וועכנטליכע אויסגאבע: "מאמענט"

[או אינו]

ג'יי צים נקודה פינעם ענין. דער מאמענט זאל קוואטען פראפאסארען אין דוקטורים וואס שאקלען די וועלט אין די ענינים ,אין די ציבור ברויך אסאך awareness אזוי וועט מען ג'יין פאר הילף ווען די העביטס איז נישט אזוי איינגעווארצעלט. דן זיין א קרוב אדער חבר ווען ער וואשט זיך די הענט אלס יראת שמים אדער א ציגענאגלטער צים גמרא אלס מתמיד קען אויך האבן א סיבה דערצי OCD or depression. וואס באדערט מיך מיט די מאמענט איז substantiating די מענשטן אלס די קרוין פאר הילף. אסאך אזויגעריפענע טעראפיסט האבן שוין אנגעזייט אסאך חורבן.

[שמעקעדיג]

א גוטע אויסוואל מיט ר' שמואל ניימאן, איך האף נאר זיי באשרייבן עם גוט.

מי זה?

http://www.ivelt.com/forum/viewtopic.ph ... 9#p1527919

[שמעקעדיג]

פרשת לך

.

[שמעקעדיג]

.

[שלום שטיסל]

פיינעלי האט די מאמענט אפגעשטעלט די בלינדע העצע פון א-בכיה-לדורות, און עס ערזעצט מיט נארמאלערע אינהאלט, בכלל איז די מאמענט אין די לעצטיגע תקופה זייער געשטיגן מיט איר אינהאלט, ס'טוט מיר נאר וויי אז לעצטענס איז נישט געווען גארנישט פון יואל אשר לאבין, ס'קען זיין ווייל ער האט אומאפיציעל בארירט די פילם ONE OF US און די לעצטיגע סומאטוכע אין גור, דורך אמנון לוי.

[berlbalaguleh]

שלום שטיסל: ייש"כ. איך האב געהאט די זעלבע פיהלינג ווען איך האב אויפגעמישט דעם מאמענט די וואך און נישט געזעהן דעם משוגע'נעם, פאררוקטן מקטרג אויף אידן און היפאקריט. קוקנדיג אויפ'ן העדליין ..."פרוזדור"..., האביך געוואלט זעהן וואס דער פאררוקטער בריאה האט שוין ווייטער צו זאגן. אבער כ'האב געזעהן אז עפעס א מער נארמאלער מענטש שרייבט דארט

דער מחנך'ס קאלום איז אויכעט גאנץ געשמאק. אבער איך בענק מיך באמת נאך הרב יואל אשר לאבין'ס קאלום וועלכעס האט מיר געגעבן א יעדע איינציגע וואך א סאך חומר למחשבה. שוין. דער עיקר איז אז מ'איז ב"ה פטור געווארן פון דעם צודרייטן היפאקריט וואס האט מיר געמאכט דרייען די קישקעס א יעדע וואך. ברוך שפטרני...!

[שמעקעדיג]

ממש "צודרייטער היפאקריט"?
איז ער דער נעקסטער אין די רייע נאך דייטש/פילאף/טעלער?...

איך בין אויך נישט קיין גרויסער חסיד פון זיינע ארטיקלען, אבער איך האב רעספעקט פאר אים אלס ערליכער איד און מרביץ תורה, עכ"פ היפאקריט איז לכאורה נישט דאס ריכטיגע ווארט אויף אים, ער איז נישט קיין אחד בפה ואחד בלב, ער איז באמת א ירא שמים.

און איך בין מיט ענק בדעה אחת אז די נייע השקפה ארטיקלען פון זילבערשטיין איז געוואלדיג.

[berlbalaguleh]

ניין: אין זיינע ארטיקלען א יעדע וואך איז ער ארויסגעקומען בלויז מיט קיטרוג אויף די התנהגות און אויפפיהרונג פון אידישע קינדער. כאילו ער אין זיין פערזענליכן לעבן וואלט נישט געטון די אלע זאכן. איך האב א ראיה פון זיינע אייגענע ווערטער אז ער איז נישט געווען אזא אפגעהיטענער איד, א מלאך אלוקים . נאר איין קליינעם משל. ווען ער האט פארציילט אז די קאווער פון זיין טוילעט טענק האט זיך צובראכן, האט ער אוועקגעלייגט א שטיקל, כדי צו קענען צו מעטשן א נייעם קאווער פון די זעלבע קאליר. אזא הייליגער, אפגעהיטענער איד וואס טרעפט אייביג נאר פעילערס ביי די אידישע קינדער דארף נישט מקפיד זיין אויב די קאליר פון דעם נייעם קאווער וועט נישט זיין 100% די זעלבע ווי די אלטע. אלא מאי, איז ער א מאטעריאליסט, א מגושם'דיגע , חומריות'דיגע בריאה. נאך ערגער ווי די מענטשן וועם ער רייסט אראפ מיט זייער נישט ריכטיגע התנהגות...!

[איסר האטלקי]

נאר איין קליינעם משל. ווען ער האט פארציילט אז די קאווער פון זיין טוילעט טענק האט זיך צובראכן, האט ער אוועקגעלייגט א שטיקל, כדי צו קענען צו מעטשן א נייעם קאווער פון די זעלבע קאליר.

נישט געטראפן קיין בעסערע משלים אויף זיין יראת שמים ווי דאס?!
כ'האב געמיינט דו טויגסט בעסער...

[איסר האטלקי]

איך ווייס נישט וואס מען דבר'ט דא, יא יראת שמים צו נישט... ער איז א זאפטיג שרייבערל, אזא פענע וואס ער האט איז כמעט נישט בנמצא ביי די חרדישע אידן.

לאז זיין הרבצת התורה און חסד אין א זייט....

[berlbalaguleh]

איסר האיטלקי: אנטשולדיג. איך זעה נישט דא זיין גרויסן שרייבערישן טאלאנט. ווען ער לאזט דיך איבער מיט א זויערן טעם אין מויל. א יעדעס מאל דו ליינסט זיינע שרייבעכצער. נעם א שרייבער ווי יואל אשר לאבין. וואס געט דיר חומר למשבה א יעדעס מאל דו ליינסט זיין ארטיקל. אדער דער מחנך הרב וואזנער. וואס דישטעלסט זיך אפ טראכטן..."דער מענטש זאגט דאך ריכטיג"... משא"כ ביי הרב אבא חייא טויבער איז אלעס פוסט, טרוקן. און ס'הענגט אין די לופט. נאך א פעילער געטראפן אויף אידישע קינדער. נאך א זאך וואס זיי טוען שלעכטס...!

[chosen people]

ממש "צודרייטער היפאקריט"?
איז ער דער נעקסטער אין די רייע נאך דייטש/פילאף/טעלער?...

איך בין אויך נישט קיין גרויסער חסיד פון זיינע ארטיקלען, אבער איך האב רעספעקט פאר אים אלס ערליכער איד און מרביץ תורה, עכ"פ היפאקריט איז לכאורה נישט דאס ריכטיגע ווארט אויף אים, ער איז נישט קיין אחד בפה ואחד בלב, ער איז באמת א ירא שמים.

און איך בין מיט ענק בדעה אחת אז די נייע השקפה ארטיקלען פון זילבערשטיין איז געוואלדיג.

איך בין געווען זיין תלמיד, איך האב פארברענגט אסאך מיט איהם. א ליידיגער איז ער נישט אבער א היפאקריט איז ער יא.
איך וועל דיך געבן איין מעשה וואס איך האב איהם אליינס פארגעהאלטן. אויב געדענקט מען די צייטן, ווען מען האט נאך נישט גערעדט פון די אינטערנעט-שמד, פלעגט די רעדע זיין אקעגן קאמפיוטער'ס מיט א סלאט פאר סידי'ס. אפילו איהר האט נישט קיין סידי'ס אינדערהיים ווייל די קינדער וועלן שוין אליינס זיך פארשאפן. (איינע פון די ניגונים (משלים) פארצוהאלטן די עולם איז געווען וואלט איהר איבערגעלאזט א גאן אינדערהיים אפען אז דיינע קינדער זאלן קענען שפילן, אפילו עס האט נישט קיין בולעט'ס?). בקיצור די עיקר רעדנערס אקעגן דעם אויב איך געדענק גיט איז געווען ר' אבא חייא טויבער מיט הרב רויזנבלום (איך געדענק עס איז געווען א פאסטער נאך געשריבן פון בשמו של הרב רויזנבלום, אז אויב אייער קינד'ס מלמד טייפט די צעטליך אויף א קאמפיוטער, איז עס כאילו די שיקסט דיין אינגעל לערנען צו א גלח). למעשה בין איך געוואר געווארן אז ער אליינס האט א קאמפיוטער אינדערהיים אין איך האב איהם עס פארגעהאלטן, זיין תירוץ איז געווען זייער א שוואכע תירוץ, ווען איינער ניצט די תירוץ היינט פאר די מוסדות וואלט מען נישט אנגענומען זיינע קינדער. וכ''ש אויב איינער איז די רעדנער אקעגן אזא זאך האט נישט קיין שום תירוץ אויפ'ן וועלט.

[berlbalaguleh]

נו, איסר האיטלקי. ד ביסט שוין צופרידן פון טשאוזן פיעפל'ס מעשה וואס ער פארציילט...?!

[איסר האטלקי]

נו, איסר האיטלקי. ד ביסט שוין צופרידן פון טשאוזן פיעפל'ס מעשה וואס ער פארציילט...?!

נאכאלץ נישט גענוג פאר מיר, איך האב אים אסאך מער פיינט....

[שמעקעדיג]

פרשת ויחי: רובאשקינ'ס באפרייאונג!

(בילד גענומען פון 'אידישע ווינקל')

.

[סאשי פיש]

.

[berlbalaguleh]

סאשי פיש: נו,... וואס זאגסטו....? לאמיר הערן.. א ביסל העכער...ייש"כ...!

[לבי ובשרי]

וואס גייט פאר לעצטנס אין מאמענט שטאב?????????? קומט עס יא ארויס אדער נישט??? שכויעח פאר די רובאשקין רובריק אויסגאבע.... וואס איז אבער מיט פרישע וועכנטליכע סחורה???

[berlbalaguleh]

דער מאמענט ברענגט אין די לעצטע פאר וואכן א זייער אינטרעסאנטע סעריע ארטיקלען איבער די מגילות פון ים המלח. און דער פראפעסאר וועלכער האט אנטדעקט זייער היסטארישע חשיבות. ר' אליעזר ליפא סוקעניק.

ווער איז געווען דער פראפעסאר סוקעניק? ער איז געבוירן אין די שטאט ביאליסטאק ביי א חסיד'ישע משפחה. ווען ער איז נאך געווען גאנץ יונג איז ער ארויפגעגאנגען קיין ארץ ישראל. און ער איז אויך געווען א סאלדאט אין די ערשטע וועלט מלחמה אין די אידישע בריגאדע וואס די בריטישע מיליטער האט ארגאניזירט. נאך די מלחמה האט ער זיך גענומען פארשן דעם פלאץ און צושטאנד פון די אלטע בתי כנסיות אין גאנץ ארץ ישראל פון נאכ'ן זמן בית שני. ער האט זיך אריינגעלייגט ראשו ורובו אין ארכעאלאגיע און פארשן די היסטאריע פון די אידן אין ארץ ישראל.

זיין זון (האטציך שוין מאדערניזירט און געהאט אן עברית'ן נאמען) יגאל ידין איז אויך אריין אין ארכעאלאגיע און אידישע היסטאריע. אזוי ווי זיין טאטע. נאר אינצווישן איז ער ארייגעגאנגען אין מיליטער ביי די מלחמת השחרור פון 1948. כ'האב ערגעץ געליינט אז בשעת איינער פון די ערנסטע קאמפן ביי די מלחמה ווען די אידן זענען געווען באלאגערט און ארומגענומען דורך די אראבערס (אין גוש עציון?). און מ'האט נישט געקענט צו קומען צו זיי. צו ברענגען עסן און געווער, האט יגאל ידין דורך זיינע היסטארישע ידיעות געטענה'ט אז ס'איז דא א באהאלטענער וועג דורך די וועלדער וואס די אידן האבן באנוצט אין די צייטן פון בר כוכבא. ער האט געטראפן דעם וועג. און אזוי ארום געברענגט די הילף פאר די באלאגערטע אידן...!

אין די אנהייב 50'גער יארן האט ער זיך אינגאנצן אריינגעלייגט אין ארכעאלאגיע. ער האט אנגעהויבן ערנסטע ארכעאלאגישע גראבונגען אין פארשידענע געגנטן אין ארץ ישראל. איינס פון די פלעצער איז געווען די מצדה פעסטונג (מאסאדא, אויף ענגליש) וואו די אידישע קעמפערס בימי בר כוכבא האבן זיך באפעסטיגט. ער האט דארט געטראפן 2 שוהלן. אויך 2 מקוואות. אין ביידע עקן פון די פעסטונג. איינס ביי די דרום זייט פון די מויער. און די אנדערע ביי די צפון זייט. ער האט אויך געטראפן תפילן וואס די אידן האבן גענוצט דארט.

ביי די מקואות איז ער אזוי שטארק נתפעל געווארן. ווייל זיי האבן אויסגעזעהן ווי כשר'ע מקוות. ס'איז געווען איינגעטיילט אין 3 חלקים. א קליינע מקווה'לע/פאאל איז געווען פאר מענטשן זיך אפצו וואשן. נאכדעם איז געווען א גרויסער בור. און א ביסל א קלענערער בור, וואס איז געווען באהאפטן צו די ערשטע דורך השקה. די גרויסע בור איז געווען איינצוזאמלען די מי גשמים. און די מיטלסטע זיך צו טובל'ן. ער האט אבער געוויסט אז ער איז נישט קיין ת"ח צו זאגן א דיעה איבער די כשרות פון די מקוה. האט ער אריינגערופן 2 רבנים. זיי זענען געקומען און געמאסטן אויב די מקוות האבן א שיעור פון 40 סאה. און זיי האבן באשטעטיגט אז דאס זענען כשר'ע מקוואות. (א שאד ער האט נישט גערופן נחום ראזנבערג..!)...!

[חתם סופר]

מאמענט האט די וואך אויפגעגעבן די קינדער אויסגאבע. נייגעריג צו פון נעקסטע וואך און ווייטער וועט עס נאר זיין איין ביכעל אדער אפשר וועט נפשי ווערן יעדע וואך

[מוזיק עקספערט]

מאמענט האט די וואך אויפגעגעבן די קינדער אויסגאבע. נייגעריג צו פון נעקסטע וואך און ווייטער וועט עס נאר זיין איין ביכעל אדער אפשר וועט נפשי ווערן יעדע וואך

נפשי וועט זיכער נישט ארויס קומען יעדע וואך

[לך לך]

WTF איז די מעשה מיט גאלא? דעי וואך אויפן דעקל

[עמעזאן]

WTF איז די מעשה מיט גאלא? דעי וואך אויפן דעקל

מאמענט ווערט א קלאסיפייד אויסגאבע...

[קאצקע ציקער]

.

[berlbalaguleh]

רבותיי: איך האב נאכנישט אויספיעט אדורכצוליינען דעם מאמענט פון די וואך. איך האב מיך ערשט דערשלאגן צו ליינען דעם מאמענטי פון די פארגאנגענע וואך מיט א פארשפעטיגונג, מפני מעשה שהיה. (עטץ ווילטץ נישט וויסן די מעשה.)

ליינענדיג די פרשת איוב פון די נעבעכ'דיגע גראסערי לייט האט מיך אנגעכאפט א שטארק רחמנות אז אין די היינטיגע אמעריקע אין יארע 2018 זענען פארהאן מענטשן וועלכע ארבעטן 70 אדער 80 שעות א וואך און פארדינען נישט קיין איין פעני. און זיי קענען אויפווייזן אש שחורה על גבי אש לבנה פארוואס זיי טשארדזשן פאר א יעדע זאך עקסטער. אויסער פאר די לופט וואס מ'אטעמט אין זייער גראסערי. (ווארטס נאר. ס'קומט אי"ה א הייסער זומער. און די אומשולדיגע גראסערי אייגנטומערס , אויב מ'קען זיי אזוי אנרופן, וועללן צולייגן צו א יעדן ארדער א טשארדזש פאר עיקאנדישאנינג און רעפרידזשערעישן, וואס ס'קאסט זיי נעבעך צו האלטן די פראדוקטן און די מענטשן פריש און געזונט.). איך פלאן ערנסט אנצוהייבן אן אפיעל אין בתי מדרשים (וואו דען, אין גראסעריס...?!) צוזאמצושטעללן פעקלעך אויף שבת קודש ויו"ט פאר די שטארק אונטערדריקטע בעלי חסד וואס האלטן אפן זייערע סטארס נאר כדי אידישע קינדער זאללן קענען האבן 7 ערליי סיריעלס און 4 ערליי יאגורט פאר די טייערע קינדערלעך. די צאן קדשים. די תינוקות של בית רבן שלא טעמו טעם חטא. אויך, אז די עלטערן זאללן זיין געזונט זאללן האבן סעלצער צו טרינקען פאר זייער געזונט. ווייל אויף א יעדן קעיס סעלצער וואס זיי ..."פארקויפן"...דערלייגן זיי נעבעך געלט.

יעצט לאמיר זעהן די אנדערע זייט פון די מטבע. ס'זענען דא גראסעריס אין וויליאמסבורג און בארא פארק, וועלכע טוען כל טצדקי צו פארפיהרן דעם קאסטומער . און טוען מיט איהם/איהר ככל העולה על רוחם.

ערשטנס. לייגן זיי נישט קיין פרייז טעגס אויף די פראדוקטן (וואס איז אויך אקעיגן די נ.י סיטי קאנסומער אפפעירס רעגולאציעס.)
זיי טשארדזשן מלכתחילה העכערע פרייזן ווי געוויינליך, וויל די קליענטעל זענען רובא דרובא פוד סטעמפ באנוצערס. און זייער פשט'ל איז. ס'קאסט דאך איהם נישט קיין געלט, ממילא מעג איך אויך עפעס פארדינען דערביי.
אויב מ'נעמט אויף בארג, וואקסט אייביג צו א געזונטע פאר דאללער צום בילל
פארגעסן צו זאגן: ס'דא גראסעריס וואס געבן געוויינליך נישט קיין רעדזשיסטער רעסיעטס. יעצט אז ס'קומען אויף אזעלכע סטארס ווי כולל גראסערי אדער בינגא און זיי פארקויפן זאכן פאר א ביליגערן פרייז און די מענטשן לויפן צו זיי, הייבן אן די גראסערי אייגנטומערס צו וויינען ווי ביבערס.

איך וואוין בשכינות פון בינגא. און איך זעה וויפיהל היימישע משפחות קומען צו זיי. פון בארא פארק. און ספעציעל פון וויליאמסבורג. אט דאס איז א שטיקל ישועה פאר די געפלאגטע, קינדער-געבענטשטע משפחות וועלכע דארפן נישט אוועקגעבן זייער לעצטן דאללער פאר דעם גראסערי-מאן. סאו זאללן די גראסערי אייגנטומערס אויפהערן צו וויינען און באקלאגן זייער מצב.ווייל אין די גוטע יארן האבן זיי געטון מיט'ן קאסטומער וואס נאר זיי האבן געוואלט. אריינגערעכנט. יא. באגנבנ'ען זיי. אויב א גראסערי אייגנטומער האלט אז ער קען נישט מאכן קיין געלט, האט ער א ברירה צו פארקויפן דעם סטאר (נאר איינער דארף צו זיין חסר דיעה עס אפצוקויפן) אדער אינגאנצן פארמאכן. העכסטנס. וועט א משפחה איינקויפן מער זאכן אויפאמאל. און אוועקלייגן. אזוי ווי מ'טוט אין מאנסי. און אנדערע געגנטן...ושלום על ישראל...!