4 פאר אויגן אפען שאקירט

[געוואלדיג]

קינדער קליינע אויף דער וועלט געקומען
הערצעלעך גאנצע, קיין קריץ צו געפונען
עלטערן שטארקע געטוהן באשטימען
רואיג דאס לעבן נישט געווען איבערגענומען
וועגן אויסגעפלאסטערט וואויל באקומען
צוזאמען א עתיד, שוין יעצט א שמייכל דערינען

***

אומבאהאלפן, באוועגלאז
מי בעל החלומות הלז
חלום צופלאצט ווי א זייפן בלאז
עלטערן געמישט מיט גלאז
קינדער געווארן שותפים מיט די עלטערן פון טולוז,

***

נישט רואיג דאס לעבן,
נישט אויסגעפלאסטערט די וועגן,
א עתיד ווער זאל וועבן,
ווען דער הווה איז נישט צום פארגעבן,

***

4 פאר אויגן אפען שאקירט,
אין א קאלוזשע בלוט ליגן עלטערן נישט אומבארירט,
קאלטבלוטיגע מערדער,
אויסגערעכנטע שריט,
4 קינדער לעבן יעדער,
אבער דעם טויט אויף יעדן טריט.