט, איך ווייס נישט פארוואס. אבער ליין מאטעריאל אין בעט דארף נישט און טאר נישט זיין קיין גרויסע מושכלות, איך וויל דאך איינשלאפן.....

הודעהפורסם: זונטאג יוני 14, 2020 10:15 am
דורך דוראק
צימערס הייסט „יהדות התורה והמדינה”, בירענבוים האָט פאַרשיידענע, איך געדענק ניט די נעמען, צו אייניקע פון זיי דאַרף זײַן לינקן אין זײַן וויקיפּעדיע בלאַט. אַלע דאַרפן זײַן עוועילעבל אומזיסט אָנלײַן.

סאַמאַרקאַנד האָט ערשינען אָריגינעל אין דער צײַטונג „בית־משיח”, ערשט שפּעטער האָט ער עס אָפּגעדרוקט אין בוך פאָרמאַט. אָבער ביסט גערעכט אַז זכרונות קאָנען זײַן זייער אינטערעסאַנט (צוויי פון די ביכער וואָס איך האָב פריער פאָרגעשלאָגן זײַנען זכרונות).

הודעהפורסם: דינסטאג יוני 16, 2020 4:08 pm
דורך ליטוואק פון בודאפעסט
איך האב יעצט (מעגליך) געטראפן א לעזונג צו מיין פראבלעם. אפשר בין איך א בטלן אז עס האט גענומען אזוי לאנג. מ׳קען קויפן א thermal binding machine פאר אונטער הונדרעט דאללאר. דערנאך קען מען פרינטן און ביינדן אליינס יעדער פי.די.ף. וואס מ׳האט.

פארוואס האט קיינער נישט דערמנאט אט די עצה? זע׳מיר אלע בטלנים פון כולל ארויס? אדער מאך איך א מיסטעיק?

הודעהפורסם: דינסטאג יוני 16, 2020 4:12 pm
דורך ריכטיג
א ביכל א טאונער, אפשר צוויי בוכער נישט מער. צו טייער.

אקעי, לויט גוגל איז ארום פיר בוכער.

ככלל איז דאס נישט קיין לעזונג פאר א בוכווארם.

הודעהפורסם: דאנערשטאג יוני 18, 2020 10:03 pm
דורך דוראק
אויב איר ווילט לייענען עפּעס פון אַ שטיקל אַנאַנדער סוג, רעקאָמענדיר איך שטאַרק דעם ספר אשכבתא דרבי. אינטערעסאַנט צו זען דעם צונויפגאָס פון דעם גאון מיטן חסיד, ווי אויך דעם קוק פון אַ תלמיד אין ליובאַוויטש אויף זײַן רבי'ן.

הודעהפורסם: פרייטאג יוני 19, 2020 6:52 am
דורך ליטוואק פון בודאפעסט
ייש"כ גדול.
ער באשרייבט זיין געשיכטע ביים פטירה פון דער רבי רש"ב, עס דוכט זיך מיר איך האב עס אמאל געליינט. קען זיין אז עס איז אראפ געברענגט כלשונו אין שמועות וסיפורים פון ר' רפאל (פוליע) קאהן ז"ל?

אגב אעורר. דארט אין עמ' 21 דערמאנט ער דער מנהג חב"ד פון נישט לייגן אן עטרה אויף די טלית. ער איז משער אז ווען דער בעל התניא איז ארעסטירט געווארן, און די חסידים האבן גוזר געווען אז יעדער מוז אראפ נעמן די עטרה און פארקויפן די זילבער אויסצולייזן דער רבי'ן, האט מען אזוי אנגעהאלטן די מנהג. איך געדענק פון מיין חדר יארן, אז מ'האט מסביר געווען דער מנהג העולם צו לייגן אן עטרה, ווי עס שטייט אין מג"א פון אריז"ל, אז מ'לערנט עס ארויס פון די קרשים.מען האט געמוזט אפצייכענן די קרשי המשכן כדי אז יעדער קרש זאל בלייבן אין די זעלבע ארט ביי די משכן, שלא להפחית מקדושתו (לעצטענס אין דף היומי). אזוי אויך איז ביי דער טלית של מצוה, אז די חלק צוקאפנס איז הייליגער ווי די חלק ביים זייט וכדו', און ממילא דארף די חלק וואס גייט צוקאפנס, בלייבן דארט יעדעס מאל. און דער בעל התניא האט געטענה'ט אז דאס איז אלס ביי פארשידענע קרשים, ווי יעדער איינער האט זיך זיין חשיבות און פלאטץ. אבער ביי איין גרויס טלית, מאכט נישט אויס וויאזוי עס שטייט, פון דער זייט אדער יענער זייט. און ער האט גאר געברענגט א ראיה פון רש"י אין חומש, ווען יעקב אבינו איז געגאנגן קיין חרן, און די שטיינער האבן זיך צוקריגט אויף וועמן זאל דער צדיק לייגן זיין קאפ, האט דער אויבישטער געמאכט איין גרויסע שטיין פון זיי אלע. פרעגט זיך די קשיא, און וואס איז יעצט? יעדער זייט פון די שטיין וועט זיך קריגן אז ער וויל דער צדיק קאפ'ס? ווייזט זיך אויס אז אויף איין גרויסע שטיין, טיילט זיך נישט די קדושה פון איין זייט צום צווייטן, נאר אויף פארשידענע שטיינער. אזוי האב איך געהערט פון מיין חדר מלמד. מסתמא האט ער דערפון א התעוררות בעבודת הוי"ה אויך, וק"ל.

הודעהפורסם: זונטאג יוני 21, 2020 2:15 pm
דורך דוראק
וועגן די טליתים געדענקט זיך מיר אַז איינער האָט געשריבן באריכות (אפשר יוחנן גוראריה אין זײַן חקרי מנהגים?). ווי ס'געדענקט זיך מיר זאָגט מען אַז טלית איז דער ענין המקיפים, וואו ס'איז ניט שייך קיין מעלה ומטה.

הודעהפורסם: מאנטאג יוני 22, 2020 9:25 pm
דורך דוראק
נאָך אינטערעסאַנטע ביכער:
יהדות ברוסיה הסובייטית
יהודים ויהדות בברית המועצות
קידוש השם
אַלע דרײַ פון אהרן אליהו גרשוני
די ערשטע צוויי דאַרפן זײַן אויפן אוצר (דער ערשטער נאָר אויב איר האָט מוסד הרב קוק).

הודעהפורסם: מאנטאג אוגוסט 10, 2020 6:16 pm
דורך חכימא
ריכטיג האט געשריבן:
ליטוואק פון בודאפעסט האט געשריבן:, ליובאוויטשער מעשיות זענען אלס אינטרעסאנט, .

https://t.me/joinchat/JrjYiFHNFlCezMiA533FMA

א טעלעגראם מיט ליובאוויטשע פדף'ס וואס זענען נישט אוועיליבל אויף היברו בוקס אדער רבי דרייוו.

איינער ווייסט אפשר וואס מיט דעם טשענעל איז געשען???

Re: איך דארף לייען מאטריאל!

הודעהפורסם: מיטוואך אוגוסט 12, 2020 2:41 am
דורך אונטער חכם
א טשענעל מיט א חלק פון די ביכער דארט.
https://t.me/joinchat/AAAAAFaL6NJ6iTTwkTA8Hw

הודעהפורסם: מיטוואך אוגוסט 12, 2020 7:43 am
דורך חכימא
ייש"כ!!!
כ'האב קיין ווערטער אייך צו באדאנקן!

ברויך איך אלעס אראפלאדענען אויס מורא אז די שיקזאל פון דעם טשענעל וועט זיין ווי זיין פארגייער?

הודעהפורסם: מוצ"ש אוגוסט 22, 2020 10:49 pm
דורך ליטוואק פון בודאפעסט
איך האב ביי מיר לעבן מיין בעט די בוך דער ווילנער גאון (פארבארגענע וועלטן) פון פסח מארקוס. עס איז א ראמאן געבויט אויף די לעבן פון דער ווילנער גאון, און עס ברענגט טאקע אפיר אסאך באקאנטע מעשיות מיט אים ז"ל אין די צורה פון א ראמאן.
עס זעט מיר אויס אז דער מחבר האט געזען די נייע היסטוריא וואס די זכרונות פון דער ריי"צ מליובאוויטש האט מחדש געווען, מיט א גאנצע פארבארגענעם געשיכטע אונטער די התגלות פון דער בעש"ט, כאילו דער גאנצע וועלט האט געהאט א סודות'דיגע באוועגונג פון חסידים, און דער בעש"ט האט עס נאר מגלה געווען. די שרייבער האט ממציא געווען אזא 'מלכות-תורה' וואס האבן פארבארגענעהייט געפירט א מלוכה אין די גאנצע פרומע וועלט, און דער גר"א האט עגזיסטירט תוך די 'מלכות'.

איך האב נאר געליינט א פערטל דערפון. איך האב באקומן די בוך א פאר יאר צוריק ווען אן עלטערע איד האט זיך געלייגט אין אן אלטעסהיים און אוועק געגעבן זיין ספרים, און איך האב עס לעצטענס געטרפאן אין די באקס און איך האב עס גע'עפענט. לאמיר זען וואס וועט זיין ווייטער.

דא שרייבט איינער מיט'ן נאמן חיים ליעבערמאן א רעצענזיע אויף די בוך. איך ווייס נישט צו דאס איז דער באקאנטע ח. ליעבערמאן צו א צווייטן, ווייל עס פאסט בכלל נישט פאר יענער צו שרייבן אין די אויסגאבע.

הודעהפורסם: זונטאג אוגוסט 23, 2020 4:06 pm
דורך כרם זית
לכאורה איז עס חיים ליברמאן דער מחבר פונעם שינד ביכל אויף סאטמאר'ע רב ז''ל.

הודעהפורסם: זונטאג אוגוסט 23, 2020 4:06 pm
דורך ליטוואק פון בודאפעסט
לכאורה נישט, ווייל יענער איז געווען א ליובאוויטשער חסיד, און א אידיש שרייבער, נישט ענגליש.

הודעהפורסם: זונטאג אוגוסט 23, 2020 4:14 pm
דורך בוטן
די תורה איז דאך ארוכה מארץ מידה... וויאזוי קען זיין דו ביסט אויסגעלאפן פון ליטעראטור?
העסטע וואדע טאנען, ברויכסט עפעס חיצונית'דיגע שטאף, נו? ווילאנג איז לא יום ולא לילה אז קענסט נישט איבערשטופן יענע שעה???
מיסטמעך עפעס ענטפערן, ס'מעג זיין שקר....

הודעהפורסם: זונטאג אוגוסט 23, 2020 4:39 pm
דורך כרם זית
ליטוואק פון בודאפעסט האט געשריבן:לכאורה נישט, ווייל יענער איז געווען א ליובאוויטשער חסיד, און א אידיש שרייבער, נישט ענגליש.


איך מיין אז דו מישט. עס איז געווען דער חיים ליבערמאן בעל מחבר ספרי ''אהל רחל'', דער מהריי''ץ מליובאוויטש ז''ל'ס ביבליטעט סעקרעטאר, ער האט נישט ארויסגעגעבן די שינד ביך (הגם כהאב שוין געזען עטליכע זיך טועה זיין אין דעם, ביניהם 'קדם' ליציטאציע הויז). דערנאך איז געווען אן אנדערע חיים ליבערמאן, א אידישע שרייבער פאר די פארוועטס און נאך, וואס ער האט ארויסגעגעבן די ביך קעגן סאטמאר רב (ויהא מיתתו כפרתו).

הודעהפורסם: זונטאג אוגוסט 23, 2020 5:15 pm
דורך ליטוואק פון בודאפעסט
ביסט גערעכט, איך האב מיר טועה געווען.

בוטן האט געשריבן:די תורה איז דאך ארוכה מארץ מידה... וויאזוי קען זיין דו ביסט אויסגעלאפן פון ליטעראטור?
העסטע וואדע טאנען, ברויכסט עפעס חיצונית'דיגע שטאף, נו? ווילאנג איז לא יום ולא לילה אז קענסט נישט איבערשטופן יענע שעה???
מיסטמעך עפעס ענטפערן, ס'מעג זיין שקר....


ליין די אנהייב פון די אשכול. מ'רעדט פון זיך אפרוען. ווען איך פראביר מיר צו לייגן שלאפן מיט א גרויסע שו"ע, גייט עס עפעס נישט.