דער פראבלעם איז סעלפישקייט

ארטיקלען און באטראכטונגען איבער דער חרדי'שער געזעלשאפט און קולטור

דער פראבלעם איז סעלפישקייט

הודעהדורך העניך » פרייטאג אקטאבער 08, 2021 12:52 pm

די פראבלעמען וואס זענען פאראן אין ישיבות און מוסדות און קהילות, וכו' וכו', זענען שוין אומצאליגע מאל אויסגעשמועסט געווארן. אזוי אויך פיל אנדערע פראבלעמען וועלכע פלאגן אונז ברוחניות ובגשמיות. ס'האט זיך אין מיין מח אנגעפאנגען וועבן א מחשבה-שנירל וואס איז נאך נישט אינגאנצן אויסגעארבעט, אבער כ'מיין אז א גרויסער חלק פונעם פראבלעם איז באגראבן דערין.

סעלפישנעס -- מיר זענען סעלפיש.

לאמיר אנפאנגען ביי דעם אז מיר, חרדישע אידן, זענען נישט אממערסטנס געשלאגן מיט סעלפישקייט. פארקערט, מ'קען זאגן אז די אמעריקאנער קולטור איז דורכגעפוילט מיט סעלפישקייט, און אונזער קולטור שיצט אונז פון אסאך פון אירע פראבלעמען. פילע פראסטע ניו-יארקער וועלן זיך בכלל נישט אומקוקן אויף א מענטש וואס חלש'ט אינמיטן דער גאס -- א זאך וואס פאר אונז אידן איז גאר מאדנע און רשעות'דיג. חסד און העלפן א צווייטן איז נישט נאר איינגעווארצלט אין אונזער געזעלשאפט, נאר מ'קען זאגן אז דאס איז אונזער סאמע בעסטע כאראקטער-שטריך און דאס דעפינירט אונז.

אבער סעלפישקייט האט אונז נישט איבערגעהיפט, און עס קלאפט אויס אין אנדערע ערטער, וואס ברענגט אונז אייגנארטיגע פראבלעמען. ווען מ'רעדט פון די רשעות וואס ראשי ישיבה און אדמיניסטראטארן פראווען אין די מוסדות -- אינסטיטוציעס וואס זענען אויפגעשטעלט געווארן מיט'ן ציבור'ס געלט כלומר'שט פאר עבודת ה' -- איז נאר דא איין ענטפער דערפאר: די רבי'ס זענען סעלפיש און קעירן נאר פאר זייער כבוד און געלט, די ראשי ישיבות זענען סעלפיש און קעירן נאר פאר דעם שם טוב פון זייער ישיבה וואס וועט זיי ברענגען כבוד און געלט, די אדמיניסטראטארן קעירן נאר פאר זייערע טאשן און פרישע קוועלער פון רעגירונג געלטער וועלן נאר זיי העלפן און קיינמאל נישט די עלטערן.

אין דער זעלבער צייט זענען די עלטערן אויך סעלפיש. עלטערן זענען מחליט צו שיקן זייערע קינדער אין פלעצער וואס איז נישט גוט פאר זייער קינד, ווייל זיי האלטן אז דאס איז בעסער פאר זייער פרעסטיזש. עלטערן שיקן בחורים אין ישיבות וואס זיי קלערן וועט ברענגען א בעסערן נאמען ווען עס קומט צו שידוכים, אבער קעירן נישט אז דער בחור זאל אין די 5-6 יאר פון זיינע ישיבה-יארן אויפוואקסן אין א געזונטן פלאץ און אנטוויקלען א געזונטן נפש -- וואס איז פיל וויכטיגער פאר'ן לעבן ווי אן א.ג. גוטן שידוך.

אונזער היימישער קולטור איז געווארן אזא אז מיר מוזן אייביג זיין גאר באקוועם, און מיר ווייסן נישט וויאזוי אוועקצוגעבן פון זיך פאר'ן גוטס פון א צווייטן און פונעם ציבור. די דירות פראבלעמען וואס האבן אונז געפלאגט צענדליגער יארן איז געקומען פון אונזער דראנג גארנישט אוועקצוגעבן פון אויסערליכער באקוועמליכקייט כדי צו וואוינען אין אן אנדערן געגנט וואו מ'קען אפארדן. און נאר ווען מוסדות האבן זיך אנגעהויבן צושטעלן, צו עפענען אין שטעטלעך אדער צושטעלן טראנספארטאציע, האט אנגעהויבן עפעס ווערן.

דאס ערלויבט אונז אויך צו פארפירן אז א גויאישער שפיטאל אין ענגלאנד זאל מוזן אויסגעבן מיליאנען צו האלטן ביים לעבן א אידיש קינד וועמענ'ס מוח איז שוין ל"ע נישטא, ווען מיר קענען נישט ביי זיך פועל'ן דאס מינדעסטע צו טון סיי וואס צו היטן אונזערע טאטעס און זיידעס פון שטארבן פון קאראנא. יענער, דער גוי, די אינשורענס פירמע, זאל אויסגעבן אוצרות געלט און ריסוירסעס צו דערהאלטן ביים לעבן א קינד וועלכע פארמאגט שוין נעבעך נישט קיין שום מוח-פונקציעס. אבער מיר קענען נישט, צב"ש, זיך וואשן די הענט מיט זייף ביי שמחות כדי אפשר ווייניגער פארשפרייטן א מחלה וואס ברענגט אום לעבעדיגע מענטשן.

די צווייט-מערסטע סעלפיש זענען די וואס הוליען טאג און נאכט, אבער די קינדער מוזן זיי למען ה' איינשרייבן אין א מוסד וועמענ'ס שיטות זענען אז זייער לעבן איז מיאוס, און וועט נישט געבן פאר זייערע קינדער דאס מינדעסטע צו קענען לעבן נארמאל אויף דער וועלט. דארטן קומען זיי אין א קלעש מיט די מערסט-סעלפיש מענטשן, רבנים און שיינע אידן, וועלכע וועלן זיך ווארפן מיט זיי און טרונקען זייער בלוט.
האט איר הנאה געהאט פון מיין ארטיקל? גיט א 'לייק' און שיקט א לינק צו אייערע פריינט. אבער בשום אופן נישט קאפירן דעם גאנצן ארטיקל און שיקן ווייטער - אדם אוסר את שלו.
באניצער אוואטאר
העניך
שריפטשטעלער
שריפטשטעלער
 
הודעות: 806
זיך רעגיסטרירט: מאנטאג יאנואר 25, 2016 6:54 pm
האט שוין געלייקט: 943 מאל
האט שוין באקומען לייקס: 3582 מאל

הודעהדורך מי אני » פרייטאג אקטאבער 08, 2021 1:05 pm

מ'קען זאגן אז אין די פאל קומט זיך די נעגאטיווע זיטן פון דאס קאלעקטיוויסט קולטור וואס חרדיזם בעצם איז, והיינו דאס שטארקע דגוש אז יעדעס מענטש דערין איז א חלק פונעם קאלעקטיוו און כלל צוזאמען, און די אינדיווידואליסט קולטור פונעם ברייטערן פאפולאציע אין וואס חרדיזם געפינט זיך און איז ארומגענומען מיט, וואס דאס לייגט א דגוש אויף די רצוניות'ן און אידענטיטעט פונעם יחיד. דא קען מען זאגן אז די סעלפישנעס וואס קען זיין א פועל יוצא פון אינדיווידואליזם, וואס די אינדיווידואליזם האט אריינגעסיִפּט פון די ארומיגע קולטור'ס השפעה, קומט זיך צוזאם מיט דאס אז מפני הקאלעקטיוויזם פון חרדיזם בעצם קוקט מען פונעם אייגענעם פּערספּעקטיוו, "ווי אזוי וועט דאס וואס/וואו מיין קינד טוהט וכדומה רעפלעקטירן אויף מיר פון א כלליות'דיגן פּערספּעקטיוו?"
"איך בין אפילו נישט זיכער אז איך עקזיסטיר, ווי אזוי קען איך זיין זיכער אז...?" - יאיר
"אלס וואס איך ווייס איז אז איך ווייס גארנישט (אחוץ דעם עצם פאקט)" - סקראטוס
און אפילו אין דעם בין איך אויך נישט זיכער
באניצער אוואטאר
מי אני
שריפטשטעלער
שריפטשטעלער
 
הודעות: 2746
זיך רעגיסטרירט: פרייטאג אקטאבער 05, 2018 4:32 pm
האט שוין געלייקט: 9433 מאל
האט שוין באקומען לייקס: 2181 מאל

הודעהדורך מפיל קינד » פרייטאג אקטאבער 08, 2021 1:12 pm

העניך האט געשריבן:דאס ערלויבט אונז אויך צו פארפירן אז א גויאישער שפיטאל אין ענגלאנד זאל מוזן אויסגעבן מיליאנען צו האלטן ביים לעבן א אידיש קינד וועמענ'ס מוח איז שוין ל"ע נישטא,

דו קענסט די פאקטן? קיינער בעט זיי נישט קיין פרוטה אחת, מען בעט לאז דאס קינד ארויס פון לאנד. לאז אים פארן קיין אמעריקע אדער ארץ ישראל וואס ווילן יא האלטן דאס קינד ביים לעבן.
מפיל קינד
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1007
זיך רעגיסטרירט: דינסטאג סעפטעמבער 05, 2017 1:08 am
האט שוין געלייקט: 728 מאל
האט שוין באקומען לייקס: 981 מאל

הודעהדורך מפיל קינד » פרייטאג אקטאבער 08, 2021 1:18 pm

איך פארשטיי נישט די כוונה פונעם אשכול במחל"כ. יעדער מענטש איז סעלפיש, איינער מער און אייינער ווייניגער, חוץ איינער וואס האט שוין אויסגעארבעט זיינע מידות. יעדער איז אויך א בעל תאוה, א פוילער, און א ליגענער.

די פראבלעמען פון אונזער דור איז א תוצאה פון אסאך שלעכטע מידות, סיי מצד די מוסדות און סיי מצד די עלטערן, און אויך מצד וואס עס איז נישט מעגליך כהיום צופרידנצושטעלן יעדעם, ווען דאס רוב נעמט סערוויסעס און א מיעוט שטעלט צו סערוויס.

איך זע נישט פארוואס אלעס שטעלט זיך אפ ביי סעלפישקייט.

אה קאוויד איז אויך דא. מזל טוב. ברוכים הבאים.
מפיל קינד
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1007
זיך רעגיסטרירט: דינסטאג סעפטעמבער 05, 2017 1:08 am
האט שוין געלייקט: 728 מאל
האט שוין באקומען לייקס: 981 מאל

הודעהדורך מי אני » פרייטאג אקטאבער 08, 2021 1:34 pm

איה"נ אז ס'איז דא די געדאנק פון פּסיכאלאגישע עגאָאיזם, וואס אפילו דער חובת הלבבות ברענגט צו, וואס זאגט אז עס איז נישט דא קיין שום זאך און אקט פונעם מענטש וואס איז נישט ביסודו סעלפיש ע"ש. אבער וואס ווערט דא ארויסגעברענגט איז אז כמובן זענען דא מדריגות אין סעלפישקייט. לענינינו, לויט ווי איך האב דאס געוואלט צושטעלן צו א פראבלעמאטישע שילוב פון קאלעקטיוויסט מיט אינדיווידואליסט איז אויב וואלט מען למשל געגאנגען מיט א פולקאמע קאלעקטיוויסט מיינדסעט, וואס איז דאך לכאורה אויך כעין סעלפיש ["ווי אזוי גייט דער מעמבער צוגעבן צום אלגעמיינעם קאלעקטיוו?"], איז דאס אבער א "בעסערע" סעלפישקייט ווייל עס נעמט דאך אריין אין חשבון ווי אזוי צום בעסטענסט ארויפצוברענגען דעם מעמבער אז ער זאל טאקע זיין פראדוקטיוו פאר'ן קאלעקטיוו.
"איך בין אפילו נישט זיכער אז איך עקזיסטיר, ווי אזוי קען איך זיין זיכער אז...?" - יאיר
"אלס וואס איך ווייס איז אז איך ווייס גארנישט (אחוץ דעם עצם פאקט)" - סקראטוס
און אפילו אין דעם בין איך אויך נישט זיכער
באניצער אוואטאר
מי אני
שריפטשטעלער
שריפטשטעלער
 
הודעות: 2746
זיך רעגיסטרירט: פרייטאג אקטאבער 05, 2018 4:32 pm
האט שוין געלייקט: 9433 מאל
האט שוין באקומען לייקס: 2181 מאל

הודעהדורך שמעון וואלף » זונטאג אקטאבער 10, 2021 3:15 am

העניך האט געשריבן: סעלפישנעס -- מיר זענען סעלפיש.

לאמיר אנפאנגען ביי דעם אז מיר, חרדישע אידן, זענען נישט אממערסטנס געשלאגן מיט סעלפישקייט. פארקערט, מ'קען זאגן אז די אמעריקאנער קולטור איז דורכגעפוילט מיט סעלפישקייט, און אונזער קולטור שיצט אונז פון אסאך פון אירע פראבלעמען. פילע פראסטע ניו-יארקער וועלן זיך בכלל נישט אומקוקן אויף א מענטש וואס חלש'ט אינמיטן דער גאס -- א זאך וואס פאר אונז אידן איז גאר מאדנע און רשעות'דיג. חסד און העלפן א צווייטן איז נישט נאר איינגעווארצלט אין אונזער געזעלשאפט, נאר מ'קען זאגן אז דאס איז אונזער סאמע בעסטע כאראקטער-שטריך און דאס דעפינירט אונז.

חסד און העלפן א צווייטן איז נישט געבינדן מיט יא/נישט סעלפישקייט. דער הצלה מאן וואס איז גרייט צו לויפן אינמיטן די נאכט ראטעווען א צווייטן, וועט די נעקסטע טאג פארקן ביים באס סטאפ און אנמאכן א טרעפיק ווייל די באסעס שטעלן זיך אפ אינמיטן גאס. דער גרויסע בעל צדקה וועט דאבל פארקן, דערביי פארשווערן פאר אנדערע דורככצופארן און בלאקירן א צווייטע קאר. דער עסקן וואס איז אלץ גרייט ארויסצוהעלפן מיט וואס אימער וועט גיין אין מקוה אן א שויער.
כהנה וכהנה זענען דא הונדרעטע דוגמאות ווי דער בעל חסד וועט אויך זיין זייער סעלפיש. די סיבות קען זיין ווייל די חסד קומט נישט פון אמת'ע גוטסקייט נאר ווייל ער האט אזא שולד געפיל טאמער העלפט ער נישט א צווייטער. פון ערגעץ איז ער געווארן אנגעשראקן אז טאמער וויל ער זיין אויף די גוטע זיין פון הקב"ה זאל ער טון חסד, אבער די חסד זאל זיין אזוינס אז יעדער זאל וויסן אז ער איז עוסק דערין. סתם קלייניקייטן ווי האלטן א טיר פאר יענעם אדער אוועקפאקן ספרים נאכן ניצן, צוגיין צום עמוד, גיין צו א שמחה פון איינער וואסי נישט אזוי פאפיולער וכדומה, וואנט דו די זשאב.
אודאי זענען דא צווישן אונז פיינע מענטשן וואס העלפן א צווייטן אן קיין חשבונות, אבער די זענען עפ"י רוב אזעלכע פון וועם מ'הערט נישט.
באניצער אוואטאר
שמעון וואלף
חבר ותיק
חבר ותיק
 
הודעות: 2862
זיך רעגיסטרירט: זונטאג דעצעמבער 14, 2014 2:33 pm
געפינט זיך: אין דרום
האט שוין געלייקט: 4594 מאל
האט שוין באקומען לייקס: 3007 מאל

הודעהדורך שמעון וואלף » דינסטאג אקטאבער 12, 2021 1:36 am

כ'האב הנאה אז @העניך איז מסכים צו מיר

https://www.kaveshtiebel.com/viewtopic.php?p=483047#p483047
באניצער אוואטאר
שמעון וואלף
חבר ותיק
חבר ותיק
 
הודעות: 2862
זיך רעגיסטרירט: זונטאג דעצעמבער 14, 2014 2:33 pm
געפינט זיך: אין דרום
האט שוין געלייקט: 4594 מאל
האט שוין באקומען לייקס: 3007 מאל

הודעהדורך berlbalaguleh » דינסטאג אקטאבער 12, 2021 8:17 am

שמעון וואלף: איך בין נישט אינגאנצן מסכים מיט דיר. דער הצלה מאן (אדער פרוי) וואס לויפט אינמיטן די נאכט ראטעווען א איד, גייט מכח אן אינערליכע גוטסקייט און א געפיהל פון געבן און טון חסד בגופו. איי דעם נעקסטן טאג פארקט ער ביי א באס סטאפ און ר'איז גורם אז ס'זאלל ווערן א טרעפיק. דאס קומט נישט מכח שלעכטקייט אדער סעלפישקייט. נאר ענדערש פון אי-התבוננות. נישט באטראכטן דעם מצב ארום און ארום. דערפאר איז ער/זי נישט קיין מושלם. אזוי ווי די מערסטע פון אונז. ס'איז זעלטן אז א מענטש זאלל זיין אויסגערעכנט. ספעציעל אין מידות בין אדם לחבירו. אויסער די גרויסע צדיקים.אזוי ווי ר' ישראל סאלאנטער. און אנדערע גדולי ישראל. אבער 99% פראצענט פון די פשוטי עם טוען וואס איז ..."עקסיפידיענט"... נוצליך אויף די מינוט. אן מאכן עקסטרע חשבונות...!
רעדאגירט געווארן צום לעצט דורך berlbalaguleh אום דינסטאג אקטאבער 12, 2021 5:25 pm, רעדאגירט געווארן איין מאל בסך הכל.
באניצער אוואטאר
berlbalaguleh
שריפטשטעלער
שריפטשטעלער
 
הודעות: 15830
זיך רעגיסטרירט: דינסטאג יולי 17, 2012 12:57 pm
האט שוין געלייקט: 18457 מאל
האט שוין באקומען לייקס: 10533 מאל

הודעהדורך רימון » דינסטאג אקטאבער 12, 2021 11:30 am

סעלפישקייט איז זייער א גרויזאמע ווארט.

בא רימון והעמידו על אחת: לעק אוו סעלף אווערנעס.
הפוך בה והפוך בה דכולה. א מאנגל אין סעלף אווערנעס ברענגט די מוראדיגע סתירות פון חרדישן לעבן וועלכע באדט זיך אין גוטס און באדט זיך אין שלעכטס אקסל צו אקסל האנט צו האנט.
רימון
שריפטשטעלער
שריפטשטעלער
 
הודעות: 347
זיך רעגיסטרירט: דינסטאג אקטאבער 21, 2014 9:12 pm
האט שוין געלייקט: 1357 מאל
האט שוין באקומען לייקס: 1155 מאל


גיי צוריק געזעלשאפט

ווער איז יעצט דא?

באניצער וואס לייענען דעם פארום: נישטא קיין אנליין באניצער און 7 געסט