רעגיסטראציע איז צוריק אפן – א נייע פראצעדור

[היימישער ליטוואק]

בקיצור... ווי אזוי עס ישיבה'ט זיך, אזוי קאווע'ט זיך...

איך גזוכט די לייק באטטאן.
וואס שרייב איך אריין אין "חסידית"?

[קעלנער]

די נייע פראצעדור איז נישט ענדגילטיג, און מיר וועלן נאך מעגליך אביסל טוישן אין לויף פון די קומענדיגע פאר טעג.

איך וויל דא אויסקלארן צוויי נקודות.

1) איינע פון די פראגעס איז ווי פאלגענד:

You.JPG (26.78 KiB) געזען געווארן 4000 מאל

דאס מיינט נישט אז א נייער מעמבער דארף רעדן פון די אלע זאכן, נאר אז ער זאל זיך אינטראדוסען פאר אונזערע מעמבערס, און מיר זענען נאר מציע טאפיקס פון וואס ער קען רעדן. מ'דארף נישט געבן קיין שום אינפארמאציע וואס קען אים אידענטיפיצירן. די איינציגסטע פאל ווען מיר פארלאנגען צו וויסן מיט וועלכן חסידות איינער אידענטיפיצירט זיך איז נאר אויב ער פלאנט אז צימעס זאל זיין פון זיינע דריי מערסט באנוצטע פארומס. דאס פאלגענדע איז א פאסיגע ענטפער צו די שאלה, אפילו עס אידענטיפיצירט גארנישט:
שלום עליכם, איך בין א אידיש קינד, און איך קום דא קיין קאווע שטיבל אנטיילצונעמען אין די שמועסן. איך האב הנאה פון דעם פלאץ, בפרט פון ... פארום/אשכול, און איך האף אז איר וועט הנאה האבן פון מיר. איך האב אסאך אינטערעסן, און עס איז שווער אויסצורעכענען עפעס ספעציפיש.

נאך איינס:
שלום עליכם טייערע אידן!! עעעעעענדליך האב איך מיך שוין איינגעשריבן!! איך לאקער שוין אויף ענק חברה אפאר חדשים, און איך האב נאך נישט גענומען די מי אריינצוטאנצן אין די קאלטע וואנע. איי איי איי אשר קרך. יעצט גיימיר דא שרייבן אז ס'זאל גיין א רויעך, און עטץ זייטס מיר מקרב ווי ס'פאסט פאר בני אברהם יצחק ויעקב.

2) אלעס וואס דער נייער מעמבער ענטפערט קען געזען ווערן בלויז דורך די מנהלים. אבער די איין פראגע וואס איך האב צוגעברענגט ווערט ארויפגעשטעלט אין פובליק, ווי עס שטייט קלאר אין דעם קעסטל דארט.

[ברסלבער]

עס איז נישט צום באגרייפן די כוחות וואס די הנהלה דא לייגט אריין צו אויפהויבן די ניווא פונעם שטיבל. יעדע שטיק צייט קומען זיי אויף מיט פרישע געדאנקען להרמת קרן השטיבל. איך ווייס נישט פונקטליך די טובת הנאה וואס זיי האבן פון די פילע ארבעט, אבער איך בין זיך זיכער מחי', זאל דער אייבערשטער זיי באגליקן מיט וואס זיי דארפן.

די הויפט מעלה פון קאווע שטיבל איז אז זיי לייגן אריין מער כוחות אין די קוואליטעט ווי אין די קוואנטיטעט. דאס קען מען זעהן ביי דעם אלטן לייק קנעפל וואס איז דא צוגעשטעלט, וואס דאס טוישט די גאנצע צוגאנג פון די שרייבערס, אנשטאט צו זוכן ווי מער צו פירקלן אין די וועלט אריין צו הייבן די מספר התגובות, וועט מען ליבערשט אריינלייגן כוחות אין די קוואליטעט פון דאס געשריבענע און הייבן ענדערש די מספר הלייקס. אין אנדערע אידישע פארומ'ס ווערט אוועקגעמאכט די תועלת פון דעם לייק קנעפל, ווייל מיט דעם ווערט מען גע'פטר'ט פון צולייגן א תגובה צו זאגן ש'כח, און דאס נעמט אוועק א גרויסע צאל פון דאנק-תגובות. אייגנטליך וואס א חילוק צי מען זאגט ש'כח אין א תגובה צי דורך א לייק? די חילוק איז נאר אז ביינונז וועט מען אויסדרוקן א דאנק מיטן לייק קנעפל, און אינעם געשריבענע תגובה וועט מען שוין אויך צולייגן נאך אן אינטערעסאנטע נקודה צום שמועס, וואס דאס וועט נאר צוגעבן צום קוואליטעט פונעם שמועס.

יעצט מיט די נייע סיסטעמען וואס מען האט דא איינגעפירט, וועט דאס ברענגען די קוואליטעט צו נאך א העכערן שטאפל. אין ריעל לייף זעהט מען אז עס איז מער געשמאק צו פירן א שמועס מיט א מענטש וואס מען קען שוין, ווי מיט א פרעמדן. א מענטש וועם מען קען און מען ווייסט מער ווייניגער זיינע שיטות און נויגונגען, איז גרינגער צו שמועסן מיט אים מען ווייסט בערך וואס יענער וויל און צו וואס ער ציהלט, און מען פארשטייט זיך בעסער מיט אים. און די זעלבע איז אויך מיט אנאנימע ניקס, איינער וואס האט נאר איין ניק און מיט דעם באנוצט ער זיך צו אלע פארומ'ס און ענינים, איז געשמאקער צו פארברענגען און שמועסן מיט אים, מען האט בערך ארויס זיין מהלך המחשבה, און לויט דעם קען מען פירן א געשמאקן שמועס. אבער אז עס קומט איינער מיט צען ניקס, און מיט יעדע ניק פירט ער א צווייטע מערכה, איז דאס זייער אומבא'טעמ'ט, עס נעמט אוועק פון די קוואליטעט פון די שמועסן, און ברענגט אראפ די ניווא פון קאווע שטיבל. מיט די נייע פראצעדור פון מער צו קאנטראלירן די טאפלטע ניקס וועט דראסטיש רעדוצירט ווערן דער פראבלעם, און דאס וועט צוגעבן היבש מער רואיגקייט צו דעם אזוי אויך רואיג ווינקל צו שמועסן און פארברענגען.

דער נייער איינפיר אז די נייע ניקים זאלן זיך גלייך אינטערדוסן פארן עולם איז אויך זייער א געניאלע געדאנק, סיי פאר דעם נייעם ניק וואס דאס וועט אוועק נעמען פון אים דאס ברעכן די בושה פון שרייבן די ערשטע תגובה, און סיי אז דער עולם וועט אים גלייך שיין אויפנעמען, וואס דאס וועט אים געבן די אפעטיט זיך גלייך צו באטייליגן אין די שמועסן און צוגעבן צום געשמאק פונעם שטיבל.

הכלל, מען זעהט קלאר אז די הנהלה איז יום ולילה לא ישבותו, זיי האלטן אין איין אויס'פיגור'ן נייע איידיעס ארויפצוברענגען אונזער שטיבל, קומט זיך זיי זיכער א גרויסן דאנק. דער חידוש איז נאר אז פונקט אין דעם אשכול וואו עס איז די ריכטיגע פלאץ זיי צו באדאנקען פאר זייער איבערמידליכע ארבעט, דייקא דא האבן זיי אוועק גענומען די לייק אפציע, ויהי לפלא.

[רויטע וואנצעס]

זאגסט מתוק

[berlbalaguleh]

בקיצור... ווי אזוי עס ישיבה'ט זיך, אזוי קאווע'ט זיך...

איך גזוכט די לייק באטטאן.
וואס שרייב איך אריין אין "חסידית"?

ר' היימישער ליטוואק אדער "חסיד נלהב" (ער זעהט אויס שטארק ענליך צו דעם היימישן ליטוואק). אשת חסיד. ס'איז א גרויסער נפקא מינה אויב מ'שרייבט "חסידות" אדער "חסידית". אדער "רבנות" און רבנית". "ציונות" אדער "ציונית"..."

[לאליפאפ]

גבאים געדענקטס מיר פליז איין כלל, טאמער פילט עמיצער אויס ביי חסידות נטורי קרתא.. דאן זאלט איר זיך דערמאנען וואס א מעמבער אין יענע קרייז האט שוין דא פארארבעט..

[קעלנער]

מיר האבן אוועקגענומען די פראגעס איבער אנדערע ניקס, און אנשטאטס דעם אוועקגעשטעלט א קלארע פאליסי איבער דאפעלטע ניקס.

מיר האבן אויך אוועקגענומען די פראגע פארוואס מ'האט זיך איינגעשריבן אין קאווע שטיבל, אנשטאטס קען מען דאס ענטפערן אויף די פראגע ווי מ'דארף זיך פארשטעלן פאר'ן עולם.

מיר האבן צוגעלייגט א פראגע ווי מ'דארף באשטעטיגן צו האבן דורכגעליינט אונזערע פרינציפן.

[קעלנער]

כדי צו פארזיכערן אז דער סיסטעם ארבעט און שטעלט זיך אויס די בעסטע פאר אלע חברים, פראבירן מיר קליינע שינויים, tweaks בלע"ז, צו זעהן וואס ארבייט די בעסטע.
מיר האבן יעצט געטוישט די פראגע ווי מ'דארף זיך פארשטעלן, אז אנשטאט דארפן ענטפערן אין דריי זאצן, דארף מען ענטפערן אין א מינימום פון 25 ווערטער.

[קעלנער]

מיר האבן געהעכערט די מינימום ווערטער פאר די ביא (bio) זיך איינצושרייבן צו 40.