מיין פראבלעם מיט שלמה קארלבאך

[נוח]

ס'איז ידוע לכל אז ביי די גאר פרומע חסידים איז שלמה קארלבאך אן אפגעפרעגטע פיגור צוליב דעם וואס ער איז נישט געווען אינגאנצן ערליך לויט די חרדישע סטאנדארטן, און מ'זאגט אז צומאל האט ער אפילו געהאלזט און געקושט פרעמדע פרויען ביי זיינע קאנצערטן.

און לעומת זה זעען מיר אז ביים היימישן קילן און אויפגעקלערטן ציבור איז דא א שטארקע צמאון פאר שלמה קארלבאך, און יעדעס מאל מ'זינגט זיינס א ניגון ביי א קומזיץ אדער לכה דודי ווערט די אטמאספערע דערהויבן, מ'שאקלט זיך, מ'פארגלייזט די אויגן, און ס'געשעהט ערנסטע קאנעקשאנס צו גאט.

און איך שטיי אינדערמיט. קארלבאך'ס עבירות בין אדם למקום גייען מיר נישט אן. ס'עקלט מיר בכלל די מושג פון דן זיין א מענטש'ס רוחניות'דיגע לעבן. בעולם העליון גלייב איך אז ס'איז דא דין וחשבון וואו דער באשעפער נעמט שוין קעיר פון זיינע חשבונות, און איך דארף נישט זיין דער וואס איז גאט'ס פאליציי דן צו זיין אז קארלבאך'ס ניגון איז טמא.

לעומת זה עקלט מיר די פארגלייזקייט פונעם קילן ציבור אין קארלבאך. פון איין זיין ביסטו מורא'דיג אויפגעקלערט און לאכסט פונעם פרומען ציבור אז זיי קענסלען קארלבאך. פילסט א געוואלדיגע הנאה אז דו געסט א שטויס דיין כאניאקישן טאטן און זינגסט יא קארלבאך. אבער וואס איז מיט דעם אז ס'איז ערענסטע רגליים לדבר אז קארלבאך איז געווען א מאלעסטאר, און ס'איז דא אידענעס וועמען ער האט געשעדיגט און וויינען עד היום? דא גלייכסטו יא דעם כאניאקישן מהלך פון איגנארירן מאלעסטעישאן און זיך פארשטאפן די אויער צו די וויי געשריי פון די וויקטימס?

איך זאג נישט אז מ'דארף קענסלען קארלבאך אדער אז מ'טאר נישט הערן זיינע ניגונים. אבער ווי אזוי קענסטו זיין "אויפגעקלערט" און מאכן א "קארלבאך מנין" ווען ער איז געווען וואס ער איז געווען? ווי אזוי קענסטו דאווענען פאר'ן אויבערשטן ארומגענומען מיט אזא פיגור און זיך איינרעדן אז דורך אים האסטו א קשר רוחני?

[מתבודד]

ס’ערשטע מאל כ’הער אז קארליבאך איז געווען א ”מאלעסטער” און גאר ”אידענעס וועם ער האט געשעדיגט וויינען עד היום הזה”. איך האב אייביג געוואוסט אז די פרויען וואס ער האט געקושט, שמייכלען נאך פון דעם עד היום, נישט זיי וויינען... אבער אלעס האט א ערשטע מאל.
איך שלא יהיה שאקלט זיך קיינער נישט מיט קארליבאך, נאר מיט זיינע ניגונים. ס’דא עפעס אין זיינע ניגונים וואס רעדט צום הארץ, מער פון אנדערע. פינטל.
זאת ועוד זענען א חלק פון זיינע ניגונים פארשפרייט ביי די היימישסטע חצירות, כידוע.

סא קענסט רואיג גיין אויסהערן זיינע ניגונים און זיך קאנעקטן צו גאט מיט פארגלייזטע אויגן, ווערסט נישט קיל מיט דעם, און ביסט נישט מחזק ידי עוברי עבירה.

לאז מיך וויסן וויזוי ס’איז געווען...

[מי ימצא]

סףאיך זאג נישט אז מ'דארף קענסלען קארלבאך אדער אז מ'טאר נישט הערן זיינע ניגונים. אבער ווי אזוי קענסטו זיין "אויפגעקלערט" און מאכן א "קארלבאך מנין" ווען ער איז געווען וואס ער איז געווען? ווי אזוי קענסטו דאווענען פאר'ן אויבערשטן ארומגענומען מיט אזא פיגור און זיך איינרעדן אז דורך אים האסטו א קשר רוחני?

איך בין נישט זיכער אז ס'מוז האבן א שייכות.

קארלבאך האט ניגונים וואס מאכט א מענטש אויסגיין פאר מתיקות , לאז אפ וואס ער האט געטאהן.

אויב דארף מען ריכטערין א מענטש'ס ווערק לויט זיינע מעשים, דעמאלס דארף מען פארברענען חיים וואלדער'ס בוקס?

חכמה בגוים תאמין, מיינט נישט אז מען מוז ווערן א גוי, קויף די חכמה און גיי ווייטער.

[אמת45]

דאס האב איך אמאל געשריבן. נישט קיין דירעקטע ענטפער אבער קען בייהילפיג זיין.

[שמחהלע קאפשטיק]

היינט ביי תחנון האב איך אויסגעשריגען הויעך "צדיקים אנחנו" און ווייטער געזאגט ...ולא חטאנו אבל אנחנו ואבותינו חטאנו, דער ליטוואק וואס איז געשטאנען דערנעבן האט מיר געפרעגט פשט יא א צדיק אדער נישט ?
מיין תשובה איז געווען גאנץ פשוט: כ’האב געזינדיגט אבער א צדיק בלייב איך!
לענייננו, יעדער מענטש האט שוואכקייטען אבער ווילאנג ער איז נישט א רשע להכעיס פארלירט ער נישט דעם סטאטוס.
לגבי ר’ שלמה קרליבאך זכר "צדיק" לברכה ער איז געווען א צדיק וואס ער האט מקרב געווען אומצאליגע אידישע נשמות לאביהם שבשמים, יעדער ווייסט עס, ועד היום הזה ווערן אידישע קינדער צוגעצויגן צום טאטען אין הימל דורך זיינע ניגונים.
ווער עס האט איהם געקענט ווייסט אז א תנועה זיינע איז געקומען מתוך הארץ, שברון לב און געגועים צום בוכ"ע, זיינס א ניגון איז געווארן נאכן אדער אינמיטן זיך אויסוויינען איז ארויס געקומען דעם תנועה,

כ’מיין קיינעם נישט צו בארעדן ווען מען גוט א קוק אויף די היינטיגע Rapp / rock / jazz/ dj ניגונים וואס מען האט פשוט אין פראסט גענומען א תנועה פון א שווארצע פאסטוך און ארויפגעזעצט א פסוק אין תהלים און זיכער געמאכט אז ס’שטימט מיט די ווערטער....

באמת במשך די יארן איז שוין אסאך באשריבן געווארן דא אין שטיבל בנוגע רבינו שלמה, ואין כאן מקום להאריך,
ועוד יותר אז ער איז געשטארבען מתוך תשובה גמורה...

אלזא רבותי דעם שבת און מוצאי שבת נחמו פארגלייזט אייך די אויגן און פארלאזט א טרער ביים זינגען א תנועה פון ר’ שלוימעלע...

[שאלתיאל]

פון וואנעט נעמסטו אז ער איז געווען א ''מאלעסטער'' און אז ''ס'איז דא אידענעס וועמען ער האט געשעדיגט און וויינען עד היום'' ? וויפול איך ווייס האט ער אביסל געפילירטעט און אביסל באלמוטשעט [שרייב נישט קיין אומאיידעלע ווערטער. מנהל] נישט מער. פון דער אנדערע זייט פארשטייי איך אז מ'איז אין מי טו עפאכע ווי יעדער מוריטשקע ווערט א לייב און ס'טרענדי און קיהל זיך צו באקלאגן איבער מאלעסטעישאן און רודפ'ן פאנטאזירטע מאלעסטערס בחימה שפוכה...

[ריכטיג]

http://www.kaveshtiebel.com/viewtopic.php?f=24&t=8918

[נוח]

ס’ערשטע מאל כ’הער אז קארליבאך איז געווען א ”מאלעסטער” און גאר ”אידענעס וועם ער האט געשעדיגט וויינען עד היום הזה”. איך האב אייביג געוואוסט אז די פרויען וואס ער האט געקושט, שמייכלען נאך פון דעם עד היום, נישט זיי וויינען... אבער אלעס האט א ערשטע מאל.

ס'איז געווען ביידע. פרויען וואס האבן אים געלאזט, און פרויען וואס זענען געשענדעט געווארן דורך אים. די עקסטרעמע חרדים באדערט די פרויען וואס האבן אים געלאזט, פאר די אויפגעקלערטע דארף באדערן די פרויען וואס האבן אים נישט געלאזט.

דא האסטו שלמה'ס אייגענע טאכטער רעדן וועגן דעם:
https://blogs.timesofisrael.com/my-sisters-i-hear-you/

[נוח]

היינט ביי תחנון האב איך אויסגעשריגען הויעך "צדיקים אנחנו" און ווייטער געזאגט ...ולא חטאנו אבל אנחנו ואבותינו חטאנו, דער ליטוואק וואס איז געשטאנען דערנעבן האט מיר געפרעגט פשט יא א צדיק אדער נישט ?
מיין תשובה איז געווען גאנץ פשוט: כ’האב געזינדיגט אבער א צדיק בלייב איך!
לענייננו, יעדער מענטש האט שוואכקייטען אבער ווילאנג ער איז נישט א רשע להכעיס פארלירט ער נישט דעם סטאטוס.
לגבי ר’ שלמה קרליבאך זכר "צדיק" לברכה ער איז געווען א צדיק וואס ער האט מקרב געווען אומצאליגע אידישע נשמות לאביהם שבשמים, יעדער ווייסט עס, ועד היום הזה ווערן אידישע קינדער צוגעצויגן צום טאטען אין הימל דורך זיינע ניגונים.
ווער עס האט איהם געקענט ווייסט אז א תנועה זיינע איז געקומען מתוך הארץ, שברון לב און געגועים צום בוכ"ע, זיינס א ניגון איז געווארן נאכן אדער אינמיטן זיך אויסוויינען איז ארויס געקומען דעם תנועה,

כ’מיין קיינעם נישט צו בארעדן ווען מען גוט א קוק אויף די היינטיגע Rapp / rock / jazz/ dj ניגונים וואס מען האט פשוט אין פראסט גענומען א תנועה פון א שווארצע פאסטוך און ארויפגעזעצט א פסוק אין תהלים און זיכער געמאכט אז ס’שטימט מיט די ווערטער....

באמת במשך די יארן איז שוין אסאך באשריבן געווארן דא אין שטיבל בנוגע רבינו שלמה, ואין כאן מקום להאריך,
ועוד יותר אז ער איז געשטארבען מתוך תשובה גמורה...

אלזא רבותי דעם שבת און מוצאי שבת נחמו פארגלייזט אייך די אויגן און פארלאזט א טרער ביים זינגען א תנועה פון ר’ שלוימעלע...

דו מישסט עבירות בין אדם למקום און בין אדם לחבירו. בין אדם למקום קען מען תשובה טוהן, און ס'איז נישט אונזער געשעפט. אבער ווען א מענטש שענדעט אנדערע מענטשן און בעט קיינמאל נישט קיין מחילה איז נישט שייך קיין תשובה.

[שמחהלע קאפשטיק]

ער' נוח איש "צדיק":
כ’מיין אז ס’איז נאך אלס פארהאן א חילוק צווישען איינער וואס איז פשוט עטליכע מאל אדורךגעפאלן צו איינער וואס איז געווען כל ימיו ביזי דערמיט...

[איך מיין נישט קיינעם ספעציפיש איך רעדט בלויז אין אלגעמיין]

און אפילו די וואס זענען ביזי אז דער כח פון דעם מחבר פונעם ניגון גייט אריבער אין דער וואס זינגט עס, קוקט מען בכללות וואס דער מענטש איז געווען

[שמחהלע קאפשטיק]

ס’איז דא נאך א סיבה פארוואס דער עולם איז אזוי שטארק נאך זיינע ניגונים, טאקע דערפאר ווייל זיין מהות און התנהגות האט שטארק ארויסגעברענגט די נקודה "אז נישט קיין חילוק ווי ווייט מען פאלט אפילו דו פאלסט דורך מיט שווערע ענינים ביסטו נאך אלס באליבט און עקסעפטעט ביים בורא כל העולמים"

אשר על כן ער’ נוח, דו האסט בפתיחת האשכול ארויסגעברענגט אז געווענליך ווען איינער וואס וויל פילן אביסל cool און וויל ווייזען נע איך זינג יא קארליבאך, אסאך מאל איז עס טאקע ווייל פון א אנדערע זייט פילט ער צוליב עפעס א ענין א guilty פילינג
און אנשטאט צו ווערן מיואש איז ער זיך מחזק...
איך האב שוין געהערט דאס פון עטליכע נאכן דורךגיין א שרעקליכע רוחניתדיגע ירידה,

עניוועי האלט איך אז יעדער מעג און זאל זינגען שלוימעלע’ס ניגונים אפילו דו ביסט א צדיק גמור שלא טעם טעם חטא...
And let's say לחיים לחיים...
וועגן די אידישע היימישע guilt conscious וואס איז רוב מאל אומגעזונט וועל איך לאזן פאר די גרעסערע לייבן דא אין שטיבל @מי אני ??

[איזה נשמה]

did the allegations spread after he passed away
?

[צוזאמגעדרייט]

ער' נוח איש "צדיק":
כ’מיין אז ס’איז נאך אלס פארהאן א חילוק צווישען איינער וואס איז פשוט עטליכע מאל אדורךגעפאלן צו איינער וואס איז געווען כל ימיו ביזי דערמיט...

[איך מיין נישט קיינעם ספעציפיש איך רעדט בלויז אין אלגעמיין]

און אפילו די וואס זענען ביזי אז דער כח פון דעם מחבר פונעם ניגון גייט אריבער אין דער וואס זינגט עס, קוקט מען בכללות וואס דער מענטש איז געווען

ווער געט א קראַץ אויב ער איז געווען ביזי דערמיט יעדעס מינוט פון לעבן אדער קיינמאל נישט, מען רעדט נישט דא אויב ער איז באוויליגט פאר די אייבעשטער.

@נוח זאגט דא
ערשטנס: אז סהאט נישט מיט אים אויב קארליבאך איז אין גיהנום אדער גן עידן. נאך מער, מיר וועלן סייווי קיינמאל נישט וויסן.

צווייטנס איז זיין פאָנטש ליין און דאס איז די עיקר פונעם אשכול: אז ער קוקט אָן די שבת נחמי טשילערס ווי היפאקריטן זיי זענען די וועלכע שעלטן אויפן קאמוניטי איבער די שוואכע צוגאנג צו באגוואלדעגונג און פלוצלינג דא ביסטו א קארליבאך "פען".

סא איך פארשטיי נישט ווי עס קומט אריין דורכפאלן.

[שמחהלע קאפשטיק]

מיין עיקר נקודה איז אז who cares, מען וויל איין זאך, ווערן high און זיין אין א אנדערע אטמאספערע,
ווילאנג ער איז נישט געווען קיין מפורסם אין די זאך און בחייו איז נישט געווען קיין גרויסע מדובר פון דעם.
היות באופן כללי איז ער געווען מפורסם פאר א צדיק.
געווענליך וועלן די שרייערס ווילד ווערן נאר ווען ס’רעדט זיך פון א באוואוסטער וואס די קאמיוניטי האט געבעקט שלא כדין...

[צוזאמגעדרייט]

@נוח


אויב איז אמת די באשולדיגונג האסטו א שטארקע פונקט, אבער יעצט קענסטו זעהן אז ס'רוב עולם האט קיינמאל נישט געהערט פון דעם וגם אני בתוכו, אלזא זענען זיי בלויז אומוויסענד.

אדרבה ואדרבה! דא קענסטו זען ווי זיי (די שבת נחמי טשילערס) זענען גערעכט, זיי זענען טאקע די וואס שרייען אז ס'נישטא קיין "אווערנעס".

(נישט געזארגט, די ביסט אויף זייער גוטע זייט, זיי וועלן דיך איינליידינען צו "פאַדיס"(אויב ביסט נייגעריג)
-----

אין אַלגעמיין עקל איך זיך פון קארליבאך ניגונים, אפשר גאר די שבת נחמי אידן האבן מיר פארעקלט פון דעם, כווייס נישט, אבער לכאורה איז דאס ביידע, סיי זיינע לאקאלע חסידישע נאכפאלגער און סיי די ניגונים זעלבסט.

אבער איך גלייך שטארק די קארליבאך "מאָוומענט". מען קען טרעפן אסאך פון זיי אין ישראל, מן הסתם אויך דא. ווען איך בין אין ארץ הקודש מאכט זיך אפט אז איך פארברענג מיט זיינע נאכפאלגערס און כ'האב ליב דעם לייף סטייל.

[קהל'ס נער]

וואספארא טשולנט מאכסטו דא?
האגן און קישן פרויען איז א נערמאלע זאך ווען ס'איז אין א עפראפריעט מענער, און האט גארנישט מיט מאלעסטעישען איינגעלייגט, ווילסט זאגן אז ער איז א שגץ, קען זיין, אבער א מאלעסטער איז ער זיכער נישט.

[צוזאמגעדרייט]

וויאזוי ווייסטו אז זיכער נישט? קענסט זאגן אז ווי לאנג די האסט נישט קיין פרוף אדער כאטש אנדייטונגען דערויף איז ר' שלמה בחזקת כשרות.

זיכער נישט? פארוואס וויבאלד ער איז דאס פארקערטע פונעם סיסטעם? די ביסט דער היפאקריט פון וועם מען רעדט.
אויב איינער איז א סיסטעם איד אדער גאר אן ארויפגעקוקטע היימישע פערזענליכקייט, דעמאלט קען א בלויזן "טוויט" פון אן אנאנימעס עקאונט באשטעטיגן אז יענער איז א צווינגער,
ווידער אויב מען באשולדיגט אזא איינער ווי קארליבאך קען דאס נישט זיין אמת.

גראדע האט @נוח געלייגט א לינק ווי זיין טאכטער רעדט דערוועגן, איך האב דאס נאכנישט געקוקט און איך האב נישט חוקר געווען די מעשה ממילא זאג איך אז איך האב נישט קיין אהנונג אויב ס'איז אמת אדער נישט, מאידך גיסא דו ביסט א היפאקריט.


איך מיין נישט דיך פערזענליך, חבר מיינס. אבער כ'מיין אז איך האב א פונקט.

[קהל'ס נער]

איז אזוי, צאמגעדרייטער חבר. "זיכער נישט" מיינט, נישט מער פון עני אנדערע מענטש.

און אז דו רעדסט פון אנדערע, אין הכי נמי איך האלט נאך אלץ אז חיים ולדר איז אינעסענט, און אפילו קרישבסקי איז אינעסענט.

נאר, סולם עדיפויות ארבעט דא אקעגן די סיסטעם חברה, אויף קרישבסקי איז דא א מיידל וואס איז געגאנגען קלאגן, אויף ולדר איז דא א רב וואס זאגט אז א מיידל איז געקימען צי עים וכו' (נישט אז דעיס מיינט עפעס), און אויף קרליבך האט איינער אין ק"ש מחליט געווען אז ער איז א מאלעסטער ווייל ער פלעגט האגן פרויען, וואס איז א נערמאלע זאך אין די מאדערנע וועלט.

איז הכר נא למי החותמת ולמי ההיפעקריטיע.

נ.ב. ווילסט קומען אויף א ציגארעטל באלד?

[מרדכי מרדכי]

כ'האב נישט געליינט ממש די גאנצע ארטיקל פון נשמה קארליבאך נאר אויבערפלעכליך. עס זעהט אויס בערך ווי ביידענ'ס אנטווארט נאך וואס א פרוי האט עם באשולדיגט מיט מיסברויכן. און קורצן אז מען קען נישט אוועקמאכן יענעמס ווייטאג און נישט עכט נעמען די שולד אויף זיך.
אפילו די מעשה וואס זי ברענגט אז אין די 70'גער מאכן האבן עטליכע פרויען עם געמאכט א אינטערווענטשן האט ער געוויינט און געזאגט אז עס דארף ווערן פארראכטן

[צוזאמגעדרייט]

איז אזוי, צאמגעדרייטער חבר. "זיכער נישט" מיינט, נישט מער פון עני אנדערע מענטש.

און אז דו רעדסט פון אנדערע, אין הכי נמי איך האלט נאך אלץ אז חיים ולדר איז אינעסענט, און אפילו קרישבסקי איז אינעסענט.

נאר, סולם עדיפויות ארבעט דא אקעיגן די סיסטעם חברה, אויף קרישבסקי איז דא א מיידל וואס איז געגאנגען קלאגן, אויף ולדר איז דא א רב וואס זאגט אז א מיידל איז געקימען צי עים וכו' (נישט אז דעיס מיינט עפעס), און אויף קרליבך האט איינער אין ק"ש מחליט געוועין אז ער איז א מאלעסטער ווייל ער פלעיגט האגן פרויען, וואס איז א נערמאלע זאך אין די מאדערנע וועלט.

איז הכר נא למי החותמת ולמי ההיפאקריטיע.

נ.ב. ווילסט קומען אויף א ציגארעטל באלד?

Gotchya

[באהעלפער]

אני הגבר האב געטראפן א מיטל-עלטער פרוי, וואס האט מיר געזאגט אז קארליבאך האט איר באגוואלדיגט.
און היות כ'האב דאך געקענט קארליבאך פערזענליך, און געוואלט טאקע הערן פרטי פרטים וויאזוי אזא פאנטאזיע אז ער האט באגעוואלדיגט פרויען זאל ווען זיין.
האב איך איר נישט אפגעלאזט, נאר געפארשט און געפארשט. און זי האט מיר 'מודה' געווען, אז ער האט קיינמאל נישט אריינגעלייגט קיין האנט אין מקומות מכוסים, אבער! ער האט איר ספעציעל שטארק געהאלדזט און געדרוקט...

איך האב איר אפאר מאל געפרעגט, דאס הייסט מאלעסטערט? און זי האלט זיך ביי איר'ס, יא!

אז ער האט אנגערירט זכרים איז נישטא קיין מעשיות, אז ער האט אנגערירט פרויען במקום מכוסים איז נישטא קיין קלארע עדות, נאר ער האט מאלעסטערט ווייל ער האט ''שטארק'' גאר שטארק... אקעי... גאר שטארק געקוישט און געדרוקט...
שלום עליכם, דאס איז געווען נארמאל און אפילו א גוטע זאך.

[berlbalaguleh]

did the allegations spread after he passed away
?

When he couldn't refute them...!

[יאסל ראקאווער]

זאלסט מיר אוודאי מוחל זיין רבי @נוח. איך ווייס שוין פון מעשה'לעך אויף שלמה קאריבלאך פאר פינעף צוואנציג יאר און ס'איז נאר מעשה'לעך. ס'איז מיר נאכנישט געקומען א געהעריגע מעשה וועגן שלמה פאר די אויגן. יארן צוריק האב איך געליינט פון א לעידי ווי זי זאגט אז ער האט איר גערופען שפעט ביינאכט און ער האט געאטעמט שווער ווי א creep. אויקיי נישטקאשע.

cool מענטשען האבן א עקסטרע הערצה צו שלמה פאר זיינע מענטשליכע מענטש זייט. טאקע ווייל ער האט געקענט געבן א hug און א קיש פאר אנשים נשים וטף און פובליק ווי זיי קענען אויך טון אדער ווילן אויך טון. מילא זיי צו ווארפן זאמד און די אויגן ווי א תם, כאילו שלמה איז זיכער עפעס א מאלעסטער איז נישט honest מיט זיך אליינס. דאס איז אמאל זיכער אז די cool מענטשען 1) גלייבען נישט דערין ביז דערווייל 2) גלייבן אפילו נישט אז ס'זאל זיין רגליים לדבר. ס'איז נישט דא קיין עדות'שאפטן דערויף דערווייל. א פרוי מיט א נאמען וכו'. ווי ביי די ערטער ווי מ'זעעט די cool אידן נעמן די זאך אינדערהאנט במקום שאין חרדזי'איש.

די פרומע עסן עס פיין ווייל דאס איז קלאר אז ער איז קיין פרומע חרדזי נישט געווען אין פובליק ביי די ענין און וויבאלד קדושה און פובליק איז די פון די יסודות היהדות ביי חרדיזם איז יעדער איד וואס קען געבן א hug אין פובליק פאר א לעידי
א עושה מעשה זמרי. איז אטאקירן אים אלץ א מאלעסטער א מיטעל גאר להיות מקנאה קנאת השם. צו ס'איז אמת אדער נישט. יעדער ווייסט דאך אליין ווי וויכטיג אמת איז ביי חרדזי'ס..

איך גלייב אז מ'וועט שלמה'ן פאקן מיט געהעריגע פרוף פאר מאלעסטען וועלן די cool אידן אים אויפהערן זינגען. גראדע דעמאלס קען שלמה זיך רעכענען פאר חרדישע בלינדע געטריישאפט אפשר ווייל עבירות אויף קדושה עניינים בצנעה איז ממש נישט קעגען חרדזי פאליסי..

[מיליאנער]

אינטרעסאנט צו זען וועלכע מענטשן ס'שפרינגען דא אויף אז מ'קען גארנישט באשולדיגן אן הארטע באווייזן.

שטעל דיך פאר מ'טוישט די נאמען פון די אשכול און מ'לייגט אריין... כ'ווייס? לאמיר טראכטן פון עפעס א נאמען... אפשר 'קרישבסקי'...

---
אני כשלעצמי האלט גראדע אז קארלבאך איז געווען א אפגעהיטענע איד, און ער האט געוויסט וואס ער וויל יא טון און וואס נישט.

[היסטאריע]

זאלסט מיר אוודאי מוחל זיין רבי @נוח. איך ווייס שוין פון מעשה'לעך אויף שלמה קאריבלאך פאר פינעף צוואנציג יאר און ס'איז נאר מעשה'לעך. ס'איז מיר נאכנישט געקומען א געהעריגע מעשה וועגן שלמה פאר די אויגן. יארן צוריק האב איך געליינט פון א לעידי ווי זי זאגט אז ער האט איר גערופען שפעט ביינאכט און ער האט געאטעמט שווער ווי א creep. אויקיי נישטקאשע.

cool.......
איך גלייב אז מ'וועט שלמה'ן פאקן מיט געהעריגע פרוף פאר מאלעסטען וועלן די cool אידן אים אויפהערן זינגען. גראדע דעמאלס קען שלמה זיך רעכענען פאר חרדישע בלינדע געטריישאפט אפשר ווייל עבירות אויף קדושה עניינים בצנעה איז ממש נישט קעגען חרדזי פאליסי..

לכאורה קענסטו נישט די פאקטן אין דעם ענין. מען רעדט נישט מעשה'לעך וואס זענען עבירות פאר אונז, מען רעדט מאלעסטען, די פרויען וואס פארציילן עס, פארציילן עס מיט פרטים. ווען די זאך איז נתגלה געווארען, איז געוועהן כמה רעפארם שוהלען, און קאנסערוואטיוו שוהלן וואס האבן נישט געזינגען זיינע ניגונים פאר איין יאר, נישט אויף מעניש צו זיין קארלבאך, נאר צו ווייזן מיטלייד מיט די מאלעסטירטע פרויען. און נאכאמאל מען רעדט פון מאלעסטען מיידלעך. איך מיין טין עידזערס.

ביי אונז חסידים וואס אפיציעל טאר מען נישט זינגען זיינע ניגונים האט נישט אויסגעמאכט דער נייעס. ווי אויך ווייל ער איז ממילא פסול. כאטש איך ווייס פין לכל הפחות איין ניגון וואס מען זינגט אין סקווער.

זיין טאכטער נשמה וואס ל"ע מער נישט פרום, זינגט היינט זיינע ניגונים נאך אלץ, און ווערן אויפגענומען בכבוד גדול אין די שוהלען וואס לאזן פרויען זינגען.

ער האט גראדע נאך א טאכטער אין ארץ ישראל וואס איז געהעריג פרום און פירט א באשיידן לעבן מיט א גרויסע משפחה.