ארבעט אויף וועקער נומער 18 איז אין שוואונג

[עוקר הרים]

דער גרעסטער וועקער ביז היינט: 232 זייטן.

נא א בילד פונעם קאווער?

[דער וועקער]

אי"ה מארגן.

[תרמב]

איך האף אז די נייע וועקער וועט זיין אויפן ניווא פון די אלטע וועקערס, נישט אזוי ווי די לעצטע וואס האט אויסגעקוקט אז מ’האט געזוכט מיט וואס אנצופילן די בלעטער, נישט אז עס אזוי שלעכט געווען, אבער מ’האט שוין דעליווערד בעסער.

[וויליאמסבורגער]

גראדע האב איך געפילט אז די קוואליטי פון די לעצטע וועקער איז געווען זייער הויעך. יעדע ארטיקעל איז געוועהן הערליך אויסגעארבייט און צו די זאך. מסתמא האט דיך געשטערט די הערי פאטער ארטיקעל וואס האט נישט גערעדט צו דיר. כ'האב געהערט די קריטיק פון אסאך מענטשען אבער ס'איז נישט אז די ארטיקעל איז נישט געוועהן זייער גוט געשריבן נאר די נושא איז געוועהן פרעמד. (פאר מיר אויך). עניוועי איז געוועהן אזויפיל אנדערע ארטיקלען צו ליינען. און ס'האט נישט געשאט אז כ'בין אביסעל געוואר געווארן וואס הערי פאטער איז אלל עבאוט

[דער וועקער]

דער וועקער זוכט נישט אנצופילן בלעטער. פון אונזער זייט איז א וועקער פון 140 זייטן א הערליכער פראדוקט. מיר גייען געווענליך איבער היבש מער פון דעם ווייל מיר שפירן אז עס לוינט די הוצאה פון נאך בלעטער כדי צו געבן פאר די לייענער צו לייענען נאך ספעציפישע ארטיקלען. דער יעצטיגער וועקער גייט זיין אן אסטראנאמישער 232 זייטן. גלייבט אונז אז מיר האבן געוואלט שניידן, ס'וועט אונז זיין אסאך ביליגער ארויסצונעמען 80 זייטן. אבער מיר שפירן אז יעדן עמוד אינעם וועקער איז וויכטיג, און גיט פאר'ן לייענער קוואליטעט לייען-מאטעריאל און חומר למחשבה.

[פיקאסא]

רבותי! עס קומט בס"ד א וועקער אזאנס און אזעלעכס.
איך בין זיכער אז וועקער נומער 18 וועט לאנג געדענקט ווערן אין די קומענדיגע יארן.
ווען היסטאריקער וועלן זיכן מיט ליכט וויאזוי די חרדי'שע מידיע האט געדעקט דער ********, און וועלן זיך וואונדערן וואס היימישע אידן האבן געטוהן דערצו און פארוואס עס איז געשען וואס איז געשען, וועלן זיי קענען ווייזן מיט די פינגער בלויז אויפן וועקער וואס דעקט אויף די פאקטן, ציפערן און ווארפט א שטיקל ליכט אויף די כלליות'דיגע מצב וכו'.

בנוגע אנפילן בלעטער, איך קען נאר מעיד זיין אז מיר האבן געטן בייהאל אסאך מער בלעטער פון וואס עס גייט צום פרינט, אבער מען האט געמוזט שניידן. אי"ה עוד חזון למועד.

וכאן המקום להזכיר לשבח די מערכת פונעם וועקער וואס לייגן אריין כח מיט מח צו ארויסגעבן דעם הערליכן דזשורנאל. חזקו ואמצו! יא, עס איז שווער, עס קומט נישט אהן לייכט, ובפרט אז די "מערכת" באשטייט נישט פון אזויפיל מיטגלידער...

אן עקסטערן דאנק פאר אלע טאלאנטפולע שרייבער'ס כל אחד בשמו הטוב יבורך. כלל ישראל שיקט אייך א הערצליכן דאנק.

ידידכם
פיקאסא

[תרמב]

יעדע וועקער איז א אוצר בלום, אבער אזוי ווי יעדע זאך איז דא אמאל עפעס וואס געלונגט בעסער און עפעס שוואכער, מיין אפיניאן איז אז די לעצטע איז געווען צו די שוואכערע זייט, קען טאקע זיין וועגן די הערי פאטטער ארטיקל.

[דער וועקער]

viewtopic.php?f=54&t=14452

[תרמב]

איך פלעג די מערסטע הנאה פון די בריוון צום וועקער, דאס מאל האב איך אנגעהויבן צו כאפן אז איך קען די געדאנקען פון ערגעץ, ביז איך האב געכאפט אז די אלע בריוון זענען תגובות פון דא אין קאווע שטיבל, סאיז מיר פארענטפערט געווארן פון מ’האט געשאפט אזויפיל בריוו פון וויליאמסבורג איבער וויזעלס טורס, און ווי אויך בריוו פון שיכון סקווירא און בלומינגבורג וכדומה.