א ז' אדר דרשה, און די אמונה קריזיס

קאמענטארן און דיסקוסיעס אויף ארטיקלען

א ז' אדר דרשה, און די אמונה קריזיס

הודעהדורך ראובן » דינסטאג יולי 25, 2017 10:50 pm

כ'פאנג שוין אן צו באקומען פאזיטיווע רעאקציעס צו מיין ארטיקל אין דעם פרישן וועקער, איז מסתמא גוט צו עפענען א מקום מיוחד פאר קאמענטארן.

אין דעם וויכטיגן ארטיקל ליגט מיין הארץ און נשמה, און כ'האף אז עס דערגרייכט די אויגן און אויערן פון כלל ישראל.
עורו ישנים משנתכם!
באניצער אוואטאר
ראובן
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1920
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 2435 מאל
האט שוין באקומען לייקס: 7811 מאל

הודעהדורך איש את רעהו » דינסטאג יולי 25, 2017 11:55 pm

די אויגן און אויערן פון כלל ישראל טרעפן זיך נישט מיטן וועקער.
איש את רעהו
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1848
זיך רעגיסטרירט: פרייטאג נאוועמבער 28, 2014 10:21 am
האט שוין געלייקט: 130 מאל
האט שוין באקומען לייקס: 442 מאל

הודעהדורך שלום שטיסל » מיטוואך יולי 26, 2017 12:35 am

דער ארטיקל, כאטש ס׳איז נישט די קאווער סטארי איז עס זיכער די נשמה סטארי, ס׳ליגט דערין אזויפיל הארץ און געפיל אז ס׳קען מאכן שוואכע וויינען, ס׳איז אזוי פיינפול וואס אידישע קינדער גייען דורך, נאכדערצו ווען באמת ווילן זיי זיין ערליך און גלויביג. והעולה על כולנה אז ס׳איז כמעט נישט דא צו וועם צו רעדן און זיך אויסגעבן די ספיקות אן ווערן א אפגעסטעמפלטער אפיקורס.

וואס ס׳מאכט עס מער ווייטאגליך איז די וויאזוי זיי ווערן אוועקגעמאכט אלץ פושעים וואס זוכן זיך נאכצוגעבן זייערע תאוות, וויענע רב האט לכאורה געמאכט א טעות מיט קעטעגארייזן די אלע אונטער איין זאץ. און ס׳איז זיכער אז ס׳איז פארהאן אזאנע וואס פאלן אונטער וויענע רב׳ס שאצונג, ס׳איז דא אסאך עכטע אומוויסנדע, וואס פארשטייען ניטאמאל וואס אמונה איז, קליינע פארשטאפטע מוחות וואס זענען מסביר זייערע קשיות כאילו זיי זענען אויסגעקאכט דערין עד הסוף, ווען באמת הייבן זיי נישט אן צו וויסן וואס גייט פאר מיט זיי, בסך הכול בלעבלן זיי נאך עימיצן בלינדערהייט, דאך גלייכן זיי צו מאכן אסאך גערודער, און אט די חברה האט וויענע רב לכאורה געמיינט, אבער ס׳איז פארהאן אסאך וואס סטראגלען מיט קשיות, טראגן זיך ארום מיט ספיקות, (כאטש זיי פארשטייען אפשר אויך נישט וויאזוי עלעקטעריק ארבעט) און וויענע רב וואלט געדארפט זיין מער פארזיכטיג.

אינמיטן דעם ארטיקל ווערט דערמאנט ווי יעדער באשאפט זיך א גאט כדמותו וכצלמו, דער שמייכלדיגער שאפט זיך א שמייכלדיגער גאט, דער אנגעצויגענער א צערנדער גאט, נאכן אריינאטעמען די ווערטער, און זיי אפלייען אויף מיר און אויף מיינע ארומיגע האב איך געשטוינט אויף די נביאות.

ס׳איז פרייליך צו זעהן אז ס׳איז נאך דא מענטשן וואס לעבן מיט העכערס, ווילן פארשטיין און פרובירן צו דערגיין, אין א צייט וואס רוב מענטשהייט איז אריינגעטוהן אין הבלים, (אפילו ביי אונז אין שטיבל האלט שוין די גיוס אשכול ביי 50 זייטן, און דער א׳ בלק אסיפה פארנעמט נאך די אויבן אן) מ׳איז פאריאגט און פארפלאגט אן קיין רגע צו טראכטן, דאך קענען מיר נאך אלץ אנגערופן ווערן עם חכם ונבון מיט אט די הייפעלע אידן וואס ווילן פארשטיין דאס וואס אונזער זיידע אברהם האט געוואלט פארשטיין, ס׳איז נאר צום האפן אז יעדער זאל טרעפן די אמת און ס׳זאל נישט קיינעם פארפירן.

און ווי ראובן זאגט, אין דער ארטיקל ליגט זיין הארץ און נשמה, און דאס איז שוין איינמאל אמת, ווי נישט ווי קוקט ראובן געווענדליך אויס ווי א מאשין וואס ארבעט אויף דיזל, אן קיין גרייזן און אן קיין פלאץ צו דעבאטירן זיינע מיינונגן, אלעס מיט א ישרות, און א דייטשע פונקטליכקייט וואס איז כמעט נישט מעגליך פאר די מין האנושי, ניטאמאל א גוט מארגן, א גוט ווארט, צו א פערסענעל טאטש ווערט אריינגעווארפן, פלוצים האט זיך געגעבן א צינד אן א נשמה און די הארץ האט אנגעהויבן קלאפן, מ׳זעהט צום ערשטן מאל ווי דער ראובן איז מענטש מיט פריינט, קווענקעלנישן, עצות און חיזוק, ס׳איז ניכרים דברי האמת.
באניצער אוואטאר
שלום שטיסל
היימישער באניצער
היימישער באניצער
 
הודעות: 495
זיך רעגיסטרירט: זונטאג דעצעמבער 20, 2015 5:36 pm
האט שוין געלייקט: 1606 מאל
האט שוין באקומען לייקס: 1693 מאל

הודעהדורך שמעקעדיג » מיטוואך יולי 26, 2017 12:43 am

שלום

:like
וירח ה' את ריח הניחוח
באניצער אוואטאר
שמעקעדיג
חבר הכבוד
חבר הכבוד
 
הודעות: 14534
זיך רעגיסטרירט: דאנערשטאג אפריל 12, 2012 12:11 am
האט שוין געלייקט: 16622 מאל
האט שוין באקומען לייקס: 17136 מאל

הודעהדורך cictim » מיטוואך יולי 26, 2017 8:43 am

.
רעדאגירט געווארן צום לעצט דורך געוואלדיג אום מיטוואך יולי 26, 2017 3:39 pm, רעדאגירט געווארן איין מאל בסך הכל.
סיבה: פארדרייט פון נושא
cictim
מאנשי שלומינו
מאנשי שלומינו
 
הודעות: 86
זיך רעגיסטרירט: דאנערשטאג מאי 14, 2015 3:13 pm
האט שוין געלייקט: 0 מאל
האט שוין באקומען לייקס: 48 מאל

הודעהדורך לעיקוואד » מיטוואך יולי 26, 2017 9:55 am

איך ווייס בכלל נישט וואס דער ווינער רב האט געטוהן דיר צו מאכען אזוי בייז. דער ווינער רב האט געשפירט א צורך מחזק צו זיין זיך און זיין קהילה אין אמונה פשוטה, און האט דאס געטוהן אויף דער סטאנדארטישע אופן וואס רבנים און מגידים זאגען שוין פאר צוויי הונדרעט יאר לכל הפחות. בערך אז דער רמב"ם האט שוין אלץ פארענטפערט און אלע קשיות זענען נאר תירוצים. דער ווינער רב איז טאקע א שיינער תלמיד חכם און בעל דרוש, אבער ער איז נישט קיין סאפיסטיקירטע דענקער, און דאס איז מסתמא ווי ער פארענטפערט פאר זיך אליינס טאמער פאלט עם איין א הרהור אין אמונה. האט ער דאס געזאגט פאר זיין קהילה.

די מטרה פון דער דרשה איז נישט געווען קעגן איינעם אדער אפצורייסען איינער וואס האט א ספק, נאר מחזק צו זיין דער וואס האט נישט קיין ספיקות, אדער עכ"פ נישט קיין ערנסטע פראבלעמען, אז די אלע ספיקות זענען נארישקייטן. איך ווייס נישט וואס אנדערש מען קען עקספעקטען פון א חסידישער רב צו זאגען אויף אזא זאך. וואלט ער געווען יוסי ג'ייקובסון וואלט ער געזאגט די זעלבע דרשה נאר מער סאפיסטיקירט, אז בעצם איז אויף אלעס דא הוכחות און מען דארף זיך נישט שעמען צו פרעגן און בסוף בלייבט ווייטער די אמונה גאנץ. איז ער דאך אבער ווינער רב און נישט יוסי ג'ייקובסון און אזוי רעדט דער ווינער רב. דאס איז וואס ער ווייסט צו טוהן צו מחזק זיין אמונה.

עס איז אביסעל נאיוו צו בויען אזא גאנצע אטאקע אויף א ציטאט פון א דרשה וואס א רב זאגט ברבים, בשעת וואס יעדער ווייסט אז א דרשה ברבים איז געצילט (אויב איז עס א גוטע דרשה), צו דער מיטלמעסיגער המון עם מחזק זיין בדברים פשוטים. בפרט אזא סארט ז' אדר דרשה וואס איז דירעקט געשטעלט אויף דעם, עס איז אפילו נישט ווינער רב'ס שלשידעס תורה וואס איז געצילט מער צו בעלי תורה. איך שטעל מיך פאר (אדער האף, אבער מען קען דאס מברר זיין און טאמער וועל איך וויסען פרטים וועל איך צושרייבען דא) אז ווען א יונגערמאן קומט צו'ם רב אז עס עגבערט עם באמת מיט ספיקות און ער גיט זיך נישט קיין עצה, אז דער ווינער רב אזויווי יעדער אנדערער נארמאלער פרומער רב, טוהט נישט יענעם באוואשען אז זיינע ספיקות זענען נאר תירוצים, נאר ער פראבירט עם צו העלפען ארויסגיין פון דער קריזיס, אויף וואסארא אופן ער ווייסט, מיט רחמנות און מיטגעפיל. אויב איז דאס ריכטיג איז די אטאקע אויף דער דרשה ממש נישט אין פלאץ.
I have a dream
Martin Luther King ~
באניצער אוואטאר
לעיקוואד
חבר ותיק
חבר ותיק
 
הודעות: 3671
זיך רעגיסטרירט: מאנטאג סעפטעמבער 10, 2012 7:22 am
האט שוין געלייקט: 1701 מאל
האט שוין באקומען לייקס: 5408 מאל

הודעהדורך קורקלענד » מיטוואך יולי 26, 2017 10:01 am

.
רעדאגירט געווארן צום לעצט דורך געוואלדיג אום מיטוואך יולי 26, 2017 3:40 pm, רעדאגירט געווארן איין מאל בסך הכל.
סיבה: פארדרייט פון נושא
באניצער אוואטאר
קורקלענד
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1130
זיך רעגיסטרירט: מיטוואך דעצעמבער 31, 2014 3:28 pm
האט שוין געלייקט: 1080 מאל
האט שוין באקומען לייקס: 463 מאל

הודעהדורך ליטוואק פון בודאפעסט » מיטוואך יולי 26, 2017 10:23 am

@לעיקוואד, איך ווייס בכלל נישט וואס @ראובן האט געטוהן דיר צו מאכען אזוי בייז. ראובן האט געשפירט א צורך מחזק צו זיין זיך און זיין חברים אין בין אדם לחבירו און נשיאות עול, און האט דאס געטוהן אויף דער סטאנדארטישע אופן וואס אויפריכטיגע מענטשען טוהן במשך טויזענטער יארען. בערך איבער צו געבען די פארשטאנד אז דער מענטש ליידט פון א פראבלעם און זיין געוויסען טוט איהם וויי, און וויאזוי דאס ווערט א פראבלעם און וויאזוי דער מענטש שפירט. ראובן איז א גרויסע דענקער און שרייבער, אבער ער איז נישט קיין וועלטס פארזארגער אז אין איין ארטיקל דארף ער ענטפערען אלע קשיאס און טענות, און דאס וואס ער האט געשריבען איז וואס ער טראכט אין דער ספעציפישע נושא, נישט די תשובה צו אלע שאלות, כולל דער וועלט און איהר מיינונג (פאר דער וואס דארף די תשובה דרינגענד, ס'איז, ווי באקאנט, 42).

די מטרה פון דער ארטיקל איז נישט געווען קעגן איינעם אדער אפצורייסען איינער וואס דרשנ'ט וועגען דער וואס האט א ספק, נאר מחזק צו זיין דער וואס האט א קרוב צו חבר וואס ליידט פון ספיקות, אדער עכ"פ הייבט אן האבען פראבלעמען, אז די אלע ספיקות זענען מענטשליכע ערשיינונגען, און זיי טוהן וויי ווי נאר דער מענטש קען וויי טוהן זיך אליינס. איך ווייס נישט וואס אנדערש מען קען עקספעקטען פון א שרייבער וואס וויל רעדען פון די נושא צו זאגען אויף אזא זאך. וואלט ער געווען ווינער רב אליינס וואלט ער געזאגט די זעלבע דרשה נאר מער סאפיסטיקירט, מיט מדרש פליאות און אפהאקען און באטרעטען פארשידענע אנדערע מענטשען בדרך אגב. אז בעצם איז יעדער דרשן א מסופק וואס שרייט צו קענען שטילען זיין אייגענע ספקות, און רעדט נאר פון זיך און זיין תאוות. איז ער דאך אבער ראובן פון קאוועשטיבעל און נישט ווינער רב און אזוי רעדט ראובן, איידעל און קלאר און צו דער זאך, נישט פארדרייט און מיט א שלעכט אויג. דאס איז וואס ער ווייסט צו טוהן צו מחזק זיין אמונה.

עס איז אביסעל נאיוו צו בויען אזא גאנצע אטאקע אויף א מאמר אין צייטונג צוליעב דעם וואס ער האט עס געהאנגען אויף וואס א רב זאגט ברבים, בשעת וואס יעדער ווייסט אז די ציטאט פון די דרשה איז נאר א וועג אויסצודרוקען א זאך און מקרב זיין צום שכל דער דבר והיפוכו. בפרט אזא סארט מאמר אין דער וועקער וואס איז דירעקט געשטעלט אויף דעם צו געבען דער עולם ליין מאטעריאל וואס איז אי אינטרעסאנט און אויפוועקענדיג אי געשמאק צו פארוויילען דערמיט, עס איז אפילו נישט ראובן'ס שלשידעס תורה וואס איז געצילט מער צו בעלי השקפה. איך שטעל מיך פאר (אדער האף, אבער מען קען דאס מברר זיין און טאמער וועל איך וויסען פרטים וועל איך צושרייבען דא) אז ווען א יונגערמאן קומט צו ראובן אז עס עגבערט עם באמת מיט ספיקות און ער גיט זיך נישט קיין עצה, אז ראובן אזויווי יעדער אנדערער נארמאלער אויפריכטיגע מענטש, טוהט נישט באוואשען דער ווינער רב אלץ א חלק פון די תשובה, אז יענער זאגט אז זיינע ספיקות זענען נאר תירוצים, נאר ער פראבירט עם צו העלפען ארויסגיין פון דער קריזיס, אויף וואסארא אופן ער ווייסט, מיט רחמנות און מיטגעפיל. אויב איז דאס ריכטיג, איז די אטאקע אויף דער מאמר ממש נישט אין פלאץ.
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
חבר ותיק
חבר ותיק
 
הודעות: 6277
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 2314 מאל
האט שוין באקומען לייקס: 5946 מאל

הודעהדורך ראובן » מיטוואך יולי 26, 2017 10:44 am

לעיקוואד, איך האב דעם פולסטן רעספעקט פאר דעם וויענער רב, ווי כ'מאך זייער קלאר אין דעם ארטיקל. ווען זיין דרשה זאל ווען זיין א פאסיגן קירוב מיטל פאר א געוויסן מענטש וואס האט ספיקות וואלט איך פארשטאנען אז ער זאל דאס נוצן פאר יענעם פערזענליך, אבער זאגן די אלע נארישקייטן און פאלשקייטן אין א דרשה ברבים, איז נישט נאר א דיססערוויס פאר די וואס האבן פערזענליך ספיקות און זעען די לעכערליכקייט פון זיינע ארגומענטן, נאר אויך פאר יעדן וואס איז דארטן געזעסן. יעדער צווייטער אדער דריטער מענטש ביי דער דרשה האט א ברודער אדער טאכטער וואס איז אין דער קאטעגאריע פון משה און שלמה, און וויענער רב האט זיי געגעבן א טראגיש-אומריכטיגן בליק איבער וואס זייערע קרובים און ידידים גייען דורך. פונקט פארקערט, מיין ארטיקל דארף מען זאגן ברבים, און דער וויענער רב'ס ארגומענטן דארפן נאר גענוצט ווערן ביחידות פאר מענטשן וואס ס'וועט זיי פערזענליך העלפן. און מיין ארטיקל איז נישט קיין אטאקע אויף דעם וויענער רב, נאר א שטארקן קריטיק אויף דעם וועג וויאזוי ער באציט זיך צו דער ספעציפישער נושא פון איבוד אמונה.
עורו ישנים משנתכם!
באניצער אוואטאר
ראובן
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1920
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 2435 מאל
האט שוין באקומען לייקס: 7811 מאל

הודעהדורך לעיקוואד » מיטוואך יולי 26, 2017 10:45 am

@ליטוואק

גערעכט.

ער וואלט געקענט אבער שרייבען דער גאנצער ארטיקל פאזיטיוו אן באשרייען דער ווינער רב וואס פעלט נישט אויס. אדער לפחות מער קלאר מאכען אז דער ווינער דרשה איז נישט מער פון קיין אילוסטראציע אויף דער חיזוק וואס ער וויל געבן.


עניוועיס, איך בין א קאמפעטישין, ליינטס מיין ארטיקל צו זעהן וואס ער וועלט ווען געדארפט שרייבען :roll:

ראובן האקט, איין מינוט..
I have a dream
Martin Luther King ~
באניצער אוואטאר
לעיקוואד
חבר ותיק
חבר ותיק
 
הודעות: 3671
זיך רעגיסטרירט: מאנטאג סעפטעמבער 10, 2012 7:22 am
האט שוין געלייקט: 1701 מאל
האט שוין באקומען לייקס: 5408 מאל

הודעהדורך לעיקוואד » מיטוואך יולי 26, 2017 10:48 am

אז ראובן מיט דער ווינער רב האבען א מחלוקת וואס דער בעסערע צוגאנג איז מי אנכי להכניס ראשי בין ההרים. איך האב נאר מסביר געווען פון ווי דער רב קומט מסתמא און פארוואס לענ"ד איז דער אטאקע אויף עם נישט מוצדק. צו מען קען אדער דארף טוהן פארקערט כדעת ראובן איז א סברא וואס מען קען זיך דינגען דערויף און איך ווייס נישט ווער איז גערעכט. איך וואלט מסתמא נישט געזאגט דער ווינער דרשה. אבער מ'קען מעיין זיין וואס איינער וואס פירט א ציבור דארף טוהן.
I have a dream
Martin Luther King ~
באניצער אוואטאר
לעיקוואד
חבר ותיק
חבר ותיק
 
הודעות: 3671
זיך רעגיסטרירט: מאנטאג סעפטעמבער 10, 2012 7:22 am
האט שוין געלייקט: 1701 מאל
האט שוין באקומען לייקס: 5408 מאל

הודעהדורך ראובן » מיטוואך יולי 26, 2017 10:50 am

לעיקוואד האט געשריבן:עניוועיס, איך בין א קאמפעטישין, ליינטס מיין ארטיקל צו זעהן וואס ער וועלט ווען געדארפט שרייבען :roll:

דיין ארטיקל איז ריין גאלד, און איך וואלט עס נישט געקענט שרייבן אפילו אויב כ'זאל וועלן.
עורו ישנים משנתכם!
באניצער אוואטאר
ראובן
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1920
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 2435 מאל
האט שוין באקומען לייקס: 7811 מאל

Re: א ז' אדר דרשה, און די אמונה קריזיס

הודעהדורך ליטוואק פון בודאפעסט » מיטוואך יולי 26, 2017 10:57 am

איך זעי אז הן לעיקוואד און הן ראובן האבען מיר געלייקט, בין איך גאר דער מגשר ביניהם.

איך האב טאקע שטארק הנאה געהאט פון לעיקוואד׳ס מאמר, אבער צו מיר איז עס א בחינה פון preaching to the choir וואס איך טענה שוין יארען אז אמונה איז א מענטשליכע געפיהל זאך, באזירט אויף אביסל שכליות. איך האב א חבר וואס רופט מיר אן אן אפיקורס דערפאר "ביי דיר איז אלץ א וויץ, גארנישט וויכטיג. פארוואס לערנסט דו ווען ס׳איז נישט הונדרעט פערצענט אמת אין דיין אויגען?" יענער פארשטייט נישט אז מענטשליכע געפיהלען זענען נישט שקר און נישט אומוויכטיג. ער מיינט אז דאס אריבער פיהרען צום געפיהל חלק איז א ירידה.
איראניש אז יענער איז א בן משפחה פון דער חזון איש, וואס הייבט אן זיין אמונה ובטחון מיט די ווערטער "מדת האמונה היא נטיה דקה מעדינות הנפש".

אלענפאלס, ביידער ארטיקלען רעדען פון די זעלבע נושא ממש, נאר מיט אן אנדערען שפראך און און אנדערע שטאנדפונקט. דאס איז אליינס א לימוד ווי די זעלבע נושא איז זיך מתיישב אין הארצען פון צוויי מענטשען. אלץ גייט דורך דער מענטש, קיין שום מושכל שטייט נישט אליינס! ("אין לנו חכמה בעולם בלתי אם יעבור דרך נשמת אדם חי", כלשונו הזהב פון חזו"א)

Sent from my LG-K373 using Tapatalk
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
חבר ותיק
חבר ותיק
 
הודעות: 6277
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 2314 מאל
האט שוין באקומען לייקס: 5946 מאל

הודעהדורך ראובן » מיטוואך יולי 26, 2017 11:07 am

איך זע נישט אז אונזערע צוויי ארטיקלען זאלן אווערלעפן. מיין ארטיקל שטעלט אוועק דעם פראבלעם, און האט נישט קיין שום סאלושענס פאר איינעם וואס גייט דורך איבוד אמונה. עס איז געווידמעט דעם המון עם צו פארשטיין וואס דא קומט פאר פארנט פון אונזערע אויגן, אבער קיינער זעט עס נישט. לעיקוואד'ס ארטיקל איז געוואנדן צו די וואס גייען עס דורך זעלבסט, און רעדט פון א אידישן, לאגישן און פילאזאפישן שטאנדפונקט. יששכר'ס ארטיקל איז געוואנדן די זעלבע מענטשן אבער קומט פון מער אן עמאציאנעלן און פראקטישן שטאנדפונקט.
עורו ישנים משנתכם!
באניצער אוואטאר
ראובן
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1920
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 2435 מאל
האט שוין באקומען לייקס: 7811 מאל

הודעהדורך ליטוואק פון בודאפעסט » מיטוואך יולי 26, 2017 11:08 am

דער צד השווה איז אז ביידער זוכען מעורר צו זיין אז מ׳רעדט פון געפיהל נישט פון חשבון, און אזוי דארף מען צוגייען צו דער ענין. דער געפיל איז נישט עפעס א נערישקייט, ס׳איז א ריזיגע חלק פון דער מענטש, און דער וואס גלויבט יא איז אויך א חלק פון זיין געפיהל. דערשטיקען דער געפיל איז אוממעגליך, און פראבירען דערשטיקען איז מסוכן. ענק ביידע באזירען אייערע ווערטער אויף די הנחה, און דער לעזער מוז אננעמען די הנחה צו פארשטייען אייערע ווערטער, און א גרויסע פערצענט פון די וואס דארפען פון דעם וויסען זענען לקוי אין דעם.

דיינס איז פאר'ן ברודער, זיינס פאר'ן מענטש. אבער דער אונטערשטער שורה איז אזוי.
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
חבר ותיק
חבר ותיק
 
הודעות: 6277
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 2314 מאל
האט שוין באקומען לייקס: 5946 מאל

הודעהדורך לעיקוואד » מיטוואך יולי 26, 2017 11:21 am

צו זיין זיכער, איך האב נישט קיין מחלוקת מיט ראובן לגופו של ענין. איך בין סתם א ווינער חסיד און איך מיין נישט אז דער רב שליט"א איז שולדיג אין וואס ראובן באשולדיגט עם :lol: . מען קען טאקע מאכן א שמועס וואס און אויב א מנהיג קען און דארף זאגען אז דער עולם זאל נישט מיינען אז יעדער וואס מוטשעט זיך מיט ספיקות איז אן אויסווארף וואס בהפקירא ניחא ליה.
I have a dream
Martin Luther King ~
באניצער אוואטאר
לעיקוואד
חבר ותיק
חבר ותיק
 
הודעות: 3671
זיך רעגיסטרירט: מאנטאג סעפטעמבער 10, 2012 7:22 am
האט שוין געלייקט: 1701 מאל
האט שוין באקומען לייקס: 5408 מאל

הודעהדורך berlbalaguleh » מיטוואך יולי 26, 2017 11:32 am

ראובן האט געשריבן:לעיקוואד, איך האב דעם פולסטן רעספעקט פאר דעם וויענער רב, ווי כ'מאך זייער קלאר אין דעם ארטיקל. ווען זיין דרשה זאל ווען זיין א פאסיגן קירוב מיטל פאר א געוויסן מענטש וואס האט ספיקות וואלט איך פארשטאנען אז ער זאל דאס נוצן פאר יענעם פערזענליך, אבער זאגן די אלע נארישקייטן און פאלשקייטן אין א דרשה ברבים, איז נישט נאר א דיססערוויס פאר די וואס האבן פערזענליך ספיקות און זעען די לעכערליכקייט פון זיינע ארגומענטן, נאר אויך פאר יעדן וואס איז דארטן געזעסן. יעדער צווייטער אדער דריטער מענטש ביי דער דרשה האט א ברודער אדער טאכטער וואס איז אין דער קאטעגאריע פון משה און שלמה, און וויענער רב האט זיי געגעבן א טראגיש-אומריכטיגן בליק איבער וואס זייערע קרובים און ידידים גייען דורך. פונקט פארקערט, מיין ארטיקל דארף מען זאגן ברבים, און דער וויענער רב'ס ארגומענטן דארפן נאר גענוצט ווערן ביחידות פאר מענטשן וואס ס'וועט זיי פערזענליך העלפן. און מיין ארטיקל איז נישט קיין אטאקע אויף דעם וויענער רב, נאר א שטארקן קריטיק אויף דעם וועג וויאזוי ער באציט זיך צו דער ספעציפישער נושא פון איבוד אמונה.

ראובן: לולא דמסתפינא (מ'וועט מיך פארדאמען און באשייגעצן דא. האא.. שמעקעדיג באטשי...?!) וואלט איך געזאגט אז ס'האטציך ביי מיר שוין פון לאנג אריינגעגנב'עט א מחשבה זרה אז דער וויענער רב שליט"א, נישט נאר פריעטשט ער צו די קווייער. נאר ער וויל אויך זיין פאלטיק'לי קארעקט. און ער חנפ'עט זיך צו סאטמאר (זאלונים. ווייל די אנדערע זענען דאך ציונים,רח"ל מהאי דעתא.). אזוי ווי נאך א חשוב'ן רב שליט"א וועם איך וואלט באמת רעספעקטירט, ווען נישט זיינע פאלשע שטיק און חנופה צו די פאליטישע ליניע. וואס דער חשוב'ער (פאוני) רב געט השגחה אויף א געוויסע מצה בעיקערי. און איך האב אמאל מיט עטליכע יאר צוריק געטראפן א גלוסקא יפה, א שיין גלאנצענדיגע בילקעלע ליגן לעיני כל אויף א שעלף אום ערב פסח נאכמיטאג...! און דער חשוב'ער רב האטציך ארומגעדרייט אויף דעם אונטערשטן שטאק מיט זיינע צופלויגענע פיאות און דעם פארפלאמטן פנים. ממש אזוי ווי א מלאך אלוקים. אדער די קאמערשלס פון קרויס שטריימלעך אדער דזשי ענד דזשי...! ניכרים דברי אמת. ווען די אלע רבנים (וועלכע טוען דאס) וואלטן געזאגט אמת'ע דברי תוכחה היוצאין מן הלב, וואלט עס געווען מער אננעמבאר. אבער אזוי ווי דער מצב איז היינט צו טאג, קענמען אדורכזעהן אז זייערע ווערטער זענען ענדערש אדרעסירט וואס איצא שייגעץ אין זיין לשכת הגזלנים אויף דיוויזשן עוו. וועט זאגן. און אויב דער איד וועט איהם אנרופן אלס ערליכער איד. וואס איז נישט נוטה לדעת הציונים, מיט דיעות כוזבות, רח"ל...!
באניצער אוואטאר
berlbalaguleh
חבר הכבוד
חבר הכבוד
 
הודעות: 10390
זיך רעגיסטרירט: דינסטאג יולי 17, 2012 12:57 pm
האט שוין געלייקט: 11435 מאל
האט שוין באקומען לייקס: 6612 מאל

הודעהדורך איש את רעהו » מיטוואך יולי 26, 2017 11:43 am

מיין נקודה איז נישט געווען קריטיק צום ארטיקל און איר שרייבער
דער מחבר שרייבט אז ער צילט צו גרייכן די אויגן און אויערן פון כלל ישראל
דערווייל האט ווינער רב און זיינע רבנים מיט אים, די אויגן און אויערן פון כלל ישראל, אויב וויל מען דעם ארטיקל אויך טראגן צו די אויגן און אויערן פון כלל ישראל, דארף מען ארומגיין צו די רבנים זיי עס ווייזן אפשר וועט מען עס ערווענען ביי די קומענדיגע דרשות.
איש את רעהו
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1848
זיך רעגיסטרירט: פרייטאג נאוועמבער 28, 2014 10:21 am
האט שוין געלייקט: 130 מאל
האט שוין באקומען לייקס: 442 מאל

הודעהדורך cictim » מיטוואך יולי 26, 2017 1:46 pm

.
רעדאגירט געווארן צום לעצט דורך געוואלדיג אום מיטוואך יולי 26, 2017 3:43 pm, רעדאגירט געווארן איין מאל בסך הכל.
סיבה: פארדרייט פון נושא
cictim
מאנשי שלומינו
מאנשי שלומינו
 
הודעות: 86
זיך רעגיסטרירט: דאנערשטאג מאי 14, 2015 3:13 pm
האט שוין געלייקט: 0 מאל
האט שוין באקומען לייקס: 48 מאל

הודעהדורך קורקלענד » מיטוואך יולי 26, 2017 2:00 pm

.
רעדאגירט געווארן צום לעצט דורך געוואלדיג אום מיטוואך יולי 26, 2017 3:44 pm, רעדאגירט געווארן איין מאל בסך הכל.
סיבה: פארדרייט פון נושא
באניצער אוואטאר
קורקלענד
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1130
זיך רעגיסטרירט: מיטוואך דעצעמבער 31, 2014 3:28 pm
האט שוין געלייקט: 1080 מאל
האט שוין באקומען לייקס: 463 מאל

Re: א ז' אדר דרשה, און די אמונה קריזיס

הודעהדורך ליטוואק פון בודאפעסט » מיטוואך יולי 26, 2017 2:29 pm

.
רעדאגירט געווארן צום לעצט דורך געוואלדיג אום מיטוואך יולי 26, 2017 5:55 pm, רעדאגירט געווארן איין מאל בסך הכל.
סיבה: פארדרייט פון נושא
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
חבר ותיק
חבר ותיק
 
הודעות: 6277
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 2314 מאל
האט שוין באקומען לייקס: 5946 מאל

הודעהדורך איך אויך » מיטוואך יולי 26, 2017 3:22 pm

.
רעדאגירט געווארן צום לעצט דורך געוואלדיג אום מיטוואך יולי 26, 2017 5:56 pm, רעדאגירט געווארן איין מאל בסך הכל.
סיבה: פארדרייט פון נושא
Follow The Money ׁׂ(מרן Deep Throat ז''ל)
באניצער אוואטאר
איך אויך
חבר ותיק
חבר ותיק
 
הודעות: 5349
זיך רעגיסטרירט: דינסטאג אפריל 10, 2012 3:27 pm
האט שוין געלייקט: 6909 מאל
האט שוין באקומען לייקס: 2388 מאל

Re: א ז' אדר דרשה, און די אמונה קריזיס

הודעהדורך מפוזרי » זונטאג יולי 30, 2017 11:02 am

דער ארטיקל האט מיר איבערגעלאזט מיט שטורמישע מחשבות און ברויזנדע געפילן.
ס'איז דא אסאך צו רעדן, אבער איך קען נאכנישט קומען צום ווארט.

דאס מוז איך אבער שוין זאגן, משה'ס פאעמע איז נורא נוראות! דאס דארף מען קאנאנאזירן.

איך האב עס מיר פארגעזינגען באשמורת הבוקר מיט אן אלט-נייעם ניגון בהשתפחות הנפש והמיית הלב.
און זאלט איר מיר מוחל זיין, דאס האט מחבר געווען א מאמין!

זוכן גאט איז פון אייביג אן דער שטענדיגער באשעפטיגונג פון די בני אמונים. אויף דערויף זאגט דער גמרא: מי שאינו בהסתר פנים אינו מהם.
דברי אדוננו המלך בעיני, נגידים ומעולים ונכבדים... אבל לא אשבח אותם שהם אמת! - הרמב״ן ליעקב הראשון.
מפוזרי
ידיד ותיק
ידיד ותיק
 
הודעות: 843
זיך רעגיסטרירט: פרייטאג מערץ 20, 2015 9:01 am
האט שוין געלייקט: 1572 מאל
האט שוין באקומען לייקס: 698 מאל

הודעהדורך שמערל » זונטאג יולי 30, 2017 12:50 pm

ראובן'ס ארטיקל איז א מייסטער ארבייט, און א היסטארישער. אויסטוענדיג זיך די הענטשקעס דאס ערשטע מאל צו דיסאקסירן הויעך די עלעפאנט אין די רום וואס דרייט זיך שוין ארום פאר אזוי לאנג, נאר יעדער האט מורא אים אנצוריפן ביים נאמען.

לדעתי איז עס יא א סתירה און א פירכה אויף לעיקוואד'ס ארטיקל, בעת וואס לעיקוואד פראבירט אראפצולייגן אז חקירה באלאנגט נאר פאר די עליטע, וואס האבן די מוחין דגדלות צו סובל זיין אזוינע טיפע ענינים, ברענגט ראובן אזוי שיין ארויס אז מען מיז נישט זיין דער גרעסטער מר בר רב אשי צו זיין א אפיקורס. ממה נפשך, אויב שוטים האבן א רעכט צו גלייבן (און לייקענען און אנדערע אמונות), האבן זיי א רעכט צו לייקענען.

אין אנדערע ווערטער, אמונה אזוי ווי יעדע זאך אויך די וועלט, איז עפעס וואס גרויסע חכמים קענען חקר'נען דערין טיף עד אין שיעור וסוף, אבער עס מיינט בכלל נישט אז דאס פשוטע אמונה וואס יעדער האט איז תלוי בזה. אמונה פשוטה וואס איז געבויט אויף לופט, קען ווערן אפגעפרעגט בכפירה פשוטה דורך אפאר קונדערישע טענות. און פארלאנגט בכלל נישט קיין טיפקייט. וכל שכן אז ס'איז נישט קיין שום סכנה נפשי פארן פשוטן מענטש, ביי אים שטייט אמונה בשם אויפן זעלבן שטאפל ווי אהרן/זלמן לייב פאליטיק וכבלעו כך פלטו, ופוק חזי הונדערטער אפיקורסים דוקא פון די קליינע קעפ וואס לעבן א טאג, און ווייסן נישט פון קיין פראבלעמען. (און דיין גאנצע הוכחה "מן הנסיון" איז געבויט א א אינדיווידואלע פאל אויסגעטייטשט לויט דיין בייעסט אפיניאן, ויש חולקין על זה ואכ"מ).

אז מ'רעדט שוין, די קשיא אז וויאזוי קען חקירה זיין א מצוה אויב פארלאנגט עס זיך צו ספקנ'ן צו ס'איז בכלל א מצוה, איז א גוטע קשיא וואס איז שטערקער ווי א דרוש על פי סוד... ווי אויך האב איך נישט געכאפט וויאזוי איז למעשה שייך צו דן זיין בעקרי האמונה, אן ס'זאל נוגע זיין למעשה.
שמערל
ידיד ותיק
ידיד ותיק
 
הודעות: 912
זיך רעגיסטרירט: מאנטאג מאי 27, 2013 7:05 pm
האט שוין געלייקט: 1077 מאל
האט שוין באקומען לייקס: 1067 מאל

הודעהדורך diff » זונטאג יולי 30, 2017 3:11 pm

סדא אזא זאך ווי כפירה פשוטה, זאכן ווערן פין זיך אליין?
diff
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1717
זיך רעגיסטרירט: מיטוואך אוגוסט 22, 2012 1:07 pm
האט שוין געלייקט: 194 מאל
האט שוין באקומען לייקס: 290 מאל

נעקסט

גיי צוריק דער וועקער

ווער איז יעצט דא?

באניצער וואס לייענען דעם פארום: נישטא קיין אנליין באניצער און איין גאסט