א בריוו צום באבובער רב שליט"א

[תמימותדיגע]

איך לייג דא א בריוו צום באבובער רב שליט"א. ווער עס קען עס איבערגעבן, איז געבעטן עס איבערגעבן אין מיין נאמען.
יישר כח.

בחרדת קודש אדרוש בשלום כ"ק מרן אדמו"ר מבאבוב שליט"א,

נאכן נעמען רשות מכבוד קדושתו, וועל איך אהנהייבן מיט מיין ברכה, ברכת הדיוט, אז כבוד קדושתו זאל מצליח זיין מיט הנהגת העדה, הוא ובנין, לאריכת ימים ושנים.

איך בין א באבובער חסיד. איך בין אויפגעוואקסן אין באבוב. איך בין אויך אמאל געווען היימיש מיט כבוד קדושתו. כאטש איך האב בוחר געווען צו גיין מיט כ"ק מרן אדמו"ר, די איידעם פון רב ז"ל, פונדעסטוועגן איז עס נישט געקומען מתוך שנאה צו כבוד קדושתו ח"ו, ואדרבה, מצדי וואלט איך נאך היינט געקענט באשטיין צו האבן א שייכות צו די אנדערע צד אלס די זוהן פון די פריערדיגע רב ז"ל. איך האב אזוי בוחר געווען צוליב טעמים הנימוקים עמי.

ועל של עתה באתי:
איך האב מיט געהאלטן מריחוק מקום, די שמחת בית וויזניץ/באבוב (בן רב"צ מייזליש שליט"א), וואס איז נעכטן פארגעקומען אין עיר התורה ב"ב יצ"ו. איך האב געזען די הערליכע בלידער און קליפס ווי רבינו האט זיך משמח געווען ביחד עם ראשי אלפי ישראל, ובתוכם האדמורי"ם לבית וויזניץ בעלזא. עס איז געווען א הערליכע שמחת בית צדיקים, ווי צדיקים האבן מתעלס געווען באהבים. ומשמחה זו יושפע לנו שפע מרובה מן השמים.

קוקנדיג אויף די תמונות, האט עס מיר געמאכט טראכטן פון א נקודה, וואס איך האב געטראכט אז אולי וואלט געווען כדאי עס צו שרייבן אל כבוד קדושתו. ואקוה שיתקבלו מחשבותי לפניכם לרצון.

די בילדער האט מיר צוריק געברענגט צו א תקופה פון 20-30 יאהרן צוריק. די תקופה איז פאר אלעמען באקאנט, ווי די שלום איז געווען רחוק פון משפחה בית וויזניץ כרחוק שמים וארץ, ויותר. מען האט געווארפן דעם עלטסטן זוהן, דער בעלזער איז געווען צוקריגט מיטן שווער דער ישועות משה, עד כדי כך אז ער האט נישט געקענט באזוכן דעם שווער בביתו. (כידוע הביקור של הבעלז'ער והישועות משה אצל מרן המהר"ש בקרית באבוב בחורף שנת תשמ"ו). עס איז געגאנגען מעסער שטעך פון אלע זייטן אז עס איז כמעט נישט געווען א טאג וואס וויזניץ האט נישט צוגעשטעלט קיין מקוה נייעס.

היינט זעהט מען ווי יעדער איז זיך משתתף ביי די שמחות פון די צווייטע בפנים צהלות. יעדער טאנצט מיט די צווייטע. עס איז ממש א כבוד שמים!

שטעלט זיך א שאלה: האט מען פארגעסן די טענות וואס איינער האט אויף די צווייטע? געדענקט נישט הרמ"מ מוויזניץ אז ער האט אמאל געחלומ'ט אז ער גייט זיין די איינציגסטע רבי אין וויזניץ ב"ב? האט ער דען פארגעסן אז דער טאטע האט קלאר געשריבן אין זיין צוואה אז רק הרמ"מ יישב על כסאי, און פי כפיו, און מי שיעזור לו אמליץ בעדו בעולם הבא? געדענקט נישט הגר"י מוויזניץ וויפיל הרמ"מ האט געארבעט אז ער זאל קענען צוריקגיין קיין וויזניץ? געדענקט ער נישט וואס דער בעלזער האט געטוהן פאר אים און קעגן אים?

אבער זיי האבן איינגעזעהן וואס האט מען פון זיך קריגען? מען שלינגט אראפ און מען גייט ווייטער. טאקע דאס שטייט די וועלט און שטוינט וויאזוי מען האט געקענט אריבערמישן די בלעטל און זיך אדורך קומען. און נאר וועגן דעם האט כבוד קדושתו געקענט נעכטן נאכט טאנצן מיט דיע אלע אדמורי"ם.

ובכן אכתוב אל המלך אשר לא כדת. קודם מזל טוב פאר די געווינס פון די דין תורה ביום כ"ה אלול העעל"ט. כ"ק האט געוואונען אלע בנינים און אזוי אויך געוואונען די פאקט אז נאר כ"ק קען זיך רופן אדמו"ר מבאבוב. יעזור השם אז כ"ק זאל קענען זיין א שטאלץ פאר דעם נאמען און פאר דעם הייליגן דיינעסטי. וואס ציהט זיך ביזן צאנזער רב זי"ע ראפשיצער רב זי"ע ולמעלה בקודש. כ"ק זאל זוכה זיין ווייטער צו פארהייליגן דעם נאמען לדורות עולם.

איך האף אז כ"ק האט זיך אביסל ארום געקוקט און זיך אנגעקלעבט פון דעם הנהגה טובה וואס האט זיך אריינגעכאפט אין דער וויזניציער משפחה. בסך הכל זיי וואס ביי געוויסע האט מען אלעס צוגענומען און אעפ"כ פארשטייט ער אז אויף א שמחה גייט מען מיט די גאנצע קנאק בפנים צהלות. איז א כ"ש ביי כ"ק וואס איז געבליבן מיט אלעס, אודאי אז עס צייט זיך צו פירן בדרכי אבותיו הקדושים, און גיין בדרך השלום, וכמו שכתב כ"ק אויף די מצבה: גולת הכותרת ממדותיו היה מדתו של אהרן אוהב שלום ורודף שלום.

איך קוק ארויס אויף א שינוי לטובה אין דעם ענין. וברכתי תעלה על ראש כ"ק שבזכות השלום יזכה לכל הברכות הכתובות בתורה, וזכות אבותיו הקדושים יסייעו את כ"ק, עדי נזכה להקיצו ורננו שוכני עפר, וגר יחד זאב עם כבש, בביאת הגואל.

המשתחוה להדום רגליו

תמימותדיגע

[תמימותדיגע]

צוויי הערות והתנצלות:

1. אז באמת וואלט עס נישט באלאנגט אין צימעס. עס אן ערנסטע בריוו און די טעמע וואלט געקענט דיסקאסירט ווערן אינדרויסן פון צימעס אויף א נארמאלער אופן. די מציאות האט געוויזן ביז היינט אבער, אז יעדער באבובער אשכול איז פארצימעסט געווארן, ממילא האב איך עס געלייגט אין צימעס.

2. עס קען זיין אז דאס וואלט געקענט אריין גיין אין איינער פון די עקזעסטירנדיגע באבובער אשכולות. איך האב נישט געטאפן פונקט אין וועלעכע אשכול עס באלאנגט, ולכן האב איך אהנגעהויבן א נייער אשכול.

בתקוה להבנה

[לית דין בר נש]

שוין איך זעה די פייגערסט אז צימעס זאל צריק אויפלעבן האסט שוין נעכטן גיבעטן פאר בילדער פון די חתונה און עס איז דוירך גאנצע 36 שעה וואס קיינער האט נישט גיענטפערט האסטו אליינס אפגעשריבן א שטיקל צימעס כל הכבוד קיפ איט אפ

יעצט צו דיין בריוו איך האב נישט גיקענט צוקימען צו כ"ק יעצט אבער איך האלט די זאלסט ווארטען ביז עס גייט דוירך 20-30 יאר אזוי ווי דארט און נאכדעם אים שיקן די בריוו

והשנית קוק וואס די האסט געשריבן

האט ער דען פארגעסן אז דער טאטע האט קלאר געשריבן אין זיין צוואה איז רק הרמ"מ יישב על כסאי, און פי כפיו, און מי שיעזור לו אמליץ בעדו בעולם הבא?



תמימותדיגע[/left]

מיט א צוואה איז ער נישט געגאנגען אין דין תורה און אודאי נישט אין קאר"ט אזוי קען זיין שלום
ווען מען זיצט אין קאר"ט און עיקול'ך אויף בי"ד און אלע מעשה טעראר איז שווער עס זאל זיין שלום
שיק דיין בריוו צו דיין כ"ק וואס האסט אויסגיוועלט משום טעמים נימוקים

[כנור]

ער שרייבט דברים של טעם, ענטפערסט די דברים של תם, שאינו יודע לשאול, און פונעם רשע.

ער רעדט יעצט צו דיין רבי, נישט צו זיין רבי. ווען די וועסט קענען צוקומען זאלסטו פרעגען פאר א ענטפער, ווייל קלאר האסטו נישט איינס.

[לית דין בר נש]

Welcome back
איך האב זיך גיבענקט נאך דיר

[לית דין בר נש]

Sorry איך מיין איך האב זייער קלאהר גיענטפערט
שלום קען נאר זיין ווען ביידע ווילן שלום און אזוי איז טאקע ביי זיין דוגמא וואס ער האט גיברענגט הגם ער האט א צוואה
אבער ווען איינער וויל נאר מחלוקת און פראקטיצירט עס טאג טעגליך קען קיין שלום נישט זיין
פארדעם האב איך אים געהייסן שיקן א בריוו צו זיין רבי

[כנור]

איך האב נייעס פאר דיר. מיט וועמען די קריגסט זיך אין שרייבסט א גאנצע טאג דברי ניאוץ וויל שלום, און פליז חזר נישט איבער אלע דיינע טענות און פריקאנדישאן'ס פאר שלום, ווייל איך וויל נישט און דארף זיי נישט ענטפערען.

איין זאך איז דער געשפרעך און דאס איז שלום. האסט וואס צו צולייגען צו שלום, ביטע זיי מיין גאסט. האסט נישט, איז אדער בלייב שטיל אדער דריי א צווייטען א קאפ.

נאכאמאל, איך וועל זאגען איידעל און שיין. דער באבוב-45 רבי וויל שלום; וואס גייט דיין רבי טוהן פאר שלום?

אויב קומסטו מיט פריקאנדישענס ביזטו נישט אנדערש ווי די אראבער. רבי מענדל איז נישט געקומען מיט קיין פריקאנדישענס און געראטעוועט וואס ער האט געקענט.

דער נאמען באבוב, און צו באבוב שטייט נאך פאר שלום (אדער ווערט א פיסטע חסידות) איז אן דע ליין.

פון באבוב-45 (א נייע חסידות ביי דיר) איז בכלל נישט דא דער מדובר.

[בארא פארקער]

טוע א טובה ליין דאס איבער ביז די פארשטייסט וואס שטייט דא

@כנור, פשוט אלץ קליין קאפ וואס די האסט וויל איך דא אויפמערקזאם מאכן א נקודה, אזוי אויך וועט עס שוין דינען פאר ענקערע גאנצע כת
די האלסט אין איין דרשנען "זיך טרעפן" "גיין שמחות" בלא בלא בלא
שלום מיינט מער ווי זיך געבן די האנט ביי א חתונה, אין ס'זאל זיין א בילד אויפן קאווער אין די צייטונג.

טאמער קנאקט מען זיך אונטער די טיש אין מ'האט זיך פיינט אין מ'ריפט אין קאורט אבער מ'געבט זיך די האנט ביי א שמחה, מיינט דאס שלום?? ס'מיינט זירא, נישט אפי' א ערשטע קאזען צו שלום
אפשר ביי פאלטשע מענטשן וואס טוען אלץ פארקערט מיינט עס שלום והמבין יבין

שלום מיינט, מ'קומט זיך אדורך, מ'פאלגט א פסק דין, מ'הערט אויף רופן אין קאורט
אין א פועל יוצא פון שלום איז זיך געבן די האנט ביי שמחות

ענק שרייען ענק ווילן די פועל יוצא פון שלום, מאך שלום וועט זיין די פועל יוצא פון שלום, מ'קען נישט נאר וועלן די פועל יוצא.

[כנור]

אקוראט די ווערטער פון דער פאלעסטינער אראבער אבאס. ער וויל שלום בלא בלא בלא...

קענסט קוקען דורך אראבישע גלעזער, אדער דורך אידישע גלעזער; קלויב זיך אויס.

נאכאמאל מען רעדט דא נישט פון באבוב-45. אויב באבוב מיינט מער נישט שלום, דענמאלט זאג עס ארויס קלאר; לייג נישט דער שילד אויף אנדערע.

[בארא פארקער]

האבט גענטפערט וואס כ'האב געפרעגט אדער האסט מיך געכאפט ביים ווארט?

[איך אויך]

ר' תמימותדיגע קודם כל א ייש''כ פארען מאכן זיכער שלא תשתכח תורת באבאוו בצימעס ,עס איז נעבעך געווען אביסל לאנגווייליג אן צעהן פרישע באבעווע אשכולות וועכענטליך.

והשנית ,אפשר ''כידוע''סטע אביסל ווייניגער? ביטע פארצייל פאר די אומוויסענדע שעפלעך וואס איז געשעהן ביים ישועת משה תשמ''ו.

[petergrifin]

@איך אויך אז דו װילסט עפען א בעלז׳ע אדער װיזניץ׳ער אשכול.

[חסיד]

בחרדת קודש אדרוש בשלום תמימית'דיגע וכל שם וחניכה דאית לי' בק''ש הדין שליט"א,

נאכן נעמן רשות מכבוד קדושתו, וועל איך אהנהייבן מיט מיין ברכה, ברכת הדיוט, אז כבוד קדושתו זאל מצליח זיין מיט זיינע תגובות, לאריכת ימים ושנים.

איך בין א באבובער חסיד. איך בין אויף געוואקסן אין באבוב. איך בין אויך לכאורה קיינמאל נישט געווען היימיש מיר כבוד קדושתו. כאטש (איך האב) קהלת באבוב בוחר געווען צו גיין מיט כ"ק מרן אדמו"ר, די ברא כרעא דאבוה בנו ומ''מ(איידעם) פון די רב ז"ל, פון דעסטוועגן איז עס נישט געקומען מתוך שנאה צו כבוד קדושתו ח"ו, ואדרבה מצידי, וואלט איך נאך היינט געקענט באשטיין צו האבן א שייכות צו די אנדערע צד אלס די זוהן פון די פריערדיגע דאמברובער רב ז"ל. (איך) קהלת באבוב האב אזוי בוחר געווען צוליב די פשוט'ע סברה און רצון קדשם פון רביה''ק זצוק''ל (טעמים הנימוקים עמי).

ועל של עתה באתי:
איך האב מיט געהאלטן מריחוק מקום, די שמחת בית וויזניץ באבוב (בן רב"ץ מייזליש שליט"א), וואס איז נעכטן פארגעקומען אין עיר התורה ב"ב יצ"ו. איך האב געזען די הערליכע בלידער און קליפס ווי רבנו האט זיך משמח געווען ביחד עם ראשי אלפי ישראל, ובתוכם האדמור"ם לבית וויזניץ בעלז. עס איז געווען א הערליכע שמחת בית צדיקים, ווי צדיקים האבן מתעלס געווען באהבים. ומשמחה זו יושפע לנו שפע מרובה מן השמים.

קוקנדיג אויף די תמונות, האט עס מיר געמאכט טראכטן פון א נקודה, וואס איך האב געטראכט אז אולי וואלט געווען כדאי עס צו שרייבן אל כבוד קדושתו. ואקוה שיתקבלו מחשבותי לפניכם לרצון.

די בלידער האט מיר צוריק געברענגט צו א תקופה פון 20-30 יאהרן צוריק. די תקופה איז פאר אלעמען באקאנט, ווי די שלום איז געווען רחוק פון משפחה בית וויזניץ כרחוק שמים וארץ, ויותר. מען האט געווארפן די עלטסטן זוהן, די בעלזער איז געווען צוקריגט מיט די שווער די ישועות משה, עד כדי כך אז ער האט נישט געקענט באזוכן די שוווער בביתו. (כידוע הביקור של הבעלזער והישועות משה אצל מרן המהר"ש בקרית באבוב בחורף שנת תשמ"ו). עס איז געגאנגען מעסער שטעך פון אלע זייטן אז עס איז כמעט נישט געווען א טאג וואס וויזניץ האט נישט צוגעשטעלט קיין מקוה נייעס.

היינט זעהט מען ווי יעדער איז זיך משתתף ביי די שמחות פון די צווייטע בפנים צהלות. יעדער טאנצט מיט די צווייטע. עס איז ממש א כבוד שמים!

שטעלט זיך א שאלה: האט מען פארגעסן די טענות וואס איינער האט אויף די צווייטע? געדענטקט נישט הרמ"מ מוויזניץ אז ער האט אמאל געחלומט אז ער גייט זיין די איינציגסטע רבי אין וויזניץ ב"ב? האט ער דען פארגעסן אז דער טאטע האט קלאר געשריבן אין זיין צוואה איז רק הרמ"מ יישב על כסאי, און פי כפיו, און מי שיעזור לו אמליץ בעדו בעולם הבא? געדענקט נישט הגר"י מוויזניץ וויפיל הרמ"מ האט געארבעט אז ער זאל קענען צוריק גיין קיין וויזניץ? געדענקט ער נישט וואס דער בעלזער האט געטוהן פאר אים און קעגן אים?

אבער זיי האבן איינגעזעהן וואס האט מען פון זיך קרוגען? מען שלינגט אראפ און מען גייט ווייטער. טאקע דאס שטייט די וועלט און שטוינט וויאזוי מען האט געקענט אריבערמישן די בלעטל און זיך אדורך קומען. און נאר וועגן דעם האבן זיי געקענט נעכטן נאכט טאנצן מיט דיע אלע אדמור"ים.

ובכן אכתוב אל המלך אשר לא כדת. קודם (מזל טוב) פאר די געווינס פון צד אמת פון די דין תורה ביום כ"ה אלול העעל"ט. כ"ק מבאבוב האט געוואנען אלע בנינים און אזוי אויך געוואנער די פאקט אז נאר כ"ק קען זיך רופן אדמו"ר מבאבוב. יעזור השם אז כ"ק זאל קענען זיין א שטאלץ פאר דעם נאמען און פאר דעם הייליגן דיינעסטי. וואס ציהט זיך ביזן צאנזער רב זי"ע ראפשיצער רב זי"ע ולמעלה בקודש. כ"ק זאל זוכה זיין ווייטער צו פארהייליגן דעם נאמען לדורות עולם.

איך האף אז כ"ק האט זיך אביסל (ארום געקוקט און זיך אהנגעקלעבט) נאכגעהערט פון דעם הנהגה טובה וואס האט זיך אריינגעכאפט אין דער וויזניציער משפחה. בסך הכל זיי וואס ביי געוויסע האט מען אלעס צוגענומען און אעפ"כ פארשטייט ער אז אויף א שמחה גייט מען מיט די גאנצע קנאק בפנים צהלות. איז א כ"ש ביי כ"ק וואס איז געבליבן מיט אלעס, אודאי אז עס צייט זיך צו פירן בדרכי אבותין הקדושים, און גיין בדרך השלום, וכמו שכתב כ"ק אויף די מצבה: גולת הכותרת ממדותיו היה מידתו של אהרן אוהב שלום ורודף שלום.

איך קוק ארויס אויף א שינוי לטובה אין דעם ענין.
און גענוי ווי אין וויזניץ ווען איין צד האט זיך געטראפן מיט א צוואה קייגן אים איז ער ארויס מיט גארנישט אנדערש ווי כ''ק וועלכע איז געלאפן אין קאורט וועלכער האט געשיקט אין בית דין און פרובירט פיר! מאל במשך הדין תורה צוריק צום קאורט אז דער גוי זאל אריינרעדן, און נאכן פארלירן דעם די''ת נאך אלץ שפילן תם'עוואטע און שרייען אני שלום בעת וואס מ'פייפט זיך אויס אויפן די תורה ווי די תקיעת שופר פון תשס''ד, מ'מאכט פורים פון די שטרי ברורין וכדומה, מיט פארדרייטע לאגאס און אומגעטוישטע בנינים וכדו'. נאר לערנט זיך פון וויזניץ הרר''מ און פאקט פעק און זייטס גערשיס לאזערס, און בוי דיך אויף א ביהמ''ד לשם ולתפארת
וברכתי תעלה על ראש כ"ק שבזכות השלום תזכה לכל הברכות הכתובות בתורה, וזכות אבותיו הקדושים יסייעו את כ"ק, עדי נזכה להקיצו ורננו שוכני עפר, וגר יחד זאב עם כבש, בביאת הגואל.

חסיד

[געוואלדיג]

איך בין נישט תמימות'דיג און נישט אויפגעקלערט נישט קיין חסיד באבוב און נישט קיין מתנגד איך האב סתם ליב ווען עפעס איז געוואלדיג און פאר דעם לאז איך מיר דא הערן ווייל אפשר ווייסט נישט דער עולם אדער האט מען פארגעסן ימים מקדם ווען ר"י איז צוריק געקומען קיין וויזניץ און זיינע היינטיגע חסידים האבן געוואלט שעדיגן ר"מ און ער האט כמה פעמים בגופו ממש אפגעהאלטן זיי פון דאס טוהן און כידוע האט ר"מ נישט אויפגעגעבן מרצונו הטוב און קיינער (אפילו זיינע חסידים) האבן נישט געזאגט אז ער וויל שלום נאר טאקע ווייל ר"י האט געוואונען האט דאס איהם געגעבן די כח צו ארבעטן אויף שלום אזוי ווי עס איז היינט.
מוסר השכל: דער געוואונער איז דער וואס אין זיינע הענט ליגט די שליסל פאר שלום ולכן וויבאלד כ"ק אדמו"ר מבאבוב האט געוואונען ליגן די שליסלעך אין זיינע הענט
ובזה אסיים ואומר שלום ואין לי שום צד בזה ועדיין יכולני לשמש בורר משני הצדדים גם יחד

[לית דין בר נש]

אדרבה פארצייל וואס האט אפגעהאלטן ר"מ פון גיין אין דין תורה?
פארוואס זאל ר"י מענטשען עפעס טוהן פאר ר"מ ער איז דאך בעירום ובחוסר כל?
אויב עפעס זאל ר"מ מענטשען עפעס וועלן טוהן ווייל מען האט זיי אלעס צוגענומען

[תמימותדיגע]

אוי, איך זעה אז די ניקס דא האבן מיר נישט פארשטאנען.

דאס איז פשוט אז איינער ווי מיר וועט האלטן אז אונזער רבי איז גערעכט און דער עשוק. איך וועל אלעמאל האלטן אז וואס ער האט געטוהן איז בצדק וביושר (גראדע דער וואס ליינט מיינע תגובות וועט זעהן אז איך 'פראביר' וויפיל עס איז מעגליך צו זעהן גערעכטיגקייט). אזוי אויך איז זיכער אז יעדער באבובער חסיד וועט האלטן אז זייער רב איז גערעכט. אויף דעם האב איך נישט געשריבן ווער עס איז גערעכט אדער נישט. עס איז שוין דא אין צימעס איבער פערציג עמודים פון די זעלבע וויכוח, וואס יעדער איז (ניקס פון ביידע צדדים) ככלב השב על קיאו, און קייט איבער די זעלבע טענות אויף די אנדערע צד. ואין מה להוסיף על זה.

איך בין נישט געקומען דא שרייבן ח"ו צום באבובער רב אז ער איז גערעכט אדער נישט גערעכט. דאס איז די פאקט אז ער האט געוואנען די דין תורה. ער האט אלעס. צו עס געפעלט מיר יא אדער אויב עס געפעלט מיר נישט.

די נקודה פון מיין בריוו איז, און יעדער קען דאס איבערלייענען נאכאמאל, אז עס איז בידו צו פארגלייכן די ווייטאג וואס עס איז דא פון ביידע זייטן.

סיי רבי ישראל און סיי רבי מענדל האבן א בארג מיט טענות איינער אויףן צווייטן. אויב זיי ווילן קענען זיי פירן א מחלוקת ממצרים ועד הנה. עס וואלטן די פאשקעווילן דריקערס געקענט האבן פון דעם א שיין פרנסה. אבער זיי ביידע (יא ביידע סיי רבי ישראל און סיי רבי מענדל) האבן מחליט געווען לעטס מאוו אן. מיר גייען פראבירן זיך אויפצופירן מענטשליך און ברודערליך. די חסידים בין איך נישט זיכער אויב זיי אפראווען די רבי. פון מיינע שמועסן וואס איך האב געהאט מיט איינער פון רבי מענדלס חסידים, פארשטיי איך אז ער האט אפילו תערומות אויף די רבי פארן גיין בדרך השלום. אבער דער רבי טוהט וואס ער קען אז עס זאל נישט זיין קיין מחלוקת. ער האט אפילו מכבד געווען הערשל כץ, רבי ישראלס גבאי מיט א ברעטל ווען ער איז געווען ביי אים אויף א שמחה. און רבי ישראל טוהט אויך אזוי כל מה שבידו אז מען זאך זיך אויף פירן מענטשליך.


ווען די רב ז"ל האט געארבעט פאר שלום האט ער געמיינט ווען מען האט נישט קיין טענות זאל מען מאכן שלום? פארדעם דארף מען זיין אן איש השלום אז ווען יענער האט דיר נישט באעוולט זאלסטו מאכן שלום מיט אים? איינער וואס טוהט עס נישט איז א צודרייטער. שלום מיינט ווען יענער טוהט עוולות צו דיר (עכ"פ לדעתך) און אעפ"כ מאכט מען שלום. דאס איז געווען זיין הייליגע דרך וואס לאורו נסע ונלך.

און דאס מיין כוונה אין מיין מכתב גלוי, אז מען מעג זיך לערנען פון וויזניץ אז אפילו מען האט (שטארקע) טענות קען מען זיך אדורך קומען.

[תמימותדיגע]

ר' תמימותדיגע קודם כל א ייש''כ פארען מאכן זיכער שלא תשתכח תורת באבאוו בצימעס ,עס איז נעבעך געווען אביסל לאנגווייליג אן צעהן פרישע באבעווע אשכולות וועכענטליך.

והשנית ,אפשר ''כידוע''סטע אביסל ווייניגער? ביטע פארצייל פאר די אומוויסענדע שעפלעך וואס איז געשעהן ביים ישועת משה תשמ''ו.

איך האב געשיבן כידוע, ווייל דער באבובער רב ווייסט זיכער דער מעשה. עס איז נישט קיין מורא'דיגע מעשה, אבער אז דו פרעגסט וועל איך שרייבן.


די פריערדיגע רב ז"ל האט געמאכט א גרויסע נסיעה קיין ארץ ישראל בחורף תשמ"ו. ער האט געפראוועט דריי שבתים דארט אין בת ים. איינער פון די שבתים איז געווען שבת שירה/ט"ו בשבט. איך בין נישט געווען דארט.

יענער תקופה האט דער בעלזער נישט געהאט קיין דריסת רגל ביי זיין שווער די ישועות משה. ער האט געהאט א וויכטיגער ענין צו שמועסן מיט אים. אבער ער האט געוויסט אז די גבאים גייען אים נישט אריין לאזן צום שווער. איז ער אויף געקומען מיט א פלאן אז ער גייט זיך טרעפן מיט אים ביי די פריערדיגע רב ז"ל.

גלייך נאך די וויזניצער רבי האט גערופען אז ער קומט אין בערך א צוויי שעה, האט דער בעלזער גערופען אז ער קומט אין בערך א שעה. זיין חשבון איז געווען אז ער וועט שמועסן מיט רב ביז ער וועט זעהן אז דער ווזיניצער קומט, און אזוי וועט ער זיך טרעפן מיט די שווער אינדרויסן פון די אכסניא. (דאס גייט צוריק צו א תקופה וואס עס איז נאכנישט געווען קיין סעלפאון'ס און אויך נישט קיין ביפערס.

דער בעלזער זיצט און שמועסט מיט די רב. ער יאגט זיך נישט. ער שמועסט און שמועסט. פלוצלינג זעהט ער עס טוהט זיך א געראטשקע. ער האט פארשטאנען אז זיין שווער קומט. האט עס זיך גלייך אויף געהויבן צו גיין.

די רב האט בעגלייט די בעלזער, ווען פלוצלינג ביי די לעצטע לענדינג, קומט אנטקעגן די ישועות משה. די רב איז געווען אין א דילעמע. פון איין זייט דארף ער באגלייטן די בעלזער, און פון די צווייטע זייט דארף ער מקבל פנים זיין די וויזניצער. רופט ער זיך אהן צו חתנו ר' יעקב ישראל, עס האט זיך געמאכט פאר מיר צוויי מצוות. איין מצוה פון לוויה באגלייטן דעם בעלזער רב. די צווייטע מצוה פון הכנסת אורחים און מקבל פנים זיין די וויזניצער רבי. דער בעלזער האב איך שוין מקבל פנים געווען, מאך איך דיר פאר א שליח מיט די מצוה פון לויה און זאלסט באגלייטן דעם בעלזער רב, און אזוי וועל איך קענען מקבל פנים זיין דער וויזניצער רבי.

דער בעלזער האט אבער געוואלט שמועסן מיט די שווער. איז אריין אין די שטעטל אויף די גאס און געמאכט א שמועס מיט ר' י"י. ער האט אים אויסגעפרעגט אלעס איבער דעם שטעטל ומוסודוסיה. ער האט געווארט ביז די שווער איז ארויס. ווען דער שווער איז ארויס האט דער בעלזער באמערקט אז ער גייט צו רחוב ניסנבוים. די אנדערע זיין פון די בנין. דער בעלזער איז אריין געלאפן אין זיין קאר און שנעל ארום געפארן אז ער זאל טרעפן די שווער פאר ער גייט אריין אין די קאר. ער איז אהנגעקומען די לעצטע סעקונדע, ווי די רבי ז"ל האט באגלייט די וויזניצער.

אזוי האט זיך די שווער און איידעם געשמועסט, ווען די פריערדיגע רב ז"ל איז געשטאנער אפגערוקט א 10-15 פיס ווארטענדיג אז זיי זאלן אפפארן.

[לית דין בר נש]

סיי רבי ישראל און סיי רבי מענדל האבן א בארג מיט טענות איינער אויףן צווייטן. אויב זיי ווילן קענען זיי פירן א מחלוקת ממצרים ועד הנה. עס וואלטן די פאשקעווילן דריקערס געקענט האבן פון דעם א שיין פרנסה. אבער זיי ביידע (יא ביידע סיי רבי ישראל און סיי רבי מענדל) האבן מחליט געווען לעטס מאוו אן. מיר גייען פראבירן זיך אויפצופירן מענטשליך און ברודערליך .

זייער גוט געזאגט דא יעצט ליין איבער מיין שורה וואס איך האב געשריבן צו כיור

Sorry איך מיין איך האב זייער קלאהר גיענטפערט
שלום קען נאר זיין ווען ביידע ווילן שלום און אזוי איז טאקע ביי זיין דוגמא וואס ער האט גיברענגט
אבער ווען איינער וויל נאר מחלוקת און פראקטיצירט עס טאג טעגליך (עיקול קור"ט פייפן אויפן פסק) קען קיין שלום נישט זיין
פארדעם האב איך אים געהייסן שיקן א בריוו צו זיין רבי

[תמימותדיגע]

@לית דין בר נש, איר האט א נקודה.

אבער איך האב א פשוטער שאלה: וואס האט דער באבובער רב געטוהן למען השלום?????????????

ענטפער מיר נישט אז מיין רבי איז שולדיג. ווייל דער נקודה איז נישט ווער איז שולדיג. די נקודה איז ווער עס טוהט און וואס ער טוהט למען השלום. אפילו אויב דו האלטסט אז די רבי טוהט גארנישט למען השלום, און אפילו אויב דו ווילסט זאגן אז ער איז גאר דער בעל מחלוקת לשיטתך, איז די שאלה נאך אלץ גילטיג. וואס האט ער געטוהן צו גיין בדרכי אבות און טוהן למען השלום?


איך פארשטיי זיין ווייטאג, אבער דער סך הכל וואס איך וויל מיט דעם מכתב גלוי איז אויף צו וועקן אז מען קען זיין פארווייטאגט און נאך אלץ זיך א דורך קומען.

קען זיין אויב דו האטסט אז עס בידי פון מיין רבי אז עס זאל זיין שלום, און דו ווילטסט אז עס זאל זיין שלום, וואלט געווען א געדאנק אז דו זאלטסט אפשרייבן א בריוו צום רבי'ן.

[לית דין בר נש]

וואס הייסט וואס ער האט געטוהן פאר שלום?
איך וועל דיר בעסער פרעגן וואס האט ער געטוהן פאר מחלוקת?
ער טוט אלעס אויפן וועלט פאר שלום און ער לעבט זיך ב"ה בשלום מיט טויזענטע אידן
עס איז דא א איד וואס פירט מיט אים עפעס א מלחמה איז וואס ווילסטו ער זאל טוהן יעצט פאר שלום?
ער זאל יענעם אנרופן און שרייען אויף אים הער אויף צוטוהן דיינע מעשה רשע ווייל איך וויל לעבן בשלום?
ער וואלט עס געטוהן אבער ער ווייסט אז ער האט נישט קיין שום השפעה אויף יענעם.

[כנור]

"ער וואלט עס געטוהן..."

געטוהן וואס?

שרייב קלאר וואס יא און וואס נישט.