דער וועקער: געגאנגען ווייטער!

[ראובן]

יא, @שש משזר האט אריינגעשיקט א הערליכער ארטיקל מיט וואס דער עולם וועט זיך באלעקן די פינגער. כ'האף היינט אדער מארגן צו לייגן א שטיקל אפדעיט אויף די ארטיקלען וואס זענען שוין אריינגעקומען.

עס איז כדאי צו באמערקן אז דער נייער וועקער וועט נישט האבן קיין שום ארטיקל וואס איז שוין נתפרסם געווארן. אלעס איז גענצליך פרישע סחורה.

[ראובן]

אפדעיט

קוים פיר טעג איז פארבליבן ביז'ן דעדליין פאר'ן וועקער, און מ'ארבעט אויף אלע פראנטן. ווי פארשפראכן וועל איך דא געבן א שטיקל איבערזיכט פון די ארטיקלען וואס זענען שוין אריינגעקומען, אדער האלטן אין די לעצטע שטאפלען פון פארענדיגט ווערן. איך וועל שרייבן די נעמען פון די מחברים נאר פון די וואס האבן אליין מפרסם געווען.

• ידידינו שש משזר האט אונז געשאנקען א מתנה א הערליכער ארטיקל אויף א תורה'דיגער נושא וואס איז מברר א שיטת הרמב"ם מיט א ראציאנאלן בליק;
• אן ערנסטער תשובה להלכה אויף א קאמישער נושא, וואס וועט אייך פארקנייטשן דעם שטערן בעת'ן לאכן פון קאמעדיע;
• א פארש-ארטיקל וועגן איידעמער פון א בארימטן רבי'ן (און אפשר דער רבי אליין) וועלכע האבן געהאט א ספרים געשעפט וואו מ'האט פארקויפט ספרי השכלה;
• א דראמאטישע שטיק פיקציע מיט אקטועלע נושאים;
• א שמועס צווישן צוויי ידענים איבער פארנעפלטע פרטים אין דער אידישער היסטאריע;
• מושי'ס ווינקל - א טאלאנטפולער ארטיסט פאנגט אן א סעריע קאריקאטורן ספעציעל פאר'ן וועקער;
• ידידינו פליקער גייט ווייטער מיט זיין גאר-אינפארמאטיוון קאלום אויף קענסער;
• ידידינו געוואגטער אינגל שענקט אונז דער המשך פון זיין דראמאטישן סיפור דער ראדימנער פראצעס;
• ידידינו ליטוואק פון בודאפעסט איז ממשיך מיט זיין אינהאלטרייכן שמועס מיט דעם צעמישטן יונגערמאן.
  
  עטליכע נייע קאלומס:
• "חצי נחמה" - א הילף קאלום פון דעם בארימטן שריפטשטעלער קטלא קניא;
• "מאזאאיק" - א קאלום וואס וועט אייך אינפארמירן און קיצלען;
• "בימים ההם" - א קאלום וואס וועט אייך צוריקפירן צו דער נישט-ווייטער פארגאנגנהייט;
• "אויגנבליק" - א קאלום וואס וועט אייך אוועקפירן פון אייער באקוועמע זאנע.
  
  און...
  
  אן ארומנעמענדיגער אינטערוויו מיט אן אינטערנאציאנאל-בארימטע פערזענליכקייט - ספעציעל צום "וועקער"!

דאס איז אלעס א ליסטע פון ארטיקלען וועלכע זענען שוין גרייט צום דרוק, אדער זענען שוין כמעט פארטיג. פארשטייט זיך אז א שיינע צאל חברים ארבעטן נאך אויף זייערע ארטיקלען, און אין די יעצטיגע טעג יאגן זיי זיך אונטער צו פארענדיגן אין צייט פאר דעם דעדליין.

רבותי, כאפטס אריין, און שיקט אריין אייער ארטיקל פאר דעם דעדליין!

[דער געוואגטער יונגעל]

די שפייאכץ רינט מיר שוין..

[שש משזר]

טובים השנים מן האחד...

כ'האב אקארשט אריינגעשיקט מיינס א צווייטן לענגערן ארטיקל [קרוב צו 11,000 קערעקטערס] צו @ראובן, וואס וועט אי"ה ערשיינען אינעם נייעם וועקער תחת הנהגתו.


דער וועקער וועקט...!

[קורקלענד]

כ'האב אקארשט אריינגעשיקט מיינס א צווייטן לענגערן ארטיקל [קרוב צו 11,000 קערעקטערס] צו @ראובן, וואס וועט אי"ה ערשיינען אינעם נייעם וועקער תחת הנהגתו.


דער וועקער וועקט...!

@ראובן האלט דאך אז דער קערעקטער צאל מיינט גארנישט.

[קורקלענד]

וואס וועט זיין מיט @ראובן'ס פארזעצונג? איך זעה עס נישט אין די ליסטע.

[בעל מדות]

עס איז ממש נאכנישט געהערט אדער געזען געווארן, אז מען זאל טרעפן א סערוויס, אדער פראדוקט, וואס עמיצער זאל אהערשטעלן, אן ארויסנעמען א בענעפיט. זאל דאס זיין סיי וואס, אפילו אויף טרונקען קאווע ביי חצות, און זאגן תהלים, איז שוין היינט אוועקגעשטעלט גרויסע שנאר פירמעס, מיט סי-אי-או'ס און קאנפרענץ צומערן, פי-אר ריזן, מיט געשליפענע אגענטן.

פון אלס און אלעמען מאכן מענטשן געלט. פון אתרוגים קאמפאט, ביז אינשורנס אויף די אתרוגים קאמפאט. דער עולם איז מאני מיינדעד אויף שיליאן, ווער זאל דיר געבן א ניקל? יעדער איז דא פאר זיין "קעששש", ווי דער רבי זאל זיין געזונט ר' קעווין אלערי פירט זיך צו אויסדרוקן מיט עטליכע שין'ס וואס לויפן נאך.

אלזא עס וואונדערט זיך פון איין זייט, און פאדערט רעספעקט פון די צווייטע. זיך צוקוקנדיג ווי מענטשן לייגן אריין שעות, נאר אויף צו שפירן אז זיי טוען וואס זיי האבן צו טון, זיי ווילן ערפולן א חלל וואס נישט נאר איז מען דאס נישט מכיר טוב ווי עס באדארף צו זיין, נאר ס'רוב פון די ארטעדאקסישע אידנטום וואלט א שפיי געטון אויף די ארבעט, נישט אנערקענט, און מער געשעצט צו באקומען א לופטיגע רעבישע בילדער אויסגאבע ווי מען זעט א גראבע פעקל פלייש פון ארץ ישראל, ביים באזוכן אין זיינע מוסדות, וואס העלפן אים דורכשטופן, דעם אנדערן העלפט טאג (די שעות וואס ער איז נישט אין באנק, און האט נישט קיין מזוזות ווי צו קלאפן)
עס איז באמת עמעזינג, משוגע צו ווערן, זעענדיג וואס איין געזעלשאפט קען צוזאמטרייבן, די כוחות, און אמבציע וואס דער קרייז דא לייגט אריין, פשוט צו נעמען די טאלאנט וואס גאט האט געשאנקען און דאס ריכטיג נוצן, און שעצן, דאס איז טאטשי, און באגריסנסווערד.

אסאך לעיקס קומען נאטורליך, און אסאך לעיקס האבן מענטשן געבויעט, צו אריינברענגען עקאנאמיע צווישן זייערע דערפער.

די פראבלעם פון נישט געהעריג שעצן ריכטיגע טאלאנט, איז א ערנסטע לאך, און אט דא זענען פאראן העראאישע קעמפער וועלכע פילן אן די לאך מיט וואסער, זיי בויען א לעיק, קרעדיט צו שש משזר וואס האט אנגעהויבן מיטן ברענגען וואסער, און צו די וואס טוען נאכגיין אין זיינע פוסטריט, עס איז שוין דא א באזע, און יעצט קען שוין @ראובן נעמען א שיפל, און זיין די שיפס קאפיטאן אינעם וואסער וואס מיר האבן שוין באוויזן צו אהערשלעפן.

אלעס שיינע משלים, געדאנקען, און אבזערוואציעס, און עס קומט זיך א געוואלד מיט קרעדיט פאר די ערנערגישע און אמביציעזע כוחות וואס זענען איינגעשפאנט, אין דעם מיסיע פון "דער וועקער: געגאנגען ווייטער!" מיר וועלן קענען צייגן אונזערע קינדער אז זיי האבן יא מיט וואס צו שטאלצירן, און נישט יעדער איז געווען טייל אין בויען אזא פארפלאנטערטע לעבנסשטייגער, וואו זיי געפונען זיך, נאר עס האט גערודערט א שטימע פון מענטשן וואס זיי האט קיין שום מיטל נישט געקענט אפהאלטן פון טון דאס וואס עס איז ריכטיג.

[קורקלענד]

חוץ געלט איז כבוד אויך נישט אוועק צו מאכן. אגענדע. אגענדע. אגענדע.

[ליטוואק פון בודאפעסט]

ס'איז דא א באקאנטע מעשה מיט'ן ח"ח.
אינמיטן שרייבען דער משנה ברורה, האט ער זיך אמאל שווער געשוויצט אסאך שעות אויף איין ווארט צו זאץ. נאכ'ן אראפשרייבן האט הרב לייב, דער זוהן פון ח"ח געפרעגט "טאטע, קומעדיגע דורות וועלן דען וויסען פון די מיה און פלאג וואס אונז לייגען מיר דא אריין?"

האט דער ח"ח געענטפערט "ווען מ'האט געבויט די באן שינעס אריבער גאנץ רוסלאנד, האט זיך געפונען ערגעץ אין די וויסטעניש פון די רוסישע סטעפפע א טאטע מיט א זוהן וואס האבן געארבעט צוזאמען מיט'ן אראפלייגען די שינעס. אינמיטן האט דער זוהן געפרעגט 'טאטע, וועלען די רייזער'ס אנערקענען אז דא האבען מיר אונז אזוי געארבעט?', האט דער טאטע געענטפערט 'צאר פאפושקע', דער צאר איז אונזער פאטער. אונז ארבעטן מיר נישט פאר דער רייזער, אונז ארבעטן פאר דער צאר".

[ראובן]

רבותי, קוים 15 שעה געבליבן!

[ראובן]

פתח לנו שער בעת נעילת השער

גוט, כ'האב שוין גענוצט די קלישעי אויך. אבער מ'האלט שוין טאקע ביי נעילת השער! ווייניגער פון זעקס שעה איז פארבליבן ביז דער וועקער ווערט געשלאסן.

ווי איך האב אייך שוין געזאגט, קומט א וועקער וואס וועט איבערשטייגן אלעס ביז אהער. א מייסטערווערק געפאקט מיט סחורה ווי גאלד!

עס זענען שוין דא 25 הערליכע ווערק. יא, איר האט גוט געלייענט! ווערק פון ווערטער, בילדער, פאעזיע, פראזע און ארט.

דער גראפיק דעפארטמענט ארבעט טאג און נאכט, און צוביסלעך קומען ארויס דיאמאנטן אין פארעם פון הערליכע מאמרים.

דער וועקער וועט אייך וועקן, אבער אויך דערפרייען, דערצערענען, אינספירירן, אינפארמירן, דערקוויקן און דערשטוינען. אינעם וועקער וועט איר זיך אנזעטיגן מיט טשיקאוועס און טרויעריגס, ערנסטע ארטיקלען באגלייט מיט מחשבה'דיגע, ארומגענומען מיט פראקטיק, פערספעקטיוון, און ידיעות.

יא, איר ווילט זיין א חלק פון דעם!

עס איז נאך דא צייט צו שרייבן און אריינשיקן. כאפטס אריין אין די לעצטע שעות!

[ראובן]

נאך א האלבע שעה געבליבן.

[ראובן]

טייערע משתתפים,
א גרויסן דאנק פאר אייערע הערליכע ווערק. נאר א דאנק אייך וועט ערשיינען אזא אויסערגעווענליכע אויסגאבע.

די רעדאקציע איז יעצט געשלאסן פאר נייע ארטיקלען.



אין די קומענדיגע טעג וועלן מיר ווייטער ארבעטן אויפ'ן וועקער און עס גרייטן צום דרוק.

[ראובן]

חידה: וויפיל אזייגער איז דער לעצטער ארטיקל אריינגעקומען צום וועקער?

[קורקלענד]

אויף די קאווע שטיבל זייגער איז מעגליך 12:59.

[ראובן]

יאפ, 11:59.

[ארי נוהם]

בשלי הרעה הזאת?
ווייל כהאב אריינגעשיקט ברגע האחרון א ארטיקל. ארטיקל מאי קא משמע לן? א וויץ.
או אינו נאר עפעס מער ווי סתם א וויץ? תיק"ו = ו'עקער ית'רץ ק'שיות.

[בן ישי]

ראובן אפשר קום אריים מיט א אפדעיט ווי מען האלט.
ווען מ'קען זיך רעכענען אז עס וועט ארויסקומען.
ווען וועט עס זיין ביי 13/49
מיר קוקן ארויס בכליון עינים.

[נעגעל וואסער]

@ראובן ווי האלט די מצב? ווען איז מען שוין זוכה צו די אור הגנוז?

[כוכב]

אלס א געוועזענער רעדאקטאר קען איך עדות זאגן אז די אלע מעסעזשעס "נו ראובן ווען קומט עס ארויס, ווען גייט מען שוין זוכה זיין צו דעם אור הגנוז?" געבן גארנישט צו, עס העלפט נישט אויפבויען די מאמענטום, עס מאכט סתם נערוועז די ארויסגעבער כאילו זיי זענען עפעס שולדיג פאר איינעם און דארףן אפגעבן דין וחשבון פאר ווער נאר עס האט א לאנגעווייליגע מינוט און שמעקט סתם פון נהמא דכסיפא דערקוטשענונגען. עס וועט אי"ה ארויסקומען ווי נאר עס וועט זיין גרייט, ווילסט עס שטארק זען אינדרויסן, אפפער עפעס ממשות'דיגע הילף אין אישי.

[נעגעל וואסער]

פוינט טעיקן. איך האב עס אנגעקוקט פון אן אנדערע פערספעקטיוו, זיצט איינער און שוויצט זיך אויס די טעג, און קיינער געט נישט קיין דעם אויב ס'קומט שוין ארויס צו נישט, איך האב ס"ה געוואלט ווייזן מיין אינטערעסע אין די זאך. איך בין דאס מעיד פון מיין עקספיריענס מיט פארשידענע עסקנות וואס כ'בין עוסק, הגם קיינער צאלט מיר נישט, אבער דאס זיך נאכפרעגן און זיך צו טוהן מאכן געבט מיר חשק צו ווייטער אנגיין.

@ראובן מיר ווארטן אומגעדולדיג אבער מיט געדולד!..

[moshav zekeinim]

אלס א געוועזענער רעדאקטאר קען איך עדות זאגן אז די אלע מעסעזשעס "נו ראובן ווען קומט עס ארויס, ווען גייט מען שוין זוכה זיין צו דעם אור הגנוז?" געבן גארנישט צו, עס העלפט נישט אויפבויען די מאמענטום, עס מאכט סתם נערוועז די ארויסגעבער כאילו זיי זענען עפעס שולדיג פאר איינעם און דארףן אפגעבן דין וחשבון פאר ווער נאר עס האט א לאנגעווייליגע מינוט און שמעקט סתם פון נהמא דכסיפא דערקוטשענונגען. עס וועט אי"ה ארויסקומען ווי נאר עס וועט זיין גרייט, ווילסט עס שטארק זען אינדרויסן, אפפער עפעס ממשות'דיגע הילף אין אישי.

ביסט זיכער כוכב אז יעדער איז אזויווי דיר? איך מיין אז עס הייבט דוקה יא די מאמענטום.

[ראובן]

ממש א פאל פון אלו ואלו. כוכב זאגט גוט און נעגעל וואסער זאגט גוט. און אפילו מושב זאגט גוט.

דער ארבעט גייט העפטיג אן. מיר האפן ארויסצוקומען אויף קומענדיגן זונטאג.

[קורקלענד]

דער ארבעט גייט העפטיג אן. מיר האפן ארויסצוקומען אויף קומענדיגן זונטאג.

כל הכבוד! אזוי שנעל האב איך זיך נישט גערעכענט! כ'בין געווען זיכער נישט פאר חמשה עשר.

[ראובן]

מ'בעט מיר אין אישית אז כ'זאל געבן אן אפדעיט. לאמיך אייך זאגן רבותי, מ'שלאפט נישט. ס'טוט זיך אויף טישן און אויף בענק. אזויווי איך האב פארשפראכן וועט טאקע זיין. ס'קומט אן אויסגאבע אויף א שטאפל וואס די אידישע וועלט האט נאך נישט געזען.

ווי ס'קוקט אויס וועט די יציאה לאור טאקע זיין דעם זונטאג.