חסידים אלס אטראקציע -אינטערוויו מיט פרידא וויזעל (וועקער 17)

קאמענטארן און דיסקוסיעס אויף ארטיקלען

חסידים אלס אטראקציע -אינטערוויו מיט פרידא וויזעל (וועקער 17)

הודעהדורך צמח » דאנערשטאג מערץ 26, 2020 7:05 pm

צום שלוס פון אפהאלטן דעם אינטערוויו מיט פרידא וויזעל איז מיר איינגעפאלן א פלאן זיך נישט בלויז צו באגנוגען מיט הערן נאר אויך זען, כמאמר החכם אינו דומה שמועה לראי' און כ'האב געהאט גערעכנט פערזענליך מיטצוהאלטן א טור און ברענגען אן אריגינעלער באריכט דא פאר'ן ציבור, אבער מה נעשה אז פון הימל האט מען אנדערש געוואלט וקפץ עלינו רגזו של קאראנא וויירוס און אלע פלענער זענען זיך צערינען, איז אפשר, וועלן מיר דאס משלים זיין אין א קומענדיגער געלעגנהייט.

דערווייל עפען איך אויף דעם אשכול פאר הערות און הגהות אויף דעם אינטערוויו. קאמענטארן ווי קריטיק זענען וועלקאם.

כ'וויל באטאנען אז אין דעם ארטיקל איז אריין צענדליגער שעות פון ארבעט, סיי פארש ארבעט, צו אינטערוויואירן און דערנאך צו שרייבן און איך וואלט זייער הנאה געהאט צו הערן פידבעק. אין מיין מיינונג בארירט עס זייער אסאך טעמעס און עפנט אויף א ברייטע טיר פאר ווייטערדיגע שמועסן איבער א רייע נושאים.

ס'איז וויכטיג צו נעמען אין באטראכט אז דער ארטיקעל איז געשריבן מיט א ציל ארומצונעמען אך ורק די וויכטיגע און אקטועלע טעמע פון "טוריזם" והמסתעף, אבער האט נישט געהאט קיין שום אינטערעסע צו בארירן זייטיגע נושאים ווי די ערשיינונג פון או.טי.די. במחנינו, אדער איבער די ראלע פון נשים אין היימישן לאגער. זיכער זאל עס אויף קיין שום פאל נישט אויסגעטייטשט ווערן ווי א פערזענליכע לעבנס-געשיכטע פון סיי וועמען, ודי בזה.

איך וויל מיך באדאנקען פאר מרת וויזעל פאר'ן אוועקגעבן פיל צייט פאר דעם אינטערוויו. אויך וויל איך מיך באדאנקען פאר די וועקער שטאב וואס האט אזויפיל געהאלפן להשלמת הארטיקעל און צוגעשטעלט טייל פון די בילדער און דאקומענטן און געטון אלעס אין די וועלט אז די אינטערוויו זאל אויסקומען כלול בהדרו במלוא מובן המילה.

איך ענדיג מיט א לינק צום בלאג פון מרת וויזעל וואו זי שרייבט כסדר אריגינעלע קאמענטארן און אבזערוואציעס איבער'ן חרדישן לעבן. אט לעצטנס האט זי געשריבן אן אינטערעסאנטער ארטיקל איבער חסידישע קאלערינג ביכער און די ווערסיע פון וועלטס היסטאריע וואס יונגע קינדער אין דער חסידישער וועלט ווערן געלערנט.

דערווייל בין איך נאך א שעמעדיגער און איך בעט דעם עולם זאל מיך מקרב זיין און אויפנעמען מיט ברייטע ארעמעס.
רעדאגירט געווארן צום לעצט דורך צמח אום פרייטאג מערץ 27, 2020 9:07 am, רעדאגירט געווארן איין מאל בסך הכל.
צמח
א גאסט אין שטיבל
א גאסט אין שטיבל
 
הודעות: 10
זיך רעגיסטרירט: זונטאג מערץ 22, 2020 5:10 pm
האט שוין געלייקט: 74 מאל
האט שוין באקומען לייקס: 39 מאל

הודעהדורך מאך זיכער » דאנערשטאג מערץ 26, 2020 7:30 pm

היינט איז ארויס א טיווי שאו אויף חסידים, עס הייסט Unorthodox.

האט עס א שייכות צו די נקודה וואס איר באציט זיך ארויף אין אייער ארטיקל?
אני אדם משום מקום, שמחפש לו רק סיבה לחיות.
באניצער אוואטאר
מאך זיכער
היימישער באניצער
היימישער באניצער
 
הודעות: 548
זיך רעגיסטרירט: מיטוואך אוגוסט 09, 2017 9:47 pm
געפינט זיך: ששש... משה זוך מיר.
האט שוין געלייקט: 329 מאל
האט שוין באקומען לייקס: 616 מאל

הודעהדורך צמח » דאנערשטאג מערץ 26, 2020 7:38 pm

מאך זיכער האט געשריבן:היינט איז ארויס א טיווי שאו אויף חסידים, עס הייסט Unorthodox.

האט עס א שייכות צו די נקודה וואס איר באציט זיך ארויף אין אייער ארטיקל?


ניין, נישט קיין דירעקטע שייכות. ווי איך זע אבער שרייבט זי היינט אן ארטיקל אויף איר בלאג איבער דבורה פעלדמאנ'ס בוך אויף וועלכע די נעטפליקס סעריע איז באזירט.
אויך מעלדט זי איבער א נייע פאדקעסט וואס צווישן די טעמעס וועט דיסקוסירט ווערן די נייע נעטפליקס דאקומענטור.
צמח
א גאסט אין שטיבל
א גאסט אין שטיבל
 
הודעות: 10
זיך רעגיסטרירט: זונטאג מערץ 22, 2020 5:10 pm
האט שוין געלייקט: 74 מאל
האט שוין באקומען לייקס: 39 מאל

הודעהדורך אבטולמוס » דאנערשטאג מערץ 26, 2020 7:54 pm

צמח האט אוועקגעשטעלט א וואונדערבארער ווערק וואס נעמט א וויכטיגע און האקעלע נושא, און טוט יוסטיץ דערפאר אויף א הערליכן פארנעם. "א טור אין וויליאמסבורג" נעמט אונז אויף א ווירטואלן טור אין שטאט, דורך געבן א בליק וואספארא בליק א טוריסט באקומט ווען ער באזוכט אין שטאט, און גלייכצייטיג גיט דאס אונז פארשטיין די מאטיוון פון די טוריסטן, און די וואס פירן זיי ארום.

אלס א היימישע, פארשטייט פריידא וויזעל איבערצוגעבן א געזונטן בליק אויף אונזער לעבנסשטייגער, וואס איז אקוראט, היימיש, ווארעם, און אויפריכטיג. און דער ארטיקל האלט זיך וואונדערליך באלאנצירט צו רעדן וועגן אונז און אונזער לעבן.

באגלייט מיט אינטערעסאנטע בילדער, איז דער ארטיקל א חידוש און א יחיד במינו. געשריבן רייך און פראפעסיאנעל, און דער תוכן איז מחיה נפשות.
דערקענסט נישט מיין ניק? קוק דא
באניצער אוואטאר
אבטולמוס
שריפטשטעלער
שריפטשטעלער
 
הודעות: 2642
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 3599 מאל
האט שוין באקומען לייקס: 10383 מאל

הודעהדורך פרוש » פרייטאג מערץ 27, 2020 3:44 am

הערליך שיין דער ארטיקל, פון אלע אספעקטן. יישר כח @צמח.
באניצער אוואטאר
פרוש
מאנשי שלומינו
מאנשי שלומינו
 
הודעות: 27
זיך רעגיסטרירט: מוצ"ש אפריל 27, 2019 9:43 pm
האט שוין געלייקט: 5 מאל
האט שוין באקומען לייקס: 43 מאל

הודעהדורך berlbalaguleh » פרייטאג מערץ 27, 2020 10:16 am

אבטולמוס: ווען מ'טוט פארגלייכן דבורה פעלדמאן (נישט איהר עכטער נאמען. איהר עכטער נאמען איז שרה'לע בערקוביק.) מיט פרידא וויזעל, זעהט מען אז ס'איז גארנישט קיין פארגלייך. כאטש זיי האבן א סאך ענליכקייטן אין זייער בעקגראונד. זיי זענען ביידע וואס מ'רופט או.טי.די. אבער דארט ענדיגט זיך די פארגלייך. ווייל פרידא וויזעל קומט לכאורה פון א סטאבילע משפחה. זי האט נאר געוואלט א ביסל אראפנעמען די פארשלאסנקייט און אומזיסטע פרעשור מיט וואס זי איז אויפגעוואקסן אין די מאנראו'ער סאטמאר'ע ענווייראנמענט. אויך האט זי אויסגענוצט דעם טויש אין איהר לעבן צו פארבעסערן איהר וועלטליכע עדיוקעישן. און אלעס אן שנאה. אויך נוצט זי אויס איהר נייעם פערספעקטיוו אויפ'ן לעבן אויף א פראדוקטיוון אופן.

משא"כ ..."דעברא פעלדמאן"... איז ליידער אויפגעוואקסן אין אן אומסטאבילע משפחה אטמאספער. און זי האט זיך געוואלגערט, אזוי צו זאגן ביי די זיידע-באבע און אנדערע בני משפחה. און ס'שטערט זי אונטער'ן באוואוסטזיין די הצלחה פון אנדערע. ממילא טראגט זי א שטיקל קנאה/שנאה אין הארץ אויף די משפחה און זייער לעבנסשטייגער. דאס קענמען ארויסליינען פון אהר ערשטן בוך..."אנ-ארטהאדאקס"...וואו זי האט בייזוויליג פארדרייט פאקטן און געשריבן האלבע אמת'ן. אויך איז זי א גוטע ליגנערין. לויט די עדות'שאפט פון איהרע פריינט און באקאנטע...!

איך ווייס די אלע פרטים איבער איהר לעבנס ביאגראפיע ערשטהאנטיג.
רעדאגירט געווארן צום לעצט דורך berlbalaguleh אום פרייטאג מערץ 27, 2020 11:50 am, רעדאגירט געווארן איין מאל בסך הכל.
באניצער אוואטאר
berlbalaguleh
שריפטשטעלער
שריפטשטעלער
 
הודעות: 14090
זיך רעגיסטרירט: דינסטאג יולי 17, 2012 12:57 pm
האט שוין געלייקט: 16215 מאל
האט שוין באקומען לייקס: 9189 מאל

הודעהדורך אספקלריה » פרייטאג מערץ 27, 2020 10:45 am

איך האב נישט געקויפט די וועקער ווייל איך האב געזעען די אינטערוויא אויפען דעקיל.
סאינטרעסירט מיר אינגאנצען נישט וואס א מאנראוער ווייבעל וואס האט נישט געטראפען בעסער וואס צוטוהן נאר מאכען איהרע ברידער און שוועסטער פאר אן עטריקשין,האט צו פארקויפען.
איך האלט נישט אז סאיז עטיש צו מאכען מענטשענס פריוואטע לעבן שטייגער פאר אן עטריקשין, מרס וויזעל האסט אפגעלאזט אונזער לעבנס שטייגער, זיי מוחל גיי און קאלעדזש טרעף דיך א קארפארעט דזשאב, נישט מאך א פורים פון דיין ברידערס און שוועסטערס.
אזוי ווי איך האב שוין אפאר מאל באטאונט די וועקער איז כסדר פארנומען עווליאועטעין אונזער אזויגערופענע קאמיונוטי, סגייט שוין אויף די געהירען, און סאיז נישט פראדאקטיוו אויף קיין שום אופן.
פארקערט ברענג מענטשען וואס זענען און די קאממיונוטי מיט אינדעפענדינט מיינדס, וואס לעבן דא און נעמען די בעניפיטס, און לאזען וויזעל און די אנדערע קריטיקירער זיים פארנומען און זיך ספראווענען מיט די משוגעת׳ן.
פון איין זייט שטעלט מען זיך ארויס ווי עדזיקעטעיט און ליבראלע מענטשען וואס לאזען יעדעם לעבען זייער לעבנס שטייגער וויאזוי זיי ווילען, ביז סקומט צו א זאך וואס שטימט נישט מיט די ליבאראלע אגענדא, פלוצלינג גייט די גאנצע אגענדא און מיסט קאסטען, ממעג נעמען א קאממיונוטי און מאכען א טור פון זיי אן עטרעקשען, מענטשען זענען געווארען אויס מענטש ממעג זיי באטראכטען ווי אבזשעקטס, ווי איז פלוצלינג פארלוירען געגאנגען די הויעכע ניווא און די ווירדע פון די מענטשהייט, פלוצלינג פירט עטץ זיך אויף צו אונז אזוי ווי טראמפ צו מעקסיקאנע.
פארוואס מעג מען דאס יא ???????
די פאר ליבאראלען באן אונז וועלען נאר שרייבען אז טראמפ האט נישט געדילט גוט די ערשטע חודש מיט קאראנא אבער ווען דיבלאזיו האט געטוהן זיינע טעותים פארציילט נישט, וואס איז די פשט פארוואס קענען אונז נישט האבען אביסעל אינדעפענדינט טראכטערס ???
די תירוץ גייט זיין ווייל ............................. אבער ענק.................................איי פארשטייסט נישט מיין תירוץ, אה ווען די גייסטוך טויפען דיין מענטשליכע אינדיפענדינט קאפ און ווערען א נאכפאלגער פון ליבארליזעם דענסמאל העסטו פארשטיין.
אנטשולדיגט אבער איך האב אפגעלאזט חסידות איך לויף מער נישט נאך קיין מאוומענטס, נישט באבוב, פאפא, פיטסבורג, און נישט בערקלי,בערני, טראמפ.
מברויך אליין זיין א מענטש.
רעדאגירט געווארן צום לעצט דורך אספקלריה אום פרייטאג מערץ 27, 2020 11:18 am, רעדאגירט געווארן איין מאל בסך הכל.
אספקלריה
ידיד השטיבל
ידיד השטיבל
 
הודעות: 196
זיך רעגיסטרירט: דאנערשטאג מערץ 28, 2013 10:21 am
האט שוין געלייקט: 63 מאל
האט שוין באקומען לייקס: 275 מאל

הודעהדורך berlbalaguleh » פרייטאג מערץ 27, 2020 11:01 am

אספקלריא: וואס וואלסטו געוואלט אז פרידא וויזעלל זאלל מאכן א פילם און ווייזן ווי שיין, איידל און אידעאליסטיש דער לעבנסשטייגער פון די חסידים איז. זי האט דאך אפגעלאזט אט דעם לייפסטייל...!
באניצער אוואטאר
berlbalaguleh
שריפטשטעלער
שריפטשטעלער
 
הודעות: 14090
זיך רעגיסטרירט: דינסטאג יולי 17, 2012 12:57 pm
האט שוין געלייקט: 16215 מאל
האט שוין באקומען לייקס: 9189 מאל

הודעהדורך אספקלריה » פרייטאג מערץ 27, 2020 11:11 am

זאל זי נישט שרייב אינגאנצען, האסטיך אפגעלאזט דאנק די אויבערשטער, די וועלט איז גרויס גיי זיי מצליח.
אספקלריה
ידיד השטיבל
ידיד השטיבל
 
הודעות: 196
זיך רעגיסטרירט: דאנערשטאג מערץ 28, 2013 10:21 am
האט שוין געלייקט: 63 מאל
האט שוין באקומען לייקס: 275 מאל

הודעהדורך צמח » פרייטאג מערץ 27, 2020 11:13 am

אספקלריה האט געשריבן:איך האב נישט געקויפט די וועקער ווייל איך האב געזעען די אינטערוויא אויפען דעקיל.
סאינטרעסירט מיר אינגאנצען נישט וואס א מאנראוער ווייבעל וואס האט נישט געטראפען בעסער וואס צוטוהן נאר מאכען איהרע ברידער און שוועסטער פאר אן עטריקשין,האט צו פארקויפען.
איך האלט נישט אז סאיז עטיש צו מאכען מענטשענס פריוואטע לעבן שטייגער פאר אן עטריקשין, מרס וויזעל האסט אפגעלאזט אונזער לעבנס שטייגער, זיי מוחל גיי און קאלעדזש טרעף דיך א קארפארעט דזשאב, נישט מאך א פורים פון דיין ברידערס און שוועסטערס.
אזוי ווי איך האב שוין אפאר מאל באטאונט די וועקער איז כסדר פארנומען עווליאועטעין אונזער אזויגערופענע קאמיונוטי, סגייט שוין אויף די געהירען, און סאיז נישט פראדאקטיוו אויף קיין שום אופן.
פארקערט ברענג מענטשען וואס זענען און די קאממיונוטי מיט אינדעפענדינט מיינדס, וואס לעבן דא און נעמען די בעניפיטס, און לאזען וויזעל און די אנדערע קריטיקירער זיים פארנומען און זיך ספראווענען מיט די משוגעת׳ן.
פון איין זייט שטעלט מען זיך ארויס ווי עדזיקעטעיט און ליבראלע מענטשען וואס לאזען יעדעם לעבען זייער לעבנס שטייגער וויאזוי זיי ווילען, ביז סקומט צו א זאך וואס שטימט נישט מיט די ליבאראלע אגענדא, פלוצלינג גייט די גאנצע אגענדא און מיסט קאסטען, ממעג נעמען א קאממיונוטי און מאכען א טור פון זיי אן עטרעקשען, מענטשען זענען געווארען אויס מענטש ממעג זיי באטראכטען ווי אבזשעקטס, ווי איז פלוצלינג פארלוירען געגאנגען די הויעכע ניווא און די ווירדע פון די מענטשהייט, פלוצלינג פירט עטץ זיך אויף צו אונז אזוי ווי טראמפ צו מעקסיקאנע.
פארוואס מעג מען דאס יא ???????
די תירוץ גייט זיין ווייל ............................. אבער ענק.................................איי פארשטייסט נישט מיין תירוץ, אה ווען די גייסטוך טויפען דיין מענטשליכע אינדיפענדינט קאפ און ווערען א נאכפאלגער פון ליבארליזעם דענסמאל העסטו פארשטיין.
אנטשולדיגט אבער איך האב אפגעלאזט חסידות איך לויף מער נישט נאך קיין מאוומענטס, נישט באבוב, פאפא, פיטסבורג, און נישט בערקלי,בערני, טראמפ.
מברויך אליין זיין א מענטש.



אדאנק פאר'ן מיטטיילן אייער מיינונג.
מרת וויזעל בארירט אסאך פון די טענות בעקיפין און שלא בעקיפין, אפשר ווען איר וואלט יא געליינט דעם ארטיקעל וואלט איר צובאקומען נאך א דימענסיע צו דעם שמועס און ווי אפשר קען מען הערן אן ארגומענט אז ס'איז דייקא דא א מעלה אין געבן א קלארע און אויפריכטיגע בליק איבער אונזער געזעלשאפט פאר מענטשן פון דער פרעמד. עס ווערט אנגעוויזן אין ארטיקל, אז סאטמאר אליין האט פארשטאנען איבער די וויכטיגקייט פון אוטריעטש און דיקא יא זיך עפענען פאר א דרויסנדיגע באפעלקערונג און פלעגט אליין אראנדזשירן טורס מיט יארן צוריק.
אלנפאלס, כ'וואלט אייך דיקא יא איינגעלאדנט צו ליינען דעם ארטיקל וועלכע זוכט גראדע מערסטנס נישט צו עוואליועיטען אונזער קאמיוניטי נאר דוקא צו עוואליועיטען דער טוריזם פענאמען און דערנאך וואלט איך גערן געצויגן דעם שמועס ווייטער.
צמח
א גאסט אין שטיבל
א גאסט אין שטיבל
 
הודעות: 10
זיך רעגיסטרירט: זונטאג מערץ 22, 2020 5:10 pm
האט שוין געלייקט: 74 מאל
האט שוין באקומען לייקס: 39 מאל

הודעהדורך רביה''ק זי''ע » פרייטאג מערץ 27, 2020 11:19 am

איך האב נאר אפאר פראגעס צו דיר אספקלריא, דו האלטסט אז ס'איז אן עוולה פאר א נייגעריגע גוי צו טורן די חסיד'ישע געגנד? אויב נישט, דאן וואס טוען זייער טור גיידס שלעכט, סך הכל מאכן זיי א ביזנעס פון א לעגיטימע אונטערהאלטונג? און אויב עס יא אן עוולה, מיט וואס איז עס אנדערש פון די חסידישע חול המועד טריפס צו אמיש קאנטרי, אדער סיי וועלכע אנדערע גוי'אישע טוריזם ווי גיין באזוכן די בודדהיסטן אין טיילאנד, די הינדוס אין אינדיע, וכו' וכו'?
באניצער אוואטאר
רביה''ק זי''ע
חבר ותיק
חבר ותיק
 
הודעות: 3925
זיך רעגיסטרירט: דאנערשטאג פעברואר 15, 2018 9:46 pm
געפינט זיך: אין קוויטל-שטוב
האט שוין געלייקט: 3779 מאל
האט שוין באקומען לייקס: 3110 מאל

הודעהדורך berlbalaguleh » פרייטאג מערץ 27, 2020 11:30 am

רביה"ק זי"ע. אז דו דערמאנסט די אמיש, וואס אונזער היימישער עולם גייט באזוכן אום חוה"מ. האביך מיך דערמאנט פון אן אינטרעסאנטן עפיזאד בשייכות מיט די אמיש. איינער פון זיי האט זיך אמאל אפגערעדט צו א היימישן איד. אז דער עולם רעדט וועגן זיי אסאך מאל מיט חוזק אדער ביטול. . זאגנדיג..."עטץ מיינטץ אז אונז פארשטיי מיר נישט ענקער שפראך, אידיש"...! ווייל די אמיש האבן אן אריגינאלן דיאלעקט וועלכער איז זייער שטארק ענליך צו אידיש...!
באניצער אוואטאר
berlbalaguleh
שריפטשטעלער
שריפטשטעלער
 
הודעות: 14090
זיך רעגיסטרירט: דינסטאג יולי 17, 2012 12:57 pm
האט שוין געלייקט: 16215 מאל
האט שוין באקומען לייקס: 9189 מאל

הודעהדורך אספקלריה » פרייטאג מערץ 27, 2020 11:42 am

רביה''ק זי''ע האט געשריבן:איך האב נאר אפאר פראגעס צו דיר אספקלריא, דו האלטסט אז ס'איז אן עוולה פאר א נייגעריגע גוי צו טורן די חסיד'ישע געגנד? אויב נישט, דאן וואס טוען זייער טור גיידס שלעכט, סך הכל מאכן זיי א ביזנעס פון א לעגיטימע אונטערהאלטונג? און אויב עס יא אן עוולה, מיט וואס איז עס אנדערש פון די חסידישע חול המועד טריפס צו אמיש קאנטרי, אדער סיי וועלכע אנדערע גוי'אישע טוריזם ווי גיין באזוכן די בודדהיסטן אין טיילאנד, די הינדוס אין אינדיע, וכו' וכו'?

איך בין געגאנגען צו אמיש נאר צו די אפענע ביזנעסעס, פון זייער אייגענע מענטשען, צופארען מיט די האורס און באגי, איך האב אבער נישט געגאנגען צו די פריוואטע מענטשען דארטען טאקע מהאי טעמא, די פריוואטע מענטשען דארטען האבען נישט ליב ווען מבאדערט זיי.
אספקלריה
ידיד השטיבל
ידיד השטיבל
 
הודעות: 196
זיך רעגיסטרירט: דאנערשטאג מערץ 28, 2013 10:21 am
האט שוין געלייקט: 63 מאל
האט שוין באקומען לייקס: 275 מאל

הודעהדורך המלוכה והממשלה » פרייטאג מערץ 27, 2020 11:51 am

הערליכע ארטיקעל
במקום שאין איש קוקט עס אזוי אויס
נאר נחום ראזענבערג ראטעוועט אונז פון מאלעסטעישן
נאר מייקל בלומבערג ראטעוועט אונז פון הערפיס
נאר חיים שאולזאן פארדאמט אלע רשעות
נאר נפתלי מאסטער העלפט אונז באקומען א נארמאלע עדוקעישען
נאר די סעקולער געריכטן טוען עפעס פאר יושר און צדק
המלוכה והממשלה
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1021
זיך רעגיסטרירט: מיטוואך מערץ 12, 2014 7:38 pm
האט שוין געלייקט: 1174 מאל
האט שוין באקומען לייקס: 1644 מאל

הודעהדורך אספקלריה » פרייטאג מערץ 27, 2020 11:58 am

צמח האט געשריבן:
אספקלריה האט געשריבן:אדאנק פאר'ן מיטטיילן אייער מיינונג.
מרת וויזעל בארירט אסאך פון די טענות בעקיפין און שלא בעקיפין, אפשר ווען איר וואלט יא געליינט דעם ארטיקעל וואלט איר צובאקומען נאך א דימענסיע צו דעם שמועס און ווי אפשר קען מען הערן אן ארגומענט אז ס'איז דייקא דא א מעלה אין געבן א קלארע און אויפריכטיגע בליק איבער אונזער געזעלשאפט פאר מענטשן פון דער פרעמד. עס ווערט אנגעוויזן אין ארטיקל, אז סאטמאר אליין האט פארשטאנען איבער די וויכטיגקייט פון אוטריעטש און דיקא יא זיך עפענען פאר א דרויסנדיגע באפעלקערונג און פלעגט אליין אראנדזשירן טורס מיט יארן צוריק.
אלנפאלס, כ'וואלט אייך דיקא יא איינגעלאדנט צו ליינען דעם ארטיקל וועלכע זוכט גראדע מערסטנס נישט צו עוואליועיטען אונזער קאמיוניטי נאר דוקא צו עוואליועיטען דער טוריזם פענאמען און דערנאך וואלט איך גערן געצויגן דעם שמועס ווייטער.


איך האב נאכקיינמאל נישט אראפגעלייגט אזא אינטרוואוי מיט אגוטע טעם, נישט פון כ״ץ און נישט פון שפירא, איך האלט נישט אז מקען אסאך לערנען פון זיי, ווייל זיי האבען גענומען אן אנדערע עפראוטש, פון וואס איך נעם, זיי האבען אפגעלאזט זייערע לעבנס שטייגער מיט אלע באקוועמליכקייטען און אנגעפאנגען א נייע לעבן, זייער אסאך פון זיי בפרט דיע וואס זענען נאך פארנומען מיט אונזער קאממיונוטי,זענען געווענטליך זייער פארווייטאגט,און סאיז א אומבאטעמטע געליינאכץ.
איך האב ליב צוהערן און זעען פרייליכע פראדאקטיוו מענטשען, און הערן זייער עפראוטש צום לעבן, סאיז גראדע דא פון דיע וואס האבען אפגעלאזט די קאממיונוטי וואס זענען נישט אזוי פארווייטאגט און גייען זייער וועג, מאכען נישט קיין נאוז,אבער דיע וואס זענען אבסעסד מיט אונז איז נישט קיין אינטרעסאנטע ליינאכץ, און די נושא איז נישט קיין נושא וואס פאראינטרעסירט מיר נישט עוואליוטען אונזער קאממיונוטי און נישט די טוריזום פאנאמענען.
אספקלריה
ידיד השטיבל
ידיד השטיבל
 
הודעות: 196
זיך רעגיסטרירט: דאנערשטאג מערץ 28, 2013 10:21 am
האט שוין געלייקט: 63 מאל
האט שוין באקומען לייקס: 275 מאל

הודעהדורך berlbalaguleh » פרייטאג מערץ 27, 2020 3:28 pm

אספקלריה האט געשריבן:זאל זי נישט שרייב אינגאנצען, האסטיך אפגעלאזט דאנק די אויבערשטער, די וועלט איז גרויס גיי זיי מצליח.

אספקלריא: ענטפערט די גמרא. כסף שאני. ווען מ'קען נאך מאכן א פאר טאללער האטציך אלעס אויפגעהערט.אלע אידעאלאגיעס און אידעאלן שטעללן זיך אפ פאר געלט.

זי האלט אז זי וועט אריינכאפן א פאר טאללער. און ווערן פעימאוס אויך.
באניצער אוואטאר
berlbalaguleh
שריפטשטעלער
שריפטשטעלער
 
הודעות: 14090
זיך רעגיסטרירט: דינסטאג יולי 17, 2012 12:57 pm
האט שוין געלייקט: 16215 מאל
האט שוין באקומען לייקס: 9189 מאל

הודעהדורך מאך זיכער » פרייטאג מערץ 27, 2020 4:31 pm

בסך הכל האט זי עפעס וואס קיינער האט נישט.

די היימישע אידן פירן זיך אויף זייער אינטערסאנט און זיי קענען ציען אויגן, (אויב די האלטסט אנדערש דען פארוואס גייסטו חוה"מ קיין אמיש טאון?)

זי קומט פון דארט, און אזויווי יעדער איינער וויל הערן ערשטהאנטיג זאכן, אזוי ווילן די טוריסטן הערן איבער אונז ערשטהאנטיג.

זייער פארשטענדליך (קען זיין זי ברויך אכטונג געבן אויף קידוש ה'...)
אני אדם משום מקום, שמחפש לו רק סיבה לחיות.
באניצער אוואטאר
מאך זיכער
היימישער באניצער
היימישער באניצער
 
הודעות: 548
זיך רעגיסטרירט: מיטוואך אוגוסט 09, 2017 9:47 pm
געפינט זיך: ששש... משה זוך מיר.
האט שוין געלייקט: 329 מאל
האט שוין באקומען לייקס: 616 מאל

הודעהדורך כוכב » פרייטאג מערץ 27, 2020 5:26 pm

מיין טייערער אספקלריה, איך האב אייך זייער ליב אבער דיינע תגובות שפריצן פון העיט און איך זע נישט וואס דו ביזט בעסער פון סיי וועלכע או טי די וואס זענען "אנגעווייטאגט" כלשונך און ס'זעט נישט אויס ווי דו האסט די מינדעסטע עמפאטיע, רחמנות אדער מיטגעפיל אין ריכטונג פון איינער וואס גייט נישט פינקטליך אין דיין שפאן אדער טאנצט נישט לכה דודי גענוי לויט דיין ריטם.
ווילסט נישט קויף נישט ליין נישט אבער ס'איז דא א וועג וויאזוי מ'רעדט צו מענטשן און פון מענטשן אן די גרויליגע שנאה און אומטאלערענץ וואס שפריצט פון דיינע ווערטער, אן דעם וואס זאלסט אפילו נעמען די מי צו מאכן די אנשטעל כאילו מ'באהאנדלט א צווייטן מיט רעספעקט און מ'גיט אים כאטש דעם רשות הדיבור זיך צו ערקלערן און מסביר זיין.
כוכב
שריפטשטעלער
שריפטשטעלער
 
הודעות: 2558
זיך רעגיסטרירט: מוצ"ש דעצעמבער 07, 2013 7:35 pm
האט שוין געלייקט: 5469 מאל
האט שוין באקומען לייקס: 7342 מאל

הודעהדורך מאך זיכער » מוצ"ש מערץ 28, 2020 9:38 pm

זייער אן אינפארמאטיווע אינטערוויו און זייער איידל באשריבן.

פריידא וויזל איז אריבער זייער אסאך אין לעבן וואס דאס האט פון איר געפאדערט בכדי צו בלייבן נארמאל און געזונט אפצולאזן די קאמיוניטי.

און צו דורכטאן איר האסטאריע און פארוואס זי האט אפגעלאזט קען מען ווידמען א צווייטער ארטיקל, דא זאל מען זיך באאציען צו וואס זי זאגט בנוגע טוריזם אין וויליאמסבורג.

אספקלריה, דו קענסט נישט הערן וואס זי זאגט ווייל זי איז OTD? די מושג פון קבל את האמת ממי שאומרו איז קיין ארטיקל ביי דיר?
אני אדם משום מקום, שמחפש לו רק סיבה לחיות.
באניצער אוואטאר
מאך זיכער
היימישער באניצער
היימישער באניצער
 
הודעות: 548
זיך רעגיסטרירט: מיטוואך אוגוסט 09, 2017 9:47 pm
געפינט זיך: ששש... משה זוך מיר.
האט שוין געלייקט: 329 מאל
האט שוין באקומען לייקס: 616 מאל

הודעהדורך אספקלריה » זונטאג מערץ 29, 2020 1:30 pm

כוכב האט געשריבן:מיין טייערער אספקלריה, איך האב אייך זייער ליב אבער דיינע תגובות שפריצן פון העיט און איך זע נישט וואס דו ביזט בעסער פון סיי וועלכע או טי די וואס זענען "אנגעווייטאגט" כלשונך און ס'זעט נישט אויס ווי דו האסט די מינדעסטע עמפאטיע, רחמנות אדער מיטגעפיל אין ריכטונג פון איינער וואס גייט נישט פינקטליך אין דיין שפאן אדער טאנצט נישט לכה דודי גענוי לויט דיין ריטם.
ווילסט נישט קויף נישט ליין נישט אבער ס'איז דא א וועג וויאזוי מ'רעדט צו מענטשן און פון מענטשן אן די גרויליגע שנאה און אומטאלערענץ וואס שפריצט פון דיינע ווערטער, אן דעם וואס זאלסט אפילו נעמען די מי צו מאכן די אנשטעל כאילו מ'באהאנדלט א צווייטן מיט רעספעקט און מ'גיט אים כאטש דעם רשות הדיבור זיך צו ערקלערן און מסביר זיין.


.
אספקלריה
ידיד השטיבל
ידיד השטיבל
 
הודעות: 196
זיך רעגיסטרירט: דאנערשטאג מערץ 28, 2013 10:21 am
האט שוין געלייקט: 63 מאל
האט שוין באקומען לייקס: 275 מאל

הודעהדורך berlbalaguleh » זונטאג מערץ 29, 2020 2:00 pm

אספקלריא: דו האסט געוואלט עפעס זאגן...?! דער עולם ווארט צו הערן...!
באניצער אוואטאר
berlbalaguleh
שריפטשטעלער
שריפטשטעלער
 
הודעות: 14090
זיך רעגיסטרירט: דינסטאג יולי 17, 2012 12:57 pm
האט שוין געלייקט: 16215 מאל
האט שוין באקומען לייקס: 9189 מאל

הודעהדורך real fake news » זונטאג מערץ 29, 2020 2:06 pm

שכח אספקלריה גוט געזאגט.

פאר די עולם וואס שטאלצירן זיך מיט זייער יידישקייט און טרעדישן דארף עס זיי נישט אנגיין אז מקומט טורן די היימישע גאסן,
צו ווייל זיי זענען שטאלץ מיט זייער לעבנסשטייגער אדער ווייל זיי קימערן זיך נישט וואס די גויישע גאס טראכט אויף זיי.
אבער רביצין וויזל מעג ווען אביסל טראכטן פון די עולם וואס איז פשוט סטאק דא און זיי קענען נישט אוועקגיין,
אבער זיי ווילן זיך פילן ווי א נארמאלע מענטש אין יעדןס אויגן,
און זיי פילן זיך אומבאקוועם ווען מענטשען קומען און באטראכטן זיי כאילו זיי זענען עפעס א מאדנע באשעפעניש
און ווערן פאררעכנט אלס אן אטראקציע.
איך האלט סאיז אן עוולה פון איר וואס זי איז אויך געווען צווישן אונז און זי ווייסט אויכעט וויזוי ספילט צו זיין אן outsider,
זיך נישט צו רעכענען מיט מענטשען ווי איר וואס האבן אבער נישט די גאטס אוועקצוגיין.

מיר זענען נארמאלע מענטשען פונקט ווי יעדעם און מיר ווילן זיך נישט פילן ווי מאנקיס אין א זו.
I know, I know. We are Your chosen people. But, once in a while, can't You choose someone else? - Reb Tevye
real fake news
ידיד השטיבל
ידיד השטיבל
 
הודעות: 196
זיך רעגיסטרירט: פרייטאג אקטאבער 25, 2019 10:40 am
האט שוין געלייקט: 73 מאל
האט שוין באקומען לייקס: 97 מאל

חסידים אלס אטראקציע -אינטערוויו מיט פרידא וויזעל (וועקער 17)

הודעהדורך חוקר ודורש » זונטאג מערץ 29, 2020 4:01 pm

א גוטן @אספקלריה שלומכם יסגה. איך הער וואס די זאגסט אז די גלייכסט נישט ווען מען טוט אזויפיל דורך דיין קאמיוניטי ובפרט דורך אזוי גערופענע OTD חברה, אזוי אויך קוועטשט דיר אז מען קומט באטראכטען אונזער לעבן. למעשה נישט קיין חילוק צו דאס איז יא אויסגעהאלטען צו נישט, גראדע זע איך נישט די גרויסע עטישע פראבלעם אין דעם, ווייל מיר דארפען וויסען אז יא מיר זענען אנדערש פון די מעריב וועלט און יא מיר זענען אונטערסאנט צו זעהן, און דאס אלעס מאכט אונז נישט פאר אויס נארמאלע מענטשען ניין מיר זענען העכסט נארמאל אבער גלייכצייטאג העכסט אונטערסאנט און אויב עס קומען קליינע גרופעס ווי מיט מרת וויזעל און זיי פירן זיך אויף מיט דרך ארץ נאר זיי קומען אנאליזען אונזער לעבנ׳ס שטייגער איז וואס, די פראבלעם איז מיט די גרויסע גראפעס וואס קומען אויסגעלאסען און מיט אנדערע אגענדעס ווי אויסגעשמיסט אינעם ארטיקל.

עכ״פ אפי׳ לאמיר זאגען אז דאס איז נישט עטיש אזוי ווי איר זאגט איז דאס נאכאלץ ווערד אן ארטיקל, די וועקער איז דא צו אנרירען ענינים וואס די אנדערע אויסגאבעס לאזען אויס. במילא געט די וועקער א מקום פאר די OTD חברה, און רעדן כסדר וועגן אונזער קאמיוניטי איז א העכסט נארמאלע זאך ובפרט וואס די ארטיקלען ברענגען ארויס אונזער מעלות אויך. קוק אויף די ארטיקל מיט הרב יששכר כ״ץ וואס עס שטייט אויפן דעקל ״חסידים ליגן אין אידישקייט יעדן מינוט פון זייער לעבן, זיי לעבן עס מער, זיי פראקטיצירן עס מער״. איך האב זייער הנאה געהאט פון יענעם ארטיקל קודם דאס עצם געבן דעם פלאטפארם פאר א פארלוירענעם קול, אזוי אויך די אלע נייע אינפארמאציע וואס איך בין געוואור געווארן וואס איך וואלט נישט געהערט פון א היימישע, און צום לעצט איז דאס זייער ווארים און איז נישט דא צו האקן נאר זאגען דברים כהווייתם. די זעלבע מיט מלך שפירא שטייט אויפן דעקל ״מדארף זייער שעצן די חסידים וועלכע טראגן זייער אידישקייט מיט שטאלץ״. האסטו דען נישט הנאה געהאט צו הערן וואס פראפעסער שפירא האט צו זאגען, די ארטיקלען מיט ״פרעמדע״ ווי פראפעסארן צו OTD חברה זענען נישט נאר צו הערן וואס זיי האבען צו זאגען וועגן אונז נאר בכלל צו כאפן אן אונטערסאנטע שמועס מיט זיי.

און למעשה ביסטו נישט אינגאנצען גערעכט ווייל די וועקער ברענגט אויך גרויסע חברה וואס זענען יא א חלק פון אונז, אזוי ווי וועקער 12 האט אונטערוויוט הרב מאיר שיללער וואס איז א הייסע חסיד מיט א אפענע קאפ וואס איז געווען איינגעשטעלט יארן לאנג אין YU. אזוי אויך האט וועקער 10 אונטערוויוט הרב יוסף יצחק יעקבסאן. און וועקער 8 מיט רבי בצלאל כהן. אזוי אויך האט די וועקער באשריבען גדולים שבמחנינו א שטייגער ווי הרב יצחק לעבאוויטש, הרב שטיינמאן הרב משה וואלפסאן ועוד.

און אפי׳ איר זענט נאכאלץ נישט צופרידען דארף דער וועקער טוהן וואס רוב ליינער ווילן, און זעהט אויס אז רוב עולם האט זייער הנאה פון די יעצטיגע מהלך, וויל איך טאקע באדאנקען @צמח פארן שיינעם ארטיקל יישר כוחכם.
שוב יום אחד לפני מיתתך
באניצער אוואטאר
חוקר ודורש
היימישער באניצער
היימישער באניצער
 
הודעות: 408
זיך רעגיסטרירט: מיטוואך מערץ 06, 2019 4:01 pm
האט שוין געלייקט: 838 מאל
האט שוין באקומען לייקס: 351 מאל

הודעהדורך תחכמוני » זונטאג אפריל 05, 2020 1:41 am

א הערליכן ארטיקל. זייער שיין געשריבן (סיי מיטן לשון און סיי פאזיטיוו) און זייער אינטערעסאנט אויף דער זעלבער צייט.

עס האט מיר געמאכט טראכטן פון דער צייט ווען איך בין געגאנגען מיט מיין משפחה באזוכן די אמיש אין פענסילוועניע. הגם זיי מאכן דאס אפיציעל פאר אן אטראקציע און עטליכע פון זיי לעבן פון טוריזם, בין איך זיכער אז פילע פון זיי שמעקט דאס בכלל נישט. זיי זענען שטילע שעמעוודיגע מענטשן און זיי האבן נישט ליב ווען מענטשן רוקן זיך אזוי אריין אין זייער לעבן און כאפן בילדער פון זיי. אבער פילע פון די טוריסטן האבן עפעס אזא בליק ווי די גאנצע קהלה זענען כאראקטערן פון א פילם וואס שפילן אפ וויאזוי מענטשן פלעגן אמאל אויסקוקן בלויז פאר די הנאה פון די טוריסטן.

ווי אויסגעדרוקט אינעם ארטיקל, מאכט דאס א גרויסער חילוק ווער דער טוריסט איז און וואס זיין מטרה איז. איך געדענק ווי איך בין אמאל געזיצן אין א געשעפט פון באנוצטע ספרים אין ירושלים. פלוצלינג זענען אריינגעקומען א גרופע אמעריקאנע טוריסטן אינעם געשעפט. אזוי ווי זיי האבן געמיינט אז איך קען נישט קיין ענגליש, האבן עטליכע פון זיי זיך ערלויבט חוזק צו מאכן פון מיר אונטער מיין רוקן און האבן פרובירט צו נעמען בילדער. איינער פון זיי איז אבער צוגעקומען צו מיר מיט רעספעקט, און האט אנגעפאנגען א שמועס מיט מיר. מיר האבן געשמועסט פאר א לאנגע צייט און זיך איבערצייגט אז מיר האבן אסאך אין קאמאן. ער האט אפילו געוואוינט נישט ווייט פון מיר אין אמעריקע. על כל פנים, מיר האבן ביידע הנאה געהאט פונעם שמועס, און מיר האבן זיך ביידע געלערנט וועגן אנדערע קולטורן.

טוריזם קען זיין א געמיינע זאך אבער עס קען אויך זיין א הערליכע זאך. אויב די טוריסטן פירן זיך אויף מיט רעספעקט, קענען ביידע צדדים זיך עפעס לערנען איינע פונעם אנדערן.
"It is error only, and not truth, that shrinks from inquiry"

Thomas Paine -
תחכמוני
מאנשי שלומינו
מאנשי שלומינו
 
הודעות: 93
זיך רעגיסטרירט: פרייטאג מערץ 15, 2013 8:06 am
האט שוין געלייקט: 81 מאל
האט שוין באקומען לייקס: 286 מאל

הודעהדורך ליטוואק פון בודאפעסט » זונטאג אפריל 05, 2020 10:53 am

איך האב געליינט די ארטיקל אום שבת. מצד אחד איז עס אינטרעסאנט צו ליינן פארוואס פרעמדע קומן זען די חסידישע לעבענסשטייגער. אז זיי זען נישט איין די קיוטנעס פון מעטשינג קינדער וכדו׳.

אבער איר פארענטפערן אז זי מעג וויי טון דער עולם, ווייל מ׳האט איר נישט צוגעשטעלט די געלעגענהייט צו ווערן א פראפעסאר פון גארנישט, ממילא דארף זי זיך נישט רעכענן מיט די געפילן פון יענעם, איז א ביטערליכע טפשות. א מין ענטייטעלמענט סינדראם, אז א גאנצע ציבור איז פאראנטווארטליך פאר איר חלומות, אז יעדער מוז האבען יעדער געלעגענהייט אין לעבן, און די גאנצע ציבור מוז צאלן די פרייז וואס זי האט מחליט געווען דערפאר, איז א געפערליכע גיאות.

באופן כללי, האלט איך אז @אספקלריה האט א פאוינט. דער וועקער דארף אויך דינען אלס א בליק אויף דערויסן און וויאזוי זיי קוקן אונז אן. דער יעצטיגע ווידער האט בכלל נישט קיין אויסוואל, כמעט יעדער ארטיקל לויפט אויף דער גאנג, ווי מ׳בעט זיך ביי א פרעמדן צו זאגען עפעס גוט אויף אונז. דאס איז אינטרעסאנט, אבער יעצט איז דאס די גאנצע זאך.
רעדאגירט געווארן צום לעצט דורך ליטוואק פון בודאפעסט אום זונטאג אפריל 05, 2020 11:38 am, רעדאגירט געווארן איין מאל בסך הכל.
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
שריפטשטעלער
שריפטשטעלער
 
הודעות: 9607
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 3288 מאל
האט שוין באקומען לייקס: 9114 מאל

נעקסט

גיי צוריק דער וועקער

ווער איז יעצט דא?

באניצער וואס לייענען דעם פארום: נישטא קיין אנליין באניצער און 3 געסט