ווי איך האב שוין פריער דערמאנט בין איך נאך ניי דא, און איך ווייס נישט זיכער וואס פונקטליך ס׳איז יא אדער נישט אקעי דא אויסצושמועסן. איך האב היינט געזעהן אין א פייסבוק גרופע וואס איז געשטעלט פאר פרומע און אוי טי די, זיך אדורכצורעדן אין ענינים העומדים על הפרק (בעצם דאכט זיך איז יענע גרופע געגרינדעט געווארן נאכדעם וואס אסך שמוץ איז ארויסגעקומען אויף חרדישע אידן אין די מידיא, אנהייבנדיג זיך מיט די וועבערמאן פרשה, און שפעטער מיט די טראגישע suicide פון Faigy Mayer וואס אירע פריינט האבן דערציילט אין די מידיא וויאזוי איר מאמע האט אויסגענוצט איר ביטערע מצב צו מאכן גרויסע געלטער אויף איר חשבון, און פארשטייטצעך די חילול ה׳ איז גרויס... סוי לויט ווי איך פארשטיי דארף די גרופע דינען אלס א פלאץ ווי מ׳קען אויסשמועסן אפן די פראבלעמען וואס גייט פאָר, און עס פרובירן באהאנדלען נאך איידער עס קומט אָן אין די מידיא
געווענטליך האב איך נישט קיין סאך געדולד צו גרופעס, בפרט א גרופע וואס איך פיל נישט אז איך קען עפעס צוגעבן. אבער היינט האט זיך אנגעפאנגען א קאנווערסעישן פון שפרה לאווען און די זאכן וואס ווערן דארט ארומגערעדט קען אפשר זיין א וויכטיגע שמעוס וואס זאל זיך לוינען פאר אונז צו האבן דא למען ביצור מחננו
