בָּטֵל וּמְבוּטֵל

פענע-קונסט און נשמה-געזאנג

בָּטֵל וּמְבוּטֵל

הודעהדורך קינד_אן_קייט » זונטאג אפריל 09, 2017 7:46 pm

ס׳איז גאַנץ פרי
אָבּער פאָרט אַזוי שפּעט
פון אַ בּלויזער שפּענדל
זיך צו-וואַקסן אַ קְלָאץ פון אַ בְּרעט

אַנטלאָפן פון מציאות
דעם פאַרשטאַנד בַּאגְרָאבְּן אויפ׳ן וועג
זיך איינגעהילט אינעם נאַכט
גענצליך פאַרגעסן וואָס דאָס מיינט טעג

אויף צענדליגער פראָנטן
געפירט מלחמות גאָר קאָמפּלָאצירט
קוים אַרויס אַ געווינער
די נערוון, נעבּאַך בַּארירט

דעם שלאַכטפעלד אַיינגעקריצט
אין טיפעניש פון האַרץ
פאררויכערט די לונגען
אַלעס פארכמאָרעט און שוואַרץ

ווי לוֹט׳ס ווייבּ
געבּליקט אויף צוריק
זיך געפאָרכטן אַז מ׳פאַרבּרענט
אויך דעם לעצטען בְּריק

ויותר **** לבדו
און זיך זעלבּסט פאַרדאַמט
ווי אַ אינזל אָן וואַסער
ווי אַ מִדבָּר אָן זאַמד

ניטאַמאָל גאָט איבּערגעלאָזט
מיט וועמען זיך צו קריגן
מלחמת היצר?
פארלוירן אַפילו אָט דעם פַארגענוגען

דעם ספק ׳יֶש׳
מוציא געווען מִיְדֵי וַדְאֵי
בָּטֵל וּמְבוּטֵל, לגמרי
כְּעַפְרָא דְאַרְעָא
כאן, חבל טבור הארץ.
באניצער אוואטאר
קינד_אן_קייט
היימישער באניצער
היימישער באניצער
 
הודעות: 493
זיך רעגיסטרירט: זונטאג יוני 08, 2014 2:29 am
האט שוין געלייקט: 868 מאל
האט שוין באקומען לייקס: 1048 מאל

גיי צוריק פאעזיע

ווער איז יעצט דא?

באניצער וואס לייענען דעם פארום: נישטא קיין אנליין באניצער און איין גאסט