איכה היתה לזונה - קריה נאמנה

פענע-קונסט און נשמה-געזאנג

איכה היתה לזונה - קריה נאמנה

הודעהדורך ארי נוהם » דינסטאג אקטאבער 24, 2017 4:24 pm

פרירנדע סטעפעס
וועלף און שאקאלן
סיביר? וואס עפעס
וויליאמסבורגע לאקאלן


פארטעמפטע הערצער
געפילן פארפרוירן
א קאפ קערצער
ווייל פיאות געשוירן


משנים קדמוניות
טויב צו געשרייען
נשים רחמניות
בישלו את ילדיהן


חסד אפאראטן
יעדעס ארגאניזאציע
גוטע טהאטן
א טייל פונעם נאציע


דו ביסט "דיפערענט"
שווארצע שאף פון סטאדע
ווער דיר דערקענט
אפהאקן מיט דיר אוודאי


פארלויפן ימים ושנים
מיט רדיפות ועניות
רחמנים בני רחמנים
כיענים באכזריות


מיר טשאלענדזשן גאט
דאס הארץ נישט גערייניגט
וויאזוי געשוויגן ער האט
ביים 6 מיליאן טויט פארפייניגט


גאט טוט ווייטער שווייגן
מיטן פינגער אנטייטלען
אן אויער טו נאר נייגן
צו אכזריות'דיגע בייטלען


זיבן קינדער רויבן
פון פלייש און בלוט
ווייל די מאמע טוט קלויבן
א וועג וואס איז איר גוט


צועקת ביגונה
אנה אלך, אנה
איכה היתה לזונה
קריה נאמנה


האזינו ארץ ושמים
הזאת נעמי?!
עיני עיני יורדה מים
על שבר בת עמי


***


מיין פנים בלאס
מיינע אויגן נאס
מיין הארץ א רייס
פון ברויזנדע געפילן


מיין זעל טריקן
מיין נפש דריקן
די געפילן שטיקן
פון ווידערווילן


צובראכן, צושאסן
בלוט פארגאסן
קיין רחמנות גענאסן
מיט זייער נשמה שפילן


אט"ד, אפגעפארן
מיטגעפיל שפארן
נאר צום ארון
מ'טוט זיי צילן


א שטיק פלייש שמייסן
מיט געשמאק בייסן
גאר נאגן און רייסן
מיטן רעליגיע-מאנטל איינהילן


שטייט א קינד אליין
אין א נייע וועג גיין
שרייט פון פיין
רעספעקטיר מיין ווילן


טו מיר נישט צוימען
און קום מיר נישט רוימען
פארשווארצט ווי א קוימען
ווען ווי א הונט דו טוסט בילן


קענסטו מיר אקצעפטירן?‎
קענסטו מיין פיין שפירן?‎
קענסטו מיר העלפן אן פירן?‎
טוט זיך דער קול ווידערהילן - - -




*געשריבן אין ליכט פון זען דעם פילם ONE OF US.
אין ארי נוהם מתוך קופה של תבן, אלא מתוך קופה של בשר (ברכות לב.) ובימינו אין ארי נוהם אלא מתוך קופה של תבן (ארי נוהם)
באניצער אוואטאר
ארי נוהם
ידיד השטיבל
ידיד השטיבל
 
הודעות: 165
זיך רעגיסטרירט: זונטאג מערץ 27, 2016 3:13 am
האט שוין געלייקט: 540 מאל
האט שוין באקומען לייקס: 556 מאל

הודעהדורך המלוכה והממשלה » מיטוואך אקטאבער 25, 2017 3:05 pm

:cry: :cry: :cry: :cry: :cry: :cry: :cry: :cry:
במקום שאין איש קוקט עס אזוי אויס
נאר נחום ראזענבערג ראטעוועט אונז פון מאלעסטעישן
נאר מייקל בלומבערג ראטעוועט אונז פון הערפיס
נאר חיים שאולזאן פארדאמט אלע רשעות
נאר נפתלי מאסטער העלפט אונז באקומען א נארמאלע עדוקעישען
נאר די סעקולער געריכטן טוען עפעס פאר יושר און צדק
המלוכה והממשלה
ידיד ותיק
ידיד ותיק
 
הודעות: 706
זיך רעגיסטרירט: מיטוואך מערץ 12, 2014 7:38 pm
האט שוין געלייקט: 898 מאל
האט שוין באקומען לייקס: 1220 מאל


גיי צוריק פאעזיע

ווער איז יעצט דא?

באניצער וואס לייענען דעם פארום: נישטא קיין אנליין באניצער און איין גאסט