פראנז קאפקא - The Metamorphosis

עולם הספרים און די וועלט פון ליטעראטור
נייעס, איבערזיכטן, קריטיק
רעאגיר
באניצער אוואטאר
הוגה
שריפטשטעלער
שריפטשטעלער
הודעות: 3109
זיך רעגיסטרירט: דינסטאג אפריל 09, 2013 1:20 pm
געפינט זיך: מאנסי
האט שוין געלייקט: 7511 מאל
האט שוין באקומען לייקס: 6612 מאל

פראנז קאפקא - The Metamorphosis

שליחה דורך הוגה »

פראנז קאפקא ווערט פארעכנט אלץ איינער פון די בעסטע שרייבער און נאוועליסט פון די צוואנציגסטער סענטארי. ער איז א געווען א דייטשע איד, און ער האט געוואוינט אין פראג.

ער האט געשריבן עטליכע מעשיות און ביכער בחייו אבער רוב פון זיינע ביכער זענען געדרוקט געווארן לאחר מותו.

זיינע ביכער זענען איבערגעטייטשט געווארן צו מערערע שפראכן און זיי זענען פארקויפט עד היום הזה אין די מיליאנען.

זיינע מעשיות זענען געשריבן מיט א געוואלדיגע אייגנארטיג סטייל וואס ווערט היינט צוטאגס אנגערופן (אן עמטליך ווארט) אין ענגליש, Kafkaesque.

זיין מערסט באקאנטע בוך איז די ווערוואנדלונג, אין די דייטשע שפראכן. איבערגעטייטשט אויף ענגליש אלץ The Metamorphosis. פארשטייט זיך אז ווי נאר הוגה הערט איבער א בוך וואס ווערט געלאדעט אלץ איינער פון די טאפ צען מעשיות פון די לעצטע הונדערט יאר, געשריבן דורך א איד וואס ווערט פארעכנט אלץ איינע פון די בעסטע שרייבער, מיט א שטארקע השפעה אויף אסאך פון די היינטיגע דענקער און שרייבער, האב איך מיך באלד פארשאפט די בוך.

וואס זאל איך אייך זאגן, ווי נאר איך האב אנגעהויבן די בוך האב איך עס נישט געקענט אראפלייגן. איך ווייס אליינס נישט פונקטלעך פארוואס עס איז געווען אזוי ציענד. עס האט געפילט בשעת'ן ליינען ווי קאפקא האט אריינגעלייגט צווישן די שורות עפעס אן אדיקטיוו דראג וואס איז מושך מיינע אויגן איבער די שורות. און איך בין געלאפן מיט א געיעג צו די ענדע פונעם מעשה מיט א ביליף אז דארט ליגט עפעס באהאלטן אן אוצר.

ווי נאר איך האב געענדיגט די בוך האב איך מיך געפילט עפעס אזוי אנגעפאטשט. איך האב געפילט דיזי, און ווי א גרויסע נער. איך האב נישט קיין אהנונג וואס די מעשה טוט באדייטן.

די מעשה איז איבער א סעילסמאן, גרעגאר, וועלכער וועקט זיך אויף איין צופרי און טרעפט זיך אלץ א מאדנע חיה משונה, א מאנסטער. און די מעשה גייט ווייטער אן צו פארציילן ווי אזוי ער און זיין משפחה האבן זיך געספראוועט דערמיט. די מעשה ענדיגט זיך נישט אז עס איז געווען א חלום, אדער א משל. דאס איז די מעשה, אן קיין שום סורפרייזעס.

איך האלט יעצט צוויי יאר נאכן ליינען די בוך, און איך ווינדער מיך אלץ, דיד איי מיס סאמטינג? איז דא עפעס אין די מעשה וואס איך האב נישט געכאפט?

דאנט געט מי ראנג, די מעשה - אלץ באבע מעשה - איז א מייסטערווערק. און די שרייבן איז געוואלדיג און ציענד, כנ''ל.

איך האף נאר אז בין החברה דא אין שטיבל וועט איינער קענען מער מאיר/מעיר זיין בנוגע דער בוך, ווי אויך איבער קאפקא און זיינע אנדערע ביכער.
בייגעלייגטע פיילס
150px-Metamorphosis.jpg
150px-Metamorphosis.jpg (5.22 KiB) געזען געווארן 8217 מאל
41qx7z55CIL._SX300_.jpg
41qx7z55CIL._SX300_.jpg (12.12 KiB) געזען געווארן 8217 מאל
"לא מצאנו בשום מקום בתורה שמצווה אדם להיות למדן ובקי בכל חדרי התורה. שכן תכלית הלימוד אינה להיות למדן אלא להיות אדם טוב, לעשות הטוב ולהטיב לזולתו." ~ רמ"מ מקאצק ז"ל

דער אשכול פארמאגט 44 תגובות

איר דארפט זיין א רעגיסטרירטער מעמבער און איינגעשריבן צו זען די תגובות.


רעגיסטרירן איינשרייבן
 
רעאגיר