יאנקל אדער יענקל?

פראגעס, ספיקות, באשרייבונגען

יאנקל אדער יענקל?

הודעהדורך יידל » דאנערשטאג מערץ 22, 2012 10:46 am

דער לישנא חביבא פונעם נאמען יעקב איז "יאַנקל" (וי"א יעֶקל, ואכמ"ל). מיין שאלה איז, צווייפאכיג. ערשטנס - פון ווי קומט דער נון דא? איך ווייס אז מ'זאגט יאנקעוו און נישט יאאקעוו, אבער איז דאס נישט קיין טעות? צווייטענס, לאמיר שוין אננעמען אז דער נון האט א זכות קיום, וויאזוי שטעלט מען אויס דעם ניקנעים - "יאנקל" אדער "יענקל"?
רבון העולמים, היינט באחרית הימים; רבון העולמים, ווי מיר לעבן היינט איז שווער צו זיין א תמים. - שלמה גרטנר, והתקין
באניצער אוואטאר
יידל
שריפטשטעלער
שריפטשטעלער
 
הודעות: 4919
זיך רעגיסטרירט: זונטאג פעברואר 26, 2012 12:44 am
האט שוין געלייקט: 2926 מאל
האט שוין באקומען לייקס: 4450 מאל

Re: יאנקל אדער יענקל?

הודעהדורך ישובניק » דאנערשטאג מערץ 22, 2012 2:18 pm

איך בין נוטה צו יאנקל.
ישובניק
מאנשי שלומינו
מאנשי שלומינו
 
הודעות: 146
זיך רעגיסטרירט: דאנערשטאג מערץ 22, 2012 1:43 am
האט שוין געלייקט: 0 מאל
האט שוין באקומען לייקס: 61 מאל

Re: יאנקל אדער יענקל?

הודעהדורך קארל » דאנערשטאג מערץ 22, 2012 3:48 pm

עס קומט דא אריין דער פונדאמענטאלער אונטערשיד צווישן די אותיות א' און ע'. ווי באקאנט פלעגן די בני ארץ-ישראל מבדיל זיין צווישן די צוויי, און די בני הגליל נישט. און ווי יעדער ספק אין לשה"ק, קוקט מען צו ערשט צו אראביש פושט זיין. אין אראביש זעט מען טאקע שטארק דעם חילוק. דער אראבישער מקביל צו עין איז ع, וואס ווערט ארויסגעזאגט ווי אן אלף, נאר מיט אן עקסטערן דרוק מיט'ן פיסק, דער ארט ביים האלז וואו עס קומט זיך צוזאם מיט'ן מויל, און אזוי פלעגט טאקע אמאל דער עין ארויסגעזאגט ווערן, און די בני-תימן זאגן עס נאך היינט אזוי ארויס.
אז מ'זאגט דעם ווארט "יעקב", זייענדיג מדגיש דעם עין ווי עס קומט אריגינעל, הערט זיך עס אביסל ווי מיט א הוספה פון א נ'.
יעצט ווען עס קומט צו שרייבן אידיש האבן מיר צוויי ברירות, אויב ווילן מיר זיך האלטן צום אויסלייג פון לשה"ק דארף מען שרייבן "יעקב" - אבער אויב וויל מען שרייבן דעם נאמען ווי עס הערט זיך, דארף מען לאזן דעם לשה"ק-אויסלייג אין א זייט, און עס אויסלייגן ככתבו וכלשונו - "יאנקל". אויב שרייבט מען "יענקל" לייענט זיך עס ווי Yenkel.
.Cogito ergo sum
René Descartes -
באניצער אוואטאר
קארל
ידיד השטיבל
ידיד השטיבל
 
הודעות: 275
זיך רעגיסטרירט: דינסטאג פעברואר 28, 2012 5:09 pm
האט שוין געלייקט: 148 מאל
האט שוין באקומען לייקס: 467 מאל

Re: יאנקל אדער יענקל?

הודעהדורך יאנקל » פרייטאג מערץ 23, 2012 1:59 am

יידל א דאנק פאר'ן זיך מפלפל זיין וויאזוי צו שרייבן מיין נאמען. דערווייל האמיר דא צוויי גדולים וועלכע האלטן ווי איך, און איך האף אז דאס וועט זיין גענוג פאר דיר אויפצוהערן מיט דיין "יענקל"-טענדענץ...
יאנקל
חבר ותיק
חבר ותיק
 
הודעות: 2917
זיך רעגיסטרירט: דאנערשטאג פעברואר 23, 2012 10:49 pm
האט שוין געלייקט: 2613 מאל
האט שוין באקומען לייקס: 3798 מאל

Re: יאנקל אדער יענקל?

הודעהדורך שרגא » פרייטאג מערץ 23, 2012 10:13 am

אז יענקל בעט (http://kaveshtiebel.com/viewtopic.php?f=19&t=99), פאלגט מען.
איך שרייב יענקל, פשוט ווייל אזוי בלייבט עס נענטער צום אריגינעלן נאמען.
אזוי ווי רוב שרייבן "אברהמי", און נישט "אברמי", פשוט ווייל מ'פרובירט ס'זאל בלייבן א דערקענבארע חלק און ווי נענטער צום אריגינעלן.
נישט אז עס איז אייביג אזוי און אסאך מאל ווערט דער נאמען אינגאנצן אנדערש און ס'איז בכלל נישט מעגליך אויסצולייגן דעם צונאמען ווי דעם אריגינעלן (למשל ארי און מעכי), אבער ווען דער נאמען בלייבט בערך, ווי טאקע ביי אונזער יעקב, נאר מען האט צוגעלייגט א חיבה'דיגן ל' ביים ענדע, זע איך נישט פארוואס די ערשטע האלב ווארט קען נישט בלייבן ווי עס קומט. (דער צונאמען איז לכ' אריגינעל געווען "יעקב'ל", נאר צוביסלעך איז עס געווארן "יענקל", אָן דעם ב' ביים ענדע. אזוי ווי פון "יוספ'ל" איז לכ' צוביסלעך געווארן "יאסל", אן דעם פ'.)
און קארל'ס טענה אז מען דארף זיך דוקא האלטן אדער אינגאנצן צו לה"ק אדער אינגאנצן וויאזוי עס הערט זיך, איז לאו דוקא אייביג אזוי. ווייל דאכט זיך דו וועסט אויך נישט שרייבן "יוילי", נאר "יואלי", די זעלבע "שמעי", נישט "שימי", אלעס ווייל מען פרובירט אביסל נאנט האלטן דעם ווארט צום אריגינעלן.
אזוי ווי קענסט שרייבן "תלי", אנשטאט "טאלי" (פאר נפתלי), פשוט ווייל תלי האלט זיך צום אריגינעלן נאמען. אזוי ווי מען מוז נישט שרייבן "שיע". אזוי ווי קענסט שרייבן "שמילי" פאר שמואל, אבער עס איז קלארער ווער עס פרובירט זיך צו האלטן ווי נענטער צום אריגינעלן און שרייבט "שמואלי", מיט'ן אלף. דאס זעלבע האב איך געטאן מיט "יענקל".
שטימט?
נאך אלעם אבער, איז "יאנקל" אויך פונקט אזוי גוט.
(We need mercy, kindness, not judgment. (Describe, Matisyahu
באניצער אוואטאר
שרגא
היימישער באניצער
היימישער באניצער
 
הודעות: 548
זיך רעגיסטרירט: דינסטאג פעברואר 28, 2012 12:20 am
האט שוין געלייקט: 330 מאל
האט שוין באקומען לייקס: 789 מאל

Re: יאנקל אדער יענקל?

הודעהדורך יאנקל » פרייטאג מערץ 23, 2012 10:51 am

א דאנק פארן ״פאלגן״...
ביי די אלע ביישפילן וואס דו ברענגט בלייבט דער נאמען אין זיין לשה״ק׳דיגן אויסלייג גאנץ - אדער כמעט גאנץ. אברהמי איז גארנישט אנדערש ווי אברהם חוץ דעם יוד צום סוף. אז דו וועסט ברענגען א איד פון דור המדבר און אים/איר ווייזן דעם ווארט ״אברהמי״ וועט ער/זי גרינג כאפן אז עס האט א שייכות צו ״אברהם״, דאס זעלבע מיט שמואלי און יואלי. משא״כ אז דו וועסט ווייזן ״יענקל״ וועט מען נישט וויסן וואס דאס איז בכלל, וויבאלד עס פעלט אן אות פון יעקב (דער ב׳), צוגעלייגט אן אות אנשטאט דעם (דער ל׳), און אריינגעריקט אן אות אינדערמיט (דער נ׳). אין אנדערע ווערטער, עס איז שוין אזוי פארדרייט פון לשה״ק, אז עס מאכט נישט קיין סענס זיך צו האלטן צו איין אספעקט פון דעם לשה״ק אויסלייג אין דער צייט וואס דאס גאנצע ווארט איז פארדרייט.
יאנקל
חבר ותיק
חבר ותיק
 
הודעות: 2917
זיך רעגיסטרירט: דאנערשטאג פעברואר 23, 2012 10:49 pm
האט שוין געלייקט: 2613 מאל
האט שוין באקומען לייקס: 3798 מאל

Re: יאנקל אדער יענקל?

הודעהדורך שרגא » פרייטאג מערץ 23, 2012 11:24 am

ביי די אלע ביישפילן וואס דו ברענגט בלייבט דער נאמען אין זיין לשה״ק׳דיגן אויסלייג גאנץ - אדער כמעט גאנץ. אברהמי איז גארנישט אנדערש ווי אברהם חוץ דעם יוד צום סוף. אז דו וועסט ברענגען א איד פון דור המדבר און אים/איר ווייזן דעם ווארט ״אברהמי״ וועט ער/זי גרינג כאפן אז עס האט א שייכות צו ״אברהם״, דאס זעלבע מיט שמואלי און יואלי. משא״כ אז דו וועסט ווייזן ״יענקל״ וועט מען נישט וויסן וואס דאס איז בכלל, וויבאלד עס פעלט אן אות פון יעקב (דער ב׳), צוגעלייגט אן אות אנשטאט דעם (דער ל׳), און אריינגעריקט אן אות אינדערמיט (דער נ׳). אין אנדערע ווערטער, עס איז שוין אזוי פארדרייט פון לשה״ק, אז עס מאכט נישט קיין סענס זיך צו האלטן צו איין אספעקט פון דעם לשה״ק אויסלייג אין דער צייט וואס דאס גאנצע ווארט איז פארדרייט.


טאקע פאר די סיבה דארף מען אפשר לאזן וואס מ'קען יא פונעם אריגינעלן. אז א איד אן עטימאלאג פונעם דור המדבר וועט קומען און וועט זען "יאנקל" וועט ער נישט קענען בכלל כאפן פון וואנעט דאס שטאמט. אויב זאל ער כאטש זען "יענקל", וועט ער אפשר נאך האבן א האפענונג (כזה: דער נ' איז דאך בלויז דארט ווי קארל האט געזאגט, דער ל' ביים סוף וועט ער דאך כאפן אז עס איז נאר צוגעלייגט ביים ענדע ווי ביי אנדערע טויזנט נעמען, און דער ב' איז אוועקגעפאלן ווי ביי יאסל). מען דארף פרובירן פארמיידן אז ס'זאל נישט זיין יארן ארום א גאנצע מבוכה צי "יאנקל" איז א באזונדערע נאמען אדער איז די זעלבע ווי "יעקב", ווי אסאך נעמען היינט (ווי למשל חילא, וואס איינער שרייט אז עס איז אריגינעל געווען "חיה'לע", ווידער אנדערע שרייען חי וקים אז עס איז גאר א באזונדערע נאמען.)
ווען מ'זאגט "שימי", פעלט אויך דער ע' און דער ן', ביי "טאלי" פעלט די ערשטע האלב ווארט און עס איז ממש אינגאנצן פארקרימט, דאך שרייבט מען ענדערש נאנטער צום אריגינעלן, "שמעי" און "תלי".
און עס איז נישט אז עס ליגט דארט א ה' וואס מאכט נישט קיין טראפ סענס, נאר אן ע' וואס קען דורכגיין, מוז מען נישט בהכרח טוישן צו אן א'.
און נאכאמאל, איך טענה נישט אז יאנקל איז נישט גוט, קלאר אז יא, נאר יענקל איז לדעתי אויך כשר, סאו יידל (וואס מעג געבן א הסבר אויף זיין אייגענעם נאמען אויסלייג) קען ווייטער אנגיין מיט יענקל אויב שמעקט אים אזוי.
(We need mercy, kindness, not judgment. (Describe, Matisyahu
באניצער אוואטאר
שרגא
היימישער באניצער
היימישער באניצער
 
הודעות: 548
זיך רעגיסטרירט: דינסטאג פעברואר 28, 2012 12:20 am
האט שוין געלייקט: 330 מאל
האט שוין באקומען לייקס: 789 מאל

Re: יאנקל אדער יענקל?

הודעהדורך קארל » פרייטאג מערץ 23, 2012 12:52 pm

די אלע נעמען וואס דו ברענגסט היטן אפ א קענטיגער חלק פון דעם לשה"ק אויסלייג - און אפילו "שמעי" האלט אן די ערשטע דריי אותיות (כאטש איך מיין אז פילע לייגן עס יא אויס "שימי"). "תלי" ווידער, מאכט באמת נישט קיין חילוק וויאזוי מען זאל עס אויסלייגן - "תלי" און "טאלי" לייענען זיך אקוראט די זעלבע. אבער "יענקל" לייענט זיך פשוט נישט גוט; ווי איך האב פריער געשריבן קלאפט עס מיר אין די אויגן ווי Yenkel.
.Cogito ergo sum
René Descartes -
באניצער אוואטאר
קארל
ידיד השטיבל
ידיד השטיבל
 
הודעות: 275
זיך רעגיסטרירט: דינסטאג פעברואר 28, 2012 5:09 pm
האט שוין געלייקט: 148 מאל
האט שוין באקומען לייקס: 467 מאל

Re: יאנקל אדער יענקל?

הודעהדורך ישובניק » פרייטאג מערץ 23, 2012 2:40 pm

יענקל איז פשוט נישט יאנקל. דארף מען אפשר באשליסן צי מ'וויל דינען די עטימאלאגן וואס וועלן זיך אמאל יאוון פון דור המדבר, אים רופן בע"פ יעקב/יאנקל און בכתב אים א נאמען געבן יעֶנקל, אדער צי מ'וויל אויך אין שריפט זיך האלטן טריי צו יאנקל'ען.
ישובניק
מאנשי שלומינו
מאנשי שלומינו
 
הודעות: 146
זיך רעגיסטרירט: דאנערשטאג מערץ 22, 2012 1:43 am
האט שוין געלייקט: 0 מאל
האט שוין באקומען לייקס: 61 מאל

Re: יאנקל אדער יענקל?

הודעהדורך יאנקל » פרייטאג מערץ 23, 2012 6:10 pm

שרגא האט געשריבן:סאו יידל (וואס מעג געבן א הסבר אויף זיין אייגענעם נאמען אויסלייג) קען ווייטער אנגיין מיט יענקל אויב שמעקט אים אזוי.

איך דערמאן זיך פונקט אז אמאל האב איך אין די קאמענטארן פון א בלאג אדרעסירט איינעם טאקע מיט׳ן נאמען יודל אלץ Yidel, האט ער מיר געענטפערט My name is Yeedle, not Yidel. כלפי מה דברים אמורים? די גאנצע שמועס דא איז איבער דעם ריכטיגן אויסלייג פון דעם ווארט כראוי וכיאות פאר א נושא אין דעם ״שפראך און גראמאטיק״ פארום, אבער עס קומט דא אריין נאך א פראגע: די רעכטן פון א מענטש אויף זיין אייגענעם נאמען. דעריבער, אפילו אויב זאל יידל האלטן אז ״יענקל״ איז ריכטיגער, דארף ער מיר אדרעסירן אלץ ״יאנקל״.
יאנקל
חבר ותיק
חבר ותיק
 
הודעות: 2917
זיך רעגיסטרירט: דאנערשטאג פעברואר 23, 2012 10:49 pm
האט שוין געלייקט: 2613 מאל
האט שוין באקומען לייקס: 3798 מאל

Re: יאנקל אדער יענקל?

הודעהדורך יידל » מוצ"ש מערץ 24, 2012 10:43 pm

יאנקל האט געשריבן:
שרגא האט געשריבן:סאו יידל (וואס מעג געבן א הסבר אויף זיין אייגענעם נאמען אויסלייג) קען ווייטער אנגיין מיט יענקל אויב שמעקט אים אזוי.

איך דערמאן זיך פונקט אז אמאל האב איך אין די קאמענטארן פון א בלאג אדרעסירט איינעם טאקע מיט׳ן נאמען יודל אלץ Yidel, האט ער מיר געענטפערט My name is Yeedle, not Yidel. כלפי מה דברים אמורים? די גאנצע שמועס דא איז איבער דעם ריכטיגן אויסלייג פון דעם ווארט כראוי וכיאות פאר א נושא אין דעם ״שפראך און גראמאטיק״ פארום, אבער עס קומט דא אריין נאך א פראגע: די רעכטן פון א מענטש אויף זיין אייגענעם נאמען. דעריבער, אפילו אויב זאל יידל האלטן אז ״יענקל״ איז ריכטיגער, דארף ער מיר אדרעסירן אלץ ״יאנקל״.

איז אזוי. שרגא, וויאזוי שרייבט מען Yeedle צו Yidel אין אידיש (יידש)? אידל? ווער האט באשלאסען אז דער אל"ף איז שטיל silent בלע"ז? יודל איז אויך נישט קיין אפציע, ווייל איך בין נישט קיין ליטוויק. איז ייִדל דער בעסטער אויסוואל, כאטש עס הערט זיך ייוו"א'איש.
יאאנקל, דו האסט נישט קיין רעכטען אויף דיין נאמען. ווען איך רעד צו א צווייטען, למשל שרגא, וועגן דיר, קען איך דיך רופן יענקל, און ער וועט וויסן פון וועם איך רעד און ער וועט מיר ענטפערן - על אפך ועל חמתך. נאר וואסזשע דען? ווען כ'רעד צו דיר, האסטו רעכטן מיר נישט צו ענטפערן אויב איך אדרעסיר דיר נישט ווי די ווילסט.
רבון העולמים, היינט באחרית הימים; רבון העולמים, ווי מיר לעבן היינט איז שווער צו זיין א תמים. - שלמה גרטנר, והתקין
באניצער אוואטאר
יידל
שריפטשטעלער
שריפטשטעלער
 
הודעות: 4919
זיך רעגיסטרירט: זונטאג פעברואר 26, 2012 12:44 am
האט שוין געלייקט: 2926 מאל
האט שוין באקומען לייקס: 4450 מאל

Re: יאנקל אדער יענקל?

הודעהדורך סאסוב » זונטאג מערץ 25, 2012 1:13 am

דארף מען פרעגן די רבנים און דיינים ועלכע זענען עוסק אין מסדר זיין גיטין ווי אזוי די ריכטיגע אויסלייג איז.

אגב, מען האט דא נאך נישט בארירט דעם נאמען יעקל, נישט יוקל.
סאסוב
א גאסט אין שטיבל
א גאסט אין שטיבל
 
הודעות: 15
זיך רעגיסטרירט: זונטאג מערץ 11, 2012 6:37 pm
האט שוין געלייקט: 4 מאל
האט שוין באקומען לייקס: 2 מאל

Re: יאנקל אדער יענקל?

הודעהדורך יאנקל » זונטאג מערץ 25, 2012 1:30 am

יידל האט געשריבן:איז אזוי. שרגא, וויאזוי שרייבט מען Yeedle צו Yidel אין אידיש (יידש)? אידל? ווער האט באשלאסען אז דער אל"ף איז שטיל silent בלע"ז? יודל איז אויך נישט קיין אפציע, ווייל איך בין נישט קיין ליטוויק. איז ייִדל דער בעסטער אויסוואל, כאטש עס הערט זיך ייוו"א'איש.

וואס האט נישט זיין א ליטוואק מיט'ן שרייבן "יידל"? פונקט פארקערט, אז דו וואלסט געווען א ליטוואק וואלסטו געהאט א פראבלעם מיט "יודל" ווייל עס ליינט זיך ווי Yudel, אבער אז דער אויבערשטער האט געהאלפן און דו ביסט זוכה צו זיין א חסיד, קענסטו רואיג שרייבן "יודל" און עס ליינט זיך ווי Yeedel. און באמת שטאמט דאך "יודל" פון "יהודה" וואס ווערט אויסגעלייגט מיט א ואו. אגב, איך וואלט ערווארטעט אז אויב דו ביסט מקפיד צו שרייבן "יענקל" זאלסטו אויך אויסלייגן דיין נאמען "יהודל".
יידל האט געשריבן:יאאנקל, דו האסט נישט קיין רעכטען אויף דיין נאמען. ווען איך רעד צו א צווייטען, למשל שרגא, וועגן דיר, קען איך דיך רופן יענקל, און ער וועט וויסן פון וועם איך רעד און ער וועט מיר ענטפערן - על אפך ועל חמתך. נאר וואסזשע דען? ווען כ'רעד צו דיר, האסטו רעכטן מיר נישט צו ענטפערן אויב איך אדרעסיר דיר נישט ווי די ווילסט.

אמת קענסט רעדן צו שרגא וועגן מיר (נישט קיין לשון-הרע) און אויסלייגן מיין נאמען ווי אזוי דו ווילסט - פון מיינעטוועגן שרייב "יעהנקיל". אבער ווען דו ווילסט מיר אדרעסירן זאלסטו מוחל זיין און שרייבן "יאנקל".
יאנקל
חבר ותיק
חבר ותיק
 
הודעות: 2917
זיך רעגיסטרירט: דאנערשטאג פעברואר 23, 2012 10:49 pm
האט שוין געלייקט: 2613 מאל
האט שוין באקומען לייקס: 3798 מאל

Re: יאנקל אדער יענקל?

הודעהדורך דולה ומשקה » מאנטאג מערץ 26, 2012 1:03 am

אין גאליציע האט מען מער גענוצט דעם 'יענקל' ולדוגמע דעם 'כוכב מיעקב', וואס מ'האט גערופען (עי' בשער בלאט שו"ת כוכב מיעקב): "מהולל בשמו ר' יעקלי רימליווער". אין אונגארען האט מען זיך מער באנוצט מיט 'יאנקעל'. דאס וואס מ'האט גערופען ר' יאנקעל מפשעווארסק, כאטש דאס וואס ער איז געוועהן א גאליציאנער, דער נאמען קומט פון די אונגארישע אידן וואס האבען זיך מדבק געוועהן אין איהם.
"די מבהיל'דיגע בקיאות זעה איך נישט"... (קרעדיט: געוואלדיג)
"אפשר זאלסטו אויפקומען מיט בעסערע בולשיט"...(קרעדיט: שבת אחים)
באניצער אוואטאר
דולה ומשקה
חבר ותיק
חבר ותיק
 
הודעות: 2682
זיך רעגיסטרירט: דינסטאג מערץ 06, 2012 3:19 pm
האט שוין געלייקט: 521 מאל
האט שוין באקומען לייקס: 1806 מאל

Re: יאנקל אדער יענקל?

הודעהדורך שרגא » מאנטאג מערץ 26, 2012 10:39 am

נאכאמאל, יענקל (יא, האסט גוט געליינט) און קארל,יעצט הייבן ענק אן מאכן חילוקים ווען יא און ווען נישט, אויב עס פעלט איין אות מעג מען נאך סווינגען צווישן לה"ק און אידישן אויסלייג, אבער ווען עס איז מער אותיות שוין נישט. סאו שמילי נישט, אבער יאנקל יא. און וואס איז למשל מיט "חזקי"? עס פעלט א י' אנהייב, אן א' און א ל' צום סוף, סאו פארוואס זאלסטו נישט שרייבן "כעזקי"? קארל האט דאך גע'טענה'ט אז: "אויב ווילן מיר זיך האלטן צום אויסלייג פון לשה"ק דארף מען שרייבן "יעקב" - אבער אויב וויל מען שרייבן דעם נאמען ווי עס הערט זיך, דארף מען לאזן דעם לשה"ק-אויסלייג אין א זייט, און עס אויסלייגן ככתבו וכלשונו".
נאר עס איז לאו דוקא. עס איז קיין פראבלעם אז דו לייענסט עס ווי "YENKEL", וווייל נישט אייביג מוז עס אויף די האר שטימען אויב משרשו קומט אזוי די ווארט (אזוי ווי דער G פון "LIGHT" שטערט דיך נישט). דאס געשריבענע מוז נישט אלץ זיין די זעלבע, אזוי ווי עס איז דא שטילע אותיות, איז דא אותיות וואס בלייבן ווייל עס איז אזוי אמאל געווען. (אזוי ווי "ניו יארק", וואס אפילו קיינער ביי אונז זאגט עס נישט אזוי, שרייבסטו ווייטער אזוי ווייל "אזוי קומט עס שוין".)
לסוף, וויבאלד איך זע דאך אז אויפגעבן וועלן ענק שווער, האב איך געמאכט א סוירטש, שטעלט זיך ארויס אז ממש אויף יעדע פלאץ שרייבט מען דוקא אזוי, און טאקע פון דעם אידישן ליכט ביז פארווערטס און ייוו"א, וואס זיי זענען שוין גענוג "פרום" צו קוקן וויאזוי זיי שרייבן "יידיש", און שוין אפגערעדט ספרים און קונטרסים.
יעצט, ענק ווילן דוקא טוישן צו א נייע אויסלייג פון יאנקל, פיין. כ'האב קיינמאל געשטערט. אבער צו קומען לייגן דריק אויף יידלען אז ער "מוז" טוישן, דאס איז שוין ממש א שקאצעריי ווייל יענקל איז לכל הדיעות שבעולם גוט, און אזוי איז דער מנהג אלע דורות געווען, ממילא זענט איר ידו על התחתונה.
(We need mercy, kindness, not judgment. (Describe, Matisyahu
באניצער אוואטאר
שרגא
היימישער באניצער
היימישער באניצער
 
הודעות: 548
זיך רעגיסטרירט: דינסטאג פעברואר 28, 2012 12:20 am
האט שוין געלייקט: 330 מאל
האט שוין באקומען לייקס: 789 מאל

Re: יאנקל אדער יענקל?

הודעהדורך ישובניק » מאנטאג מערץ 26, 2012 3:38 pm

איך האב הנאה געהאט צו זען אז אויך הארקאווי שרייבט יאנקל, און טאקע אזוי אויך יאסל.
ישובניק
מאנשי שלומינו
מאנשי שלומינו
 
הודעות: 146
זיך רעגיסטרירט: דאנערשטאג מערץ 22, 2012 1:43 am
האט שוין געלייקט: 0 מאל
האט שוין באקומען לייקס: 61 מאל

Re: יאנקל אדער יענקל?

הודעהדורך שרגא » מיטוואך מערץ 28, 2012 6:39 pm

ישובניק האט געשריבן:איך האב הנאה געהאט צו זען אז אויך הארקאווי שרייבט יאנקל, און טאקע אזוי אויך יאסל.

און איך האב הנאה געהאט צו זען דערקעגן ווי צענדליגער אנדערע שרייבער שרייבן "יענקל".
(We need mercy, kindness, not judgment. (Describe, Matisyahu
באניצער אוואטאר
שרגא
היימישער באניצער
היימישער באניצער
 
הודעות: 548
זיך רעגיסטרירט: דינסטאג פעברואר 28, 2012 12:20 am
האט שוין געלייקט: 330 מאל
האט שוין באקומען לייקס: 789 מאל

Re: יאנקל אדער יענקל?

הודעהדורך יאנקל » מיטוואך מערץ 28, 2012 9:20 pm

שרגא האט געשריבן:נאכאמאל, יענקל (יא, האסט גוט געליינט) און קארל,יעצט הייבן ענק אן מאכן חילוקים ווען יא און ווען נישט, אויב עס פעלט איין אות מעג מען נאך סווינגען צווישן לה"ק און אידישן אויסלייג, אבער ווען עס איז מער אותיות שוין נישט. סאו שמילי נישט, אבער יאנקל יא. און וואס איז למשל מיט "חזקי"? עס פעלט א י' אנהייב, אן א' און א ל' צום סוף, סאו פארוואס זאלסטו נישט שרייבן "כעזקי"? קארל האט דאך גע'טענה'ט אז: "אויב ווילן מיר זיך האלטן צום אויסלייג פון לשה"ק דארף מען שרייבן "יעקב" - אבער אויב וויל מען שרייבן דעם נאמען ווי עס הערט זיך, דארף מען לאזן דעם לשה"ק-אויסלייג אין א זייט, און עס אויסלייגן ככתבו וכלשונו".
נאר עס איז לאו דוקא. עס איז קיין פראבלעם אז דו לייענסט עס ווי "YENKEL", וווייל נישט אייביג מוז עס אויף די האר שטימען אויב משרשו קומט אזוי די ווארט (אזוי ווי דער G פון "LIGHT" שטערט דיך נישט). דאס געשריבענע מוז נישט אלץ זיין די זעלבע, אזוי ווי עס איז דא שטילע אותיות, איז דא אותיות וואס בלייבן ווייל עס איז אזוי אמאל געווען. (אזוי ווי "ניו יארק", וואס אפילו קיינער ביי אונז זאגט עס נישט אזוי, שרייבסטו ווייטער אזוי ווייל "אזוי קומט עס שוין".)
לסוף, וויבאלד איך זע דאך אז אויפגעבן וועלן ענק שווער, האב איך געמאכט א סוירטש, שטעלט זיך ארויס אז ממש אויף יעדע פלאץ שרייבט מען דוקא אזוי, און טאקע פון דעם אידישן ליכט ביז פארווערטס און ייוו"א, וואס זיי זענען שוין גענוג "פרום" צו קוקן וויאזוי זיי שרייבן "יידיש", און שוין אפגערעדט ספרים און קונטרסים.
יעצט, ענק ווילן דוקא טוישן צו א נייע אויסלייג פון יאנקל, פיין. כ'האב קיינמאל געשטערט. אבער צו קומען לייגן דריק אויף יידלען אז ער "מוז" טוישן, דאס איז שוין ממש א שקאצעריי ווייל יענקל איז לכל הדיעות שבעולם גוט, און אזוי איז דער מנהג אלע דורות געווען, ממילא זענט איר ידו על התחתונה.

איך פארשטיי אז דו האסט נישט גערעדט צו מיר, נאר צו יענקל - אבער כ'האב מיך געמעגט אונטערהערן?
"חזקי" קומט נישט צו צו "יענקל" וויבאלד "יענקל" נעמט אוועק אן אות ביים סוף און לייגט אריין א פרישן אות אינדערמיט. דאס איז די קריטישע נקודה.
איך ווייס נישט וואו צו זוכן אין ייוו"א, אבער אויף "פארווערטס'" וועבסייט, וואו דו טענה'סט אז מ'שרייבט דווקא "יענקל", האבן איך געמאכט א סוירטש אויף "יאַנקל" און "יענקל". בעת "יאַנקל" האט מיך געגעבן צענדליגער זוך-רעזולטאטן, האט מיך "יענקל" געגעבן בלויז דריי רעזולטאטן: איינס איז א נאמען פון א בוך וואס הייסט "יענקל דער יענקי", די צווייטע איז א ציטאט פון קטלא-קניא וועלכער האט געשריבן אויף זיין בלאג "גאנץ לכו נרננה האט מען איבערגעקייט וואס חיים יענקל האט געענטפערט פאר משה ברוך," און די דריטע איז ניטאמאל ערשינען אין דעם "פארווערטס" נאר קומט פון א זייטיגער פראגראם.
קיינער לייגט נישט קיין דרוק אויף יידל - איך האב קלאר געשריבן אז ער קען שרייבן "יענקל" וויפיל ער וויל. ער קען אפילו אריינגיין אין א פארמאכטן שטוב און פירקלען "יענקל" אויף א שטיקל פאפיר טויזנט מאל. אבער פונקט ווי איך רעספעקטיר זיין נאמען, יידל, ווען איך שרייב צו אים - אפילו איך בין געוואוינט צו שרייבן "יודל", אזוי דארף ער רעספעקטירן מיין נאמען ווען ער שרייבט צו מיר, און מיך אדרעסירן אלץ "יאנקל".
יאנקל
חבר ותיק
חבר ותיק
 
הודעות: 2917
זיך רעגיסטרירט: דאנערשטאג פעברואר 23, 2012 10:49 pm
האט שוין געלייקט: 2613 מאל
האט שוין באקומען לייקס: 3798 מאל

Re: יאנקל אדער יענקל?

הודעהדורך ישובניק » דאנערשטאג מערץ 29, 2012 2:45 pm

שרגא האט געשריבן:
ישובניק האט געשריבן: הארקאווי שרייבט יאנקל, .

צענדליגער אנדערע שרייבער שרייבן "יענקל".


:D
ישובניק
מאנשי שלומינו
מאנשי שלומינו
 
הודעות: 146
זיך רעגיסטרירט: דאנערשטאג מערץ 22, 2012 1:43 am
האט שוין געלייקט: 0 מאל
האט שוין באקומען לייקס: 61 מאל

Re: יאנקל אדער יענקל?

הודעהדורך שרגא » פרייטאג מערץ 30, 2012 11:25 am

ישובניק האט געשריבן:
שרגא האט געשריבן:
ישובניק האט געשריבן: הארקאווי שרייבט יאנקל, .

צענדליגער אנדערע שרייבער שרייבן "יענקל".


:D


וואס איז די שמייכעלע דא?
(We need mercy, kindness, not judgment. (Describe, Matisyahu
באניצער אוואטאר
שרגא
היימישער באניצער
היימישער באניצער
 
הודעות: 548
זיך רעגיסטרירט: דינסטאג פעברואר 28, 2012 12:20 am
האט שוין געלייקט: 330 מאל
האט שוין באקומען לייקס: 789 מאל

Re: יאנקל אדער יענקל?

הודעהדורך שרגא » פרייטאג מערץ 30, 2012 11:42 am

ביסט גערעכט, יענקל, לגבי דעם פארווערטס, כ'האב געזוכט אן דעם פת"ח. פונדעסטוועגן האב איך יא געזען אויף אנדערע פלעצער יענקל, סאו דער פונקט בלייבט: הער אויף קריטיקירן ווער עס ניצט עס.
לענין, ס'הייסט אז דיין שטעלונג איז אז ביי אלע אנדערע ווערטער וואס איך האב געברענגט מעג מען יא בלייבן צווישן אידיש און לה"ק, נאר ביי יענקל איז גאר עפעס אנדערש, ער איז א ספעציעלער אויסנאם ווייל עס באקומט א פרישן אות' אינמיטן? און אויב כ'וועל דיר ברענגען א נאמען וואס האט אויך באקומען אן אות אינמיטן און עס איז געבליבן די זעלבע, וועסטו מודה זיין? בכלל זע איך נישט פארוואס די אות נ' זאל דא עפעס טוישן בנוגע דעם ע'. אין לה"ק וואלט מען פונקט אזוי ווייטער געקענט זאגן "יַעַנקב" מיט דעם נ'.
לגבי דעם וואס דו טענה'סט אז עס איז "דיין" נאמען און דו האסט די רעכטן וויאזוי מיר זאלן דיך רופן, ביסטו נישט גערעכט. ווייל מילא אויב דער דיון וואלט דא געווען אויף דיין ריכטיגער נאמען, וויאזוי מען זאל דיך אויסרופן לתורה אדער שרייבן אין די כתובה, קענסטו אפשר טענה'ן אז כזה וכזה האט מען דיר געגעבן דעם נאמען ביים ברית און "אזוי איז מיין נאמען. פינטל." אבער דא רעדט מען דאך פון א צונאמען וואס איז טאקע דירעקט עפעס וואס דוקא די ארומיגע געבן פאר'ן מענטש. איך האב קיינעם געגעבן רשות מיך צו רופן "שרגי" (אדער לויט דיר אפשר "שראגי"), נאר דאס איז מיין צונאמען וואס דער עולם האט מיר בע"כ געשאנקען. מיר, דיינע ארומיגע, וואס באשליסן דעם צונאמען.
דיין עלטער זיידע האט מסתמא פונקט ווי דיר זיך געברויזט אויף מיין עלטער זיידן וואס האט אים גערופן "יאנקל", "וויפיל מאל דארף איך דיר זאגן אז איך הייס יעקב, נישט יאנקל. איך וועל דיך מוזן איגנארירן נאך איינמאל לייגסט צו דעם ל'!", אבער מיין זיידע און אנדערע האבן ווייטער געטאן ווי זיי האבן געגליכן, און היינט טענה'סטו זיך שוין גאר אז מען זאל ארויסנעמען דעם ע' אויכעט.
בקיצור, אויב איך און אנדערע זאגן "יענקל" איז "יענקל".
(We need mercy, kindness, not judgment. (Describe, Matisyahu
באניצער אוואטאר
שרגא
היימישער באניצער
היימישער באניצער
 
הודעות: 548
זיך רעגיסטרירט: דינסטאג פעברואר 28, 2012 12:20 am
האט שוין געלייקט: 330 מאל
האט שוין באקומען לייקס: 789 מאל

Re: יאנקל אדער יענקל?

הודעהדורך ישובניק » פרייטאג מערץ 30, 2012 4:34 pm

שרגא האט געשריבן:
ישובניק האט געשריבן:
שרגא האט געשריבן:
ישובניק האט געשריבן: הארקאווי שרייבט יאנקל, .

צענדליגער אנדערע שרייבער שרייבן "יענקל".


:D


וואס איז די שמייכעלע דא?

ווייל דו האסט געברענגט דעם פארווערטס, און איך האב לכבוד דעם געברענגט הארקאווי, אבער געענטפערט האסטו מיר מיט "צענדליגער אנדערע", בעת איך האב געברענגט הארקאווי'ן אלס א שפראך-קענער און פארשער.

איך בלייב אוודאי מיט יאנקל.
ישובניק
מאנשי שלומינו
מאנשי שלומינו
 
הודעות: 146
זיך רעגיסטרירט: דאנערשטאג מערץ 22, 2012 1:43 am
האט שוין געלייקט: 0 מאל
האט שוין באקומען לייקס: 61 מאל

הודעהדורך ציבעלע-קיגל » דינסטאג דעצעמבער 02, 2014 12:46 pm

אפשר ינקל
אויב דו ווילסט אז מען זאהל אלעמאהל זאגען אז דו ביזט א ליגנער...
זאלסטו אלעמאהל זאגען נאר דער אמת...

דער אמת שטעכט!
באניצער אוואטאר
ציבעלע-קיגל
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1120
זיך רעגיסטרירט: זונטאג יולי 29, 2012 8:24 am
האט שוין געלייקט: 574 מאל
האט שוין באקומען לייקס: 795 מאל


גיי צוריק שפראך און גראמאטיק

ווער איז יעצט דא?

באניצער וואס לייענען דעם פארום: נישטא קיין אנליין באניצער און 2 געסט