אין די יעצטיגע צייטן פון יאר קומט מיר אויס עטליכע מאל צו זיין אויפ בית החיים, צוליב יארצייטן. זעענדיג די פולע "אבן מקיר תזעק" אויף די מציבות, איז מיר אריינגערונען אין קאפ א געדאנק וואס כ'האב שפעטער פארשריבן אין א פאעזיע, וויל איך אייך דאס אצונד מיט-טיילן. ליינט אין האט הנאה.
אבן מקיר תזעק
גייענדיג מיט פארטראכטע אויגן
אויפן שיפן בארג ווי ס'איז אלעמאל שטיל
שטיינער, ווי אן אומבאוועגליכע ארמיי אויסגעצויגן
ביים זיידנ'ס קבר, זיך אויסגיסן דאס הארץ כ'וויל
ווי דען זאל איך מיין ווייטיג אפלודען
און אויפ-עפענען פון מיין הארץ די פארקלעמטע קאנאלן
אויב נישט ביים זיידנ'ס קבר, אויף דעם הייליגן באדן
אפשר וועט ער מיר די טיר פון האפענונג אויפ-פראלן
מיינע פוס קומען שוין נענטער, מיין מוח איז אבער צומישט
אט שטיי איך שוין ביי זיין מקום מנוחה
כ'האב די טרערן פון מיינע אויגן אפי' נישט אפגעווישט
זאלן זיי פארפלעקן מיינע ברילן מיט רציחה
צו מיין זיידן כ'טענה זיך אויס אויף שטים לשון
הלמאי גיי איך אין די פינצטערניש, און כ'טאפ א כותל רעוא
זאלן די פראבלעמן שוין פארויכערט ווערן כלו בעשן
ס'זאל שוין פארזיסט ווערן אונזערע טעג במילואה
זיידע, זאג איך ווייטער, האסט דאך אזויפיל מתפלל געוועזען
כסדר האסטו געזאגט תהלים, ס'איז געווען הורידו כנחל דמעה
אפי' די בוזט שוין נישטא, האסטעך זיכער איבערגעלאזט שפעזן
מיר לעבן און א וועלט פון צרות נסיונות און טומאה
כאטש מיר פאלן אמאל דורך דעם נסיון
דאך זענען מיר מודה, און מ'פרובירטזיך צוריק צוקלאמערען
בעט איך דיך, חלו נא פני קל במיטב הגיון
זיידע! די האסטעך אזוי סך אוצרות אין דיינע קאמערן
א שטיין לייג איך אויפן מצבה, און ס'הארץ איז מיר לייכטער
די פוס גייען גרינג און די געוויסן איז מיר שטארק מחוזק
אבער פלוצים בלייב איך שטיין א פארטראכטער
פון איבעראל שרייטזיך דאס זעלביגע "אבן מקיר תזעק"
ס'קומען מיר ארויף בילדער פון דערשראקענע קינדער מיט מאמעס
אט גייט דאס מיידל ארויף אויפן בהמה וואגאן איר פנים וויינט פאר שוואכקייט
צזאמען מיט אלע יודן שטיקן זיי זיך אויפן באן אין א הייסן תמוז
אט גייט שוין די מאמע מיט איר קינד, ווען אויפן פנים צייגט זיך א פרייליך געמאכקייט
אבער ווען מ'האלט שוין נאנט צום גיהנום של מטה
זאגט זי, טייער קינד מיינס, הער מיך צו גוט
באלד גיימיר זיך שוין טרעפן אויבן מיט אונזער גרויסער טאטע
אבער ס'וועט נאך קומען א צייט, אוי וועט ער נקמה נעמען פאר אונזער בלוט
"אבן מקיר תזעק", נהרגו על קידוש השם ח"י תמוז תש"ד
וילדיהם פעסיל רחל חיים ושאר שמותם שלא ידועים
די שטיין שרייט! רבוש"ע די בוזט דאך דער אנת הוא על כולא שליט
מיר קענען קוים ווארטן, ווען וועסטו שוין מקיים זיין דיין צוזאג, ועלו מושיעים
לשפוט את הר עשיו, לעשות נקמה בגוים
די קולות פון די רשעים וועט זיך הערן אויף א ווייטער שטרעקע
די נקמה פונעם בורא וועט זיין נורא ואיום
ס'עט מקויים ווערן וראו כל עמי הארץ ויראו ממך
מ'וועל מיר זיך טרעפן מיט אונזערע אבות, ואבות אבותיך
מ'עט הערן פון די קדושים אז אפי' אויף זייער קערפער אין בוכנוואלד זענען געקראכן פליגן
אבער זיי זענען שוין לאנג געווען אינעם פלאץ פון עין לא ראתה אלוקים זולתך
מ'קען זיך גארנישט פארשטעלן אין וואסערע פארגעניגן
אין אלע מלחמה איבערלעבערס צוזאמען מיט די צדיקים
וואס אין די שווערסטע אומשטענדן האבן זיי צוריק אויפגעשטעלט יודושקייט
וועלן מאכן א גרויסן מחול, ס'וועט זיין אזוי שיין, מלאים זיו ומפיקים
אוי, ווען וועלן מיר דאס שוין דערלעבן, ברודערליך לאמיר זיך מאכן גרייט.
אבן מקיר תזעק-מיינע געפיהלן אויפן ביה"ח, פאעזיע
דער אשכול פארמאגט 5 תגובות
איר דארפט זיין א רעגיסטרירטער מעמבער און איינגעשריבן צו זען די תגובות.
רעגיסטרירן איינשרייבן