אונזער מצב הפרנסה: עד שתכלה פרוטה מן הכיס

ארטיקלען און באטראכטונגען איבער דער חרדי'שער געזעלשאפט און קולטור

הודעהדורך איחוד פעלד » זונטאג אוגוסט 03, 2014 11:27 am

בענדזשאמין פרענקלין האט געשריבן:
yatzmachp האט געשריבן:
לשיטתך קען די וועלט נישט ווערן רייכער ווייל מען האנדלט נאר אין די וועלט, נישט מיט אנדערע פלאנעטן קומט אויס אז די gdp בלייבט ביי זירא. לשיטתך דארף אמעריקע זיין די ארימסטע מדינה ווייל זיי האבן די גרעסטע trade deficit פאר אסאך יארן.

דו האסט זייער א פשוטע פראבלעם, דו פארשטייסט נישט דעם קאנסעפט אז עקאנאמיקס איז "נישט" קיין זירא סאם געים

לענ"ד האט קאפקע א פוינט די חילוק פון אמעריקע ביז א אידישער שטעטל איז אז אין אמעריקע פראדאצירט מען אלעס פון רויע מאטריאל ביז פארטיגע פראדוקציע ממילא איז דער דאללער סך הכל א מיטל ווי אזוי איינצוטוישן איינעם'ס מאטריאל כח צייט מיט א צווייטנ'ס און מאטריאל, און עס איז עס א געזונטע עקאנאמיע ווייל עס איז ביכולת צו שטיין פאר זיך אליין אן קיינעמ'ס געלט.
משא"כ א חרדישער עקאנאמיע וואס פראדאצירט גארנישט אויסער סערוויס פארן חרדישען סירקול איז נישט מעגליך אנצוהאלטן אן אריינברענגען געלט פון אינדרויסן ווייל מיר פראדאצירן נישט קיין איין פראצענט פון אונזער לעבנס געברויכן, און די איינציגע וועג וויאזוי זיך אריינגלידערן און די אמעריקאנע עקענאמיע איז דורך סערוויס וואס מיר סערווירן די דרויסענדע סאסייעטי וואס פראדוצירט יא (ווי איבעי אנליין וכו'). און דאס איז וואס קאפקע איז אזוי ביזי מיט די דרויסענדע געלט.
[איך האב דאס שוין אמאל געשריבן באריכות און אן אשכול וואס איך קען יעצט נישט טרעפו ווייל איך לייד אויף שכחה און קען זיך נישט דערמאנען די נאמען פונעם אשכול.]



עס איז דא אלעס וואס חרדים ניצען וואס ברענגט אריין געלט דורך מאניופאקטשערען, אלע מאכלים, פין פלייש וואס א לעבעדיגע בהמה איז ווערט 100 דולר, און נאכען שחט'ן אין כשר'ן איז עס צען מאל די ווערט, ביז מילך וואס כשר'ע אליין זענען מער ווערט, און מען מאכט דערפין אלע מאכלים אייס קרים קעז און ווער ווייסט וואס. און אלע מאכלים וואס מען מאכט גרייט איז אלעס א מארקאפ וואס שאפט געלט. בגדים, פין נעמען סחורה און מאכען דערפין בגדים, הן פאר מענער הן פאר פרויען. און די פאסאביליטיס זענען ענדלאז.

דער גאנצער זאך פין א היימישער עקאנאמיע איז ווען איינער חלומ'ט און חלומ'ט און טראכט פין שטותים און נארישקייטען.

ווילסט מאכען געלט איז דא אן א שיעור וועגען צו מאכען געלט. אבער איין זאך וואס עס פאדערט זיך איז רצון.

דער רצון צו מאכען געלט נעמט מען אונז אוועק. אוודאי וויל יעדער איינער זיין רייך, אבער רובא דרובא ווילען נישט ארבעטען דערפאר, נאר חלומ'ן און רעדען דערוועגען, וויאזוי מען קען למשל טוישען די עקאנאמיע אזוי אז דורך גארנישט טוהן זאל ער ווערען רייך.
א משוגענער באלאנגט אין משוגעים הויז, און א מאלעסטער באלאנגט אין תפיסה!!
אדם המוכה מחבירו יכול לילך לקבול לפני עכו"ם אע"פ דגורם למכה היזק גדול (רמ"א סי' שפ"ח ס"ז), מותר לקצץ ידיו על ידי גוי (ש"ך ס"ק מ"ה).
איחוד פעלד
חבר ותיק
חבר ותיק
 
הודעות: 2933
זיך רעגיסטרירט: זונטאג מאי 20, 2012 6:00 pm
האט שוין געלייקט: 641 מאל
האט שוין באקומען לייקס: 1619 מאל

הודעהדורך שמעקעדיג » מאנטאג אוגוסט 04, 2014 4:18 pm

איך האב געעפנט א ניק אין אייוועלט, כדי צו אפענטפערן די אטאקעס אנטקעגן מיר.

איך שטעל דא א קאפיע.

=============================

שלום עליכם צו מיינע טייערע פריינד (און פארקערטע) פה אייוועלט הע"י

איך בין שמעקעדיג פון ק"ש, איך האב ספעציעל געעפנט א ניק דא כדי אז ווער עס וויל קען מער דא פרעגן און ענטפערן (געלעגער ביסטא?), כדבר איש אל רעהו. און איך וועל אויך נוצן די געלעגנהייט זיך צו מסביר זיין אביסל, כדי לקיים והייתם נקיים, און האפענטליך וועט זיין מענה רך ישיב חמה. (עס האט מיר גענומען אפאר טעג צו ווערן אפראווט פאר די ניק, הענס די פארשפעטיגונג).

איך וועל מקדים זיין אז ציפקע האט ארויפגעשטעלט מיין ארטיקל היבש צענזורירט, כדי עס זאל זיין רוח אייוועלט נוחה הימנו (כאטש די אנדערע צענזורירטע חלקים האב איך אויך אדורכגעשמועסט מיט ערליכע אידן ואכ"מ), כ'האב אים גראדע געבעטן ער זאל אראפנעמען די שורה פון בגדי שבת ווייל כ'האב מיך פארגעשטעלט אז דאס וועט פאראורזאכן אן אויפרייס און פארשווארצן דעם ארטיקל, און אנשטאט אויפטון וועט מען נאר געבן ברענשטאף פאר די דאזיגע חברה וואס גלייכן צו צינדן און זוכן ברענשטאף בכל עת ועונה וואו אימער מעגליך. ואת אשר יגורתי בא. אלזא, אמרתי אשיחה, וירווח לי.

ערשטנס, א שטיקל הקדמה צו מיין ארטיקל. מאנכע דא טענה'ן אז איך זיץ און קוואקע די צייט, ממילא איז נישטא קיין פרנסה. וויל איך דאס אויסשמועסן. איך בין א געטרייער ארבייטער וועלכער ארבעט אין א ביזנעס יעדן טאג פלייסיג, און פארדין גאנץ פיין, כאטש גאנץ טייט און מען מוטשעט זיך פאר עקסטערס. דער ארטיקל האב איך בכלל נישט געשריבן בלויז לגבי מיין מצב, נאר נאכן רעדן מיט צענדליגער יונגעלייט און אפילו עלטערע אידן, במשך די לעצטע 6-8 חדשים, און נאכן מיטהאלטן מיט די אייגענע אויגן ווי חשוב'ע מענטשן מוזן פשוטו כמשמעו אנקומען צו פילן און מעדיצינען כדי צו בלייבן ביים דעת צוליב די פינאנציעלע סטרעסס, וויפיל חברים עס זענען צוגעקומען צו מיר פרעגן, זאג, קענסט מיר בארגן א עשרת אלפים פאר אפאר חדשים? מיט די אלע בין איך אריין אין א לענגערע שמועס צו הערן זייער מצב, און איך זאג אייך אז עס איז פיל שווארצער ווי מען מיינט, עס איז פשוט שוידערליך, און צוליב זיי האב איך געשריבן דעם לאנגע מגילה. איך רעד פון עקספיריענס וואס איך האב געהאט מיט אסאך מענטשן די לעצטע פאר יאר, מענטשן האבן מיר פארציילט געשיכטעס וואס די האר פון קאפ האט זיך מיר אויפגעשטעלט, ווי טיף זיי זענען פארזינקען נעבעך.

בערך א יאר צוריק האב איך געהאט א שמועס מיט א חבר מיינער, גראדע מער אן עלטערער יוד, וואס איז א סופלייער פאר געוויסע אייטעמס אין היימישע געשעפטן. ער האט מיר פארציילט אז די געשעפטן גייען אדורך זייער שווערע פינאנציעלע צייטן, זיי מוטשען זיך, מער ווי האלב זענען שוין שולדיג גאר א לאנגע צייט און זיי וויינען אז די ביזנעס גייט נישט, און ער האט אפילו אנגעכאפט אלס דוגמא עטליכע נעמען פון באקאנטע געשעפטן, וואס זייערע בעלי בתים קען איך גוט, זיי דרייען זיך אין ביהמ"ד מיט א גרויסן מאסק, מיט א שמייכל מעשה נגיד, און קיינער חלומ'ט נישט אז ביינאכט ווערט ביי זיי מקויים דעם פסוק יגעתי באנחתי אשחה בכל לילה מטתי בדמעתי ערשי אמסה עששה מכעס עיני.

פאר די אלע דא וואס טענה'ן אז דער מצב איז נישט אזוי געפערליך (ובתוכם געלעגער היקר), פארשטיי איך נישט, צי דאווענט איר אין היימישע בתי מדרשים? צו זענט איר בלינד צו די אומצאליגע געלט-גייערס יעדן טאג? צי נעמט איר אינאכט אז מען קען נישט זעהן דעם וואנט ווייל עס הענגען יעדן טאג פרישע פלאקאטן מיט הארצרייסענדע טיי אווענטס הזמנות פאר אידן וואס דערשטיקן זיך? וויפיל אפיעלס קומען פאר יעדן שבת?

אויב גלייבט איר מיר נאך אלץ נישט, איך בין נישט גענוג א רעלייעבל מקור, אדרבה, קאלט אן עסקנים וועמען איר גלייבט יא. מאכט איין טעלעפאן צו קרן עזר, רעדט צו ר' משה דייטש, הערטס אביסל דעם מצב, איך גאראנטיר אייך אז אייער טעלעפאן וועט ווערן נאס!!! נייתי ספר ונחזי, לאמיר גיין צו די מנהלי הגשמי פון די מוסדות און זיי אנפרעגן דעם מצב פון די עלטערן, וויפיל זענען שולדיג און קענען נישט צאלן דעם מינימום ביליג שכר לימוד? לאמיר גיין אין די גראסעריס און הערן מפי עד ראשון פון די געשעפטס לייט, וואס זיי האבן צו זאגן, ווי גרויס זענען די באלאנסעס, וויפיל משפחות לאזט מען שוין נישט אויפשרייבן...

פאר איך הייב אן מיט די קריטיק, וויל איך קודם באדאנקען די מענטשליכע ניקס, ווי פיאניסט, כרמי, עיטש.איי.די. וועלכע קוקן אויס צו זיין זייער פארשטענדליך, קוקן אן דעם מצב מיט א ריכטיגן בליק, און פעיסן רעאליטעט. איך האב זייער הנאה געהאט פון אייערע תשובות/תגובות. ירבו כמותכם בישראל, און נאר מיט אזעלכע אידן וועט מען קענען אויפטון און ראטעווען כלל ישראל פונעם קריזיס, און זכות הרבים וועט זיין, כאטש טיילווייז, תלוי בידכם. און @בוידעם, איך האב געליינט דיין תגובה נאך איידער מען האט עס געמעקט (נישט געזארגט, עס איז נישט פארלוירן געגאנגען, כ'האב עס ארויסגעשטעלט אין די פארזויערטע ק"ש ווי עס הערשט נישט אזא צענזור) און יישר כח פארן זיך אננעמען און מיר געבן אפאר גוטע ווערטער, ווי אויך פאר די דברי מוסר.

יעצט א ווארט איבער די בגדי שבת וואס איז א הלכה אין שו"ע. כבר כתבו לעיל אז ע"פ שו"ע איז גענוג א פרישער בגד לכבוד שבת. און דאס אויך נאר אז מען קען. אבער עס איז פיל מער ווי דעם. בשעת איך גיי מיט שטאלץ מיינע חסיד'ישע בגדי שבת, און מיינע קינדער ווערן ב"ה אויך אזוי נתחנך, קען איך נישט אוועקקוקן דעם פאקט אז דאס איז סך הכל א הערליכער שיינער מנהג, און אויב שטעלט זיך א שאלה צווישן דעם און קרוב צו פיקוח נפש, דארף מען נישט גיין פרעגן א דיין וועלכע איז וויכטיגער. עס איז א דבר המובן מאליו.

טייל פון אונז זענען געווייערט זייער ראנג אין מח, און מען קען נישט פאנאנדערשיידן צווישן א דאורייתא, וואס ספיקו לחומרא, און א דרבנן וואס מען קען גרינגער מקיל זיין, און צווישן א חומרא, מנהג טוב, מסורה, וכדומה. אפילו די הארבסטע דאורייתא איז פיקוח נפש דוחה, א חוץ די שלש חמורות אויף וואס מיר פסק'ענען יהרג ואל יעבור, על אחת כמה וכמה ווען מען רעדט פון א מנהג.

להוי ידוע אז אסאך אפגעפארענע שקצים טענה'ן דאס, אז וויבאלד די טאטעס ווייסן נישט צו מאכן א חילוק, ואם אין דעת הבדלה מנין, און מען פייניגט די קינדער אויף מינדערוויכטיגע מנהגים און בלאזן עס אויף מיט די זעלבע חשיבות ווי איסורי כריתות, גיין מיט א גראבע גארטל איז פונקט אזוי וויכטיג ווי שמירת שבת, מה יעשה הבן שלא יחטא, דעריבער ווען ער שטויסט, שטויסט ער ליידער אויף אלעמען, השם ישמרנו. דאס איז נישט מיינע חידושים, אסאך מחנכים טענה'ן דאס שוין לאנגע יארן. ממילא אויב שרייעט מען די זעלבע "פוי" אויפן שטריימל ווי אויף ציונות און פריצות, האב איך נישט קיין אנדערע אויסדרוק ווי כנ"ל, אם אין דעת הבדלה מנין. וע"ע להלן בענין בגדי שבת.

לאמיך אצינד אדרעסירן די ניקס פערזענליך.
אנעים זמירות האט געשריבן:אין איין ווארט:
אויב דו ווילסט זיך פארבעסערען דיין מצב איז דער וועג אפען. קיינער האלט דיך נישט אפ. אנשטאט שרייבען ארטיקלען וועגען וואס 'מען' מוז טוהן, טוה דו אליין צום זאך.


אנעים היקר, איני יודע מה היה לו, וואס האט פאסירט מיט דיר? ביסט אמאל געווען א געשמאק צו ליינען, די לעצטע תקופה ביסטו אריינגעפאלן אין א טיפע מרה שחורה און ביסט שרעקעדיג דעפרעסד!! אפשר זאלסטו דיר גיין אונטערזוכן ביי א פסיכאלאג? אפשר איז דיין פרנסה געווארן שוואכער.... און הזהר והשמר זאלסט קיין עסקן קיינמאל נישט ווערן, ווייל אויב איינער וועט זיך אויסוויינען פאר דיר וועסטו ענטפערן "די וועג איז אפן, קיינער האלט דיר נישט אפ"... "גיי העלף זיך" (אדער אפשר גיי הענג זיך... ס'איז נישט קיין גרויסע חילוק צווישן די צוויי). איך שריי דא ארויס אין מיין ארטיקל פון א הארץ פון הונדערטער טויזענטער צעבראכענע אידן, מיינע שורות זענען געשריבן מיט טייכן טרערן און ימים אידיש בלוט, ווי אזוי קען א אידיש הארץ אפענטפערן מיט אזא ביטול, בפרט אין די 9 טעג ווען מיר זענען מצווה צו מתקן זיין דעם שנאת חנם? אתמהה!!!!!

די זעלבע זאך איז שייך פאר די ווערטער:
good-life האט געשריבן:פיין געשריבן אבער נישט אינגאנצן אמת

אויב די פלאץ וואו דו וואוינסט איז נישט געאייגנעט פאר דיר, MOVE OUT

אויב די חברותא וואס דיין ווייב דרייט זיך איז נישט געאייגענט פאר דיר (THE ENTIRE CHAIN EFFECT SYSTEM) פרוביר עס צו טשענזדשן אויף אויסגעטרעטענע מהלכים (I.E. FIND HER BETTER MORE SATISFYING CIRCLES, SHOW HER MORE RESPECT FOR GOOD THINGS SHE DOES, ETC.)

אויב דיין פרנסה קלעקט נישט, לערן דיך א בעסערע פאך,

אויב דו זיכסט העלפ זיך צו בויען, נעם העלפ

ס''ה, יעדער מענטש קען און דארף ארויסגיין פון זיין אייגענע גלות ווי שנעלער, אויב האט ער נאכנישט פראבירט אויף די אויסגעטרעטענע וועג, קען ער נישט האבן קיין טענות אויף קיינעם


עס גייט נישט אזוי, מיר זענען א כח הרבים, מען האט אינאיינעם פארדארבן דארף מען אינאיינעם מתקן זיין, מיר זענען אלע תלוי איינער אין צווייטן, וכל ישראל ערבים זה לזה. פאר די אלע וועלכע טענה'ן אז מען קען אליינס, פארוואס דארף מען דעם כח הרבים, זאל יעדער יחיד מאכן א רעוואלוציע פאר זיך; לא מחכמה שאלת זאת, ווייל ווילאנג אונזער קולטור איז אז "מען לעבט פאר יענעם", קענסטו נישט זאגן פאר איין איד, דו גיי מיט א צוקראכטע שטריימל, און די פרוי זאל גיין מיט ביליגע בגדים, און די קינדער זאלן גיין יעדע קינד א אנדער סארט קלייד. זי וועט זיך שעמען פון אירע שכנים און פריינדינעס, און דאס אליינס איז אויך בגדר פיקוח נפש, והמלבין פני חבירו ברבים וכו'. ע"כ מוז דאס זיין א כח הרבים פון כאטש אפאר מנינים אידן, אזעלכע נחשונים וואס האבן טאקע דרייסטקייט, פונקט ווי די "כת השאלים" פרויען שעמען זיך נישט דארפן מיר זיך זיכער נישט שעמען (מעגליך אז די כת השאלים שעמען זיך יא, אבער וויבאלד זיי זענען פארדעקט זעהט נישט קיינער די רויטע פנים, ובמופלא ממך אל תדרוש... נאר בדרך צחות).

לגבי דיין שאלה, אנעים, צי 10-15 יאר צוריק איז געווען גרינגער? 100 פראצענט אז יא, אפשר א שטריימל האט געקאסט מער, אבער בעצם דער לעבן איז געווען פיל ביליגער, פון א טונא סענדוויטש ביז א פעקל פאפיר, פון געז ביז טיקעטס קיין ארץ ישראל, די פרייזן זענען געוואקסן פיל שנעלער ווי די געווענליכע אינפלאציע, היינט איז יעדע קלייניגקייט ביטער טייער. און בעיקר, די געלט גייערס האבן זיך געדאפלט און געטריפלט מיט א אומנאטורליכע בליציגע שנעלקייט...

אנדערע שרייבער ברענגען דא ארויס אז טייל אידן זענען פשוט פויל און ארבעטן נישט און זוכן זיך כל מיני תירוצים. דאס איז ליידער אמת ויציב, און איך האב שוין דערמאנט דעם פסוק 'כי לא יחדל אביון מקרב הארץ', עס וועלן אלץ זיין ארימעלייט, עס וועלן אלץ זיין געלט גייערס, אבער טאמער ס'רוב כלל איז געסעטלט כראוי וכיאות, מאכט סענס דער גאנצער שנארעראציע, עס איז די געוואלדיגע מצוה פון צדקה, אבער אפילו די צדקה האבן חז"ל איינגעזעהן איז בלויז א מעשר און א עושר העכסטנס א פינפטל, מער טאר נישט מער (חוץ אויב מען נוצט עס פאר א כפרה, כמ"ש וחטאך בצדקה פרוק), אבער אזוי ווי דער מצב היינט? אויב זאל מען נאר יעדן געלט גייער געבן א קוואדער, און יעדע דזשורנאל אריינשיקן וואס זיי בעטן, און געבן יעדן מוסד "בלויז" 360 יום לשנה, און געבן יעדן שקל הקודש פארן רבי'ן פאר די מוסדות/בית המדרש/מקוה, וועט עס אויסקומען פיל מער ווי די וועידזשעס. נישט דאס האט מען געמיינט ביי די מצות צדקה. 'כי לא יחדל אביון מקרב הארץ', מיינט אז א ארעמאן זאל זיין דער אויסנאם, נישט דער סטאנדארד.

נעקסט,
כרמי האט געשריבן:ג) דיינע עצות פון "עפענען א ועד" וכדו', איז מיר בכלל נישט געפאלן, צוריק צו דער נקודה, האסט חתונה געהאט, דו ווילסט אז מ'זאל דיך באטראכטן ווי א באזעסענער מענטש וואס מאכט באזעסענע החלטות, טא, וויפיל איז דער שיעור פון דיך דארפן פעמפערן? מ'ברויך דיך נאכלויפן מיט תקנות אויף טריט און שריט כדי דו זאלסט נישט ספענדן געלט אין די וועלט אריין? יעדער דארף אריינקוקן אין זיך און אין זיין באנק/גמ"ח קאנטע, און לעבן מיט א חשבון, נישט א חשבון נאר 'זיין' חשבון, וויפיל ער פארדינט, וויפיל עס קאסט איהם און עס אזוי מסדר זיין און אז עס נישט דא קיין געלט פאר אייסקריעם דאנערשטאג נאכט איז נישט.


ליידער זענען מיר נישט קיין באזעסענע מענטשן מיט באזעסענע החלטות! מיר האבן חתונות ווי בעבי'ס אן א טראפ עקספיריענס אין לעבן, ווי שוין דערמאנט אין מיין ארטיקל. וויפיל מאל הער איך יונגעלייט וואס קומען נישט אויס אויף די וואך, ווי ער פארהאנדלט מיט די ליעסינג קאמפעני וויפיל א קאר קאסט אים, מיט אלע דריידלעך, די אינשורענס קאסט יונגערהייט אינעם אלף הששי, איך פרעג דעם יונגערמאן, האלא, פארוואס נעמסטו דאס? צו וואס דארפסו עס? האט ער גרייט כל ערליי תירוצים פונקט ווי אין חדר, כ'האב ליב א קאר, עס איז באקוועם, אויך מיין ווייב וויל צומאל אוועקפארן... אדער מען האנדלט זיך איין טייערע סעלפאנ'ס, מען גייט אין רעסטוראנטן, מען פארט האנימון וואס איז א נייע חוק ולא יעבור, א.א.וו. דאס זענען באזעסענע מענטשן? מען קען זיי לאזן מאכן אליינס החלטות?? ווי אזוי לאזט מען דאס צו? די אייגענע עלטערן טארן זיך שוין נישט אריינמישן ח"ו, און מען פארלאזט זיך אויף דעם חכמה פון די פארפאלק וואס בנין נערים סתירה, און דערנאך ווען מען זינקט אין חובות לויפט מען צו קרן עזר אדער צום גמ"ח. איז דאס נארמאל? משפחות מאכן זיך שבת התוועדות'ער, קאפעל'ס פארן אויף שאבאטאנ'ס פאר "בלויז" 800 א וויקענד, און די ליסטע איז נאך גאר א לאנגע...

און גיב א קוק די אויבנדערמאנטע טייערע פערל ווערטער פון "למעלה משבעים" ער זאגט דאך אזוי גוט און ליידער ריכטיג, שפתים יושק יעדעס ווארט.

און מחמת דעם שפיר איך פאר וויכטיג אז מיר דארפן א וועד צו טרענירן דעם נייעם דור (און צו אינפארסירן די רעגולאציעס). אויב א דור נאכדעם וועט דער מהלך החיים און אונזער ספענדיג קולטור זיך טוישן לטב או למוטב, קען זיך דער וועד אויפלעזן. און איך בין גרייט צו זיין פון די חברי הוועד, איך בין גרייט צו העלפן אידן ווי מער ס'מעגליך.

ניק ניק האט געשריבן:בקיצור זיצט זיך א איד אויף קש און גייט ליידיג שטופט די צייט און שרייבט און שרייבט א גאנצע מגילת אסתר, נו וואס שרייבט מען? א ודאי אז ער האט נישט קיין פרנסה (אז מ'ארבעט נישט האט מען נישט) און אין איינוועגס ניצט ער שוין אויס די געלעגנהייט צו ארויסשרייען זיין געוואלד'גע ווייטאג אויף אלע אונזערע מנהגים וואס שטייען שטארק אין וועג פאר די נושרים, פיין פיין אבער וואס זיכט דער ארטיקל דא?


ווי דערמאנט, ארבעט איך פלייסיג. דער ארטיקל איז בעיקר געשריבן געווארן במשך די איבריגע שעות פון טאג, נישט ארבעט שעות. אביסעלע יעדן טאג, במשך די לעצטע פאר וואכן. וליתר שאת האב איך עס בעפאר ארויסשטעלן צום פובליקום געגעבן איבערצוקוקן פאר צוויי גרויסע שרייבערס, ערליכע אינגעלייט, גרויסע תלמידי חכמים, כדי שלא יצא מכשול מתחת ידי בעז"ה. איך מוטשע זיך טאקע אויף פרנסה, איך האב נישט בריוח, און טאקע היא היא הנותנת, אז אידן ארבעטן און מען קען זיך נישט קאווערן איז א הימל געשריי און מען דארף זוכן תיקונים. עס האט גארנישט מיט קיין נושרים ח"ו לא מיניה ולא מקצתיה, איי וועגן די בגדי שבת? האב איך שוין פריער געשריבן, וראה עוד להלן.

ניק ניק האט געשריבן:און ווייזט אויף אי ידיעה אין די אלף בית פון בטחון בה'.


איינע פון אונזערע משוגעת'ן איז צו נוצן אמונה און בטחון ווען עס קומט אונז גוט אויס, ווען עס איז באקוועם, אדער ווען מען איז פשוט פויל. מען וועט ווארטן אומרעאליסטיש מיט בטחון אז עס וועט וואקסן אין גארטן א בוים פון געלט. אבער מערקווירדיג, דער זעלבער חברה'מאן, אויב איינער בלייבט אים שולדיג א פינפער, אדער איימיצער רעדט אויף זיין רבי'ן, אדער איינער מאכט טרעפיק ווער ער יאגט זיך, וועט ער שימפן פייפן און שעלטן, ער וועט זיך צוקריגן מיט א האלבע וועלט, שרייען אויף זיי פוי, איי אמונה? בטחון? לא נודע כי באו אל קרבינה... יע, אויך מיר בטחון.

פאטאקי08 האט געשריבן:פוי
בניחותא

קאמענטארן זענען איבריג...........

יהיה כן האט געשריבן:(ס'איבריגע געפירקלעריי, איבער שניידן בניני המוסדות, שניידן הוצאות בגדי שבת, איז סתם שטותים והבלים אין די וועלט אריין, געטראכט ווי א גוי און געשריבן ווי א גוי,......)


פליגל האט געשריבן:אה, כ'זע שוין וואס ליגט אים אין קאפ, בגדי שבת מיטן שטריימל.
פוי יאמר לו.


פליגל האט געשריבן:יעדער פאר זיך זאל זיך נעמען אין די האנט אריין און קויפן א ביליגערע שטריימל לויט זיין בודזשעט, צי שרייבן "מבטל זיין בגדי שבת" צייגט מיר אז דא איז דא א גיפט אונטער דעם.


פשיהא, מען באוואשט מיר ווי א סוטה, מי יבא אחרי המלך, אז יהיה כן אליינס איז מעיד אז איך טראכט און שרייב ווי א גוי... אוי, טאטע זיסער, לאן הגענו.

שרייען פוי, דאס איז דאך אונזער אידישקייט, וואס אין ארץ ישראל איז גיוואלד איז ביי אונז פוי. גאנצעטע שטחים אין גן עדן ליגט אוועקגעלייגט פאר די דאזיגע וואס זענען מקיים די שווערע מצוה פון שרייען פוי, לפום צערא אגרא... (דאס זעלבסט איז א שטיק פוי,)

-

אז מען רעדט שוין, לאמיר אביסל צונעמען די בגדי שבת זאץ, וואס האט פאראורזאכט אזא 'גיפטיגן' שטורעם אין א גלעזל וואסער. לאמיך ציטירן א שטיקל פון מיינע אייגענע "גוי'אישע" ווערטער:

שמעקעדיג האט געשריבן:"
די קאנסעקווענצן פון דעם פראבלעם

דריטנס, די רוחניות ענינים ווערן שטארק פארנאכלעסיגט, אונזער עיקר תכלית אויף דער וועלט ווערט א טפל, ווי אזוי קוקט אויס דער דאווענען מלא אנחות ומחשבות זרות זיך יאגענדיג צו דער ארבייט, קוים וואס מען האט צייט פאר א שיעור תורה, טייל אידן עפענען נישט קיין ספר משבת לשבת, אפגערעדט פון צייט פאר א חשבון הנפש ווי מען האלט אויף דער וועלט, נישטא קיין ברעקל הרחבת הדעת צו האבן די התבוננות פון מה חובת האדם בעולמו, און ווען עס קומט שוין א שבת אדער א יו"ט, אנשטאט א ריכטיגע הכנה עס אויסצונוצן כדבעי און עפעס געבן פאר די נשמה אויך, ווערט מקויים דער מתוקה שנת העובד, מען פאלט אין בעט אריין טויט-מיד, קוים אביסל צייט פאר די ווייב און קינדער.


לאמיר אביסל צונעמען דעם פראבלעם. לערנען תורה איז א חיוב מן התורה. ודברת בם. און חז"ל דרש'ענען אויך פון אנדערע פסוקים, והגית בו יומם ולילה, אם לא בריתי וגו', אן תורה איז מען דאך נישט קיין איד, כי הם חיינו ואורך ימינו. דאווענען איז אדער א דאורייתא (ולעבדו בכל לבבכם, איזהו עבודה שבלב זו תפלה) אדער א דרבנן, אבער זיי זענען לכו"ע פון די יסודות פון אידישקייט, אן דאווענען ביסטו ממש נישט מקושר מיטן רבש"ע, ביסט אויסגעטרוקנט ווי א שטיק עפר ואפר. די צוויי זאכן זענען די עיקר העקרים כלפי די מצוות שבין אדם למקום, אודאי זענען דא מ"ע שהזמן גרמא, שבתים וימים טובים, אבער די צוויי זאכן זענען בתדירות ערב ובוקר וצהרים, ווען אימער איימיצער וויל זיך אויסדרוקן א לשון אויף א ערליכן איד, איז אלץ די 2 ווערטער אויפן צונג, 'לערנען און דאווענען'.

אבער ליידער ווען מען זאל זיך אומקוקן אויף אונזער אידישקייט מצב, וועט מען זעהן אז רוב פון די אידן וואס פאר די מנהגים פון שיינע שטריימלעך וכדומה וועט ער אויסגעבן אסאך געלט (וואס ער האט נישט), אבער ווען מען קוקט אן זיין דאווענען, אדער ווי אפט ער מאכט אויף א אידיש ספר, בלייבט מען ערשטוינט, שוין גארנישט אזוי פויגלדיג. לאמיר זיך נישט נארן, וויפיל פון אונז דאווענען מיט די ריכטיגע כוונה, און לערנען ערליך א שיעור יעדן טאג? אודאי לעצטנס איז פיל בעסער דאס לערנען מיט די אלע שיינע שיעורים פון דפי הגמרא (כ"א בשמו הטוב יבורך), אבער וויפיל נישט? און וויפיל שמועסן ארום, מען האט נישט קיין קאפ דערצו? לויטן שולחן ערוך דארף מען מעביר זיין מחשבות הטורדות פארן דאווענען, ווי די חסידים הראשונים, כדי די דאגות זאלן נישט שטערן דאס דאווענען, ביי אונז איז ליידער פארקערט, מען פליקט אפ דאס דאווענען נאר כדי צו קענען לויפן קאווערן די עקספענסעס, און נאכמיטאג "כאפט מען" א מנחה, דאס מיינט אז די שטריימל וואס איז א שיינע מנהג, און א נייע משוגעת אז יעדע פאר יאר דארף מען גאר א נייע, א העכערע, ווי אויך נייע בעקישעס יעדעס יאר, ס'דאך עפעס זה קלי ואנוהו (כאילו מען מיינט טאקע דעם באשעפער איין פראצענט), און ליידער הן המה הי' בעוכרינו, בכדי צו קענען קאווערן די שטריימלעך און באצאלן די חובות דערויף איז מען מבטל אזויפיל תורה ותפלה, איז דאס יושר? ברויך עס אזוי צו זיין?? דו גיבסט אויף די וויכטיגסטע חלקים פון אידישקייט פאר א שיינע מנהג? איז דאס די ריכטיגע אידישקייט? אולי מיטן לבוש ביסטו טאקע אפגעשיידט פונעם גוי, אבער דיין גאנצע מהלך המחשבה וועלכע ליגט מגושם איינגעטינקען ראשו ורובו אין תאוות עוה"ז, דארט דארף מען נישט זיין אפגעשיידט? און איך בין נאך גאר דער וואס טראכט ווי א גוי??? איך הער נישט??

דער עיקר ציהל פון שבת איז דאך וויבאלד אין די ששת ימי המעשה ליגט מען בעניני גשמיים, אזוי האט דער באשעפער באשאפן זיין וועלט און דאס איז טאקע דער רצון ה', אבער תורה מה תהא עליה, חינוך מה תהא עליה, האט אונז דער באשעפער געגעבן די מתנה שבת וואס דעמאלס טאר מען נישט טראכטן פון די אלע זאכן, ממצוא חפצך ודבר דבר, ס'זאל זיין כאילו מלאכתך עשויה, און זאלסט זיך אביסל מדבק זיין אין אביסל העכערס, געבן אביסעלע שפייז פאר די נשמה, אבער געוואלד און געשריגן, מה אתה מחליף במה, דעם שיינעם הויכן שטריימל פאר א דאווענען מיט השתפכות הנפש און א בלאט גמרא??

פארשטייט זיך אז איך האב נישט געמיינט דוקא דעם שטריימל/בעקישע, איך האב נאר געוואלט ארויסברענגען דעם שטארקקייט פון די זאך עד היכן הדברים מגיעים, ווי ווייט מען דארף נעמען אלע מיטלען אין באטראכט. איך וועל אויך מודה זיין אז מעגליך איך האב געמאכט א טעות דערמיט, איך בין ס"ה נאר א מענטש, ואין אדם נתפס על צערו, אז עס טוט וויי שרייעט מען, אמאל איז דער ווייטאג אזוי גרויס אז מען טראכט נישט גראד, און איך בין גרייט צו הערן קאנסטראקטיוו קריטיק, אבער די אלע פוי געשרייעכץ איז דאך סתם גרויליג און ווייזט אויף א נארישן נידריגן חינוך.

און די וואס טענה'ן געוואלד, דער אידישער לבוש טיילט אונז אפ פון די גויים, צו זיי וויל איך פרעגן וואס איז מיט די ששת ימי המעשה? דער ברייטער ביבער הוט און די לאנגע פיאות/בארד איז נישט גענוג הבדל? וואס איז מיט די אלע מיליאנען אידן וועלכע גייען בכלל נישט שבת קיין שטריימל און זיי זענען דבוק בה' יומם ולילה? נישטא קיין הבדלה צווישן זיי און דעם גוי?? אויב איז דאס דער פראבלעם, זאל מען קויפן א הוט לכבוד שבת פאר 150 טאלער, נישט קיין שטריימל פאר פיר טויזענט. ענק מאכן עפעס אויסקוקן כאילו דער שטריימל איז דער יסוד היסודות פון אידישקייט.

סך הכל, דער לבוש איז א חיצוניות'דיגע גדר וואס זאל אפהיטן אונזער פנימיות און אונז אפשיידן פון דעם גוי, אבער אויב דער פנימיות איז ליידיג און טרוקן, און דער גאנצער געדאנקען גאנג איז ליידער גוי'איש און איין שטיק עוה"ז, מאי הועילו חכמים בתקנתם? וואס האסטו פון דיין שיינעם שפיציגן גדר? כאילו דו לייגסט ארויף א ריגל און שלאס אויפן טויער, אבער אינווייניג איז ליידיג, נישטא אפילו וואס צו גנב'ענען...

(און אגב... א גליק האט אונז באטראפן! מען קען האבן שטריימלעך פאר "בלויז" 2,500 דאלער!... ד.מ. פאר בלויז דריי-פיר וואכן וועידזשעס.... דאס מיינט על הגאולה ועל התמורה, מען האט פארטוישט די גאולה, א פאלשע גאולה, אנשטאט מען זאל אויפקומען מיט סאלושענ'ס זיך אפצוגעוויינען פון די ספענדערייען, זאגט מען אונז, ספענדטס ווייטער, יעדער זאל קויפן, מיר וועלן מאכן זיכער אז מען קען האבן פאר א ביליגערע פרייז..... און מיר פרייען זיך! רבש"ע מיר זענען די עם חכם ונבון? זאל מען מאכן שטריימלעך האלב די סייז און האלב די פרייז! וועמען ווילן מיר געפעלן מיט די ספאדיק שטריימלעך? איז דאס אונזער נחמה? וועט דאס זיין אונזער ישועה?)


אחרון אחרון חביב,
לכתחילה אריבער האט געשריבן:כ'האב נישט געליינט די ארטיקל, און פארשטייט זיך נישט קאמענטירט.

אבער פארדעם אליינס וואס יעדעס מאל איינער ברענגט אן ארטיקל ווערט א "ק"ש V אייועלט" פארמעסט, אלע "מייז און לייז" קומען ארויס פון די לעכער, פארדעם אליין טאר מען גארנישט ברענגען פון דארט אהער! (אפגעזעהן פון די אנדערע טעמים.)

עס פארגרוילט דאס לעבן!!

לכתחילה, דו ביסט דאך א קלוגער איד א ידען נפלא, ס'א געשמאק צו ליינען דיינע ארטיקלען אויף כל מילי דעלמא, פארוואס ווערסטו אזוי דערשראקן יעדע מאל וואס דו זעהסט די צוויי אותיות קש, און דו ווערסט אזוי צעווילדעוועט ווען איינער שרייבט עפעס דערוועגן, עס פאסט גארנישט פאר דיר, וואס איז מיטן מקבל את האמת ממי שאמרו, איגנאריר די לייז און די מייז, און עס אויף דעם גוטן חלק. (לול פאר יוסל שרייבער מיטן עצה פונעם בילד פון ר' ישעי'לע, האסט מיר אויפגעפלאצט, ווי אזוי זאגט מען נאר דאהי? נאדיר א גרינע...)

די גמרא זאגט אז ר' מאיר רמון מצא, תוכו אכל וקליפתו זרק, א קלוגער איד קען אראפנעמען די פאר שטיקלעך שאלאכץ, און זיך פאסמאקעווען מיט די איבריגע גוטע חלקים. דאס זעלבע איז פאר די אלע אנדערע אידן דא, מען האט זיך ארויפגעכאפט אויף דעם מעגליכן שטיקל שאלאכץ פון ספק בגדי שבת, אפגע'פסק'ענט אז דאס איז גיפט, און דער גאנצער תוכנ'דיגער ארטיקל וואס פלאגט אונז אליין און אונזערע ברודער, און זוכט אונז צו העלפן מיט אונזערע אייגענער קינדער (דער מצב ווערט דאך נישט בעסער, נאר פארקערט) איז געווארן עקלהאפטיג און פסול. דאס איז נישט קלוג. און נישט גוטע מדות.

אין תנא דבי אליהו ווערט געברענגט א מעשה אז אליהו הנביא האט געזאגט אויף א נבילה מוסרחת "ווי ווייס זענען אירע ציין", כדי אונז צו לערנען א לימוד אז אפילו אויף א נבילה זאל מען זוכן א גוט ווארט, א גוטן חלק. איז דאך על אחת כמה וכמה אזוי אויף א צווייטן איד, שנראה מעלת חברינו ולא חסרונם! איך פלאג זיך אן אפשרייבן אן ארטיקל מיט בלוט און שווייס, קאפ און מח, נאר כדי אונז אליינס צו העלפן, און וויבאלד עס איז מעגליך אריינגעפאלן א פעלער לויט א טייל דעות, איז אלעס געווארן פסול אן מען שיסט מחאות ווי ראקעטס... איז דאס נארמאל??

ובזה יצאתי ידי חובתי. מיין תגובה פארציהט זיך שוין גאר לאנג, און כאטש איך האב נאך וואס צו זאגן, וועל איך זיך אפשטעלן דא. ועוד חזון למועד אויב עס וועט זיך אויספעלן. און צום שלוס, איך בעהט נאכאמאל אלעמען, ביטע לייענט אדורך דעם ארטיקל בכובד ראש, עס זאל זיין דברים היוצאים מן הלב נכנסים אל הלב, השי"ת איז מיין עדות אז איך רעד נאר פאר אונזער אייגענע טובה ברוחניות ובגשמיות און איך מיין נישט קיין שום שלעכטס ח"ו און איך בין נישט מזלזל אין קיין דבר קל פון אונזער מסורה און מנהגים. לאמיר נישט מחמיץ זיין את השעה, עס איז די העכסטע צייט און כלו כל הקיצין, מיר מוזן זיך נעמען אין די האנט אריין, כי בנפשינו הדבר! אידן פאלן און פארלעשן זיך ווי ליכט!!

-

צום שלוס, להשלמת הענין, וכדי שלא ישאר הוועבסייט חלק, וועל איך מוסיף זיין נאך א קטע וואס איך האב שפעטער מוסיף געווען דארט:
אלזא, נאכן ליינען די לעצטע פאר תגובות, גייט ארויף די קומענדיגע עצה אויף מיין ליסטע: אראפ מיט די כוללים. אודאי זאלן בלייבן עטליכע כוללים פאר דעם אחד היוצא להוראה און נפשו חשקה בתורה, אבער די איבריגע זאלן גיין ארבעטן למחרתו פונעם שבע ברכות. די כוללים זענען א צייט פארברענג פאר רוב יונגעלייט וואס בלייבן אן תורה און אן סחורה און טוען עס בלויז לשם... די שווער אדער שוויגער'ס שיינע נאמען. עס קאסט א געוואלד אויפצוהאלטן, געשנארטע געלט וועלכע וואלט געקענט גיין פאר הכנסת כלה, ס'גענוג ווייטאג אז מען לערנט נישט די בחורים, גייט מען און מען איז נאך מוסיף חטא על פשע און מען פארשיקט דעם יונגערמאן אין כולל ווי ער איז נישט צו גאט און נישט צו לייט.

קיין וואונדער אז סאטמאר רב האט נישט גורס געווען דעם גאנצן ענין פון כוללים.
וירח ה' את ריח הניחוח
באניצער אוואטאר
שמעקעדיג
חבר הכבוד
חבר הכבוד
 
הודעות: 15090
זיך רעגיסטרירט: דאנערשטאג אפריל 12, 2012 12:11 am
האט שוין געלייקט: 17787 מאל
האט שוין באקומען לייקס: 18076 מאל

הודעהדורך ונבנתה העיר » מאנטאג אוגוסט 04, 2014 4:28 pm

שלא ישאר הוועבסייט חלק...
מ'דארף צוריק אראפברענגען דעם רבי'ן

אמר ונבנתה: אל עבר החלון נשקפתי ונתתי אל לבי כי שבת האדם ממנו, חומר וגשם – ורוח אין, בחנתיו, והנה הוא תולדת מקריו – כאשר ילך המקרה כך יתעצב לבו ודמותו, לרגעים אבחננו, כאשר יאמר החכם כי אין הוויית רגע מול רגע נוצרת כי אם בהתחדש מקריו, ואל מי יקר המקרה?
באניצער אוואטאר
ונבנתה העיר
חבר ותיק
חבר ותיק
 
הודעות: 3591
זיך רעגיסטרירט: מיטוואך יולי 25, 2012 5:41 am
האט שוין געלייקט: 7094 מאל
האט שוין באקומען לייקס: 7053 מאל

הודעהדורך אפטעמיסט » מאנטאג אוגוסט 04, 2014 4:53 pm

נאדיר א גרינע :mrgreen: :mrgreen: :mrgreen:
מקנא אני את המתים
אשר נעשו חפשי מן המצפון
מאשר החיים חיים הפכפכיים
ונפשם לא שלימה בקרבם

~ אורים ותומים www.kaveshtiebel.com/viewtopic.php?f=50&t=12010
באניצער אוואטאר
אפטעמיסט
חבר ותיק
חבר ותיק
 
הודעות: 2343
זיך רעגיסטרירט: זונטאג סעפטעמבער 22, 2013 3:05 am
געפינט זיך: אין מאחורי
האט שוין געלייקט: 3265 מאל
האט שוין באקומען לייקס: 3690 מאל

הודעהדורך petergrifin » מאנטאג אוגוסט 04, 2014 5:09 pm

איך בין מוחה!!!! װאס ברענגסטע אן ארטיקל פון אײװעלט דא אהער!!! :lol: :lol: :lol:
.And they lived happily ever after

באבע מעשיות
petergrifin
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1321
זיך רעגיסטרירט: מאנטאג אקטאבער 22, 2012 1:44 am
געפינט זיך: אין גלות
האט שוין געלייקט: 934 מאל
האט שוין באקומען לייקס: 876 מאל

הודעהדורך יתרו » דינסטאג אוגוסט 05, 2014 8:59 pm

סטוט זיך לעבעדיג און איי וועלט 'לכתחלה' האט אפגענטפערט שמעקעדיג מיט א העסליכע ארטיקל אויף קאווע שטיבל און דער גאנצער עולם האט באשכויעחט 'לכתחלה' פאר זיין געוואלדיגע דברי חכמה 'ציפעקע' האט פרובירט עפעס ענטפערן אבער איז שנעל פארשריגען געווארן דורך'ן המון עם און שפיץ פונעם גלח. עס מוז אבער באצייכענט ווערן אז מיללער און יוסל שרייבער זענען געווען מער סאליד ווי רוב שרייבער.
לייק מיך יא לייק מיך נישט, כהאדיר עניוועי אין דר'ערד.
יתרו
ידיד ותיק
ידיד ותיק
 
הודעות: 746
זיך רעגיסטרירט: זונטאג דעצעמבער 09, 2012 11:32 pm
האט שוין געלייקט: 442 מאל
האט שוין באקומען לייקס: 652 מאל

הודעהדורך משבק » דינסטאג אוגוסט 05, 2014 10:25 pm

איינער ברענגט דארט די פאלגענדע "פסק"

כברענג נאך פון 'שארק'אויפן אמ"ג:
"פסק הלכה: יעדער וואס האלט אן אקטיווע ניק אינעם "קאווע שטיבל" האט א דין ווי א כופר בתורת משה; ווער עס האט א חלק אינעם גרינדן און/אדער אויפהאלטן יענעם סייט האט א דין ווי א מסית

דורכגעשמועסט מיט צוויי תלמידי חכמים"

ע"כ פון שארק אויפן אמ"ג
משבק
ידיד השטיבל
ידיד השטיבל
 
הודעות: 285
זיך רעגיסטרירט: מאנטאג יוני 30, 2014 12:27 pm
האט שוין געלייקט: 116 מאל
האט שוין באקומען לייקס: 245 מאל

הודעהדורך שמעקעדיג » דינסטאג אוגוסט 05, 2014 11:28 pm

עס טוט זיך דארט אויף טישן און בענק. איך ווייס נישט וואס איך האב זיך פארזינדיגט. איינער שרייבט מיר דארט איך זאל גיין ווי דער שווארצער פעפער וואקסט. עטליכע אישי'ס ערהאלטן מלא שנאה וכעס. הגם אויך עטליכע קאמפלימענטן... איך ברעך זיך קאפ, איך האב געשריבן וועגן פרנסה ביי אידן, און זיי זענען ביזי מיט קש. גיי פארשטיי. צו זייער קרעדיט האבן זיי אפאר נארמאלע ניק'ס אויכעט וואס שיסן נישט דעם מעסענדזשער, נאר טראכטן פונעם פונקט וואס איך האב פרובירט ארויסצוברענגען.

די הנהלה דארט האט (לשבחם) אפגעטיילט די לכתחילה השקפה פון מיין ארטיקל.
http://www.ivelt.com/forum/viewtopic.php?f=3&t=23811
וירח ה' את ריח הניחוח
באניצער אוואטאר
שמעקעדיג
חבר הכבוד
חבר הכבוד
 
הודעות: 15090
זיך רעגיסטרירט: דאנערשטאג אפריל 12, 2012 12:11 am
האט שוין געלייקט: 17787 מאל
האט שוין באקומען לייקס: 18076 מאל

הודעהדורך יאיר » דינסטאג אוגוסט 05, 2014 11:42 pm

די אייוועלט שרייבער רעאגירן דערויף כדרך המסורה לנו, ווי א כתה א' יונגל וועמען מ'האט צוגענומען די לאלי, אבער זענען זיי דען נישט גערעכט מיט זייער ציטער פון קאווע שטיבל? למעשה זענען דא גענוג און נאך תגובות וואס מאכן חוזק פון כל הקודש בעיני אייוועלט, ארויף ביז סאקמיר רב, פארוואס זאלן זיי נישט האבן א קעגנערשאפט דערצו? און אז שמעקעדיג פאלט אריין אין זייערע הענט, לאזט מען נעבעך אויס דאס גאנצע כעס אויף אים.
איין זאך כאפן זיי נישט, די סיבה פארוואס זיי זענען אזוי ברוגז אויף קאווע שטיבל איז טאקע ווייל דאס זענען נישט קיין משכילים אדער אפיקורסים. ווי עטליכע שרייבן דארט, האט זיי דער סייט פיל מער אויפגעשאקלט ווי סייטס וואס זענען אפיציעל אומערליך. די סיבה איז ווייל די שרייבער דא זענען על פי רוב היימישע אידן פונקט ווי זיי, טינקען חלה אין פיש זאפט פונקט ווי זיי, האבן ליב א זאפטיג שטיקל לשון הרע פונקט ווי זיי, און גלייבן אויך אז צדיקים קענען מאכן מופתים פונקט ווי זיי, אט דאס איז וואס באדערט זיי, ווייל עס וועקט אויף זייערע אייגענע טריפה'נע הרהורים'לעך, כמו שביארתי במקומות אחרים, און דערפאר מוז מען עס אזוי באקעמפן.
האדם לא נברא אלא להתענג
באניצער אוואטאר
יאיר
חבר ותיק
חבר ותיק
 
הודעות: 4765
זיך רעגיסטרירט: דינסטאג יוני 26, 2012 9:42 pm
האט שוין געלייקט: 7221 מאל
האט שוין באקומען לייקס: 7887 מאל

הודעהדורך ווייט פיש » מיטוואך אוגוסט 06, 2014 12:46 am

שמעקעדיג האט געשריבן:עס טוט זיך דארט אויף טישן און בענק. איך ווייס נישט וואס איך האב זיך פארזינדיגט. איינער שרייבט מיר דארט איך זאל גיין ווי דער שווארצער פעפער וואקסט. עטליכע אישי'ס ערהאלטן מלא שנאה וכעס. הגם אויך עטליכע קאמפלימענטן... איך ברעך זיך קאפ, איך האב געשריבן וועגן פרנסה ביי אידן, און זיי זענען ביזי מיט קש. גיי פארשטיי. צו זייער קרעדיט האבן זיי אפאר נארמאלע ניק'ס אויכעט וואס שיסן נישט דעם מעסענדזשער, נאר טראכטן פונעם פונקט וואס איך האב פרובירט ארויסצוברענגען.

די הנהלה דארט האט (לשבחם) אפגעטיילט די לכתחילה השקפה פון מיין ארטיקל.
http://www.ivelt.com/forum/viewtopic.php?f=3&t=23811


הו הא סגייט דארט אויף טישען און בענק וואס איין שמעקעדיג קען אלס אנדרייען, איך מיין מען דארף טוישן דא די רעגולאציעס און נישט לאזן מער דארט קאפירען ארטיקלען פון דא, אנשטאט די ארטיקעל זאל ברענגן איר ציל ווערט דערפון א גורן של קש
ווייט פיש
ידיד השטיבל
ידיד השטיבל
 
הודעות: 164
זיך רעגיסטרירט: זונטאג אוגוסט 03, 2014 12:37 am
האט שוין געלייקט: 27 מאל
האט שוין באקומען לייקס: 58 מאל

הודעהדורך אויליגער » מיטוואך אוגוסט 06, 2014 12:56 am

ווי גוט האט ר' לכתחילה געזאגט אז שמעקי האט ארויסגעברענגט אלע מייז און לייז
כאטשיק ווייסט ער פון וואס אייוועלט באשטייט
לייקען לייקען איז א גוטע זאך ענטפערן א תגובה איז א בעסערע זאך
אויליגער
מאנשי שלומינו
מאנשי שלומינו
 
הודעות: 137
זיך רעגיסטרירט: דינסטאג יולי 08, 2014 3:08 am
האט שוין געלייקט: 99 מאל
האט שוין באקומען לייקס: 89 מאל

הודעהדורך אפטעמיסט » מיטוואך אוגוסט 06, 2014 1:08 am

ביטע אויפהערן רעדן וועגן אייוועלט און זיך פארגלייכן. איך ווער שוין ערענסט נערוועז. א דאנק.
מקנא אני את המתים
אשר נעשו חפשי מן המצפון
מאשר החיים חיים הפכפכיים
ונפשם לא שלימה בקרבם

~ אורים ותומים www.kaveshtiebel.com/viewtopic.php?f=50&t=12010
באניצער אוואטאר
אפטעמיסט
חבר ותיק
חבר ותיק
 
הודעות: 2343
זיך רעגיסטרירט: זונטאג סעפטעמבער 22, 2013 3:05 am
געפינט זיך: אין מאחורי
האט שוין געלייקט: 3265 מאל
האט שוין באקומען לייקס: 3690 מאל

הודעהדורך אויליגער » מיטוואך אוגוסט 06, 2014 1:17 am

ליינענדיג די נאכווייען פון לכתחילה'ס תגובה טראכט איך אזוי צו מיר ווען נישט קש וואלטן מיר אלע געזיצען (לכאורה) און אייוועלט, וואלט ווען שמעקי'ס אשכול וואס האט באקומען 58 לייקס (ביז דערווייל) געווארן אנגעפילט מיט 20 פעידזשעס פון "גרינע" און די אלע תגובות וואס זענען דא צוגעשריבן געווארן וואלטן קיינמאל נישט געווארן ארויסגעברענגט דער עולם וואלט ביזי געווען געבן גרינע.
און פאר די אלע וואס ווערן פארלוירן פאר אביסל בלעטלעך איר זאלט וויסן אז 4 דפים זאכליכע תגובות אז מער פון 100 גרינע דפים

לאמיר אלע געבן א ש'כח פאר די מייסדי השטיבל פארן ארויפלייגען די קליינע הענטעל קנעפל אויבן
לייקען לייקען איז א גוטע זאך ענטפערן א תגובה איז א בעסערע זאך
אויליגער
מאנשי שלומינו
מאנשי שלומינו
 
הודעות: 137
זיך רעגיסטרירט: דינסטאג יולי 08, 2014 3:08 am
האט שוין געלייקט: 99 מאל
האט שוין באקומען לייקס: 89 מאל

הודעהדורך שמעקעדיג » זונטאג סעפטעמבער 07, 2014 12:06 pm

אויסשניט פונעם "מאמענט" פרשת דברים

.
בייגעלייגטע פיילס
Moment.jpg
Moment.jpg (285.67 KiB) געזען געווארן 2617 מאל
וירח ה' את ריח הניחוח
באניצער אוואטאר
שמעקעדיג
חבר הכבוד
חבר הכבוד
 
הודעות: 15090
זיך רעגיסטרירט: דאנערשטאג אפריל 12, 2012 12:11 am
האט שוין געלייקט: 17787 מאל
האט שוין באקומען לייקס: 18076 מאל

הודעהדורך כוכב » זונטאג סעפטעמבער 07, 2014 12:42 pm

איך בין בכלל נישט אנטציקט פון מאמענט'ס מהלך צו אהערשטעלן יעדע וואך אן אויסברוך איבער דער וועלטס פראבלעמען.
ווען איך צאל פינף דאלער פאר א מאגאזין וויל איך אינפארמאטיווע קאלומס וואס וועלן מיר קלוגער מאכן ווי א טאג בעפאר, נישט איבערגעקייטע קרעכצערייען וואס מ'הערט אין שול צווישן מנחה און מעריב און פאר א נויט דורך פליקער אין קאווע שטיבל.
אזעלכע טעמעס ווי הויכע רענט פרייזן און טייערע שמחות זאלן געדעקט ווערן אין די בריוון צו דער איד און דער בלאט. עס דארף נישט פארנעמען בלעטער נאך בלעטער אין א מאגאזין וואך איין וואך אויס.
בכלל, הערט אויף מיט די נארישע איינרעדעניש פון טוישן די וועלט. זאל זיך יעדער זארגן פאר זיך, מתי אעשה אנוכי לביתי, עס איז נאך קיינער נישט אנגעקומען פון וועלן זיך איינרעדן אז ער וויל זיין דער וועלטס פארזארגער. עס איז סתם א גרינגע וועג ארויס, איינמאל די גאנצע וועלט איז שולדיג, און די סעלוציע איז אראפברענגען די לבנה און די שטערן, דארף איך שוין גארנישט טון ושלום עלי נפשי. ודוק.
כוכב
חבר ותיק
חבר ותיק
 
הודעות: 2422
זיך רעגיסטרירט: מוצ"ש דעצעמבער 07, 2013 7:35 pm
האט שוין געלייקט: 4953 מאל
האט שוין באקומען לייקס: 6783 מאל

הודעהדורך אדמו״ר » זונטאג סעפטעמבער 07, 2014 9:57 pm

ווען נישט די איינרעדעניש אז ״מ׳גייט מתקן זיין די וועלט״ וואלט טאקע געווען עק וועלט.
שטעל דיך פאר אז יעדער זאל טאקע איינזען אז מ׳גייט אינערגעץ נישט אנקומען מיט שרייבן און זיך אפרעדן אויף די וועלט, וואלט נישט געווען קיין פרעשער אויף די פירער פונעם לאנד צי טון וואס מ׳דארף צי טון. למשל יעצט אבאמא מיט ISIS, ווייסט וויפיל פרעשער ער באקומט פון די מידיע? צום סוף מוז מען זיך ברעכען!
ווען קיינער זאל גארנישט זאגן, וואלט זיכער גארנישט געטון געווארן.
און מי יודע, אפשר וועט מען צי ערגעץ אנקומען מיט אונזער מצב. די קענסט נישט וויסן וועליכע עסקן ס׳קען ווערן אנגעווארעמט פון פונקט די ארטיקעל, און טון צי דער זאך.
דער כלל איז: ווען ס׳טוט וויי שרייט מען.
אדמו״ר
מאנשי שלומינו
מאנשי שלומינו
 
הודעות: 26
זיך רעגיסטרירט: דינסטאג סעפטעמבער 02, 2014 12:31 am
האט שוין געלייקט: 9 מאל
האט שוין באקומען לייקס: 33 מאל

הודעהדורך שמעקעדיג » זונטאג סעפטעמבער 14, 2014 11:35 am

א בריוו אין דער איד (פאמיליע אפטיילונג) וואס די איגנאראנץ האט מיר פארדראסן.

עס באציעט זיך אויף אן ארטיקל א וואך צוריק, וועלכע איך בין דא מעתיק ( ביי א ווינקל פאר אידישע מאמעס)

.
IMG_2014_01.jpg
IMG_2014_01.jpg (73.54 KiB) געזען געווארן 2520 מאל

.
אויף דעם ארויף שרייבט די וואך מרת פריעד, ווי פאלגענד:

.
IMG_2014_02.jpg
IMG_2014_02.jpg (60.77 KiB) געזען געווארן 2520 מאל

.
איך וואלט געוואלט כאפן א שמועס מיט מרת פריעד'ס מאן, צולייגער וואס זי איז.
ווי אזוי זאגט די וועלט, cheaper by the dozen...
וירח ה' את ריח הניחוח
באניצער אוואטאר
שמעקעדיג
חבר הכבוד
חבר הכבוד
 
הודעות: 15090
זיך רעגיסטרירט: דאנערשטאג אפריל 12, 2012 12:11 am
האט שוין געלייקט: 17787 מאל
האט שוין באקומען לייקס: 18076 מאל

הודעהדורך שמעקעדיג » זונטאג סעפטעמבער 21, 2014 12:43 pm

דעם פאלגענדן שטיקל האב איך געטראפן נאכברענגען בשם דעם הייליגן בעש"ט זצוק"ל. אפענע רוח הקודש!

.
בייגעלייגטע פיילס
דור האחרון פרנסה בעש''ט.jpg
דור האחרון פרנסה בעש''ט.jpg (35.84 KiB) געזען געווארן 2439 מאל
וירח ה' את ריח הניחוח
באניצער אוואטאר
שמעקעדיג
חבר הכבוד
חבר הכבוד
 
הודעות: 15090
זיך רעגיסטרירט: דאנערשטאג אפריל 12, 2012 12:11 am
האט שוין געלייקט: 17787 מאל
האט שוין באקומען לייקס: 18076 מאל

הודעהדורך zurich » דינסטאג סעפטעמבער 23, 2014 11:26 pm

אויליגער האט געשריבן:ליינענדיג די נאכווייען פון לכתחילה'ס תגובה טראכט איך אזוי צו מיר ווען נישט קש וואלטן מיר אלע געזיצען (לכאורה) און אייוועלט, וואלט ווען שמעקי'ס אשכול וואס האט באקומען 58 לייקס (ביז דערווייל) געווארן אנגעפילט מיט 20 פעידזשעס פון "גרינע" און די אלע תגובות וואס זענען דא צוגעשריבן געווארן וואלטן קיינמאל נישט געווארן ארויסגעברענגט דער עולם וואלט ביזי געווען געבן גרינע.
און פאר די אלע וואס ווערן פארלוירן פאר אביסל בלעטלעך איר זאלט וויסן אז 4 דפים זאכליכע תגובות אז מער פון 100 גרינע דפים

לאמיר אלע געבן א ש'כח פאר די מייסדי השטיבל פארן ארויפלייגען די קליינע הענטעל קנעפל אויבן

ס'דא דארט גאנטץ שיינע תגובות דארט אויף שמעקעדיגס ארטיקל נישט אזויפיל "גרינע"
באניצער אוואטאר
zurich
ידיד ותיק
ידיד ותיק
 
הודעות: 810
זיך רעגיסטרירט: מיטוואך מאי 16, 2012 12:34 am
האט שוין געלייקט: 569 מאל
האט שוין באקומען לייקס: 292 מאל

הודעהדורך שמעקעדיג » דינסטאג דעצעמבער 16, 2014 5:47 pm

יואל אשר לאבין האט אן ארטיקל אין די שטערן פארגאנגענעם חודש, ווי ער רעדט זיך אפ אויף אונזער "בעסערקייט", די גמרא לערנט אונז פשוט נבילה בשוק ואל תצטרך לבריות, און היינט האבן מיר אויפגעביטן די יוצרות, זאל מען גיין נאך געלט פאר מיר, אבער א שיינער איד וועל איך בלייבן.

"עס פאסט נישט" - דאס איז א נייע לחש וואס מיר נוצן ווען מען טראגט אונז אן א דזשאב וואס געפעלט נישט, אדער קען געבן א אנדערע איינדרוק פון א חסידישער איד מיט א הוט און רעקל. עס פאסט אונז נישט אנצוטאן יוניפארמ'ס! איי דו וואלסט געקענט שיין פארדינען? פארוואס אין בוטשער, פיש געשעפט אדער אנדערע היימישע געשעפטן האסטו נישט קיין פראבלעם מיט א יוניפארם אדער דיפערענט לבוש, נאר ווען עס קומט צו פראפעסיאנאלע דזשאבס האלט מען זיך צוריק און מ'שטופט אפ אוצרות מיט אפערטוניטיס? פאר מאנכע פאסט נאך נישט צו דרייוון קיין טעקסי! וויפיל פון אונז וואלטן געקענט ארבעטן אין עירפארטס? פעדעקס דרייווערס? און די אפציעס זענען אסאך!

טינק אבאוט איט! עלטערן טייערע, זייט מחזק די קינדער צו טון די ריכטיגע שריט! די בעלי מוסר זאגן (כמדומה בשם ר' ישראל סאלאנטער ז"ל) אז מען שטארבט נישט פון הונגער, נאר פון בושה! וועמען מיינט מען אויב נישט אונז?
וירח ה' את ריח הניחוח
באניצער אוואטאר
שמעקעדיג
חבר הכבוד
חבר הכבוד
 
הודעות: 15090
זיך רעגיסטרירט: דאנערשטאג אפריל 12, 2012 12:11 am
האט שוין געלייקט: 17787 מאל
האט שוין באקומען לייקס: 18076 מאל

הודעהדורך שמעקעדיג » דינסטאג דעצעמבער 16, 2014 6:04 pm

איך האב שוין אסאך געשריבן וועגן דעם, דערווייל שריי איך כקול קורא, ס'קוקט אויס ווי נאר מיר קרענקט עס.

איך בין לעצטנס געווען ביי עטליכע חתונות, און ווידעראמאל מיטגעהאלטן ווי בעת מען הייבט אן צו טאנצן קומען די וועיטערערס און שמייסן אריין אין מיסט צענדליגער גאנצעטע פארציעס פון טייערע פליישן... איך וואלט מיך מחי' געווען מיט די אלע פלייש, אסאך טעלערס זענען ממש נישט געווען אנגערירט, נאר וויבאלד א פעטער איז געזיצן דארט האט מען אים אהין געלייגט א פארציע; אנדערע זענען יא געווען אנגערירט למחצה לשליש ולרביע, אבער דאס רוב עסן איז נאך איבערגעבליבן אינעם טעלער, אבער וויבאלד עס האט שוין געהאט א סימן נגיעה איז עס מער נישט ראוי צו עסן און ווערט מוקצה מחמת מיאוס, און עס באלאנגט אין גארביטש... די בל תשחית איז דאך איום ונורא, בפרט נאך אז דאס קומט פון אויסגעהארעוועטע אידישע געלט מיט בלוט! און דאס פאסירט נאכט נאך נאכט, ואין פוצה פה!!!

פארוואס האב איך זיך אצינד דערמאנט? ווייל איך טראכט אז אפשר האב איך געפינען אן עצה צו דעם פראבלעם.
איינע פון די חתונות בין איך געווען ביי א גאר מאדערנע חתונה, איינער פון מיינע נאנטסטע קאסטומערס מיט וועמען איך ארבעט שוין יארן. איך האב געמוזט גיין, כאטש כ'האב מיך נישט געשפירט צו באקוועם זייענדיג א חסידישער אחת בין שבעים מאדערנע.
די חתונה איז גראדע געווען גאר א רייכע חתונה, ער קומט פון א רייכע משפחה, און עס איז געווען צו רוקן וויפיל עס לאזט זיך, אין א הערליכן זאל. (אגב - א הערליכע אינדאר חופה, כמעט א שעה, מיט זינגער'ס און מוזיק, בעת דער גאנצער עולם האלט מיט שטיל מיט דרך ארץ - ווי אנדערש פון אונז וואס מען טוט א גאנצע טובה און מען קומט ארויס פאר 20 מינוט זיך צו פטר'ן, קוים וואס מען זינגט מיט, מען שמועסט און מען שטערט. מען קען זיך לערנען פון זיי).

עכ"פ ווען עס איז געקומען צו די סעודה, האב איך געזעהן גאר אן אנדער בילד ווי ביי אונז. בילקעלעך (נישט מער ווי עטליכע צענדליג) איז געווען ביי א זייטיגע טיש, און נאר ווער עס האט זיך געהאלטן ביים וואשן האט גענומען איינס. דערנאך איז געווען א לאנגער טיש, שיין אויסגעשטעלט מיט זופן, כל מיני פליישן און סייד דישעס, מיט סארווירער - און יעדער איז געשטאנען אין א רייע און גענומען בלויז וואס - און וויפיל - מען האט געוואלט. מאנכע האבן גענומען נאר אביסעלע, און אז מען איז נישט געווארן זאט האט מען שפעטער געקענט בעטן נאך.

איך האב געקוואלן! ס'רוב טעלערס זענען געווען אויסגעליידיגט!! כ'טראכט צו מיר, ווי אזוי איז מעגליך אז פאר אונז איז נאך נישט איינגעפאלן אזא איידיע?
דאס קען זיין א דורכברוך ביי אונזערע חתונות אויכעט, ווייל נישט יעדער ברויך א פולע פארציע מיט כל מיני מטעמים ומעדנים!

די שאלה איז נאר צי מיר האלטן זיך ביים טוישן און אזוי ארום אפקומען ביליגער? אדער גייט מען ווייטער נישט טוישן די מסורה מיט קיין זיז כל שהוא און זיך נישט אפלערנען פון די מאדערנע רח"ל?

וואס זאגט דער עולם???
וירח ה' את ריח הניחוח
באניצער אוואטאר
שמעקעדיג
חבר הכבוד
חבר הכבוד
 
הודעות: 15090
זיך רעגיסטרירט: דאנערשטאג אפריל 12, 2012 12:11 am
האט שוין געלייקט: 17787 מאל
האט שוין באקומען לייקס: 18076 מאל

הודעהדורך שמערל » מיטוואך דעצעמבער 17, 2014 12:04 pm

עצות זיך צו שפארן געלט, קען נאר העלפן פאר דעם אידיווידואלן ארימאן ל"ע וואס זיכט עצות אדורכצושטיפן די טעגליכע הוצאות. אבער פאר א סאסייעטי בכלליות, קען פארמינערן אירע הוצאות גארנישט טוהן איר צו מאכן רייכער, פארקערט אסטעריטי מאכט די סאסייעטי ארימער. ווען יעדער שפארן זיך געלט, איז יעדער ארימער.

אודאי דארף יעדער מענטש פראבירן צו פארמערן זיינע הכנסות די מקסימום וואס איז שייך. אבער אויך נישט דאס איז עפעס וואס פלאגט אונזער סאסייעטיס עקאנאמי בכלליות. מיר פארדינען אלע זייער שיין, אין עווערעדזש מער ווי א גויישער פארדינער, און הגם מיר פעלן איטעלעקטואלן ווי דאקטורים און לויערס, פארדינען נאך אונזערע היימישע עמעזאן סעללערס און ריעל עסטעיט בראוקערס, עניטיים אזויפיל.
דאס איז חוץ די מיליאנען דאללערן דוטי פרי הכנסות, וואס פליסן במחננו, ווי אידיוידואלע און מוסדות פראגראמען, ווי אויך די פילע קהל'ישע און שנאר ארגעניזעציעס מיט זייערע איינגעשטעלטע, וואס לעבן א חיים טובים אינטערן טיש. הכלל עס איז נישטא צופיל מער וואס מען קען נאך טוהן צו נאכמער פארמערן אונזער סאסייעטיס הכנסות.

נאר וואס יא? די איינציגסטע שוואכקייט וואס אונזער עקאנאמי פארמאגט, איז די צאל דיפענדענטס אויף אירע פארדינער. איך וועל פראבירן עס מסביר זיין. אין א נארמאלע געזונטע מאדערנע עקאנאמי, ארבייטן די צוויי עלטערן און האלטן אויס זייערע פיר קינדער, ווי אויך באצאלן זיי טעקסעס אוסצוהאלטן די עלטערע, קראנקע, און סתם ארימעלייט, דאס הייסט אז די ratio פון די פארדינער צו די וואס דארפן צוקימען צו זיי איז מאקסימום איין פארדינער צו פיר דיפענדענטס. איינמאל א מענטש פארדינט מער ווי עס קאסט אוסצוהאלטן פיר מענטשן, איז ער א נגיד, ער האט שוין איבעריג געלט צו קענען קויפן א קאר, הויז, און א מעקבוק.

משא"כ ביי אונז דארף איין טאטע אויסהאלט זיין ווייב און זיבן קינדער פלאס די עלטערע, קראנקע, כלי קודש, גרים, און די ארץ ישראל'דיגע משולחים, דאס הייסט אז די ratio ביי אונז פון פארדינער צו דיפענדענטס שטייט ביי איין פארדינער צו מינימום צען דיפענדענטס. דאס הייסט אז ביי אונז צו האבן איבעריג געלט צו קענען הייסן א נגיד און קענען עפארדן א יוקאן, ברויך מען צו פארדינען צווי און אהאלב מאל אזוי סאך ווי א עווערעדזש גוי. נו א וואונדער אז דער עולם קרעכטצט?

נו וואס איז אויף דעם די עצה פרעגט איר?! אה, עס איז דא א אויספראבירטע מיטל וואס אייגענטליך דער מיטל האט באוויזן ארויפצוברענגען די אלע פארגעשריטענע עקנאמיעס צו דעם שטאפל ווי זי האלט יעצט, און מען באנוצט זיך נאך מיט דעם עד היום הזה אין די דריטע וועלט מדינות זיי ארויסצוברענגען פון פאווערטי.

עס הייסט ב.ק.
ואידך פירושא זיל גמור.
שמערל
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1049
זיך רעגיסטרירט: מאנטאג מאי 27, 2013 7:05 pm
האט שוין געלייקט: 1144 מאל
האט שוין באקומען לייקס: 1240 מאל

הודעהדורך איך אויך » מיטוואך דעצעמבער 17, 2014 12:39 pm

סתם נאריש גערעדט. מיר ווייסן מאן דיהיב חיי יהיב מזוני און תינוק בא לעולם ופתו בידו ,אלע פון אונז קענען גענוג מענטשן מיט 2-3 קינדער וואס מוטשן זיך פאר פרנסה ווס. אנדערע מיט6-7 קינדער וואס מאכן ברייט פרנסה.

א שיעור אין בטחון/אמונה וואלט דיר נישט געשאדט.
Follow The Money ׁׂ(מרן Deep Throat ז''ל)
באניצער אוואטאר
איך אויך
חבר ותיק
חבר ותיק
 
הודעות: 5622
זיך רעגיסטרירט: דינסטאג אפריל 10, 2012 3:27 pm
האט שוין געלייקט: 7670 מאל
האט שוין באקומען לייקס: 2533 מאל

הודעהדורך שמעקעדיג » מיטוואך דעצעמבער 17, 2014 12:50 pm

איך אויך האט געשריבן:מיר ווייסן מאן דיהיב חיי יהיב מזוני און תינוק בא לעולם ופתו בידו

פאר יור אינפא, מענטשן באנוצן זיך מיט דעם חז"ל ווי כאילו מען האט ליגן מיליאנען אין באנק סאו וואס קערסטו, אבער פשוט פשט איז אז די מאמע באקומט מילך צו זייגן ווען דאס קינד ווערט געבוירן, און גארנישט מער.
די איינציגסטע אויפטו פון דעם תינוק וככר בידו איז טאקע פאר די וועלכע באקומען פוד סטעמפס, און תיכף ווען דאס קינד ווערט געבוירן באקומט מען א העכערונג, כאטש אין גראסערי קאסט דערווייל גארנישט מער (פאר א זייגעדיג קינד, כ'רעד נישט פון די וועלכע נעמען פארמולע).
און דער מאמר מאן דיהיב חיי יהיב מזוני (עכ"פ אויף דעם סגנון הלשון) האט נישט קיין מקור אין חז"ל.
וירח ה' את ריח הניחוח
באניצער אוואטאר
שמעקעדיג
חבר הכבוד
חבר הכבוד
 
הודעות: 15090
זיך רעגיסטרירט: דאנערשטאג אפריל 12, 2012 12:11 am
האט שוין געלייקט: 17787 מאל
האט שוין באקומען לייקס: 18076 מאל

הודעהדורך איך אויך » מיטוואך דעצעמבער 17, 2014 1:00 pm

זעהט אויס ווי דער מלבי''ם און דער רבי ז''ל האבען נישט געוויסט וואס דו ווייסט אז עס האט נישט קיין מקור.

העי עס איז אפילו א בפירושע שמעקי איי איי וואס א יאר אין ק''ש קען טוהן מיט א מענטש..

אבער ווייסטו וואס, דער ''כל מזונותיו של אדם קצובים לו מראש השנה ועד יום הכפורים חוץ מהוצאת שבתות והוצאת יו"ט והוצאת בניו לתלמוד תורה שאם פחת פוחתין לו ואם הוסיף מוסיפין לו'' (מס' ביצה/ביעה דף ט"ז עמ' א') איז דיר נישט גענוג?
Follow The Money ׁׂ(מרן Deep Throat ז''ל)
באניצער אוואטאר
איך אויך
חבר ותיק
חבר ותיק
 
הודעות: 5622
זיך רעגיסטרירט: דינסטאג אפריל 10, 2012 3:27 pm
האט שוין געלייקט: 7670 מאל
האט שוין באקומען לייקס: 2533 מאל

פריערדיגענעקסט

גיי צוריק געזעלשאפט

ווער איז יעצט דא?

באניצער וואס לייענען דעם פארום: נישטא קיין אנליין באניצער און 4 געסט