אדיקטעט צום טעלעפאן און די ברילן?

ארטיקלען, אנאליזן, מיינונגען, געדאנקען, און שמועסן
רעאגיר
באניצער אוואטאר
העניך
שריפטשטעלער
שריפטשטעלער
הודעות: 941
זיך רעגיסטרירט: מאנטאג יאנואר 25, 2016 5:54 pm
האט שוין געלייקט: 1242 מאל
האט שוין באקומען לייקס: 4534 מאל

אדיקטעט צום טעלעפאן און די ברילן?

שליחה דורך העניך »

"ביסט אדיקטעד צו דיין טעלעפאן!" וויפיל מאל האט איר שוין געהערט דעם געזאנג? "א גאנצן טאג ביסטו מיט'ן קאפ אראפגעבויגן, קוקסט און ווישסט – גענוג געווען! נעם דיך אין די הענט אריין!"

אוודאי איז פאראן אזא מושג פון זיין אדיקטעד צום טעלעפאן, אבער כ'וויל בארירן א נקודה למחשבה. ווען מ'רעדט פונעם "טעלעפאן", רעד מען ווי ס'וואלט געווען א כלי וואס טוט א געוויסע פונקציע, און מ'איז אדיקטעט דערצו. דער אמת איז אבער אז מ'איז באשעפטיגט מיט'ן טעלעפאן אזויפיל שעות פון טאג, נישט ווייל מ'איז אדיקטעט צום טעלעפאן, נאר ווייל דער טעלעפאן נעמט היינט אריין אזויפיל זאכן וואס מ'פלעגט אמאל אמאל טון אן דעם טעלעפאן, נאר היינט געפונט זיך אלעס אין איין כלי.

כ'בין אדיקטעט צום טעלעפאן? ניין, כ'בין אדיקטעט צו א שלל פון טאג-טעגליכע פונקציעס וואס צוליב דעם היינטיגן טעכנאלאגישן פארשריט געפונען זיך די אלע פונקציעס אין איין קליינעם מאשינקע. מיט'ן טעלעפאן טו איך שמועסן, טשעטן, שיקן בריוו, כאפן בילדער, קאלקולירן, האלטן מיין סדר היום, סארטירט מיינע דאקומענטן, לייענען ביכער, זיך דערהיינטיגן מיט די נייעס, שרייבן, קויפן, פארקויפן, שרייבן נאטיצן, הערן מוזיק, קוקן ווידעאס, נעוויגירן, רעקארדירן, שפילן, און נאך. איר זעט, דאס אלעס טו איך אויפ'ן טעלעפאן דורכאויס דעם טאג, טא, ווי איז שייך צו זאגן אז כ'בין אדיקטעט צום "טעלעפאן" ווי עס וואלט געווען איין צוציענדער פונקציע? אן דעם טעלעפאן וואלט איך אויך געווען פארנומען פילע שעות פון טאג צו טון די אלע פונקציעס.

על דרך משל, ווי יענער וואס טענה'ט אז איר זענט אדיקטעט צו אייערע ברילן, ווייל דורכאויס דעם גאנצן טאג הערן איר נישט אויף צו קוקן אויף אייערע ברילן. איר וועט אבער יענעם אפלאכן און מסביר זיין אז מיט די ברילן קוקט איר אויף טויזנטער אנדערע זאכן...
האט איר הנאה געהאט פון מיין ארטיקל? גיט א 'לייק' און שיקט א לינק צו אייערע פריינט. אבער בשום אופן נישט קאפירן דעם גאנצן ארטיקל און שיקן ווייטער - אדם אוסר את שלו.

דער אשכול פארמאגט 19 תגובות

איר דארפט זיין א רעגיסטרירטער מעמבער און איינגעשריבן צו זען די תגובות.


רעגיסטרירן איינשרייבן
 
רעאגיר