די הערליכע פאדלאגע פונעם בית המקדש פריש אנטדעקט

אידישע און וועלטליכע היסטאריע
רעאגיר
באניצער אוואטאר
העניך
שריפטשטעלער
שריפטשטעלער
הודעות: 941
זיך רעגיסטרירט: מאנטאג יאנואר 25, 2016 5:54 pm
האט שוין געלייקט: 1242 מאל
האט שוין באקומען לייקס: 4534 מאל

די הערליכע פאדלאגע פונעם בית המקדש פריש אנטדעקט

שליחה דורך העניך »

די גמרא אין בבא בתרא זאגט "מי שלא ראה בנין הורדוס לא ראה בנין נאה מימיו." די גמרא דערציילט אויך דארטן ווי הורדוס האט גענוצט מארמארשטיין צו באצירן די ווענט פונעם בית המקדש. מיר ווייסן אויך פון חז"ל אז די פאדלאגע פון דעם חצר איז געווען געמאכט פון אבני שיש.

יעצט, צום ערשטן מאל זייט דעם חורבן הבית, איז נתגלה געווארן גענוי וויאזוי די פאדלאגע פונעם בית המקדש האט אויסגעזען, צוזאמענגעשטעלט פון הערליכע מארמארענע "טיילס", אויסצוצירן מאיעסטעטישע געאמעטרישע צורות וועלכע האבן צוגעגעבן צום פראכט פונעם בית המקדש של הורדוס. די אינפארמאציע איז געדרוקט געווארן אין א לענגערן ארטיקל אין דעם לעצטן גליון פון "ביבליקעל ארכעאלאגיע רעוויו".

די פאדלאגע פונעם בית המקדש איז אנטדעקט געווארן אין די טאנען "אפפאל" וואס דער "וואקף", די מוסולמענישער אויטאריטעט אויף דעם הר הבית, האט אויסגעגראבן פון דעם הר הבית אין די שפעטע 1990ער יארן, כדי צו בויען שטיגן צו אן אונטערערדישן מעטשעט וואס זיי האבן געבויט.

אין די טאנען ברוכווארג האט מען אין לויף פון די יארן געטראפן הונדערטער טויזנטער איבערבלייבענישן פון די לעצטע טויזנטער יארן, פון נאך פאר דעם בית ראשון, ביז דער היינטיגער תקופה. אויך האט מען דארטן געפונען "טיילס" וועלכע האבן באצירט די פאדלאגע פון דעם בית שני:
11.jpg


מומחים אין ארכעאלאגיע און היסטאריע פון ארכיטעקטור האבן געקענט נוצן די ברוכווארג אויסצורעכנען וויאזוי זיי זענען גענוצט געווארן צו פארמירן הערליכע מוסטערן פאר דער בית המקדש. די מוסטערן זענען געווען באזירט אויף דעזיינס וועלכע זענען גענוצט געווארן דורך די רומיים.
12.jpg
12.jpg (96.28 KiB) געזען געווארן 1210 מאל


13.jpg
13.jpg (39.88 KiB) געזען געווארן 1210 מאל


14.jpg
14.jpg (44.07 KiB) געזען געווארן 1210 מאל


די דריי-עקן וועלכע ווערן גענוצט אין די מוסטערן, ווערן גערופן דורך די מומחים "הורדוס'עס דריי-עק". דאס איז ווייל דאס איז אן אומגעווענליכער דריי-עק וואס די באזע איז פונקט אזוי הויך ווי דער הייעך - ווי עס וואלט אריינגעמאלן געווארן אין א פינקטליכן קוואדראט. הורדוס האט גענוצט אזא דריי-עק אין די פאדלאגעס פון עטליכע בנינים וואס ער האט געבויעט.
האט איר הנאה געהאט פון מיין ארטיקל? גיט א 'לייק' און שיקט א לינק צו אייערע פריינט. אבער בשום אופן נישט קאפירן דעם גאנצן ארטיקל און שיקן ווייטער - אדם אוסר את שלו.

דער אשכול פארמאגט 2 תגובות

איר דארפט זיין א רעגיסטרירטער מעמבער און איינגעשריבן צו זען די תגובות.


רעגיסטרירן איינשרייבן
 
רעאגיר