מיינע געפילן איבער די "וועקער החדשה"

קאמענטארן און דיסקוסיעס אויף ארטיקלען

מיינע געפילן איבער די "וועקער החדשה"

הודעהדורך קורקלענד » מאנטאג יולי 31, 2017 11:36 am

מ'וועקט שוין ווייטער.

יעדע פאר חדשים וועקט מען נאכאמאל. מ'וועקט זיך, מ'ליינט, מ'האט הנאה, און מ'שלאפט איין נאכאמאל... ביז מ'וועקט שוין ווייטער.

אמאל פלעגט עס זיין אפטער, ממש מדי חודש בחדשו. למעשה האט זיך עס עטוואס בארואיגט. מ'וועקט שוין נישט יעדע חודש, נאר איינמאל אין אפאר חדשים. לעצטנס איז דאס אויך געווארן אביסל פארשלעפט. זיי האבן געזאגט מחמת גראפיקס. זעט אויס אז טראצדעם וואס עס זענען דא שרייבערס וואס זענען אינטעלעקטואלן, זענען אבער אינטעלעקטואלע גראפיקער שוין א יקר המציאות...

למעשה בינעך מיט די צייט געווארן אביסעלע איבערראשט און סקעפטיש איבער די גאנצע וועקער פראיעקט.

וואס א וועקער ווייטער, ווי מער די קאליבער גייט ארויף - יעדעס מאל מיט א העכערע שטאפל, און יעדעס מאל העכער ווי סיי וועלכע אנדערע ווערק אין די היסטאריע פון אידישע שרייבעריי, פארט אבער, וואס העכער דער וועקער שטייגט אלץ גרעסער ווערן מיינע ספיקות און מיינע געפילן.

*

כדי בעסער ארויסצוברענגען מיינע אינערליכע געפילן וועל איך דארפן אנהייבן פון אנפאנג, אזוי וועט דער ליינער אביסעלע בעסער פארשטיין מיינע ספיקות.

אנגעהויבן האט זיך עס ווען משזר האט אנאנסירט אז ער נעמט אן די וועקער פאזיציע אין קאווע שטיבל. יא, דער וועקער איז בימים ההם געווען א פראיעקט פון עפעס א זייטל וואס רופט זיך קאווע שטיבל. אזוי פלעגט אמאל אויך שטיין אין 'דער וועקער'. ער האט ארויסגעלייגט עפעס גרויסע פלענער. ס'האט זיך גערעדט פון א גרויסע פראיעקט מיט אסאך חלומות. נישט ממש חלומות, ווייל למעשה האט ער עס געטוען געוועקטערהייט. בשעתו האט די וועקער געוויזן גרויסע פראמיסעס און שטארקע האפענונג.

דהיינו, א קבוצה טאלאנטפולע מענטשן פונעם היימישן געזעלשאפט האבן זיך צוזאמענגענומען אוועקצושטעלן אן אפענע פלאטפארמע. יא, מ'האט געהאט א דגוש אויף אפענקייט, אפענקייט, און נאכאמאל אפענקייט. ווייל ס'ווייסט דאך יעדער איינער אז סוף כל סוף לעבן מיר אין א געזעלשאפט וואו חומר וואס ווערט פובליצירט ווערט שטארק אונטערדרוקט, און ס'גייט אדורך א שווערע צענזור אז ס'זאל שטימען מיט אלע סיקריקים, ווי אויך מיט די סיסטעם, ווי אויך מיט וויאזוי דער אדער יענער האט אויסגעטייטשט די רבי-יגון-לייני'ס שיטה אויף וואספארא שינוי מ'מעג יא אדער נישט מאכן. קומט אויס אז אסאך טאלאנט און אסאך וויכטיגע ראיונות און חכמות פאלט צו דער זייט.

דעריבער האט מען זיך צוזאמענגענומען אויפצוהייבן דאס וואס פאלט אוועק, און עס ברענגען לאור עולם אויף א פלאטפארמע וואו יעדער קען איינגעבן אן ארטיקל צום דרוק. מ'רעדאגירט, דערנאך דרוקט מען, און מ'איז עס מפיץ אויף עמעזאן און בתורת פי.די.עף. און שפעטער אפילו אין געשעפט.

סיי אויב מ'איז יא מסכים צו דעם און יענעם ארטיקל, און סיי אויב נישט, איז שוין די גאנצע שטאט ערוועקט געווארן צו נייע מיינונגען, רעיונות, פראבלעמען און סאלושענס. אין שטיבל (קאווע שטיבל) האט זיך גלייך אנגעהויבן די דעבאטעס אויף די נושאים אזוי אז ס'איז געגאנגען א רויעך. אה, ס'האט געהערשט אן אפענקייט און מ'האט אנגעהויבן זעהן פירות.

אן אפענקייט מיין איך אין אלע אספעקטן. אזא אפענקייט בלשון "ליבערטי" ובלשון "פרייהייט". דער וועקער איז געווען אזא דורכברוך אין "אונזער" געזעלשאפט, באלד אזוי שטארק ווי וואס וויקיפעדיע האט באוויזן פאר די דרויסענדיגער וועלט.

משזר איז אנגעגאנגען מיט זיין פראיעקט ערליך, איינס בעסער ווי די אנדערע. אזוי האט זיך עס פאראויס געריקט ביז שש. נאך "שש וועקערס" איז געקומען די ביטערע בשורה, אז דעספייט די גרויסע סוקסעס וועט דער וועקער קומען צו א סוף. יעדער האט געכאפט א שוידער, אבער קיינער איז נישט געווען בכח צו נעמען די לייצעס אין האנט אריין און פארן ווייטער.

למעשה אבער איז עס געווען זעקס חדשים וואס האבן דורכגעבראכן מערערע גדרים און רעקארדס. וואס א חודש ווייטער, אלס מער פארשריט האט דער וועקער געמאכט. ס'איז געווען אויפן וועג צו א גאנצע נחמה.

ויקם מלך חדש. ס'איז אפיר געקומען א נייער רעדאקטאר. ער האט יעדן פארזיכערט אז דער וועקער וועט ווייטער אנגיין, און די עולם האט שטארק אפגעאטעמט. איך בין אויך געווען פון די וואס האבן זיך דערפרישט און דערמינטערט מיט די אנאנס. און מיט פרייד און גלוסט קוים געקענט ווארטן צו זעהן די נייע וועקער.

למעשה בין איך געווען גאנץ איבעראשט צו דערזען ווי די נייע רעדאקציע האט פארפירט דעם וועקער אויף אנדערע רעלסן. און בכלל ערצייגט אינגאנצן אן אנדערע סטיל אויסגאבע מיט אן אנדערע אגענדע.

*

איך וויל באטאנען אז דאס זענען געוויסע שינוים וואס באדערן מיר פערזענליך. איך פארלאנג נישט קיין טוישונגען. איך שרייב נאר פארן רעקארד, אז אויב איינער האט מיטגעפיל זאל ער וויסן אז ער איז נישט אליינס.

די נייע רעדאקציע האט איינגעפירט א רייע שינויים דערנאך האבן נאכגעפאלגט א רייע רעפרעקאציעס. די ערשטע זאך האבן זיי געהויבן די קאליבער צום הימל ארויף. זיי האבן דערקלערט די אויסגאבע עפעס אזוי פראפעסיאנאל ווי כאילו מ'רעדט דא פון א מאגעזין אויפן זעלבן קאליבער פונעם טיים מאגעזין. און אזויווי איצט שטייט מען שוין אויף אזא הויכע שטאפל, פאסט שוין נישט אז די אויסגאבע זאל זיין א פועל יוצא פון קאווע שטיבל. שטעלט אייך פאר טיים מאגעזין איז א פועל יוצא פון רעדדיט. ס'מאכט נישט קיין סענס.

דעריבער האט זיך די רעדאקציע בארעכנט צו נעמען שריט אפצוהאקן דער וועקער פון קאווע שטיבל.

ניין נישט אינגאנצן. מ'וועט נאכאלץ קומען אויף קאווע שטיבל צו בעטן פאר ארטיקלען און אנאנסירן א נייע אויסגאבע, אבער דעטס אבאוט איט. אין די וועקער היינט צוטאגס איז נישט דא קיין שום רעפערענצן צום שטיבל. דערווייל איז פארקערט נאך יא דא.

דערנאך האט זיך די רעדאקציע בארעכנט, אז צו לייגן א ניק אלץ א פעדער נאמען פאסט ווייטער נישט. ס'איז נישט פראפעסיאנאל פאר אזא הויכע קאליבער אויסגאבע. פאליק פליקאוויטש הערט זיך מער פראפעסיאנאל ווי פליקער. גאו פיגור. שוין, אראפ מיט די ניקים.

דערנאך האט די רעדאקציע אנאנסירט אז ס'איז זיי געלונגען צו משכנע זיין עפעס א דרויסענדיגע שרייבער וואס זאל שרייבן פאר די קומענדיגע וועקער'ס. ליינענדיג זיינע ארטיקלען מיט עצות טובות, אזאנע ווי "גיין אן אנדערן סארט העמד ווי די אלגעמיינע עולם". אדער "זיך צו גרייטן אויף חתונה האבן ביי א יאנג איזראעל ראביי". געווען א שוואכע נחמה.

ווייטער האבן זיי געמאכט נאך א דראסטישע טויש. און דאסמאל איז עס מיטגעקומען מיט א סטראשע אויך. מ'האט אנאנסירט אז דער קומענדיגער וועקער וועט נישט זיין צו באקומען עלעקטראניש! נאר אויף פאפיר. אזויווי פארצייטענס.

איך זיץ און קראץ מיינע אויגן. איך לייען איבער נאכאמאל און יא, מ'גייט אויף צוריקוועגס. צוריק צו פאפיר. אנגעבליך ווייל אזוי ליינט זיך עס בעסער, אדער מער אפיציעל, אפשר אויך מער פראפעסיאנאל. איך טראכט צו זיך: הייסט דער זארגט זיך פאר מיינעטוועגן? שיין פון איהם. ער האט געזאגט - אויב איך געדענק גוט - אז ער גייט מעגליך בכלל נישט ארויסגעבן עלעקטראניש. זיכער נישט אויב ס'פארקויפט זיך ווינציגער ווי פינף הונדערט שטיקלעך.

אויך האט ער געזאגט, אז ער האט אנגעזאגט אלע שרייבער אז זיי זאלן נישט ארויפלייגן זייערע ארטיקלען אויפן געוועב, אמווייניגסטנס פאר דרייסיג טעג. האט איר געהערט אזוינס? יענער שרייבט אן ארטיקל, און דער טיילט איין וואספארא רעכטן יענער האט אויף זיין אייגענע מעשי ידיו.

דער ערשטער וועקער נאך דער טויש איז גראדע עפעס יא אפיר געקומען אנליין, אבער אויף עפעס גאר א קרומע פארמאט. מ'האט געדארפט גיין אויף עפעס א וועבסייט אין מישן בלעטער. נאר אויף א געוויסע סייז, נישט געהעריג אויף א סעלפאן, און דער עיקר ארטיקל האט געפעלט. מ'האט נישט געקענט קאפירן קיין טעקסט, און ניטאמאל דאונלאודן. די צווייטע איז ניטאמאל אפיר געקומען אויף אזא פארמאט. אבער לויט מיינע חשבונות איז לכאורה פארקויפט געווארן מער ווי פינף הונדערט שטיקלעך.

דעס איז מיר שוין געווען אסאך שווערער צו פארדייען. דאס מיינט, אז די וועקער איז שוין נישט מונח בקופסא. איך קען דאס נישט ארומטראגן און ליינען אויפן וועג. אז איך וויל איינעם שנעל שיקן עפעס, אדער ווייזן אין בית המדרש, דארף איך מיטברענגען א גאנצע ביכל אדער גאר הייסן יענער קויפן. און אז איך וויל עפעס ציטירן אדער דעבאטירן, איז אויך יענע חתונה. גיי שרייב איבער. א גרויסע חלק פון די ארטיקלען זענען ניטאמאל געווארן דיסקוסירט, און אויף די ארטיקלען אויף וואס מען האט שוין יא געמאכט א דיסקוסיע, איז עס געווען אן אשכול אן קיין פתיחה.

אויף איין ארטיקל איז עפעס יא ארויסגעקומען א געהעריגע פי.די.עף. אבער ס'איז שוין געווען ווי די אתרוג נאך סוכות. ס'האט שוין קיינער נישט אינטערסירט. יעדער האט שוין פארגעסן אויף וואס מ'האט עס געדארפט. בקיצור פון אן אפענקייט איז געווארן א פארמאכטקייט.

אויך האט מען אנגעהויבן שפילן מיט געפילן. דאס הייסט, ער האט געמאכט א קעיס אזוי: וויבאלד די רעדאקציע טוהט אזויפיל מיט מסירות נפש ממש שלא על מנת לקבל פרס, דארף מען רעספעקטן די רעדאקציע'ס מאנדאטן און ס'איז נישט קיין יושר צו קומען מיט תערומות אויף די טוישן פון פאליסיס. ווייל אויב איינער האט טענות איז עס זיכער נאר ווייל ער קארגט זיך די פאר גרייצער. און ווען מ'לייגט אריין אזויפיל ארבעט און אזויפיל געפיל איז נישט שיין צו קומען און שרייען אז ס'קומט זיך מיר בחינם. ווייל פאר איינער צו זאגן אז פאר אזא קוואליטעט אויסגאבע קען ער זיך נישט זעהן שפענדן די פאר סענט איז נישט מער ווי א ראי' אז ער אפרישיעט נישט די ארבעט.

איראניש איז, אז די רעדאקציע זאגט אז אויף די פרייז וואס זיי פארלאנגען מאכן זיי ניטאמאל קיין געלט. און ס'איז מן הסתם אמת. איי, אויב אזוי, אז דו פארדינסט גארנישט וואס גייט דיך אן? נאר ווייל איר ווילט איך זאל עס קענען ליינען בעסער?

וועסטו מיר פרעגן פארוואס איך וויל דווקא יא ס'זאל זיין פריי אויב באדערט מיר באמת נישט די פאר דאלער? לאמיך אייך זאגן פארוואס: נישט ווייל איך וויל עס פריי פון אפצאל. נאר ווייל איך וויל עס אין א פרייע פארמאט. דיגיטאל. פריי פון גדרים וסייגים. נישט ווייל איך וויל נישט באצאלן, נאר ווייל איך האלט אז אזא אויסגאבע דארף באלאנגען מער צום ציבור ווי צום רעדאקציע (אויף א געוויסע פארנעם אזויווי איך וועל באלד פארלייגן).

*

דערנאך האב איך עפעס אבזערווירט נאך אפאר אינטערסאנטע עפיזאדן. שטילערהייט האט זיך עפעס פארמירט א ביזנעס. 'דזשואיש מידיא' הייסט עס, מיט עפעס אן אדרעס אין מאנהעטן, אין די באנק אוו אמעריקע בילדינג.

איך געדענק נאך אין די צייטן פונעם פריערדיגן וועקער האב איך זיך גע'אישי'ט מיטן רעדאַקטאָר. האב איך איהם געפרעגט וואס פאר א רעכטן האט דער ציבור אויפן וועקער. פרעגט ער וואס איך מיין צו פרעגן. האב איך איהם געפרעגט אונטער וועלכע לייסענס זענען די רעכטן. דהיינו, וואס פאסירט אויב איך דרוק צוויי הונדערט שטיקלעך און איך פארקויף עס אין ביהמ''ד, האב איך רעכט עס צו פארקויפן און צו האלטן די געלט?, "לכאורה יא" - האט ער געענטפערט. האב איך איהם געפרעגט אויף א שטאפל העכער: האב איך רעכט צו טוישן און מאדיפיצירן די מאגעזין צו אונטער א נייע נאמען, אדער פארדרייען ארטיקלען? אויף דעם האט ער געענטפערט אז לכאורה נישט. נו, אויב אזוי - האב איך אויסגעפירט - דארף ער מיטגעבן די רעכטן צוזאמען מיט די וועקער.

למעשה זענען די פארצייטישע אפענע רעכטן אויפן וועקער שוין געווען מוחזק ביים ציבור, וואס לייגט דאס שוין אריין בגדר מקום שדרסו בו רבים. און איצט ווען ס'קומט אויף א נייע מלוכה וואס נעמט צו ביים רבים זייערע רעכטן וואס זיי האבן שוין געהאט אין די האנט שפיר איך אז אמווייניגסטנס זאל עס איינער כאטש אנמערקן פארן ציבור.

דער חשבון וואס ער האט געזאגט, אז מען ליינט נישט די וועקער געהעריג ווען ס'איז דיגיטאל, נאר מען געט עס א סקראל אדורך, איז לויט מיין ריסוירטש אויך פאלש. ווען ס'קומט ארויס אויפן גאס גוטע סחורה ליינט מען עס שוין איינמאל, אפגעזען אויף וואספארא פארמאט עס ערשיינט. איך האב יעדע וועקער שנעל ארויסגעדריקט און פיין געליינט בכובד ראש. דער אסיף איז שוין געווען צו גרויס פאר מיין קליינע פרינטער, האביך געדארפט לויפן צום געשעפט און איך האב עס געקויפט, און נאכן הנאה האבן - ווען איך האב עס געוואלט שנעל צייגן פאר איינעם - האב איך געהאט צוטריט דערצו אין אן אפענע פארמאט, און אזוי איז דער וועקער'ס תוכן שטארק פארשפרייטערט געווארן.

היינט צוטאגס איז די הפצה פונעם חומר באגרעניצט צו בערך אזויפיל מוחות וויפיל קאפיעס ס'ווערן פארקויפט. אויפריכטיג וואלט געווען אז ס'זאל ליבערשט זיצן אין די ספרים שאנק אין שטיבל ווי איידער אין א געשעפט'ס ווערהויז אויפן אינטערנעט וואו ס'געדויערט צוויי טאג עס צו קענען האלטן אין די האנט.

*

אצינד האב איך זיך אנגעהויבן קראצן ביים קאפ, ווייל ס'איז מיר שווער צו פארשטיין וואס די אמת'ע חשבון פונעם נייע רעדאקציע איז. א ספעציפישע אגענדע? מעגליך אויך אפאר טאלער מיט די צייט? צו בארשט דארף מען נישט קיין ציין. יעדער איינער וואס איך קען וואס האלט מיט מיטן וועקער האט אנגעמערקט א גרויסע שיפט אין די אגענדע. די אלטע וועקער האט זיך ארויסגעשטעלט אלס אן אינטעלעקטועלע אויסגאבע וואס האט אפעלירט צו זייער אסאך קאטעגאריעס פון אינטעלעקטן. די נייע מענעדזשמענט ווייזט עפעס ארויס אינטערעסע דווקא צו א ספעציפישע אגענדע.

מ'וועט אייביג לייגן אויפן אויבן אן עפעס א מומחה, וואס די רעדאקציע וועט פארלייגן זיינע פראבלעמען מיט אונזער געזעלשאפט צו עס וועט זיך בקרוב טוישן. ווי אויך ספראווען זיי זיך זייער דווקא מיט אינטעלעקטואלע נושאים וואס רירן צו גאר דקות'דיגע עניני דת. נישט אז איך האב א פראבלעם מיט יענע ארטיקלען, נאר די רעדאקציע לייגט עפעס א שטארקע דגוש "דווקא" אויף די סארט ארטיקלען.

די רעדאקציע האלט און איין שרייבן אז זיי זיכן צו סערווירן ארטיקלען וואס זענען נישט דא צובאקומען היינט צוטאגס אויף אידיש, אבער אין רעאליטעט לעכצט דער עולם זייער שטארק נאך אינטעלעקטע טיפע ארטיקלען בכלליות. און אין אמת'ן זענען דא גענוג אנדערע אינטעלעקטועלע נושאים וואס דער עולם איז דארשטיג פאר זיי, אויסער חקירה אדער צו עוואלוציע שטימט מיט די תורה צו נישט. ווי אויך איז די ציבור שטארק אינטערעסירט אויף מעגליכע דראסטישע קאנצעפטן, פלענער און רעפארמען אויף אונזער 'סיסטעם' וואס האבן צופעליג נישט דווקא קיין שייכות מיט די רעדאקטער'ס אגענדע.

אבער מיטן דרייען די אויסגאבע דווקא אין ריכטונג פון אזעלכע נושאים, טרייבט עס מער די פארמאכטע אגענדע פונעם רעדאקטאר ווי איידער די אפענע אגענדע פונעם ציבור.


איצט לייג צו די פראבלעמען וואס איך האב אויסגעלייגט פריער. קומט אויס אז מ'געט פאר דעם עולם דווקא נאר צו ליינען, אבער מען האט דריי-פערטל אפגעהאקט די פלאטפארמע פאר אן אפענע דעבאטע אדער סתם שווער געמאכט אז מ'זאל קענען אויסשמועסן. אזוי ווערן די אלע נושאים אראפגעשארט אריין אין דעם לייענער'ס מוח אינגאנצן איינזייטיג. דאס קען מעגליך אויך זיין א טעם פארוואס די רעדאקציע האט אראפגעשטעלט אזויפיל גדרים וסייגים.

אדער קען אויך "געלט" זיין א חשבון. נישט אויף די מינוט, נאר די רעדאקציע חלומ'ט מעגליך אז די אגענדע זייערע וועט האבן זייער א שטארקע אפעקט אויף אונזער געזעלשאפט, און איין טאג וועט דער וועקער זיין אזוי גרויס ווי דער פארווערטס בשעתו אין די גוטע צייטן, און דאן וועט זיך עס שטארק אויסצאלן. אויב דאס איז טאקע דער אמת'ער פלאן פונעם רעדאקציע, איז שוין יא א גרויסע חוצפה אז דער רעדאקציע אינפארמירט נישט דעם ציבור פונעם אויטענטישן אגענדע. דאס גייט שוין אריין אין א בחינה פון אונאת דברים, גזל הרבים, און לפני עור.

כאטש אפילו איך פארשטיי אז דער רעדאקציע איז די בריח התיכון פונעם אויסגאבע, דאך איז אומריכטיג עווענטועל צו פראפיטירן אויפן חשבון פון אלע אנדערע שרייבערס און נדבנים וואס שטעלן זיך צו מיטן גאנצן הארץ בלינדערהייט, נישט זעהנדיג וואס דא ווערט געפלאנט אונטער זייער רוקן. און אן זייער וואוסנד-זיין פראפעלירן זיי אן אגענדע אקעגן זייער אייגענע ווילן, און דאס נוצן מענטשן - פאר א פריוואטע אגענדע - אנטקעגן זייער רצון איז ווידער נישט ריכטיג.

צום שלוס: דאס זענען מיינע געפילן. עס בענקט זיך די ברייטקייט און אפענקייט פון אמאל, און עס טרויערט אין מיר.
באניצער אוואטאר
קורקלענד
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1617
זיך רעגיסטרירט: מיטוואך דעצעמבער 31, 2014 2:28 pm
האט שוין געלייקט: 1528 מאל
האט שוין באקומען לייקס: 881 מאל

הודעהדורך ראובן » מאנטאג יולי 31, 2017 1:06 pm

כ'קען נישט יעצט ענטפערן אויף אלעם באריכות, אבער לאמיך זאגן אייניגע נקודות.

1. איך שרייב נושאים וואס אינטערעסירן מיר, און דו ביסט מכובד צו שרייבן וואס עס אינטערעסירט דיר. דער וועקער נעמט אן יעדן גוט-געשריבענעם ארטיקל, נישט קיין חילוק צי די אגענדע שטימט מיט מיינע דעות אדער אגענדעס.

2. איך האב איבערגענומען דעם וועקער אן קיין גרויסן חשק, ווי שש וועט גערן מעיד זיין. אבער כמובן, אז כ'טו עס וועל איך עס טון וויאזוי ס'געפעלט מיר און נישט וויאזוי עס געפעלט דיר.

3. אז איינער וויל איבערנעמען דעם וועקער און עס פירן אויף שש'ס מהלך געב איך עס גערן איבער תיכף ומיד.

4. כ'האב נישט יעצט די צייט מאריך צו זיין פארוואס איך וויל אז מ'זאל לייענען דעם וועקער אין פרינט דייקא, אבער בשעתו האב איך עס דורכגעשמועסט מיט אנדערע, און כ'שטיי ווייטער אונטער דער החלטה. (זע נקודות 2 און 3.)

5. אז איינער וויל פרינטן 200 קאפיעס, אדער טויזנט קאפיעס, פונעם וועקער און עס טיילן אומזיסט, אדרבה ואדרבה! מיין ציל איז אז ווי מער מענטשן זאלן האבן צוטריט צו א געדרוקטן וועקער. אדרבה, זאל מען אויסטיילן טויזנטער קאפיעס און ס'זאל נישט אויספעלן צו פארקויפן אויף עמעזאן.
עורו ישנים משנתכם!
באניצער אוואטאר
ראובן
חבר ותיק
חבר ותיק
 
הודעות: 2203
זיך רעגיסטרירט: דאנערשטאג יולי 25, 2013 9:31 pm
האט שוין געלייקט: 2749 מאל
האט שוין באקומען לייקס: 8757 מאל

הודעהדורך פרייוויליג » מאנטאג יולי 31, 2017 1:12 pm

נאכן ליינען דעם תגובה, איז מיר בייגאפאלן א פרושע פשט אינעם "פאר בחנם באקומעט מען כינים". דאס הייסט, אז אפילו ווען עס איז נישט אינגאנצן בחנם, קומען נאכאלס אפיר די כינים און קריכן אפ די געהירן מיט קוועטשענישן און הבלים. ווילאנג "דער וועקער" וועט נישט קאסטן 13 דאלער וועלן די כינים ווידער צוריק קומען.

אזא העלד ווי ראובן, וואס לייגן אריין שעות ארוכות בלוט, שווייס, און ארבעט, און האט כמעט נישט קיין הילף. און נאכדעם וואס ער קומט ארויס מיטן מאגאזין און בעט א מינאמאלע אפצאל, עסט ער נאכאלס לייז. "פאר כמעט בחנם באקומט מען נאכאלס כינים".
באניצער אוואטאר
פרייוויליג
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1557
זיך רעגיסטרירט: מיטוואך דעצעמבער 10, 2014 4:44 pm
האט שוין געלייקט: 1306 מאל
האט שוין באקומען לייקס: 1842 מאל

הודעהדורך פיקאסא » מאנטאג יולי 31, 2017 1:19 pm

שלום וברכה ידידי היקר @קורקלענד

כ'האב נישט קיין צייט יעצט ערב ט' אב , דערפאר וועל איך שטארק מקצר זיין.

צום ערשט בין איך מסכים מיט דיר בכל התוקף אז ראובן האט אן אגענדע, יעדע זעהט דאס קלאר.

אבער קודם אביסעל היסטאריע.. דאס געדאנק פון ארויסגעבן א וועקער (דעמאלס אן א נאמען) איז מיר אריין אין מח נאכן וויילן דא א תקופה אין געזעהן הערליכע חומר אפען סקרין, איך האב געפילט אז דאס איז נישט דזשאסטיפיייד אז די אויתיות זענען אזוי ארעם און נאקעט, האב איך געוואלט ארויסגעבן א ליקוט פון שיין געשריבענע ארטיקלן, באצירן מיט אביסעלע גרעפיקס להנאת הקוראים. לאנג האט מען געזוכט פאר א רעדאקטאר, עד שבא שש משזר און האט גענומען די לייצעס אין הענט אריין. למעשה האט ער געהאט גרעסערע השגות ווי מיר, און געהאט אן אייגענעם אגענע, און ווי אסאך אלטע תושבים דא האבן מסכים געווען מיט אים, אז ס'מוז אויך זיין נייע פרישע סחורה, כדאי די פראיעקט זאל זיין א סוקסעס. וכך הוה, מ'האמיר געמאכט דריי חלקים פון נייע, חדשים גם ישנים און אויך גאר אלטע ארטיקלן בשם מן הגנזים. אונז האבן מיר צוזאמען געשוויצט 6 חדשים. ביידע האבן מיר קיין גרייצער געמאכט, דאך לתועלת הענין האבן מיר מקריב געוועהן שעות ע"ג שעות לטובת אלע ליינער. קיין סאך שקויעך'ס האבן מיר נישט באקומען אבער טענות האט מען באקומען לרחצה. אבער ווי נישט ווי, זענען מיר דער וואס טוען די ארבעט, און מ'קען נישט אייביג צופרידן שטעלן יעדעם איינעם. פארפאלן, יעדער האט זיך זיין אייגענע מיינונג, און מ'דארף טוהן דאס וואס מ'האלט איז די ריכטיגע זאך.

ויקם מלך חדש, אבער נישט אזוי שנעל. לאנגע חדשים האב איך געזוכט א פרישע רעדאקטאר אבער אין קול ואין עונה. עטליכע האבן זיך יא אנגערופן צו העלפן, אבער נאכן זיי מסביר זיין וויפיל שעות ס'גייט אריין דערין, האבן זיי זיך שנעל אפגעזאגט. עד שבא @ראובן דינן, און זיך אריינגעלייגט מיט אן ערנסקייט אין דעם, און אנגעהויבן פירן די זאך מיט א פעסטקייט. אבער ער איז געקומען מיט אן אגענדע! און איך האב נישט מסכים געווען מיט איהם אויף כמה זאכן. אבער זיין אגענדע האט איהם געטריבן און נאר דאס האט איהם געפירט. זיין אגענדע איז געווען 2 זאכן, ראשית כל ער האט געוואלט הייבן די קוואליטי פון דעם וועקער אויף נאך א העכערע שטאפל. והשנית עס זאל ווערן געליינט געהעריג, און דורך מער מענטשען ווי ביז יעצט!

איך האב קלאר געהאלטן אז ס'נישט ריכטיג וואס ער טוט דא, הלמאי קען דאס נישט זיין בחנם, אזוי וועט יעדע קענען נהנה זיין דערפון. אבער הוא בשלו. ער האט געהאלטן אז לטובת הצלחת הענין זאל עס דייקא זיין אין פרינט. און יעצט זעה איך טאקע איין ווי ווייט ער איז געווען גערעכט. איך האב צוריקגעהערט פון דעם וועקער פי כמה איינמאל ס'איז אזוי געגאנגן. ראו כמה גדולים דברי חכמים.סיי ס'קומט אהן ווייטער, און סיי אז מ'ליינט דאס געהעריג ווי א נארמאלע מאגאזין, און אויך שבת קודש ווען מ'האט אפאר איבעריגע מינוט..

בכל מקרה, איז דער וואס פירט די רעדל דער בעל הבית צו פירן די זאך לויט ווי ער פארשטייט. אסאל ארטיקלן ווייס איך שטומט בכלל נישט מיט די מהלך ההשקפה פון ראובן, אבער יעדע ארטיקל וואס איז ראוי צו זעהן דעם אור הדפוס גייט אריין. ס'זייער נישט קיין שיינע זאך צו קומען אין אויספראק'ן איינער וואס געבט זיך אוועק שעות ע"ג שעות פאר אונז אלע, און אראפרייסן מיט טענות - אפי' אויב ס'איז ריכטיג- ווייל ער גייט נישט שוין זיין מיינונג און טוישן די לעוועל פון די וועקער, צו וואס די ווילסט עס זאל זיין.. ס'נאר גורם אז מ'פיהלט נישט קיין עפרישיעישן, און ס'שוואכט אפ די ארבייט.

בלי נדר וועל איך מנדב זיין א געדרוקטער קאפי נעקסטע מאל פאר די @קורקלענד.

אדב פון דעם תגובה, זעה איך אז די פארמאגסט דאך יא א טאלאנט פון שרייבן, איז באווייז דאס פאר יעדעם מיט א הערליכע ארטיקל אינעם נעקסטן וועקער!!


ידידך עוז
פיקאסא
באניצער אוואטאר
פיקאסא
מאנשי שלומינו
מאנשי שלומינו
 
הודעות: 115
זיך רעגיסטרירט: זונטאג מאי 22, 2016 8:33 am
האט שוין געלייקט: 409 מאל
האט שוין באקומען לייקס: 661 מאל

הודעהדורך איך אויך » מאנטאג יולי 31, 2017 1:22 pm

קורקלענד האט געשריבן:



למעשה בין איך געווען גאנץ איבעראשט צו דערזען ווי די נייע רעדאקציע האט פארפירט דעם וועקער אויף אנדערע רעלסן. און בכלל ערצייגט אינגאנצן אן אנדערע סטיל אויסגאבע מיט אן אנדערע אגענדע.

*

איך וויל באטאנען אז דאס זענען געוויסע שינוים וואס באדערן מיר פערזענליך. איך פארלאנג נישט קיין טוישונגען. איך שרייב נאר פארן רעקארד, אז אויב איינער האט מיטגעפיל זאל ער וויסן אז ער איז נישט אליינס.

די נייע רעדאקציע האט איינגעפירט א רייע שינויים דערנאך האבן נאכגעפאלגט א רייע רעפרעקאציעס. די ערשטע זאך האבן זיי געהויבן די קאליבער צום הימל ארויף. זיי האבן דערקלערט די אויסגאבע עפעס אזוי פראפעסיאנאל ווי כאילו מ'רעדט דא פון א מאגעזין אויפן זעלבן קאליבער פונעם טיים מאגעזין. און אזויווי איצט שטייט מען שוין אויף אזא הויכע שטאפל, פאסט שוין נישט אז די אויסגאבע זאל זיין א פועל יוצא פון קאווע שטיבל. שטעלט אייך פאר טיים מאגעזין איז א פועל יוצא פון רעדדיט. ס'מאכט נישט קיין סענס.

דעריבער האט זיך די רעדאקציע בארעכנט צו נעמען שריט אפצוהאקן דער וועקער פון קאווע שטיבל.

ניין נישט אינגאנצן. מ'וועט נאכאלץ קומען אויף קאווע שטיבל צו בעטן פאר ארטיקלען און אנאנסירן א נייע אויסגאבע, אבער דעטס אבאוט איט. אין די וועקער היינט צוטאגס איז נישט דא קיין שום רעפערענצן צום שטיבל. דערווייל איז פארקערט נאך יא דא.

דערנאך האט זיך די רעדאקציע בארעכנט, אז צו לייגן א ניק אלץ א פעדער נאמען פאסט ווייטער נישט. ס'איז נישט פראפעסיאנאל פאר אזא הויכע קאליבער אויסגאבע. פאליק פליקאוויטש הערט זיך מער פראפעסיאנאל ווי פליקער. גאו פיגור. שוין, אראפ מיט די ניקים.

דערנאך האט די רעדאקציע אנאנסירט אז ס'איז זיי געלונגען צו משכנע זיין עפעס א דרויסענדיגע שרייבער וואס זאל שרייבן פאר די קומענדיגע וועקער'ס. ליינענדיג זיינע ארטיקלען מיט עצות טובות, אזאנע ווי "גיין אן אנדערן סארט העמד ווי די אלגעמיינע עולם". אדער "זיך צו גרייטן אויף חתונה האבן ביי א יאנג איזראעל ראביי". געווען א שוואכע נחמה.








*

אצינד האב איך זיך אנגעהויבן קראצן ביים קאפ, ווייל ס'איז מיר שווער צו פארשטיין וואס די אמת'ע חשבון פונעם נייע רעדאקציע איז. א ספעציפישע אגענדע? מעגליך אויך אפאר טאלער מיט די צייט? צו בארשט דארף מען נישט קיין ציין. יעדער איינער וואס איך קען וואס האלט מיט מיטן וועקער האט אנגעמערקט א גרויסע שיפט אין די אגענדע. די אלטע וועקער האט זיך ארויסגעשטעלט אלס אן אינטעלעקטועלע אויסגאבע וואס האט אפעלירט צו זייער אסאך קאטעגאריעס פון אינטעלעקטן. די נייע מענעדזשמענט ווייזט עפעס ארויס אינטערעסע דווקא צו א ספעציפישע אגענדע.

מ'וועט אייביג לייגן אויפן אויבן אן עפעס א מומחה, וואס די רעדאקציע וועט פארלייגן זיינע פראבלעמען מיט אונזער געזעלשאפט צו עס וועט זיך בקרוב טוישן. ווי אויך ספראווען זיי זיך זייער דווקא מיט אינטעלעקטואלע נושאים וואס רירן צו גאר דקות'דיגע עניני דת. נישט אז איך האב א פראבלעם מיט יענע ארטיקלען, נאר די רעדאקציע לייגט עפעס א שטארקע דגוש "דווקא" אויף די סארט ארטיקלען.

די רעדאקציע האלט און איין שרייבן אז זיי זיכן צו סערווירן ארטיקלען וואס זענען נישט דא צובאקומען היינט צוטאגס אויף אידיש, אבער אין רעאליטעט לעכצט דער עולם זייער שטארק נאך אינטעלעקטע טיפע ארטיקלען בכלליות. און אין אמת'ן זענען דא גענוג אנדערע אינטעלעקטועלע נושאים וואס דער עולם איז דארשטיג פאר זיי, אויסער חקירה אדער צו עוואלוציע שטימט מיט די תורה צו נישט. ווי אויך איז די ציבור שטארק אינטערעסירט אויף מעגליכע דראסטישע קאנצעפטן, פלענער און רעפארמען אויף אונזער 'סיסטעם' וואס האבן צופעליג נישט דווקא קיין שייכות מיט די רעדאקטער'ס אגענדע.

אבער מיטן דרייען די אויסגאבע דווקא אין ריכטונג פון אזעלכע נושאים, טרייבט עס מער די פארמאכטע אגענדע פונעם רעדאקטאר ווי איידער די אפענע אגענדע פונעם ציבור.


איצט לייג צו די פראבלעמען וואס איך האב אויסגעלייגט פריער. קומט אויס אז מ'געט פאר דעם עולם דווקא נאר צו ליינען, אבער מען האט דריי-פערטל אפגעהאקט די פלאטפארמע פאר אן אפענע דעבאטע אדער סתם שווער געמאכט אז מ'זאל קענען אויסשמועסן. אזוי ווערן די אלע נושאים אראפגעשארט אריין אין דעם לייענער'ס מוח אינגאנצן איינזייטיג. דאס קען מעגליך אויך זיין א טעם פארוואס די רעדאקציע האט אראפגעשטעלט אזויפיל גדרים וסייגים.

אדער קען אויך "געלט" זיין א חשבון. נישט אויף די מינוט, נאר די רעדאקציע חלומ'ט מעגליך אז די אגענדע זייערע וועט האבן זייער א שטארקע אפעקט אויף אונזער געזעלשאפט, און איין טאג וועט דער וועקער זיין אזוי גרויס ווי דער פארווערטס בשעתו אין די גוטע צייטן, און דאן וועט זיך עס שטארק אויסצאלן. אויב דאס איז טאקע דער אמת'ער פלאן פונעם רעדאקציע, איז שוין יא א גרויסע חוצפה אז דער רעדאקציע אינפארמירט נישט דעם ציבור פונעם אויטענטישן אגענדע. דאס גייט שוין אריין אין א בחינה פון אונאת דברים, גזל הרבים, און לפני עור.

כאטש אפילו איך פארשטיי אז דער רעדאקציע איז די בריח התיכון פונעם אויסגאבע, דאך איז אומריכטיג עווענטועל צו פראפיטירן אויפן חשבון פון אלע אנדערע שרייבערס און נדבנים וואס שטעלן זיך צו מיטן גאנצן הארץ בלינדערהייט, נישט זעהנדיג וואס דא ווערט געפלאנט אונטער זייער רוקן. און אן זייער וואוסנד-זיין פראפעלירן זיי אן אגענדע אקעגן זייער אייגענע ווילן, און דאס נוצן מענטשן - פאר א פריוואטע אגענדע - אנטקעגן זייער רצון איז ווידער נישט ריכטיג.

צום שלוס: דאס זענען מיינע געפילן. עס בענקט זיך די ברייטקייט און אפענקייט פון אמאל, און עס טרויערט אין מיר.


מיין לייק איז בעיקר פאר פאר די נקודות. מי יתן אז דער וואס שטופט דעם אגענדע זאל קומען צם שכל אז לייגן אויפן קאווער איינער ווייסט נישט דעם חילוק צווישן סאטמאר און סושי אדער ביאלע און בעיגלס (ווי ראובן אליינס האט עטליכע מאל באטאנט) איז אפשר מכלומפרשט 'קיהל' אבער עס וועט אין ערגעץ נישט ברענגן און וועט שנעל אויסוועפן.
Follow The Money ׁׂ(מרן Deep Throat ז''ל)
באניצער אוואטאר
איך אויך
חבר ותיק
חבר ותיק
 
הודעות: 5501
זיך רעגיסטרירט: דינסטאג אפריל 10, 2012 2:27 pm
האט שוין געלייקט: 7312 מאל
האט שוין באקומען לייקס: 2479 מאל

הודעהדורך ראובן » מאנטאג יולי 31, 2017 1:32 pm

דאס לייגן היילמאן אויפ'ן קאווער שטרייכט נאר אונטער ווי כ'פרוביר צו זיין זשורנאליסטיש אויפריכטיג מיט'ן וועקער. כ'האב פיינט היילמאן, ווי כ'האב שוין כמה פעמים געשריבן דא אין שטיבל, אבער ער באלאנגט דאך אויפ'ן קאווער ווי כ'בין מסביר אין דער הקדמה. ער איז א וויכטיגע פיגור, צי ס'געפעלט דיר (און מיר) אדער נישט.

און אגב, מיר זוכן נישט קיין "קיהלע" קאווערס. סיי וועלכע פיגור וואס איז וויכטיג פאר אונזער לייענערשאפט קען גיין אויפ'ן קאווער. אז דו ווילסט ערלעדיגן אן אינטערוויו ביי הרב מנשה פילאפ פארשפרעך איך דיר א קאווער.
עורו ישנים משנתכם!
באניצער אוואטאר
ראובן
חבר ותיק
חבר ותיק
 
הודעות: 2203
זיך רעגיסטרירט: דאנערשטאג יולי 25, 2013 9:31 pm
האט שוין געלייקט: 2749 מאל
האט שוין באקומען לייקס: 8757 מאל

הודעהדורך קורקלענד » מאנטאג יולי 31, 2017 1:34 pm

פיקאסא האט געשריבן:בלי נדר וועל איך מנדב זיין א געדרוקטער קאפי נעקסטע מאל פאר די @קורקלענד.

יש''כ אבער עס פעלט אמת'דיג נישט אויס. אזויווי איך האב געשריבן האלט איך עס איז ווערט די געלט. און איך האב געקויפט אלע ראובן'ס וועקער'ס תיקף ומיד. ס'באדערט מיר אבער דער פארמאט. די אסיף האב איך אויך געקויפט אפי' עס איז געווען דאן אין דיגיטאל אויך.
פיקאסא האט געשריבן:אדב פון דעם תגובה, זעה איך אז די פארמאגסט דאך יא א טאלאנט פון שרייבן, איז באווייז דאס פאר יעדעם מיט א הערליכע ארטיקל אינעם נעקסטן וועקער!!

ישר כח פאר די קאמפלימענט. אויב צייט וועט ערלויבן וועל איך זיך משתתף זיין.
באניצער אוואטאר
קורקלענד
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1617
זיך רעגיסטרירט: מיטוואך דעצעמבער 31, 2014 2:28 pm
האט שוין געלייקט: 1528 מאל
האט שוין באקומען לייקס: 881 מאל

הודעהדורך פרייוויליג » מאנטאג יולי 31, 2017 1:42 pm

ראובן האט געשריבן:דאס לייגן היילמאן אויפ'ן קאווער שטרייכט נאר אונטער ווי כ'פרוביר צו זיין זשורנאליסטיש אויפריכטיג מיט'ן וועקער. כ'האב פיינט היילמאן, ווי כ'האב שוין כמה פעמים געשריבן דא אין שטיבל, אבער ער באלאנגט דאך אויפ'ן קאווער ווי כ'בין מסביר אין דער הקדמה. ער איז א וויכטיגע פיגור, צי ס'געפעלט דיר (און מיר) אדער נישט.

און אגב, מיר זוכן נישט קיין "קיהלע" קאווערס. סיי וועלכע פיגור וואס איז וויכטיג פאר אונזער לייענערשאפט קען גיין אויפ'ן קאווער. אז דו ווילסט ערלעדיגן אן אינטערוויו ביי הרב מנשה פילאפ פארשפרעך איך דיר א קאווער.

צב"ש דעם בריוו פונעם אני הקטן "וואס האט נישט געלערנט אין סאטמאר", און אייסערט זיך אז קיינער האט נאכנישט אפגעפרעגט סאטמאר רב. איז נאך א באוויז פון שטארקייט אריין צו לייגן זאכן, וואס טראץ זיי זענען שטותים והבלים, לייגט מען דאס אריין צו האלטן דעם מאגאזין קאלירפול.
באניצער אוואטאר
פרייוויליג
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1557
זיך רעגיסטרירט: מיטוואך דעצעמבער 10, 2014 4:44 pm
האט שוין געלייקט: 1306 מאל
האט שוין באקומען לייקס: 1842 מאל

הודעהדורך איך אויך » מאנטאג יולי 31, 2017 1:59 pm

זאגסטו אז עס איז אויפן זעלבן לעוועל און די זעלבע קאנסעפט ווי דער בלאט. אקעי דאן זאג איך גארנישט.
Follow The Money ׁׂ(מרן Deep Throat ז''ל)
באניצער אוואטאר
איך אויך
חבר ותיק
חבר ותיק
 
הודעות: 5501
זיך רעגיסטרירט: דינסטאג אפריל 10, 2012 2:27 pm
האט שוין געלייקט: 7312 מאל
האט שוין באקומען לייקס: 2479 מאל

Re: מיינע געפילן איבער די "וועקער החדשה"

הודעהדורך טרויבן88 » מאנטאג יולי 31, 2017 2:46 pm

צי @קורקלענד איך האב אלעמאל געהאלטן אז עס דארף זיין א דיסלייק קנעפל אז מען זאל קענען אויסדריקן אן דארפן אפשרייבן א לאנגע ענטפער, עס האט קיינמאל נישט אויסגעפעלט מער ווי יעצט... האסט יעצט אפגעשריבן דיין לענגסטע ארטיקל אויף קאוועשטיבל און סתם געמאלן וואסער, איך וואלט דיר ווען געענטפערט רעספעקטפול אבער אזוי ווי די שרייבט דיין ארטיקל בחוריש/וואלגאריש/אומרעספעקטפול קומט זיך דיר גארנישט, מאלסט אראפ דעם וועקער ווי א קאנספיראציע פון טעראריסטן און בוליס צי פארכאפן די וועקער סתם אויפגעטייפט א שונד בלאט ווי כאילו מען וויל סיי עס צי מאכן מער פארמאכט אין צי אפהאקן פונעם שטיבל, באניצט זיך מיט טעראריסטישע אויסדריקן ווי סטראשענען וכו' אזא געמיינע ארטיקל האב איך שוין לאנג נישט געזען,

שש האט אויך געהאט די פראבלעם מיט די נעמען וויבאלד אסאך מאל איז עס פאני אין אומפאסיג, ער האט עס געלייגט צים סוף פונעם ארטיקל אזוי האט ער געהאלטן אז עס פאסט יא, איז דאך נישט מער ווי גערעכט אז אויב ראובן האלט אז עס פאסט נאכאלץ נישט זאל ער עס טוישן,
און בערך אזוי זעען אויס אלע דיינע אומרעספעקטפולע טענות,
די איידיע עס צי לייגן אין פרינט דייקא איז מסתם די מערסט פארשטענדליכסטע, אויב די פארשטייסט נישט דעס, וואס פארשטייסטו יא?
איך וואלט ווען מאריך געווען אבער איך האב נישט קיין נערוון צי א אזא פאריקטע שרייבער ווי די האסט דיך אראפגעמאלן...
רעדאגירט געווארן צום לעצט דורך טרויבן88 אום מאנטאג יולי 31, 2017 8:45 pm, רעדאגירט געווארן איין מאל בסך הכל.
פארוואס איז דראגס אסור? ווייל מען האט עס אמאל געאסר'ט... אזוי זענען נעבעך ציפול פון אונזערע מנהגים
טרויבן88
ידיד ותיק
ידיד ותיק
 
הודעות: 785
זיך רעגיסטרירט: פרייטאג נאוועמבער 13, 2015 1:15 pm
האט שוין געלייקט: 348 מאל
האט שוין באקומען לייקס: 568 מאל

הודעהדורך טאמבל סאס » מאנטאג יולי 31, 2017 4:37 pm

קורקלענד האט געשריבן:
כאטש אפילו איך פארשטיי אז דער רעדאקציע איז די בריח התיכון פונעם אויסגאבע, דאך איז אומריכטיג עווענטועל צו פראפיטירן אויפן חשבון פון אלע אנדערע שרייבערס און נדבנים וואס שטעלן זיך צו מיטן גאנצן הארץ בלינדערהייט, נישט זעהנדיג וואס דא ווערט געפלאנט אונטער זייער רוקן. און אן זייער וואוסנד-זיין פראפעלירן זיי אן אגענדע אקעגן זייער אייגענע ווילן, און דאס נוצן מענטשן - פאר א פריוואטע אגענדע - אנטקעגן זייער רצון איז ווידער נישט ריכטיג.

צום שלוס: דאס זענען מיינע געפילן. עס בענקט זיך די ברייטקייט און אפענקייט פון אמאל, און עס טרויערט אין מיר.


מיר האסטו נישט קיין סאך מחדש געווען און איך גלייב אז רוב שרייבערס און מסתמא 'אלע' נדבנים זענען גארנישט בלינד און פארשטייען גאנץ גענוי וואס די אגענדע איז, האבן באמערקט דעם שיפט, און האבן אויך שפעקולירט איבער די א.ג. ביזנעס דערפון און פונדעסטוועגן זענען אלע ווארים. פארוואס? ווייל רוב פון אונז זענען העפי דאס צו מחזק זיין אעפ"כ וואס ס'טוט נישט שטימען 'אינגאנצן' מיט אונזערע אינדיווידועל אגענדעס, יעדער פאר זיך...

אזויפיל האסטו נאר אויפגעטוהן אז אויב האבן געוויסע געטראכט ביז יעצט אז דער וועקער איז פולי מיט די סופארט פון קאווע שטיבל פירערשאפט, און ס'איז איין זאך, איז דא וואס שפעקולירן יעצט אז מעגליך נישט. אפשר איז דאס טאקע די מציאות און דו ווילסט דאס לאזן הערן און אפשר איז דאס נישט די מציאות נאר דו ווילסטו מען זאל אזוי מיינען. אזוי צו אזוי איז לעיקוואד צוריק אן באורד און אויב יאיר וועט אויך צוריקקומען גייט מיך שוין באמת נישט אן ענימאר איין וועג אדער דאס אנדערס.
אויב דו מיינסט אז די נומערן וועלן אלעמאל זיגן - דערמאן דיך נאר וויפיל מענטשן די גאז קאמערן האבן געקענט פארנעמען אין א איינצלנע טאג? 10,000 לכל הדעות.
באניצער אוואטאר
טאמבל סאס
חבר ותיק
חבר ותיק
 
הודעות: 3083
זיך רעגיסטרירט: דאנערשטאג מערץ 08, 2012 7:59 am
געפינט זיך: נישט דאס פלאץ.
האט שוין געלייקט: 5328 מאל
האט שוין באקומען לייקס: 2670 מאל

Re: מיינע געפילן איבער די "וועקער החדשה"

הודעהדורך מפוזרי » מאנטאג יולי 31, 2017 6:26 pm

ביטע אויפהערן מיט די אטאקעס און אראפרייסעריי.
@קורקלאנד האט ערווענט וועליד נקודות וואס זענען ווערד א דיסקוסיע.
און ראובן איז גענוג פראפעסיאנאל צו קענען נעמען קריטיק.

ואליך הרב קורקלאנד, צווישן ראובן, פיקאסא און טאמבל סאס ביסטו מער ווייניגער פארענטפערט. איך וויל נאר איין זאך ארויסשטרייכן, דער פראבלעם מיטן וועקער אז ס'ווערט צו פראפעסיאנאל האסטו גוט צוגעטראפן און דאס איז טאקע דער תירוץ אויף אלע דיינע נקודות, ראובן וויל אויפהייבן דעם וועקערס קאליבער וואס העכער, און אלע שינויים זענען געמאכט געווארן מיטן חשבון אז ס'וועט פירן צו דעם מטרה, עכ"פ אזוי האלט ער.

הלוואי וועט דער וועקער טאקע דערגרייכן דער לעוועל פון טיים מאגאזין!

און דאס אפווייכן פונעם שטיבל ציפט טאקע און מעג ווערן אויסגעשמועסט. לדעתי איז קיין ספק אז ס'האט געשאדט פארן שטיבל. און פונדעסטוועגן איז עס מיר ווערד, זאל נאר דער וועקער זיך הייבן. איך גלייב אז נאך פילע חברים האלטן אויך אזוי, ואדרבא זאל דער עולם אריינרעדן.

כאן המקום להזכיר @וואלווי'ס הצעה, צו מאכן אן עקסטערע וועקער אפטיילונג וואו ס'וועט תיכף מיט יעדן וועקער גלייך ווערן געעפנט אשכולות אויף יעדן ארטיקל, אזוי וועט דער שטיבל אויך עפעס האבן דערפון.
דברי אדוננו המלך בעיני, נגידים ומעולים ונכבדים... אבל לא אשבח אותם שהם אמת! - הרמב״ן ליעקב הראשון.
מפוזרי
ידיד ותיק
ידיד ותיק
 
הודעות: 889
זיך רעגיסטרירט: פרייטאג מערץ 20, 2015 8:01 am
האט שוין געלייקט: 1748 מאל
האט שוין באקומען לייקס: 751 מאל

הודעהדורך שמעון וואלף » מאנטאג יולי 31, 2017 6:53 pm

@קורקלענד אזא ארטיקל וואלסטי געמעגט אריינשיקן צום וועקער. דאס איז דאך די אייגענארטיגקייט פון די וועקער אז מ'פארנעמט קריטיג
באניצער אוואטאר
שמעון וואלף
חבר ותיק
חבר ותיק
 
הודעות: 2333
זיך רעגיסטרירט: זונטאג דעצעמבער 14, 2014 1:33 pm
געפינט זיך: אין דרום
האט שוין געלייקט: 3630 מאל
האט שוין באקומען לייקס: 2410 מאל

Re: מיינע געפילן איבער די "וועקער החדשה"

הודעהדורך טרויבן88 » מאנטאג יולי 31, 2017 8:54 pm

@קורקלענד אינטערעסאנט נאר צי זען מי ומי ההולכים, די לאנגע זאק פון אומרעספעקטפולע טענות 2,340 ווערטער און 13,747 אותיות האט נאך 9 שעה אנגעצויגן 4 לייקס, און נישט פון קיין ערנסטע שרייבערס...פון די אנדערע זייט האט די ענטפער פון @ראובן אנגעצויגן 10 לייקס, און נישט סתם לייקס, נאר פון ערענסטע שרייבערס, ווייסט איך שוין ווער האלט וואס, די וואס שרייבן קיינמאל ביטערן און די וואס שרייבן זענען צופרידן,
בלייבט נאר איבער צי שפעקולירן וויאזוי דיין תגובה וואלט אויסגעזען מיט א דיסלייק קנעפל...
רעדאגירט געווארן צום לעצט דורך טרויבן88 אום מאנטאג יולי 31, 2017 10:54 pm, רעדאגירט געווארן איין מאל בסך הכל.
פארוואס איז דראגס אסור? ווייל מען האט עס אמאל געאסר'ט... אזוי זענען נעבעך ציפול פון אונזערע מנהגים
טרויבן88
ידיד ותיק
ידיד ותיק
 
הודעות: 785
זיך רעגיסטרירט: פרייטאג נאוועמבער 13, 2015 1:15 pm
האט שוין געלייקט: 348 מאל
האט שוין באקומען לייקס: 568 מאל

הודעהדורך שמעקעדיג » מאנטאג יולי 31, 2017 9:54 pm

מפוזרי האט געשריבן:ביטע אויפהערן מיט די אטאקעס און אראפרייסעריי.
@קורקלאנד האט ערווענט וועליד נקודות וואס זענען ווערד א דיסקוסיע.
און ראובן איז גענוג פראפעסיאנאל צו קענען נעמען קריטיק.
וירח ה' את ריח הניחוח
באניצער אוואטאר
שמעקעדיג
חבר הכבוד
חבר הכבוד
 
הודעות: 14973
זיך רעגיסטרירט: מיטוואך אפריל 11, 2012 11:11 pm
האט שוין געלייקט: 17502 מאל
האט שוין באקומען לייקס: 17832 מאל

הודעהדורך דער געוואגטער יונגעל » מאנטאג יולי 31, 2017 9:56 pm

שמעקעדיג האט געשריבן:
מפוזרי האט געשריבן:ביטע אויפהערן מיט די אטאקעס און אראפרייסעריי.
@קורקלאנד האט ערווענט וועליד נקודות וואס זענען ווערד א דיסקוסיע.
און ראובן איז גענוג פראפעסיאנאל צו קענען נעמען קריטיק.
באניצער אוואטאר
דער געוואגטער יונגעל
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1400
זיך רעגיסטרירט: מאנטאג דעצעמבער 29, 2014 11:43 pm
האט שוין געלייקט: 1931 מאל
האט שוין באקומען לייקס: 3701 מאל

הודעהדורך קורקלענד » מאנטאג יולי 31, 2017 10:05 pm

פאר די וואס האבן נישט פארשטאנען. איך האב נישט קיין תביעות און נישט קיין טענות. איך האב בלויז ארויסגעשטעלט מיינע אינערליכע געפילן און מחשבות. אז טאמער ס'דא וואס ווילן מיטפילן זאלן זיי וואוסן אז זיי זענען נישט אליינס.

איך האב געוויסט אלע ראובן'ס תירוצים פאר איך האב עס געשריבן. ועל כולם באדערט מיר די אלע נקודות וואס איך האב אויסגעלייגט. איי רעספעקטפולי דיסעגרי מיט איהם. מיר מעגן האלטן אנדערש. איך האלט אז ער האט די ווארט, און איך קען און טאר איהם נישט איינטיילן וואס צו טוהן. ער דארף זיך מיט מיר נישט רעכענען.
איך האב עס נישט געשריבן ווייל איך האב איהם געוואלט איבערעדן. איך האב נאר געוואלט אז מיין מיינונג זאל זיין אוועילעבל צום ציבור.

האלטסט אז איך טאר נישט זאגן מיין מיינונג הויך?
באניצער אוואטאר
קורקלענד
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1617
זיך רעגיסטרירט: מיטוואך דעצעמבער 31, 2014 2:28 pm
האט שוין געלייקט: 1528 מאל
האט שוין באקומען לייקס: 881 מאל

הודעהדורך קורקלענד » מאנטאג יולי 31, 2017 10:25 pm

טאמבל סאס האט געשריבן:אזויפיל האסטו נאר אויפגעטוהן אז אויב האבן געוויסע געטראכט ביז יעצט אז דער וועקער איז פולי מיט די סופארט פון קאווע שטיבל פירערשאפט, און ס'איז איין זאך, איז דא וואס שפעקולירן יעצט אז מעגליך נישט. אפשר איז דאס טאקע די מציאות און דו ווילסט דאס לאזן הערן און אפשר איז דאס נישט די מציאות נאר דו ווילסטו מען זאל אזוי מיינען. אזוי צו אזוי איז לעיקוואד צוריק אן באורד און אויב יאיר וועט אויך צוריקקומען גייט מיך שוין באמת נישט אן ענימאר איין וועג אדער דאס אנדערס.

די קאווע שטיבל פירערשאפט איז גאנץ מעגליך איינס מיטן וועקער....
מיין ספק איז אויף די מעמבערס....
באניצער אוואטאר
קורקלענד
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1617
זיך רעגיסטרירט: מיטוואך דעצעמבער 31, 2014 2:28 pm
האט שוין געלייקט: 1528 מאל
האט שוין באקומען לייקס: 881 מאל

הודעהדורך שבת אחים » דינסטאג אוגוסט 01, 2017 1:51 am

נמחק
באניצער אוואטאר
שבת אחים
חבר ותיק
חבר ותיק
 
הודעות: 5430
זיך רעגיסטרירט: דאנערשטאג מאי 08, 2014 8:39 am
געפינט זיך: ביי א פראטעסט קעגן טראמפּ!
האט שוין געלייקט: 4534 מאל
האט שוין באקומען לייקס: 3224 מאל

הודעהדורך יואליש » דינסטאג אוגוסט 01, 2017 6:25 am

ס'איז מער א ניו יארקער ווי טיים. זי איז אין מיין מיינונג מוסיף על הראשונים, אריגינעל און ווערטפול ווי קיינמאל פריער. די רעספעקט פארן ליינער'ס אומאפהענגיקייט און אינטעלעקט, און איר פערפעקטשיניזם, זעהט זיך אן אויף יעדן בלאט. איך צאל דערפאר גערן ווייל ס'איז נישט דא בדומה לו פאר אומזינסט.
באניצער אוואטאר
יואליש
חבר ותיק
חבר ותיק
 
הודעות: 2476
זיך רעגיסטרירט: זונטאג אפריל 22, 2012 6:36 pm
האט שוין געלייקט: 1571 מאל
האט שוין באקומען לייקס: 3734 מאל

הודעהדורך קורקלענד » דינסטאג אוגוסט 01, 2017 8:16 am

@יואליש. מעגליך אז איר האט מיר נישט אזוי גוט פארשטאנען. איך האב נישט קיין שום פראבלעם מיט די פרייז. איך האלט אז עס איז זייער ביליג. ווען די רעדאקציע וואלט געמאכט די פרייז דרייצן דאלער וואלט איך עס נאך אלץ גערן געקויפט. איך האב זיך בעיקר באצויגן אויף די פרייהייט פון פארמאט, ווי איידער פרייהייט פון פרייז.

איך וואלט אויך פארגעשלאגן אז אפשר אין אפאר חדשים זאל די רעדאקציע פרובירן אויף איין אויסגאבע א העכערע פרייז. און נאך צוויי וואכן עס ארויסלייגן אין א אפענע פארמאט. איך בין נייגעריג צו ס'וואלט געמאכט א גרויסע חילוק אין רעוועניו. ווייל אזויווי איך האב פון אויבן געשריבן איז די וועקער כמעט צוויי הונדערט בלעטער און מ'קען עס סייווי נישט אזוי גרינג דרוקן אליינס
באניצער אוואטאר
קורקלענד
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1617
זיך רעגיסטרירט: מיטוואך דעצעמבער 31, 2014 2:28 pm
האט שוין געלייקט: 1528 מאל
האט שוין באקומען לייקס: 881 מאל

Re: מיינע געפילן איבער די "וועקער החדשה"

הודעהדורך נעגעל וואסער » דינסטאג אוגוסט 01, 2017 8:17 am

באמת וואלט מען געדארפט עפענען אן אשכול סיי ווען שש האט אנגעהויבן מיטן וועקער, און סיי ווען ראובן האט איבערגענומען. עכשיו שלא זכינו, וועט מען מוזן זיין מתוך גנותו בא לידי שבחו.

@ראובן ס'נישט דא קיין ווערטער צו שאצן דאס געוואלדיגע ארבעט וואס די לייגסט אריין. ס'איז לא יאומן כי יסופר. כ'ווייס נישט ווי נאך אין דער וועלט עס קומט ארויס אזא מייסטער זשורנאל גענצליך בחנם. (חוץ הוצאת הדפוס) די האסט געהויבן דער וועקער צו א זייער הויכע לעוועל, דער איינציגסטע חסרון איז אז יתכן מ'איז שוין צו הויעך..
נעגעל וואסער
היימישער באניצער
היימישער באניצער
 
הודעות: 546
זיך רעגיסטרירט: מיטוואך דעצעמבער 30, 2015 9:44 pm
האט שוין געלייקט: 1372 מאל
האט שוין באקומען לייקס: 603 מאל

הודעהדורך יואליש » דינסטאג אוגוסט 01, 2017 9:57 am

קורקלענד האט געשריבן:@יואליש. מעגליך אז איר האט מיר נישט אזוי גוט פארשטאנען. איך האב נישט קיין שום פראבלעם מיט די פרייז. איך האלט אז עס איז זייער ביליג. ווען די רעדאקציע וואלט געמאכט די פרייז דרייצן דאלער וואלט איך עס נאך אלץ גערן געקויפט. איך האב זיך בעיקר באצויגן אויף די פרייהייט פון פארמאט, ווי איידער פרייהייט פון פרייז.

איך וואלט אויך פארגעשלאגן אז אפשר אין אפאר חדשים זאל די רעדאקציע פרובירן אויף איין אויסגאבע א העכערע פרייז. און נאך צוויי וואכן עס ארויסלייגן אין א אפענע פארמאט. איך בין נייגעריג צו ס'וואלט געמאכט א גרויסע חילוק אין רעוועניו. ווייל אזויווי איך האב פון אויבן געשריבן איז די וועקער כמעט צוויי הונדערט בלעטער און מ'קען עס סייווי נישט אזוי גרינג דרוקן אליינס


יש מחיר לאחר זמן ווען א בחינם'דיגע פארמאט מאכט סענס, חוץ אויב ראובן ווייסט אז סעילס פון אלטע אישוס גייען אן שפעטער אויך.
באניצער אוואטאר
יואליש
חבר ותיק
חבר ותיק
 
הודעות: 2476
זיך רעגיסטרירט: זונטאג אפריל 22, 2012 6:36 pm
האט שוין געלייקט: 1571 מאל
האט שוין באקומען לייקס: 3734 מאל

הודעהדורך cictim » דינסטאג אוגוסט 01, 2017 5:18 pm

טאמבל סאס האט געשריבן: אעפ"כ וואס ס'טוט נישט שטימען 'אינגאנצן' מיט אונזערע אינדיווידועל אגענדעס, יעדער פאר זיך...


מען מוז נישט און ס'נישט שייך צו שטימען מיט יעדעם איינעם'ס אגענדעס, אבער ווען "יעדער" האלט, אז מ'שרייבט ווייט ווייט פון השקפות פון היימישע יודן, אודאי אויף אזא האקאלע נושא ווי השקפה, דארף מען קלאר שטעלן פארן עולם די חילוק פון א ערליכע יוד מיט א ברייטערע השקפה און אן אויפגעקלערטער, און אז מ'שרייבט יא פון אזא איינעם דארף מען שרייבן "דאס איז נישט אונזער שטעלונג" אויף יעדע בלאט ווי די ארטיקל ערשיינט, אזוי ווי דער "פסקי תשובות" וואס דער עולם האט טענות אז מ'טאר נישט פסק'נען פון עם, איז נישט גענוג א קליינע "הבהרה" אין די הקדמה אז ס'איז נישט געשריבען "להלכה למעשה" נאר ווי אנדערע זאגן מ'דארף עס שרייבן אויף יעדן דף באזונדער.
cictim
ידיד השטיבל
ידיד השטיבל
 
הודעות: 164
זיך רעגיסטרירט: דאנערשטאג מאי 14, 2015 2:13 pm
האט שוין געלייקט: 0 מאל
האט שוין באקומען לייקס: 93 מאל

הודעהדורך shtriemel » דאנערשטאג אוגוסט 03, 2017 8:33 am

ג"א מצטרף לדברי קורקלאנד - אז די היינטיגע שוואכע דורות ליינען נישט גאנצע חיבורים. נאר מגילות מגילות להשתעשע. וכל מיני מאגאזינען וואס זענען היינט נאר אנליין יוכיח.

כ'האב געוואלט שיקען מיין בחור'ל וואס ליינט דאס קינדליין די ארטיקעל דערוועגען. די גאנצע קונטרס קען איך עם נישט שיקען אין קעמפ…

יעצט נאכען מעורר זיין פיל איך א חיוב נאכאמאל מחזק צו זיין די וואס לייגען אריין אזעלכע כוחות. כה יתן ה' וכה יוסיף. ר' ראובן ראשית אונו און אלע קאנטריביוטערס כה לחי!
חכמה בגויים אל תאמין
shtriemel
ידיד השטיבל
ידיד השטיבל
 
הודעות: 164
זיך רעגיסטרירט: מוצ"ש אקטאבער 31, 2015 12:04 pm
האט שוין געלייקט: 131 מאל
האט שוין באקומען לייקס: 157 מאל

נעקסט

גיי צוריק דער וועקער

ווער איז יעצט דא?

באניצער וואס לייענען דעם פארום: נישטא קיין אנליין באניצער און 4 געסט