שיין שרייבן!

[מאראנצןזאפט]

9. אין אן אויוון באקט מען קוכן. דארט אויבן איז די הענטעלע צו לייקן תגובות פון ראשעקאל.
10. איך האב געזוכט די צען ברעקלעך. מאטי שטיינמעץ האט א שיין געזיכט.

[דער (פינטעל) איד]

מאטי שטיינמעץ האט א שיין געזיכט.

האסט שוין געשטימט?
viewtopic.php?f=24&t=5302

[מאראנצןזאפט]

10. איך לאדן אייך צו א קומזיץ.
א איד דארף לויבן אין פריידן און ליידן.

[געפילטע פיש]

10. איך לאדן אייך צו א קומזיץ.
א איד דארף לויבן אין פריידן און ליידן.

גיי ביטע צום וואגן און לאדן איר אן.
קוקט אויפן פענסטער, די (דער?) לאדן איז צובראכן.

[ממרום שלח אש]

אכתוב טעם נכון מה שנלע"ד בענין "צו" ו"צע" וונפק"מ שיוצא מזה למעשה.

ווען מען לייגט צו א "צו" פארענט פון א ווארט איז עס נישט פאר שיינקייט אדער ליידיגיין, עס איז בכונה תחילה ווייל עס פעלט זיך אויס א "צו" דהיינו חיבור. געקומען מיינט געקומען, צוגעקומען מיינט איינער וואס קומט "צו" עפעס לדוגמה "פלוני איז צוגעקומען צו מיר" וזה פשוט.

ווען צוויי אירע קריגן זיך, זענען זיי "צעקריגט" עס איז נישט קיין חיבור, עס איז א פירוד, ממילא נוצט מען "צע", ולפי"ז דארף מען שרייבן "צעגאנגען" "צעריסן"

די פראגע איז ביי פארווע ווערטער, וויזוי שרייבט מען "צובייזערט", "צולאכט", לויט ראטה איז דאס אויך מיט א ו'

אבער וואס וועט זיין מיט "צודרייט" ווענדט זיך, אויב די נערוון איז אים געווארן שטארק איינגעדרייט, שרייבט מען "צודרייט" אויב איז עס געווארן אויפגעראלט, לויז, שרייבט מען "צעדרייט"

ואם שגיתי איתי תלין משוגתי

[מאראנצןזאפט]

11. קאווע טרינקער האט נישט משנה געווען קיין זיז כל שהוא דעם פרייטאג צונאכטס.
זוז איז א געוויסע סארט איר אלטע סכום /מטבע.

[שמעקעדיג]

זוז איז א געוויסע סארט איר אלטע סכום /מטבע.

איר אלטע?

12. כפה פרשה לעני. איר האנט שטרעקט זי אויס פארן ארעמאן.
זוז איז אן אור-אלטע מטבע.

(איך ווייס נישט די מקור פון דעם ווארט אור. אוהר מיינט שעות אויף דייטש?)

[קאווע טרינקער]

13. פרייטאג צו נאכטס איז די סעודה פליישיג, מען טרינקט נישט קיין קאווע.
קאווע טרינקער איז א ניק פון א שרייבער אין קאווע שטיבל.

[מאראנצןזאפט]

שמעק
אלטע איז אויך גרייזיג און סוואלט געדארפט שטיין אלטער.

[פישלע העררינג]

די רי"ש קומט נישט אריין צו מטבע - א לשון נקבה.

[מאראנצןזאפט]

:like שמעק
אלטע איז אויך גרייזיג און סוואלט געדארפט שטיין אלטער.

די רי"ש קומט נישט אריין.

שטייט דאך סכום קודם און סכום איז א לשון זכר.

[שמעקעדיג]

גערעכט, אבער איך האב געשריבן "מטבע", און נישט סכום.
מטבע קומט אנעם ר', סכום ווארשיינליך מיטן.

[מאראנצןזאפט]

גערעכט, אבער איך האב געשריבן "מטבע", און נישט סכום.
מטבע קומט אנעם ר', סכום ווארשיינליך מיטן.

איך האב געמיינט צו זאגן אז איך בין גרייזיג.

[געפילטע פיש]

12. כפה פרשה לעני. איר האנט שטרעקט זי אויס פארן ארעמאן.

כפה איז די האנט-פלאך, אדער דלאָניע. הגם איך זעה אז קינג דזשעמס טייטשט יא איבער כפה צו her hand.

[שמעקעדיג]

אודאי אזוי, כף היד, אבער די פשט איז איר האנט.
די האנט פלאך איז אנגעפילט מיט עפעס וואס קען זעטיגן דעם ארימאן,
עס איז פשוט אן אנדער מליצה אויסדרוק ווי דעם צווייטן העלפט פסוק, וידיה שלחה לאביון, ביידע מיינען די זעלבע.

[מאראנצןזאפט]

13. כדי און כדאי זענען צוויי אנדערע ווערטער.
@יואב

[שמעקעדיג]

כדי - So
כדאי - Worthwhile

[יואב]

13. כדי און כדאי זענען צוויי אנדערע ווערטער.
@יואב

און? וואסי פשט פון טעגן?

[מאראנצןזאפט]

14. אויכעט איז נישט קיין ווארט, און שניידט דאס ביטע ארויס פון אייער שריפטליכן לעקסיקאן.

[ישמעאל הכהן]

ס'איז יא א ווארט, מ'נוצט עס און דו ווייסט וואס ס'מיינט.

[רויטע וואנצעס]

ווי ניי דארף א ווארט זיין, אז ס'זאל נישט הייסן א ווארט?

[מאראנצןזאפט]

רויטע, עס ווערט 'קיינמאל' נישט גענוצט אין שריפט דורך פראפעסיאנאלע שרייבער.

[ישמעאל הכהן]

טאקע נישט, דאס מאכט עס אבער נישט 'קיין ווארט'

[רויטע וואנצעס]

רויטע, עס ווערט 'קיינמאל' נישט גענוצט אין שריפט דורך פראפעסיאנאלע שרייבער.

אין בין טאקע נייגעריג מאראנצן, וואס איז קובע א ווארט אלץ א נייע אנגענומע ווארט. די באורד פון מרים וועבסטער האבן א מיטינג יעדע יאר, פאר די נייע דיקשענערי קומט ארויס, צו קובע זיין נייע ווערטער. זייער גיידליינס זענען בעיקר געבויעט אויף די מיינונג, פאפולעריטי, און גראמער פון א ווארט.

מיין פוינט איז, אין אידיש קריכט מען אלעמאל צוריק צו די ארגינעלע גרויסע שרייבער. איז נישט דא קיין פלאץ פאר נייע ווערטער? קען זיין ס'איז יא דא אזא קאמיטע פון גרויסע אידישע שרייבער וואס לייגן צו ווערטער, איך ווייס נישט.

[אבטולמוס]

14. אויכעט איז נישט קיין ווארט, און שניידט דאס ביטע ארויס פון אייער שריפטליכן לעקסיקאן.

ביי אונז איז דאס טאקע נישט מקובל ווי א ווארט, אבער ביי די יידישיסטישע שרייבער איז עס יא אנגענומען. א סוירטש אויף דעם "פארווערטס" וועבזייטל ברענגט 91 רעזולטאטן.