תכתב זאת לדור אחרון - קאראנאווירוס ארכיוו

[קטלא קניא]

היות ס'וועט קומען א טאג (נענטער ווי מען מיינט) וואס מ'וועט לייקענען אז דעת תורה האט געהייסן זיך מאבד זיין לדעת און מען וועט מכחיש זיין דער חילול השם ווען פון דער תורה וואס ס'שטייט דערויף כי חיים הם למוצאיהם האט מען געמאכט א סם מוות און וואס האט שוין אפגעגקאסט הונדערטער נפשות, אלזאו בין אך מציע מען זאל דא ארויפשטעלן דאקומענטן, בילדער, קליפס און אלעס וואס קער זיך אן צו דעם ענין למען יעמדו ימים רבים.

עס מעג זיין צעטלעך און בריוו פון רבנים, צעטלעך פון אקעגן, גראפיקס לכאן ולכאן, גלייכווערטלעך, רעקארדירונגען פון קול און ווידיאו, לינקס אאז"וו. בקיצור אלעס וואס פארט ארום און באלד פארגעסט מען זאל דא האבן א דענקמאל. אויף טאפאטאלק נעמט עס ממש א רגע און אויף א פיסי געדוירט עס אויך נישט צו לאנג.

ביטע אויב איר ווייסט און קענט, און וועס ס'איז נישט קלאר פון דעם תוכן, שרייבט דער נאמען פון דער פארפאסער אדער רעדנער, דער שטאט וואו ס'איז מפורסם געווארן, און, גאר וויכטיג, דער דאטום דערפון אדער כאטש דער דאטום ווען איר האט עס באקומען. דערגעגן, ביטע שרייבט דא נישט הערות, קאמענטארן און דעות וואס צו זיי זענען דא גענוג אנדערע פלעצער. לאזן די דאקומענטן רעדן פאר זיך.

לְמַעַן יֵדְעוּ דּוֹר אַחֲרוֹן בָּנִים יִוָּלֵדוּ יָקֻמוּ וִיסַפְּרוּ לִבְנֵיהֶם. וְיָשִׂימוּ בֵאלֹהִים כִּסְלָם וְלֹא יִשְׁכְּחוּ מַעַלְלֵי אֵל וּמִצְו‍ֹתָיו יִנְצֹרוּ. וְלֹא יִהְיוּ כַּאֲבוֹתָם דּוֹר סוֹרֵר וּמֹרֶה דּוֹר לֹא הֵכִין לִבּוֹ וְלֹא נֶאֶמְנָה אֶת אֵל רוּחוֹ.

[קטלא קניא]

קריינא דאגרתא...

ניו יארק, באקומען אפריל 2, 2020

[רביה''ק זי''ע]

נאך בעסער וואלט געווען ווען מ'קען מאכן א טיימליין וויאזוי די "דעת תורה" האט זיך געביטן מן הקצה אל הקצה פון "תורה מגני ומצלי" ביז ווען די "בעלי דעת תורה" אליינס האבן אנגעפאנגען קראנק צו ווערן.

[berlbalaguleh]

קטלא קניא: דו זאגסט זייער גוט. נאר אזוי ווי מיט אלע אנדערע קאנטראווערסיאלע עניינים און שיטות, וועללן במשך השנים אויפשטיין פעלשערס און ליגנערס וועלכע ווערן בלשון נקיה אנגערופן..."רעוויזיאניסטן"...און זיי וועלן פעלשן און אוועקבייגן די אמת'ע פאקטן לויט זייער אגענדא.

אזוי ווי ס'איז געווען מיט די מלחמה פון די גדולי הרבנים אין די לעצטע 140 יאר אקעגן די אידעאלאגעי פון ציוניזם. ס'זענען געווען א גרויסער טייל פון די רבנים אין אייראפע וועלכע זענען געווען שטארק אקעגן טעאדאר הערצל וסייעתו און זייער אידעאלאגיע פון האבן אן אייגן לאנד פאר ביאת המשיח.

איז אבער דא א פראבלעם. ס'איז אויפגעשטאנען איינער א באוואוסטער פעלשער און זייפן מיט'ן נאמען משה חיים אפרים בלאך וועלכער איז געווען א שרייבער. און ידען אין אידישע היסטאריע. און ער האט ארויסגעגעבן א ספר. אן אוסף מכתבים פון אריבער 100 גדולי הרבנים פון יוראפ וועלכע האבן זיך מתנגד געווען בכל תוקף אקעגן הערצל און זיין שיטה...! ער איז בכלל נישט געווען קיין קנאי. ער האט זיך אפילו געשעיווט די בארד. פונקטליך וואס זיין מאטיוו איז געווען ווייסט מען נישט. אפשר האט ער פשוט געמיינט געלט.יודעי דבר האבן פעסטגעשטעלט אז זיין גאנץ ספר אדער די מערסטע דערפון איז געפעלשט. די רבנים האבן אינגאנצן נישט געשריבן די בריוו. אדער עכ"פ האבן זיי נישט געזאגט וואס ער שרייבט אין זייער נאמען. ער האט געגעבן א נאמען פאר זיין ספר וואס איז אן אוסף מכתבים..."דובב שפתי ישנים"...אז דו גלייבסט נישט גיי פרעג זיי...!

אט דער אויבנדערמאנטער פעלשער האט געברענט זיין קונטרס צום סאטמאר'ע רבי דער דברי יואל, זצ"ל פאר אן הסכמה. לויט ווי די שמועות גייען האט שוין דער סאטמאר' רב געהאלטן ביי געבן אן הסכמה. ווען דער נייטרער רב, רבי מיכאל בער ווייסמאנדל זצ"ל האט אויסגעפונען האט ער זיך פארבינדן מיט'ן סאטמאר'ע רב און געבעטן אז ער זאלל נישט געבן אן הסכמה. ווייל די מבינים האבן פעסטגעשטעלט אז דער ספר איז פאלש. און ס'וועט זיין א גרויסער חילול ה. אין א זעלטענעם פאל האטציך דער סאטמאר'ע רבי געבויגן און ר'האט צוריקגעצויגן פון זיין הסכמה...!

[berlbalaguleh]

קטלא קניא: א סאך פון די נפטרים אויף די ליסט האביך פערזענליך געקענט. און כ'האב מיטגעהאלטן די ידיעה איבער זייער פטירה און די לוויות...!

[קטלא קניא]

ירושלים, אפריל 3, 2020

[קאך_לעפל]

קריסטן רעספעקטירן זייער גלחים. איר וועט כמעט נישט טרעפן קיין קריסט וועלכע זאל רעדן אזוי געמיין אויף זיין גלח, ווי מאנכע פון אונז רעדן אויף אונזערע רבנים, מיט אנגעבליכע גוטע אויסריידן. זאל דאס ח''ו נישט פארלענגרן ג-ט'ס צארן אויף זיין פאלק!

[רביה''ק זי''ע]

די קריסטן האלט שוין לאאאאנג נאך יענעם פאזע, היינט האבן זיי מער נישט קיין טענות ווייל מארטין לוטהער וחבריו האבן שוין געשטעלט די גלחים אין פלאץ. אז ס'איז מקוים געווארן ביי זיי דעם איזהו חכם המכיר את מקומו, איז אויך מקוים געווארן דעם איזהו מכובד המכבד את הבריות...

[קטלא קניא]

נ"י, מערץ 15, 2020

[מיימון]

די קריסטן האלט שוין לאאאאנג נאך יענעם פאזע, היינט רעדן זיי שוין נישט אויף די גלחים זייערע ווייל מארטין לוטהער וחבריו האבן זיי שוין געשטעלט אין פלאץ. אז ס'איז מקוים געווארן ביי זיי דעם איזהו חכם המכיר את מקומו, איז אויך מקוים געווארן דעם איזהו מכובד המכבד את הבריות...

יא, יארן לאנג האבן אידן שטאלצירט אז מיר זענען די ווייניגסטע געשטארבן ביי די שווארצע מגיפה צוליב אונזער פארגעשריטענע היגיענע און זהירות בנקיות. וואס וועלן מיר יעצט זאגן? ללעג ולקלס היינו בגוים.

[ליטוואק פון בודאפעסט]

מ׳דארף זיין אויף ריכטיג. ברענג אופיר יעדעם, סיי די מחמירים סיי די מקילים

[רביה''ק זי''ע]

יא, יארן לאנג האבן אידן שטאלצירט אז מיר זענען די ווייניגסטע געשטארבן ביי די שווארצע מגיפה צוליב אונזער פארגעשריטענע היגיענע און זהירות בנקיות. וואס וועלן מיר יעצט זאגן? ללעג ולקלס היינו בגוים.

מ'האט שוין דא ארומגערעדט איבער דעם נקודה...

[ליב צו וויסן]

קריסטן רעספעקטירן זייער גלחים. איר וועט כמעט נישט טרעפן קיין קריסט וועלכע זאל רעדן אזוי געמיין אויף זיין גלח, ווי מאנכע פון אונז רעדן אויף אונזערע רבנים, מיט אנגעבליכע גוטע אויסריידן. זאל דאס ח''ו נישט פארלענגרן ג-ט'ס צארן אויף זיין פאלק!

גלחים רעספעקטירן די קריסטן וד"ל