"וועקער" שבט-אדר: קול דודי הנה זה בא!

[ראובן]

א גוטן טייערע חברים,

דער פרישער וועקער איז אט אט דא. קול דודי הנה זה בא!

ווי כ'האב שוין עטליכע מאל געזאגט וועט דער פרישער וועקער זיין אויף א מדריגה וואס עוד לא נראה כבושם הזה. אומגעהויערע כוחות זענען אריינגעלייגט געווארן אז דער וועקער זאל ארויסקומען אויסגעפיצט און אויסגעשארפט, א הערליכער אויסוואל פון ארטיקלען פון יעדן סארט, מחקר, היסטאריע, הומאר, פאעזיע, וויסנשאפט, געשעענישן, הילף, ועוד ועוד. אזוי אויך האבן מיר דאס מאל א כלי מהודר ומפואר אהערגעשטעלט דורך דעם מייסטער גראפיסט @אלקנה, וועלכער איז שוין פקיע שמיא מיט זיין מאיעסטעטישער ארטיסטישער ארבעט אינעם "פה-סח" תשע"ו. דאס מאל איז אלקנה ארויף צו נאך העכערע שטאפלען, אפצושפיגלן דעם זעלטענעם קאליבער פון די ארטיקלען אינעם וועקער.

נאכ'ן הערן די הצעות פון די טייערע חברים וועלכע קוקן ארויס אויף דער הצלחה און המשכה פונעם וועקער, האבן מיר אריינגעלייגט גרויסע כוחות אז דער וועקער זאל קענען געדרוקט ווערן אויף א הערליכן פארמאט און פארקויפט ווערן כראוי וכיאות אויף עמעזאן. דער גראפיק איז אהערגעשטעלט געווארן דווקא אז ס'זאל זיין הערליך און געשמאק אין דעם געדרוקטן פארמאט, און מיר האבן אריינגעלייגט גרויסע כוחות אז דער וועקער זאל זיך טאקע דרוקן אויף א קריסטאל קלארן און פראקטישן אופן.

דורך טוישן אונזער פאקוס אויף פיזישע קאפיעס אנשטאט דיגיטאלע, נעמען מיר דעם וועקער צום נעקסטן שטאפל. אין אונזערע שמועסן מיט צענדליגער חברים האבן מיר זיך איבערצייגט אז ריכטיג צו נעמען די צייט דורכצולייענען און צו אפרישיעיטן די הערליכע ווערק פונעם וועקער מוז מען האבן א פיזישע קאפיע. אנדערש גיט מען א מיש דורך אויפ'ן קאמפיוטער אדער טעלעפאן, מ'האט טאקע א באלדיגע הנאה, אבער מ'האט נישט דעם שבת נאכמיטאג, אדער אנדערע רואיגע מאמענטן, ריכטיג מעיין צו זיין און קוועלן פון די רייכע אוצרות.

מיר האבן אוועקגעשטעלט דעם ריטעיל פרייז פונעם וועקער אויף 7.99, נעמענדיג אין באטראכט אז דאס איז אן אויסגאבע פון כמעט 150 עמודים פון בלויז ארטיקלען און גראפיק אויפ'ן העכסטן קאליבער – אן קיין שום אנאנסן אנצופילן בלעטער. אז מ'קויפט דעם וועקער דירעקט אויף עמעזאן, געבן מיר עס אוועק פאר בלויז 5.99, וואס איז קוים עטליכע פרוטות מער וויפיל עס קאסט אונז. די פאר איבעריגע גראשן וועט גיין צו שמירן די רעדער, און צו ערמעגליכן אז וועקער זאל קענען אנגיין אביסל גרינגער.

מיר האפן אז דער וועקער וועט ערשיינען ברוב פאר והדר אין די קומענדיגע שעות – מעגליך מארגן, מאנטאג. דאס איז אן אויסגאבע וואס איר וועט האלטן אין דער האנט, און נישט קענען אראפלייגן פון דער האנט!

[ליפא]

וועט עס זיין קאלירט אויף עמעזאן

[ראובן]

דער גראפיק (חוץ דעם דעקל) איז לכתחילה געמאכט געווארן שווארץ-אויף-ווייס. כ'וועל שפעטער ארויפשטעלן א פי-די-עף פייל וואו מ'וועט קען קענען דורכמישן א טייל פון די פראכטפולע זייטן.

[כוכב]

דער דעקל אליין זאגט שוין אלעס אז דא רעדט מען פון סיריעס סיריעס ביזנעס, אבער כעוורע, איך האב דורכגעבליקט דער אינהאלט, ראובן האט מיך אריינגעלאזט פון הינטערן פורהאנג, איך בין ממש געכאפט געווארן אין שאק, זיין פערפעקציאזניזם איז אומגלויבליך, דער רייכער אויסוואל פון ארטיקלען איז ממש מיינד באגלינג, עס שטייגט איבער סיי וועלכע פראיעקט פון ק"ש פי כמה, און בכלל, טרויע איך מיך צו זאגן אז לא נראה כבושם הזה.

[ראובן]

דער וועקער וועט זיין צו באקומען אין בארא פארק און אין וויליאמסבורג. מיר זוכן נאך א וועג אויסצוארבעטן מאנסי. ווער עס קען עפעס ארויסהעלפן מיט מאנסי, זאל מיך ביטע שרייבן אין אישית.

[ראובן]

א דאנק פאר אלע דברי חיזוק, דא און אין אישית.

מאנסי איז מסודר. דורכאויס די וואך וועט דער וועקער ווערן דעליווערט צו געשעפטן אין וויליאמסבורג, בארא פארק און מאנסי.

[ראובן]

תוכן הענינים (שוואכע רעזאלושאן, היות ס'איז א סקרין שאט. שפעטער וועט קומען א געהעריגער פי די עף מיט א סך מער.)

[ישראל גלויבער]

ס'איז פארלעסליך?

[יעקב מענטש]

גייען די ארטיקלען צום ווערן ארויסגעשטעלט אויף ק"ש ?

[ראובן]

כ'בעט די שרייבער זאלן לטובת הענין נישט ארויפשטעלן זייערע ארטיקלען - זיכער נישט פאר דריי-פיר וואכן. מיינע ארטיקלען (פראפ' מארק שפירא, מאזאאיק, בימים ההם, איידעמער פון אמרי אמת) פלאן איך נישט ארויפצושטעלן.

[קלוגע יודל]

כ'בעט די שרייבער זאלן לטובת הענין נישט ארויפשטעלן זייערע ארטיקלען - זיכער נישט פאר דריי-פיר וואכן. מיינע ארטיקלען (פראפ' מארק שפירא, מאזאאיק, בימים ההם, איידעמער פון אמרי אמת) פלאן איך נישט ארויפצושטעלן.

לענ"ד, אויב מען שטעלט עס נישט ארויס, איז לכה"פ דארף מען עפענען אן אשכול פאר א יעדע ארטיקל מיט ראשי פרקים, כדי מען זאל האבן ווי דן צו זיין און ארום רעדן אויף די נושא.

[לאשיצער]

אין וועלכע געשעפטן וועט מען קענען קויפן דעם "וועקער"? #אומגעדולדיג

[ראובן]

לאקאלע ניוזסטענדס. קויפן אויף עמעזאן איז אבער גרינגער און ביליגער.

[ראובן]

פאלגנד איז דער אינהאלט מיט די נעמען פון די שרייבער. מיר האבן געלייגט א דגוש אז די נעמען זאלן זיין אקצעפטירבאר פאר אן אויסגאבע, און דערפאר זענען נישט אלע נעמען די זעלבע ווי די קאווע שטיבל ניקס. די שרייבער זענען מכובד זיך צו אידענטיפיצירן אלס די בעלים פון די וועקער פסעוודאנימען.


אינהאלט

כל השביעין חביבין
א ווארט פון די ארויסגעבער
המעוררים


ויקם מלך חדש
א בליק און א קינה אויף דעם אויפשטייג פון דעם פרישן פרעזידענט דאנעלד טראמפ
קטלא קניא

א בריק ערגעצוואו
די רייכע געשיכטע הינטער דעם ניו-יארקער דעוועלאפער ראבערט מאזעס, און זיין ביאגראפער
בן שיח

די איידעמער פונעם "אמרי אמת" מגור אין א ניו-יארקער ספרים-געשעפט
פון "בימים ההם" סעריע, א פארש-ארבעט וואס פאנגט זיך אן מיט אן אמאליגן אנאנס
ראובן

א "ספעל-טשעק" אויף אידיש?
צו לעזן א פראבלעם פאר אידישיסטן וועלכע קענען נישט דעם חסידישן אויסלייג
איציק בלימאן

חכם וסופר
ברייטער און ארומנעמענדיגער אינטערוויו מיט דעם פראפעסאר הרב החכם מלך (מארק) שפירא
ראובן

שיטת הרמב"ם אויף לועג לרש
קען זיין אז דער רמב"ם האט בכלל נישט געגלייבט אין דעם באגריף?
שמואל שמעלקא וועבער

דאס געראנגל
א געשיכטע פון אן אינערליכן געראנגל וואס ציט זיך פון וויליאמסבורג ביז מינעסאטע, און צעשטורעמט דעם הארץ
יצחק וואלד

שיימעס וואלגערן זיך אין די גאסן
א פעליטאן איבער א קאמישע ערשיינונג אין די ברוקלינער גאסן
ר' אריה ברומער

נאר יאוש איז פארהאן
פראוואקאטיוו אבער טיף. יאוש קען זיין א רעצעפט פאר הצלחה
הילל בן שחר

דער 'דא' און דער 'יעצט'
נאר די הווה איז אין שפיל פאר אונזער עבודת ה'
אלימלך וואהל

"מנשה", דער פילם
אן אינטערוויו מיט מנשה לוסטיג, וועגן זיין ראלע אלס הויפט-אקטיאר און כאראקטער אין דעם פילם "מנשה"
חיים שטערן

שו"ת זאב יטרף
א קאמישע הנחה מיט אן ערנסטן פנים, אויב סינדערעלא איז געווען מותרת לבעלה
וואלף


המשכים

שמועסן מיט ר' יחיאל
א ידען נפלא פאקט זיינע ידיעות. דאס מאל: דער מצב פון השכלה פאר'ן קריג
ישעיהו

צעמישטער יונגערמאן
פערטער שמועס פון הדרכה און חיזוק מיט א יונגערמאן וואס האט פארלוירן זיין תמימות
אביגדור אונגאר

קענסער
זעקסטער קאפיטל פון גאר אינפארמאטיווער סעריע איבער דער מחלה, און די היסטאריע פון אירע רפואות
פאליק פליקאוויטש

דער ראדימנער פראצעס
ווייטערדיגער קאפיטל פון דער דראמאטישער געשיכטע
ד. געוואגטקינד



פאעזיע

העיר אשר בלבה חומה
פאעטישע בענקשאפט נאך ירושלים
כעלעם'ר מגיד

א צענטער צו גראוויטי
ס'איז באלד די שקיעה, איך וועל שטעכן די רעדער, ולה' הישועה.
הילל בן שחר

איך מאך א שמחה! איך מאך א שמחה?
איז א שמחה ווירקליך א שמחה מיט אזויפיל דאגות?
בן נריהו

דער קאלירטער חסיד
שווארץ-און-ווייס פון אינדרויסן, אבער די נשמה איז קאלירט
אליהו אדמדם


קאלומס

מרבה עצה
קטלא קניא ענטפערט לייענער'ס ספיקות און אינערליכע צעמישענישן
קטלא קניא

מושי'ס ווינקל
א קאמישע און ארטיסטישע נעם אויף אקטועלע געזעלשאפטליכע טעמעס
מושי

מאזאאיק
חידושים אין טעקסט און אין בילדער פון אלץ און אלעמען
ראובן

אויגנ-בליק
א בליק אויף א וועלטס-געשעעניש. דאס מאל: די סיריע פליטים קריזיס
אלקנה

בימים ההם
א רייזע צו דעם אמאל אין אויסגאבעס און ביכער
ראובן

[יין שרף]

וואו איז דער "דער" פונעם וועקער פארשוואונדען געווארן?

[ונבנתה העיר]

די שרייבער זענען מכובד זיך צו אידענטיפיצירן אלס די בעלים פון די וועקער פסעוודאנימען.

הילל בן שחר.

[פליקער]

די שרייבער זענען מכובד זיך צו אידענטיפיצירן אלס די בעלים פון די וועקער פסעוודאנימען.

הילל בן שחר.

מיין ניק וועט בלייבן א געהיימניס
#חעלעם אלערט

[רויטע וואנצעס]

וואו איז דער "דער" פונעם וועקער פארשוואונדען געווארן?

וואו איז דער יין שרף פון קאווע שטיבל פארשוואונדען געווארן?

[לית דין בר נש]

רויטע, די ביסט אליהו אדמדם איא?

[פליקער]

ווי קען מען עס קויפן אים גא-ץ ווילן

איך פאליק אהין

[רויטע וואנצעס]

יא. געפעלט דיר? יעצט האסטו שוין א ספק ספיקא, איינס אויב איך בין רויט צו שווארץ, אפילו אויב שוין יא רויט צו הייס איך טאקע אליהו.

עמער לאזן פאר אליהו צו פארענטפרן די איביעא.

[שלי שלך]

בן נריהו איז אונזערס? ער קען יא אידיש?

[קלוגע יודל]

שמואל שמעלקא וועבער = שש משזר

[מפוזרי]

די שרייבער זענען מכובד זיך צו אידענטיפיצירן אלס די בעלים פון די וועקער פסעוודאנימען.

הילל בן שחר.

ווי גיבט מען אויף אזא פירמע ווי "ונבנתה העיר"?

בכלל פארשטיי איך נישט די געראטשקע מיט די פען נעמען, ס'איז אלץ געווען אין די טראדיציע פון אידיש, "שלום עליכם" איז יא א נארמאלער נאמען?

[לאשיצער]

בכלל פארשטיי איך נישט די געראטשקע מיט די פען נעמען, ס'איז אלץ געווען אין די טראדיציע פון אידיש, "שלום עליכם" איז יא א נארמאלער נאמען?

מענדעלע מוכר ספרים, משה נאדיר, דער נסתר...
מאקס וויינרייך, דער גרויסער לינגוויסט און גרינדער פון ייווא, האט אויך געשריבן אין פארווערטס אונטער א פסעוודאנים, "שרה ברענער".