ענטפער פאר פרידא וויזעל

[שמערל]

דרך אגב, איינער האט מיר געשיקט א אינטרעסאנטע באריכט פין ני"ט אז אנדערש ווי אנגענומען זענען נישט געווען ווייניגער עקסידענטן ווי געווענליך, פארקערט עס איז געווען א דראסטישע אויפשטייג פון טויטפעלער.
לויט זיי איז בשעת די לאקדאון טאקע געווען פיל ווייניגער מאטאריסטן אויף די שאסייען, אבער אנדערע האבן אויסגענוצט די געלעגענהייט צו פליען אויף די ליידיגע שאסייען ווי ווילדע חיות, צוברעגענדיג צו "מער" טויטפעלער ווי געווענליך.

בלייבט נאר איבער פאר פראפעסארין ווערטהיימער צו קלארשטעלן וויפיל פון די ווילדע חיות זענען געווען פון קרית יואל.

[רביה''ק זי''ע]

דארף איך עמפאטיע צום מענטש וואס וויל נישט אנטון קיין סיט בעלטס?

יא! וואס גייט דיר אן וואס איך טוה ביי מיר אין קאר?

איז נישט די דעפיניציע פון עמפאטיע דאס גופא אז עס גייט מיר יא אן וואס יענער טוט ביי זיך אין קאר און איך פראביר אים צו העלפן אפילו ווען ער פארשטייט נישט?

יא, די שאלה איז נאר צו דו וואלסט געוואלט אז ISIS זאל דיר איינטיילן וואס צו טוהן ווייל דו פארשטייסט נישט אליינס וואס איז גוט פאר דיר...
https://youtu.be/u1uBfCKLNrI

[שמערל]

דו פארקריכסט. עס קען זיין אז עמפאטיע איז נישט גוט און מען ברויך נאר גיין מיט לאגיק, און אין לאגיק גופא קען מען דן זיין וואס איז מער לאגיש, צו געבן מענטשן א פרייע בחירה ער זאל אליין מחליט זיין וואס צו טוהן, אדער די כלל זאל צווינגען די פרט וויאזוי זיך אויפצופירן וכו'.
אבער דאס איז קלאר אז אויב גייט מען יא מיט עמפאטיע איז נאכאלס דא שטארקע סיבות יענעם איינצוטיילן וואס צו טוהן.

[רביה''ק זי''ע]

ניין, עמפאטיע איז טוה פאר יענעם וואס דו וואלסט געוואלט מ׳זאל טוהן פאר דיר, דו וואלסט נישט געוואלט אז יענער זאל דיר איינטיילן וואס צו טוהן איז טייל נישט יענעם איין וואס צו טוהן.

[שמערל]

רוב מענטשן וואס פאררעכענען זיך עמפאטיש, האלטן אז עמפאטיע מיינט פילן פאר א צווייטן וואס ער אליין פילט. עס קען זיין אז מען ברויך גיין טיפער און פילן פאר א צווייטן וואס יענער פילט איז גוט, אבער די פאקט איז אז רוב מענטשן זענען נישט אזוי.

געווענליך זענען עס די לאגישע מענטשן וואס פארשטייען אז מ'ברויך מיטפילן מיט א צווייטן אפילו ווען ער אליין פילט דאס פארקערטע.

[רביה''ק זי''ע]

רוב מענטשן וואס פאררעכענען זיך עמפאטיש, האלטן אז עמפאטיע מיינט פילן פאר א צווייטן וואס ער אליין פילט.

יא, און וואס איז ווען דער צווייטער האט נישט ליעב ווען דו טיילסט איהם איין וואס צו טוהן ווייל דו האסט אפגעמאכט אז ער פארשטייט נישט כלומפרשט וואס איז גוט פאר איהם?

[דער וועקער]

ביטע זיך האלטן צום ענין.

[העניך]

זייער א גוטע ריספאנס, וועקער סטאנדארט.
פון די אנדערע זייט ברענגט זי למעשה ארויס גוטע נקודות פארוואס די דאטע איז נישט ממש הונדערט פערצענט אקוראט, און ס'איז נישט קיין עכטע פארגלייך צו די דאטע פון די CDC. די חילוקים זענען אבער גענוג גרויס אז מ'זעהט היבש קלאר אז די היימישע עולם האט געליטען אסאך מער פון ניו יארק אין אלגעמיין, וואס כאטש ס'מאכט סענס אז דאס וואס אונז האבן גרויסע משפחות און אונזער אייגנארטיגע לייף סטייל מאכט אויך אסאך אויס, איז שטארק מסתבר אז דאס איגנארירן די מינימום זהירות האט אסאך צוגעגעבען צו אונזער הויכער טויט צאל.

קיין שום דאטא איז נישט הונדערט פראצענט אקוראט, און אוודאי איז דאטא אלס מער אקוראט ווי מער דאטא מ'האט. די דאטא אויף איין געמיינדע וועט קיינמאל נישט זיין אזוי אקוראט ווי די דאטא אויף מיליאנען מענטשן. אבער אזוי ווי דו זאגסט, די פאקטן רעדן פאר זיך אליין. ווען מ'זעט ביי יעדער פאזע פון דער מגיפה אז מיר האבן געליטן פיר אדער מער מאל אזוי שלעכט ווי אין אלגעמיין, און דאס איז קאנסיסטענט איינמאל און נאכאמאל, דארף מען זיין בלינד און טויב צו לייקענען דעם פאקט אז מיר האבן ליידער שרעקליך געליטן א דאנק אונזער אומ'אחריות'דיגער אויפפירונג.

[אישתישבי]

און פארוואס גייסטו אהן א מאסק?

[קורקלענד]

און פארוואס גייסטו אהן א מאסק?

ווייל ער וויל נישט מ'זאל וויסן אז ער איז העניך.

[אישתישבי]

און פארוואס גייסטו אהן א מאסק?

ווייל ער וויל נישט מ'זאל וויסן אז ער איז העניך.

און וואס איז מיט מסירות נפש? און וואס איז מיט אלע דעמאגאגיע פין דער הייליגע וועקער?

עס איז דא פיר ערליי רעספאנסעס צו געזעצען
1. די וואס פאלגען אהן קשיות.
2. די וואס פאלגען דוקא נישט.
3. די וואס זוכן צו מאכן יעדער זאל פאלגען.
4. די וואס ווילען אויסניצן דער געזעץ לטובתם.

די וועקער חברה זענען לכאורה אין דער פערטער קאטעגאריע.

[הקטן]

קיין שום דאטא איז נישט הונדערט פראצענט אקוראט, און אוודאי איז דאטא אלס מער אקוראט ווי מער דאטא מ'האט. די דאטא אויף איין געמיינדע וועט קיינמאל נישט זיין אזוי אקוראט ווי די דאטא אויף מיליאנען מענטשן. אבער אזוי ווי דו זאגסט, די פאקטן רעדן פאר זיך אליין.

דאס איז אלס פיין נאך וואס די דאטא קימט נאך א מינימאם טרעש-האלד, פין דארט און ווייטער איז מער געווענליך בעסער


דערנאך איז דא דאטא וואס זאגט גארנישט!, statistically insignificant, און מען קען פין דעם גארנישט ארויסנעמען, קיין שום מסקנה אדער פאקט...

אויב נאכאלץ זעסטו פאקטן, אן האבן דאטא דאס צו בעקען, דאן לאז דיינע "פאקטן רעדן פאר זיך אליין"!
קאכן די ביכער, מיט ליידיגע נאמבערס, איז מאראליש באנקראט!

[יעקב מעקסוועל]

זייער א שיינע שמועס געווארן דערפון, בעיקר וואס איך וויל צולייגן, לאמיר עס נישט נעמען אזוי ערנסט. דער ענין איז טאקע גאר אן ערנסטע ענין, אבער מען קען נישט פירן קיין אויפריכטיגער שמועס ווען מען שטעלט זיך אויף יעדע ווארט.

עס איז א ריכטיגע נקודה אז די דאטא איז נישט פערפעקט, איך אליין האב אויך געטראכט בשעת'ן ליינען די נקודה אז אונזער משפחות זענען גרעסער, און דאס וואלט געקענט גורם זיין מער נפטרים ביי אונז אפילו אויב מען זאל יא אויספאלגן פונקט ווי ביי אנדערע. מאכט דאס איינעם טראכטן אז אפשר האבן אונז זיך יא אויפגעפירט פונקט ווי יעדעם..? אין מיין מיינונג זענען די נאמבערס גענוג שטארק אז אפילו מען רעכנט צו אומפונקטליכקייט אין די סטאטיסטיק'ס פארציילט עס עפעס. (אדרבה, אויב וועט אמאל זיין בעסערע נאמבערס עוועילעבל וויל איך הערן דערפון).

די נקודה ווי זי רעדט אזוי סאך פון די נפטרים אין קרית יואל, איז טאקע אביסל מאדנע. בשעת די ארטיקל אליין האט דאס גענוצט אלס משל פון נישט צו גוטע דאטא.


עס איז מיר אינטערסאנט אז אין מיין ערשטע תגובה דא האב איך געשריבן אז איך פארשטיי נישט פארוואס פרידא וויזעל נעמט זיך אזוי צום הארצן די פראבלעמען פון אונזער קהילה, און יעצט איז די תגובה טאקע אריין אלס בריוו אינעם וועקער. איך מיין עט דיס פוינט איז זי שוין פשוט טיף אינעם דיטש.

בנוגע וואס זי זאגט וועגן אונז, לגבי מיר איז עס גראדע יא אמת. איך פיל מיר גאנץ גוט אז איך פארשטיי בעסער ווי דער געווענליכער חסידישער אינגערמאן, דאס מיינט נישט אז איך קום נישט אן צום אמת, איך פיל מיר פשוט גוט אז איך זוך דווקא יא דעם אמת. (און יעצט פיל איך מיר נאך בעסער אז איך האב עס אפילו ארויסגעשריבן...)


איין זאך וואס איך נעם יא ערנסט ווען מענטשן רעדן אריין אינמיטן א שמועס וואס זיי האלטן נישט מיט, איינער דא האט אפילו געשריבן אז ער האט נישט געליינט די ארטיקל. קאם אן, אויב דו ווילסט רעדן וועגן קאראונע און איבער די קאמיונעטי איז דא א גוט ביסל אשכולות צו גיין. זאג דיין מיינונג איבער דער ענין דא נאר אויב דו ווייסט וואס דער רעדע איז.

האטס מיר און זייטס מיר...

ביידעוועי, וואס איז דער פונקטליכער באדייט פון טשינאש?

[yesiknow]

סקיני בלע"ז נהניתי מאוד לקרוא את התגובה שלכם!

[נײגעריגער]

פון פריידעלע'ס בלאג:
Chinush– Hungarian term for skinny, nice, and fit
https://friedavizel.com/2020/07/18/glos ... ish-terms/

אינעם אונגערישן אשכול viewtopic.php?f=7&t=499 שרייבט איינער:

ענקער באבע האט ענק קיינמאל נישט געזאגט אז עטץ זענטץ צ'ינאש???

דזשאָדאַש - צוקער זיס

מער פאָרש-אַרבעט נויטיגט זיך..

[רימון]

csinos מיינט pretty

https://www.duolingo.com/dictionary/Hun ... ce525d1c9b

[אישתישבי]

בקיצור, די פרויען זענען טשינאש און די מענער נישט.

[תוהו ובוהו]

לענ''ד ברענגט די ענטפער צו מרת וויזל ארויס די עיקר פוינט
אז אמת די דאטא איז פעלערהאפטיג (גרויסע משפחות, רעלאטיוו קליינע נומערן,)
און מעגליך 'גארנישט ווערט' אויב וואלט איינער געוואלט פון 'דעם' ארויסנעמען אז מאסקעס העלפט, גרויסע פארזאמלונגען ברענגט אנשטעקיגע, היגיענע/מאסקעס פארמינערן שאנסן פון ווערן אנגעשטעקט אא''וו.
אבער געוואלד און געשריגן דאס אלעס 'ווייסן מיר דאך' און ניין נישט פון דאקטאר פאוטשי'ס 'תורת משה' נאר פון פשוט'ע מוכרח'דיגע סייענס
און וואס נאך מיר 'ווייסן' איז, אז סאיז פארגעקומען ריזיגע פארזאמלונגען, זירא באשיץ מיטלען, זירא היגיענע...
(און דאס אליינס!!! איז איבער גענוג צו באשולדיגן אונז אלע און בפרט ווער עס באטראכט זיך אלס 'מנהיג' ווייניגסטענס ב'המתה בקלות דעת')
אלזא סך הכל בלייבט איבער צו זעהן במבחן התוצאה וואס אונזערע נומערן זענען און מיר קענען היפש זיכער אננעמען אז דאס איז א רעזולטאט פון אונזער פארנאכלעסונג

און איין ווארט נישט אונזערע נומערן זענען די 'פראוו' אז אונז זענען געווען פארנאכלעסיגט, נאר אונזער קלארע פארנאכלעסונג איז מסביר אונזערע נומערן

Sent from my KFDOWI using Tapatalk