משיח וואו איז דער מקור

דורך **chaims** » מאנטאג יולי 20, 2015 5:51 pm

פאראכטען

I can't believe I just said that...

דורך **כעלעם'ר מגיד** » מאנטאג יולי 20, 2015 5:54 pm

די ברכה פון את צמח דוד איז א תפילה אויף מלכות בית דוד שישוב למקומה נאכדעם וואס זי איז אנידערגעפאלן מיטן גלות צדקיהו. די נבואה פון זכריה הנביא רעדט אויך פון דאס זעלבע ווי רש"י איז מפרש.

ויצא חוטר מגזע ישי ווידער איז א קלארע נבואה אויף חזקיהו המלך כמבואר בנפרשים.

דאס איז כמובן נאר על פי פשוטו של מקרא. חז"ל, נעמענדיג אין באטראכט אז די נבואות זענען נישט פארפולקאמט געווארן, האבן פארטיישט די פסוקים אויף א מלך המשיח מזרע דוד וואס וועט נתגלה ווערן באחרית הימים.

דורך **moshav zekeinim** » מאנטאג יולי 20, 2015 6:44 pm

דער מאטיוו פון א אחרית הימים איז געווען ברייט פארשפרייט אין פארשידענע פארווארפענע רעליגיעס איבער די וועלט נאך זינט די אור אלטע צייטן, דעריבער (אפילו לויט די וואס פארלאזן זיך נישט בלויז אויף די פרשניות חז"ל) איז נישט קיין וואונדער א די פארנעפלטע פאיעטישע נביאות אין תנ"ך איבער א וואונדערליכער צוקומפט זאל טאקע רעדן פון אונזער אחרית הימים מאדעל (אפוקאליפסיקא-אן אריבערגאנג צו א נייערע בעסערע וועלט). ספעציעל אז דער מאטיוו איז געווען שטארק פארשפרייט ביי די רעליגיעס פון דעם ווייטן מזרח פון וואס די פערסישער זארואסטרו איז א טייל פון זיי. וואס כידוע האט די פערסישע שליטה איבער די מיטל מזרח געלאזט א שטארקער רושם אין אידישקייט. און ווי פארשטענדליך האבן די פערסישע מאטיוון געעפענט א פרישער מהלך אין מעטאפיזישע פרשניות התנ"ך (גלייך ווי דער גריכישער פילאזאפיע האט געעםנט א פרישער מהלך און קוק ווינקל אין פרשניות התורה נוסח רמב"ם, און די דארוויש-סופי שטערמונג א פרישער מהלך בפרשניות התורה והמצוות אין די תקופת האחרונים נוסח זהר הקדוש).

איך מיין אז עס איז נישט אפגעפרעגט צו זאגן אז אפילו אמת'ע הבנה אין אמונה קען גענומען ווערן בהשראת גויי הארץ. און אפילו דער פסוק זאגט אז מען זאל זיך פון די עובדי עבודה זרה לערנען וויאזוי צו דינען דעם אויבירשטן מיט געטריישאפט. און נאך פארשידענע דגמאות זעען מיר אין ספרי חז"ל ראשונים ואחרונים ווי מען האט ארויס גענומען באופן ישיר, רעיונות והבנה בעבודת השם פון די עובדי אלילים ופילאסאפים.

דורך **געוואלדיג** » מאנטאג יולי 20, 2015 6:52 pm

דו מיינסט צו זאגן אז די גאנצע אמונה אין משיח קומט צו אידן פון פרעמדע רעליגיעס?

דורך **ירא שמים** » מאנטאג יולי 20, 2015 7:00 pm

נו געוואלדיג דא האסטו די ערשטע געלעגנהייט צו נוצן דיין נייע מעקער…

דורך **שמערל** » מאנטאג יולי 20, 2015 7:21 pm

געוואלדיג האט געשריבן:דו מיינסט צו זאגן אז די גאנצע אמונה אין משיח קומט צו אידן פון פרעמדע רעליגיעס?

קענסט עס אזוי אויסטייטשן. אדער קען מען זאגן אז אלע פעלקער האבן געהאט מקובל פון זייער זיידע אדם אז די וועלט וועט באחרית הימים באקומען א משיח.

Sent from my SM-G900T using Tapatalk

דורך **berlbalaguleh** » מאנטאג יולי 20, 2015 7:37 pm

געוואלדיג האט געשריבן:דו מיינסט צו זאגן אז די גאנצע אמונה אין משיח קומט צו אידן פון פרעמדע רעליגיעס?

די שאלה איז. אויף וואס האט דאס דער רמב"ם באזירט, ווען ר'האט דאס געמאכט פאר איינס פון די י"ג עיקרי האמונה...?

דורך **moshav zekeinim** » מאנטאג יולי 20, 2015 7:42 pm

פונקט אזוי ווי די גריכישע פילאזאפן האבן אונז געעפנט די אויגן אז עס איז נישט יתכן אז דער באשעפער איז משגי הגוף, אזוי האבן אונז די פרסיים געעפנט די אויגן אז עס איז מוכרח אז עס איז דא א חיים לאחר החיים און א גאולה שלימה וכללית לעם הנבחר.

דורך **ירא שמים** » מאנטאג יולי 20, 2015 7:47 pm

Wow wow wow !!!
גרעסערע חידושים פון מינוט צו מיניוט!
משיח פון די פרסיים אינו משיגי גוף פון די יוונים ,
נו וואס נאך ? שבת פון די נוצרים ? נבואה פון בלעם ?
יציאת מצרים פון ? תורה פון ? תורה שבעל פה ? קבלה ?
לאמיר הערן דעק אויף די מקורות פון אידישקייט .

דורך **chaims** » מאנטאג יולי 20, 2015 7:53 pm

ירא שמים האט געשריבן:Wow wow wow !!!
גרעסערע חידושים פון מינוט צו מיניוט!
משיח פון די פרסיים אינו משיגי גוף פון די יוונים ,
נו וואס נאך ? שבת פון די נוצרים ? נבואה פון בלעם ?
תורה פון ? תורה שבעל פה ? קבלה ?
לאמיר הערן דעק אויף די מקורות פון אידישקייט .

פטור געווארען פונעם קריסט איז אנגעקומען דער יווני....

I can't believe I just said that...

דורך **געוואלדיג** » מאנטאג יולי 20, 2015 7:58 pm

ירא שמים האט געשריבן:נו געוואלדיג דא האסטו די ערשטע געלעגנהייט צו נוצן דיין נייע מעקער…

איך וועל ניצן די געלעגנהייט צו מגלה דעת זיין אז מין רצון איז עכט אז יעדע הערה זאל דער כותב אליין מעקן, און פארדעם האב איך געוואלט קלאר מאכן וואס ער האט געמיינט מיט זיין תגובה, ער האט רעדאגירט און זיך בעסער מסביר געווען.

דורך **שמערל** » מאנטאג יולי 20, 2015 7:59 pm

ירא שמים טשיל אף, אינו משיגי הגוף איז לויט פילע (וכלשון הראב"ד גדולים וטובים הימנו), נישט מעיקרי האמונה.
דער רמב"ם זאגט קלאר אז ער נעמט עס פון די ראיות היוונים הפילוסופיים.

Sent from my SM-G900T using Tapatalk

דורך **moshav zekeinim** » מאנטאג יולי 20, 2015 8:01 pm

קרבנות פון די כנענים, תפילין פון די פרעונים, שבת און דער רעיון השבוע פון די בבלישע אכדים. די תורה האט טראנסארמירט די מנהגי זמנם צו דינען דעם אויבירשטן דערמיט, אנשטאט די עבודה זרות, גלייך ווי מיר זינגען פוילישע סטיל וואלסן צו זינגען קל אדון אנשטאט שטילע נאכט, און די בארוק און רענעסאנס סטיל דראמאס צו אפשפילן א פורים שפיל ווי מכירת יוסף און אנדערע מעשיות מיט א אידישער מוסר השכל בשלחנם של אדמורי"ם וצדיקים.

דורך **שמערל** » מאנטאג יולי 20, 2015 8:03 pm

ואלה המשפטים פון די...

Sent from my SM-G900T using Tapatalk

דורך **ירא שמים** » מאנטאג יולי 20, 2015 8:03 pm

שמערל האט געשריבן:ירא שמים טשיל אף, אינו משיגי הגוף איז לויט פילע (וכלשון הראב"ד גדולים וטובים הימנו), נישט מעיקרי האמונה.
דער רמב"ם זאגט קלאר אז ער נעמט עס פון די ראיות היוונים הפילוסופיים.

Sent from my SM-G900T using Tapatalk

נישט מעיקרי האמונה קען זיין , אבער קיינער דינגט זיך נישט מיט דעם אז אזוי איז עס לאמיתתו,
די רמב״ם : מקור ביטע?

דורך **שמערל** » מאנטאג יולי 20, 2015 8:04 pm

זעצט אייך לערנען מורה נבוכים.

Sent from my SM-G900T using Tapatalk

דורך **ירא שמים** » מאנטאג יולי 20, 2015 8:08 pm

יכול להיות אז ער ברענגט א ראי׳ מחכמתם אזויוואו א ראי׳ ברענגען אויף מציאת הבורא ,
נישט אויפן עצם מושג,
קען זיין שמערל?

דורך **שמערל** » מאנטאג יולי 20, 2015 8:12 pm

וואס הייסט, פון ווי טראכסטו קען מען וויסן די עצם מושג.

Sent from my SM-G900T using Tapatalk

דורך **ירא שמים** » מאנטאג יולי 20, 2015 8:20 pm

נאר פון די גריכען קען מען דאס וויסען ?
ביזן רמב״ם האט פון דעם נישט געוויסט ?
און די חכמי צרפת וואס האבן נישט געלערנט פילעזאפיע פון וואו האבן זיי געוויסט ?

דורך **געוואלדיג** » מאנטאג יולי 20, 2015 8:22 pm

א נידריג פאלק די אידן, יעדע געדאנק פלאיגירט פון אנדערע און נישט געגעבן קרעדיט, נידער מיט די אידן, מי כעמך הגוים.

דורך **ירא שמים** » מאנטאג יולי 20, 2015 8:38 pm

moshav zekeinim האט געשריבן:קרבנות פון די כנענים, תפילין פון די פרעונים, שבת און דער רעיון השבוע פון די בבלישע אכדים. די תורה האט טראנסארמירט די מנהגי זמנם צו דינען דעם אויבירשטן דערמיט, אנשטאט די עבודה זרות, גלייך ווי מיר זינגען פוילישע סטיל וואלסן צו זינגען קל אדון אנשטאט שטילע נאכט, און די בארוק און רענעסאנס סטיל דראמאס צו אפשפילן א פורים שפיל ווי מכירת יוסף און אנדערע מעשיות מיט א אידישער מוסר השכל בשלחנם של אדמורי"ם וצדיקים.

סתם אזוי פון וואו בוסטו דאס אלס געוואר געווארן ? האסט געכאפט א שמועס מיטן באשעפער ?

דורך **קאך_לעפל** » מאנטאג יולי 20, 2015 8:39 pm

דורך **שמערל** » מאנטאג יולי 20, 2015 8:42 pm

ירא שמים האט געשריבן:נאר פון די גריכען קען מען דאס וויסען ?
ביזן רמב״ם האט פון דעם נישט געוויסט ?
און די חכמי צרפת וואס האבן נישט געלערנט פילעזאפיע פון וואו האבן זיי געוויסט ?

מיר וועלן אייך לאזן אליין פארענטפערן אייערע שאלות, ווען איר ווייסט די תירוצים קומט צוריק.
דער רמב"ם איז דער ערשטער וואס איז מחדש אז מעיקרי הדת היהדות איז צו גלייבן אז הבורא אינו גוף.

דורך **פריעד באטשי** » מאנטאג יולי 20, 2015 8:45 pm

געוואלדיג האט געשריבן:א נידריג פאלק די אידן, יעדע געדאנק פלאיגירט פון אנדערע און נישט געגעבן קרעדיט, נידער מיט די אידן, מי כעמך הגוים.

וועגן דעם טאקע איז דא אפאר מאדנע באטשי׳ס וואס זענען ממש קראנק און צורידערט וואס האלטן עכט מאדנע אומפארשטענדליכע זאכן, ווי למשל אז אלע אנדערע פעלקער מאכן נאך די יודן, און אויך האלטן זיי אז:

מי כעמך ישראל!!
נישטא נאך אזא פאלק ווי די יודישע פאלק!!

און עס איז פשוט נישטא נאך אזא ארגענעלע פאלק ווי די יודן, און אלעס וואס די יודן האבן מקבל געווען פון זייערע עלטערן האט דער באשעפער אליינס געגעבן פאר די יודן (און נאר פאר די יודן) אויף די בארג סיני, און אלעס אנדערש איז פאלטש דורך און אדורך, אדער נאכגעמאכט פון די יודן.

דורך **chaims** » מאנטאג יולי 20, 2015 9:14 pm

ירא שמים האט געשריבן:
moshav zekeinim האט געשריבן:קרבנות פון די כנענים, תפילין פון די פרעונים, שבת און דער רעיון השבוע פון די בבלישע אכדים. די תורה האט טראנסארמירט די מנהגי זמנם צו דינען דעם אויבירשטן דערמיט, אנשטאט די עבודה זרות, גלייך ווי מיר זינגען פוילישע סטיל וואלסן צו זינגען קל אדון אנשטאט שטילע נאכט, און די בארוק און רענעסאנס סטיל דראמאס צו אפשפילן א פורים שפיל ווי מכירת יוסף און אנדערע מעשיות מיט א אידישער מוסר השכל בשלחנם של אדמורי"ם וצדיקים.

סתם אזוי פון וואו בוסטו דאס אלס געוואר געווארן ? האסט געכאפט א שמועס מיטן באשעפער ?

קרבנות פוי די כנענים איז א בפירושער רמבם דער רמבן דינגט זיך שטארק אויף דעם אנהויב ויקרא

I can't believe I just said that...