חינוך: פארוואס טאקע איז ענגליש אזוי אין דר'ערד?

ארטיקלען און באטראכטונגען איבער דער חרדי'שער געזעלשאפט און קולטור

חינוך: פארוואס טאקע איז ענגליש אזוי אין דר'ערד?

הודעהדורך החוקר » מיטוואך סעפטעמבער 21, 2022 6:37 pm

די נושא פון לימודי חול, ענגליש, איז יעצט געברענגט געווארן צום אויבן-אן צוליב די New York Times ארטיקל פאריגע וואך.

באמת, איז די נושא פון די קוואליטעט פון לימודי חול ביים היימישן ציבור שוין א סך מאל געווארן אויסגעשמועסט דא ביי אונז אין שטיבעל און עס איז דא מערערע אשכולות דערוועגן. נאר היות עס איז יעצט עומד על הפרק, וואלט איך געוואלט ווידמען אפאר שורות פון מיינע געדאנקען.

פילע האבן שוין אויסגעשמועסט זייערע מיינונגען און געדאנקען אויף דעם טעמע און רוב מענטשן ווערן צעטיילט אין צוויי גרופעס. עס איז דא די וואס זענען צופרידן פון די יעצטיגע מצב אפילו אויב עס איז נאר בדיעבד. ווידער איז דא וואס האלטן אז די מצב איז שרעקליך און דארף אן ערענסטן תיקון (און דאס בארעכטיגט רעגירונג אינטערווענשאן).

די וואס זענען אויפגעברויזט אויף די יעצטיגע מצב, טוהן מייסטענס באשולדיגן די מוסדות און מנהיגים. אז זיי זענען די וואס לאזן נישט צו אז אונזערע קינדער זאלן באקומען די נויטיגע סעקולערע לימודים.

איך בין נישט איינשטימיג מיט קיין איינע פון ​​די צוויי קוק-ווינקלן. איך מיין, אז רוב מענטשן נעמען נישט אינאכט דעם פולען בילד. רוב קאנצענטרירן זיך נאר אויף איין נקודה און איגנארירן אנדערע פאקטארן.

הגם איך בין מסכים מיט די קריטיקירער, רוב עולם דא אין שטיבל, אז די מצב פון לימודי חול איז צריך תיקון גדול. די שאלה איז נאר וויפיל מאס שולד טראגן די מוסדות. איך בין נישט מסכים אז דאס איז מערסטנס צוליב זיי. איך מיין, אז מיר די עלטערן, טראגן א גרעסערן טייל פונעם שולד אין דעם מצב און עס ליגט היפש אין די הענט פון די עלטערן דאס צו טוישן.

די פראבלעם איז, אז רוב עלטערן זענען צופרידן וויאזוי עס איז, און אמווייניגסטעס פארלאנגן נישט רוב עלטערן עפעס דראסטישע פארבעסערונגען. בכלליות, זענען רוב עלטערן, צום באדויערן, נישט צופיל פאראינטערעסירט אין די חול לימודים פון זייערע קינדער (אינגלעך בעיקר).

וואלטן ווען עלטערן פארלאנגט מער פון די מוסדות, גלייב איך אז די מוסדות וואלטן זיך היפש מער צוגעשטעלט און אנגעשטרענגט ארויפצוברענגן די סעקולערע לימודים אויף א העכערע ניווא.

אוודאי ווענד זיך עס אין די ספעציפישע מוסד/קהילה/שטאט. סאטמאר קרית יואל איז גאר אנדערש פון סאטמאר ב"פ. אבער על פי רוב, קימערן זיך היפש ווייניג עלטערן מיט לימודי חול. און איך רעד נישט נאר פון ענגליש, נאר פון אלעס א חוץ לימודי קודש.

בכלל איז יעדער מודה אז אמאל פלעגט זיין בעסער אין דעם הינזיכט, נאר עס איז געווארן פארנאכלעסיגט מיט די יארן. פארוואס ווייס איך נישט. קען זיין צוליב דרוק פון די קאמאן קאר קעגנער, קען זיין אנדערע סיבות. עס האט מסתמא אויך צוטוהן מיט דעם וואס אמאל פלעגט מען פארלאנגען און ערווארטן מער פון קינדער. היינט נוצט מען מער אן איידעלע, זיידענע צוגאנג אין חינוך בכלליות.

לאמיר נעמען פעטש און פיזישע שטראפן צום ביישפיל, וואס איז היפש ווייניגער געווארן אין די לעצטערע יארן. לענ"ד ווייזט די טויש אויף ביידע נקודות, סיי אז מען איז ווייכער געווארן אין חינוך און מען פארלאנגט נישט אזויפיל פון קינדער. מען נוצט פיל מער די ימין מקרבת און אויך ווייניגער די שמאל דוחה ווי אמאל. ווי אויך ווייזט עס אז סוף סוף, דאס וואס די עלטערן ווילן פאסירט. די פאזיטיווע טויש האט נישט פאסירט פון זיך אליינס.

עלטערן האבן פארלאנגט אקאונטעביליטי פון די מנהלים/מלמדים און נישט צוגעלאזט א הפקר וועלט. ווען עלטערן זאלן ווען אויך פארלאנגן מער לגבי ענגליש, וואלט עס לכאורה אויך צושטאנד געקומען.

ראי' לדברי, אז די שוואכע מצב איז נישט דווקא אידיאלאגיש, בשיטה קעגן ענגליש מטעם די מוסדות. נעמט צום ביישפיל, אידיש שיין שרייבן, וואס איז געפערליך. ליינענדיג דא אדער אויף אייוועלט, קען מען זיך באגעגענען מיט הונדערטער וואס קענען נישט ספעלן אויף אידיש, פשוטע ווערטער. פרעג נאר אונזער בעל עגלה. גראמאטיק איז מן דכר שמי'.

די זעלבע איז מיט אידישע היסטאריע וואס איז גאר שוואך. רוב מנין און בנין קען נישט די קורות הדורות. אזוי איז אויך מיט אלע 'זייטיגע' נושאים. דאס אלעס איז דאך אוודאי נישט צוליב אן אידילאגישע קעגנערשאפט צו די לימודים. עס איז א פארנאכלעסונג מער ווי סיי וואס.

מען זאל מיר נישט שלעכט פארשטיין. איך זאג נישט אז די מוסדות זענען אומשולדיג. זייער פליכט און שליחות איז חינוך, און זיי טארן נישט זיין פאסיוו צו די בראך אין אונזערע קינדער'ס שוואכע ערציאונג. ווען וועלט איז וועלט וואלטן זיי דאס נישט צוגעלאזט אפגעזען וואס עלטערן פארלאנגן. ווען עס קומט צו תקנות און חרמות ווארטן זיי נישט אז עלטערן זאלן פארלאנגן. אבער אז עלטערן זענען אויך פאסיוו און איגנארירן די נושא זענען דאס די פירות.

רעגירונג גיידליינס

אז מען רעדט שוין, לאמיר אריינווארפן אויפן שפיץ גאפל מיין בליק אויף די רעגירונג גיידליינס.

הגם, ווי געשריבן פריער, בין איך שטארק אין שטיצע פון טוישן און פארבעסערן די קוואליטעט פון ענגלישע לימודים. בין איך אבער אויסטערליש דערקעגן אז די רעגירונג זאל איינטיילן און אינפארסירן וואס מיר מוז לערנען אין אונזערע חדרים.

איינס, ווייל אין פרינציפ געטרוי איך זיי נישט, און וויל נישט זיי זאלן האבן די מאכט מיר איינצוטיילן וויאזוי צו מחנך זיין מיינע קינדער. היינט בין איך טאקע מסכים מיט זייערע פארלאנגן אבער מארגן, קען זיין אז נישט.

צוויי, ווייל אין פראקטיק גייט זיך עס נישט אויסארבעטן. מענטשן בטבע גלייכן נישט מען זאל זיי איינטיילן וואס צו טון און וויאזוי צו לעבן. וועמען פאפן מיר אז די רעגירונג פארלאנגן גייט האבן אן ערנסטע השפעה. די בעסטע שאנסן אויסצופירן סיי וואס, איז ווען מען איז איינעם משכנע און מען איבערצייגט יענעם צו מסכים זיין צו דיר. סמארטפאון יוכיח. האבן די מוסדות מצליח געווען מיט זייערע גיידליינס? עס איז שווער צו זען אז דא זאל זיין אנדערש, ספעציעל אז עס איז א קריג פון "אונז" קעגן "זיי".

צום שלוס, איך האף אוודאי אז די נושא וועט ברענגען אן ערוועקונג און פארבעסערונג אין די לימודי חול פון אונזערע קינדער. נישט נאר ענגליש לימודים, נאר אלע זייטיגע נושאים הצריכים תיקון.

הגם, איך האב שטארק מורא אז די רעגירונג גיידליינס און נאכמער די ני"ט ארטיקל, וועט האבן די פארקערטע תוצאה, צו בויען און פארשטערקערן די קעגנערשאפט ביי אונזער ציבור, און אפשלאגן די וואס וועלן יא פרובירן צו פארבעסערן די לימודי חול. אין מיינע אויגן האט יאפפעד מיט די ני"ט מיר מער שאדן געטון ווי אויפגעטון צו ערייכן א בעסערע חינוך פאר מיינע קינדער.

(אייגנטליך, דאס ברענגט נאכמער ארויס פארוואס א פרעמדער האט זיך נישט וואס אריינצומישן אין מיינע געשעפטן. אפגעזען ווי שטארק יענער וויל באמת העלפן, קען א ווילד פרעמדער נישט זיין אין מיינע שיך און פארשטיין מיין מצב.)

על זה דוה לבנו.

********
בעצם האב איך נישט געהאט אין געדאנק צו שרייבן עפעס ספעציעל פאר מיין טויזענט'סטע תגובה. נאר היות איך האב שוין לאנג געוואלט שרייבן וועגן די סעקולערע לימודים אין אונזערע חדרים. האבן די אלע רעאקציעס צו די NYT ארטיקל מיר געגעבן א שטופ צו למעשה שרייבן אן אפהאנדלונג פון מיין קוק-ווינקל.
החוקר
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1024
זיך רעגיסטרירט: זונטאג סעפטעמבער 25, 2016 2:53 pm
האט שוין געלייקט: 671 מאל
האט שוין באקומען לייקס: 852 מאל

הודעהדורך נוח » מיטוואך סעפטעמבער 21, 2022 7:48 pm

גאר גוטע נקודות און שיין געשריבן. כ'האף שפעטער צו מגיב זיין באריכות.
יש מרבותינו דורשים אותו לשבח (רש"י)
באניצער אוואטאר
נוח
שריפטשטעלער
שריפטשטעלער
 
הודעות: 146
זיך רעגיסטרירט: דינסטאג נאוועמבער 02, 2021 5:09 pm
האט שוין געלייקט: 245 מאל
האט שוין באקומען לייקס: 518 מאל

הודעהדורך berlbalaguleh » מיטוואך סעפטעמבער 21, 2022 7:52 pm

החוקר: איך בין מסכים מיט די מערסטע נקודות וואס דו ברענגסט ארויס. נאר לפענ"ד האט די פארנאכלעסיגקייט און דער איצטיגער מצב פון לימודי חול אין די חסיד'ישע ישיבות און ת"ת דייקא יא צו טון מיט א געוויסן עלעמענט פון אכשר דרא. אדער פאלשע אידישקייט. ליידער זענען דא ביי אונזערע קרייזן געוויסע מענטשן וועלכע האלטן מכח כמה סיבות שונות אז ס'איז בעסער (פאר וועם?!) אז די קינדער וועללן לערנען וואס ווייניגער וועלטליכע לימודים און וויסן וואס ווייניגער. דאס נעמט אריין ענגליש שרייבן און ליינען. מאטעמאטיק. היסטאריע. אויך אידישע היסטאריע. סאציאלע שטודיעס געאגראפיע וכו'.

די מנהלי המוסדות וועלכע וואלטן עווענטועל געארבעט צו פארבעסערן דעם מצב האבן מורא ארויסצוזאגן זייער מיינונג ווייל מ'וועט זיי פארשרייען אלס נישט ערליך אדער כופרים.
באניצער אוואטאר
berlbalaguleh
שריפטשטעלער
שריפטשטעלער
 
הודעות: 17515
זיך רעגיסטרירט: דינסטאג יולי 17, 2012 11:57 am
האט שוין געלייקט: 21371 מאל
האט שוין באקומען לייקס: 12447 מאל

הודעהדורך מי אני » מיטוואך סעפטעמבער 21, 2022 7:53 pm

גוטע נקודות און גוט ארויסגעברענגט!
החוקר האט געשריבן:בעצם האב איך נישט געהאט אין געדאנק צו שרייבן עפעס ספעציעל פאר מיין טויזענט'סטע תגובה. נאר היות איך האב שוין לאנג געוואלט שרייבן וועגן די סעקולערע לימודים אין אונזערע חדרים. האבן די אלע רעאקציעס צו די NYT ארטיקל מיר געגעבן א שטופ צו למעשה שרייבן אן אפהאנדלונג פון מיין קוק-ווינקל.

"אלף" קען מיינען לשון לימוד (איוב לג לג) וַאֲאַלֶּפְךָ חָכְמָה. און מ'טרעפט דאך די לשון ביי "נערים" (ירמיה ג ד) אַלּוּף נְעֻרַי אָתָּה.
"איך בין אפילו נישט זיכער אז איך עקזיסטיר, ווי אזוי קען איך זיין זיכער אז...?" - יאיר
"אלס וואס איך ווייס איז אז איך ווייס גארנישט (אחוץ דעם עצם פאקט)" - סקראטוס
און אפילו אין דעם בין איך אויך נישט זיכער
באניצער אוואטאר
מי אני
שריפטשטעלער
שריפטשטעלער
 
הודעות: 4008
זיך רעגיסטרירט: פרייטאג אקטאבער 05, 2018 3:32 pm
האט שוין געלייקט: 11613 מאל
האט שוין באקומען לייקס: 3746 מאל

Re: חינוך: פארוואס טאקע איז ענגליש אזוי אין דר'ערד?

הודעהדורך החוקר » מיטוואך סעפטעמבער 21, 2022 8:11 pm

berlbalaguleh האט געשריבן:החוקר: איך בין מסכים מיט די מערסטע נקודות וואס דו ברענגסט ארויס. נאר לפענ"ד האט די פארנאכלעסיגקייט און דער איצטיגער מצב פון לימודי חול אין די חסיד'ישע ישיבות און ת"ת דייקא יא צו טון מיט א געוויסן עלעמענט פון אכשר דרא. אדער פאלשע אידישקייט.


בערל, איך האב דאך דאס דערמאנט...
החוקר האט געשריבן:בכלל איז יעדער מודה אז אמאל פלעגט זיין בעסער אין דעם הינזיכט, נאר עס איז געווארן פארנאכלעסיגט מיט די יארן. פארוואס ווייס איך נישט. קען זיין צוליב דרוק פון די קאמאן קאר קעגנער, קען זיין אנדערע סיבות.
החוקר
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1024
זיך רעגיסטרירט: זונטאג סעפטעמבער 25, 2016 2:53 pm
האט שוין געלייקט: 671 מאל
האט שוין באקומען לייקס: 852 מאל

Re: חינוך: פארוואס טאקע איז ענגליש אזוי אין דר'ערד?

הודעהדורך החוקר » מיטוואך סעפטעמבער 21, 2022 8:32 pm

מי אני האט געשריבן:"אלף" קען מיינען לשון לימוד (איוב לג לג) וַאֲאַלֶּפְךָ חָכְמָה. און מ'טרעפט דאך די לשון ביי "נערים" (ירמיה ג ד) אַלּוּף נְעֻרַי אָתָּה.

@מי אני דיינע בליציגע רעיונות און מליצות איז אחד מני "אלף".
החוקר
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1024
זיך רעגיסטרירט: זונטאג סעפטעמבער 25, 2016 2:53 pm
האט שוין געלייקט: 671 מאל
האט שוין באקומען לייקס: 852 מאל

הודעהדורך חדשים » מיטוואך סעפטעמבער 21, 2022 8:37 pm

החוקר האט געשריבן:
מי אני האט געשריבן:"אלף" קען מיינען לשון לימוד (איוב לג לג) וַאֲאַלֶּפְךָ חָכְמָה. און מ'טרעפט דאך די לשון ביי "נערים" (ירמיה ג ד) אַלּוּף נְעֻרַי אָתָּה.

@מי אני דיינע בליציגע רעיונות און מליצות איז אחד מני "אלף".

מ”י אנ”י איז בגימטריא אל”ף
חדשים
ידיד השטיבל
ידיד השטיבל
 
הודעות: 205
זיך רעגיסטרירט: זונטאג מאי 29, 2022 9:46 pm
האט שוין געלייקט: 264 מאל
האט שוין באקומען לייקס: 314 מאל


גיי צוריק געזעלשאפט

ווער איז יעצט דא?

באניצער וואס לייענען דעם פארום: נישטא קיין אנליין באניצער און 2 געסט