א פרישע ביכל קלאב

[תרמב]

א גוטן חברה!

ס'קומט פסח און מיט דעם קומט א פארפלייצונג פון מאגאזינען און גליונות, אלע קאלירן און גרויסע פנימער אויף די דעקלעך, גראבע אנגעפאקטע בעגס מיט ביילאגעס, איך פלעג ערליך איינקויפן אסאך מאגאזינען ביז איך האב זיך אויסגעלערנט אז ס'איז נישט מוראדיג אינטערסאנט, זייער אסאך ארטיקלען זענען רעסייקלט, אפילו ס'איז געשריבן פון פריש איז עס די זעלבע נושא וואס דער צווייטער מאגאזין האט שוין געשריבן פאראיאר, על כל פנים איך האב אויפגעהערט צו קויפן די זאכן.

איך דארף דאך עפעס לייענען שבת און יום טוב ווען קאווע שטיבל און אייוועלט איז נישט אוועילעבל, האב איך זיך גענומען קויפן ביכער, דא אויף קאווע שטיבל איז דא א פיינע אשכול פון ביכער, גאר אסאך ביכער פון דארט האב איך געקויפט און געלייענט, יעצט קומט פסח וויל איך איינקויפן נאך ביכער, האב איך געקלערט אז איך וועל בעטן דעם עולם דא זאל העלפן מיט רעקאמאנדאציעס.

איך עפן א נייע אשכול אפילו ס'איז שוין דא אזא אשכול, ווייל איך ווייס אז אזוי וועט עס זיין מער אפעקטיוו, ביי די מאווי'ס האט מען געעפענט א פרישע מאווי קלאב אשכול האט עס געהאלפן אפילו ס'איז שוין געווען אזא אשכול.

בעט איך דעם עולם זיך אנצורופן ווארים, מיט אלע סארטן רעקאמאנדעישאנס, אלע נושאים, אידישקייט, ראמאנס, פיקציע, אידיש, ענגליש און העברעיש. און איך וועל גאר שטארק אפרישיעטן.

יישר כוח למפרע!