סמארטפאן איז יא א שיעבוד - וועקער 13

קאמענטארן און דיסקוסיעס אויף ארטיקלען

סמארטפאן איז יא א שיעבוד - וועקער 13

הודעהדורך פלאוויוס » מיטוואך אוגוסט 15, 2018 9:19 am

איך עפן דעם אשכול אלס א פלאטפארמע צו קענען רעאגירן אויפ'ן ארטיקל וואס איך האב געשריבן אינעם וועקער, ווי א רעקאציע צו א פאריגן ארטיקל פון מיין טייערן ידיד החכם והחוקר הרב יוסף אלבוים. מיין ארטיקל איז נישט בלויז א רעאקציע צו יענעם ארטיקל נאר אויך אינספירירט פון דעם. די געדאנקען זענען געווען שיין צעשריבן און זיי האבן מיך געברענגט צו טראכטן ווייטער.

ובכן עפן איך דא א ווינקל צו דעבאטירן, מפלפל זיין, סיי אויפ'ן ארטיקל און סיי אויף דער טעמע בכלל. איז סמארטפאן א חירות אדער א שיעבוד?
רעדאגירט געווארן צום לעצט דורך פלאוויוס אום מיטוואך אוגוסט 15, 2018 9:36 am, רעדאגירט געווארן איין מאל בסך הכל.
פלאוויוס
היימישער באניצער
היימישער באניצער
 
הודעות: 537
זיך רעגיסטרירט: דינסטאג יולי 22, 2014 10:27 pm
האט שוין געלייקט: 1016 מאל
האט שוין באקומען לייקס: 1052 מאל

הודעהדורך פלאוויוס » מיטוואך אוגוסט 15, 2018 9:27 am

למשל, ס'לאזט זיך דעבאטירן אז דער סמארטפאן איז בסך הכל א ווירטועלע וועלט מיט א סך חירות'ן און שיעבודים, פונקט ווי אין אמת'ן לעבן. די מלחמה אונזערע דארף זיין נישט קעגן סמארטפאן נאר קעגן אלע פרטים אינעם סמארטפאן וואס נעמען אוועק דעם חירות. ביי איינעם קען זיין פעיסבוק א הויפט שטער אין לעבן, ביי א צווייטן איז עס וואטסעפ, אדער סאציאלע מידיע בכלל. ובכן אנשטאט צו דעבאטירן צי דער סמארטפאן איז א שעבוד אדער נישט, דארף מען אפשר זיך קאנצענטרירן אויף יענע פרטים אינעם סמארטפאן וואס מאכן שווער דאס לעבן און מ'זאל פארלייגן אלע כוחות קעגן דעם. (איך מיין נישט אז עסקנים זאלן קעמפן קעגן דעם, דאס איז לעכערליך, נאר איך מיין יעדער מענטש פאר זיך.)

די פראגע איז צי סמארטפאן קען ווערן אפגעטיילט פון זיינע רייכע פונקציעס. צי מ'קען בכלל זאגן אז ס'איז נישט דער סמארטפאן נאר געוויסע פרטים אין אים. בקיצור, דאס אלעס איז אפן פאר דעבאטע.
פלאוויוס
היימישער באניצער
היימישער באניצער
 
הודעות: 537
זיך רעגיסטרירט: דינסטאג יולי 22, 2014 10:27 pm
האט שוין געלייקט: 1016 מאל
האט שוין באקומען לייקס: 1052 מאל

Re: סמארטפאן איז יא א שיעבוד - וועקער 13

הודעהדורך ליטוואק פון בודאפעסט » מיטוואך אוגוסט 15, 2018 11:02 am

איך ווייס נישט אז ׳דעבאטע׳ איז די געזוכטע ווארט דא. עס איז אפן פאר מחשבה, יעדער אין זיין לעבן. פאר אים איז עס אזא סארט שיעבוד און א צווייטען אזא סארט שיעבוד, ביי געוויסע איז די שיעבוד א נעגאטיווע ערשיינונג און ביי אנדערע א פאזיטיווע. עכ"פ חומר למחשבה פאר יעדער.

Sent from my LG-K373 using Tapatalk
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
חבר ותיק
חבר ותיק
 
הודעות: 7411
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 2663 מאל
האט שוין באקומען לייקס: 7003 מאל

הודעהדורך קורקלענד » מיטוואך אוגוסט 15, 2018 11:10 am

הוגה האט נישט געשריבן אז א סמארט-פאון קען נישט זיין קיין שיעבוד, און פלאוויוס האט נישט געשריבן אז אויסשליסליך ווער ס'האט נישט קיין סמארט-פאון איז פריי. לדעתי זאגן ביידע שיינע געדאנקען, און זענען ביידע קרוב זה לזה אסאך מער ווי איך האב זיך גערעכנט.

ביידע ארטיקלען זענען שיינע ארבייט, אינטערעסאנט און גוט געשריבן.
באניצער אוואטאר
קורקלענד
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1508
זיך רעגיסטרירט: מיטוואך דעצעמבער 31, 2014 3:28 pm
האט שוין געלייקט: 1442 מאל
האט שוין באקומען לייקס: 785 מאל

הודעהדורך העניך » מיטוואך אוגוסט 15, 2018 11:22 am

הרב פלאוויוס, א גרויסן דאנק פאר דיין ארטיקל. זייער הנאה געהאט.

איך האב אין דער פארגאנגענהייט געשריבן א געדאנק וואס קען ווארפן א שטיקל ליכט אויף דער טעמע, זע מיין ארטיקל "אדיקטעד צום טעלעפאן און די ברילן?".
העניך
ידיד השטיבל
ידיד השטיבל
 
הודעות: 320
זיך רעגיסטרירט: מאנטאג יאנואר 25, 2016 6:54 pm
האט שוין געלייקט: 362 מאל
האט שוין באקומען לייקס: 1674 מאל

הודעהדורך פלאוויוס » מיטוואך אוגוסט 15, 2018 11:56 am

העניך האט געשריבן:הרב פלאוויוס, א גרויסן דאנק פאר דיין ארטיקל. זייער הנאה געהאט.

איך האב אין דער פארגאנגענהייט געשריבן א געדאנק וואס קען ווארפן א שטיקל ליכט אויף דער טעמע, זע מיין ארטיקל "אדיקטעד צום טעלעפאן און די ברילן?".


איך זע וואס דו האסט דארט געשריבן אבער איך בין נישט איינשטימיג מיט דעם. יעדע זאך וואס א מענטש קען נישט לעבן אן דעם (אדער ער ניצט עס איבער דער מאס) איז א שיעבוד. א גוטע זאך קען אויך זיין א שעבוד. דו ברענגסט א ביישפיל פון ברילן, אבער דער מענטש וואס ניצט ברילן קען פשוט נישט זען גוט אן דעם. אויב וואלט ער יא געקענט זען אן דעם נאר אן עמאציאנעלע/גייסטישע סיבה לאזט אים נישט קוקן צו דער וועלט אן קיין ברילן וואלט עס געהייסן א געהעריגער שיעבוד. דאס אז דער מענטש ניצט די ברילן בסך הכל אויף צו זען די וועלט מאכט עס נישט אויס שיעבוד.

דאס זעלבע איז מיטן סמארטפאן. ס'איז אמת אז דארט זענען דא אן א שיעור פונקציעס אבער דער שיעבוד איז צו דער מאשינקע. די פראגע איז נאר צי מ'קען טעארעטיש זיך באפרייען פון דער מאשינקע אפילו ווען מ'פארמאגט עס אין טאש, דורכ'ן באקעמפן יענע פרטים וואס פארוואנדלען דעם סמארטפאן אין א שעבוד (ווי למשל סאציאלע מידיע). כדי צו קענען אויף דער פראגע וואלט מען מסתמא געדארפט דורכפירן אן ערנסטע סאציאלאגישע פארשונג אויף אן אקאדעמישן פארנעם, וויבאלד אונזערע מיינונגען קענען דא נישט מכריע זיין.

איך וועל געבן נאר איין ביישפיל ווי שווער ס'איז צו טרעפן א קלארן ענטפער אויף דער פראגע. לאמיר זאגן אז צו פירן באנק חשבונות אויפ'ן סמארטפאן איז פאר זיך נישט קיין שום שיעבוד, אבער סטאטיסטיש קומט אויס אז ווען א מענטש דארף ניצן דעם סמארטפאן צו פירן זיין באנק אקאונט וועט ער ממילא שוין אויך קוקן די נייעס מער מאל אין טאג. דא האסטו אן אומדירעקטע תוצאה פון שיעבוד וואס קומט ארויס דורכ'ן אומשולדיגן באנק עפפ. מיר קענען דא פילאזאפירן פון היינט ביז איבערמארגן, אבער ס'וואלט געדארפט ערגעץ זיין א געהעריגע שטודיע וואס זאל קענען דערקענען די גענויע פרטים פונעם פראבלעם. דער פאקט איז אז אין אלע שיכטן פון דער געזעלשאפט זענען דא מענטשן וואס ווערן אריינגעצויגן אויף א ריזיגן פארנעם קעגן זייער ווילן, און זיי פארשטייען נישט געהעריג וואו דער הונט ליגט באגראבן...
פלאוויוס
היימישער באניצער
היימישער באניצער
 
הודעות: 537
זיך רעגיסטרירט: דינסטאג יולי 22, 2014 10:27 pm
האט שוין געלייקט: 1016 מאל
האט שוין באקומען לייקס: 1052 מאל

הודעהדורך העניך » מיטוואך אוגוסט 15, 2018 12:20 pm

איך בין גענצליך מסכים, הרב פלאוויוס, און כ'האב נישט געמיינט צו זאגן אנדערש. נאר ווי כ'האב געשריבן, אז כ'האלט אז דער פארגלייך צו ברילן ווארפט "א שטיקל ליכט" וואס פעלט אויס פאר דער דעבאטע און די פראגעס ארום. מ'דארף לייגן דעם סמארטפאון אין פערספעקטיוו און ריכטיג פארשטיין וואס דאס איז, און נאר דאן קען מען אויפריכטיג דעבאטירן וואס די פראבלעמען דערמיט זענען.
העניך
ידיד השטיבל
ידיד השטיבל
 
הודעות: 320
זיך רעגיסטרירט: מאנטאג יאנואר 25, 2016 6:54 pm
האט שוין געלייקט: 362 מאל
האט שוין באקומען לייקס: 1674 מאל

הודעהדורך פלאוויוס » מיטוואך אוגוסט 15, 2018 12:24 pm

גוט. איך פארשטיי וואס דו זאגסט. ס'קען אבער זיין אז דער פארגלייך צו ברילן איז נישט אקוראט, וויבאלד ברילן איז סוף כל סוף א מיטל וואס ערמעגליכט דאס זען און ס'איז נישט בלויז אן עמאציאנעלע/פסיכישע אילוזיע אז מ'דארף עס האבן.
פלאוויוס
היימישער באניצער
היימישער באניצער
 
הודעות: 537
זיך רעגיסטרירט: דינסטאג יולי 22, 2014 10:27 pm
האט שוין געלייקט: 1016 מאל
האט שוין באקומען לייקס: 1052 מאל

הודעהדורך יעקב מענטש » מיטוואך אוגוסט 15, 2018 12:40 pm

שוין עטליכע יאר וואס איך פיהר מיך צו לאזן מיין סמארטפאון אינדערהיים צופרי און ביינאכט ווען איך גיי אין ביהמ"ד, לאנג פאר די 'עסקנים' האבן אפגעמאכט צו נוצן קדושת ביהמ"ד פאר זייער אגענדע מיטן סמארטפאון.

איך פלעג פשוט פיהלן א נערוועזיקייט מיטן קוקן כסדר צו זעהן אויב איינער האט מיך גערופן וכו', און איך בין נישט קיין מענטש וואס איז hooked צו וואצעפפ גרופעס וכו' (דאס יא איך פיהר א גרויס חלק פון מיין ביזנעס פון מיין טעלעפאון), שבת פלעגט זיין ביי מיר די רואיגסטע טאג (לאו דוקא צוליב דעם, שבת קען מען נישט מאכן קיין געלט, בין איך נישט נערוועז אז איך מאך נישט... אבער דאס האט אויך צוגעגעבן). האב איך מחליט געווען צו עקסטענדן דעם שבת ביז זונטאג צופרי, און א גאנצע וואך צופרי און ביינאכט.

איך ווייס נישט צו דאס קען אויסקלארן די ספיקות אין דעם 'דעבאטע', אבער איך מיין אז מיין עקספיריענס איז עפעס וואס כמעט יעדע אינגערמאן קען רילעיטן.
יעקב מענטש
ידיד ותיק
ידיד ותיק
 
הודעות: 881
זיך רעגיסטרירט: דינסטאג אפריל 28, 2015 5:40 pm
האט שוין געלייקט: 798 מאל
האט שוין באקומען לייקס: 795 מאל

הודעהדורך העניך » מיטוואך אוגוסט 15, 2018 12:42 pm

פלאוויוס האט געשריבן:גוט. איך פארשטיי וואס דו זאגסט. ס'קען אבער זיין אז דער פארגלייך צו ברילן איז נישט אקוראט, וויבאלד ברילן איז סוף כל סוף א מיטל וואס ערמעגליכט דאס זען און ס'איז נישט בלויז אן עמאציאנעלע/פסיכישע אילוזיע אז מ'דארף עס האבן.

אמת. דער פארגלייך צו ברילן איז נישט לגבי ווי שטארק עס פעלט אויס, נאר לגבי דיאגנאזירן אדיקשאן.
העניך
ידיד השטיבל
ידיד השטיבל
 
הודעות: 320
זיך רעגיסטרירט: מאנטאג יאנואר 25, 2016 6:54 pm
האט שוין געלייקט: 362 מאל
האט שוין באקומען לייקס: 1674 מאל

הודעהדורך לבי ובשרי » מיטוואך אוגוסט 15, 2018 1:01 pm

באמת האט מיין פעדער לעצטנס ארויסגעשריבן דעם לעצטן מאמר פון פלאוויוס, נישט ממש... נאר דעם געדאנק, עס איז מים שאין להם סוף, און דעריבער איז דאס נישט געקומען קיינמאל צו קיין ענדע. עוד חזון
לבי ובשרי
ידיד השטיבל
ידיד השטיבל
 
הודעות: 159
זיך רעגיסטרירט: זונטאג נאוועמבער 19, 2017 11:02 pm
האט שוין געלייקט: 64 מאל
האט שוין באקומען לייקס: 33 מאל

Re: סמארטפאן איז יא א שיעבוד - וועקער 13

הודעהדורך טרויבן88 » מיטוואך אוגוסט 15, 2018 2:32 pm

פלאוויוס האט געשריבן:איך עפן דעם אשכול אלס א פלאטפארמע צו קענען רעאגירן אויפ'ן ארטיקל וואס איך האב געשריבן אינעם וועקער, ווי א רעקאציע צו א פאריגן ארטיקל פון מיין טייערן ידיד החכם והחוקר הרב יוסף אלבוים. מיין ארטיקל איז נישט בלויז א רעאקציע צו יענעם ארטיקל נאר אויך אינספירירט פון דעם. די געדאנקען זענען געווען שיין צעשריבן און זיי האבן מיך געברענגט צו טראכטן ווייטער.

ובכן עפן איך דא א ווינקל צו דעבאטירן, מפלפל זיין, סיי אויפ'ן ארטיקל און סיי אויף דער טעמע בכלל. איז סמארטפאן א חירות אדער א שיעבוד?
נאכנישט געליינט די ארטיקל, אבער איך האב שוין ערווענט די נושא אין די ארטיקל http://www.kaveshtiebel.com/viewtopic.php?p=384467#p384467
פארוואס איז דראגס אסור? ווייל מען האט עס אמאל געאסר'ט... אזוי זענען נעבעך ציפול פון אונזערע מנהגים
טרויבן88
ידיד ותיק
ידיד ותיק
 
הודעות: 775
זיך רעגיסטרירט: פרייטאג נאוועמבער 13, 2015 2:15 pm
האט שוין געלייקט: 330 מאל
האט שוין באקומען לייקס: 566 מאל

הודעהדורך רבינו לוי בר גרשום » זונטאג אוגוסט 19, 2018 4:19 pm

די גאנצע נושא פין סמארטפאון, אין וויאזוי עס אפעקטירט די מענטשע'ס לעבן איז אן אור אלטע טעמע וואס גדולי ראשונים אזוי ווי די רמב"ם האבך שוין דיסקוטירט, אין עס רופט זיך בלשון הקודש "מידות" אזוי ווי דער רמב"ם איז מסביר אין יד החזקה ( הל' מדע) אז יעדע מידה אין די וועלט איז גוט צי האבן דערפין די ריכטיגע באלאנסת אדער ווי ער רופע עס בל' הק' "שביל הזהב" די סמארטפאון איז נאר נאך א וועג וויאזוי אונז מענטשען קענען פראקטאצירן אין ארויסברענגען אונזערע מידות אין פערזענליכקייטן מכח אל הפועל, אין טאקע יא עס וועט זיין מענטשען וואס פאר זיי איז עס א שיעבוד פונקט ווי עס איז דא מענטשען וואס ליינען "דער שטערן" קען זיי ח"ו מאכן גוים (איך וויצל נישט עס איז אמת"דיג דא מענטשען וואס האלטן אזוי) די נושא איז רחוק מני אלף אין מען קען דעבאטירן לאנגע שעות אבער איך האב פשוט געוואלט ארויסברענגען דעת קדשי אויף א קורצן אויפ'ן.
רבינו לוי בר גרשום
א גאסט אין שטיבל
א גאסט אין שטיבל
 
הודעות: 4
זיך רעגיסטרירט: פרייטאג אוגוסט 17, 2018 10:45 am
האט שוין געלייקט: 0 מאל
האט שוין באקומען לייקס: 2 מאל

Re: סמארטפאן איז יא א שיעבוד - וועקער 13

הודעהדורך קל וחומר » זונטאג אוגוסט 19, 2018 4:40 pm

ווער מאכט אפ וואס הייסט שיעבוד און וואס הייסט חירות?
בפשטות ווי ברייטער א מענטשנס אפציעס אלס מער חירות.
ווער זאגט אז לעבן אין נאטור און נישט קענען רעדן צו מענטשן נאר פנים אל פנים איז מער חרות? די פאקט אז אזוי איז געווען ביז לעצטענס זאגט נישט גארנישט וויבאלד ס'נישט געווען שייך אנדערש. אדרבה, לדבריך זענען מענטשן אין תפיסה די גרעסטע בעלי חרות וויבאלד זיי האבן מינימאלע קאמיוניקאציע מיט אנדערע מענטשן. א קעניג וואס קען טוהן ככל העולה על רוחו האט די ווינציגסטע חירות ווייל ער קען פארשלעפט ווערן דורך זיינע פילע אפציעס.
קל וחומר
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1783
זיך רעגיסטרירט: פרייטאג דעצעמבער 04, 2015 4:42 am
האט שוין געלייקט: 2718 מאל
האט שוין באקומען לייקס: 2518 מאל

הודעהדורך הקטן » זונטאג אוגוסט 19, 2018 5:54 pm

דו קענסט אוועק לייגן די סעל פאר דריי שעה?
אסך קענען נישט

איך קען מערערע עדיקטס וואס זאגן זיי קענען סטאפען ווען זיי ווילן
די תוצאה פון אפהאקן א קינד פון די עלטערן איז גענוי ווי ארויסשניידן א חלק פון זייער מוח, א מעוות לא יוכל ליתקן אוועקנעמען קינדער פון עלטערן אפי' נאר למחצה לשליש ולרביע איז גארנישט ווייניגער געפארפול פון מאלעסטעשאן. - בנים אתם לה' אלוקיכם
הקטן
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1863
זיך רעגיסטרירט: דינסטאג מאי 15, 2012 7:30 pm
האט שוין געלייקט: 1586 מאל
האט שוין באקומען לייקס: 871 מאל

Re: סמארטפאן איז יא א שיעבוד - וועקער 13

הודעהדורך קל וחומר » זונטאג אוגוסט 19, 2018 7:25 pm

הקטן האט געשריבן:דו קענסט אוועק לייגן די סעל פאר דריי שעה?
אסך קענען נישט

איך קען מערערע עדיקטס וואס זאגן זיי קענען סטאפען ווען זיי ווילן
קודם כל שרייבט ער אין ארטיקל אז ער רעדט נישט פון עדיקטס, אבער איך וועל דיר ענטפערן אפילו לשיטתם, קען א קעניג אויפגעבן זיין מלוכה פאר דריי שעה? פרעג קים יאנג און.
קל וחומר
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1783
זיך רעגיסטרירט: פרייטאג דעצעמבער 04, 2015 4:42 am
האט שוין געלייקט: 2718 מאל
האט שוין באקומען לייקס: 2518 מאל

Re: סמארטפאן איז יא א שיעבוד - וועקער 13

הודעהדורך קל וחומר » זונטאג אוגוסט 19, 2018 7:27 pm

אגב, איך פערזענליך לייג מיין פאון אויף עראפלאן מאוד פאר בערך צעהן שעה יעדן טאג (כולל 5-6 שעה שלאף שטייצעך).
קל וחומר
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1783
זיך רעגיסטרירט: פרייטאג דעצעמבער 04, 2015 4:42 am
האט שוין געלייקט: 2718 מאל
האט שוין באקומען לייקס: 2518 מאל

הודעהדורך הקטן » זונטאג אוגוסט 19, 2018 7:51 pm

איז פאר דיר קלאר אז לעבען וואו קים יאנג און, אן די אפציע פין זיי אן איינפאכע בירגער, הייסט פריי?
אויב דער בירגער קען נישט זיין קיין קעניג און דער קעניג קען נישט זיין קיין בירגער בלייבט איבער פשוט צי מעסטען ווער האט מער אפציעס, אדער א יעדער אפציע האט א געוויכט און דאס רעכענט מען ציזאם ?

יצעט בלייבט איבער צי רעכענען וואס דער סמארפאן געט צי און וואס עס נעמט אוועק פין דעם געווענדליכען אינגערמאן
למשל wase איז א +5 זיך אפגעבען מיט די קינדער -28
די תוצאה פון אפהאקן א קינד פון די עלטערן איז גענוי ווי ארויסשניידן א חלק פון זייער מוח, א מעוות לא יוכל ליתקן אוועקנעמען קינדער פון עלטערן אפי' נאר למחצה לשליש ולרביע איז גארנישט ווייניגער געפארפול פון מאלעסטעשאן. - בנים אתם לה' אלוקיכם
הקטן
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1863
זיך רעגיסטרירט: דינסטאג מאי 15, 2012 7:30 pm
האט שוין געלייקט: 1586 מאל
האט שוין באקומען לייקס: 871 מאל

הודעהדורך קורקלענד » זונטאג אוגוסט 19, 2018 7:55 pm

וויאזוי קען מען אביעקטיוו אויפקומען וויפיל פוינטס ס'גייט פאר יעדע מעלה/חסרון?
באניצער אוואטאר
קורקלענד
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1508
זיך רעגיסטרירט: מיטוואך דעצעמבער 31, 2014 3:28 pm
האט שוין געלייקט: 1442 מאל
האט שוין באקומען לייקס: 785 מאל

הודעהדורך הקטן » זונטאג אוגוסט 19, 2018 10:09 pm

מיז נישט זיין אביעקטיוו, זאל זיין סויבעקיוו, וויפיל איז דיר ווערט waze, online banking, chat
פין די אנדערע זייט וויפיל איז דיר ווערט מנחת הנפש, קוואלעטי צייט מיט ווייב אין קינדער און נאך
נישט פאר א יעדעם איז דאס די זעלבע ווערט און נישט א יעדער ווערט געשטערט אויף די זעלבע לעוועל

א גרויס חלק פין מנחת הנפש וואס די כלי בארויבט רוב פין אינז, איז זייער שווער צי מעסטען -
וואו אנגעצויגן ביסטו אויף האסטו נישט דיין פאן בטעות פאר א האלבע שעה?
ווען די שטייסט ליידיג איין מעניט, ווארטענדיג אויף די עלעוועטער, גייט דיין האנט אויטעמאטיש צי דיין פאן?
וויפיל מאל זיצענדיק מיט דיין ווייב אויפן קאטש האסטו די urge ארויסצינעמען די פאן?
ביסטו שוין געבליבן לענגער אין קאר מיט א האלבע שעה ווייל ביסט געווען ביזי מיט דיין פאן בשעת זי האט געווארט אויף דיר, האסט געזאגט קימסט שוין?
האסטו איר פארציילט א מעשה מיט בוידעם פארוואס דו ביסט אהיימגעקימען שפעט?
...
...
ווער וויל ממשיך זיין
רעדאגירט געווארן צום לעצט דורך הקטן אום זונטאג אוגוסט 19, 2018 10:18 pm, רעדאגירט געווארן איין מאל בסך הכל.
די תוצאה פון אפהאקן א קינד פון די עלטערן איז גענוי ווי ארויסשניידן א חלק פון זייער מוח, א מעוות לא יוכל ליתקן אוועקנעמען קינדער פון עלטערן אפי' נאר למחצה לשליש ולרביע איז גארנישט ווייניגער געפארפול פון מאלעסטעשאן. - בנים אתם לה' אלוקיכם
הקטן
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1863
זיך רעגיסטרירט: דינסטאג מאי 15, 2012 7:30 pm
האט שוין געלייקט: 1586 מאל
האט שוין באקומען לייקס: 871 מאל

הודעהדורך קורקלענד » זונטאג אוגוסט 19, 2018 10:15 pm

אויב ס'איז סוביעקטיוו קען מען אבער דאדאך נישט זעהן צו מ'איז באמת אדיקטירט. וויאזוי קען א מענטש פאר זיך מעסטן? וואס איז די בענטשמארק? וואס איז די פאָרמולע?
באניצער אוואטאר
קורקלענד
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1508
זיך רעגיסטרירט: מיטוואך דעצעמבער 31, 2014 3:28 pm
האט שוין געלייקט: 1442 מאל
האט שוין באקומען לייקס: 785 מאל

הודעהדורך הקטן » זונטאג אוגוסט 19, 2018 10:23 pm

ווילסט וויסן סייענטיפיש אדער דיר איז נוגע צי דו גייסט ארויס מיט ריווח
איך רעד נישט פין עדיקשען אינעם פולען זין פין ווארט

אין יעדנספאל מיין איך אז דו האסט היינט פאברענגט דא פיל מער וויפיל דו וואלסט געוואלט, דו האסט זיך שוין אזויפיל מאל נאך אזא טאג מקבל געווען אויף זיך אז מער נישט, אבער...
בין איך גערעכט?
הקטן
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1863
זיך רעגיסטרירט: דינסטאג מאי 15, 2012 7:30 pm
האט שוין געלייקט: 1586 מאל
האט שוין באקומען לייקס: 871 מאל

הודעהדורך קורקלענד » זונטאג אוגוסט 19, 2018 11:36 pm

איך פארברענג דא ווען איך האלט זיך צוריק פון טוהן עפעס וויכטיקער, אבער ווען איך פארשליס קאווע שטיבל אדער די סמארט-פאון, אדער סיי וועלכע אנדערע צייט פארשווענדער העלפט עס נישט, ווייל ס'נישט אזויפיהל אז איך גליסט די פלאץ דא ווי אז איך וויל אנטלויפן פון געוויסע טעסקס וואס איך האלט נישט ביים טוהן. אז ס'פעלט אויס צייל איך די טיילס אויפן דאך, איך וועל טראכטן און טראכטן און שפעקולירן אזוי אז שעות וועלן פארביי גיין אן ארלעידיגן וואס ס'דארף ווערן ארלעידיגט.

קען זיין אז איך פאָפּ זיך אבער באופן כללי ארבעט איך אזוי.
באניצער אוואטאר
קורקלענד
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1508
זיך רעגיסטרירט: מיטוואך דעצעמבער 31, 2014 3:28 pm
האט שוין געלייקט: 1442 מאל
האט שוין באקומען לייקס: 785 מאל

הודעהדורך הקטן » מאנטאג אוגוסט 20, 2018 12:09 am

איז לאמיך דיך געבן וואס צי טון, נעקסט טיים
Procrastination Priorty
די תוצאה פון אפהאקן א קינד פון די עלטערן איז גענוי ווי ארויסשניידן א חלק פון זייער מוח, א מעוות לא יוכל ליתקן אוועקנעמען קינדער פון עלטערן אפי' נאר למחצה לשליש ולרביע איז גארנישט ווייניגער געפארפול פון מאלעסטעשאן. - בנים אתם לה' אלוקיכם
הקטן
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1863
זיך רעגיסטרירט: דינסטאג מאי 15, 2012 7:30 pm
האט שוין געלייקט: 1586 מאל
האט שוין באקומען לייקס: 871 מאל

הודעהדורך קורקלענד » מאנטאג אוגוסט 20, 2018 1:26 pm

הקטן האט געשריבן:איז לאמיך דיך געבן וואס צי טון, נעקסט טיים
Procrastination Priorty

וויי איז מיר אויף וויפיל צייט איך האב שוין פראקראסטאנירט און פארברענט אויף יו-טוּבּ ווידעא'ס וואס העלפן פארמינערן פראקראסטינאציע. אבער א איד געט נישט אויף, אפשר דאך וועט די ווידעא יא ארבייטן.....
באניצער אוואטאר
קורקלענד
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1508
זיך רעגיסטרירט: מיטוואך דעצעמבער 31, 2014 3:28 pm
האט שוין געלייקט: 1442 מאל
האט שוין באקומען לייקס: 785 מאל

נעקסט

גיי צוריק דער וועקער

ווער איז יעצט דא?

באניצער וואס לייענען דעם פארום: נישטא קיין אנליין באניצער און איין גאסט