אפיציעלער איסור אויף שטערן/שפאקטיוו

אין דער וועלט פון מידיא, אידישע און וועלטליכע פובליקאציעס

Re: אפיציעלער איסור אויף שטערן/שפאקטיוו

הודעהדורך chasid » דינסטאג מערץ 06, 2012 4:54 pm

חיים נחום הלוי פריעד האט געשריבן:איך בין נישט באקאנט מיט דער גאנצער געשיכטע, און וויפיל מ'קען יא גלייבן קול קורא'ס און וויפיל נישט. אבער אזויפיל קען איך זאגן אז איך קען הגה"צ מ'איבראן שליט"א פערזענליך, און ער איז אן איש מורם מעם, א געוואלדיגער גאון און בעל מידות להפליא. עס איז ביי מיר ברור אז אויב שטייט ער טאקע אונטער דעם קול קורא האט ער עס קלאר דורכגעטון און טיף באטראכט אלע צדדים.

פון דיין תגובה אינם סאטמאר-בעלז שלום אשכול זעט נישט אויס אז דו זאלסט מסכים זיין צו איבראנער רב'ס דעת תורה...
(אויב האסט געהערט זיין דרשה)
באניצער אוואטאר
chasid
ידיד השטיבל
ידיד השטיבל
 
הודעות: 244
זיך רעגיסטרירט: זונטאג מערץ 04, 2012 2:02 am
האט שוין געלייקט: 172 מאל
האט שוין באקומען לייקס: 73 מאל

Re: אפיציעלער איסור אויף שטערן/שפאקטיוו

הודעהדורך מוראדיג » דינסטאג מערץ 06, 2012 4:55 pm

חיים נחום הלוי פריעד האט געשריבן:איך בין נישט באקאנט מיט דער גאנצער געשיכטע, און וויפיל מ'קען יא גלייבן קול קורא'ס און וויפיל נישט. אבער אזויפיל קען איך זאגן אז איך קען הגה"צ מ'איבראן שליט"א פערזענליך, און ער איז אן איש מורם מעם, א געוואלדיגער גאון און בעל מידות להפליא. עס איז ביי מיר ברור אז אויב שטייט ער טאקע אונטער דעם קול קורא האט ער עס קלאר דורכגעטון און טיף באטראכט אלע צדדים.


ביים פירן טיש און פסק'ענען שאלות דארף מען טאקע אזא איש מורם מעם, אבער צו פירן אנדערע סארט ציבורישע זאכן, ווי באשליסן וועלכע ליין מאטריאל איז גוט פאר די "פשוטי עם", דארף מען דוקא נישט איינעם וואס איז "מורם מעם". טאקע ווייל ער קען "נישט" טיף דורכטון און באטראכטן "אלע" צדדים, ווייל ער איז לעבט דאך אין אן אנדער וועלט.
מוראדיג
מאנשי שלומינו
מאנשי שלומינו
 
הודעות: 42
זיך רעגיסטרירט: זונטאג מערץ 04, 2012 7:23 pm
האט שוין געלייקט: 18 מאל
האט שוין באקומען לייקס: 8 מאל

Re: אפיציעלער איסור אויף שטערן/שפאקטיוו

הודעהדורך חיים נחום הלוי פריעד » דינסטאג מערץ 06, 2012 4:59 pm

chasid האט געשריבן:
חיים נחום הלוי פריעד האט געשריבן:איך בין נישט באקאנט מיט דער גאנצער געשיכטע, און וויפיל מ'קען יא גלייבן קול קורא'ס און וויפיל נישט. אבער אזויפיל קען איך זאגן אז איך קען הגה"צ מ'איבראן שליט"א פערזענליך, און ער איז אן איש מורם מעם, א געוואלדיגער גאון און בעל מידות להפליא. עס איז ביי מיר ברור אז אויב שטייט ער טאקע אונטער דעם קול קורא האט ער עס קלאר דורכגעטון און טיף באטראכט אלע צדדים.

פון דיין תגובה אינם סאטמאר-בעלז שלום אשכול זעט נישט אויס אז דו זאלסט מסכים זיין צו איבראנער רב'ס דעת תורה...
(אויב האסט געהערט זיין דרשה)

איך ווייס נישט פון וועלכע דרשה דו רעדסט. אדרבה, ווייז מיר אן.
אזוי צי אזוי, האב איך נישט געשלאסן קאנטראקט מיט דעם איבראנער רב שליט"א אז איך מוז אננעמען אלעס וואס ער האלט. אויף אזויפיל קען איך זאגן, אז איך קען אים פערזענליך, כ'האב שוין גערעדט מיט אים אין פארשידענע געלעגנהייטן, און ער איז באמת א איד א צדיק.
חיים נחום הלוי פריעד
ידיד השטיבל
ידיד השטיבל
 
הודעות: 206
זיך רעגיסטרירט: מוצ"ש פעברואר 25, 2012 11:45 pm
האט שוין געלייקט: 74 מאל
האט שוין באקומען לייקס: 239 מאל

Re: אפיציעלער איסור אויף שטערן/שפאקטיוו

הודעהדורך יאנקל » דינסטאג מערץ 06, 2012 5:35 pm

מוראדיג האט געשריבן:
חיים נחום הלוי פריעד האט געשריבן:איך בין נישט באקאנט מיט דער גאנצער געשיכטע, און וויפיל מ'קען יא גלייבן קול קורא'ס און וויפיל נישט. אבער אזויפיל קען איך זאגן אז איך קען הגה"צ מ'איבראן שליט"א פערזענליך, און ער איז אן איש מורם מעם, א געוואלדיגער גאון און בעל מידות להפליא. עס איז ביי מיר ברור אז אויב שטייט ער טאקע אונטער דעם קול קורא האט ער עס קלאר דורכגעטון און טיף באטראכט אלע צדדים.


ביים פירן טיש און פסק'ענען שאלות דארף מען טאקע אזא איש מורם מעם, אבער צו פירן אנדערע סארט ציבורישע זאכן, ווי באשליסן וועלכע ליין מאטריאל איז גוט פאר די "פשוטי עם", דארף מען דוקא נישט איינעם וואס איז "מורם מעם". טאקע ווייל ער קען "נישט" טיף דורכטון און באטראכטן "אלע" צדדים, ווייל ער איז לעבט דאך אין אן אנדער וועלט.

זייער גוט ארויסגעברענגט. דער איבראנער רב, זאל זיין געזונט און שטארק, איז מסתמא פאסיג צו זיין א מורה דרך פאר אידן, רעדן דברי השקפה וכדומה. קען מיר עמיצער מסביר זיין וויאזוי א איד וועלכער האט נישט קיין סך שייכות צו דעם עולם הגשמי זאל פארשטיין צו דעם "שטערן" - און צו וואס דער פשוט'ער המון-עם וויל לייענען און וויסן?
יאנקל
חבר ותיק
חבר ותיק
 
הודעות: 2917
זיך רעגיסטרירט: דאנערשטאג פעברואר 23, 2012 10:49 pm
האט שוין געלייקט: 2613 מאל
האט שוין באקומען לייקס: 3661 מאל

Re: אפיציעלער איסור אויף שטערן/שפאקטיוו

הודעהדורך שרגא » דינסטאג מערץ 06, 2012 7:57 pm

חיים נחום הלוי פריעד האט געשריבן:איך בין נישט באקאנט מיט דער גאנצער געשיכטע, און וויפיל מ'קען יא גלייבן קול קורא'ס און וויפיל נישט. אבער אזויפיל קען איך זאגן אז איך קען הגה"צ מ'איבראן שליט"א פערזענליך, און ער איז אן איש מורם מעם, א געוואלדיגער גאון און בעל מידות להפליא. עס איז ביי מיר ברור אז אויב שטייט ער טאקע אונטער דעם קול קורא האט ער עס קלאר דורכגעטון און טיף באטראכט אלע צדדים.


אויב האט ער עס "קלאר דורכגעטון און טיף באטראכט אלע צדדים", פארוואס האט ער פארגעסן ארויסצושרייבן דעם "בירור". אויף דעם קול קורא שרייבט ער דאך א גאנצע אריכות פונקטליך וואס עס האט אים באוואויגן דערצו, עפעס א פשעטל אז בו בזמן וואס די שטערן אנפירער האבן דערקלערט אז זיי זענען גרייט זיך אונטערצובייגן און צושטעלן אויף אלעם וואס מען פארלאנגט, האבן זיי געשריבן עפעס א שקר און "לאור כ"ז יצא הדבר לאיסור". דאס הייסט, זיי שרייבן קלאר וואס עס האט מכריע געווען זייער טיפן שיקול הדעת; נישט עפעס א טיפע אויסגעארבעטע בירור מכל הצדדים און גענומען אין באטראכט אלע קאנסעקווענצן און ווי אפשר דארף עס דער דור האבן און אפשר לוינט זיך יעצט צו אויסניצן די געלעגנהייט און דרוקן די חברה זיך צוצושטעלן און ארויסגעבן א ריינע אויסגאבע לויט זייער גייסט וכו' וכו', ניין, וויבאלד זיי האבן געזאגט א ליגנט, דארף מען דעם אויסגאבע "אסר'ן" ווי זיי שרייבן "בבל יראה ובל ימצא ויתרחקו מהם אנשים נשים וטף עד קצה האחרון". סאו קום נישט זאגן אז יענער האט עפעס טיף באטראכט פון אלע צדדים ווען יענער זאגט אונז קלאר וואס די "איין צד" איז געווען. אפילו אוודאי קען ער זיין אן ערליכער איד א צדיק, נאר ווי געזאגט איז מיין טענה אויף די עסקנים וואס פארדרייען זיי דעם קאפ.
(We need mercy, kindness, not judgment. (Describe, Matisyahu
באניצער אוואטאר
שרגא
היימישער באניצער
היימישער באניצער
 
הודעות: 548
זיך רעגיסטרירט: דינסטאג פעברואר 28, 2012 12:20 am
האט שוין געלייקט: 330 מאל
האט שוין באקומען לייקס: 734 מאל

Re: אפיציעלער איסור אויף שטערן/שפאקטיוו

הודעהדורך פארווע » דינסטאג מערץ 06, 2012 8:09 pm

סך הכל איז געבליבן פארן איבראנער זיך צו עפענען א ניק דא אזוי וועט ער אריינגיין אינעם כלל פון "אטאקעס אויף אנדערע ניקס זענען נישט ערלויבט"
פארווע
מאנשי שלומינו
מאנשי שלומינו
 
הודעות: 55
זיך רעגיסטרירט: מאנטאג מערץ 05, 2012 4:57 pm
האט שוין געלייקט: 0 מאל
האט שוין באקומען לייקס: 34 מאל

Re: אפיציעלער איסור אויף שטערן/שפאקטיוו

הודעהדורך הדד בן בדד » מיטוואך מערץ 07, 2012 12:56 pm

איך וויל אנהייבן מיטן אויסדרוקן א יישר כח פאר די הנהלה פארן עפענען דאס פלאץ, איך האלט דוקא אז עס איז וויכטיג צו האבן אזא פלאץ, און פאר די וואס פרעגן מיט וואס איז דאס אנדערש פון הייד פארק, האף איך אז די צייט וועט עס איבערצייגן. כשלעצמי האף איך אז עס וועט זיין מיט דעם וואס מען וועט זיך אדרעסירן מיט כבוד און רעספעקט איינער צום צווייטן, אז אויב דו ווילסט ארויסברענגען דיין ווייטאג אויף דעם רבי'ן אדער אויף יענעם רב, זאל מען עס טוהן מיט אביסל ערוואקסנקייט, נישט מיט מיאוס'ע קינדערישע לשונות, בפרט ווען מען רעדט פערזענליך פון א געוויסן רבין אדער רב. און אויב יענעם'ס א חסיד אדער אנהענגער וועט דיר אויפמערקן אז ער האלט אנדערש, זאלסטו עס אויפנעמען מיט פארשטענדעניש און אויב ווילסטו ענטפערן, זאל עס זיין מענטשליך, אן יענעם פערזענליך אטאקירן.

לענין. איך מוז שטארק באדאנקען די אלע אידן פארן שרייבן דא איבער דעם ענין פון דעם איסור קעגן דעם שטערן, ספעציעל ר' שרגא'ן מיט ר' קארל'ען. אבער איך פיל אז מען איז נישט אריינגעגאנגען גענוג טיעף אין דעם ענין, און עס איז נאך איבערגעבליבן עפעס פאר מיר מוסיף צו זיין, ע"כ וויל איך זיך נעמען די מיה, און צולייגן דא מיינע פאר צענט.

מיט א פופצן אכטצן יאר צוריק האב איך געהערט א דרשה פון הרב אבא חייא טויבער שליט"א, איבער חינוך, אין דעם דרשה האט ער ארויסגעברענגט אז דער חתם סופר האט געהאט פראבלעמען אין זיין ישיבה מיט בחורים וועלכע האבן געליינט טריפה'נע ביכער, און זענען געווארן אנגעשטעקט מיט מינות און אפיקורסות. אבער היינט, האט ר' אבא חייא געזאגט, היינט איז אנדערש, אמאל איז געווען דער יצר הרע, א יצר הרע פון דעם שכל, מען האט געליינט משכיל'ישע ביכער, אבער היינט, נאכן טוהן אין חינוך מיט בחורים איבער דרייסיג יאר, האב איך נאך נישט באגעגענט קיין איין אזא פאל, היינט איז דער יצר, א יצר הרע פון שטותים, פון נידריגע מיאוס'ע תאוות.

איך מיין אז פון דעמאלס ביז היינט האט זיך די וועלט אסאך גערוקט, בעת ווען אמאל האט מען געהערט פון בחורים וועלכע לאזן אפ אידישקייט און גייען ליידער ארויס לתרבות רעה, הערט מען היינט פון אסאך פעלער ווי אינגעלייט און פרויען, וועלכע האבן שוין צומאל שטובער מיט קינדער, לאזן אלעס אפ, און ווארפן אלעס אוועק אונטער זיך, און גייען ארויס לתרבות רעה.

כאטש אונזער סיסטעם אויסגעשטעלט זייער שווער צו מאכן פאר איינעם אזא טריט, מיט דעם אלעם זעהט מען און מען הערט ליידער צופיל אזעלכע מעשיות פון אזעלכע וועלכע זענען דאך גרייט געווען אלעס מפקיר צו זיין און גיין זוכן גליקן ביי דעם גוי.

והדבר הזה אומר דרשוני, פארוואס געשעהט דאס און פון וואס קומט דאס.

נאר איך מיין אז מען דארף נישט אריינגיין אין קיין לאנגע זוכענישן און וויכוחים איבער וואס דאס קומט. אמת, עס זענען דא אזעלכע וועלכע זענען סתם פארדארבן, א מענטש האט א בחירה, און עס זענען אלעמאל געווען אזעלכע וועלכע זענען געווען פארפוילטע קערלעך און האבן אוועקגעווארפן דעם רבוש"ע מיט זיין תורה און געגאנען זוכן זוכן דעם זילבערנעם לעפל ערגעץ אנדערש.

אבער דא רעדט מען פון פילע מענטשן וועלכע זענען בעצם וואוילע מענטשן - און איך רעד נישט דוקא פון די וואס זענען שוין געגאנגען, איך רעד דא אויך פון גאר אסאך וועלכע זענען נאך נישט געגאנגען, אדער וועלן זיי קיינמאל נישט גיין ווייל זיי האבן נישט דעם קוראזש, אבער זייערע קעפ זענען דארט - און איך האב גערעדט מיט אסאך אזעלכע און איך הער וואס זיי זאגן.

דוד המלך זאגט, תורת ה' תמימה משיבת נפש. ווען מען לערנט תורה און מען גייט אין אירע וועגן איז דאס משיבת נפש, עס טוט רואיג מאכן דעם זעהל פון דעם מענטש, עס דארף ברענגען רואיגקייט, צופרידנקייט און שלוות הנפש, אבער דער פראבלעם איז, אז די מענטשן זענען אויפגעוואקסן אין היימישע שטובער און מוסדות, געלערנט אין חדר, ישיבה און אין מיידל סקול, און פיל מאל אויך אפאר יאר אין כולל, און...

און ער לעבט אין א פינסטערן וועלט. דעיס אידישקייט וואס ער קען און פראקטיצירט, גיט אים נישט קיין שום רואיגקייט, קיין שום שלוות הנפש, קיין שום סיפוק החיים. אנשטאט דעם גיט עס אים, חובות, פוד סטעמפס, (אדער קען ער עס נישט האבן ווייל עס שטימט נישט מיט זיין ארבעט) שטאטישע פראגראמען דורך גראדע אדער קרומע וועגן, א פוסט לעבן אן קיין ציהל און תכלית. ער דרייט זיך ארום אין א עולם התוהו און האט נישט קיין השגה וואס ער טוט אויף די וועלט, און פארוואס ער דרייט זיך דא, פארוואס ער האלט שבת, לייגט תפלין, עסט דוקא כשר'ס און איז מקיים אנדערע מצוות.

אזוי אויך פארשטייט ער נישט פארוואס ער דארף מקיים זיין דעם סור מרע, ער ווייסט נישט פארוועמען ער טוט דאס, פארוואס ער זאל עס טוהן און וואס וועט אים דאס געבן. און עס איז א דבר המובן מאליו, אז ווען א מענטש איז אין אזא מצב, קומט ער צו צום ערגסטן. צו מען זעהט עס אינדרויסן צו נישט, דאס איז שוין א אנדערע שמועס, אבער זיין הארץ קוקט אויס אזוי.

אין חדר האט מען מיט אים קיינמאל נישט געלערנט די דאזיגע לעבנס וויכטיגע עניינים, אין ישיבה אוודאי נישט (אויב יא וועט עס דאך הייסט א שוואכע ישיבה, אין א גוטע ישיבה לערנט מען נאר גמרא מיט קצות) און דערנאך שיקט מען אים אריין אין א וועלט וואס ער האט קיינמאל נישט געקענט, און ער דארף זיך ספראווען מיט דעם גאנצן עולם הגשמי איינער אליינס, און אין די זעלבע צייט מענעדשן צו ברענגען פרנסה, אויף וועלכע ער האט קיין שום צוגרייטונג און טרענירונג אויך נישט באקומען. און עס ווערט שווערער און שווערער דאס צו באווייזן.

די רבנים, ווי אנדערע האבן שוין דא געשריבן, זיי אליינס האבן זיך פאבריצירט אין זייער דמיון אן אייגענעם גאט, א אל אחר, וואס זיי רעדן זיך איין אז דאס איז דער גאט וועלכער האט געגעבן די תורה, און זיי זאגן אלה אלוהיך ישראל, און דער גאט זאגט זיי אז דער עיקר איז ארויסצוגעבן וואס מער איסורים, טרעפן וואס מער פראבלעמען ביי אנדערע מענטשן, און פארשטייט זיך, זיכער מאכן אז די בילד ערשיינט וואס אפטער אין אלע פיקטשער מאגאזינען.

וואס אידישקייט איז באמת, האט מען שוין לאנג פארגעסן (די וואס האבן בכלל אמאל געוואוסט), און ממילא האט מען אינגאנצן פארלוירן דעם ציהל ברעט, דעם פאוקוס אויף וואס מען ציהלט. א איסור ציהלט צו עפעס, עס ציהלט מחזק צו זיין אידישקייט, אבער זיי הייבן נישט אן צו טראכטן פון אידישקייט (ווי געזאגט, צו ווייל זיי האבן פארגעסן צו ווייל זיי האבן גאר קיינמאל נישט געוואוסט), דאס ארויסגעבן איסורים ביי די פונט, איז געווארן אזא סארט ציהל פאר זיך, א נייע סארט רעליגיע.

און אזוי זעהט מען טאג טעגליך דרשות קעגן דעם, פייערליכע מודעות קעגן יענעם, מכתבי הסברה ווי געפערליך דער אנדערער איז, און... איסורים אויפן שטערן און שפאקטיוו נישט ווייניגער. דא האט מען געטראפן דעם טוטער. אלע פראבלעמעם קומען פון דעם. פאר דעם פארן אפ אזויפיל אידישע קינדער פון וועג נעבעך, ווייל מען ליינט שטערן און שפאקטיוו.

עס איז גענצליך איבריג איך זאל דא איבערגיין די ווילדע לשונות וועלכע זענען געשריבן אין דעם "גילוי דעת", און דאס פערדעריי פון צושרייבן דעם שטיקל אז כאטש די בעלי בתים זאגן זיי ווילן זיך צושטעלן, קען מען זיי נישט געטרויען ווייל זענען אזעלכע געפערליכע אינגען, אז בשעת זיי זענען געשטאנען פאר די הויכגעשפריצטע רבנים האבן זיי נישט מורא געהאט צו זאגן ליגנט, נישט סתם ליגנט, נאר הביאו כתב עברי לצחק בנו בשקר גס ובמרמה!!!!

גיוו מי עי ברעיק.

איך מיין עס איז געקומען די צייט מיר זאלן פשוט אויפהערן קוקן אויף זייער זייט, זיך נעמען אליינס אין די הענט אריין און אנהייבן זוכן אויטענטישע אידישקייט. ווייל אויב נישט, וויל איך חלילה נישט טראכטן וואס קען געשעהן. עס האט מיר אמאל געזאגט א מנהל פון א גרויסע חסיד'ישע ישיבה גדולה אז "אויב חלילה זאל זיך היינט אפיר שאפן א נייער משה מענדלסאן, קען ער אוועק רייסן זיבעציג פראצענט פון דעם יהדות החרדית". יא, אזוי וואקלדיג זענען מיר, און אויב מיר וועלן זיך נישט נעמען אליינס אין די הענט אריין, וועט זיין זייער ביטער.

מיר לעבן אין א אינטערעסאנטער דור. פון איין זייט לאזן אזויפיל היימישע אידן איבער אידישקייט, אידן וועלכע זענען געבארן אין דעם טשולנט טאפ פון אידישקייט, און זענען אויפגעוואקסן מיט דעם ווארפן עס אוועק, און פון די אנדערע זייט זענען דא טויזענטער בעלי תשובה וועלכע האבן דאס קיינמאל נישט טועם געווען, און זיי קומען זוכן אידישקייט מיט ליכט. און וואס איז נאך א גרעסערער וואונדער איז, אז ווען זיי טרעפן עס, קענען זיי זיך נישט גענוג אנזעטיגן דערמיט.

און דער הסבר איז זייער פשוט, ווייל אידישקייט איז זיס, עס מאכט זיס דאס לעבן, עס ווערט א גן עדן אויף די וועלט, מען איז זוכה צו דער מצב פון משיבת נפש, מען האט סיפוק אין לעבן יעדן איינציגסטער טאג וואס מען לעבט. אבער אז מען לעבט מיט עפעס א חצוניות וואס קווקט אויס פון דרויסן עפעס אזוי ווי אידישקייט, אבער דער פנימיות איז עפעס א נייע רעליגיע וואס האט מיט אידישקייט קיין שייכות נישט, נו אוודאי זוכט מען צו אנטלויפן.

עס איז נאך דא גאר אסאך וואס צו שרייבן אויף דעם ענין, און איך גיי נישט צו לאנג מאריך זיין, עס איז שוין גענוג לאנג ביז אהער אויך. אבער איך מיין באמת, חוסו על נפשכם ועל נפש בניכם, לאמיר צוזאמען זיך נעמען זוכן דעם אויבערשטן, לאמיר לערנען וואס אויטענטישע אידישקייט איז, נישט האקן אויף יענעם, נאר בויען זיך, און זיך דערנענטערן צום אונזער זיסן לעכטיגן באשעפער.
זאל דער אויבערשטער העלפן, אז וילמדו תועים בינה, ויתמו חטאים ולא חוטאים, און מיר זאלן זוכה זיין צו די גאולה שלימה בקרוב.
באניצער אוואטאר
הדד בן בדד
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1464
זיך רעגיסטרירט: פרייטאג מערץ 02, 2012 2:57 pm
האט שוין געלייקט: 842 מאל
האט שוין באקומען לייקס: 1100 מאל

Re: אפיציעלער איסור אויף שטערן/שפאקטיוו

הודעהדורך שרגא » מיטוואך מערץ 07, 2012 1:54 pm

הדד בן הדד, דו מאכסט מיר ארויסשלעפן די ברוינע חברה: :like :like :like

אבער איך מיין אז די שורה איז אביסל צו שארף "עס איז געקומען די צייט מיר זאלן פשוט אויפהערן קוקן אויף זייער זייט, זיך נעמען אליינס אין די הענט אריין און אנהייבן זוכן אויטענטישע אידישקייט." איך פארשטיי אז מיינסט עס נישט אזוי ערנסט און עס איז בעיקר ארויסצוברענגען דעם פוינט, אבער מען דארף אכט געבן וויאזוי מען שרייבט.
(We need mercy, kindness, not judgment. (Describe, Matisyahu
באניצער אוואטאר
שרגא
היימישער באניצער
היימישער באניצער
 
הודעות: 548
זיך רעגיסטרירט: דינסטאג פעברואר 28, 2012 12:20 am
האט שוין געלייקט: 330 מאל
האט שוין באקומען לייקס: 734 מאל

Re: אפיציעלער איסור אויף שטערן/שפאקטיוו

הודעהדורך ראשעקאל » מיטוואך מערץ 07, 2012 1:58 pm

הדד - הערליך הערליך!!!
ווי קארל האט אזוי עלעקוואנט געשריבן:
זענען דאס די אויף וועלכע מיר דארפן ארויפקוקן? זענען דאס די וואס רעפרעזענטירן אידישקייט? ווילאנג איך בין א איד וועל איך האלטן אז אזעלכע מענטשן זענען כופרים באלוקי ישראל. זיי גלייבן אין אן אייגן-געמאכטן רשעות'דיגן היפאקריטישן גאט.
באשר תלכו לא אלך, אלוהיכם לא אלוקי!
וואס פארט איבער די גאנצע וועלט אבער בלייבט אין איין ווינקעל?
א פאוסטעזש סטעמפ!!
באניצער אוואטאר
ראשעקאל
חבר ותיק
חבר ותיק
 
הודעות: 6078
זיך רעגיסטרירט: דאנערשטאג פעברואר 23, 2012 11:12 pm
האט שוין געלייקט: 7953 מאל
האט שוין באקומען לייקס: 5286 מאל

Re: אפיציעלער איסור אויף שטערן/שפאקטיוו

הודעהדורך ידען » מיטוואך מערץ 07, 2012 2:23 pm

הדד בן בדד, דיינע ווערטער זענען אזוי זיס און אזוי ציפעדיג אמת. מיין קאפ איז נישט קלאר אום תענית אסתר וועל איך נישט מאריך זיין, און וועל צוריק קומען נאך פורים בלי״נ.
פאר גוגל טאק און פאר לייגען אשכולות ענאנימעסלי
yedios1 @ gmail.com
באניצער אוואטאר
ידען
חבר ותיק
חבר ותיק
 
הודעות: 3140
זיך רעגיסטרירט: דינסטאג פעברואר 28, 2012 10:27 pm
האט שוין געלייקט: 3694 מאל
האט שוין באקומען לייקס: 1073 מאל

Re: אפיציעלער איסור אויף שטערן/שפאקטיוו

הודעהדורך מוראדיג » מיטוואך מערץ 07, 2012 2:31 pm

הדד, א ריזיגן דאנק פאר די קלארע דיבורים וואס שטעכט טיף אין הארץ.

דיינע פאלגנדע ווערטער זענען א מוראדיגע אמת און א גאר שטארקער פונקט:
מיר לעבן אין א אינטערעסאנטער דור. פון איין זייט לאזן אזויפיל היימישע אידן איבער אידישקייט, אידן וועלכע זענען געבארן אין דעם טשולנט טאפ פון אידישקייט, און זענען אויפגעוואקסן מיט דעם ווארפן עס אוועק, און פון די אנדערע זייט זענען דא טויזענטער בעלי תשובה וועלכע האבן דאס קיינמאל נישט טועם געווען, און זיי קומען זוכן אידישקייט מיט ליכט. און וואס איז נאך א גרעסערער וואונדער איז, אז ווען זיי טרעפן עס, קענען זיי זיך נישט גענוג אנזעטיגן דערמיט.

און דער הסבר איז זייער פשוט, ווייל אידישקייט איז זיס, עס מאכט זיס דאס לעבן, עס ווערט א גן עדן אויף די וועלט, מען איז זוכה צו דער מצב פון משיבת נפש, מען האט סיפוק אין לעבן יעדן איינציגסטער טאג וואס מען לעבט. אבער אז מען לעבט מיט עפעס א חצוניות וואס קווקט אויס פון דרויסן עפעס אזוי ווי אידישקייט, אבער דער פנימיות איז עפעס א נייע רעליגיע וואס האט מיט אידישקייט קיין שייכות נישט, נו אוודאי זוכט מען צו אנטלויפן.
מוראדיג
מאנשי שלומינו
מאנשי שלומינו
 
הודעות: 42
זיך רעגיסטרירט: זונטאג מערץ 04, 2012 7:23 pm
האט שוין געלייקט: 18 מאל
האט שוין באקומען לייקס: 8 מאל

Re: אפיציעלער איסור אויף שטערן/שפאקטיוו

הודעהדורך יידל » מיטוואך מערץ 07, 2012 2:38 pm

הדד בן בדד, רעדסט דאך אזוי זיס!! שפתיים ישק משיב דברים נכחים!! עס איז ווירקליך אין וואר. צו אנרופן דעם קינד ביים נאמען: הונדערטע אינגעלייט און בחורים'לעך וואס זענען אין די ישיבות, כוללים און ארבייטס פלעצער, זיי דאווענען דריי מאל א טאג, היטן שבת וכשרות אא"וו, אבער... they just don't give a damn! ס'גייט זיי נישט אן! מיט דעם מידנסטען נסיון פאלן זיי דורך (אויב ס'נישטא קיין בושות, פארשטייט זיך). רוחניות-ווייז זענען זייערע לעבנס פוסט. ס'גייט דורך א פרייטאג שבת אן עפענען א אידיש ספר. כהנה וכהנה. אויף א שכינותדיגן פארום האט איינער פארציילט די מעשה מיט א בחור אין תורה תמימה וואס איז געוואויר געווארן אז ער איז גאר א גוי אין האט אפגעלאזט דאס אידישקייט. פון הרה"ג ר' עזריאל טויבער שליט"א האב איך אמאל געהערט אן ענליכן מעשה מיט א בחור אין לעיקוואד. האט ר' עזריאל געזאגט: וואס איז די ליטמוס טעסט צו וויסן און זיך איבערצייגן צו מיר זענען טאקע עכט פרומע אידן? זאגט ער, הגה בעצמך, ווען מ'אנטפלעקט דיר ווען מארגען אז די ביסט א גוי און מ'האט זיך טועה געווען. וואס גייט זיין דיין החלטה? גייסטו בלייבן א איד אדער.... די ווערטער זענען טאקע שארף, אבער ווער ווייסט וויפיל מענטשן וואלטן ווען געזאגט, יא! איך געב נישט אויף אויפן זיסן אידישקייט קיין רגע!

וואס די אורזאך איז, איז שוין א צווייטער שמועס, און ס'איז קלאר אז אפילו אויב די רבנים זענען נישט שולדיג, האבן זיי אבער אן אחריות מכאן ולהבא צו טוהן עפעס. און "טון עפעס" מיינט נישט אסר'ן יעדען טאג א צווייטע זאך וד"ל.
רבון העולמים, היינט באחרית הימים; רבון העולמים, ווי מיר לעבן היינט איז שווער צו זיין א תמים. - שלמה גרטנר, והתקין
באניצער אוואטאר
יידל
חבר ותיק
חבר ותיק
 
הודעות: 4914
זיך רעגיסטרירט: זונטאג פעברואר 26, 2012 12:44 am
האט שוין געלייקט: 2918 מאל
האט שוין באקומען לייקס: 4142 מאל

Re: אפיציעלער איסור אויף שטערן/שפאקטיוו

הודעהדורך שרגא » מיטוואך מערץ 07, 2012 2:47 pm

יידל האט געשריבן:הדד בן בדד, רעדסט דאך אזוי זיס!! שפתיים ישק משיב דברים נכחים!! עס איז ווירקליך אין וואר. צו אנרופן דעם קינד ביים נאמען: הונדערטע אינגעלייט און בחורים'לעך וואס זענען אין די ישיבות, כוללים און ארבייטס פלעצער, זיי דאווענען דריי מאל א טאג, היטן שבת וכשרות אא"וו, אבער... they just don't give a damn! ס'גייט זיי נישט אן! מיט דעם מידנסטען נסיון פאלן זיי דורך (אויב ס'נישטא קיין בושות, פארשטייט זיך). רוחניות-ווייז זענען זייערע לעבנס פוסט. ס'גייט דורך א פרייטאג שבת אן עפענען א אידיש ספר. כהנה וכהנה. אויף א שכינותדיגן פארום האט איינער פארציילט די מעשה מיט א בחור אין תורה תמימה וואס איז געוואויר געווארן אז ער איז גאר א גוי אין האט אפגעלאזט דאס אידישקייט. פון הרה"ג ר' עזריאל טויבער שליט"א האב איך אמאל געהערט אן ענליכן מעשה מיט א בחור אין לעיקוואד. האט ר' עזריאל געזאגט: וואס איז די ליטמוס טעסט צו וויסן און זיך איבערצייגן צו מיר זענען טאקע עכט פרומע אידן? זאגט ער, הגה בעצמך, ווען מ'אנטפלעקט דיר ווען מארגען אז די ביסט א גוי און מ'האט זיך טועה געווען. וואס גייט זיין דיין החלטה? גייסטו בלייבן א איד אדער.... די ווערטער זענען טאקע שארף, אבער ווער ווייסט וויפיל מענטשן וואלטן ווען געזאגט, יא! איך געב נישט אויף אויפן זיסן אידישקייט קיין רגע!
.


יא, דערמאנסט מיך וואס א מגיד שיעור אין א היימישע ישיבה פאר 15-יעריגע בחורים האט מיר געזאגט אין א שמועס אז לויט ווי ער קען די אינהאלט און געדאנקענגאנג פון די היינטיגע בחורים וואלטן א גרויס חלק אפגעלאזט אידישקייט אויב מען געט זיי דעם וועג ארויס. עס איז מיר געווען א מוראדיגע חידוש אז דער מגיד שיעור אליין זאל אזוי האלטן און דאס נאך ארויסזאגן, אבער ער האט געזאגט אז דאס איז דער מציאות. עס ליגט אזוי ווייניג אינהאלט אין דעם היינטיגן דור, די גאנצע פאקוס איז נאר געווארן אויף מצוות מעשיות (און נאך באלד מער אויף די מנהגים און חומרות) אז מען פארגעסט פון דעם עיקר און דעריבער וואקסן אסאך אויף אן די מינדעסטע ווארעמע געפיל צו אידישקייט, שוין אפגערעדט פון שפירן א טעם דערין. זיי קוקן עס אן ווי עפעס א געצווינגענע זאך וואס זיי האבן גארנישט דערפון אויסער אומצאליגע באגרעניצונגען אין לעבן. איז אוודאי אז אויב וואלט ער געוואויר געווארן אז ער שטאמט נישט פון אידן, וואלט ער באלד אפגעטראגן כתינוק הבורח מבית הספר, נאר פיל שנעלער. ליידער ליידער.
(We need mercy, kindness, not judgment. (Describe, Matisyahu
באניצער אוואטאר
שרגא
היימישער באניצער
היימישער באניצער
 
הודעות: 548
זיך רעגיסטרירט: דינסטאג פעברואר 28, 2012 12:20 am
האט שוין געלייקט: 330 מאל
האט שוין באקומען לייקס: 734 מאל

Re: אפיציעלער איסור אויף שטערן/שפאקטיוו

הודעהדורך פשוט-קאמפליצירט » מיטוואך מערץ 07, 2012 4:19 pm

הדד בן בדד,


איך קען נישט מער ווי צושטעלן אן ארעמען "גם אני מצטרף" צו אלע שבחים אויף דיין פאסט. מוראדיג קלאר ארויסגעברענגט -- ניכטערע ווערטער אויף אונזער שיכור'ן דור.

ביזט קיינעם גארנישט שולדיג און כ'בין זיכער אז דו האסט אויך נישט צופיל איבעריג צייט. פארט, שרייב וואס מער, וואס אפטער. די נקודות וואס דו האסט ארויסגעברענגט זענען בכלל די זאכן וואס יעדער ווייסט זענען דא, עקזיסטירן, פאטשן אלס מער אין פנים -- און פארט איז פאראן אן אומאפגעשמועסטער הסכם צו איגנארירן דאס מציאות. אנשטאט קוקן דעם מצב אין פנים, זען וואו מיר האלטן אויף דער וועלט, און טאן עפעס -- כאטש עפעס -- אין דעם הינזיכט, שווייגט מען און מ'דרייט זיך דעם קאפ צו דער אנדערער זייט.

ס'איז א חורבן. מיר שפאנען אויף א דינעם שיכט ערד, אונטער וועלכן עס ברענט דער גיהנום. א בחור אדער יונגערמאן האט נישט וואוהין זיך צו ווענדן; ער ווייסט אפילו נישט וואס ער וויל פרעגן. ס'איז בלבול המוחות, א משונהדיגע צעמישעניש.

איך קוק עס אן ווי טייל פון אן אלוועלטליכן פראצעס, ווייל די וועלט אין אלגעמיין פארט אויף ענליכע שינעס. אבער דארט איז עס מער מצד בחירה; רוב יחידים קענען זיך בעסער מאכן דאס לעבן, אויב זיי זאלן נאר וועלן. ביי אונז קען מען זיך מוטשען און מוטשען, און פארט נישט דערשלאגן זיך צו א מהלך וואו אנצוהייבן. ס'איז אן איראניע וואס פייניגט, אז דווקא ביי אונז, וואו מ'לעבט אין א סטרוקטור וואס קומט לכאורה באווארענען די נעמליכע פראבלעם, אז דער יחיד זאל זיין ביכולת מיטצופארן מיט'ן סיסטעם אויף אויטא-פיילאט, מוטשעט מען זיך אזוי.

זאל מיר ווער עס ווערט באטראפן פון די ווייטערדיגע ווערטער מוחל זיין, אבער אונזער ישועה -- דעם כלל'ס ווי דעם יחיד'ס -- וועט נישט קומען פון דער מזרח וואנט. דארט לעבט מען זיך אין עולם הדמיון מיט כמעט זערא שייכות צום רעשט עולם. דאס איז ח"ו נישט קיין "מאי אהני לן רבנן"; ס'איז א: "רבנן: אייכם?"
און וואס שטייט אין זעקסטן חלק שלחן ערוך?
באניצער אוואטאר
פשוט-קאמפליצירט
ידיד ותיק
ידיד ותיק
 
הודעות: 873
זיך רעגיסטרירט: דאנערשטאג מערץ 01, 2012 1:19 pm
האט שוין געלייקט: 1097 מאל
האט שוין באקומען לייקס: 1302 מאל

Re: אפיציעלער איסור אויף שטערן/שפאקטיוו

הודעהדורך יאנקל » מיטוואך מערץ 07, 2012 5:28 pm

הדד בן בדד - דיינע ווערטער שניידן שטיקער. עס איז באמת א פחד.
יאנקל
חבר ותיק
חבר ותיק
 
הודעות: 2917
זיך רעגיסטרירט: דאנערשטאג פעברואר 23, 2012 10:49 pm
האט שוין געלייקט: 2613 מאל
האט שוין באקומען לייקס: 3661 מאל

Re: אפיציעלער איסור אויף שטערן/שפאקטיוו

הודעהדורך bobi » מיטוואך מערץ 07, 2012 6:23 pm

?when we learn gmurah we see black on white that there was much different jews than today no
do you imagine the holy rambam as a chanyok?????????
bobi
א גאסט אין שטיבל
א גאסט אין שטיבל
 
הודעות: 8
זיך רעגיסטרירט: פרייטאג מערץ 02, 2012 3:20 pm
האט שוין געלייקט: 1 מאל
האט שוין באקומען לייקס: 1 מאל

Re: אפיציעלער איסור אויף שטערן/שפאקטיוו

הודעהדורך בויטשיק » דאנערשטאג מערץ 08, 2012 3:41 pm

איך האב נישט געלייענט די פריערדיגע תגובות. מפאת חוסר הזמן. ווארשיינליך זענען אלע געגאנגען מיט'ן זעלבן שניט, פארשטייענדיג אז די א.ג. איסור פון די פאר רבנים'לעך האט נישט קיין הענט און קיין פיס. און זענען סתם געהאקט אין קרויט אריין. אהן קיין שום חשבון פארוואס און פארווען. לאמיך אייך מיטטיילן מיין פערזענליכע היסטאריע מיט דער שטערן. פון קליינווייז אהן האב איך שטענדיג געהאט א גרויס חשק צו לייענען. וויסן. און זעהן. פון נאטור אויס בין איך געווען א נאַגעריגער און געגליכן אלץ צו וויסן.
יעצט אזוי: קומענדיג פון א גאר פרומע [עקסטרימע] שטוב, איז ווי פארשטענדליך אלץ געווען טמא. טרייף. אפיקורסיש. ציוניסטיש. און גויאיש. אזוי אז ביינונז האט זיך נישט געפינען קיין סאך לייען מאטריאל אין די ערשטע יארן. סיידן פעק און זעק פון אלטע ירושלימ'ער אידישע ליכט. ליכט שטראלן. די אידישע ליכט. עונג שבת. דאקעגן ביילייכטונגען איז שוין געווען מ'שטיינס געזאגט אסימילירט, און זיי האבן קיין דריסת הרגל ביי אונז אין שטוב געהאט. די שפעטערע יארן ווען דער מעלות האט זיך געגרינדעט האט מען זי אויכעט מצרף געווען צום גראסערי ארדער.

ווידעראום אפ' מנחם מענדל'ס ביכער זענען להשמיד ולהרוג געווען, צוליב דעם וואס ס'האט זיך דערטראגן שמועות צו מיינע עלטערן. נעמליך . מאנכע טענה'ן . ער באקט און פראדאצירט אויך די מעשיות פון צדיקים. ווער רעדט נאך פון זיינע לכתחילה'דיגע געבאקענען מעשיות. דאס איז חזיר טרייף געווען מניה וביה. לא מיניה ולא מקצתיה. אויב איז אמאל אריינגעפאלן א מ"מ בוך אינדערהיים. האט מען עס זאפארט צוריסן און צופליקט. אפגעשפיגן און געטרויטן דערויף. פוי פוי פוי. דער אויסוואורף וואס ער איז! טרייפענער ביין! ווי וואגט ער זיך צו באקן ערציילונגען פון צדיקים כדי אזוי ארום אריינצופרעגן יראת שמים אין אידישע אינגן און מוידן, כדי צו פארמיידן זיי זאלן דארפן גיין און פאשן און פרעמדע פעלדער.??

עס דארף אייך קיינער ניט זאגן אז אזא מהלך לויפט שנעל אין אפלויף אריין. עס קען נישט צו לאנג אנהאלטן. דא וואקסן אויף קינדער. וואס לעכצן מיט עפעס וויסנשאפט רייכער צו ווערן. מיט עטוואס אנצופיהלן די צייט. זיי גיין אדורך די געשעפטן. און קראמען. און זעהן די שמייכלדיגע מאגאזינען מיט קאלירפולע בילדער. די דיקע שפאנענדע ביכער מיט רייצנדע דעקלעך. און ביי זיי אין הויז, שימלט אין סאלאן א ברוינע פארחזירטע צוברעקלטע ירושלים'ער אידישע ליכט. מיט פארטריקנטע שירים פון עסן אנגעקלעפט אויף יעדן בלעטל. די אלט דויטשע-פארזעצונגען שוין איבערגעקייט און איבערגעשפייט. ס'קריכט ארויס פון די נאז. און די געלע ליכט שטראלן. פון בענדיט דער הולטיי און עקלהאפטיגע זונדיגע בריאה, ליגט אריינגעקנייטשט אין א דורכזיכטיגע פלאסטיק בייטל, די בלעטער צוטיילטע צוריסן און צושמיסן.
כ'וועל דא מאכן א הפסק. אויס זארג דר'עולם וועט נישט האבן נערוון צו לייענען. אזוי לאנג. און העלמיר שפעטער ממשיך זיין. אויב מ'איז אינטרעסירט.
בויטשיק
א גאסט אין שטיבל
א גאסט אין שטיבל
 
הודעות: 20
זיך רעגיסטרירט: דאנערשטאג מערץ 08, 2012 8:55 am
האט שוין געלייקט: 0 מאל
האט שוין באקומען לייקס: 10 מאל

Re: אפיציעלער איסור אויף שטערן/שפאקטיוו

הודעהדורך בויטשיק » דאנערשטאג מערץ 08, 2012 4:26 pm

אלזא. אפצושפארן די ספרים געשעפטן. און סטאר'ס איז דאך נישט מעגליך. און וויבאלד ס'האנדלט זיך פון קלוגע קינדערלעך מיט אביסל ברייטערע קעפ. וואס דורשטן און באגערן צו לייענען און וויסן. פלעגן מיר גיין אין די ספרים געשעפטן. אפזיצן טעג און וואכן. אויסלייענען יעדעס ביכל וואס איז נאר פארהאנען, אריינגערעכנט "פארוואס איז ער אנטלאפן". געשטאנען אין די קיאסקן און דורכגעבלעטערט די צייטונגען ביז דער אייגנטומער פלעג פארלירן זיין געדולד. געבארגט פון חבירים און שטילערהייט אונטער די עלטערנ'ס רוקן אריינגעשלייכט אין הויז און פארבארגן הינטערן מאטראץ. זיך אריבערציעהן אין שוהל-טוילעט פאר שעות אררררוכות. געלייענט און געלייענט. ביז מ'איז אינגאנצן פארהארטעוועט געווארן. און סוף פסוק איז אויסגעקומען אז מיר האבן נאכמער געלייענט ווי סיי ווער וואס ביי זיי האט מען יא אריינגענומען די פארבאטענע סחורה. אין די שפעטערדיגע יארן האבן מיר יעדע וואך אויסגעלייענט יעדן וועכנטליכן און מאנאטליכן אויסגאבע וואס ס'נאר געווען צובאקומען אויף אידיש. ווייל ענגליש האט מען דאך נישט געהעריג געלערנט.

ווען די שטערן איז ערשינען אויף'ן מארקעט. בין איך א בחור'ל געוועזן. און זיך געפריידט דערצו ווי צו א מציאה רבה. איך האב שוין דאן געקענט א נישקשה'דיגן ענגליש. און זיך געהאט שוין אנגעזעהן מיט צענדליגע מאוויס. מינים ממינים שונים. דער בלאט. איד. צייטונג און אלץ אין אידיש בשמותיהם הנרדפים האט מיר געצויגן ווי א שלש סעודות בילקע נאכן סדר נאכט. נאכאלץ אבער האב איך זיך גאר שטארק דערפרייט דערצו. צוליב וואס נאך אלעם בין איך א פרומער בחור געווען . געלערנט אין א פיינע ישיבה. און געוואלט זיין פיין. נו וואס זאל מען טוהן. מ'האט אן אלטער זקן וכסיל אין בויך, וואס מיטשעט און דערקוטשעט, אבער א חסידיש בחור פארלירט נישט דעם פלאמעדיגן פונק, און תוך תוכי האט מיר עס געגעסן, דעריבער האב איך אויפגעשיינט אז ענדליך איז שוין דא א זאך אין אידיש וואס פאראינטרעסירט מיך. און וועט מיך האלטן אביסל פארנומען. האב איך טאקע פון דענסמאל אהן יעדן חודש געקויפט דעם שטערן. עס טאקע אויסגעלייענט גאנץ שנעל. אבער דאס האט מיך געהאלטן א שיין שטיק צייט פארנומען, און מיך אפגעהאלטן פון צו זיך נעמען לייענען גויאישע צייטונגען וואס איז אין א געוויסן זין סאך ארגער ווי מאוויס . אנטהאלטנדיג אין אירע ארטיקלען טריפה'נע השקפות און א גויאישע געדאנקנגאנג וואס רעדט צו דיר אין ריאליטעט. נישט ווי רוב מאוויס וואס זענען סתם א הוילע פוסטע נישט געשטויגענע מעשה. א דראמא. אדג. וואס איז געציהלט אדורכצושטיפן די צייט מיט אביסל אינטערטעימענט. און וועגן דעם טוט גויאישע ליטעראטור פיהל מער האבן א השפעה און ווירקונג צום שלעכטן. ווי סתם אבי א מאווי.

ריכטיג. כ'האב טאקע געברויכט פירן א מלחמת חרמה צו קענען אנהאלטן דאס לייענען די שטערן. אין ישיבה האט מען א שטיק צייט איינגעפירט גאר שטרענגע תקנות דערקעגן. "ווער עס וועט געכאפט ווערן מיט א שטערן דראהעט אויף דעם דאזיגן 'זריקה'! (צו פליעהן פון ישיבה) האט דער מנהל מיט'ן לאנגן צושטרויבלטן בארד געליארעמעט. אינדערהיים בין איך געצווינגען געווען זיי צובאהאלטן, כדי נישט וויי צוטוהן די עלטערן מיינע. כ'פלעג עס אריינשמוגלען אונטערן כאלאטל צוהאלטנדיג מיט די הענט אינעם ברייטן טאש מיינעם, ס'זאל זיך נישט אריינגליטשן אינעם גאטשע אריין. געווען זאגאר צייטן וואס כ'האב מיך איינגעשפארט אין טוילעט אין נענטסט'ן קלויז, עס אויסגעלייענט מדאשקע לדאשקע. און געווארפן אין מיסט אריין. און טראץ וואס כ'האב שוין פיהל זאכן צומאל געוואוסט נאך איידערן לייענן דעם שטערן. האב איך הנאה געהאט פונדעם אליין עס צו זעהן געשריבן אין אידיש מיט ראלניצקיס געשמאקן פעדער. און אייגנארטיגן וועג ווי ער צולייגט א זאך.

ב"ה אין די ענדע האבן זיך מיינע עלטערן צוגעוואוינט דערצו. און שלום געמאכט מיט'ן פאקט, אז זייער קינד לייענט די טריפה'נע שטערן. אבער זיי האבן קלאר געזעהן א שינו לטובה אין מיר. א דאנק שמעון'ען האב איך אליין אנגעהויבן זיך אינטערסירן און אנטוויקלען מיינע שרייב-טאלאנטן. נישט אז כ'בין עפעס מורא'דיג דערין. אבער כ'בין כאטש געווען פארנומען מיט עפעס. און נישט געלייענט גויאישע צייטונגען. און יא! כ'קען זאגן מיט אן אפן מויל אהן דאס מינדסטע בושה. 'איך לייען אים נאך היינט' און טאקע בלויז אים! ווייל עפעס אנדערש איז מיר נישט אינטערסאנט. אבער!! אבער!! און א גרויסע אבער! 'גויאישע צייטונגען לייען איך נישט' און דאס איז קלאר וויבאלד כ'האב מיך נישט דערצו איינגעוואוינט אלס בחור, איז היינט פארמאגנדיג א שטוב. ארבעט. וכו' איז ווי צו זאגן. 'גיי לערן אן אלטן בער טאנצן! כ'גיי מיך נישט יעצט גיין צוברעכן די ציינער מיט די הויעך שריפטשטעלערישע ווערטער. כאטש איך לייען ענגליש, גאנץ כמעשה. און 'שרייבן' אין די היינטיגע פארגעשריטענע וועלט מיט די ב"ב א.א.וו איז דאס ווי ברויט מיט פוטער. און ווידעראמאהל. דאס אלעס איז צוליב דעם וואס כ'האב מיך אינגערהייט עס נישט געלערנט. זייענדיג צופרידן מיט וואס די א.ג. 'פארדארבענע' אידישע שרייבער שטעלן צו.

איי! איר האט א פראבלעם?! אייער קינד איז פארשלאסן. צוזעצט. איינגעבונדן. באגרעניצט.? און איר לאזט אים גארנישט זעהן אדער הערן? און אים איז נישט גענוג די גליונות שבת אויף די טישן? און ער ווייסט גאנץ וואזשנע וויאזוי דיך איבערצוקלוגן? נו. האסט א ברירה. גיי לערן דיך חינוך! אדער נעם ארויס דיין פאסיק און פראק אים נאך מער אריין! פארשליס אים בחדרי חדרים. אפשר דאך וועט זיך דיין - פארשטונקענע איינגערעדטע עקסטרימע חינוך - איינגעבן עווענטועל.! ווער ווייסט?! די רבנים אנשטאט ארויסגעבן אן איסור אויפ'ן שטערן, וואלטן זיי ליבערשט געברויכט, ארויסגעבן א ברייט פארשפרייטע קול קורא, מ'זאל מער לערנען מיט די עלטערן חינוך. צו איז עס - וואו צוקענען צושטעלן פאר זיי גענוג באפרידוגונג זיי זאלן נישט ברויכן וועלן האבן תאוות צום 'שטערן' אדער אויף זייער אופן, וויזוי די קינדער נאכמער צו פארקוועטשן, ס'זאל זיי אוממגעליך זיין די טאטעס צו קענען איבערקלוגן. וויזוי ס'שמעקט זיי! דר'עיקר איז. קוקטס און זעהטס. וויפיהל ס'טוט אויף אויף הונדערטער און פארשטייט אז די וועג איז נישט צו פארבאטן און אסר'ען. דער שטערן וועט במילא נישט אונטערגיין. איר טוהט נאר אויף אזויפיהל אז אונזער אינגווארג זאל זעהן אז די רבנים האבן נישט קיין שום ווארט אפ' איבער זייערע אייגן ציבור.
בויטשיק
א גאסט אין שטיבל
א גאסט אין שטיבל
 
הודעות: 20
זיך רעגיסטרירט: דאנערשטאג מערץ 08, 2012 8:55 am
האט שוין געלייקט: 0 מאל
האט שוין באקומען לייקס: 10 מאל

הודעהדורך דעינעש » מוצ"ש מערץ 10, 2012 11:52 pm

נישט צו פארקריכן פונעם נושא,
ווער געדענקט נאך די איסור אקעגן VIN ??
(און אויף וויפיל האט עס געפועלט ביי אייך ??)

צירוק צום שטערן (כ'מיין רבנים...)
דעינעש
היימישער באניצער
היימישער באניצער
 
הודעות: 377
זיך רעגיסטרירט: זונטאג מערץ 04, 2012 1:16 pm
האט שוין געלייקט: 81 מאל
האט שוין באקומען לייקס: 49 מאל

Re: אפיציעלער איסור אויף שטערן/שפאקטיוו

הודעהדורך יאנקל » זונטאג מערץ 11, 2012 12:24 am

זייער שיין געשריבן, בויטשיק. דברים היוצאים מן הלב.
עס איז דאס ערשטע מאל וואס איך הער אז "בעלייכטונגען" און מנחם-מענדל ביכער זאלן פאררעכנט ווערן ווי מאדערן.
יאנקל
חבר ותיק
חבר ותיק
 
הודעות: 2917
זיך רעגיסטרירט: דאנערשטאג פעברואר 23, 2012 10:49 pm
האט שוין געלייקט: 2613 מאל
האט שוין באקומען לייקס: 3661 מאל

Re: אפיציעלער איסור אויף שטערן/שפאקטיוו

הודעהדורך שרייבער » זונטאג מערץ 11, 2012 12:46 am

שוין געהערט מאנכע וואס האקן אויף באלייכטונגען צוליב וואס זיי רעדן נישט פון ציונות
נעבעך, א רחמנות אויף זיי, זיי מיינען אויף דעם שטייט די וועלט

(דיסקלעימער: איך בין א סאטמארער, און איך האב פיינט ציונים, און איך גיי צו פראטעסטן, און איך שטיץ חינוך הטהור, אבער נישט אויף דעם שטייט די וועלט צו רעדן דערפון א גאנצן טאג, ס'איז היינט ליידער דא גרעסערע פראבלעמען ביי אונזער ציבור)
שרייבער
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1844
זיך רעגיסטרירט: זונטאג מערץ 04, 2012 3:53 pm
האט שוין געלייקט: 1035 מאל
האט שוין באקומען לייקס: 915 מאל

Re: אפיציעלער איסור אויף שטערן/שפאקטיוו

הודעהדורך זר זהב » זונטאג מערץ 11, 2012 12:52 am

בויטשיק שרייבט:
און זיך געהאט שוין אנגעזעהן מיט צענדליגע מאוויס----------- צוליב וואס נאך אלעם בין איך א פרומער בחור געווען

האיך יתקיימו שניהם ?
איך שרייב וואס איך וויל און וואס איך האלט פאר ריכטיג, וועדער יו "לייק" איט אר נאט
באניצער אוואטאר
זר זהב
חבר ותיק
חבר ותיק
 
הודעות: 9464
זיך רעגיסטרירט: דינסטאג מערץ 06, 2012 5:23 am
האט שוין געלייקט: 4426 מאל
האט שוין באקומען לייקס: 4167 מאל

Re: אפיציעלער איסור אויף שטערן/שפאקטיוו

הודעהדורך בויטשיק » זונטאג מערץ 11, 2012 1:00 am

זעהסטו דא ליגט דיין טעות. צו האלטסטו דען באמת אז איינמאל א בחור האט געזעהן א מאווי איז זיין קאפ אינגאנצן פארגויאישט געווארן און ער פארלירט גענצליך זיין אידישער געפיהל? אדער דאס זענען בלויז דיינע געפיהלן וואס רעדן דא?
בויטשיק
א גאסט אין שטיבל
א גאסט אין שטיבל
 
הודעות: 20
זיך רעגיסטרירט: דאנערשטאג מערץ 08, 2012 8:55 am
האט שוין געלייקט: 0 מאל
האט שוין באקומען לייקס: 10 מאל

Re: אפיציעלער איסור אויף שטערן/שפאקטיוו

הודעהדורך זר זהב » זונטאג מערץ 11, 2012 1:06 am

"איינמאל" איז אקעי, דו שרייבסט דאך אבער "צענדליגער"
איך שרייב וואס איך וויל און וואס איך האלט פאר ריכטיג, וועדער יו "לייק" איט אר נאט
באניצער אוואטאר
זר זהב
חבר ותיק
חבר ותיק
 
הודעות: 9464
זיך רעגיסטרירט: דינסטאג מערץ 06, 2012 5:23 am
האט שוין געלייקט: 4426 מאל
האט שוין באקומען לייקס: 4167 מאל

Re: אפיציעלער איסור אויף שטערן/שפאקטיוו

הודעהדורך בויטשיק » זונטאג מערץ 11, 2012 1:12 am

צו ווייסטו אבער איז ס'זענען פארהאנען אויף די וועלט טויזנטע מאוויס. און אפ' צענדליגע מאכן אויך נאך נישט דעם מענטש פאר א גוי. ריכטיגע דער בחור ווערט אסאך אפגעקעלטערט צו אידישקייט. אבער דאס איז שוין תלוי אין וויפיהל שכל ער האט . וויפיהל אמת'ע ברען ער פארמאגט. און וויפיהל זיינע עלטערן האבן מתפלל געווען. ער זאל אין ענדע צוריק טרעפן דעם ריכטיגן וועג. ד.ה. אז עס זענען ליידער פארהאן פיהל פרומע בחורים אין די ישיבות וואס לערנען און דאווענען. קוקן אינדרויסן אויס געהעריג אבער קענען נעבעך נישט ביישטיין דעם ניסיון פון וואטשן מאוויס, איבערהויפט אין די היינטיגע וועלט ווי אלעס איז אזוי גרינג צו שאפן און טראגן מיט זיך אין קעשענע. און קיין מאנגל פאר חבירים פאר צודעם צוועק פעהלט אויך ליידער נישט.
אלזא ס'איז נישט אזוי פשוט. און נאך אלעם איז דא אזא זאך. אז מ'בלייבט מיט'ן חסידישן ברען און לסוף כאפט מען זיך בעזר השם צוריק אויפ'ן גראדן וועג.
בויטשיק
א גאסט אין שטיבל
א גאסט אין שטיבל
 
הודעות: 20
זיך רעגיסטרירט: דאנערשטאג מערץ 08, 2012 8:55 am
האט שוין געלייקט: 0 מאל
האט שוין באקומען לייקס: 10 מאל

פריערדיגענעקסט

גיי צוריק מידיא ווינקל

ווער איז יעצט דא?

באניצער וואס לייענען דעם פארום: נישטא קיין אנליין באניצער און איין גאסט