ניי אינעם "וועקער"! קטלא קניא ברענגט "עצה פלייצע"

[אבטולמוס]

"דער וועקער" איז א זשורנאל וואו מיר קענען דיסקוטירן אונזערע דאגות און פראבלעמען, אן אלעס אונטערשטויסן דעם קאָץ. הגם עס איז וויכטיג צו רעדן און שמועסן וועגן פראבלעמען, איז נישט קיין עסק נאר צו זיין פארנומען מיט'ן נעגאטיוו, און מ'דארף אויך רעדן -– א סך -– וועגן עצות וויאזוי איבערצוקומען די פארמעסטונגען.

עטליכע יאר צוריק האב איך אנגעהויבן "פראיעקט למעשה" טאקע פאר דעם צוועק, צו שרייבן און רעדן וועגן הילף און עצות צו קענען אנגיין מיט'ן לעבן אין די יעצטיגע שווערע מצבים.

אין לויף פון די יארן האב איך שוין געהאט די זכיה ארויסצוהעלפן צענדליגער חברים ברבים אין די בלעטער פון קאווע שטיבל, אין אישית און אין אימעיל, מיט פארשידענע שוועריגקייטן און דאגות. איך האב נישט פאר אלעמען אן עצה, אבער דאגה בלב איש ישחנה, שמועסן און אויסשמועסן ברענגט אז דער פראבלעם זאל זיך קריסטאליזירן און צומאל קען עס ברענגען צו א בליץ אין מוח.

אבער מיין קאריערע איז פיל קלענער ווי דער קאריערע פון דעם בארימטן דענקער און שריפטשטעלער קטלא קניא, וועלכער שרייבט שוין איבער זיין און אונזער לעבן פאר כמעט 15 יאר. ווער עס האט נאר אמאל געלייענט קטלא'ן ווייסט אז חוץ זיינע אויסערגעווענליכע שרייבערישע כוחות האט ער א זעלטן טיפן איינבליק אין די פרטים און ניואנסן פון אונזער לעבן. קטלא האט שוין איבער די יארן געהאט געלעגנהייטן צו רעדן מיט אומצאליגע היימישע אידן, און טיף אויסגעשמועסט מסגר נפשם.

אנגעפאנגען פון דעם קומענדיגן וועקער, ברענגען מיר קטלא קניא אז ער זאל מיט זיין טיפן טראכט און חכמת החיים ענטפערן פאר אחינו בני ישראל מיט זייערע לעבנספראגעס און דאגות. דער נייער קאלום וועט טראגן דעם נאמען "חצי נחמה", ע"ש צרת רבים חצי נחמה און דאגה בלב איש ישחנה -- דאס רעדן זעלבסט ברענגט שוין א שטיקל נחמה.

מיר לאדענען יעדן אריינצושיקן זייערע פערזענליכע פראגעס צו vekerjournal@gmail.com, און דער קעניג פון חסידישע שרייבער וועט אויסקלויבן די פאסיגסטע און נויטיגסטע צו ענטפערן בטוב טעם ודעת.

מיר האפן אז דאס וועט זיין נאך א ביישטייערונג צום קאלעקטיוון גוטס, און אויפטון פאזיטיוו און פערזענליך אין דעם לעבן פון אונזערע לייענער.

[פיקאסא]

גוטע נייעס!
מיר קענען שוין נישט ווארטן.

יי"כ.

[ליטוואק פון בודאפעסט]

קטלא קניא איז א געבענטשטע פעדער און א געוואלדיגע לץ. איך האף זיין טאלאנטען האבען זיך אויך אויסגעשטעלט א געלונגענע ערפארונג אין לעבען, און ער זאל קענען ברענגען א פרישע בליק צו די פראבלעמען מיט וואס פיהל ספראווען זיך אין אונזער שטיבעל

Sent from my LG-K373 using Tapatalk

[בן אדם]

איז ער א פרומער אדער א פרייער ?

[בן תמליון]

דאס איז פיינע נייעס, ווי מען זאגט אין היינטיגן אידיש. קטלא קניא איז א שרייבער און דענקער כמעט נישטא זיין גלייכן. לעצטנס הערט מען ווייניק פון איהם, לאמיר האפן דא און שטיבל וועט זיך זיין קוואל עפענען מחדש.

[בן תמליון]

איז ער א פרומער אדער א פרייער ?

וואס א פראגע? א פרומער ווי אלע פרומע אידן.

[פרייוויליג]

איז ער א פרומער אדער א פרייער ?

http://katlekanye.blogspot.com/?m=1

[נהורא נפישא]

קטלא קניא ברענגט חצי נחמה. תפילה איז אויך נאר עושה מחצה. נו מה לי קטלה כוליה מה לי קטלא פלגא.

[פליקער]

כל העומד לקטול כקטל דמי,

[בן אדם]

וואס איז פשט אז אזויפיל אונטעליגענטע ניקים האבן גלייך באמערקט דעם אשכול אבער האבן נישט געזען פאר וויכטיג אנטייל צונעמען אין די שמועס?

[יואליש]

ההוא גברא קטילא

[יואליש]

כ'האף מ'וועט הערן נישט נאר פון קטלא נאר אויך זיין קטלנית.

[פליקער]

גברא קטילא כקטיל
אלע וויצען אינדע זייט,מיר זענען זייער עקסייטעד פאר אזא סארט ארטיקל, איך האף עס וועט זיין כדרך ראביי שייס טויב פון די עמי מאגאזין, ער איז גאר מצליח מיט חכמה אלע מאל צים פינטעל.

[גר ותושב]

מיר לאדענען יעדן אריינצושיקן זייערע פערזענליכע פראגעס

למשל?

[חתם סופר]

קטלא באגריסט די נייע קאלום

https://www.facebook.com/katlekanye/pos ... 9040247068

[אבטולמוס]

מיר לאדענען יעדן אריינצושיקן זייערע פערזענליכע פראגעס

למשל?

סיי וועלכע פראגע וואס מ'קען אריינשיקן צו אן אדווייס קאלום. טראכט, עמי'ס הרב טאוב, אדער דער "דאגה בלב" קאלום אין "מעלות".

[ליטוואק פון בודאפעסט]

קטלא באגריסט די נייע קאלום

https://www.facebook.com/katlekanye/pos ... 9040247068

און ער זאגט דארט א פשט אין די נאמען 'חצי נחמה'

וזל"ק

ולמה נקרא שמו חצי ווייל אנדערש ווי הצלה און בוני עולם מוז מען אויך אלייך טון

וש"י

[נעגעל וואסער]

מיין ערשטע פראגע צו איהם איז: פארוואס איז ער נישט אקטיוו אין קאווע שטיבל?

[קורקלענד]

שוין אנגעהויבן לייענען די נייע וועקער. ס'מייסטערהאפטיג. אויף די אויסזעהן און גראפיקס איז ראובן גערעכט אז ס'נאך אזוינס גלייכן נישט געווען. אויף די ארטיקלען העט מיך נאך נעמען צייט אדורך צו אקערן איינס ביי איינס.

איך בין אבער גאנץ שאקירט אויף די ערשטע ארטיקל פון קטלא. ס'איז א פשוטער מעין סטרים מידיאַ עדיטאריעל וואס מ'זעהט היינט איבעראל נישט דא קיין חידושים און איז פשוט א תרגם פון איינער פון די צענדליגע עדיטאריעל וואס כ'גלייב רוב לייענער האבן שוין מערערע מאל געליינט.

איך פיל ווי א שטיקל נער צו קריטיקירן אויף האלבע ארבייט ווייל איך האב נאכנישט געליינט די צווייטע ארטיקל פון קטלא, אבער כ'וועל עס נעמען איינס אויף אמאל און ווען איך ענדיג יענץ העליך איבערטראכטן נאכאמאל.

סתם אזוי ווען עס וואלט געווען אן ארטיקל וואס איינער האט אריינגעשטעלט וואלט איך נישט גערעדט דערוועגן אבער דא האט מען געמאכט אזא עסק האב איך זיך געראכטן אויף בעסער'ס.

דיסקלאַימער: איך איך האב צוויי מאל געשטימט פאר טראמפ און אויך מנדב געווען צו זיין קאמפיין מחמת סיבות שונות שאכהמ''ל

[ליטוואק פון בודאפעסט]

אין די חרדישע פרעסע האט מען עס נישט אזוי געשריבען

Sent from my LG-K373 using Tapatalk

[בן נריהו]

.

[ליטוואק פון בודאפעסט]

זיין אנדערע ארטיקל׳ן זע׳ען מיר אויס אביסל צוריק געשטאנען. די שאלות וואס מ׳פרעגט איהם זענען איינס; וויאזוי ספראוועט מען זיך מיט אייגענע ווילונגען און נויגונגען אין א סטאדע געזעלשאפט? די פרטי השאלות זענען ארום דעם. זיין ענטפער׳ס האבען אין זיך א פארביסענקייט אויף דער געזעלשאפט וואס איז שוין געווען נכלל אין די שאלות. ווען ער שרייבט מיט א רואיגקייט און א פשטות, כאילו דאס ארום און ארום איז פשוט אז ס׳איז א פראבלעם, יעצט לאמיר טרעפען א לעזונג, וואלט עס גווען בעסער און געהאט א גרעסערע אפקלאנג. יעצט זעט עס אויס ווי ער איז גאר מחדש די טענות יעצט, א זאך וואס נעמט אוועק פון די ענטפערס. כנלע"ד.

ולמשל, ביים ערשטע שאלה פון ענקזייעטי. ער איז גערעכט אז א זוהן מעג אויסוויילען א בית המדרש פאר זיך און דארף נישט גייען מיט זיין טאטע\שווער כאילו ער איז א קליין קינד. נאר וויאזוי דאס צו טוהן, אן א זלזול אין זיין משפחה און אן א מחלוקת מיט זיי, איז די שאלה. זיין תשובה איז ריכטיג אז צוביסלעכווייז איז דאס בעסטער וועג. נאר ווען ער איז בעסער מסביר די צד פון זיין ווייב און עלטערען, וואס שטערט זיי אויפ׳ן אמת און דעריבער וויאזוי קען מען אויסמיידען זייער טענות, וואלט דער מענטש בעסער געהאלפען געווארען.

ביי זיין צווייטע שאלה קומט ער מיט א טענה הלמאי שיקט מען צו א חדר וואס שטימט נישט מיט די עלטערענ׳ס ווירדעס. דאס איז א קליינקעפיגע בליק. א חדר באשטייט פון פיהל נקודות, און א טייל פון זיי שטימט נישט מיט די עלטערענ׳ס ווירדעס. דאס איז דען א סבה ארויסצוווארפען אלסדינג? ער קען שיקען צו א שולע ווי מ׳לערנט אלגעמיינע ווירדעס, נאר קיין גמרא תוספות וועט דער קינד נישט לערנען. די שאלה איז נאכאמאל, וויאזוי גיבט מען זיך אן אייגענעם פערזענליכע עצה צוזאמען מיט בלייבען אינעווייניג?

Sent from my LG-K373 using Tapatalk

[שש משזר]

גם אני מצטרף לדברי ליטוואק פון בודאפעסט.

קטלא האט מיר אנטוישט מיט זיינע ענטפערס אין חצי נחמה. אנגעהויבן פון זיין פארביסענע אנטי סיסטעם רעטאריק [וואס זענען אמת, און וויכטיג צו זאגן, אבער אין א "קטלא" סטיל ארטיקל פאר זיך], און געענדיגט ביים געבן היבש דורכשניטליכע ענטפערס אנע חידושים.

לדעתי האט ער נאך אויף וואס צו ארבעטן, הגם אזוי צו א שטרוי איז אייביג א פארגעניגן זיך צו פארסמאקעווען מיט זיינע שמאלציגע אויסדריקן.

[ונבנתה העיר]

כ'וויל נאר מעיר זיין פאר'ן בעל הענקזייעטי אז אנטלויפען דערפון איז דאס ערגסטע; ביז עטליכע מינוט וועסטו אין קליינעם בית המדרש אויך נישט קענען גיין.

[אבטולמוס]

ווער עס האט נאכנישט געלייענט דעם "עצה פלייצע" פון דער פרישער אויסגאבע, זאל זיך מהנה זיין אין די קומענדיגע יו"ט טעג. קטלא'ס ענטפערס זענען פול מיט חכמה און חכמת החיים, און מיט טרעפליכע באלזאמישע דיבורים פאר יעדער פראגע. בפרט דארף מען לייענען די לעצטע פראגע פון א איד וואס ליידט אויף א שרעקליכער מחלה און זעט זיך שוין אויף יענער וועלט. קטלא קניא האט נישט קיין מעדיצינישע רפואות, אבער ער האט יא געטליכע רייד צו דערהייבן און מחיה זיין דעם פרעגער, און אלע לייענער.