א מאנגל אין נקבות!

[זופ מיט מאנדלען]

שוין לאנג וואס די שאלה עגבערט מיר אין קאפ, איך קלער אז דא איז די ריכטיגע פלאץ דאס ארויפצוברענגען, און לאמיר האפן אז אונזערע שטיבל וויסנשאפטלער וועלן ווי אלעמאל נישט אנטוישן.

ווי אונז אלע ווייסן איז דא בערך דער זעלבער ציפער פון זכרים און נקבות, אמת אז עס זענען דא קליינע חילוקים, אבער אינעם גרויסן בילד שטייען זיי כמעט די זעלבע, דאס איז כדי יעדער זאל זיך קענען טרעפן זיין באשערטע.

ווי אונז זע מיר פון תנ"ך און פון די היסטאריע, איז אמאל געווען איינגעפירט צו חתונה האבן מיט מער ווי איין פרוי, און אפטמאל מער ווי צוויי, שטעלט זיך די פאלגנדע שאלה, לאמיר מאכן א חשבון פון אלע וואס האבן חתונה געהאט מיט מער ווי איינס, די מער ארימע וואס האבן נאר געהאט איינס, און די אלטע וואס האבן קיינמאל חתונה געהאט, לאמיר איינזעצן אז עוורידזש האט יעדער געהאט צוויי פרויען, קומט אויס אז לפי די היינטיגע ציפער פון פרויען וואלטן בערך פינעוו און צוואנציג פראצענט פון די מענער פון די וועלט נישט געהאט מיט וועם חתונה צו האבן!

די שאלה איז, איז עס טאקע געווען אזוי אדער זענען געווען מער נקבות ווי היינט? און אויב יא וואס איז דער הסבר פון דער סייענטיפישער וועלט צו דעם ערשיינונג.