אידישער ווינקל רעדט זיך אפ אויף אייוועלט

הערות און אבזערוואציעס איבער דעם סאשעל מידיא וועבסייט
רעאגיר
באניצער אוואטאר
בן אדם
חבר ותיק
חבר ותיק
הודעות: 2959
זיך רעגיסטרירט: מיטוואך אפריל 01, 2015 12:02 am
געפינט זיך: At the gym
האט שוין געלייקט: 2852 מאל
האט שוין באקומען לייקס: 1373 מאל

אידישער ווינקל רעדט זיך אפ אויף אייוועלט

שליחה דורך בן אדם »

גאסט-עדיטאריעל:
איי-וועלט האט זיך שוין ווייטער צעפירט די הענט

פון: יוסף הירש. עקסקלוסיוו צו אידישער ווינקל.

שוין ווידעראמאל האט איי-וועלט זיך צעלאזט די הענט און זיך גענומען מיט א געמיינע אטאקע אויף א לעגיטימע ביזנעס, א פאפולערע אויסגאבע, פאר זעלבסטזיכטיגע עקלהאפטיגע סיבות.

כ'וועל זאגן דעם אמת, כ'בין נישט קיין לייענער פון מאמענט. כ'בין נישט קיין שטיצער פון מאמענט אויף קיין שום אופן וואס זאל נאר זיין. כ'ווייס נישט וואס זיי האבן געשריבן די וואך אדער וועלכע אנדערע וואך. איין זאך וואס איך ווייס איז אז זייערע פראיעקטן האבן שוין אויפגעטאן גרויסע זאכן, אויפוועקנדיג דעם ציבור צו געוויסע אישוס וועלכע האבן געדארפט באקומען אויפמערקזאמקייט און פיינעלי אדרעסירט געווארן, פירנדיג צו גרויסע שינויים אויף אן אינדיווידועלן און קאלעקטיוון אופן.

יעצט האבן זיי געמאכט א פראיעקט פון יתומים, וואס דארף עפענען די אויגן פון מענטשן איבער די יוניק פראבלעמען פון יתומים, און 'דאס' האט ארויסגערופן דעם צארן פון איי-וועלט. איך ווייס אפילו נישט וואס דארט שטייט און כ'קען נישט קוואוטן דעם ארטיקל, נאר איין זאך, אין די לעצטע טעג איז מיר אויסגעקומען צו שמועסן מיט אפאר יתומים ביי שמחות וכדו', און אלע פון זיי האבן גערעדט מיט גרויס התפּעלות איבער'ן קאווער סטארי פונעם מאמענט די וואך.

בנוסף לזה: די מענטשן וועלכע האבן צוזאמגעשטעלט דעם פראיעקט זענען אדער אליין געווען יונגע יתומים און געמוזט דורכגיין דעם שווערן קאשמאר, אדער זענען זיי געווען אזעלכע וואס האבן געהאנדלט מיט יתומים, עכ"פ אזוי קוקט אויס לויטן קאווער וואס פארט ארום אויף די וואצאספערע און טעלעגראמעספערע. איז ווער זענען די עליט חברה פון איי-וועלט וועמען ס'האט קיינמאל גארנישט געפעלט אין לעבן, וועלכע האבן קיינמאל נישט געוואוסט פון קיין שוועריגקייטן, צו רעדן אין נאמען פון די יתומים?

און יעצט א קורצן בליק איבער איי-וועלט: איי-וועלט איז א מקום פון בעלי דמיונות, מענטשן וועלכע רעדן זיך איין אז זיי פירן די וועלט. איך בין דארט געווען א לאנגע צייט צוריק און זיך פארעקלט פון זייער קטנות. יעדע שטיק צייט געמאכט עלעקשאנס און ערוויילט באאמטע פאר יעדן פאזישאן, באגלייטעט מיט היציגע קאמפיינס, מיט קאמפיין ראליס, נצחונות און מפלות, באשולדיגונגען פון פראוד און אנגעצויגענע שטימונגען צווישן דעם געווינער און פארלירער.

דער סייט ווערט געפירט גאר דיקטאטוריש, אפאר ילדים מאכן אפ וואס ס'מעג יא ארויפגיין און וואס נישט. קענסט שרייבן עפעס וואס איז העכסט לעגיטים און זיי וועלן עס אויסמעקן, פשוט ווייל איך קען און דו קענסט נישט.

(בדרך אגב, די גרינדערס און אנפירערס פון איי-וועלט זענען עתיד ליתן את הדין פאר'ן פירן צו די גרינדונג פון קאווע שטיבל, וואו מען טאלערירט זאכן וואס א פרומער איד טאר נישט לייענען. די גרינדערס און אנפירערס פון קאווע שטיבל זענען באמת פיינע אידן וואס מיינען נאר גוטס. דער פראבלעם איז אז זיי זענען אפגעבריטע חברה, מענטשן וואס האבן זיך צוזאמגעליטן פון די טיפשות און דיקטאטורשאפט פון איי-וועלט און באשלאסן צו גיין ביז'ן אנדערן עקסטרעם פון טאלעראנץ.)

די קראנקהאפטע באנעמונג פון איי-וועלט מוז פארדאמט ווערן און אראפגעריסן ווערן. די גרופע רשעים דארפן דעמאסקירט ווערן. זאלן זיי זיך נישט באהאלטן אונטער ניקס און דאס ניצן צו וויי טאן אנדערע אידן און שעדיגן אנדערע אידנ'ס פרנסות, ווייל אויב יא וועט מען זיי דארפן געבן צו שפורן דעם טעם פון זייער אייגענעם מעדיצין.

נ"ב, דער שרייבער פון די שורות וועט אפן מודה זיין אז ער האט א בייעס. מיין בייעס איז נישט לטובת מאמענט וואס איך לייען נישט. מיין בייעס איז קעגן די קראנקהאפטע רשעות און טיפשות פון איי-וועלט. ע"כ

דער אשכול פארמאגט 21 תגובות

איר דארפט זיין א רעגיסטרירטער מעמבער און איינגעשריבן צו זען די תגובות.


רעגיסטרירן איינשרייבן
 
רעאגיר