תורה ווירדן (וועקער 8)

קאמענטארן און דיסקוסיעס אויף ארטיקלען

תורה ווירדן (וועקער 8)

הודעהדורך געוואלדיג » מאנטאג אפריל 24, 2017 4:56 pm

שוין צייט אז טוביה גוטפארב זאל נתגלה ווערן און עס זאל זיין א ווינקל וואו מען קען דעבאטירן דעם נושא.

איך האף צו אריינלייגן אין ״וועקער 9״ א המשך ארטיקל.
עס נעמט א מאנקי בערך 3 שעה צו טרענירן א מענטש אים צו געבן באנאנעס יעדע פאר מינוט...

-יין שרף-
באניצער אוואטאר
געוואלדיג
חבר ותיק
חבר ותיק
 
הודעות: 3930
זיך רעגיסטרירט: מיטוואך דעצעמבער 10, 2014 5:15 pm
געפינט זיך: באתרא דנשקי שמיא וארעא להדדי
האט שוין געלייקט: 7295 מאל
האט שוין באקומען לייקס: 4842 מאל

הודעהדורך ראובן » מאנטאג אפריל 24, 2017 5:10 pm

א גרויסן דאנק פאר דעם שיינעם ארטיקל.

מיין גרעסטע הערה איז אז עס איז נישט יתכן צו בויען מאראלן אויף דער תורה אליין, ווייל מאראלן, אמת, יושר און צדק, זענען במהותם אזעלכע זאכן וואס קענען נישט נאכגעפאלגט ווערן ווייל "מ'מוז". טראכט אריין: פארוואס שפירט א פרומער איד א התחייבות צו היטן די תורה? ווייל ער איז איבערצייגט אז עס איז אמת. ריכטיג? זאת אומרת אז ער איז געווען איבערצייגט אז עס איז דא אזא זאך ווי אמת, נאך פאר ער האט אנגענומען דעם אמת פון דער תורה.

אבער פון וואנעט האט ער דאס געוואוסט? ווער האט אים מגלה געווען אז עס איז בכלל דא אזא מושג פון אמת, און אז מ'קען פארשן און דערגיין וואס איז אמת און וואס איז שקר? דאס האט ער נישט געוואוסט פון דער תורה, ווייל ער האט דאס געדארפט וויסן נאך פאר'ן אננעמען דעם אמת פון דער תורה. דאס האט ער געוואוסט, ווייל... ער האט געוואוסט! זיין הארץ האט אים געזאגט. די אוניווערסאלע מאראליטעט וואס ליגט ביי יעדן האט דאס אים מגלה געווען.

און אפילו ער ווייסט שוין אז די תורה איז אמת, ווער זאגט אז מ'דארף נאכגיין א זאך וואס איז אמת? אפשר דארף מען דווקא נאכגיין עפעס וואס איז ליגנט?

על כרחך מוזסטו צוקומען צו יסודות פון אמת און מאראלישקייט נאך פאר'ן אוועקשטעלן אז די תורה איז בכלל אן אויטאריטעט. ממילא, נישט נאר וואס מ'קען נישט דווקא פון דער תורה ארויסנעמען די יסודות פון אמת און מאראליטעט, נאר די גאנצע מאראליטעט וואס קומט פון דער תורה איז אנגעהאנגען אויף דעם מאראלישן געוויסן וואס געפונט זיך אין יעדן הארץ וואס זאגט אונז מאראלישע יסודות אויף וועלכע מיר קענען בויען.

די איינגעבוירענע מאראליטעט וואס ליגט אין הארץ קען גענוצט ווערן אויף פארשידענע אופנים. איר נוצט עס אוועקצושטעלן אז די תורה איז אמת און ממילא איז עס מחייב, און ממילא דארף מען זיך רעכנען מיט איר בליק אויף דער וועלט. א צווייטער נעמט זיינע אינערליכע מאראלישע געפילן אויף אן אנדערער ריכטונג. אבער ביידע קומען למעשה צוריק צו פשוט'ע יסודות פון מאראליטעט וואס האבן גארנישט מיט קיין שום רעליגיע און קיין שום תורה.
עורו ישנים משנתכם!
באניצער אוואטאר
ראובן
חבר ותיק
חבר ותיק
 
הודעות: 2146
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 2704 מאל
האט שוין באקומען לייקס: 8655 מאל

הודעהדורך געוואלדיג » מאנטאג אפריל 24, 2017 5:22 pm

איך בין נישט אין אריכות מוד אבער בקיצור איך ווייס אז די תורה איז אמת ווייל מיין שכל -נישט מיינע ווירדן נאר די שכל - זאגן מיר אז עס איז אמת מכח די פילע עדות אויף מתן תורה.
עס נעמט א מאנקי בערך 3 שעה צו טרענירן א מענטש אים צו געבן באנאנעס יעדע פאר מינוט...

-יין שרף-
באניצער אוואטאר
געוואלדיג
חבר ותיק
חבר ותיק
 
הודעות: 3930
זיך רעגיסטרירט: מיטוואך דעצעמבער 10, 2014 5:15 pm
געפינט זיך: באתרא דנשקי שמיא וארעא להדדי
האט שוין געלייקט: 7295 מאל
האט שוין באקומען לייקס: 4842 מאל

Re: תורה ווירדן (וועקער 8)

הודעהדורך דעת תורה » מאנטאג אפריל 24, 2017 6:43 pm

אוודאי איז די תורה געגעבן געווארן אין א שוין - עקזיסטירנדע מאראלישע פרעים ווארק. אז נישט האט דאך נישט קיין פשט צו באשווערן צו פאלגן די תורה. ער קען דאך פונקט אזוי עובר זיין די שבועה
האזהרה שהזהרנו מלהיות חפשיים במחשבותינו, עד שנאמין דעות המנגדות לדעות שהביאה התורה, אלא נגביל את מחשבתנו ונעשה לה סייג שתעמוד אצלו - והן מצוות התורה ואזהרותיה.
והוא אמרו יתעלה: "ולא תתורו אחרי לבבכם"... זו מינות. (ספר המצוות להרמב"ם ל"ת מ"ז)
דעת תורה
חבר ותיק
חבר ותיק
 
הודעות: 2129
זיך רעגיסטרירט: מאנטאג מערץ 18, 2013 1:07 am
האט שוין געלייקט: 4224 מאל
האט שוין באקומען לייקס: 1717 מאל

הודעהדורך ריכטיג » דינסטאג אפריל 25, 2017 2:05 am

ראובן, דאס אז "אמת איז מחייב" העט איך אפשר מסכים געווען אז דאס גייט אפשר אריין בגדר אונעווערסיאלע מאראל (אויך נישט ברור, "אריינגיין אין וואנט אריין איז מחייב א קלאפ אין קאפ" איז נישט קיין מאראל, ווידער "פאלגן דאס וואס דער רבונו של עולם הייסט" שיינט יא צו זיין א מאראל, הגם אין דעם אליין בין איך אויך נישט זיכער, ווילאנג איך ווייס נישט גענוי וואס איז די דעפעניציע פון מאראל (הומאניזם? הסכמת בני אדם? מיין פערזענליכע הרגש?) בין איך נישט איבערצייגט אז דאס איז צופיהל אנדערש פון "גיין אין וואנט אריין", סוכ"ס איז עפעס יא אנגענומען מחלק צו זיין ציווישן "אמת ושקר" און "טוב ורע" מען ברויך דעפענירן די פונקטליכע גבולים וכבר נגעת ב- is-ought problem ).

אבער דאס אז אמת עקזיסטירט זעה איך בכלל נישט וואס דאס האט מיט מאראל אדער ווירדן, ס'איז פונקט אזויווי מען זאל טענה'ן אז "פאקטן" אדער "מאטעמאטיק" איז עפעס מאראלישע אדער הומאניסטישע מושגים. מען קען זיך אפשר טענה'ן וואס דעפינירט "אמת" וע"ז נלאו כל חכמי הלוגיקה והפילוסופים, פונקט ווי מען זיך טענה'ן וואס דעפענירט "פאקט".

איך האף איך בין גענוג קלאר, כ'קען עס נישט בעסער מסביר זיין.
ס'אינטערסירט דא איינער בכלל? ניין ? או קעי ביי. (קרעדיט:@גראף)
באניצער אוואטאר
ריכטיג
חבר ותיק
חבר ותיק
 
הודעות: 2100
זיך רעגיסטרירט: דאנערשטאג יאנואר 31, 2013 7:11 pm
האט שוין געלייקט: 1738 מאל
האט שוין באקומען לייקס: 1634 מאל

הודעהדורך איסר האטלקי » דינסטאג אפריל 25, 2017 3:15 pm

איך האב עס נישט געליינט ביז היינט. ווען איך זע אן ארטיקל וואס רופט זיך עפעס מיט 'רבנים' און 'חזירים' אדער 'תורה ווירדן' דא אויף קאווע שטיבל אדער אין וועקער איז עס געווענליך נישט כפי מזג טבעי, און ענדיגט זיך ביי מיר מיט אנדריסונג. איך זוך נישט בטבע צו באשולדיגן יעדעם אין אלעס מיט וואס מיר זענען אויפגעוואקסן א שטייגער ווי די חוה פויגל ארטיקל...
זעענדיג דעם אשכול האב איך עס שנעל דורכגעליינט 'תורה ווירדן' און באמת הנאה געהאט! א ריכטיגער געדאנק וואס איז שיין אויסגעשמועסט געווארן. מיר ווארטן אויפן המשך!!
איסר האטלקי
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1259
זיך רעגיסטרירט: מאנטאג מאי 23, 2016 2:00 am
געפינט זיך: צווישן קאסוב אין וויזניץ
האט שוין געלייקט: 697 מאל
האט שוין באקומען לייקס: 767 מאל

הודעהדורך ראובן » דינסטאג אפריל 25, 2017 4:56 pm

ריכטיג האט געשריבן:ראובן, דאס אז "אמת איז מחייב" העט איך אפשר מסכים געווען אז דאס גייט אפשר אריין בגדר אונעווערסיאלע מאראל (אויך נישט ברור, "אריינגיין אין וואנט אריין איז מחייב א קלאפ אין קאפ" איז נישט קיין מאראל, ווידער "פאלגן דאס וואס דער רבונו של עולם הייסט" שיינט יא צו זיין א מאראל, הגם אין דעם אליין בין איך אויך נישט זיכער, ווילאנג איך ווייס נישט גענוי וואס איז די דעפעניציע פון מאראל (הומאניזם? הסכמת בני אדם? מיין פערזענליכע הרגש?) בין איך נישט איבערצייגט אז דאס איז צופיהל אנדערש פון "גיין אין וואנט אריין", סוכ"ס איז עפעס יא אנגענומען מחלק צו זיין ציווישן "אמת ושקר" און "טוב ורע" מען ברויך דעפענירן די פונקטליכע גבולים וכבר נגעת ב- is-ought problem ).

אבער דאס אז אמת עקזיסטירט זעה איך בכלל נישט וואס דאס האט מיט מאראל אדער ווירדן, ס'איז פונקט אזויווי מען זאל טענה'ן אז "פאקטן" אדער "מאטעמאטיק" איז עפעס מאראלישע אדער הומאניסטישע מושגים. מען קען זיך אפשר טענה'ן וואס דעפינירט "אמת" וע"ז נלאו כל חכמי הלוגיקה והפילוסופים, פונקט ווי מען זיך טענה'ן וואס דעפענירט "פאקט".

איך האף איך בין גענוג קלאר, כ'קען עס נישט בעסער מסביר זיין.

זאגסט עפעס, אבער ס'איז מער פון דעם. די גאנצע תורה איז געבויט אויף דעם "פרעימווארק", ווי @דעת תורה האט עס גערופן, פון אוניווערסאלער מאראליטעט. ס'איז אנגענומען אז גאט וויל אונז גוטס טון. פארוואס? ווייל מיר זעען דעם אקט פון טון גוטס ווי א הויכן מאראלישן אקט. אבער מאן יימר אז טון גוטס איז מאראליש, אפשר איז טון שלעכטס מאראליש? און ווער זאגט אז ס'איז מאראליש צו זאגן אמת, אפשר איז ליגנט מער מאראליש, און דערפאר האט גאט מחליט געווען אונז צו זאגן ליגנט אין דער תורה? א משוגענער געדאנק, אמת? אבער אויב זאל איינער טענה'ן אז ס'איז נישט פאראן אזא זאך ווי אוניווערסאלער מאראליטעט, און אז מ'מוז צוקומען צו דער תורה וואס זאל אונז זאגן וואס איז ריכטיג און וואס נישט, דאן אויף וואס איז די תורה, און אונזער הבנה פון דער תורה, געבויט?

@געוואלדיג, דו שרייבסט אז דיין שכל זאגט דיר אז די תורה איז אמת. דאס מיינט לכאורה אז דיין מאראליטעט איז אין דעם זעלבן מצב פון דעם אוניווערסאלן מאראליסט, ווייל דו באשטימט אלעס לויט דיין פערזענליכן שכל. דיין שכל האט מחליט געווען אז די תורה איז אמת, און דערפאר זעסטו די גאנצע וועלט אין די תורה'דיגע קאלירן. און אפשר ווען דו וואלטסט געלעבן 800 יאר צוריק וואלט דיין שכל מחליט געווען אז די קריסטליכע תורה איז אמת? הייסט עס אז דיין מאראליטעט איז אויך אנגעוואנדן אין דער תקופה אין וואס דו לעבסט, און אין דעם פלאץ וואו דו ביסט געבוירן געווארן, און אין וואס עס איז משפיע אויף דיין שכל. אויב אזוי מיט וואס ביסטו אנדערש פון דעם וואס זיין שכל זעט אז רחמנות-מארד איז יא מאראליש, הגם אויב וואלט ער געלעבט 800 יאר צוריק וואלט ער אפשר געהאלטן אנדערש?
עורו ישנים משנתכם!
באניצער אוואטאר
ראובן
חבר ותיק
חבר ותיק
 
הודעות: 2146
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 2704 מאל
האט שוין באקומען לייקס: 8655 מאל

הודעהדורך געוואלדיג » דינסטאג אפריל 25, 2017 5:05 pm

מיין שכל זאגט מיר אז תורה איז אמת און מחייב ווייל מיין זיידע האט אליין מיטגעהאלטן און געזעהן בהגלותך מלכינו על הר סיני ללמד לעמך תורה ומצות, די ידיעה מאכט מיך וויסן דעם אמת און די ידיעה איז מיר מחייב צו צושטעלן מיינע מאראלן צו די תורה.
עס נעמט א מאנקי בערך 3 שעה צו טרענירן א מענטש אים צו געבן באנאנעס יעדע פאר מינוט...

-יין שרף-
באניצער אוואטאר
געוואלדיג
חבר ותיק
חבר ותיק
 
הודעות: 3930
זיך רעגיסטרירט: מיטוואך דעצעמבער 10, 2014 5:15 pm
געפינט זיך: באתרא דנשקי שמיא וארעא להדדי
האט שוין געלייקט: 7295 מאל
האט שוין באקומען לייקס: 4842 מאל

הודעהדורך ראובן » דינסטאג אפריל 25, 2017 5:49 pm

פארוואס איז דיין שכל'דיגע אפשאצונג אז אונזער מסורה איז א ראיה מוכרחת פאר דער תורה מער מחייב ווי אוניווערסאלן מאראליסט'ס שכל'דיגע אפשאצונג אז רחמנות-מארד איז מאראליש?
עורו ישנים משנתכם!
באניצער אוואטאר
ראובן
חבר ותיק
חבר ותיק
 
הודעות: 2146
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 2704 מאל
האט שוין באקומען לייקס: 8655 מאל

Re: תורה ווירדן (וועקער 8)

הודעהדורך מפוזרי » דינסטאג אפריל 25, 2017 6:34 pm

דער שמועס איז פארקראכן, די גרונדן פארוואס צו גלייבן איז דא נישט נוגע.
אין אמת'ן איז דאס שוין א חקירה פון די פילאזאפן צי טוב איז אן ערך פאר זיך אדער ס'ווענדט זיך אין וואס גאט וויל וואס ווערט אויטאמאטיש פאררעכנט​ אלס טוב.
אבער למעשה רירט דער ארטיקל נישט אן די חקירה. ס'איז אן אנדערע פונקט, לאמיר זאגן אז מיר ווייסן יא וואס הייסט גוט, קען מען עס איינהאלטן בלויז מכח הסכמת החברה להתנהג לטובת הכלל אדער מוז מען צוקומען צו גאט'ס אויטאריטעט וואס איז עס מחייב.

פון דא: viewtopic.php?p=354736#p354736 און ווייטער האט זיך אנטוויקלט א שמועס דערוועגן. און דא איז וואס איך שרייב דארט צום סוף: viewtopic.php?p=354846#p354846
דברי אדוננו המלך בעיני, נגידים ומעולים ונכבדים... אבל לא אשבח אותם שהם אמת! - הרמב״ן ליעקב הראשון.
מפוזרי
ידיד ותיק
ידיד ותיק
 
הודעות: 889
זיך רעגיסטרירט: פרייטאג מערץ 20, 2015 9:01 am
האט שוין געלייקט: 1748 מאל
האט שוין באקומען לייקס: 751 מאל

הודעהדורך ריכטיג » דינסטאג אפריל 25, 2017 7:58 pm

ראובן, כ'האב זיך בלויז באצויגן צו דיין טענה אז אמיתת התורה (דאס אז גאט האט דאס געגיבן און דאס האט ער פארלאנגט און דאס וויל ער) איז אנגעוויזן אויף מאראל, און דאס איז לדעתי נישט ריכטיג, אמת איז אמת ווייל ס'איז אמת, דאס איז א פרינציפ, אן אקסיום, פאקט איז פאקט ווייל ס'איז פאקט. זאגן אז שקר איז טוב איז אפשר א משוגענע געדאנק אבער פארט מעגליך לויט ריינע לאגיק (און אין געוויסע פעלער וועסטו אפילו באקומען אן הסכמה פון רבנים... ע"ע המטרה מקדשת האמצעים, אדער להבדיל פון אפלטון ואריסטו ע"ע שקרים קדושים), אבער צו זאגן אז אמת איז מעגליך נישט אמת איז פשוט סעמענטיקס.
ס'אינטערסירט דא איינער בכלל? ניין ? או קעי ביי. (קרעדיט:@גראף)
באניצער אוואטאר
ריכטיג
חבר ותיק
חבר ותיק
 
הודעות: 2100
זיך רעגיסטרירט: דאנערשטאג יאנואר 31, 2013 7:11 pm
האט שוין געלייקט: 1738 מאל
האט שוין באקומען לייקס: 1634 מאל


גיי צוריק דער וועקער

ווער איז יעצט דא?

באניצער וואס לייענען דעם פארום: נישטא קיין אנליין באניצער און 2 געסט