"וועקער" נומער 18 - והח"י יתן אל לבו!

[דער וועקער]

צו באשטעלן דעם וועקער, דרוק דא!

מיר זענען גאר צופרידן צו מעלדן אז וועקער נומער 18 איז שוין אריין צום דרוק, און וועט בע"ה זיין צו באקומען אין די נאנטע טעג. אין די 232 זייטן פון דעם דאזיגן וועקער איז אריין אן אומגעהויערער ארבעט צו דעקן די שרעקליכע קאראנא-ווירוס מגיפה וואס האט אויסגעריסן שטיקער פונעם היימישן אידנטום.

צום ערשטן מאל וועט איר לייענען קלארע פאקטן און ציפערן וואס וועלן ברענגען א קלארקייט וואס דא האט זיך אפגעטון, און וואס עס גייט נאך יעצט פאר.

די טרויעריגע טעמע פונעם הויפט ארטיקל ברענגט אונז צו דעם תורה'דיגן מאמר פון הרב יצחק לאווי אויף דעם ענין פון שמירת הגוף, און דעם אויסערגעווענליכן 517-יעריגן אידישן כתב יד, "געדאנקען וועגן טויט", וואס ווערט צום ערשטן מאל געדרוקט אינעם וועקער. מיר באוויינען אויך די אבידה פון הרב יעקב צבי זאקס זצ"ל, וועלכער האט איבערגעלאזט כלל ישראל איז אזא שווערן זמן.

מיר זענען שטאלץ מיט דעם מייסטערהאפטיגן ליטערארישן ווערק פון @יואב, א טיפן אנאליז איבער דער שיטה פון "ציניזם", חכמות חיצוניות פון @מיימון, ועוד ועוד ועוד.

[חתם סופר]

Wow!

[מי אני]

עס איז באקאנט אז ביי א ״חי״ געב איך אים א חזקה אז ער איז נאך אזוי. שטעל איך דאס אויפ׳ן חזקה פון די פריערדיגע נומערן אז דאס איז עפעס וואס גייט דערקוויקן די שאיפת חכמה פון די אין אונזער געמיינדע. (ועוד יותר אז דאס האט דאך א גרעסערע פּראפּארציע פון זייטן.)

ומדי דברי, ווי איך האב אנגערירט דא פארמאגן אונז בעל כרחינו א חרדי׳שער קולטוראלע אידענטיטעט: דאס איז די די סאציאלע גרופע און קולטור אין וועלכעס אונז זענען מיר ערצויגן געווארן מנעורינו. (ועכ״כ אז דאס ווערט צו אן עקסטענט נקבע סאָמאַטיש אין אונזער גופניות׳דיגע מעשים ממש, אפילו ווען מ׳טוהט אקטיוו רעדזשעקטן די אידענטיטעט, וכדברי דר. לין דעווידמאן.) יעצט, וואו ערווענט כמה וכמה פעמים איז פאר אן אינדיווידואל אין אונזער געזעלשאפט וואס איז יא שואף ומבקש חכמה ואינטעלעקטשואליזם קען דאס צופיהרן צו א שטארקע אנטינאָמי, סתירה, און קריזיס. והיינו, פון איין זייט איז זיין קולטוראלע אידענטיטעט (כהיום) ווי נישט אנטי-אינטעלעקטשועל, ומאידך גיסא איז זיין אינדיווידואלע פערזענליכע אידענטיטעט יא אן אינטעלעקטשואלע. זייענדיג בעצם אן אינטעלעקטשואל אנערקענט ער דאס קולטוראלע חלק פון זיין אידענטיטעט און ער פארשטייט אז ער קען דאס נישט משליך זיין אחרי גוו.

דעריבער גלייב איך אז דאס עצם עקזיסטענץ פונעם וועקער, וואס איז למעשה בתוך דעם קולטוראלע סעטינג, קען דינען צו בארואיגן דעם קריזיס דורכ׳ן משווה זיין דאס פערזענליכע אידענטיטעט פון אן אינטעלעקטשועל מיט׳ן ווייזן אז אינטעלעקטשועליזם האט יא א מקום בתוך זיין ברייטערן קולטוראלע אידענטיטעט.

ייש״כ מערכת @דער וועקער. חזקו ואמצו וצלח ורכב.

*

ובענין זה במשנתו של דר. הערבערט מארקוזע.

[כוכב]

איך באגריס די גאטס און אויפריכטיגקייט פון וועקער.
די גאנצע קאוויד טעמע אין די היימישע גאס איז קאמפליצירט און פארווייטאגט און עפעס וואס טאמער איינער זוכט כבוד אדער קליקס זאל ער זיך ביטע טרעפן אנדערע נושאים פון וואס צו רעדן. כ'ווייס נישט אויב איך וואלט ארויסגעגעבן א צייטונג, צי איך וואלט געווידמעט א קאווער פאר אונזער רעספאנס צו קאוויד. כ'ווייס נישט צי כ'וואלט געהאט די כח דערצו און כ'ווייס נישט צי כ'וואלט בכלל געקענט טרעפן די ריכטיגע ווערטער און די ריכטיגע באלאנס וויאזוי דאס צו צענעמען. אפשר וואלט איך מיך געמאכט דעם חשבון אז ס'איז בעסער צו שווייגן און גיין צו אנדערע נושאים.
זייער אסאך מענטשן ווילן נישט הערן דאס ווארט קאוויד מער, נישט קיין חילוק וואס דו האסט צו זאגן דערוועגן. א גרויסער פראצענט איז געוויס נישט אפן צו הערן סיי וועלכע קריטיק אויף אונזער ציבור. פון דער אנדערער זייט, ווען מ'הערט צומאל שטימעס פון משמאילים, פעלט אויך קאנטעקסט אדער פארשטאנד אדער עמפאטיע, כאילו די נושא געהערט אין א שווארץ אדער ווייס קאלום. אפילו פון אן אביעקטיוון ווינקל טראכט איך צומאל, אז אפשר איז בעסער ווי ווייניגער מ'ווייסט, איגנאראנץ איז בליס זאגט דאך דער גוטער בוך. אפשר איז זיסער פאר'ן לעבן אז מ'ווייסט נישט וויפיל טויטע מיר האבן געהאט, אפשר איז בעסער זיך איינצורעדן אז אונזער קאוויד רעספאנס האט נישט עכט אויסגעמאכט. אפשר איז בעסער צו בלייבן אין דער טונקל, טאקע ווייל ווער קען דען זאגן זכיתי לבי און ער איז נישט קאמפליסיט צי אימפליסיט אין דער גרויסער מאנסטערישער טראגעדיע.
אז דער וועקער קוקט נישט אויף קיין זייטיגע חשבונות און צי דער יעצטיגער נומער וועט יא פליען פון די שעלווס אדער נישט, נאר האלט זיך פון די ווירדן פון האמת ניתן להיאמר פאר יעדן פרייז, נישט קיין חילוק ווי ציפעדיג דאס איז, נאר ווי דער נביא בשעתו וועלכער זאגט תוכחה פאר'ן פאלק און פאטשט דעם גרויזאמען אמת אין פנים נישט קיין חילוק וואס פאר א פרייז ער וועט צאלן און אפילו טאמער זיין בלוט וועט פארגאסן ווערן און בלייבן זידן לעולם, איז עס עפעס וואס קומט זיך שעצונג און רעספעקט.

[קורקלענד]

וויבאלד איך האב עס נאכנישט געליינט, ווייס איך נאכנישט צו ס'איז אויפריכטיג, אדער אן אגענדעס, צו ס'איז למען האמת וכו'. נאכן ליינען העמער שמועסן....

פאר 232 זייטן איז דא צו וויינוג אינפארמאציע אויפן דעקל בנוגע די אינהאלט. איך וועל דארפן שטעלן אויף די חזקה אז די אמת'ע אינטערסאנטע סחורה איז נישט אויפן דעקל...

[מנחם ציון]

און אויב ס'איז נישט ממש אויפריכטיג? קודם איז דא וואו עס אויסצושמועסן און אביעקטיוו דיסקוסירן
ווי אנדערע נושאים וואס "דער וועקער" האט שוין געדעקט, מיינסט איך בין איינשטימיג מיט יעדע קריטיק אויף אונזער געזעלשאפט וואס זענען שוין דארט געלופטערט געווארן? ס'איז קודאס פאר די פלאטפארמע, אפגעזעהן וואס די רעזולטאטן זענען

[תרמב]

קאוויד איז א אויסגעדראשענע טעמע! איך פארשטיי מ’דארף אביסל מוסר זאגן, וכדומה, אבער נישט צו סאך ווייל ס’גייט שוין פון די נאז.

[העניך]

ב"ה אז כ'האב א שטיקל יד אינעם הויפט ארטיקל, וואס ציט זיך אויף צענדליגער בלעטער פול מיט פאקטישע ציפערן, graphs, charts, וכו', וואס ווייזט צום ערשטן מאל וויפיל מיר האבן געליטן. ווען די רעדאקציע פונעם וועקער האט מיך עפּראָוטשט אויב איך וויל מיטארבעטן אויף דעם פּראיעקט, האב איך געזאגט הארצן גערן, אבער צום באדויערן ווייס איך נישט וויפיל אינטערעסע עס וועט האבן. די רעדאקציע האט מיט געזאגט מיט קלארע ווערטער, אז "מ'גייט נישט לאזן דורכגיין אזא שרעקליכע תקופה ביי כלל ישראל, אן ברענגען א קלארן בילד וועגן וואס דא האט זיך אפגעטון. אז מיר וועלן דאס איגנארירן זענען מיר מועל אין אונזער שליחות."

אלזא, ווער עס האלט אז די טעמע איז אויסגעדראשן, אדער וויל נישט הערן די פאקטן, זאל נישט קויפן. און אז ער קויפט יא, זאל ער תיכף ארויספליקן בערך א האלב פונעם וועקער, און לדעתי וועט ער וועט נאך איבערבלייבן מיט גענוג ארטיקלען אז ס'זאל זיך האבן אויסגעצאלט.

[העניך]

פאר 232 זייטן איז דא צו וויינוג אינפארמאציע אויפן דעקל בנוגע די אינהאלט. איך וועל דארפן שטעלן אויף די חזקה אז די אמת'ע אינטערסאנטע סחורה איז נישט אויפן דעקל...

ניין, די אינטערעסאנטסטע און וויכטיגסטע סחורה איז 6 בלוטיגע קאפיטלען וועגן קאראנא-ווירוס. אויב דער דעקל מאכט דיר נישט קויפן דעם וועקער, זאלסטו טאקע נישט קויפן.

[תרמב]

איך וועל עס קויפן, און איך וועל נישט אויסרייסן גארנישט, איך האב נאר הנאה אז מ’האט פארגרעסערט דעם וועקער אז די נישט אינטערסאנטע נושא זאל ווערן געדעקט דורך די אנדערע ארטיקלען.

[מי אני]

‏@העניך האט שוין דא ארויסגעברענגט

די טענה פון אברהם אבינו אז א געטשקע פון עץ ואבן קען גארנישט טון איז אויך אלט און אויסגעדראשן. אבער ס'איז נאך אלץ אמת.

מיינענדיג, אז ווען מען איז אביעקטיוו דן אויף פאקטן (בפרט ווען מ׳האלט בעצם [היסטאריש] אינדערמיט פונעם אויסשפיל דערפון) איז ״אויסגעדראשן״ נישט קיין טענה. די דיון איז ל״ד פאר ״ענטערטעינמענט״.

[דער וועקער]

דער וועקער איז שוין עוועילעבל צו קויפן!

https://www.amazon.com/dp/B08W6P2KTR

[קורקלענד]

באשטעלט.

[אמת וצדק]

ביטע אהער ברענגען די גאנצע אינהאלט, אז מען זאל קענען זען אלע ארטיקלען וואס זענען אריין.
א דאנק.

[דער וועקער]

.

[אונטער חכם]

ב"ה אז כ'האב א שטיקל יד אינעם הויפט ארטיקל, וואס ציט זיך אויף צענדליגער בלעטער פול מיט פאקטישע ציפערן, graphs, charts, וכו', וואס ווייזט צום ערשטן מאל וויפיל מיר האבן געליטן.

האט מען עס כאטש געגעבן איבערצוקוקן פאר עכטע געלערנטע סטאטיסטיקער, ווי עס פאסט פאר אזא הויכשטאפלערישע זשורנאליסטישע ווערק?

[אונטער חכם]

דער וועקער איז שוין עוועילעבל צו קויפן!

https://www.amazon.com/dp/B08W6P2KTR

די וועקער רעדאקציע קען זען די נעמען ווער עס קויפט?

[דער וועקער]

דער וועקער איז שוין עוועילעבל צו קויפן!

https://www.amazon.com/dp/B08W6P2KTR

די וועקער רעדאקציע קען זען די נעמען ווער עס קויפט?

ניין.

[real fake news]

ס׳ליגט שוין אין טובי׳ס?

[תרמב]

מ’קען עס שוין קויפן אויף 49 ביי די ניוז סטענד? ביז ווילאנג עס איז נאך נישט דא דארט הייסט עס נאך נישט ארויסגעקומען ביי מיר.

[דער וועקער]

אין בלויז עטליכע שעה איז שוין וועקער נומער 18 א "#1 בעסט סעלער" צווישן אידישע ביכער אויף עמעזאן!

https://www.amazon.com/dp/B08W6P2KTR

[דער וועקער]

פאלגנד זענען עטליכע פון אונזערע ידידים וואס האבן געהאט א טייל אין דעם יעצטיגן וועקער:

@מפוזרי
@צ. למדן
@העניך
@לעיקוואד
@פראפעסאר
@מי אני
@מיימון
@אבטולמוס
@יואב
ועוד...

[דער וועקער]

פארווארט

[I don’t know]

ס׳ליגט שוין אין טובי׳ס?

?


Sent from my iPhone using Tapatalk

[I don’t know]

Ordered!! Thanks


Sent from my iPhone using Tapatalk