פאעזיע: די ניין טעג

[שמואל הלוי]

איך שוויץ און איך סרוח'ע
נישט נאר איך נאר די גאנצע משפחה
עס צו שפירן דארף מען נישט זיין קיין בר הכי
ס'פעלט נישט אויס קיין הוכחה
א ערענסטע שאלה צו מ'קען נעבן מיר מאכן א ברכה

גאנצע ניין טעג אזוי זיין בהמשכה
אזוי פארלאנגט די הלכה
זיין בעמק הבכא
בצער יגון ואנחה
צוליב חורבן ציון עיר הנדחה

כאטשיג מ'מעג טאקע
מיט קאלט וואסער זיך זיין מנקה
העלפט עס אבער א מכה
ס'ציפט ס'אויסשלאגן אויטש... איך שריי בצעקה
איך האלט עס נישט אויס רוף איך אויס מממעקה

איך וויין און כליפע בקול דממה דקה
ממש ווי ביי תפלת זכה
דער בוכ"ע זאל אונז שוין זיין מזכה
שיקן דעם גואל אויף וועם מיר זענען מחכה
פון גלות ארויסנעמען ביד חזקה

אז ימלא שחוק פינו ולפניו בקול תודה נריע
מ'וועט נישט ליידן מער פון קיין זיעה
קיין ירושלים עיר הקודש וועלן מיר מאכן א נסיעה
די פארשלאפענע עצמות וועלן אויפשטיין לתחיה
הלוואי נאך היי יאר וועט זיין די ישועה