וואס איז געווען דעתו פון הרבי מסאטמאר ז''ל

[עמרם]

מ'האט שוין ארום גערעדט אהן א שיעור אין די יעצטיגע טעג איבער די סאטמארע שיטה אויף די נושא הציונית וכו'
איך בין נישט געקומען סתם עפענען נאך א אשכול אויף די נושא און וועגען דעם עפען איך עס אין די פארום פשוט ווייל איך וויל וויסען משום מעשה שהיה

דע וואך שבת האט א איד אין איינע פון די פילע סאטמארע בתי מדרשים געהאט א שאלה איך בין דארט געווען און געהערט נבהל ונשתומם ער איז געווען צימושט

וואס גייט פאר ? זיין בחור'ל האט אים געפרעגט אויב ס'דארף ווייטין ווען מ'הערט אז א צה''ל זעלנער איז געשטארבן דהיינו אויב דאס איז א צרה אדער חלילה די פארקערטע

פון אויבען אויף האט ער געהאט אפאר מעשיות פון סאטמאר רב ווי ער האט געהאלפען אפילו אזעלכע וואס האבן געדינט אין די ציוניסטישע מיליטער, פון די אנדערע זייט האט ער געפרעגט א ת''ח א חשובע איד און יענער האט אים געזאגט קלאר אז ווער עס קען די ויואל משה ווייסט אז ח''ו ס'איז בכלל נישט קיין טרויער און ס'טאר נישט ווייטין , זיי האבען נישט קײן דין ווי אידען וואס מ'דארף ראטעווען אדרבה פונקט פארקערט
איי די מעשיות, זאגט ער אז מ'קען נישט גלייבן קיין מעשיות וואס שטימען נישט מיט דעס וואס שטייט

די איד א אמת'ע סאטמארע חסיד , איז געווארן אביסעל צעמישט מילא איינער וואס איז מחלל שבת האלט נישט גארנישט איז די דין מורידין ולא מעלין פארשטייט ער , אבער אויב די גאנצע עון איז דינען אין צה''ל וואס טאקע די רבי שרייבט יהרג ואל יעבור, איז שוין אויך אזוי , אויב אזוי יעדער וואס גייט צי בחירות איז אפשר די דין אזוי אבער למעשה אזוי ווייט גייט שוין קיינער נישט זאגען

והשאלה וואס איך וויל וויסן, וואס האט טאקע די סאטמאר רב געהאלטן וואס איז די דין מיט אזעלכע אידן און דארף ווייטין אז א צה''ל זעלנער שטארבט אדער פארקערט

איך ווייס אז אסאך גדולי ישראל האבען געהאלטן אנדערש אבער ביטע דא וויל איך נאר קלאר מאכען דעת הויואל משה און אויב האט איר נישט וואס קלאר צי מאכן בדעתו ביטע קומט נישט אריין

און פאר די וואס קומען קלאר מאכן, ביטע נישט סתם שיסען סטעיטמענטס אויף קיין שום וועג , נאר זאכען מיט פארלעסליכע מקורות

א דאנק !