"טובים השנים" - וועקער 18

[אבטולמוס]

אשכול צו קאמענטירן אויף מיין דערציילונג "טובים השנים" אינעם פרישן וועקער.

[מי אני]

ליידער ליידער ברענגט דאס אזוי שטארק ארויס די אוי לי אם אומר אוי לי אם לא אומר וואס איז דא אין אונזער געמיינדע ביי די סארט אומרעכטן, און וואו די העלד ווערט גאר פארעכענט ווי די ווילעין. און הגם מ'קען טענה'ן פונעם טוביה חטא וזיגוד מינגד, איז קען מען זיך אבער ליידער רואיג פארשטעלן אז ס'וואלט נישט אויסגעזעהן צו סאך אנדערש מיט צוויי מענטשן וואס האבן דאס געזעהן קעגן א מאכטפולן מענטש מיט סטאטוס אין די געמיינדע. ואולי ליגט דאס אויך אינעם געדאנק וואס @אבטולמוס וויל מרמז זיין מיט'ן "טובים השנים".

[אמת וצדק]

מען דארף ליינען די מעשה צוויי מאל צו כאפן וואס גייט פאר..
קורץ און שארף.

[בת קול]

מיר געלאזט מיט אן אפן מויל. איך האב זיך שוין געפריידט אז ס'דא יוסטיץ...

[נעגעל וואסער]

א געוואלדיגע און שרעקעדיגע סיפור. אייזן געשריבן!
איך האב דאס אויסגעטייטשט הן אויף דער קאראנע מצב בפרטיות, אבער איז אוודאי נוגע אנדערע מצבים בכלליות.

[חתם סופר]

איך וואלט עס גערופן "טובים השלשה" ווייל די מעשה האט מיך אויך גע'הרג'עט.....

[חתם סופר]

איין הערה, איך האלט אז אזא מעשה וואלט געדארפט קומען מיט א ווארענונג אז ס'איז זייער גראפיש בלוטיג.

[צפור בודד]

אוי וויי טריגער אלערטס אין דער וועקער. פליז נישט.

[בת קול]

איך האב עס נישט געטראפן מוראדיג גרעפיק בכלל.

[אבטולמוס]

איך האב עס נישט געטראפן מוראדיג גרעפיק בכלל.

כ'האב הנאה צו הערן. כ'האב געשפירט אז פאר די וואס קענען עס טרעפן גראפיש, איז שוין @פיקאסא'ס פאכמאנישע דעזיין גענוג צו ווארענען...

[מאך זיכער]

הערליכער ארטיקל! געברענגט שטורעמישע בויך וויי...

[פאליטיקאנט]

געליינט איבער יום טוב, זייער שפאנענד און פונקטליך - אבער נישט איבער די מאס - דעטאלירט, און פארשטייט זיך די אומאנגענעמע שטעכעדיגע אבער ליידער אמת'ע 'טוויסט' ממש די לעצטע שורה.

ליידער נישט דא וואס צוצולייגן צום נושא אליין.
אבער אויף צו קריטיקירן..... איך מיין האסט אריינגעטראטן אין @הוגה'ס טעריטאריע.....

[תרמב]

די מעשה’לעך ביים סוף פון די וועקער זענען פאר מיר ווי די טשערי אן דע פיי, אבער די מעשה איז עפעס עקסטער ספעישעל, ווי ס’ענדיגט זיך אזוי ווייטאגלעך און סברענגט שטארק ארויס די פוינט, איך האב עס געלייענט מיט א פארכאפטע אטעם.

[הוגה]

אבער אויף צו קאמפלעמענטירן..... איך מיין האסט אריינגעטראטן אין @הוגה'ס טעריטאריע.....

יישר כח! I'm humbled.

.

[ארי נוהם]

כ'מוז רעאגירן אויף דעם ארטיקל.

לדעתי איז עס געווען איינע פון די שענסטע, און מערסט-מקוריות'דיגע ארטיקלען אינעם וועקער. כ'האב עס געלייענט מיט א פארכאפטן אטעם, און די פראסק-אין-פנים ביים ענדע ארטיקל איז פשוט ווערד א פוליצער. ס'שאקלט דיר ריכטיג אויף.

אבטולמוס עט היס בעסט!

[הוגה]

וואס נעמט מען ארויס אויף למעשה? איז דער פאל נכלל אינעם כשם שמצוה לומר דבר הנשמע וכו'? וואס האט ער אויפגעטון מיטן פארציילן?

[אבטולמוס]

וואס נעמט מען ארויס אויף למעשה? איז דער פאל נכלל אינעם כשם שמצוה לומר דבר הנשמע וכו'? וואס האט ער אויפגעטון מיטן פארציילן?

כ'וויל הערן פון דיר. וואס נעמסטו ארויס?

וועגן דיין פראגע, וואס האט די מיידל וואס האט מקיים געווען הכנסת אורחים אין סדום אויפגעטון?

און מ'קען זאגן אז יאנקל האט אויפגעטון צוויי זאכן, איינס, הגם דער עסטעבלישמענט האט אים נישט אויסגעהערט, זענען האפנטליך געווען יחידים וואס האבן זיך יא געהיטן פונעם רוצח. מסתמא האט ער אזוי געראטעוועט א לעבן אדער צוויי. צווייטנס, יאנקל האט מיט זיין טאַט געברענגט אז ס'זאל באשאפן ווערן א שטיקל ליטעראטור וואס דינט ווי א שפיגל אויף אונזער אויפפירונג.

[יעקב מעקסוועל]

די מעשה איז עפעס נישט נארמאל גוט. ווען איך האב געזען פונדערזייט אז עס גייט זיך שוין ענדיגען האב איך עס נישט געקענט פארשטיין, ביז איך בין אנגעקומען צום ביטער'ן ענדע. ווי חתם סופר זאגט, האסט מיר אויך גע'הרג'עט... די ארטיקל וואלט געווען ווערט פאר א פילם.

כ'וויל הערן פון דיר. וואס נעמסטו ארויס?

האסט מיר נישט געפרעגט, אבער די מעסעזש איז קלאר, עס איז מיין ארבעט צו מאכן זיכער אז דער וועם איך קוק ארויף אויף, איז טאקע דער צדיק.