נארישקייטן און קוריאזן אינעם אינטערנעט מערכה

[יואליש]

לעצטענס בין איך געווען אינוואלווד אין א שידוך וואס איז כמעט צוזאגעמפאלן נאכדעם וואס די צוויי מחותנים האבן זיך נישט געקענט פארגלייכן צווישן ענדרויד און עפעל. איין מחותן האט זיך געשוואוירן ביי זיין מעק, אייפאן און אייפעד. די אנדערע מחותן'סטע האט זיך געאייסערט איבער איר גאלאקסי און נעקסוס. אלעס האט זיך בארואיגט ווען ס'אז באשלאסן געווארן אז די ערשטע צוויי יאר וועט די פארפאלק האבן ער אן אייפאון און זי אן ענדרוד. נאכדעם וועט דאס פארפאלק אליין באשליסן.

מזל טוב מזל טוב!

[פרייוויליג]

איך וויל צולייגן צו שמעקעדיג א ענליכע עפיזאד. די מחותנים זענען געווען זייער צופרידן פונעם שידוך פון צד השני, אלעס האט געקלאפט, זיי זענען געווען זייער צופרידן פון די אינפארמאציע, אבער בשעת'ן זיך צוזאמענטרעפן האט די מחותן - א בעלבאטישע אינגערמאן, לעבט מיטן אייבירשטען, און האט א סמארטפאון צו פאר ביזנעס אדער אנדערע צוועקן, און מיט א פילטער - באמערקט ווי דער מחותן איז א אפגעפליקטער איד, ער שטינקט ווי די אשכנזים אין די 9 טעג, און גייט מיט א פינקע רעקל ביז א אינטש פון דער ערד, און פארמאגט גאר א ביפער און ניטאמאל א טעלעפאן, ווייל ביי אים איז אפילו א פליפ פאון נישט גוט. תיכף ומיד האבן זיך די שיעור מחותנים געגעבן די הענט און פארלאזט דעם שטוב.

-------
זעלבסטפארשטענדליך אז די אלע באבע מעשות זענען רשעות'דיג, עקל'דיג, פארדארבן, און גרויליג. נישט ווייל איך וואלט נישט געקענט באשטיין אז אזא מעשה זאל האבן פאסירט, אדרבה איך וואלט נישט געוואלט האבן א קורצזיכטיגער מחותן. נאר די חוצפה און דרייסט פון אפאר דזשעקעסעס, און צורידערטע יושבי שעמום, גייען זיכן ארויפצולייגן א.ג. שרעק אויף די עולם כאילו אז מחותנים ווילן זיך נישט משדך זיין אא"וו. איז נישט נאר ביליג און געמיין נאר אויך ליצנות געמאכט פון די מענטשליכער געפיל.

[זעמיל מילכיגער]

מיין רבי אין חדר פלעגט כסדר דערציילען א מעשה, ווי א שידוך איז בטל געווארן די לעצטע מינוט הערענדיג אז די צווייטע צד עסט קעטשאפ ביים סדר.. אינמיטען שולחן עורך...

ראו מה בין אלו לאלו ווי די דורות האבן זיך געריקט.

[אבי גערעדט]

לאכטס און מאכטס חוזק, למעשה ביי אונזער ציבור ווי האבן א אייגענע מיינונג איז בבל יראה, און אלץ ווענדט זיך וויאזוי די פארפירערס דרייען אן, איז זייער מעגליך אס דאס וועט ווערן די נארמע

[יואליש]

פרייוויליג, נישט געפערליך די געבאקענע מעשיות. לויטן ווארשעווער איז די זשאוק אויפן בעקער. אפגע'נער'ט האלב ווארשע אז ערגעץ האט א מחותן זיך משוגע געמאכט אעבעראיבער סעלפאנס. הי הי, די זשאוק איז אויפן שרייבער.

[ליטוואק פון בודאפעסט]

יואליש - אליינ'ס באשליסען?! ביסט אין גאנצען משוגע?! דאס איז נאך טויזענט מאל ארגער ווי אינטערנעט, טוויטער, קלוגע פאון'ס, וכל שום וחניכא דאית להו.
פוי פוי פוי. ברענגסט ציונות אריין ביי אונז!