מוסדות/תקנות קווענקעלנישן (תגובה challenge)

שמועסן, דעבאטעס און עצות איבער חינוך, ערציאונג און עדיוקעישאן

מוסדות/תקנות קווענקעלנישן (תגובה challenge)

הודעהדורך קאווע טרינקער » מיטוואך סעפטעמבער 17, 2014 10:04 pm

"מוסדות", "תקנות", "רשעות", אט די דריי ווערטער הערט זיך אפט אין איין זאץ. אין דעם פארום גופא איז שוין געשריבן געווארן גאר אסאך איבער דעם ערשיינוג פון ישיבות און בית יעקב'ס ("מיידל סקול" אין אידיש) וואס צוליב זייער אייגן אינטערעס "קלויבן" זיך אויס "גוטע פון שלעכטע" קינדער, אדער גאר "גוטע פון נישט עפעס באזונדער"ע שטיבער, און מיט א לייכטזיניקייט פסקענען זיי דיני נפשות, כאדם העושה בתוך שלו, אן קיין מינדערסטע אחריות פון די תוצאות אין איצטיגען דור, און דורות הבאים! כמעט יעדער דא קען א באקאנטען וואס איז דורך שמונה מדורי גיהנום ביז זיינע קינדער זענען געווארן אנגענומען א מוסד. יעדע פאל באזונדער איז טראגיש, מאן און ווייב (און דאס קינד, אויב ער איז שוין גרויס) ווערן מאראליש צוקלאפט, שלום בית'ן וואקלען זיך. הלמאי גייט דאס אזוי שווער פאר עלטערן וואס ווילן א אידישע חינוך פאר זייערע קינדער, נאכדערצו ווען זיי וואוינען אין אזעליכע גרויסע שטאט ווי בארא פארק, מאנסי, לעיקוואוד, וויליאמסבורג, ערים מלאים חדרים, ישיבות, בתי חינוך?! פארוואס ארויף?!
בכלל פירען זיך די ראשי המוסדות (וואס שנארן געלט פונעם ציבור) ווי בעליבתים אין שטאט, מיטן ארויפצווינגען אזוי-גערופענע תקנות על גבי תקנות, אנגעהויבן פון הנהגת הבית (ווידיאו, ל"ג בעומר פאראדע,), און לבוש פון אלע משפחה מיטגעלידער, ביז אריין אינעם העכסט-פריוואטען לעבן פון מענטש, א שטייגער ווי וואספארא סארט סעלפאון ער האלט אין זיין הויזן טאש, אדער צו דער עקרת-הבית פירט אליינס א קאר (אדער דינגט א היימישער אינגערמאן זאל איר ארומפירען)! שומו שמים! למאי פא*ן נפקא פריקן מינה צו מיין ווייב דרייווט א קאר? טרענספארטעישן צאל איך סייוויי, וועט עס דען ווערן ביליגער אויב מיין ווייב ברענגט די קינדער צום חדר יעדע דא און דארט? קיינמאל.
א שוידערליכע וויי געשריי הערט זיך אין די טעג פון מאנסי, וואו דרייסיג מיידלעך האבן זיך איבערנאכט געפונען אן א סקול! דאס זענען 60 עלטערן! וואס זאג איך דא? 60? זאל עס זיין אפילו נאר איין איינציג מיידל וואס קיין איין מוסד נעמט נישט אריין איז שוין גענוג מכריע צו זיין דעם כף חובה וואס זאל מאכן פון מאנסי א סדום ועמורה! צעקת ריבה אחת! רח"ל. – ס'איז א שטח הפקר, און די ראשי המוסדות זענען פוצה פיהם און מצפצפים אויף אונז אלע.

דאס איז איין זייט. די צווייטע זייט:
לא דובים ולא יער. ס'איז נישטא קיין איין איינציג שומר תורה ומצוות וואס קען אויפהייבן זיינע צעהן הענט און זאגן "קיין איין מוסד וויל נישט אריינעמען מיינע קינדער!". טרעף מיר איינער וואס האט אריינגעשיקט אן אפליקאציע צו אלע פון די דרייסיג, יא, דרייסיג!! חדרים אין בארא פארק, און פון יעדעם איז געקומען די זעלבע תשובה "ניין". אדרבה, איך בין גרייט צו העלפן יענעם (אויסער אויב ער הייסט משה ארי' פרידמאן, נחום ראזענבערג, יאסל וואלדמאן, וכדומה). פאלגענד איז א ליסטע פון תלמוד תורה'ס אין בארא פארק (אן אריינרעכנען חדרים אין פלעטבוש וואס זענען צומאל אפילו נענטער צום הויז).
1. אור משה
2. אלכסנדר
3. באבוב (רב"ץ)
4. באבוב (רמ"ד)
5. באיאן
6. בעלזא
7. גור
8. גן ישראל
9. דרכי חיים
10. וויזניץ – בני ברק
11. וויזניץ – מאנסי
12. וויען
13. חתן סופר
14. מאשלוי
15. מבקשי ה'
16. סאטמאר – (ר"א)
17. סאטאמר – (רז"ל)
18. סטאלין
19. ספינקא
20. סקווירא (ר"ד'ל)
21. סקווירא (ר"?)
22. עץ חיים
23. פאפא
24. צאנז-קלויזענבורג (רש"ד)
25. צאנז (רצ"א)
26. קראסנא
27. קאליש
28. ראחמיסטריווקא
29. תפארת אלימלך

און ס'דא א דריטע זייט:
איך האב א נאנטע ידיד, א גוט הארציג מענטש, וואס איז פירט היינט א מוסד. קלערענדיג אז ס'איז נישט אזוי מסתבר אז יענער איז נהפך געווארן פאר אן איש מושחת, האב איך באשטעלט ביי אים א מיטונג. נאך איידער איך האב פארגעלייגט מיינע "טענות", פתח ואמר:
"דאס ערשטע כלל אין חינוך – בנוגע די מוסד/עלטערן – איז, אז די קינדער באקומען נישט קיין פארקערטע הוראות אינדערהיים ווי אין חדר. אויב די מלמד, מורה, זאגט איין זאך און די עלטערן זאגן א צווייטע זאך, איז עס דאס ערגסטע חינוך וואס א קינד קען באקומען.
יעצט אזוי, אין אונזער תלמוד תורה, פרעידיגען די מלמדים קעגען "מאדערנקייט", און דאס איז כולל פון שפיציגע שיך און געפיצטע בערד, ביז פארעקלן ליפא'ס טעיפס און שבת-האטעלס; די טיטשערס וועלן חוזק'ן פון "רעסטעראנט" עסער'ס און פון פלארידע געשווימעכץ, ביז קאלירטע זאקען און גע'בלאש'טע פנימער. – ממילא, ווען אונז שרייבן די אויבנדערמאנטע זאכן אין די "תקנות", איז דאס נישט געצילט פון אונז צו אייך, כאילו אונז נעמען דיך – וואס פארט קיין פלארידע און פארבט איר נעגל – נישט אריין אין אונזער מוסד, נאר פונקט פארקערט, ס'איז פאר אייך א וויכטיג שטיקל אינפארמאציע אז איר זאלט וויסן זיין נישט צו וועלען שיקן אייערע קינדער צו אונז! פארשטאנען?
אלזא, דו קענסט זיך טענה'נען אז די דערמאנטע חינוך ווירדען זענען הוילע נארישקייטן, און ביסט בארעכטיגט צו פרעגן פארוואס אין די וועלט זאל א מלמד, טיטשער, רעדן פון די זאכן? לערען מיט זיי תורה, מידות טובות, דרך ארץ, יראת שמים וכו' – דאס איז שוין א שמועס פאר זיך, לאמיר דאס איבערלאזן פאר א צווייטמאל, אבער אין קורצען געזאגט: ס'איז למעשה דא א שיינע צאל עלטערן וואס ווילן דווקא יא זייערע קינדער זאלן באקומען אזא סארט חינוך, עכ"פ ענדליך צו דעם, און מיר שטעלן צו וואס מ'באשטעלט. ס'איז יתכן אז ס'איז נישטא גענוג עלטערן וואס האלטן ווי אייך אז ס'זאל זיך לוינען פאר פלוני ופלוני צו מייסד זיין אזא סארט מוסד (אדער עכ"פ מיינט ר' פלוני אז ס'איז נישטא גענוג פון די סארט).
בכל אופן. "תקנות" זענען נישט מער ווי א מודעה פארן פאבליק: זייט וויסן אז דאס און דאס זענען גאר וויכטיגע values אין אונזער חינוך סיסטעם. אויב אייערע קינדער זעהן דאס פארקערטע אינדערהיים, איז אונזער מוסדות נישט פאר אייך, אפילו נישט בדיעבד. – עד כאן דבריו, ולווה אותי עד החוצה.

און צום לעצט, די פערטע זייט:
ס'איז אנגענומען (אפשר נישט ריכטיג) אז א מוסד קען זיך נישט האלטן פון שכר-לימוד אליינס. דאס ברעגט אז די מוסד זוכט זיך צו שאפן א "נאמען", וואס וועט זיי ביישטיין צום רעכטן האנט בכל עת מצוא. – א גרויסע עושר וויל איינשרייבן זיין קינד, זאגט מען אז ס'איז נישט דא קיין פלאץ "אדרבה, שאף מיר א בנין און איך נעם אריין דיין זוהן גערען...". און, גלייב עס אדער נישט, ס'העלפט! געיטסהעד ישיבה האט באקומען מיליאנען פון יונתן שטראססער ווען זיי האבן אפגעזאגט זיינס א נעפיו צוליב ענג פלאץ אין ישיבה. מער אפט מאכט זיך אז מ'פארלאנגט פונעם עושר העכערע שכר לימוד, א זאך וואס מ'קען נישט פארלאנגען אויב ער קען באקומען די זעלבע זאך פאר ביליגער.
"ענג פלאץ" שאפט זיך נאר וואס מ'האט א נאמען. אוודאי געוויס אז על פי רוב איז א "נאמען" פונקט אזוי אמת ווי א "חתן" מיט א גוטע נאמען. צווישען מיר און דיר ס'איז באלל-טיש. אבער אין אונזער עולם השקר דארף מיך זיך בויען מיט שקר (פאר 1000 וועט דער רבי אליינס אריינשרייבן אין א תהילים פצצצצ. אפילו בשקר שבתוך השקר בוודאי גם שם נמצא כסף הרבה). גיי זיי מתקן די וועלט. "התאחדות" "נירבאטור" זענען אריינגעבאקענע נעמען אלץ א גוטע הכשר, וויפיל ערשט-האנטיגע מעשיות ס'אלץ דא אויף זיי, וועט קיין איין מוסד נישט אהיימשיקען א צעטל אז מ'קען נישט ברענגן קיין התאחדות/נירבאטור נאש, אבער ר' עמרם ראטה, זאל ער האבן משגיח תמידי'ס אין יעדע פלאץ, וועט זיין נאמען בלייבן (שלא ביושר) "עמרם ראטה". ווייל די גאס האט אזוי מחליט געווען. די "גאס" האלט אז בית-דין איז משוחד געווארן צו פסק'נען לטובת 48. איי ס'גאר יתכן אז ס'דא גארבע דיקע פאקטן אויף וואס די פסק איז געבויט, בכל זאת, עולם גולם קייט איבער וואס יענער זאגט איז ס'ווערט א "פאקט", והראיה, "יעדער" זאגט אזוי.
נישט נאר "געלט" וואקסט אויף א גוטע נאמען, נאר אויך "קינדער", אינגעלך, בחורים און מיידלעך, שרייבן זיך איין דוקא אין א געוויסע מוסד צוליב די גוטע נאמען וואס דער מוסד האט (און דורך דעם משפיע זיין די גוטע נאמען צוריק אויף זיך זעלבס). איינע פון די מזיקים פון א גוטע נאמען איז ווען אן אויסגערופענע "באם און באמטע" שיקן זייערע קינדער צו יענע מוסד. דער מנהל זעהט זיך מיט א פרשת-דרכים זאל איך אריינעמען דער ליידיגייערס מיידל און פארלירען די מער סטאבליע באשיידנדע משפחות, און ככלות הכל פארשפארן די מוסד, אדער זאל איך זיין א רשע לפני המקום לשעה אחת (כאילו די מיידל וועט בלייבן אויפן גאס), כדי מיין עתיד זאל זיין לייכטער. – איר קענט אים פארשטיין אויב מאכט ער אפ דאס לעצטע? איך מיין אז מ'קען.
א: זאג נאר, סאטמאר, מונקאטש, אור משה, האבן דיר נישט אנגענומען? האסט פראבירט מאשלוי?
ב: וואס?! איז זאל שיקן קיין מאשלוי?! ביסט אויפן קאפ געפאלען?
א: העי, האלט זיך קאלט, וואס איז די פראבלעם מיט מאשלוי?
ב: מאשלוי? א נארישע חדר, ווער שיקט דארט?
ווען אין פאקט, פרעגט אייך נאך און צייגט אייך איבער, די לערנען-סטאנדערט פון מאשלוי שטייגט איבער פי כמה אנדערע "חשובע" חדרים ווי אלטע מלמדים וואס מ'קען פשוט נישט אפזאגן טוהן גארנישט מיטן טאג, שוויצען אין די זעלבע צייט גאר געלאנגענע יונגע מלמדים און גיבן איבער "תורת חיים" פאר יעדען קינד מיט א פרעזענדליכע ווארימקייט געפיל וואס איז שווער צו טרעפן אין די גרויסע פארבריקען.
און יא. דא, און טאקע דא שטעקט די פארבלעם. אנשטאט שטיין און האקן אויף "אלכסנדר", הייב און לויב אויס "נהרדעא"! שטיץ די ישיבה און מאך אים דעם "נאמען", פארצייל פאר יעדעם אז "נהרדעא" איז די עתיד. הרב גיפס איז א ריכטיגע משכמו ולמעלה און מעורב בין הבריות אויף איינמאל, חסידיש אבער נישט קיין שוטה. ער איז רב אין רעגילמעסיגע נישט קיין פארפרומטע קהילה. זיין ווייב גייט מיט א שייטל, און ער קלויבט נישט קיין מצוינים. יעדע בחור וואס פארהערט זיך 5 בלאט פון די מסכת וואס ער לערנט יעצט, איז אנגענומען.
נעה, ער האט קוים 30 בחורים, ווער שיקט דארט..? מ'גייט נישט קיין חאלטען דארט.. וכהנה אזעלכע קורח טענות – וויסן זאלסטו אז די סארט שמועות ווירקען אויף אנדערע זאלן טוהן משוגענע זאכן כדי צו בויען זייער נאמען! און שוואכט אפ גוטע מענטשען וואס ווילן בויען מוסדות'ן לתועלת הכלל. סאו טראכט וואס דו טוסט. קלאפ נישט די אויפגעבלאזנע, נאר הייב אויף די שטילע.

אפשר איז גאר דא א פינפטע זייט:
איר ווייסט אפשר אז אין שכינות'דיגן לעיקוואוד זענען "רבנים", אדער בעסער געזאגט א "משגיח" (וואס זיצט נישט אפיציעל אויף סייוואספארא שטאטישע אמט) בכוח צו צווינגען די בית-יעקב'ס נישט אויפצומאכן די סקול אנהייב שנת הלימודים ווילאנג ס'דא א לעיקוואוד'ע מיידל וואס איז נאכנישט פלאצירט אין א מסגרת חינוך? האט איר געוואוסט דערפון? איז אפשר לוינט זיך יא אז א שטאט זאל פארמאגן עפעס א תורה'דיגע כוח, וואס יעדער הארכט און פאלגט? אפשר לוינט זיך צו פארקוקען אויף די שרעקליכע גזירות וואס די רבנים קראצען אפיר יעדע בה"ב, און אף-על-פי-כן זיך מכניע זיין אונטער זיי, זיי שעצן, און מאכן "גרויס", כדי זייער "גרויסקייט" זאל צוניץ קומען ווען 311 איז הילף-לאז? אפשר ווען אין בארא פארק וואלט געווען א "וועד הרבנים" וואס: הייסט פארמאכן אידישע convenience געשעפטן נאך 1'זע פארטאגס; טיילט איין דעם גוי'שע נייעס-קיוסק וואס ער מעג יא און נישט פארקויפן; לייגט אין חרם א געוויסע פרוי טארפיסט; וואלטן זיי געהאט בכוח צו צווינגען אהרן וועלץ און נחום קליין וואס צו טוהן? אפשר. איך ווייס נישט, איך פרעג נאר.
--
מיין פריוואטע דעה אין דעם איז ס'דארף זיין א וועב-זייטל ווי יעדע מוסד'ס "אלע" אינפארמעישן איז ארויפגעלייגט. א ליסטע פון יעדע מוסד אין זייערע about us, און תקנות, "וואס עלטערן זאגן וועגן אונז".
א באזוכער זאל קענען זעהן פונקטליך וויפיל קלאסן די מוסד פארמאגט, וויפיל פלאץ אין א קלאס, ווער זענען די מנהלים, מלמדים, טיטשער'ס, קעכער'ס, א.א.וו. וויפיל איז שכר לימוד, וכו'. ווער זענען די "וועד"? צו וועם קען מען רעדן?
באזוכער זאלן קענען אויך שרייבן קאמענטס און הערות אויף די מוסד. (מ'דארף ווערן באשטעטיגט דורך א באריסטא אז מ'שוקט טאקע אין יענע מוסד). כדי עלטערן זאלן וויסן: שיקסט קיין קראסנא, מאך זיכער אז דו האסט טעקסט-מעסעדש סערוויס, ווייל זיי מעלדן וויכטיגע הודעות דורך דעם, און נישט דורך א האט-ליין'ס. שיקסט קיין פאפא? זיי וויסן אז יעדע'ס מאל ס'דא א חתונה אין וויליאמסבורג, קומט מען אהיים פריער, און מארגן הייבט מען אן שפעטער. און אז דו ווילסט רעדן צו איינעם אין אפיס פריוואט מוזט איר אראפפארן קיין וויליאמסבורג. שיקסט קיין סאטאמר? זיי וויסן אז כ"א כסלו דארף מען קומען מיט א ווייסע העמד אפילו אויב ס'איז זונטאג. קענסט נישט האבן קיין טענות, מ'האט אייך דאס פאראויסגעמאלדן.
דער וועב זייטל זאל אויך דינען פאר עלטערן וואס ווילן זיך צוזאמנעמען און עפענען א נייע מוסד וכו'. – בקיצור, אויפהערן מיט די "מ", "יענער", "דר'עולם", און ארויפברענגן אויפן טיש עכטע פנימ'ער און עכטע פאקטן.
---
איך נאמיניר אונזער באקאנטע שארפע @כוכב צו שרייבן – אין די קומענדיגע 24 שעה - זיין כלליות'דיג מיינונג אין דעם ענין.
Under influence
קאווע טרינקער
חבר ותיק
חבר ותיק
 
הודעות: 7167
זיך רעגיסטרירט: זונטאג מערץ 18, 2012 11:01 am
האט שוין געלייקט: 5024 מאל
האט שוין באקומען לייקס: 8477 מאל

הודעהדורך יואב » מיטוואך סעפטעמבער 17, 2014 10:29 pm

קאווע'לע היט דע נעיל אן דע העד, שוין איינמאל א פא*ן נפקא פריקען מינה, און איז שוין גארנישט קיין באלל -טיש.
בפרט אז דא רעדט מען פון דעם: "אפילו בחרדיזם שבתוך הסיסטעם", דאן יפשפש בטשאלאנדש, און טרונקן א גלעזל וויין.

גיב ארויס ביטע מער פרטים איבער "מאשלוי" און "נהרדעא", שיינט צו זיין אינטערסאנט.
"Under capitalism, man exploits man. Under communism, it's just the opposite."

John Kenneth Galbraith
באניצער אוואטאר
יואב
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1610
זיך רעגיסטרירט: מיטוואך פעברואר 27, 2013 3:55 am
געפינט זיך: ב"ה אין אַ סטאַבּילן צושטאנד — דער ציבור ווערט געבעטן ווייטער צו מתפלל זיין.
האט שוין געלייקט: 6480 מאל
האט שוין באקומען לייקס: 5827 מאל

הודעהדורך בר דעת » מיטוואך סעפטעמבער 17, 2014 10:37 pm

!
רעדאגירט געווארן צום לעצט דורך בר דעת אום מיטוואך סעפטעמבער 17, 2014 10:39 pm, רעדאגירט געווארן איין מאל בסך הכל.
בר דעת
ידיד השטיבל
ידיד השטיבל
 
הודעות: 282
זיך רעגיסטרירט: דאנערשטאג מערץ 06, 2014 7:17 pm
האט שוין געלייקט: 990 מאל
האט שוין באקומען לייקס: 706 מאל

הודעהדורך בר דעת » מיטוואך סעפטעמבער 17, 2014 10:38 pm

איך וויל נאך מגיב זיין דבר דבור על אפניו ועוד חזון למועד, אבער נאך פארדעם וויל איך זאגן wow!
וואספארא אויסגעגיסעכץ פון טאלאנט און אייגענארטיגע מחשבה און זיסע שפראך! בריליאנט!
בר דעת
ידיד השטיבל
ידיד השטיבל
 
הודעות: 282
זיך רעגיסטרירט: דאנערשטאג מערץ 06, 2014 7:17 pm
האט שוין געלייקט: 990 מאל
האט שוין באקומען לייקס: 706 מאל

הודעהדורך יואב » מיטוואך סעפטעמבער 17, 2014 10:42 pm

למעשה אבער האט זיך לעצטנס פארמירט אזא שמור לי ואשמור לך טריטי צווישן מוסדות, און אפילו אויב כלפי ירושה, מנהגים איבער קוגל, אדער דעזיין פון בעקיטשעס, זענען פארהאן פילע מיינונג דיפערענצן, מאכן זיי א יד אחת ווען ס'קומט צו טעראר. דאס ווערט נאר ארגער מיט וואס א טאג / שיגעון ס'גייט פארביי.
"Under capitalism, man exploits man. Under communism, it's just the opposite."

John Kenneth Galbraith
באניצער אוואטאר
יואב
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1610
זיך רעגיסטרירט: מיטוואך פעברואר 27, 2013 3:55 am
געפינט זיך: ב"ה אין אַ סטאַבּילן צושטאנד — דער ציבור ווערט געבעטן ווייטער צו מתפלל זיין.
האט שוין געלייקט: 6480 מאל
האט שוין באקומען לייקס: 5827 מאל

הודעהדורך ראובן » מיטוואך סעפטעמבער 17, 2014 10:48 pm

איך בין נישט נאמינירט צו ענטפערן, אבער כ'האף וועסט מיר מוחל זיין. עס דארף קלאר ווערן אז עס זענען דא צוויי הבדלות וואס דארפן זיין קלאר נאך פאר מ'פאנגט אן דן זיין איבער דעם ענין. א) עס איז דא א הבדל בין קודש לחול. ב) עס איז דא א הבדל צווישן פשוטי עם און מענטשן אין פירערשאפט פאזיציעס.

אויב האסטו נישט געוואוסט, מענטשן זענען אין אלגעמיין נישט צו קלוג! עלטערן וואס שיקן צו מצויינים ישיבות א שטייגער ווי אלכסנדר זענען פשוט'ע מענטשן, און ווי אלע פשוט'ע מענטשן, מאכן זיי ערנסטע טעותים אין דעם חינוך פון זייערע קינדער, אזש זיי פאטענציאל צו שעדיגן דורך שיקן צו א "מצויין" ישיבה. גבירים זענען אין אלגעמיין אויך נישט צופיל קליגער פון פשוטי עם, כבוד און תאוות רעדט צו זיי א סך, און אז א "פלעק" פון אלכסנדר איז אים געשמאקער ווי א תעודה פון נהרדעא, וועט ער גיסן זיין געלט אין דעם שאנד-הויז ווי איידער אינוועסטירן אין אידישע דורות.

דאס איז אלעס חטאים פון פשוטי עם. מענטשן וואס שטייען בראש פון א ישיבה נעמען זיך ארויס פון דעם כלל פון פשוטי עם, און זיי לייגן זיך אריין אין דעם כלל פון עוסקי בצרכי ציבור. זיי נעמען זיך אויך ארויס פון עניני חול, און זיי זעצן זיך אריין אין עניני קודש. די אלע חטאים וואס פשוטי עם באגייען זענען גענצליך אומרעלעוואנט ווען מיר ליאמערן אויף די אכזריות פון די עומדים בראש פון די מוסדות, וואס שפילן זיך מיט די פארהייליגסטע מושגים ביי כלל ישראל (רבנות, ישיבות, חינוך, תשב"ר, וכו') ווי זיי וואלטן געווען טערמינען אין ריעל-עסטעיט געזעץ.

לאמיך יעצט דורכגיין דיינע נקודות. מיט דיין ערשטער נקודה בין איך גענצליך מסכים – דאס רשעות איז אומבאגרייפבאר. לגבי דיין צווייטער נקודה, ווייס איך גראדע יא פון איין פאל וואס א פארפאלק האט פרובירט צו שיקן זייער זון צו יעדן מוסד אין דיין ליסטע, און אלע האבן אפגעזאגט דעם קינד. עס האנדלט זיך פון א וואוילער חסידישער יונגערמאן, גראדע א פראסטער אבער נישט גענוג א גרויסער חכם צו זיין "אויפגעקלערט", און זיין 5-יעריג קינד גייט אין פלעי-גרופ.

וועגן דיין דריטער נקודה: דער פראבלעם איז אז די אלע תקנות זענען למורת רוח פון רוב עלטערן. וואספארא חוצפה פון א מלמד צו האקן אויף ליפא אדער אויף סושי, אן זיך רעכנען מיט דער דעה פון די עלטערן? אויב איז צומישן טאקע אזא חטא, פארוואס זאלן מען נישט איינמאל פאר אלעמאל קלאר מברר זיין וואס די עלטערן האלטן בשיטה? ערגעץ אין די פילע אשכולות אויף דעם ענין האט איינער שוין דערמאנט די נקודה. אויב דו מאכסט א מוסד צו געבן חינוך פאר אידישע קינדער, זיי אזוי גוט מברר וויאזוי די עלטערן ווילן אז דער חינוך זאל אויסקוקן. די אלע תקנות משונות זענען קיינמאל נישט געווען א טייל פון דעם מוסד'ס חינוך, דאס האט אייביג באלאנגט פאר די עלטערן. ווילן טאקע רוב עלטערן אז דער מוסד זאל איינטיילן פאר'ן קינד צי ער מעג גיין צו דער "ל"ג בעומר פאראדע"?

וועגן דיין פערטער נקודה: א קלאס אין א מוסד דארף רעפרעזענטירן דעם אויסשטעל פון אונזער געזעלשאפט. א געוויסער פראצענט גאר חסידיש, א געוויסער פראצענט פארווע, און א געוויסער פראצענט לייכטזיניגע, אדער חסידיש-לייט. אזוי זענען חדרים אייביג געווען אויסגעשטעלט, און דער רייץ פון די מוסדות צו ווייזן אז זייער מוסד איז אנדערש פון דעם טראדיציאנאלן אופן החינוך איז טאקע די אכזריות וואס מיר זעען.

דאס וואס דו שרייבסט וועגן רבנים איז דאך ממש א געלעכטער. כאפ נאר א בליק אין מאנסי וואו די רבנים האט טאקע מצליח געווען צו שאפן א כמו-אינקוויזיציע, און קוק נאר ווי די רשעות איז דארט פילפאכיג ערגער ווי אין יעדן אנדערן מקום, און אין יעדן אספעקט פון לעבן. לעיקוואודער רבנים האבן נאך א געוויסער רעספעקט פאר פונדאמענטאלע יסודות פון מענטשליכקייט. די רבנים וועלכע ווערן ביי אונז נאטירליך ארויפגעצויגן צו אויטאריטאטיווע פאזיציעס זענען אזעלכע וואס האבן פארטוישט יעדן זיק פון מענטשליכקייט פאר א ראדיקאליזם וואס רייסט ארויס דעם מוח און די נשמה.
עורו ישנים משנתכם!
באניצער אוואטאר
ראובן
חבר ותיק
חבר ותיק
 
הודעות: 2468
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 3094 מאל
האט שוין באקומען לייקס: 9713 מאל

הודעהדורך קאווע טרינקער » מיטוואך סעפטעמבער 17, 2014 10:55 pm

ייש"כ @ראובן. זאגסט גוט, אז ניטאמאל די עלטערן ווילן די שוואנצוניס.
זיי אביסל מער מסביר - און טאקע אין קומענדיגע 24 מינוט - וואס דו שרייבסט וועגן נקודה 4.
Under influence
קאווע טרינקער
חבר ותיק
חבר ותיק
 
הודעות: 7167
זיך רעגיסטרירט: זונטאג מערץ 18, 2012 11:01 am
האט שוין געלייקט: 5024 מאל
האט שוין באקומען לייקס: 8477 מאל

הודעהדורך ראובן » מיטוואך סעפטעמבער 17, 2014 11:03 pm

א קלאס אין א חדר איז אין אלגעמיין געווען א רענדאם סעלעקשאן פון דער פאפולאציע. אז דו האסט א ריזיגן גוט-אויסגעמישטן שיסל מיט טויזנט קאלירטע באליס, 25% רויטע, 25% גרינע, 25% געלע, און 25% בלויע, און דו וועסט ארויסשאקלען פון דעם שיסל הונדערט רענדאם באליס, וועט די פראצענטן געווענליך זיין בערך די זעלבע: א פערטל פון יעדן קאליר. קלאסן אין חדרים זענען ביז לעצטנס געווען ענליך צו דעם: א געמיש פון אלע סארט חסידישע קינדער אין דעם שטאט וואס זענען אינטערעסירט צו שיקן צו דעם מוסד, מיט פראצענטן וואס האבן בערך רעפרעזענטירט די פארשידענע סארט מדריגות אין דער פאפולאציע.

קיינער זאגט נישט אז א מוסד דארף אריינעמען אלע קינדער פון "באמישע" שטיבער, אבער אז 10% פון בארא פארקער עלטערן זענען "באמיש", זאל טאקע יא זיין 10% קינדער פון "באמישע" שטיבער אין יעדן קלאס. אויב זענען דא אין שטאט 10% כראנישע פרומע, אנטי-עירוב'ניקעס, פרא-נטורי קרתא'ניקעס, זאל טאקע יעדער קלאס האבן בערך אזא פראצענט קינדער פון אזוינע שטיבער. אזוי האט א חדר אייביג אויסגעקוקט.
רעדאגירט געווארן צום לעצט דורך ראובן אום מיטוואך סעפטעמבער 17, 2014 11:07 pm, רעדאגירט געווארן איין מאל בסך הכל.
עורו ישנים משנתכם!
באניצער אוואטאר
ראובן
חבר ותיק
חבר ותיק
 
הודעות: 2468
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 3094 מאל
האט שוין באקומען לייקס: 9713 מאל

הודעהדורך קאווע טרינקער » מיטוואך סעפטעמבער 17, 2014 11:05 pm

לפי זה וועט נישט זיין שום נפק"מ צווישען איין מוסד און אנדערע. ימות המשיח.
Under influence
קאווע טרינקער
חבר ותיק
חבר ותיק
 
הודעות: 7167
זיך רעגיסטרירט: זונטאג מערץ 18, 2012 11:01 am
האט שוין געלייקט: 5024 מאל
האט שוין באקומען לייקס: 8477 מאל

הודעהדורך ראובן » מיטוואך סעפטעמבער 17, 2014 11:08 pm

דרייסיג יאר צוריק איז דען נישט געווען קיין נפק"מ צווישן די מוסדות? למעשה שטעלט זיך ארויס אז געוויסע סארט עלטערן גלייכן מער צו שיקן צו אזא מוסד און געוויסע צו אזא מוסד.
עורו ישנים משנתכם!
באניצער אוואטאר
ראובן
חבר ותיק
חבר ותיק
 
הודעות: 2468
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 3094 מאל
האט שוין באקומען לייקס: 9713 מאל

הודעהדורך קאווע טרינקער » מיטוואך סעפטעמבער 17, 2014 11:18 pm

ווען מ'דארף ווען נישט ארבעטען אויף א "נאמען", בויען א "ברענד", ביסטו גערעכט. היות דר'עולם איז נישט אזוי קלוג, ווי דו טענה'סט, פאלט מען פאר ווער ס'מאכט די מערסטע noise. ממילא מוז מען מאכן פרסום און כאפן דעם עולם מיט וואס זיי זוכן די מערסטע.
Under influence
קאווע טרינקער
חבר ותיק
חבר ותיק
 
הודעות: 7167
זיך רעגיסטרירט: זונטאג מערץ 18, 2012 11:01 am
האט שוין געלייקט: 5024 מאל
האט שוין באקומען לייקס: 8477 מאל

הודעהדורך שפתים ישק » מיטוואך סעפטעמבער 17, 2014 11:18 pm

@קאווע טרינקער, @ראובן

שפתים קישאקTM!
שפתים ישק
מאנשי שלומינו
מאנשי שלומינו
 
הודעות: 117
זיך רעגיסטרירט: מיטוואך אקטאבער 02, 2013 11:24 pm
האט שוין געלייקט: 214 מאל
האט שוין באקומען לייקס: 179 מאל

הודעהדורך ראובן » מיטוואך סעפטעמבער 17, 2014 11:20 pm

קאווע טרינקער האט געשריבן:ווען מ'דארף ווען נישט ארבעטען אויף א "נאמען", בויען א "ברענד", ביסטו גערעכט. היות דר'עולם איז נישט אזוי קלוג, ווי דו טענה'סט, פאלט מען פאר ווער ס'מאכט די מערסטע noise. ממילא מוז מען מאכן פרסום און כאפן דעם עולם מיט וואס זיי זוכן די מערסטע.

אט אזוי! און יעצט האסטו קלארער געמאכט מיין נקודה אז מ'שפילט
זיך מיט די פארהייליגסטע מושגים ביי כלל ישראל (רבנות, ישיבות, חינוך, תשב"ר, וכו') ווי זיי וואלטן געווען טערמינען אין ריעל-עסטעיט געזעץ.
עורו ישנים משנתכם!
באניצער אוואטאר
ראובן
חבר ותיק
חבר ותיק
 
הודעות: 2468
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 3094 מאל
האט שוין באקומען לייקס: 9713 מאל

הודעהדורך קאווע טרינקער » מיטוואך סעפטעמבער 17, 2014 11:44 pm

מ'דארף דאך געלט!
נניח איך עפען א מוסד, נאמן לה' ולדינא דמלכותא, כ'צוטייל די הוצאות, ס'קומט אויס 1,400 דוללער א קינד א חודש. מ'מוז דאך האבן עפעס unique צו משכנע זיין.

אז מ'ברענד נישט וואלט יעדער געקויפט אין כולל גראסערי, און נאר ליבער'ס פראדוקטען.
Under influence
קאווע טרינקער
חבר ותיק
חבר ותיק
 
הודעות: 7167
זיך רעגיסטרירט: זונטאג מערץ 18, 2012 11:01 am
האט שוין געלייקט: 5024 מאל
האט שוין באקומען לייקס: 8477 מאל

הודעהדורך לית דין בר נש » דאנערשטאג סעפטעמבער 18, 2014 12:05 am

קאווע טרינקער
איך האב נישט קיין ווערטער צו שרייבן דאס רופט מען אין אידיש HOME RUN
הערליך צונומען און הערליך אראפגעלייגט
די תגובה פון די יאר!
טראכט וואס די שרייבסט! שרייב נישט וואס די טראכסט! (אדער אפשר יא)
לית דין בר נש
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1509
זיך רעגיסטרירט: דאנערשטאג מערץ 06, 2014 6:18 pm
האט שוין געלייקט: 6756 מאל
האט שוין באקומען לייקס: 1288 מאל

הודעהדורך הוגה » דאנערשטאג סעפטעמבער 18, 2014 8:39 am

@קאווע טרינקער, האסט געמאכט א הערליכע דזשאב מיטן ארויסברענגן קלאר די אנדערע צד. כ'האב קיין סאך צוצולייגן איבער וואס @ראובן האט שוין דערמאנט, נאר איין נקודה.

ווען מוסדות און קהלות זאגן אפ זייערע אייגענע מענטשן איז די עוולה פי כמה. ווען סאטמאר זאגט אפ סאטמארער, באבוב זאגט אפ באבובער און פאפא זאגט אפ פאפאנער איז עס שרעקליכע רשעות. ערשטענס ווייל קיין שום אנדערע מוסד וועט זיי נישט אננעמען אזוי ווי די פאקט ווייסט. צווייטענס, ער איז דאך דיין פרי. ער האט געלערנט אלף בית ביי דיר, באקומען דיין חינוך, געווארן מאלעסטיד אין דיין מקוה, ער האט געמאכט די סיינס פאר דיינע רבי'שע חתונות זיך צו האלטן ביזי, אבי נישט גיין ארבייטען. חתונה געמאכט פרי איידער ער גליטשט רח"ל, קאלעדזש דעגרי האט ער באקומען אין דיין כולל. קינדער לרחצה ע"פ די פסק פון דיינע שובבי"ם שיעורים. זיינע ערשטע פינף יאר אין די ביזנעס וועלט איז געווען אלץ באס רבי אין דיין חדר און אלץ מדריך אין דיין קעמפ. אבער יעצט זאגסטו אים פלוצלינג אז ער באלאנגט נישט דא ווייל ער גייט מיט שפוציגע שיך און זיין ווייב איז זיך נישט מנוול פאר אים מדי חודש בחודשו דורכן שערן די האר? זייער שיין פון זיי. זיי מיינען פשוט זיין טובה. זיי זענען אים מסביר אז עס וועט זיין בעסער פאר זיינע קינדער ערגעץ אנדערש. וואו? וואו זאל ער זיי שוקן?

עס איז נאר דא איין עצה וואס וועט סאלווען אלע פראבלעמען, שוקן אין פובליק שולע. דו"ק ותשכח. איך בין גרייט צו זיין פון די ערשטע נחשונים אויב ס'מאכט זיך א קבוצה פון צוואנציג עלטערן.


.
"לא מצאנו בשום מקום בתורה שמצווה אדם להיות למדן ובקי בכל חדרי התורה. שכן תכלית הלימוד אינה להיות למדן אלא להיות אדם טוב, לעשות הטוב ולהטיב לזולתו." ~ רמ"מ מקאצק ז"ל
באניצער אוואטאר
הוגה
חבר ותיק
חבר ותיק
 
הודעות: 2838
זיך רעגיסטרירט: דינסטאג אפריל 09, 2013 1:20 pm
געפינט זיך: מאנסי
האט שוין געלייקט: 7322 מאל
האט שוין באקומען לייקס: 6507 מאל

הודעהדורך מאטי » דאנערשטאג סעפטעמבער 18, 2014 8:46 am

הוגה, ווען ס'וואלט נישט געווען אזא מושג ווי "אייגענע" וואלט נישט געווען אזוי שווער צו ווערן אנגענומען ביי די "נישט אייגענע" די גאנצע מושג פון "אייגענע" דארף ווערן אויסגעראטן.
My enemy showed me an Olive Branch, upon closer observation it turned out to be covered in Fig Leaves
באניצער אוואטאר
מאטי
חבר ותיק
חבר ותיק
 
הודעות: 2992
זיך רעגיסטרירט: מאנטאג אוגוסט 27, 2012 5:06 pm
האט שוין געלייקט: 3757 מאל
האט שוין באקומען לייקס: 4321 מאל

הודעהדורך הוגה » דאנערשטאג סעפטעמבער 18, 2014 8:47 am

מאטי האט געשריבן:הוגה, ווען ס'וואלט נישט געווען אזא מושג ווי "אייגענע" וואלט נישט געווען אזוי שווער צו ווערן אנגענומען ביי די "נישט אייגענע" די גאנצע מושג פון "אייגענע" דארף ווערן אויסגעראטן.


דער פראבלעם וועט אויך ווערן געסאלווט דורך 'פאבליק סקול'. :D
"לא מצאנו בשום מקום בתורה שמצווה אדם להיות למדן ובקי בכל חדרי התורה. שכן תכלית הלימוד אינה להיות למדן אלא להיות אדם טוב, לעשות הטוב ולהטיב לזולתו." ~ רמ"מ מקאצק ז"ל
באניצער אוואטאר
הוגה
חבר ותיק
חבר ותיק
 
הודעות: 2838
זיך רעגיסטרירט: דינסטאג אפריל 09, 2013 1:20 pm
געפינט זיך: מאנסי
האט שוין געלייקט: 7322 מאל
האט שוין באקומען לייקס: 6507 מאל

הודעהדורך מאטי » דאנערשטאג סעפטעמבער 18, 2014 8:52 am

קיינער וויל נישט זיין דער ערשטער, און פובליק סקול איז א מאוסע ווארט. וואס איז שלעכט מיט האלטן אביסל די קינדער אינדערהיים? אויב מוסדות וועלן וויסן אז עלטערן קענען האלטן אינדערהיים אנע לחץ, וועלן זיך די קארטן אויסדרייען זייער גיך.
My enemy showed me an Olive Branch, upon closer observation it turned out to be covered in Fig Leaves
באניצער אוואטאר
מאטי
חבר ותיק
חבר ותיק
 
הודעות: 2992
זיך רעגיסטרירט: מאנטאג אוגוסט 27, 2012 5:06 pm
האט שוין געלייקט: 3757 מאל
האט שוין באקומען לייקס: 4321 מאל

הודעהדורך הוגה » דאנערשטאג סעפטעמבער 18, 2014 9:00 am

האלטן אין דער היים איז נישט קיין אפציע. די געזעץ פארלאנגט אז מען מוז עדזשוקעיטען די קינדער. היים סקולען איז א קאסבארע מעשה. ובכלל, עס איז נישט געזונט פארן קינד און פאר די עלטערן צו האבן די קינדער אין דער היים. פאבליק סקול לייזט אלע פראבלעמען. מען קען וואוינען וואו מ'וויל, וויאזוי מ'וויל. מען שפארט זיך טויזענטער דאלארן פער יאר און ס'נישט דא קיין סעלעקציע פראסעס.
"לא מצאנו בשום מקום בתורה שמצווה אדם להיות למדן ובקי בכל חדרי התורה. שכן תכלית הלימוד אינה להיות למדן אלא להיות אדם טוב, לעשות הטוב ולהטיב לזולתו." ~ רמ"מ מקאצק ז"ל
באניצער אוואטאר
הוגה
חבר ותיק
חבר ותיק
 
הודעות: 2838
זיך רעגיסטרירט: דינסטאג אפריל 09, 2013 1:20 pm
געפינט זיך: מאנסי
האט שוין געלייקט: 7322 מאל
האט שוין באקומען לייקס: 6507 מאל

הודעהדורך מאטי » דאנערשטאג סעפטעמבער 18, 2014 9:13 am

מ'רעדט נישט פון האלטן די קינדער אינדערהיים לאורך ימים ושנות חיים. מ'רעדט פון א פרישער אדיטטוט ווי אזוי עלטערן זאלן האנדלן מיט די מענטשן פרעסער. בערך אזוי:

עלטערן: "איר ווילט מיין קינד אין אייער מוסד? כ'בין נישט בלחץ, כ'האב גענוג אפציעס ב"ה איך קען האלטן אינדערהיים אויך אויב ס'פעלט אויס, ס'איז דא וואס צו טון ב"ה.

הייבט אן רעדן אזוי, און איר וועט קריגן מער מוסדות פארשלאגן ווי קרעדיט קארד אפפערס
My enemy showed me an Olive Branch, upon closer observation it turned out to be covered in Fig Leaves
באניצער אוואטאר
מאטי
חבר ותיק
חבר ותיק
 
הודעות: 2992
זיך רעגיסטרירט: מאנטאג אוגוסט 27, 2012 5:06 pm
האט שוין געלייקט: 3757 מאל
האט שוין באקומען לייקס: 4321 מאל

הודעהדורך הקטן » דאנערשטאג סעפטעמבער 18, 2014 10:02 am

קאווע טרינקער האט געשריבן:
"
מיין פריוואטע דעה אין דעם איז ס'דארף זיין א וועב-זייטל ווי יעדע מוסד'ס "אלע" אינפארמעישן איז ארויפגעלייגט. א ליסטע פון יעדע מוסד אין זייערע about us, און תקנות, "וואס עלטערן זאגן וועגן אונז".
א באזוכער זאל קענען זעהן פונקטליך וויפיל קלאסן די מוסד פארמאגט, וויפיל פלאץ אין א קלאס, ווער זענען די מנהלים, מלמדים, טיטשער'ס, קעכער'ס, א.א.וו. וויפיל איז שכר לימוד, וכו'. ווער זענען די "וועד"? צו וועם קען מען רעדן?
באזוכער זאלן קענען אויך שרייבן קאמענטס און הערות אויף די מוסד. (מ'דארף ווערן באשטעטיגט דורך א באריסטא אז מ'שוקט טאקע אין יענע מוסד). כדי עלטערן זאלן וויסן: שיקסט קיין קראסנא, מאך זיכער אז דו האסט טעקסט-מעסעדש סערוויס, ווייל זיי מעלדן וויכטיגע הודעות דורך דעם, און נישט דורך א האט-ליין'ס. שיקסט קיין פאפא? זיי וויסן אז יעדע'ס מאל ס'דא א חתונה אין וויליאמסבורג, קומט מען אהיים פריער, און מארגן הייבט מען אן שפעטער. און אז דו ווילסט רעדן צו איינעם אין אפיס פריוואט מוזט איר אראפפארן קיין וויליאמסבורג. שיקסט קיין סאטאמר? זיי וויסן אז כ"א כסלו דארף מען קומען מיט א ווייסע העמד אפילו אויב ס'איז זונטאג. קענסט נישט האבן קיין טענות, מ'האט אייך דאס פאראויסגעמאלדן.
דער וועב זייטל זאל אויך דינען פאר עלטערן וואס ווילן זיך צוזאמנעמען און עפענען א נייע מוסד וכו'. – [b]בקיצור, אויפהערן מיט די "מ", "יענער", "דר'עולם", און ארויפברענגן אויפן טיש עכטע פנימ'ער און

:like
I want atheism to be true and am made uneasy by the fact that some of the most intelligent and well-informed people I know are religious believers

Thomas Nagel
הקטן
חבר ותיק
חבר ותיק
 
הודעות: 2339
זיך רעגיסטרירט: דינסטאג מאי 15, 2012 7:30 pm
האט שוין געלייקט: 1807 מאל
האט שוין באקומען לייקס: 1064 מאל

הודעהדורך אנאליזירער » דאנערשטאג סעפטעמבער 18, 2014 11:41 am

ראובן האט געשריבן:
וועגן דיין דריטער נקודה: דער פראבלעם איז אז די אלע תקנות זענען למורת רוח פון רוב עלטערן. וואספארא חוצפה פון א מלמד צו האקן אויף ליפא אדער אויף סושי, אן זיך רעכנען מיט דער דעה פון די עלטערן? אויב איז צומישן טאקע אזא חטא, פארוואס זאלן מען נישט איינמאל פאר אלעמאל קלאר מברר זיין וואס די עלטערן האלטן בשיטה? ערגעץ אין די פילע אשכולות אויף דעם ענין האט איינער שוין דערמאנט די נקודה. אויב דו מאכסט א מוסד צו געבן חינוך פאר אידישע קינדער, זיי אזוי גוט מברר וויאזוי די עלטערן ווילן אז דער חינוך זאל אויסקוקן. די אלע תקנות משונות זענען קיינמאל נישט געווען א טייל פון דעם מוסד'ס חינוך, דאס האט אייביג באלאנגט פאר די עלטערן. ווילן טאקע רוב עלטערן אז דער מוסד זאל איינטיילן פאר'ן קינד צי ער מעג גיין צו דער "ל"ג בעומר פאראדע"?

איך האב וועגן דעם גערעדט דא
viewtopic.php?f=24&t=5362
אנאליזירער
ידיד השטיבל
ידיד השטיבל
 
הודעות: 289
זיך רעגיסטרירט: מיטוואך מערץ 14, 2012 9:12 am
האט שוין געלייקט: 206 מאל
האט שוין באקומען לייקס: 286 מאל

הודעהדורך לית דין בר נש » דאנערשטאג סעפטעמבער 18, 2014 1:19 pm

מאטי האט געשריבן:עלטערן: "איר ווילט מיין קינד אין אייער מוסד? כ'בין נישט בלחץ, כ'האב גענוג אפציעס ב"ה איך קען האלטן אינדערהיים אויך אויב ס'פעלט אויס, ס'איז דא וואס צו טון ב"ה.

הייבט אן רעדן אזוי, און איר וועט קריגן מער מוסדות פארשלאגן ווי קרעדיט קארד אפפערס

you wish it
די בלייבסט מיט זיי אגאנץ יאר אינדערהיים! גערענטיד
טראכט וואס די שרייבסט! שרייב נישט וואס די טראכסט! (אדער אפשר יא)
לית דין בר נש
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1509
זיך רעגיסטרירט: דאנערשטאג מערץ 06, 2014 6:18 pm
האט שוין געלייקט: 6756 מאל
האט שוין באקומען לייקס: 1288 מאל

הודעהדורך שעפטל » דאנערשטאג סעפטעמבער 18, 2014 1:36 pm

@קאווע טרינקער, א ווי אייביג האסטו גוט צונומען די זאך, איך האב גראדע וואס צוצולייגן צו דיינע ווערטער און צו @ראובן'ס אויך, אבער אנהייבענדיג שרייבן האב איך באקומען א וואויס נאוט ווי א אינגערמאן פון וויליאמסבורג האט געלאזט (מסתמה אויף א וואצעפ גרופ) אז די באורד אוו עד האט גערופן צו אים אהיים וועגן זיין קינד וואס מען האט נישט געוואלט אננעמען אין קיין איין מוסד אין וויליאמסבורג, דער אינגערמאן זאגט אז זיי האבן געזאגט אז איינער האט אריינגערופן מסר'ן, און אויב שיקט ער נישט היינט אינערגעץ גייט מען ארעסטירן די עלטערן.
געס וואט???? ער איז אריבערגעלאפן צו פי. עס. 16 און איינגעשריבן דאס קינד, און ער זיצט יעצט ביים דאקטער פשוט פאר אומיוניזעישאן רעקארדס.

גייט דאס אויפשאקלן וויליאמסבורג??? גייט דאס זיין די אנפאנג פונעם ענדע פונעם נישט אננעמען? סטעי טונד...

ונזכה ונראה
מיט דעם האט זיך געענדיגט נאך א תגובה'לע פון שעפטל'ן, א "לייק" איז א שטופ אויף פראנויס פאר נאכיינס...
באניצער אוואטאר
שעפטל
חבר ותיק
חבר ותיק
 
הודעות: 3443
זיך רעגיסטרירט: דינסטאג יולי 17, 2012 1:45 pm
געפינט זיך: אוי, בעסער פרעג נישט
האט שוין געלייקט: 3450 מאל
האט שוין באקומען לייקס: 3365 מאל

נעקסט

גיי צוריק חינוך

ווער איז יעצט דא?

באניצער וואס לייענען דעם פארום: נישטא קיין אנליין באניצער און איין גאסט