פארשוואונדענע ניקס, וואו זענט עטץ?

[קופערניקוס]

ברוך השם אז יאיר איז צוריק. אבער עס בענקט, עס בענקט. בנימין פרענקלין, משה געציל, קאווע טרינקער, פשוט קאמפליצירט, יואליש, לולקע ציביך, קינות גירושין, נו, טוט תשובה, הערט אויף ארומוואנדערן אויף די אינטערנעט, קומט אהיים טרונקען קאווע!

[יואב]

יאנקל קומט אויך לעצטנס דא אריין ווי כאילו דער נערוועזער איד וועלעכע שרייט אויפן קינד אין מקווה - טובל'ן אין ארויס, האט זיך פארטשעפעט אין אים.

[יואב]

יידל האט זיך פארגולמ'ט אין עפעס אן אינטערסאנטע ריטשארד פיינמאן קליפ אויפן חשבון פון קאוווע ליינער, מ'קען קלאפן דעם דופן, ס'נישטא מיט וועמען צו גיין צום טיש.

[קופערניקוס]

[quote="יואב"]יאנקל קומט אויך לעצטנס דא אריין ווי כאילו דער נערוועזער איד וועלעכע שרייט אויפן קינד אין מקווה - טובל'ן אין ארויס, האט זיך פארטשעפעט אין אים.[ /quote]

[יואב]

בנימין פרענקלין דער גרויסער צולייגער וועלעכע האט נישט לאנג צוריק געשטעלט א ליסטע פון ווער עס פעלט, האט זיך אנגעטאהן די דיקליכע הויזן טראגער און גענומען אקערן אין זיין שווארצן יאגדע פעלד.
ער איגנארירט טעלעפאן קאלס, און ווארט קופערניקס זאל קומען ווישן זיין שווייס.
פילע שלום בית קעיסעס האט ער געלאזט הענגן אין די לופטן, און רעדט זיך איין ער וועט מצליח זיין מיטן פלאנצן.

הרב פרענקלין איך גיי טאקע נישט אויף א הונגער סטרייק, אבער קריכט ארויס פון אייער אילוזיעס און קערט זיך צוריק דא.

[זר זהב]

און וואו איז משולם שטיינפעלד? איך הער ער איז זייער א פאפולערער

[משה געציל]

די מעשה מיט מיר אזוי; א חבר מיינער האט מיר געשיקט א לינק צו עפעס א סייט, וואס דארט איז איינער מחדש א נייע סארט פרנסה. נישט קיין עי. קעי. פאלעסיס, נישט קיין מאלטי מארקעטינג הערינג פירם, נישט קיין עלעקטעריק פאר אומזינסט פאנטאזיעס, ניין. איך רעד פון א גאר לעגעטימע פרנסה וואס פאדערט בס"ה צו גיין שטאדירן אביסל די פאך אין א ספיצעלע אונווערזעטעט.
בכדי צו קענען דעם פאך אויף צו ציען א חיות דערפון, ברויך מען בעפאר גרינטליך שטאדירן די חכמת 'הווישערלאגיע', איינמאל מען קען די חכמה און מען האט א דיפלאמא פונעם פרעזטישפאלן 'אינסטעטאט אף ווישערשטיין' איז מען בדרך הטבע געדעקט מיט א פאל טיים דזשאב בדרך כבוד ובדרך בזוי להלכה ולא למעשה פאר לייף טיים מיט א שמיץ אריבער.
היות איך בין פארנומען א גאנצען טאג חזר'ן די שטודיעס, וואס כידוע איז דאס די וויכטיגסטע זאך בפרט ווען עס האנדעלט זיך פון אזא סענסעטיווע היי פראפייל פאך, האב איך נאר צייט זיך אריינצוכאפן בין וויש לוויש וואס דעמאלטס קום איך אריין, איך בליק אדורך אפאר געהענגליך בהקיץ ובחלום, און איך פוץ ארויס נאך איידער איך האב צייט צו שרייבן.
אי"ה לשירחיב הזמן והטישאס יכלו, עמיר קענען זיצן און פאברענגען דא מיט א רוהיגקייט ווי דער בעפארן אינטערנעץ עפאכע, אין אלט ווילאמסבורג, ביים ווינקל פון אייכלערס און באנדאס.

[יאנקל]

יאנקל קומט אויך לעצטנס דא אריין ווי כאילו דער נערוועזער איד וועלעכע שרייט אויפן קינד אין מקווה - טובל'ן אין ארויס, האט זיך פארטשעפעט אין אים.

כ'בין דא, יואב טייערער. א דאנק פאר'ן זיך נאכפרעגן.
אזויווי איך בין אין אויסלאנד די טעג האב איך נישט קיין געהעריגער צוטריט, און דעריבער האב איך נישט געקענט קאמענטירן כאוות נפשי. און אוודאי שרעק איך מיך נישט פון קיין נערוועזע מקוה-טרייבער ווען עס קומט צו אונזער טייערן שטיבל.

[ידען]

נייגעריגער האבעך שוין לאנג נישט געזעהן.

[נייגעריגער]

נייגעריגער האבעך שוין לאנג נישט געזעהן.

כ'ווייס נישט וואס איז דער גאנצער געראטשקע וואס דו מאכסט?!
איך בין דא געזונט און פריש!
און געב א בליק ביי מיין פראפייל וועסטו זעהן אז כ'האב יעדן טאג אין די לעצטע שטיק צייט כאטש עפעס געשריבן!

עניוועי: שערכויך פארן זיך וואוסענדיג מאכן פון מיר!
לעצטענס בינעך אביסל מער פארנומען מיטן טאג און כ'האב נישט אזוי סאך צייט מגיב צו זיין!

[ידען]

אוי וויי. ביסטעך מער דא ווי איך. איך מיין שרייבסט מער ווי איך.

כאב נישט געלייענט וואס דו האסט געשריבען קען טאקע זיין.

[קאווע טרינקער]

העי!!!!
שלום עליייכעם,
אהיים געקומען בין איך שוין פאר 15 מינוט צוריק, אבער 10 מינוט האב איך זיך געבראכן קאפ צו דערמאנען מיין ניק. פראבירט 40 מאל, ונושעתי.

אוי. וואו הייבט מען אן, איך האב אזויפיל אויסצוברעכען. שטייטס נישט צו נאנט.
ממש א פחד וויפיל מ'קען פארפאסן אין אזא קורצע צייט.

די הלכה פסוקה וואס כ'האב מיך געזעגענט איז געווען איהם, ווי ער איז מדמה ק"ש צו א ווייב, פרוי בלע"ז. נו, ווען מ'קומט צוריק איז דאך ביום פקדי ופקדתי, אלזא, לאמיר זיך אויסציען די ביינער, פארטיילען מתנות פאר די קינדער, און זיך נעמען צו די עבודה.

א גוטע נאכט.

[זר זהב]

העי שלום עליכט קאווע! כ'בין זיכער אז ס'קומט א געזונטען טאג בוך פון דיין נסיעה! ביטע א באזונדער אשכול!!

[ראשעקאל]

העלא קאווע!!!

[געפילטע פיש]

העלא קאווע!!!

[יואב]

יאיר האט לויט אלע ווארשיינדליכקייטן זיך געפענט אן אייגענעם בלאג. קיינער ווייסט נאכנישט, אבער ס'רעגנט דארט אשכולות, און ס'האגלט תגובות דארטן. ער ציטירט נישט, און פרעגט נישט אפ. ער לייקט נישט, און רעגט זיך נישט. ער קומט זיך נישט מסביר זיין, און עלאבערירט נישט. ער שמעטערט דארטן אויף קרוז ווי א מטורף אן זיך אויסדרייען א רגע, ווי כאילו אויב ער וועט צוריקוקן ווארט אים אפ אזא סוף ווי אשת לוט.

ער באמבעדירט דעם ברענד ניו בלאג וועלעכע ליגט נאך אין די קראכעדיגע באבעל פלאסטיק מיט זיין טיפישן קראפט, אזש ס'גייט א רויעך, און ס'זאגט זיך אליינס אז א רעוועלוציע שטייט ביים שוועל פון אויפרייסן, און שיקן עפטער שאקס ארום דעם גארער געוועב.

קומט נישט יעצט מיט טרוקנע לאגיק אז אפשר איז שוין נישט בין החיים (פארשוין און פרידן). אדער האט ער פשוט מחליט געוועזן כאותו קרעמער צו פארלאזן דעם נעץ.
א קורצן איבערבליק אויף זיין געדיכטן פראפייל צייגט אן, אז למעשה האט ער אריינגעשפריצט עטליכע תגובות דורכאויס די פארלאפענע פאר טעג כשיעור זר זהב, צווישן איינהאלטן און פארלעצן זיין בלתי להראות צוזאג, ווי צו זאגן נאט אייך א ביינדל דו שמוציגן דזשיד.

דאס איז דער זעלבער יאיר וואס פלעגט ווי נאר דער זייגער האט געקלאפט אויף צוועלעף מיטאג, אריינמארשירן מיט זיין לאגיש באוואפענטן טאנק, אנגעפילט מיט באליסטישע תורה ראקעטן, און וויסענשאפטליכע מיסילס,איבערפארענדיג אלצדינג ,און מיט די אויסגעשארפטע קאנאנען געשניטן שטיקער רעכטס און לינקס אן און מיט רחמנות, און זיך הערשט ארויסגעצויגן ארום 3-4 אונמיטן דערנאכט.

נישט געזשאוועט לייקס פאר די ווועלעכע ער האט געהאלטן עס קומט זיך, אבער נישט געשוינט תגובות וועלעכע האבן געשטראמט קעגן זיין גאטונג .
דער הימל און ערד זאגן עדות " ער איז נישט דא".

[טעפל]

אההה, שלום עליכם ר' קאווע טרינקער, האסט שטארק אויסגעפעהלט דא!! וועסט זעהן ס'איז זייער שווער צו מיטהאלטען אלעס וואס דו האסט פארפאסט דא אין די צייט, שוין לאמיר האפן וקוי ד' יחליפו כח, מיט אפרישקייט ווילן מיר דיר זעהן דא!

[לעמיל]

וועלכאם בעק מר' קאווע טרינקער
דיר קומט זיך מכות, מילא דו פארסט אוועק אבער ווי זענען דיינע געטרייע סעקרעטריס קיינער פוון זיי האט זיך נישט געקענט באוייזען די גאנצע צייט??? זייער נישט שיין

[שמעקעדיג]

boxcover?

ער איז צוריק דא נאך א לענגערע אפוועזנהייט!

[פרענטש וואנילע]

איך וויל ''פרענטש ווענילע''

האסט א גוטען טעיסט..

נעניתי לבקשתך, הנני..

[ראשעקאל]

העלא פרענטש!!!
גוט דיך צו זעהן נאכאמאל

[פרענטש וואנילע]

העלא פרענטש!!!
גוט דיך צו זעהן נאכאמאל

א דאנק אייך ראשעקאל, ס'מיר א כבוד אייער באערענדע באגריסונג!

[לעמיל]

פרענטש איך מעיג טשעפענען?
עס קוקט אויס ווי דו זוכסט די וועיג צו צימעס

[זר זהב]

צימעס שמימעס, יעדער נארמאלער ניק איז וועלקאם. וועלקאם בעק פרענטש ווענילע

[לעמיל]

זר נעם עס נישט פערסנעל