מענטשן מיינען...

פענע-קונסט און נשמה-געזאנג

מענטשן מיינען...

הודעהדורך ספרא דמרא » מאנטאג סעפטעמבער 09, 2019 2:36 pm

אייביג הערט מען פון מענטשן, מיינונגען פון שעלטן און בענטשן, זיי מיינען אז זיי האבן אלעס ארויס, ווען אין אמת'ן איז זייער טעות גרויס, פון זייערע שטעלונגען נארישע און פוסטן, ווי א ווארט אויף געזונט פון ראקעט סייענטיסטן, מאכט נישט אויס אויף סיי וואסערע וועג, דער עיקר אז זיי האלטן חשבון אויף יענעמס לעבנסטעג, וואס איז דער געהיימעניס, גיבט א קוק וועט איר זען געוויס...

מענטשן מיינען אז איך בין נארמאל
איך בין אבער נישט, איך בין בלויז אייגנארטיג אויף מיין וועג

מענטשן מיינען אז איך בין משוגע
איך בין אבער נישט, איך בין בלויז אנדערש ווי זיי אנערקענען

מענטשן מיינען אז איך בין א צדיק
איך בין אבער נישט, איך בין בלויז רעכטדענקנד

מענטשן מיינען אז איך בין א רשע
איך בין אבער נישט, איך בין בלויז א מענטשן רעכט פארערער

מענטשן מיינען אז איך בין יונג
איך בין אבער נישט, איך בין בלויז אן באשעפטיגונג

מענטשן מיינען אז איך בין אלט
איך בין אבער נישט, איך בין בלויז עטוואס דורכגעטראכט

מענטשן מיינען אז איך בין באליבט
איך בין אבער נישט, איך בין בלויז א שטילער נפש

מענטשן מיינען אז איך בין פארהאסט
איך בין אבער נישט, איך בין בלויז נישט אין שוואונג

מענטשן מיינען אז איך בין פרייליך
איך בין אבער נישט, איך בין בלויז שווייגנד און ווייז שמייכלען

מענטשן מיינען אז איך בין טרויעריג
איך בין אבער נישט, איך בין בלויז צוקלאפט און וויי געטון


און אויב אזוי ווער וועט יא קענען אויף מיר א ווארט זאגן, אן זיינע אייגענע נגיעות און פארשלאגן, א מענטש זעט פון זיין אייגן פענסטער ארויס, און גלעט אלס וואס ער האט אויפן שויס, קיינער קען נישט ערקלערן, וואס דו ביסט און וואס עס וועט ווערן, ווען מיר וועלן זען אז אונזערע פאראויסשאצונגען איז נאר א חלום, וועלן מיר קענען רואיג לעבן לחיים ולשלום.
אם תרצה שיהיה בכוחך לסבול את החיים, היה מוכן לקבל את המוות
באניצער אוואטאר
ספרא דמרא
א גאסט אין שטיבל
א גאסט אין שטיבל
 
הודעות: 15
זיך רעגיסטרירט: מיטוואך יוני 12, 2019 9:48 pm
האט שוין געלייקט: 12 מאל
האט שוין באקומען לייקס: 102 מאל

הודעהדורך רביה''ק זי''ע » מאנטאג סעפטעמבער 09, 2019 7:51 pm

אין קורצן: מענטשן זענען one track minded, איך בין אבער נישט.
באניצער אוואטאר
רביה''ק זי''ע
חבר ותיק
חבר ותיק
 
הודעות: 2509
זיך רעגיסטרירט: דאנערשטאג פעברואר 15, 2018 9:46 pm
האט שוין געלייקט: 2408 מאל
האט שוין באקומען לייקס: 1544 מאל


גיי צוריק פאעזיע

ווער איז יעצט דא?

באניצער וואס לייענען דעם פארום: נישטא קיין אנליין באניצער און 2 געסט