שאולזון שפילט צדיק

[הדד בן בדד]

איך ברענג דא א לינק צו א פאסט ווי דער צדיק שרייבט איבער די מעשה פון דודי זילבערשלאג, וואס מען האט אים אונטערגעשטעלט א מעשה מיט א זונה וואס האט אים טייער געקאסט.
http://bshch.blogspot.com/2013/06/blog-post_7260.html

עס געפעלט מיר ווי שאולזון שפילט צדיק, מען טאר דאס נישט טאן, איר קומט טאקע אויך א שטראף אבער פאר די וואס האבן עס אונטערגעשטעלט זיי קומט דער עיקר שטראף. וויל איך דא אויפברענגען עפעס פון זיינע מעשים טובים, מען רעדט דא פון א מענטש וועלכער האט כסדר ליב צו שפילן אויף זיין סייט ווי ער איז דער צדיק, ער האלט יא פון דעם און נישט פון יענעם, ער איז שטענדיג פאר צדק און יושר, ער האט נישט ליב קרוקס וכדו'.

ובכן, מ'ווייס מיר דאך אז א משיח לפי תומו איז א גוי נאמן, לאמיר אלזא זעהן וואס א גוי משיח לפי תומו האט צו שרייבן איבער דעם צדיק אונזערן.

עס איז דא א בוך וואס הייסט Torn from my heart, געשריבן דורך א גוי'אישע פרוי, פעטסי העימענס פון ענגלאנד.

איר מעשה בקיצור איז אזוי, זי איז אמאל געקומען אלס טוריסט באזוכן ארץ ישראל, און דארט איז א איזראעילי סאלדאט, חיים ירדן, געפאלן אין ליבשאפט מיט איר, און זיי האבן געלעבט צוזאמען אפאר יאר, און געהאט אפאר קינדער. דערנאך זענען זיי ארויסגעפאלן פון ליבשאפט און זיך צוקריגט, דער ירדן האט מחליט געווען צו ווערן א "בעל תשובה" און ארום געלאפן איבער די וועלט מיטשלעפענדיג די קינדער מיט זיך, וויינענדיג אז זיין אפגעפארענע פרוי וויל צוכאפן זיינע אידישע קינדער און זיי מאכן פאר גוים. ער איז אנגעקומען קיין ניו יארק און האט פלאצירט די קינדער ערגעץ אין קאשוי (עפעס א לאנד בשכנות פון ביל קלינטאנ'ס וואוינונג) ווי זיי זענען געווען באהאלטן.

די מאמע איז געקומען אהער און זיך געדרייט דא צוויי יאר (זוי דאכצעך מער) און געזוכט אירע קינדער ביז זי האט זיי געטראפן און געווארן צוריק פאראייניגט מיט זיי (און דער בעל תשובה ירדן, ווען מען האט אים געכאפט, האט ער געמאכט אין די הויזן פון שרעק).

זי האט ארויסגעגעבן א בוך ווי זי שרייבט אירע איבערלעבענישן און זוכענישן פאר אירע קינדער ביז זי האט זיי געפונען, (עס איז זייער א גוטער בוך גראדע), און בין הדברים פארציילט זי ווי איינער האט איר אנגע'שדכנ'ט צו אונזער צדיק שאולזון, און זי פארציילט דארט וויזוי זייער פגישה האט אויסגעקוקט, און וואס דער צדיק האט איר פארציילט וועגן זיינע מעשים טובים.

עס איז אלזא גאר קאמיש צו זעהן ווי דער היפאקריט שרייט אויף יענעם.

עס איז נישט דאס איינציגסטע מאל, איך האב געמוזט לאכן א שטיק צייט צוריק ווען ער האט געהאט א ג אנצן פאוסט איבער דעם עוולה פון אנרופן סתם עסקנים און פאליטיקאנטן מיט טיטל "הרב", בשעת ווען ער פאוסט יעדן טאג בריוו וועלכע ער האט כאילו באקומען ווי ער אליינס ווערט באטיטילט "הרב". אבער דא מיט דעם דודי זילבערשלאג מעשה האב איך פלעין געשטוינט פון דעם היפאקריטסווע, אז איך האב עס געמוזט שרייבן דא.

[ידען]

וואס האט ער געטוהן מיט איר? געקוקט אויף איר אדער געגעבען די הענט?.....

מע קען לייענען די בוק אויף די אינטערנעט?

[הדד בן בדד]

צו מען קען עס ליינען אנליין ווייס איך נישט, אבער מען קען עס קויפן אנליין פאר איין סענט (פלאס דריי ניין און פערציג שיפינג און הענדלינג) אויף עמעזאן.

ידען, ווען ער וואלט נאר געשמייכלט צו איר וואלט איך נישט געשריבן דעם אשכול...

[קרעקער]

ליין דא די מעשה
http://www.bhol.co.il/forums/topic.asp? ... rum_id=771

[זר זהב]

די מעשה פון זיבערשלאג אדער פון שאולזאן? כבין צומישט דא