בלאט 1 פון 2

חסידישע רביים פארפלאנטערט מיט'ן געזעץ - היסטוריה

הודעהפורסם: דינסטאג מערץ 31, 2015 8:12 am
דורך טאמבל סאס
איך הייב אן מיט'ן הייליגן ריזשינער. וואס איז געווען די מעשה דארט? אין וויקיפידיע שטייט אין קורצן אז אין ספרינג פון יאר תקצ"ח האט מען ארעסטירט דעם רעבין ר' ישראל מריזשין צוליב א מסירה אז ער האט אנגעבליך געגיבן דעם גרינעם ליכט אפצוראמען פון וועג צוויי אידישע מוסרים וואס האבן מלשין געווען צו די בעהערדע אויף אידן פון זיין קהילה אז זיי שווינדלען און דרייען זיך ארויס פון צאלן שטייערן און אויף געוויסע וואס האבן מיט שטיקלעך אויסגעמיטן פון זיך שטעלן אין מיליטער, און וועמענ'ס נעמען זענען נישט פארשריבן אין די צענזוס (וואס איז לכאו' ווי איך פארשטיי געווען א טייל פונעם שטיקל)

ס'איז ביי מיר ברור אז דאס איז סתם א בלבול געווען - ווי אייביג ווען די גוים און די מידיא זוכט זיך ארויפצוכאפן אויף אונז. למעשה, האבן אים די אנטיסעמיטן געפונען שולדיג און איינגעזעצט פאר כמעט צוויי יאר! אין ת"ר, איז ער באיזה אופן אנטלאפן פון תפיסה מיט די הילף פון זיינע חסידים וואס האבן אונטערגעשמירט דעם טורמע אויפזעהער (וואס אגב איז דאס מסתמא א חלק פון דעם אויבן-דערמאנטן בלבול. דהיינו, אז חסידים האבן נישט קיין דרך ארץ פאר'ן געזעץ.) מ'האט אים אדורכגעשווערצט דעם רוסישן גרעניץ, (ס'דערמאנט מיר לב טהור) און נאך אסאך וואנדערן און וואגלענישן האט ער זיך אין תר"ב באזעצט אין "פוטוק" וואס אין סאדיגער, נעבן די שטאט טשערנאוויץ וואס אין בוקוווינע - יענע יארן א טייל פון דער עסטרייך-אונגארישע אימפעריע. דארט האט מיטאמאל דער רעבינ'ס מזל ווידעראויפגעשיינט און ער האט ממשיך געווען מיט זיין מלכות'דיגע חסידות. כי לא ראיתי צדיק נעזב.

וואס גענוי האט דארט פאסירט? ווער זענען געווען די מוסרים? וועמען האבן זיי געמסר'ט? זייערע אגענדע? וויאזוי האט מען זיי געהארגעט? ווער זענען די רוצחים געווען? וואס האבן די מתנגדים און משכילים פארציילט דאן? וואס האבן די חסידים דאן פארציילט פאר די וועלט? (און אין מקוה?) וואס פארציילן די חסידים היינט? וואס פארציילן היינט די ארכיוון?

א בילד פון די שוהל אין סאדיגער

הודעהפורסם: דינסטאג מערץ 31, 2015 9:39 am
דורך שש משזר
זיך פארפלאנטערן מיטן געזעץ, און זיך פארפלאנטערן מיטן געזעצגעבער [במקרה דינן: דער 'צאר' הצורר], זענען צוויי אנדערע זאכן.
ספינקא רבי [56 st] האט זיך פארפלאנטערט מיטן געזעץ. דער בורשטינערס טאטע, האט זיך אויך פארפלאנטערט מיטן געזעץ.

דער רוזשינער, מיט נאך א לאנגע ליסטע פון רבי'ס, האבן זיך פארפלאנטערט מיטן מלוכה. צו ווייל זיי זענען געווען א פאטענציעלע געפאר [דער צאר פלעגט נאכקוקן יעדער וואס איז נאר געווארן צו גרויס], צו פאר ענדליכע סיבות [מוסרים ומשכילים].

***************

אריינצובלאזן דא א רוח החיים אין דעם אשכול, וועל איך דא ברענגען א טיילווייזע רשימה פון רבי'ס וואס האבן זיך פארפלאנטערט מיטן געזעץ-געזעצגעבער, און זענען געזעצן אין תפיסה אדער געליטן אנדערע צרות. וכל הרוצה ליטול את הפענע יבוא וידרוש [אפשר גם אני בתוכם]:

1. רבי מנחם נחום מטשערנאביל, בעל מאור עינים [תפיסה].
2. האחים רבי שמואל אבא ורבי משה מסלאוויטא, בני הר"ר פנחס'ל קאריצער [תפיסה, מלקות, און דאכצעך אויך סיביר].
3. בית משפחת טווערסקי [איסור ארויסצוגיין פון די גלילות פון געוויסע שטעט. מחשש השפעה].
4. רבי מיכל'ה מקירימע, אייניקל פון ר"ר זושא פון אניפאלי [תפיסה, ועוד].
5. רבי ישראל מרוזשין [תפיסה].
6. בנו רבי אברהם יעקב מסאדיגורא [תפיסה].
7. רבי שניאור זלמן מליאדי [תפיסה].
8. בנו רבי דובער מליובאוויטש [תפיסה].
9. חתן רבי דובער, דער צמח צדק מליובאוויטש [תפיסה].
10. רבי יוסף יצחק מליובאוויטש [תפיסה].
11. רבי יצחק מטשערנאביל/לויעוו (זיידע פון טשערנאבילע רביים שליט"א) [תפיסה, נהרג].
12. דער בורשטינע און גאלאנטע רביים'ס טאטע [תפיסה].
13. דער ספינקע רבי (56 ST) [תפיסה].

ועוד הרבה...

הודעהפורסם: דינסטאג מערץ 31, 2015 10:27 am
דורך טאמבל סאס
אויב איז די מלוכה דער וואס מאכט די געזעץ דאן וואס איז די דיפערענץ? כ'בין משער אז די באשילדיגונגען ארויסגעשטעלט געגן זיי איז אלעמאל מלובש געווען אינעם געזעץ.

הודעהפורסם: דינסטאג מערץ 31, 2015 10:38 am
דורך שמעון וואלף
אברהם אבינו, פאר'ן ציברעכן די געטשקעס

הודעהפורסם: דינסטאג מערץ 31, 2015 10:38 am
דורך פליקער
אויך וואלט געוועין כדי אראפ צייכענען וויפיל רביים זענען געוועין פארפלאנטערט און האבן זיך מיט גרויס פראטעקציע ארויס געדרייט פון תפיסה

אדמו"ר מטאש וכו'

הודעהפורסם: דינסטאג מערץ 31, 2015 10:40 am
דורך שש משזר
דער שאלה איז צו זיי האבן עובר געווען דעם געזעץ, אדער מען האט פארטייטש א געזעץ כדי צו טרעפן א מקום וואס זיי זאלן האבן עובר געווען...

הודעהפורסם: דינסטאג מערץ 31, 2015 11:02 am
דורך ירח בן יומו
די קאזניצער מגיד
די סקלונער רביים
די חידושי הרי"ם

הודעהפורסם: דינסטאג מערץ 31, 2015 11:23 am
דורך שש משזר
טאמבל סאס האט געשריבן:אויב איז די מלוכה דער וואס מאכט די געזעץ דאן וואס איז די דיפערענץ? כ'בין משער אז די באשילדיגונגען ארויסגעשטעלט געגן זיי איז אלעמאל מלובש געווען אינעם געזעץ.

ווערי סימפל.
דער שאלה איז צו דער באשולדיגונג איז געווען אז זיי טוען קאנטער רעוואלוציאנערישע שטיק, אדער עפעס אן אנדערע טענה. ווייל רעוואלוציאנערישע שטיק איז אלס געווען [און איז נאכאלס אזוי אין דיקטאטורישע רעזשימען] א כסות עינים זיך אפצורעכענען מיט א פאטענציעלע געפאר/געגנער.

ודו"ק והבן כי קצרתי.

הודעהפורסם: דינסטאג מערץ 31, 2015 11:43 am
דורך yatzmachp
יוסף הצדיק, משה רבינו, דוד המלך, אלי׳ הנביא, ירמי׳, חנני׳, מישאל, עזריה,

הודעהפורסם: דינסטאג מערץ 31, 2015 11:46 am
דורך היסטאריקער
ר' אהרן האלבערשטאם מקרייז צאנז (תפיסה)

מהר"ם מרויטנבורג זי"ע

הודעהפורסם: דינסטאג מערץ 31, 2015 11:51 am
דורך קפנדריא
דער הייליגער מהר"ם מרוטנבורג, געווארן ארעסטירט דורך א בלבול כדי צו קענען ארויסקוועטשען פון די אידן א גרויסער סכום אויסלייז געלט, די קהילה האט צוזאמגעשטעלט דאס געלט, אבער דער הייליגער מהר"ם האט נישט געלאזט מען זאל אים אויסלייזן, ווייל דאס וועט געוואוינען די רשעים צו כאפען נאך אידן און ארעסטירן פאר שאנטאזש אויסלייז געלט, ער איז נסתלק געווארן אין תפיסה, און צען יאר נאכ'ן פטירה האבן זיי הערשט באפרייט דעם הייליגען גוף. זי"ע..

הודעהפורסם: דינסטאג מערץ 31, 2015 11:55 am
דורך צדיק נסתר
.

הודעהפורסם: דינסטאג מערץ 31, 2015 12:08 pm
דורך berlbalaguleh
.

הודעהפורסם: דינסטאג מערץ 31, 2015 1:26 pm
דורך דער געוואגטער יונגעל
אפשר וואלט געווען כדאי צו צוטיילן די אשכול און צוויי. לויט וואו אזוי שש משזר@ האט שוין ערווענט אז עס איז דא צוויי חלקים ,
איך האף אי"ה נאך פסח ארויף צו שטעלן מיין ארטיקל וואס איך האב נישט אנגעיאגט צום פה-סח מאגאזין, אן ארטיקל וואס איך האב ארויס געשלעפט פון מיינע ארכיוון בשעת'ן פסחדיג מאכן מיינע אלטע דאקומענטן. איבער אן אומבאקאנטע קארט קעיס אינדערהיים וואו דער רעבי און די רעבעצין זענען געווען אין געריכט איינער אנטקעגן דעם צווייטן , ווי עס זענען געווען אינוואלווד די ברוקלין קארט. די פולישע רבנים ועוד ,

הודעהפורסם: דינסטאג מערץ 31, 2015 1:29 pm
דורך צדיק נסתר
עוזר האט געשריבן:.

פארוואס איז עס שלא מן הענין?

במ"ל רופט זיך "קאמארנא רבי" צו איר ווילט יא צו איר ווילט נישט.

הודעהפורסם: דינסטאג מערץ 31, 2015 2:20 pm
דורך שמעון וואלף
צדיק נסתר האט געשריבן:
עוזר האט געשריבן:.

פארוואס איז עס שלא מן הענין?

במ"ל רופט זיך "קאמארנא רבי" צו איר ווילט יא צו איר ווילט נישט.


ער איז נישט קיין אדמו"ר אדער רב אפילו אויב ער רופט זיך אזוי

הודעהפורסם: דינסטאג מערץ 31, 2015 2:21 pm
דורך זוכער
רבי אהרן הלברשטאם, קרייזער רב, זון פון רבי צאנזער רב - רבי חיים הלבערשטאם בעל דברי חיים [תפיסה].

הודעהפורסם: דינסטאג מערץ 31, 2015 2:22 pm
דורך חקרן
דער סאדוגירער איז נחשד געווארן אין פעלשן געלט.

דער צאנזער רב האט זיך אויך 'כמעט' פארפלאנטערט, מען האט זיך געוואלט נעמען איבער זיינע ביינער, פארן מחרים זיין אין רודפ'ן די סאדוגיר'ער, וויבאלד חרמות איז אפיציעל אסור געווען לויטן געזעץ. מיט גרויס פראטעקציע (און שוחד) האט מען דאס מסדר געווען.

Re: חסידישע רביים פארפלאנטערט מיט'ן געזעץ - היסטוריה

הודעהפורסם: דינסטאג מערץ 31, 2015 2:23 pm
דורך נופת צופים
צדיק נסתר האט געשריבן:
עוזר האט געשריבן:.

פארוואס איז עס שלא מן הענין?

במ"ל רופט זיך "קאמארנא רבי" צו איר ווילט יא צו איר ווילט נישט.

בד"וו איז דעי אשכול אין היסטאריע.

איז דא א סיבה פארוואס מען נעמט א נארמאלע בע'טעמ'טע אשכול וואס האט פאטענציאל און מען פארדרייט עס מיט שטותים והבלים?

הודעהפורסם: דינסטאג מערץ 31, 2015 5:03 pm
דורך פרייוויליג
כמדומה אז די בוך פונעם סאנצער צדיק דערציילט אויך די ראשי פרקים פונעם ריזשענער אין טורמע. סתם אזוי איז דאס גאר א אינטערסאנטע ביאגראפיע פון די געשלעג אינדערהיים צווישן סאנז און ריזשען.

הודעהפורסם: דינסטאג מערץ 31, 2015 11:48 pm
דורך יאסל ראקאווער
די גלייבסט נישט אז די ריזשענער איז געווען א הלכה ייד? פארוואס שרייבסטו "ס'איז ביי מיר ברור אז דאס איז סתם א בלבול געווען"?

Re: חסידישע רביים פארפלאנטערט מיט'ן געזעץ - היסטוריה

הודעהפורסם: מיטוואך אפריל 01, 2015 6:07 am
דורך טאמבל סאס
שש משזר האט געשריבן:
טאמבל סאס האט געשריבן:אויב איז די מלוכה דער וואס מאכט די געזעץ דאן וואס איז די דיפערענץ? כ'בין משער אז די באשילדיגונגען ארויסגעשטעלט געגן זיי איז אלעמאל מלובש געווען אינעם געזעץ.

ווערי סימפל.
דער שאלה איז צו דער באשולדיגונג איז געווען אז זיי טוען קאנטער רעוואלוציאנערישע שטיק, אדער עפעס אן אנדערע טענה. ווייל רעוואלוציאנערישע שטיק איז אלס געווען [און איז נאכאלס אזוי אין דיקטאטורישע רעזשימען] א כסות עינים זיך אפצורעכענען מיט א פאטענציעלע געפאר/געגנער.

ודו"ק והבן כי קצרתי.

נו, די מעשה אויבן גייט דאך אז די מסירה איז געווען איבער מס, נישט אזוי?
אז די אויטאריטעטען זאלן היינט באשולדיגן די סקווערע רבי למשל אז ער וויל רעוואלטירן קעגן די רעגירונג ווייל זי איז צו דיקטאטוריש וואלטן אלע געלאכט.

הודעהפורסם: מיטוואך אפריל 01, 2015 1:46 pm
דורך שלמה המלך
הרה"ק מסקולעני זצ"ל ויבלחט"א בנו כ"ק אדמו"ר מסקולען שליט"א (תפיסה - און געכאפט גע'הרג'טע מכות)

הודעהפורסם: מאנטאג אפריל 27, 2015 2:36 pm
דורך דער געוואגטער יונגעל
במשך הדורות זענען געווען צענדליגער פירער'ס פונעם אידישן פאלק וואס זענען געזיצן אין תפיסה עפ"ר פארן בלויזן חטא פון זיין א טארגעט ,
איך וועל דא אויס רעכענען בקיצור א טייל פון די וואס זענען געזיצן פארשפארט אינטער גראטעס ,

1. יוסף הצדיק [פון די טעקסטס פון יענע יארן שטייט אז עס האט זיך אנגעהויבן דורך א ברודער סכסוך , ]
2. דניאל וחביריו ,
3. התנא ר' עקיבא ,
4. זרובבל בן שאלתיאל (ער איז געבוירן צו זיין טאטען אין תפיסה)
5. עשרה הרוגי מלכות ,
6. האמורא רב עליש (גמ' בגיטין),
7. רבינו גרשום מאור הגולה ,
8. מהר"ם מראטענבערג ,
9. הר"ן ותלמידו רב חוסדאי און די ריב"ש [ זיי זענען געזיצן אין תפיסה אין שטאט בארצעלאנע בשנת קכ"ז ]
10. דער הייליגער תוס' יו"ט . (תעיין בספרו מגילת איבה שם מספר על כל צרותיו) ,
11. מהר"י מברונא [ אין שטאט רגענשבורג בשנת רל"ד ] ,
12. די הייליגע רייצע'ס ברודער ר' חיים דער קאמינקער רב און זיין ברודער ר' יושע , [ דאס האט זיך אפגעשפילט בשנת תפ"ח אין די איצטיגע ספירה טעג אין שטאט לעמבערג.
אנגעהויבן האט זיך עס דערנאך וואס א געשמד'טע איד מיטן נאמען יוהאננעס פיליפאוויטש האט באשלאסן זיך אומצוקערן צום אידישן גלויבן. דאס האט געווענליך באדייט באקומען טויט שטראף ! געבליבן פאר אים איז נאר צו אנטלויפן קיין לעמבערג מיט א צווייטן נאמען. עס האט נישט גענומען לאנג אין די חברה גוים אין לעמבערג זענען דערגאנגען זיין אידענטיטעט , דארט אין לעמבערג האבן זיך געדרייט א גרויסע צאל פון די פארשאלטענע יעזואיטן קריסטן וואס האבן גערוידפט די אידן נאכאנאנד מיט שרעקליכע בילבולים ( זיי האבן שוין געהאט אן אלטע חשבון פון שנת תמ"א זיך אפצורעכענען מיט די פאראזיטן דערנאך וואס זיי האבן שוין געהאט אנעקסירט דעם באקאנטען טורי זהב שול איז עס געווארן באפרייט דורך דער שתדלנות'טע גאלדענע רויזא דער שנור פון ר' איציק שרענצעליס דער מייסד פונעם שול , און זיי האבן זיך געמוזט צירוק קערן צו זייער אלטע קורכע (וואס פון דארט איז באוואסערט געווארן דער סאברע דעם רשע באגאדאן כאמילנעצקי דער פירער פון די באנדע בשנת ת"ח ות"ט )
אקיצור די גוים האבן דאן ארעסטירט דעם משומד מיט נאך רבנים אין שטאט וואס האבן נישט באוויזן צו אנטלויפן צווישן זיי די רייצא'ס ברודער נישט לאנג נאך דעם האבן זיי ארויס געגעבן דעם שוידערליכן אורטייל אז מען דארף זיי ארויס רייסען דעם צונג מיט גאפלעך ! און דערנאך צושניידן די גלידער לעבעדיגערהייט און דערנאך פארברענען אויפן שייטער הויפן !
די ברודער ר' יושע איז נפטר געווארן אין תפיסה. זיי האבן דאן באפוילן ר' חיים ער זאל לעכערן די פיס פון זיין ברודער אין עס צובינדן צו א פערד און דער פערד וועט אזוי ארום לויפן די גאנצע שטאט רח"ל !... עס איז געווען א שרעק צו צוקוקן די ביזיון הגוף והנפש פון דעם קדוש ר' יושע הי"ד ,
דערנאך האבן זיי ארויס געברענגט ר' חיים אויסצופירן דעם אורטייל . ר' חיים האט דאן מקבל געווען אויף זיך דעם דין און געזאגט : דאס וואס מען גייט מיר שניידן די הענט קומט זיך מיר וויבאלד איך האב געציילט געלט פארן גוי ! (בשביל רבנות לעמבערג חתן החכם צבי - פני יושע ואכמ"ל תעיין מה שכותב ר' יעקב עמדין בספרו מגילת ספר)
דאס וואס מען גייט מיר שניידן דעם צונג קומט זיך מיר וויבאלד איך האב גערעדט פרעמדע שפראכן ווי לאטייניש !
דאס וואס מען גייט מיר שפליטערן דעם מוח ! און ארויס שניידן די הארץ לעבעדיגערהייט .. קומט זיך מיר וויבאלד איך האב געטראכט בדברים חיצוניים !
דאס וואס מען גייט פארברענען מיין גוף קומט זיך מיר וויבאלד די גוף איז שילדיג אין אלעם ! (דער אופן המיתה שרייבט דער מהר"ם חגיז בספרו משנת חכמים)
דער קאמינקער רב האט דאן באפוילן אז מען זאל געבן 35 גילדן (שכר) פאר דעם תליין ,
(זיין מאמע האט דאן צוז געשלעפט 10 אידן זאלן זיך פארשטעלן ווי גוים און זאלן אנטיילנעמען ביי זיין פטירה . און דערנאך האבן זיי צוזאם גענומען זיין אש אין עס באגראבן ,
דער מהר"ם חגיז האט דערנאך געשריבן אויף אים א גדלות : יפתח ה' אוצרו לקבל נשמת הקדוש זה שמימות ר' עקיבא לא קם כמוהו !

עס איז כדאי צו ליינען דער גליון בני ציון סיון תשע"ב ווי עס ווערט באשריבן גאר רייך ,

13. שטעריפער רב (שטערזיץ - א פארשטאט צו לעמבערג) [ געזיצן אין תפיסה צוזאמען מיט האחים רייצא'ס ]
14. ר' אריה לייביש בן היסוד יוסף [ נאכן זיצן אין תפיסה האט מען אים פאר'משפט צו שריפה רח"ל ]
15. גראף פאטאצקי ר' אברהם בן אברהם ,

הודעהפורסם: מאנטאג אפריל 27, 2015 3:01 pm
דורך שמעון וואלף
עפעס האב איך געהערט אמאל וועגן די דינובער פון וויליאמסבורג. יענער האט מיר אבער נישט געוואלט דערציילן קיין פרטים. ווייסט איינער וואס די מעשה דארט איז געווען?