אנטקעגן די פחד פונעם נאכט

פענע-קונסט און נשמה-געזאנג
רעאגיר
נהורא נפישא
שריפטשטעלער
שריפטשטעלער
הודעות: 1717
זיך רעגיסטרירט: דינסטאג יולי 23, 2013 9:42 pm
האט שוין געלייקט: 1947 מאל
האט שוין באקומען לייקס: 2320 מאל

אנטקעגן די פחד פונעם נאכט

שליחה דורך נהורא נפישא »

אינעם עפל גארטן
אונטער בוים'ס אויסגעשטרעקטן ארעם
מיר זיצן און שפילן קארטן
צו די שיין פון די ליכט טורעם


און די רויעך עס שפרייזט
ווייט-קוקענדיגע אויגן פארגלייזט
עס הערשט א הארמאנישע גייסט
פאר צושלאגענע - א טרייסט
פאר דערשראקענע - דרייסט
ווי מיר וואלטן ווען געווען באוואכט
אנטקעגן די פחד פון די נאכט


און ליבשאפט אויפן וואלקן זי הענגט
די לבנה'ס שטראלן פארשפרייט
יעדענ'ס האריזאנט איז ברייט
מיט מאכט פון פרידליכקייט, קאמפף'ס גרייט
אט די פרינצעסן מיט פראכט זי גייט
מיט שטאלצקייט באקליידט
ווי זי וואלט ווען באוואכט
אנטקעגן פחד פונעם נאכט


א חלום א זיסן
כ'גיב אוועק מיין לעצטן ביסן
פון מויל הויעכע שמועסן
פערל ווערטער פליסן
פון א גן-עדן גערויך געניסן
געשמאקע פירות פונעם וויסן
עס האט מיר באוואכט
אנטקעגן פחד פונעם נאכט


אט איז זיך יעדער צוגאנגען
געבליבן בין איך אליין
צו די רוף פון די הימל קלאנגן
עס האט ביי מיר אן אנדער מיין
צעריסן צעווישן צוויי וועלטן
פארווארפן צעווישן הימל און ערד
אט דאס וואס איז זעלטען
האט ביי מיר א ווערט


א חלום, איך דערוועק זיך
צו די נאסקייט פון מארגן-טוי
די טעג פארלאפן גיך
מיין האר שוין יעצט גרוי
באוואפענען איך דארף פון דאסניי
כדי צו זיין באוואכט
די טעג גייען פארביי
צום אנקום פון די נאכט
למה נקרא שמו רבי נהוראי, שמנהיר עיני חכמים (עירובין:)

דער אשכול פארמאגט 2 תגובות

איר דארפט זיין א רעגיסטרירטער מעמבער און איינגעשריבן צו זען די תגובות.


רעגיסטרירן איינשרייבן
 
רעאגיר