ווען א טשאלמער רופט זיין טאטע מיט א שטיקל חזיר פון ריווערדעל

[כוכב]

אנצוטון א וועסטיל מיט א נישט באטעמטע לעצטע נאמען.
איי מין וואט די חופה, צאמיר שוין נישט וואס צו טון מיט אונזער לעבן, די לופט לאזע אטמו
אטמאספערע וואס דא הערשט איז צום ברעכן, אז מיין נטרא קרתא אשכול איז שוין פון די בעסערע.

סצייט זיך ארופצוציען די גאטשעס און מודה זיין על אמת, קאווע שטיבל זייגט אז ערגער קען שוין נישט זיין, פון אן אדרעס פאר דעה בינה והשכל איז עס טראנספארמירט געווארן צו קינדישע לאנגווייליגע טשיט טשעט ווי ממאלט וואסער.
אוי את אחיי, אוי אנוכי מבקש, אוי הגידה נא לי הגידה נא לי אוי איפה הם רועים.
אז מווייסט אז מאיז קראנק איז שוין א האלבע ישועה.
וואס איז די עצה? נישטא קיין עצה לדעתי, אבער אז סטוט וויי שרייט מען, אזויפיל קלאר אז מיר דארף פרעדיגן אז מאיז נישט צופרידן, מיר זענען נישט העפי, דאס איז נישט ווער מיר זענען.

איך האלט באמת מדארף אנהויבן שטודירן מה קרא פארוואס קאווע שטיבל זייגט געפערליך אז אייוועלט איז אויף אן אמת בעסער ווי דא ליידער.
ווער קען אויפקומען מיט א טעאריע פארוואס וועט געווינען א סקאלערשיפ אין אייכל גימפלעריי.
עני סאזשעשטענס?

[שבת אחים]

איך פארשטיי דיין ווייטאג! אבער למעשה איז דא אידן וואס האבן ערנסטע פילאזאפישע חקירות פון א נטורי קרתא טשאלמער מיט א שמוציג וועסטל וואס עסט א שטיקל חזיר אין די מוטערס בויך , סאיז נישט אזוי אוועק צו מאכן !!!

בד״ו הרב כוכב האסט אפשר די טעלפאן נומבער פון די תולעת יעקב באס קאמפני ??

אה ...כהאב עס שוין באקומען פין אייוועלט .. זעט אויס אז זיי זענען טאקע בעסער

[בר דעת]

די שטיבל האט א ווסת קבוע, עס איז עולה ויורד יעדע שטיק צייט, ועוד ישמע בערי שטיבל ובחוצות קאווע קול חכמים ומתפלספים בעגלה ובבערל בעל עגלה

[berlbalaguleh]

כוכב: א גוט מארגן. לויט ווי איך זעה ביסטו שטארק פארווייטאגט. אפשר גייסטו צו א ספעציאליסט, אדער קיירא-פראקטאר. נאר איך האב אן אנדערע קשיא. די סיפא איז נישט די זעלבע ווי די רישא. די העדליין פון אשכול וואס דו האסט אויפגעמאכט האט גארנישט מיט'ן טעקסט. ביטע זיי מסביר וואס די קאנעקשאן פון די כותרת ראשית מיט די חידושים איז. יישר כח למפרע...

[berlbalaguleh]

די שטיבל האט א ווסת קבוע, עס איז עולה ויורד יעדע שטיק צייט, ועוד ישמע בערי שטיבל ובחוצות קאווע קול חכמים ומתפלספים בעגלה ובבערל בעל עגלה

אמן כן יהי רצון...

[petergrifin]

איך האב א טעריע פארוואס אבער איך גיי עס שרייבען אין אייוועלט.

[כוכב]

די שטיבל האט א ווסת קבוע, עס איז עולה ויורד יעדע שטיק צייט, ועוד ישמע בערי שטיבל ובחוצות קאווע קול חכמים ומתפלספים בעגלה ובבערל בעל עגלה

בולש*ט און א פוילע תירוץ. עפעס יסודותדיג קומט דא פאר, עס איז 'נישט' קיין צייטליכע דורכגאנג.
איינער שרייבט מיר אין אישי אז דער פראבלעם איז גילוי, ווי פאלגנד:
גוטע שרייבער זענען בדרך כלל נארמאלע מענטשן אין זייער טעגליכע לעבן. זיי זוכן זיך ארויסצוגעבן ערגעץ, און קאווע שטיבל איז אן אנאנימע פלאץ ווי מען האט דאס געקענט טוהן מיט רואיגקייט. משרבו הפריצים, און מען האט נישט אויפגעהערט חקר'ענען טאג און נאכט אין די אידענטיטעטן פון דער און יענער שרייבער, און סעקירן די שרייבערס אין אישי מיט השערות מהשערות שונות ווער זיי קענען אלץ זיין, האבן די דאזיגע שרייבערס געמאכט פליטה פון דאנעט. מה להם ולצרה הזאת? זיי זענען נישט סתם אזוי גע'גט'ע ליידיגגיער וואס האבן די נעכט צום פארשטופען. זיי האבן דזשאבס, זיי האבן ווייב און קינדער. זיי האבן א געזעלשאפט ווי מען מוז זיך אריינפאסן. דער ריסק ווערט צו גרויס. איז מען געבליבן מיט טאקע די פאר טשעפעניאקעס און גריבלערס. די נערנים און טיפשים. די וואס ווילן וויסן צו מען מוז גיין א וועסטל. די וואס ווילן וויסן צו מען זאל אויסטוהן די ווייסע זאקן. דאס איז א דירעקטע תוצאה פון גריבלען אין די אינדענטיטיס. הערשט לעצטע וואך האבן צוויי ניקס מיך גע'אישי'ט מיט א השערה ווער זיי מיינען אז איך בין. די חוצפה דערפון האט מיך אויפגעברויזט עד לב השמים. די חוצפה איז נישט אז זיי קאנטאקטען מיך אין אישי מיט זייערע נערישקייטן. די חוצפה איז אז עס איז בכלל א נושא איבער וואס אונזערע מעמבערס זענען פארנומען. איי מין (כלשונך תמיד...), ווילט עטס נישט ווייטער נהנה זיין פון גוטע שרייבערס דא? ווילט עטס נישט א יואב? ווילט עטס נישט א מאראנצןזאפט? ווילט עטס נישט א בענדזשעמין פרענקלין? ווילט עטס נישט א לעיקוואד? ווילט עטס נישט א זר זהב? ווילט עטס נישט א פינטעלע איד? ווילט עטס נישט א קאווע טרינקער? א גוטע שרייבער איז מן הסתם א געלונגענע מענטש אלל ארויאנד, און זוכט יך נישט קיין כבוד און פירסום אז ער פארברענגט צייט אויף א שרייב פארום און איז א הוגה דיעות. סיי פארברענגן צייט און סיי זאגן א מיינונג איבער עפעס איז א שאנדישע עסק ביי אונז, און מען וועט מוחל זיין די טובות וואס קאווע שטיבל טראגט אן אויב דאס נארמאלע חלק פון א שרייבערס לעבן וועט געטאטשט ווערן מיט א כי הוא זה. מען מוז אויפהערן מיט דער גריבלעריי. נישט נאר מיט'ן סעקירן יענעם אז מען ווייסט בלא בלא בלא, נאר מיט'ן עצם גריבלען מוז מען אויפהערן. עס טאר נישט זיין א חלק פון דער ענטערטעינמענט פון קאווע שטיבל. הו קעירס ווער עס שטייט אונטער א געוויסע ניק? אזוי לאנג ווי ער געבט סחורה, ער מאכט אן הנאה, לאז איהם לעבן. די שוטים פון דא וועלן אבער קיינמאהל נישט פארשטיין אזא טענה. אז איינער האט נישט ווי אנצוברענגען זיינע טעג, און ער האט נישט גענוג חונן הדעת צו שרייבן עפעס אינטעליגענט, מה יעשה הבן שלא שלעכטער? ואת אשר שָׂם ד' בפי אותו דיברתי.

[איך אויך]

על פי בקשה.

[דריידל]

לאמיך דיר זאגן, כוכב. איך ווייס ווער די ביסט און ס'שוין סייווי נתגלה קלונך ברבים און ס'נישטא ווי צו אנטלויפן. דיין איינציגסטע האפענונג קען זיין אויב די נעמסט דיך שרייבן אז ס'זאל גיין א רויך וועסטי כאטש פארדינען אפאר לייקס. אדערווייס איטס אווער.

[כוכב]

הלוואי ווען איך ווייס ווער איך בין. כבין יעדע טאג עפעס אנדערש. וואויל איז דער מענטש וואס קען זיך אליין. דער מהר'ל שרייבט אויף א פלאץ אז דאס איז די ערשטע תנאי אין עבדות ה'.